رواية صراع القاسم الفصل الثالث والثلاثون بقلم سلوى عوض حصريه في مدونة قصر الروايات
رواية صراع القاسم الفصل الثالث والثلاثون بقلم سلوى عوض حصريه في مدونة قصر الروايات
#سلوي_عوض
#صراع_القاسم
بارت 33
شريف: ربنا ميحرمناش منك ابدا يا اخوي.
قاسم: طاب ياله همو عشان تاجو ف النواره.
شريف: والله يا اخوي ده انا نفسي الأرض تتشج وتبلعني من الهم اللي انا فيه.
قاسم: بعد الشر متجولش كده، الراجل الصح يدور علي حجه ويجيبه، وسيها علي الله ثم عليا. بس جوللي انتو معاكم تلافون الناس دول؟
شريف: اه، مع اشرف وش البلاوي والهم.
قاسم: ولا هم ولا حاجه، خلصو بس وتعالو وانا عارف انا هعمل ايه.
شريف: حاضر يا كبير.
ليغلق شريف الهاتف مع قاسم.
شريف: ياله بينا خلونا نروحو لجاسم اخونا اللي بجد، مش اشرف افندي اللي خربها علينا.
شرف: ياله يا اخوي.
اما قاسم فها هو يتصل علي حمزه.
قاسم: فينك يا حمزه؟
حمزه: انا ف القسم.
قاسم: طاب انا عايزك ضروري.
حمزه: خير، نواره فيها حاجه؟
قاسم: له، ده موضوع تاني خالص.
حمزه: طاب طمني.
ليقص عليه قاسم كل ما سمعه من شريف أخيه.
حمزه: حلو اوي، يعني كده عصابه مرزوق وسماسم قربو يقعو.
قاسم: انته تعرفهم؟
حمزه: اه طبعا، دول مسجلين نصب، وعندي صورهم كمان.
قاسم: زين جوي، طاب تاجيني ولا اجيك انا الجسم؟
حمزه: لاء، تعالي انته احسن عشان نتكلم براحتنا.
قاسم: جاييك اهو علي طول.
اما اخوات قاسم فها هم قد وصلو الي منزل عبدالسميع.
عفاف: يعني معوجتوش؟
اشرف: له، أصل احنا عاملين لكم مفاجأة.
عفاف: خير، مفاجأة ايه؟
اشرف: اصلي اشتريت فيلا عشان نعيشو فيها.
عفاف: بيلا مره واحده؟
اشرف: امال ايه، بس هنجيبو جاسم يعيش معانا، أصله غلبان يا عيني ملاجيش مكان يجعد فيه.
عفاف: خلاص، يجعد ويخدم علينا، ده انا هطلع عينه.
اشرف: خلاص، نشغلوه بلجمته.
شريف (بغضب): مكفاياك بجا انته، ايه يا اخي، معندكش ريحه الدم؟ منك لله، خربت بيوتنا وخليتنا علي الحديده، وجاسم كتر خيره هيجعدنا ف البيلا بتاعته وشفجان علينا، وعايز تشغله خدام بلجمته! روح ياشيخ، ربنا ينتجم منيك.
احلام: انا مش فاهمه حاجه.
شريف: البيه ودانا لجماعه مصابين نصبو علينا وجلشونا.
عفاف: كيف يعني؟ اشرف مش انسحبت من لسانك جولهم بجا!
شريف: هجول مجولش ليه؟
ليقص عليهم شريف كل ما حدث.
عفاف: يا نهار اسود! انتو مشيتو ف البطال!
احلام: له، وايه؟ كانو عايزين يرافجو حريم، استغفر الله العظيم.
هدي: يعني ضيعتونا وضيعتو عيالكم.
اشرف (لشريف): عاجبك انته كده؟
شريف: غلطنا وربنا بيسامح.
عفاف: يعني عبدالسميع يطلع بيدور علي اثار ف البيت والحكومه تعرف وتجبض عليه وياخدو البيت، وانتو ضيعتو كل حاجه!
شريف: وكمان مرضيناش نروحو نحضر دفنه أمنا وهملناها ميته لما ريحتها تطلع، ده اللي جرالنا ده أجل عجاب من ربنا.
