سكريبت كامله روووووعه بقلمى

 سكريبت كامله روووووعه بقلمى 

سكريبت كامله روووووعه بقلمى 

"الحقوووني حد يخرجني من هنا انا عايشة الحقوووني"

كنت ماشي ف طريق المقابر وسمعت الصوت دا بيني وبينكوا   اترعبت اصل ازاي ميت بيتكلم 

لقيت الصوت بيزيد 

"يا نااس والله عايشة انا قلبي هيقف م الخوف طلعوني"

لقيت صوت تخبيط جامد ع باب المقبرة 

لقيت نفسي بردد آيه الكرسي ف سري وانا قلبي هيقف م الخوف بس حاولت اتمالك اعصابي وقربت من المقبرة وابتديت اتكلم بصوت بيرجف م الخوف 

-انتي سمعاني ؟!

ردت بعياط 

- ارجوك طلعني انا عايشة والله 

حاولت اهدى وجريت بسرعه ع حارس المقابر وجبته وجيت 

-يعني اي ي استاذ بتقول ان في حد عايش وهو مدفون

رديت وانا بحاول افهمه الي انا مش مستوعبه لسه اصلا

-والله بتنده من ساعتها ممكن تفتح المقبرة 

رد بقلق 

-افتح ايه ي ابني انت مش شايف سواد الليل

قولت برجاء 

-بالله عليك افتح ونفضل نقرأ قرآن وانا متاكد ان في حد

قربنا م المقبرة واتكلمت بخوف

-انتي سمعاني ؟!

-ايوة طلعني حاسه اني بتخنق م الريحة الي هنا حاسه اني هموت بجد 

حارس المقبرة انتفض م الخوف 

-سلام قول من رب رحيم انتي حقيقيه ي بنتي 

ردت بعياط 

-اه والله ي عمو ارجوك افتح عشان انا بطني وجعتني م الريحة

الحارس طلع المفاتيح بسرعه وفتح وشال الجبس الي ع المقبرة كان لسه منشفش اوي و كنا بنردد آيه الكرسي وأيات قرآنية مختلفة واول م فتحنا لقينا البنت طلعت بسرعه وهي بتعيط كان لبسها مليان تراب وشعرها هي كانت كتلة تراب متحركه 

بصتلها بحزن انا والحارس واتكلمت

-انتي ازاي جيتي هنا 

فضلت تعيط كتير كانت ف سن العشرينات حاولت افكر ف اكتر من سبب يخليها توصل للمكان دا ولكن عقلي مقدرش يستوعب اصلا  

الحارس بصلها بحزن وقال 

-انتي جيتي هنا ازاي بنتي وازاي مشوفتكيش 

ردت بين دموعها 

-مش عارفة والله ي عمو انا فتحت عيني لقيتني ف مكان ضلمه والريحة وحشه اوي قعدت ابص حواليا مشوفتش حاجه م الضلمه فضلت احسس بايدي حواليا لحد م لقيت باب حديد فضلت اخبط عليه محدش سمع ف بحرك رجلي لقيت في حاجه ناشفة عيطت جامد وانا بتحرك ايدي مسكت عضمه 

ف اللحظة دي لقيت البنت انهارت م العياط 

ف اتكلمت بأسى وحزن ع الي هي فيه 

-طب قومي تعالي معايا اوديكي لاهلك 

لقيتها بترد بسرعه ونبرة صوتها بقت اعلى واتعصبت بس ف نفس الوقت الحزن كان ماليها

-لا لا والنبي اوعى توديني ليهم هما هما الي جابوني هنا هما الي جابوني اوعى توديني ليهم بالله عليك 

قلبي وجعني عليها بصيت للحارس واتكلمت 

-طب ي عم سعيد انا هاخدها معايا وابقى خد بالك من المقابر عشان الي بيحصل دا 

رد بحزن ع حالها 

-حاضر ي ابني خلي بالك منها 

هزيت راسي بالموافقة وخدتها معايا كانت ماشيه بتعيط بس بحمد ربنا اننا بالليل والناس مش موجوده ف الشارع خدتها وروحت ع بيتنا 

<<<<<<<<<<<<<<<<<<<<<<<<<<<<

"حوقلوا..."

{ف البيت}

فتحت الباب وندهت ع ماما 

ماما جت وساعه م شافت البنت اتخضت وبصتلي بتساؤل

ف هزيت دماغي بمعنى بعدين وقولت بهدوء 

-خديها ي ماما خليها تاخد شاور واديها حاجه من عندك تلبسها 

لقيت اخويا عمر جاي 

-مين دي ي معاذ 

خدته ودخلنا اوضتي

-دي بنوته تعبانه وملهاش حد ف قولت اجيبها لماما تبقى معاها وكدا عشان متبقاش لوحدها 

رد باستغراب 

- وهو اي حد نلاقيه لوحده ف الشارع نجيبه البيت ولا اي ي معاذ وبعدين احنا شابين ف الشقة 

رديت بقلة حيله 

-لا ي حبيبي هو بس هي ظروفها مختلفة شويتين تلاته بص انا لقيتها ف قبر حد دافنها وهي عايشة اعوذ بالله ف مكنش ينفع اسيبها 

رد بخضه 

-قبر ودافنها وهي عايشة دا اي القلوب دي 

رديت بسرعه 

-اوعى ي عمر تقولها حاجة تجرحها ولا تتكلم ف الموضوع دا معاها ويلا خش ذاكر امتحاناتك لسالها اسبوع ولو احتجت حاجه تعالالي 

هز راسة بالموافقة وسابني ودخل اوضته يذاكر 

البنت كانت بتعيط وماما بتحاول تهديها

-طب انتي اسمك اي ي حبيبتي 

ردت بين شهقاتها 

-جميلة 

سهى مسحت ع وشها بحنان

-جميلة وانتي جميلة ي حبيبتي يلا ادخلي خدي شاور ودي الهدوم الي هتلبسيها ي حبيبتي دي والله كلها حاجات جديدة والتكت بتاعها عليها اهو لانها صغيره عليا وملبستهاش والله ف ادخلي ي حبببتي يلا 

جميلة دخلت الحمام 

سهى راحت لمعاذ 

-قولي بق اي حكايتها شكلها ي حبة عيني متبهدلة ع الاخر دي ولا الي طالعه من قبر 

رديت بحزن 

-م هي دي الحقيقه 

سهى ردت بصدمه وخضه 

-قبر ؟!!

رديت باسف 

-اه والله ي ماما 

وحكيتلها الي حصل والي هي قالته عن اهلها

سهى بصدمه 

-دا اي الاهالي الي قلوبها حجر كدا ازاي جالهم قلب يعملوا كدا ازاي بجد ي حبيبتي ي بنتي دي زمانها كانت بتموت وهي ف القبر 

مردتش ع ماما انا لسه عقلي مش قادر يستوعب الي حصل اصلا حاسس اني اعصابي كلها بايظة بس فضلت هادي عشان افهم منها كل حاجه 

بعد تلت ساعه 

جميلة خرجت م الحمام وكانت سهى مستنياها 

جميلة باحراج ودموع

-انا اسفة ع الازعاج بس انا مليش حد والله واهلي هما الي عملوا فيا كدا ومفيش غير الاستاذ الي انقذني دا وهو الي جابني هنا لو هضايق حضرتك امشي 

سهى حضنتها وجميلة فضلت تعيط

سهى بحنان

-انتي من هنا ورايح بنتي انا ربنا مكرمنيش غير ب عمر ومعاذ مكنتش اعرف انه هيخبيلي بنوته زي القمر زيك كدا متخافيش ي حبيبتي انتي هنا ف امان 

جميلة بدموع 

-انا متشكرة اوي ي طنط متشكرة اوي 

سهى بحب 

-تعالي يلا ي حبيبتي نامي معايا 

جميلة باحراج

-طب وزوج حضرتك هينام فين 

سهى بضحك 

-زوج حضرتي سابلي الولدين المشاغبين الي ف اوضهم دول وسابني وسافر 

جميلة ابتسمت 

ف سهى كملت كلام 

-والله ي جميلة انتي احلى منهم 

جميلة ضحكت وسهى خدتها ودخلوا اوضة النوم ينامو 

ولما معاذ سمع صوتهم وكلامهم اطمن ودخل خد شاور ونام 

وعمر يعيني فضل يذاكر اصله ثانوية عامة ربنا يعافينا 

<<<<<<<<<<<<<<<<<<<<<<<<<<

"لا اله الا انت سبحانك اني كنت من الظالمين"

تاني يوم عمر فطر ونزل راح دروسه ومعاذ صحى الساعه ٨ عشان يروح شغله لقى سهى صاحيه 

سهى بحب 

-صباح الخير ي حبيبي 

رديت بابتسامه بعد م بوست ايديها 

-صباح النور ي ماما الانسه لسه نايمه 

سهى بحزن 

-دي ي حبة عيني قعدت طول الليل تتقلب ولسه واخدها النوم مكملتش ساعتين 

زعلت اوي ع حالها انا لازم اعرف الحكاية بتاعها عشان نشوفلها حل فرديت بهدوء 

-خلاص ي ماما انا هنزل الشغل وانتي خليكي معاها وحاولي تفهمي منها اي الي حصل عشان نشوف هنساعدها ازاي 