عفاف (باكيه): كلامك صح، انا كمان شريكه معاكم، عشان لما طلعت انادم علي امكم لجيتها ميته، وكدبت عليكم وجولت لكم انها مش ف البيت.
احلام: وكمان عفاف هيا اللي خلتنا نضرب نواره وحماتي من غير ما يعملولنا حاجه، وده عجاب ربنا لينا كلنا.
شريف: عارفين نواره اختي اللي ضربتوها ديه هتتجوز مين؟
هدي: مين يعني؟
شريف: حضره الظابط حمزه، ظابط المركز.
عفاف: الله الله، اهي طبلت علينا من كل ناحيه! بكره تطلع كل اللي عملناه فيها علي عيونا.
شرف: استهدو بالله بجا، وعفا الله عما سلف. وانته يا اشرف، لو متعدلتش يبجا تفارجنا ونفارجك، احنا هنعيشو بما يرضي الله، واللي عاجبها منيكم تعيش مع جوزها اهلا وسهلا، غير كده اللي عايزه تمشي محدش فينا هيمسك فيها.
احلام: انا موافجه، اعيش معاكم علي المره جبل الحلوه.
هدي: وانا كمان.
عفاف: وانا معاكم وخلاص توبت الي الله.
شرف: وانته ياسي اشرف، جولك ايه؟
اشرف: خلاص، انا اتربيت واتاءدبت وتوبت الي الله، وندمت علي ما فعلت.
شريف: خلاص، لمو حاجتنا عشان نمشو من هنا، واحنا هنشتغلو مع جاسم، واللي يجسم بيه ربنا هنعيشو بيه. جولتو ايه؟
الجميع: امين، موافجين.
اما قاسم فكان يجلس مع حمزه.
حمزه: هيا ديه صورهم، ومرزوق ده مش اخوها، ده جوزها، وبيختارو ضحاياهم اللي يعني بيكونو مغفلين، وفي كذا بلاغ متقدم فيهم.
قاسم: انا بجا بفضل الله هوجعهم.
حمزه: اتمني ذلك، بس ازاي؟
قاسم: عن طريج الفيس بوك.
حمزه: له والله دماغك شغاله يا نسيبي.
قاسم: انا هتكلم مع اشرف اخوي، واخد رجم سماسم ديه، ويااما اكلمها علي الواتس أو الفيس.
حمزه: خليك علي الواتساب.
قاسم: تمام، هبعت رساله كأنها مبعوته بالغلط وابدء شغلي.
ليضحك حمزه: ديه لو دهب عرفت هتعمل منك بطاطس محمره.
قاسم: وانا هعرفها عشان متعرفش من برا وتزعل مني. اصبر انا هتصل علي اشرف.
ليتصل قاسم علي اشرف اخيه.
اشرف: ده جاسم بيرن عليا، أن خجلان منيه. خد ياشرف رد عليه.
شرف: يا مرحب يا كبير.
قاسم: فين اشرف؟
شرف: مكسوف منيك جوي ومش جادر يكلمك.
قاسم: طاب هات تلافون سماسم.
شرف: معاك تلافون اللي اسميها سماسم ديه؟
اشرف: اه، خدته من مرزوج.
شرف: تعالي طلعه عشان اخوك عايزه، وبيجولك أنه مش زعلان منيك.
اشرف: دور ف سجل التلافون، هتلجاه عندك مسجله باسم سماسم مرزوج.
شرف: اهو لجيته.
ليملي شرف الرقم علي قاسم.
قاسم: زين جوي كده. فينكم انتو؟
شرف: ساعتين كده ونوصلو عنديك.
قاسم: بيتكم ومطرحكم، اجفل بجا خليني اشوف شغلي.
ليغلق قاسم الهاتف مع شرف ليسجل الرقم.
قاسم: حلو جوي، عليه واتس وفيس كمان.
حمزه: شوف شغلك بقا، ديه فيها ترفيه لاخوك.
قاسم: انته مش لسه مترجي؟
حمزه: الله اكبر، ما كله لاختك.