وساب سهى ونزل راح شغله (انا مهندس برمجة شغال ف شركة برمجه وعندي ٢٩ سنه )

راح الشركة وهو دماغه مشغوله بجميلة 

فضل ف الشغل لحد العصر 

<<<<<<<<<<<<<<<<<<<<<<<<<<<<<<

"استغفر الله العظيم واتوب اليه"

ع الجانب الاخر 

جميلة صحت الساعه ٣ قبل العصر 

قامت وافتكرت الي حصل دموعها نزلت غصب عنها ولكنها مسحتها وقامت خرجت م الاوضة لقت عمر قاعد ف الصاله

عمر بابتسامه 

-صباح الخير ي جميلة 

جميلة باستغراب 

-عرفت اسمي منين

عمر بتعجب 

-هو انتي اسمك جميلة ؟ دا انا كنت بقولها كدا عادي ما علينا انا اسمي عمر ثانوية عامله بعيد عنك 

جميلة ضحكت 

-ربنا يوفقك 

عمر بسعاده 

-يارب بجد اصلي هموتتت المهم انتي احسن انهاردة ؟

جميلة هزت راسها بأيوة وسابته وراحت الحمام

خرجت لقت سهى بتكلمها

-جميلة حبيبتي يلا تعالي معايا المطبخ افطري فطار بسيط كدا واعملي معايا الغدا لان كلها ساعه او ساعتين بالكتير ومعاذ ييجي 

جميلة باستغراب 

-مين معاذ ؟

سهى ردت وهي بتقلب الطماطم بتاع البامية

-معاذ الي جابك امبارح ي حبيبتي م هو انا عندي عمر الي بره دا ف تالته ثانوي ومعاذ الكبير مهندس برمجه وباباهم محمد شغال ف الامارات 

جميلة بابتسامه 

-ربنا يخليهملك ي طنط 

وكملت بحماس 

-هتاكلينا اي انهاردة

سهى بضحك 

-باميه باللحمه ي حبيبتي 

جميلة بهزار وضحك

-خلاص مش هفطر بق اكل باميه ع طول 

سهى بحزم

-لا لازم تفطري عشان مينفعش اول حاجه تنزل معدتك تكون تقيله كدا يلا افتحي التلاجه هتلاقي جبن وبيض والذي منه شوفي حابه تاكلي اي والعيش ف الفريزر عندك 

ردت جميله وهي بتفتح التلاجه

-حاضر 

طلعت جبنه رومي وعيش وعملت سندوتش وقعدت تتكلم مع سهى 

سهى علقت ع البامية وبصت لجميلة لقتها خلصت السندوتش ف ابتدت تتكلم 

- ممكن تقوليلي بق اي الي حصل 

جميلة بحزن 

-انا جميلة السعيد المحمدي بنت السعيد المحمدي صاحب سلسلة شركات المحمدي للاستيراد والتصدير بابا كان طول عمره بعيد عني نظرا لسفره وشغله وجوازاته الي ملهاش عدد وكذلك ماما اتطلقت منه وسابتني وهو كان كل فين وفين ييجي يطل عليا خلصت دراستي انا متخرجه من ألسن ساعه م اتخرجت لقيته جاي بيقولي ان ابن واحد صاحبه متقدملي ولما شوفته وصليت استخاره مرتحتش ف رفضت بابا غصبني ومعملش خطوبة وجوزني ع طول بعد م اترجيته كتير اوي ميجوزنيش ليه انا عرفت عنه حاجات مش كويسة كان نسخه اسوأ من بابا بكتير اتجوزت وبقيت ادعي ربنا ينجدني منه فضلنا كل يوم ييجي شارب ومش داري بالدنيا ويتجوز ويطلق وانا مرمية ف البيت ولما فاض بيا طلبت الطلاق وكان يوم مطلعلوش شمس فضل يضرب فيا لحد م اغمى عليا ولما فوقت لقيت نفسي ف الشقة لوحدي بردو مكنش بيخرجني م البيت كان بييجي يرميلي الاكل بعد الشغل ويخرج يسهر بره كنت باكل الي يعيشني بس فكرت اني ممكن امتنع عن الاكل عشان اتعب واروح المستشفى واهرب فضلت اسبوع مباكلش كنت بتالم كل يوم اكتر م الي قبله لحد م فيوم جيت امشي وقعت محستش بنفسي غير وانا متركبلي محاليل ف المستشفى وجنبي ممرضة 

جميلة بوجع

-هو حد معايا هنا

الممرضة 

-لا في حد جابك ومشي 

جميلة بخوف

-طب ممكن تخرجيني ارجوكي انا بتعذب كل يوم بسببه وبيضربني والله حتى بصي 

وكان باين علي جسمها علامات زارقة اثار الضرب 

الممرضة بقلق

-طب انا هقولك هتعملي اي بصي بالليل محدش بيكون هنا غير الممرضين انا هلبسك لبس ممرضة ونقاب ونتمشى عادي وهخرجك متقلقيش

جميلة هزت راسها بقلق وخوف ولكن دا سبيلها الوحيد 

بالليل...

الممرضة دخلت ومعاها لبس لجميلة وجميلة لبسته وخرجوا 

نجحت الخطه وهربت وراحت اوتيل والممرضة دفعتلها الفلوس ومشت 

طلعت اوضتها وفضلت تعيط ولكنها استسلمت للنوم صحت لقت نفسها ف شقتها ومتكتفه 

فضلت تصرخ كتير لقت ابراهيم جوزها داخل الاوضة مع باباها 

باباها بكره

-انتي ي بت غاوية فضايح عاوزة تفضحيني 

جميلة بدموع وهي بتترجاه

-بيضربني ي بابا وبيعاملني اسوأ معاملة بيضربني بدون سبب ومن غير م اتكلم ولما طلبت الطلاق فضل يضربني لحد م اغمى عليا م الوجع انتو بتعملوا فيا كدا ليه انا عملتلكوا اي 

السعيد بكره 

-ادبها ي ابراهيم ادبها وربيها انا شكلي وسط شغلي نسيت اربيها 

جميلة بقهر 

-حتى انت ي بابا حتى انت 

ابراهيم قرب منها وكتم بؤها بقماشه وشالها هو وابوها ونزلوا العربية وابراهيم خبطها ع راسها وراحوا المقابر فتحوها وحطوا جميلة فيها وقفلوا ومشيوا وقتها الحارس كان نايم وهما دخلوا بالراحه 

جميلة بحزن 

-هو دا الي حصل ي طنط والباقي حضرتك عارفاه 

سهى حضنتها بحزن

-متخافيش ي حبيبتي كله هيعدي واول م معاذ ييجي انا هخليه يشوفلك موضوع جوزك دا وخليكي هنا معانا هما مش هيخطر ف بالهم انك هنا وانا عمري م هسيبك ابدا ي بنتي 

جميلة فضلت تعيط ف حضنها كتير 

-شكرا ي طنط شكرا 

سهى خرجتها من حضنها وحطت وشها بين كفوفها بحب 

-قوليلي ي ماما ي حبيبتي 

جميلة حضنتها تاني بس المره دي بحب بدون م تعيط 

-حاضر ي ماما

<<<<<<<<<<<<<<<<<<<<<<<<<<<<<

"سبحان الله وبحمده سبحان الله العظيم"

فضلوا قاعدين سوا والعصر كان معاذ جه و جميلة استقبلته 

-اهلا ي بشمهندس ماما عملالك بامية هتاكل صوابعك وراها 

معاذ مكنش مستوعب 

-ماما ؟ وباميه ؟ 

سهى من وراها 

-ايوة ي حبيبي عملالك باميه باللحمة وهتبقى تحفه عشان جميلة كانت موجوده معايا 

معاذ ابتدى يفهم وبعدها قال لمامته تروح معاه اوضته وجميله راحت لعمر وخبطت ع الباب 

عمر رد بزهق

-م تدخل ي معاذ دا اي الادب دا 

جميلة دخلت وهي بتضحك 

-المره دي مش معاذ ي عمر 

عمر ضحك وقال باحراج

-اصل معاذ بيدخل بدون م يكح حتى 

جميلة ضحكت 

-احساس الاخوات حلو ربنا يخليكوا لبعض 

عمر قفل الكتاب وانتبه ليها 

-اتكلمي انا كدا كدا كنت طالع اتغدى واخد بريك هو انتي معندكيش اخوات 

جميلة هزت كتافها بحيره 

-معرفش بس انا كنت وحيده من ماما اما من بابا بق معرفش

عمر باستغراب 

-ازاي

جميلة اتنهدت 

-بابا كان متجوز ماما و انا اتولدت اما ماما لما اتطلقت بابا اتجوز غيرها وانا معرفش هل ليا اخوات من بابا ولا لا 