قاسم: يا ابوي، اتعلمت التناحه والرخامه من اخوك.
حمزه: والله صعبان عليا.
قاسم: وانا مصعبانش عليك اللي عيشت طول بصارع الهم؟
ليضحك حمزه.
حمزه: خلاص، لما تتجوز دهب، خلفو بنت وسموها صراع القاسم.
قاسم: مش بجولك اخوك بهت عليك.
وهنا يتصل حازم علي قاسم.
قاسم: اهو جيبنا سيره الجط، اخوك البارد بيتصل، والله لاحرج دمه.
ليرد قاسم علي حازم.
قاسم: خير يا حازم، عايز ايه؟
حازم: عايز اتجوز فاتن.
قاسم: مخلاص بجا، جاها عريس ملو هدومه، وانا وافجت عليه وهيا كمان موافجه.
حازم: قسما بالله اولع فيه وفيها وف خالي عصام كمان.
قاسم: مجنون انته! اياك بجولك، انا كبيرها وموافج، وهيا صاحبت الشاءن وموافجه، والعريس جاي بكره عشان يشبكها.
ليجري حازم علي فاتن.
حازم: انتي ياست فاتن، يا عروسه، اخوكي علي التليفون وبيقول أن في عريس اتقدملك وانك موافقه.
فاتن: اه، اخوي كلمني وأنا موافجه. مالك انته؟ اما عجايب يا اولاد!
حازم: بس انا بحبك.
فاتن: وانا مبحبكش، علي اخر الزمن اتجوز واحد هايف؟
حازم: خلاص يا بنت الناس، الف مبروك، وانا هسيبلكم البلد واسافر. اه، ومبروك يا عروسه.
ليغلق حازم الهاتف ويترك فاتن ويخرج من الفيلا.
لتتصل فاتن بقاسم.
فاتن: حرام عليك يا اخوي، احنا كده كسرنا جلبه، وانا الصراحه بحبه.
قاسم: انا بربيه بس عشان يعجل.وبعدين هجوزهولك متخافيش، اه صح خواتك جايين هما وعيالهم، عايزك انتي ونواره تجابلوهم مجابله زينه، وهيجعدو ف الفيلا الجديده.
فاتن: علي راسي يا اخوي.
قاسم: فين دهب؟
فاتن: دهب فوج.
قاسم: طاب طلعيلها التلافون عشان عايزها.
فاتن: حاضر.
لتصعد فاتن الي غرفه دهب.
فاتن: خدي كلمي، جاسم عايزك ضروري.
دهب: ماشي هاتي.
خير يا جاسم مكلمتنيش علي تلافوني ليه؟
قاسم: اصلي كنت بكلم فاتن ومافيش وجت، اسمعي الحديت زين.
دهب: سامعه اهه.
ليقص عليها قاسم كل شيء.
دهب: وانا واثجه فيك، وربنا يكرمك ويوفجك، اما خواتك فهما علي راسي ومش زعلانه عشان هيجعدو ف البيلا، ينورو الدنيا بيتهم ومطرحهم.
قاسم: اصيله والله يادهب.
دهب: أنته كبير يا جاسم، كبير بافعالك، أن مكتش توجف جار خواتك مين اللي هيوجف جارهم.
قاسم: يعني شايفاني كبير يا دهب؟
حمزه انته يا عم روميو في حاجه مهمه نسيت اقولهالك.
قاسم: استني يا دهب اما اشوف واد خالك الرخم عايز ايه.
حمزه: ده انته خدت عليا اوي.
قاسم: متخلنيش أجلب عليك زي اخوك وابوظ جوازتك من اختي.
حمزه: خلاص يا كبير، بقولك ايه، الماءمور كلمني عشان منصب العمده فاضي، وانا رشحتك ليه، وهو وافق بعد ما خالي عصام أكد علي كلامي وقاله انك أحق واحد بالعموديه.
قاسم: بس اصل انا دهب علي التليفون.
وافج يا جاسم، وافج.
قاسم: خلاص موافج.
حمزه: اه، خدت الأوامر من دهب.
قاسم: الله يعين اخواني البنات هيتجوزو مجانين.