عمر بتفهم 

-اااه يلا اهو ربنا بعتلك انا ومعاذ اخويا وكمل بغرور احنا نتحب جدا ع فكرة 

جميلة بضحك 

-حبيتك من اول م شوفتك والله 

عمر بغرور مصطنع 

-كلهم بيقولوا كدا بردو

جميلة ضحكت فكمل هو بتساؤل 

-انتي كام سنه ع كدا بق 

ردت جميله بهزار 

-تديني كام كدا 

عمر بتفكير 

-٢٢ او ٢٣ كدا يعني 

جميلة ابتسمت 

-٢٣ سنه تخمينك صح ويلا قوم عشان نتغدى 

عمر قام معاها وخرجوا عادي 

ف اوضة معاذ 

معاذ بتساؤل 

-في اي ي ماما 

سهى حكتله كل الي جميلة قالته 

معاذ بصدمة 

-هو دا اب ؟!! دا ي الجحود دا احنا مستحيل نسيبها ترجعلهم ي ماما 

سهى بتفكير

-مش احمد صاحبك محامي ؟

معاذ بتذكر

-ايوة ي ماما بس دا هنحتاجه ليه 

سهى كملت 

-هنرفع ع جوزها دا قضية خلع وهي هتقول كل الي اتعمل فيها وكمان ممكن يتحبس عشان الي عمله معاها اخر مره دا وانه دفنها ف القبر وهي عايشة 

معاذ بتفكير 

-بس ي ماما دول ناس مش سهله واحنا مش أدّهم

سهى بحزن

-ربنا هيقدرنا ي حبيبي وهنخليهم ياخدو جزاؤهم يلا نقوم ونبقى نرتب الحاجات دي بالليل وكلم احمد ييجي لما يفضي بالليل 

قاموا خرجوا وسهى وجميلة رصوا الاكل وقعدوا ياكلوا 

معاذ باحراج

-أنسة جميلة هنحتاجك معانا بالليل احمد صاحبي محامي ولو كدا يعني نرفع ع جوزك قضية خلع وان شاء الله نكسبها وربنا ينجيك من شره وكمان هتقولي كل حاجه كانت بتحصلك 

جميلة اتنهدت تنهيده طويلة وبعدها اتكلمت بحزن

-موافقة بس ممكن تخليكوا معايا عشان ممكن يلعبوا لعبهم القذرة الي دايما بيعملوها ويكسبوا هما القضية وياخدوني ووقتها هيموتوني 

رديت بعصبيه 

-وهي البلد مفيهاش قانون وبعدين احمد محامي شاطر وان شاء الله نكسب القضية 

جميلة بسخرية وحزن

-قانون؟ هما اصلا ميعرفوش ربنا ولا قانون ولا اي حاجه ميعرفوش غير قوتهم بس

رديت بهدوء 

-عشان كدا انا متاكد ان ان شاء الله هنكسب القضية

"جميلة اتنهدت وكملت اكل ف صمت هي خايفة تاخد اي خطوة و ف نفس الوقت نفسها تخلص م الكابوس الي هي فيه "

خلصوا اكل وجميلة وسهى دخلوا المطبخ 

عمر بتساؤل

-انت فعلا هتعمل كدا 

رديت وانا بفكر ازاي ممكن نكسب القضية وننجدها 

-مش عارف والله ي عمر انا محتار وقلقان وخايف بدل م ننجدها نموتها 

عمر بخضه

-بعد الشر ي معاذ... بص لو وجودها هنا امان ليها عن انها ترفع قضية خلع خلاص نخليها هنا 

سكت... م انا مش عارف وبعدين مينفعش احنا شباب ف البيت الوضع كله غلط يارب اوصل لحل 

قعدت اراجع لعمر شوية وبعدها نزلنا صلينا 

<<<<<<<<<<<<<<<<<<<<<<<<<<<<<

"لا حول ولا قوة الا بالله العلي العظيم"

ف المسجد 

- بقولك ي احمد في واحده يعني قريبتنا وكدا عاوزة ترفع قضية خلع ع جوزها هو بيضربها وبيعذبها و ..... اخر المتمة دفنها ف المقبرة وهي حيه 

احمد بصدمه

-انت بتتكلم جد ي معاذ 

رديت بحزن 

-اه والله ي احمد زي م بقولك حدا ف هل فرصتنا كبيرة ف اننا نكسب القضية ولا هتحصل مشكله كبيرة خاصة انهم ناس واصلة يعني 

احمد سكت شوية وبعدها اتكلم

-ان شاء الله نكسب القضية بس انا لازم اقابل الزوجة واتكلم معاها عشان افهم كل حاجه واقولها ع الورق الي محتاجينه ونبدا ف الاجراءات

احمد نوعا ما اطمن

-خلاص يلا بينا ع البيت 

ف البيت 

عمر دخل وعرفهم ان احمد موجود ودخلوا كلهم الصالون

احمد بعملية 

-معاذ حكالي المشكله الي عندك ي استاذة؟

جميلة باحراج

-جميله

احمد 

-تمام ي استاذة جميله دلوقتي انا عاوز اعرف كل حاجه بالتفصيل عشان نبدا الاجراءات ف اسرع وقت

جميله اخدت نفس طويل وبعدها خرجته وابتدت تحكيلهم كل حاجه وسط نظراتهم الحزينة ع حالها 

جميلة بدموع

-دي كل حاجه ي متر 

احمد بعملية 

-تمام هتكوني معايا بكرة انتي ومعاذ وهنعمل اللازم 

معاذ

-يارب نعرف نخلصها منه 

احمد قعد شوية وبعدين مشي وهما جهزوا العشا والشباب نزلوا صلوا العشاء ورجعوا اتعشوا 

جميلة باحراج 

-هو احنا هننزا بكرة الساعه كام ؟

معاذ بتذكر 

-اه احمد قال الساعه ٩ كدا ان شاء الله هنخلص ورق وبعدها نطلع ع المحكمه 

سهى بحب 

-ربنا يخلصك منه ع خير يارب 

جميلة بحزن 

-يارب ي ماما

<<<<<<<<<<<<<<<<<<<<<<<<<<<<

" استغفروا "

{تاني يوم}

نزلوا الصبح ظبطوا الاوراق وطلعوا المحكمه ورفعوا قضية الخلع (وعملوا الاجراءات القانونية بق مليش فيها دي )

رجعوا البيت

سهى بقلق 

-حبايبي عملتوا اي

معاذ حاول يطمنها

-والله ي ماما القاضي كان متعاطف مع جميلة جدا وان شاء الله الحكم يبقى ف صالحنا 

جميلة بحزن 

-انا عاوزة انام 

سهى بحنان

-ادخلي ي حبيبتي ارتاحي ف الاوضه

جميلة غيرت هدومها ونامت 

سهى بقلق 

-بجد ي معاذ الوضع تمام ؟

معاذ بقلق

-معرفش والله ي ماما بس الواضح انهم ناس تقيلة اوي الوضع مش تمام بس ندعي ربنا ان الجاي يكون خير يلا هدخل ارتاح شوية 

عدي اسبوع و جميلة كسبت القضية و عمر كان بدا امتحاناته 

سهى بفرحة

-مبروك ي حبيبة قلبي الحمدلله ربنا خلصك منه بس هو ازاي معملش حاجه كدا

معاذ بتغيير الموضوع 

-بقولكوا اي يلا اجهزوا عشان نتغدى بره بالمناسبة دي وكمان انهاردة كان اول امتحان لعمر اي نعم مادة مبتضافش بس نغيرله جو قبل م يبدا الاساسي 

الكل فرح ومعاذ طلب من مامته تيجي معاه الاوضه

سهى بقلق

-خير ي حبيبي

معاذ بضيق

-جوزها دا طلع انسان مريض تخيلي ي ماما قعد يقول لاحمد اي دا هي مماتتش دا انا فكرتها مش هتقوم دي كانت واكله علقة موت قطه بسبع ارواح ، وباباها ي ماما قعد يشتم ويزعق ويقول تموت ولا تغور ف نصيبه دي عار عليا ، انا مشوفتش بني ادمين بالبشاعة دي 

سهى بحزن 

-ي حبيبتي دي كانت متحمله كتير اوي الحمدلله ان ربنا نجاها 

معاذ بجدية

-ماما انا رأيي اننا نفتحلها شقة جدو الي تحت وجودها هنا حرام مينفعش ، اي رايك ننزل ننضفها عما تصحى ونفهمها وهي اكيد متفهمه دا 

سهى بتفكير

- ماشي ي بس بص هي قالتلي انها متخرجة من السن وانا هخاف عليها انها تشتغل بره عشان انا مش ضامنه طليقها دا ف احنا نعملها منصه اون لاين و تدي كورسات للغة الي هي درستها او تشتغل مترجمه عشان تسلي نفسها وانا هنزل ابات معاها تحت ونبقى كلنا نتغدى سوا اي رايك

معاذ بانبهار 

-تحفه ي ماما يلا ننزل ننضف الدنيا 

بعد سنه 

جميلة بعصبية 

-قولنا ١٠٠ مره ي عمر اظبط النطق وبعدين ي حبيبي في طريقة رسميه وطريقة غير رسميه انت اصلا مش عارف تفرق بينهم