دهب: اه صح، ده حازم مش باين.
قاسم: اسمعي، عايزك تجعدي معاه وتفهميه أن لازم يركز ويعجل عشان اجوزه فاتن، واجعدي مع فاتن وهيا هتفهمك اللي حصل.
دهب: حاضر، خلي بالك من نفسك عشان خاطري.
قاسم: بحبك.
دهب: وانا كمان.
حمزه: جرايه ياعم قاسم، اقفل معاها ولا عايزني احبسك.
قاسم: سلام يا جلبي.
دهب: سلام يا عجلي وروحي.
ليغلق قاسم الهاتف مع دهب.
حمزه: كت بتجول ايه انته؟
قاسم: انا ولا حاجه.
حمزه: اه بحسب.
قاسم: طاب خلص كلم البت.
قاسم: بت مين؟
حمزه: يا ربي سماسم يا اخويا، هيا دهب نسيتك نفسك ولا ايه؟
قاسم: خلاص خلاص هبعتلها رساله.
ليبعت قاسم رساله الي سماسم، لتراها سماسم لتتحدث مع مرزوج الحج.
سماسم: الرسالة ديه جاتني مرزوق.
مرزوق: مين ده؟
سماسم: معرفش.
مرزوق: طاب جاريه سماسم، بس ده باعت بيجول: "متزعليش مني يا نوسه انا اسف وهجيبلك طجم الدهب اللي انتي عايزاه، معلش اتاءخرت عليكي اصل التلافون بتاعي خرب خالص، ولولا أني حافظ رجمك مكتش هعرف اوصلك، ما انتي مرضياش تعرفيني حاجه عنك."
سماسم: شوف كده يا مرزوق.
مرزوق: حاولي تفهمي منه هو شاف نوسه ديه ولا لاء.
ليرسل قاسم رساله اخري: "مش كفايه لغيت دلوك مشفتكيش، وكله كلامنا رسايل، حتي صوتك مسمعتهوش."
سماسم: ده مشفهاش ولا حتي سمع صوتها.
مرزوق: عسل اوي كده، ابعتي قوليله خلاص هقابلك النهارده، بس هات الطقم الدهب معاك.
لترسل له سماسم ما قاله مرزوق لها.
ليرد قاسم: فرحتي جلبي، طجم دهب وكمان عجد الماظ عليه، بس هنتجابلو فين؟
سماسم: تعالي البيت عندي، هبعتلك العنوان ف رساله، ومتجلجش انا قاعده لوحدي.
قاسم: اجيكي ميته.
سماسم: بعد ساعه يناسبك؟
قاسم: يناسبني جوي جوي، ابعتي العنوان.
لترسل له سماسم العنوان.
مرزوق: اول ما يوصل هنا وتاخدي منه الدهب انا هدخل عليكم كاءني اخوكي واعمل اللازم.
سماسم: وبعد كده نتجوز رسمي، بقالنا خمس سنين متجوزين عرفي، والواد والبت ملهمش شهادات ميلاد.
مرزوق (بتاءفف): ماشي ياستي، بس بعد ما ابيع الأرض اللي خدناها من اشرف وأخواته، ما انتي عارفه ان التاجر خلف ميعاده ومجاش، اشوفلها مشتري واخلص ونكتب علي طول.
سماسم (بفرحه): متحرمش منك يا راجلي.
قاسم: الحج ديه شبكت وهتبعت العنوان.
حمزه: رزقك ف رجليك يا حضره العمده، انا هجهز الدنيا عشان نقبض عليهم متلبسين، وبالمره ابلغ دهب واقولها قاسم كان بيحب ف البت الهاهاء.
قاسم: بالله عليك ديه ألفاظ ظابط؟
حمزه: من معلش بقا القافيه تحكم.
قاسم: اهي بعتت العنوان.
حمزه: طاب استناني اجمع القوه، وبعد ما انته تدخل البيت هنظبكم متلبسين.
قاسم: مين اللي متلبس؟ انا هتكلم مع عصام باشا بلا لعب عيال.
ليتصل قاسم بعصام ليقص عليه كل شيء.