عمر بضيق 

-حاولت والله بصي هناخدها بالشبه كدا وبعدين مليش فالالماني ي بنتي

جميلة زقته

-قوم ي عمر قوم عشان مفقدش اعصابي 

عمر ضحك

-نقابة الاطباء هيزعلوكي ع فكرة انتي حاليا زقيتي اعظم دكتور مستقبليا ان شاء الله 

جميلة بصتله بقرف 

-هتمشي ولا اقوملك 

عمر جرى وهو بيضحك

-لا الطيب احسن 

جميلة لمت الحاجة الي بتشرحله منها "الكورسات الي بداتها اونلاين فادت ناس كتير وهي بقت وبقت تدرس لعمر ومعاذ الماني ف البيت ودايما بيغلبوها كدا"

سهى بابتسامة 

-عاوزاك ف موضوع ضروري ي جميلة 

جميلة قامت 

-خير ي ماما 

سهى بحب 

-خير ي حبيبتي في عريس متقدملك هو صاحب معاذ وشخص محترم يعني هو خريج علوم ومن عيلة محترمه واحنا عارفينهم يعني وقريب خطيبة معاذ كمان ف هما عيلة كويسة جدا 

جميلة بهزار 

-عاوزين تخلصوا مني زهقتوا مني ولا اي 

سهى حضنتها

-دا انتي الخير الي ربنا بعتهولي ي حبيبة قلبي دا انا يعز عليا فراقك بس دي سنة الحياة وبعدين دا بابا محمد حتى حبك اوي وهو موافق ع العريس كلنا مستنيين موافقتك 

جميلة بحب 

-وانا بحبكوا اوي ي ماما خلاص شوفوا المقابلة هتكون امتى وانا موافقه 

سهى بفرحة 

- ع خير يارب ي حبيبة ماما 

<<<<<<<<<<<<<<<<<<<<<<<<<<<<<<

"حوقلوا"

{تاني يوم}

عامر 

- انا اسمي عامر عصام الالفي متخرج من علوم عندي ٢٨ سنه مستقل ماديا الحمدلله وشغال ف شركة ادوية وشقتي جاهزة ع اختيار العفش الي تحبيه ع زوقك طبعا ، الحمدلله الصلاه مواظب عليها وبالنسبه للتدخين كانت جات عليا فترة كدا شربت لمدة شهرين وبعدها بطلتها الحمدلله و مرجعتلهاش تاني اما القرآن ف انا خاتمه من زمان لاني كنت ازهر والحمدلله مواظب ع حفظه وقراءته لو في اي اسئلة اتفضلي 

جميلة باحراج 

-هو انت عارف ظروفي 

عامر بهدوء 

-اه معاذ فهمني كل حاجة وان شاء الله لو حصل نصيب اوعدك هتعيشي حياة هاديه ومليانه امان ودا وعد مني كلميني عنك بق

جميلة باطمئنان نتيجة كلامه 

-انا متخرجه من السن وحاليا عندي منصه بدرس فيها كورسات الماني والحمدلله الوضع ماشي كويس مريت باسوأ تجربة جواز بس الحمدلله ربنا خرجني منها ع خير عندي ٢٤ سنه ... اسمي جميلة السعيد 

" عامر كان عارف باباها لان معاذ كان حكاله عن اهلها وزوجها ف مسألش

قعدوا شوية يتكلموا وقالت انها هتصلي استخارة ولو ارتاحت محمد هيبلغهم 

بعد يومين

محمد بفرحة 

-مبروك ي حبيبة بابا ها تحبي الخطوبة تبقى يوم اي 

جميلة باحراج 

-الي تشوفه ي بابا 

رودينه خطيبة معاذ اتكلمت بحماس 

-يبقى بعد بكرة لان انا ومعاذ هنتم تلات شهور خطوبة اي رايكو 

جميلة بحماس 

-حلو دا ي رودي خلاص ي بابا نعمل الخطوبة بعد بكرة 

سهى حضنتها بحب والفرحة كانت ماليه المكان 

سهى ورودينه وجميلة نزلوا يجيبوا لبس الخطوبة واتفقوا مع البنت الي هتعمل القعدة بتاع الخطوبة كان يوم مرهق بس كان ملئ بالفرحة

تاني يوم 

كانوا بينضفوا الدنيا وبينقلوا الحاجه عشان يفضوا الريسبشن للخطوبة و عمر ومعاذ نزلوا اشتروا الشوكلاتات و الكانز الي هيقدموه الضيوف 

اتغدوا سوا ورودينه و جميلة عملوا اسكين كير واليوم كان ملئ بالبهجة 

<<<<<<<<<<<<<<<<<<<<<<<<<<<

"لا اله الا انت سبحانك اني كنت من الظالمين"

{يوم الخطوبه}

الكل كان متحمس ومقسمين نفسهم

▪︎ رودينه وسهى مع البنت بتاع الكوشة

 ▪︎وسهى واختها ف المطبخ بيجهزوا الاكل عشان الكل ياكل قبل الحفلة 

▪︎وعمر ومعاذ ومحمد بيجهزوا الكراسي والحاجة للضيوف 

بعد العصر كانت كل حاجه جاهزة الكل اتغدى وبعدها قامو يجهزوا 

جميلة حضنت رودينه بحب

-بجد مش عارفة من غيرك كنت هعمل اي 

رودينه بادلتها الحضن 

-حبيبة قلبي انتي اختي يلا عشان اعملك اخر ماسك عشان هنجهز بعد المغرب 

قاموا عملوا ماسك وبعد م خلصوا صلوا المغرب وبداوا يلبسوا 

رودينه بحماس 

-فقرة الميكب وانا احسن ميكب ارتست هتشوفيها ف حياتك 

جميلة باحراج

- لالا مليش ف الميكب 

رودينه باصرار 

-دا هيكون بسيط 

جميلة بهدوء

-هو لسه مش جوزي وبعدين ي رودي مينفعش

رودينه بتفهم

-خلاص ي حبيبي انتي اصلا زي القمر من غيره 

سمعوا زغاريط عرفوا ان عامر وصل

رودينه بحماااس 

-يلا يلا يلا انا مبسوطة اوي

جميلة ضحك

-حساكي انتي الي بتتخطبي والله اي الحماس دا كله 

رودينه بفرحة 

-بحب الاجواء دي اوي 

عامر كان جايب بوكيه ورد احمر اداهولها وقعدوا ف الكوشة وسط زغاريط واغاني وضحك 

لبسوا الدبل وسط ابتسامات بسيطه ، و خوف كبير داخل جميلة بس كانت بتطمن نفسها وبتحاول تدي لنفسها ولقلبها فرصة وبتقول " مش كل الرجالة زي بعض "

بعد ست شهور

مرت ست شهور لا تخلوا من التجهيزات الفرحة الكبيرة داخل الكل واختيار العفش والازاز و الميكب والنيش اهم حاجة والمطبخ ....تمت التجهيزات .... ست شهور لم تخلوا من محاولات عامر الدائمة عشان جميلة تطمن وتثق فيه  ...... ست شهور غيروا افكار جميلة للاحسن وادوها احساس بالامان من ناحية عامر ... وبعد مرور ست شهور نقدر نقول انهاردة جميلة هتكون حرم دكتور عامر 

جميلة بقلق 

-شكلي حلو ؟

سهى بدموع 

-زي القمر ي حبيبتي 

جميلة بزعل

-بتعيطي ليه بس ي ماما

سهى بدموع

-مش قادرة اصدق ان خلاص هتسبيني وتمشي مش عارفة ليه لغيتي الفرح وهتسافري بكرة 

جميلة

-بدل م تقوليلي مبروك عشان هروح اعمل عمره انا زوجي ينفع كدا ي سوسو 

سهى ضحكت 

-لا مينفعش يلا يلا الماذون وصل

وقيلت اجمل جملة " بارك الله لكما وبارك عليكما وجمع بينكما في خير "

سهى حضنتها بحب وكذلك رودينه و اخت سهى وبنتها 

عامر سلم ع محمد وجميلة خلته يبقى وكيلها ومعاذ وعمر سلموا عليه 

عامر بضحك 

-اعتقد دوري بق اني اسلم ع مراتي

الكل ضحك وهو قرب من جميله وباس راسها 

عامر بحب 

- ربنا يقدرني واسعدك واكون زوج صالح 

جميلة بحب

- يارب وانا كمان اكون زوجه صالحه ليك 

بعد ست ساعات 

سهى بعياط

-خلاص يعني هتمشي وتسيبينا 

جميلة بدموع 

-مش هنطول هناك ي ماما هاجي ع طول هتوحشوني اوي 

جميلة حضنت سهى وفضلت تعيط هي حبتها اوي وكذلك رودينه 

وودعت محمد وعمر ومعاذ 

محمد 

-حطها ف عينيك ي عامر 

عامر بهدوء

-متقلقوش والله دي جوا عينيا 

وهمسلها وقال 

-وجوه قلبي والله

ابتسمت بين دموعها وراحوا المطار 

والآن وصلوا مكه المكرمة ....

"اطمأن القلب ، وهدأ العقل ، وانتهت عاصفة الخيبات و فقدان الامل ، والآن أعلن قلبي حبه واطمئنانه بجانبك ، فأنت النصرة بعد هزيمتي الاولى ، وأنت الامان من بعد الخيبات ، وبعد هذه الرحلةالطويلة أقولها بكل تأكيد " أحبك "

تمت♡