عصام (بفرحه): انته عارف انك هتخدمني خدمه كبيره اوي، اصل العصابه ديه نصبت علي واحد ابن راجل اعمال كبير اوي، والدنيا مقلوبه عليهم، وطبعا غيرو ارقام تليفوناتهم.
قاسم: الحمدلله لله انهم مغيروش التلافون اللي كانو بيكلمو اشرف اخوي عليه.
عصام: ديه غلطه كبيره منهم، وقعتهم ف شر أعمالهم، واكيد يعني قالو أن اشرف هيخاف يبلغ عنهم.
قاسم: ده حظي الحلو.
عصام: مش عايز غلطه يا قاسم.
قاسم: والله مع حمزه ممكن يبجا فيه غلطات.
عصام: لاء، حمزه ظابط كفؤ.
قاسم: ما انا عارف بس بحب اضايجه.
اه صح، وكمان عملت اللي اتفجنا عليه مع حازم، وجال أنه هيسافر ويسبب البلد.
عصام: هشوف انا الدنيا، بس خلصو انتو المهمه ديه.
قاسم: ده انا نفسي غليلي منيهم.
عصام: اوعا تعمل اي حاجه فاهمني يا قاسم.
قاسم: له طبعًا، كيف هبجا عمده البلد وراجل جانون واعمل حاجه عفشه.
عصام: هو لحق بلغك؟
قاسم: بيمسحلي جوخ عشان اجوزه اختي.
ليضحك عصام: خلاص بقا خليها عليك.
قاسم: والله انا لي الشرف والحظ أن حضرتك واجف جاري.
عصام: انته راجل وتستاهل كل خير، ياله بقا عشان اروح اشوف المجنون حازم.
قاسم: ربنا يعينك عليه.
عصام: ربنا يهديه.
ليغلق عصام الهاتف مع قاسم.
عصام: دهب مشوفتيش حمزه؟
دهب: طلع فوج وشكله حزين جوي.
ليجدو ناديه تنزل من علي الدرج وهيا تبكي.
ناديه: الحقني يا عصام، حازم عايز يسيب البلد ويهاجر، مش عارفه ماله.
عصام: تعالي معايا يادهب نشوف ماله.
دهب: حاضر.
ليصعد عصام ومعه دهب ليدخلو غرفه حازم.
عصام: ايه الكلام اللي انا سمعته ده، صحيح هتسيب البلد وتهاجر؟
حازم (بحزن): اه، هسافر ومش راجع تاني.
عصام: ده ليه يعني؟
ليبكي حازم: خلاص معادش ليا حد هنا، فاتن هتتجوز واحد غيري وانا بحبها، واكيد هعيش ف الفيلا بتاعت اخوها، وانا مش هقدر امنع نفسي ومبصلهاش، وده يبقا حرام، فاءحسن حاجه اني امشي خالص، وهيا ربنا يوفقها ويكتبلها السعاده.
لتدخل فاتن عليهم.
فاتن: حرام عليكم بجا، اسمع يا حازم، مافيش عريس تاني ولا حاجه، ده عمي عصام وأخوي جاسم اتفجو معايا عليك عشان تتربي وتبطل هزارك البايخ وتعجل.
حازم: بتقوللي ايه؟
فاتن: اه والله زي مبجولك كده.
حازم: ليه كده؟ ليه تعملو فيا كده؟ هونت عليك يا خالي، وانتي يا فاتن هان عليكي؟
حازم: علي العموم انا برده هسيب البلد واسافر، مش عايز اعيش مع ناس بيعملو مؤمرات عليا.
فاتن (ببكاء): له، حن عليك، خليك جاري، انا اسفه.
عصام: مخلاص بقا ياولد.
حازم: لاء يا خالي، انا هسافر، ومش مسامحكم كلكم، عن اذنكم.
ليتركهم ويغادر الفيلا ويخرج ليركب سيارته.
حازم: طيب يا فاتن، أن ماربيتك وجننتك.
اما قاسم فكان قد ذهب إلي منزل سماسم.
سماسم: ايه القمر ده.
قاسم: ده انتي اللي جمرين.
سماسم: تعالي اقعد علي ما اجيبلك عصير.
قاسم: له، تعالي اجعدي جاري وخدي الهديه بتاعتك.
ليخرج قاسم طقم دهب ومعه خاتم الماظ.
سماسم: يا حبيبي.
ليدخل مرزوق عليهم ومعه أفراد العصابة.
مرزوق: مين ده يا فاجره، جايبه راجل غريب واخوكي مش موجود؟ طلع كل اللي معاك وخد امضيلي الايصالات ديه، والا أخلي ولاد عمها دول كلهم يعملو معاك الواجب.
وبما أن قاسم كاه فاتح الخط بينه وبين حمزه، ليدخل حمزه ومعه قوه كبيره من رجال الشرطة.
حمزه: والله ووقعتو، وميقعش الا الشاطر، خدوهم من قدامي.
قاسم: ثواني يا حضرة الظابط، فين يابت انتي وهو فلوس اخواتي اشرف وشريف وشرف؟
سماسم (بخوف): الشنطه زي ما هيا ف الدولاب، ومعاها عقود الأراضي كمان.
قاسم: شاطره جريتي من جبل ما حد يمسك.
سماسم: خدو حاجتكم وسيبوني.
ليضحك حمزه: يابت ده انتي ليكي دوسيه كامل عندنا.
سماسم (ببكاء): منك لله يا مرزوق ضيعتني، مين هيربيلي عيالي، منك لله، انا يا بيه كنت بعمل كده عشان يرضى يتجوزني رسمي، اصل احنا كاتبين ورقتين عرفي ومخلفين واد وبت كبار ومالهمش شهادات ميلاد.
حمزه: انتي هتحيكلي قصه حياتك؟ ياله يا حلوه.
مرزوق: بقا كده، انا اقع بالسهوله ديه؟ الله يخربيتك انتي السبب.
حمزه: ابقو اتعاتبو بعدين ف السجن يا حلو منك ليها.
اما اخوات قاسم ها هم قد وصلو الي الفيلا، ليجدو نواره ودهب في انتظارهم.
اشرف: حجك عليا يا اختي.
نواره: خلاص بجا، اللي راح راح، سلم علي دهب عروسه الكبير.
اشرف: اذيك يا دهب؟
دهب: الحمدلله، ربنا ظهر الحج وطلعتي بت سياده اللوا يا دهب هانم.
دهب: له انا دهب بس، وانتو كلكم اخواتي.
شريف: امال فاتن خيتي فين؟
دهب: هروح انادم عليها عشان تاجي تجعد معاكم.
عفاف: مسامحاني يا نواره؟
نواره: انتي خواتي، وربنا يسامحنا كلنا.
لتقبلهم وتقبل أطفالهم.
نواره: ده زياد وأخواته هيفرحو جوي بجيتكم ديه.
عفاف: بس انا كت بعاملهم عفش.
نواره: مجولنا خلاص بجا.
ليتصل قاسم بشريف.
شريف: جاسم بيتصل، تلجاه بيطمن علينا ويعرف جينا ولا له.
ايوه يا اخوي، احنا وصلنا كلنا.
قاسم: عندي ليك خبر زين جوي، العصابه اتجبض عليها، وفلوسكم واراجكم كلها معايا، يعني كل حاجه رجعتلكم عشان تاخدو بالكم من مالكم وارضكم.
شريف: الله يخليك لينا يا كبير، بس بعد اذنك، كل حاجه هتبجا معاك، وابجا ادينا مصروفنا زي زمان، بس ابجا بحبحها عليناشويه.
ياشرف يا اشرف، جاسم رجعلنا حاجتنا كلها.
شرف وأشرف: زي ما جولت يا شريف، جاسم هيرجع يمسك كل حاجه زي زمان، ويدينا مصاريفنا.
شريف: سمعت يا اخوي؟
قاسم: وفي خبر تاني.
شريف: خير يا وش الخير؟
قاسم: انا بجيت عمده البلد.
شريف (بفرحه كبيره): اخوي جاسم بجا عمده البلد؟ والله تستاهلها يا كبيرنا كلنا.
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا