سكريبت كان في 700 جنيه في دولابي كامل وحصري لمدونة قصر الروايات
سكريبت كان في 700 جنيه في دولابي كامل وحصري لمدونة قصر الروايات
- كان في 700 جنيه في دولابي وكيسين اندومي!؟
= خت ال 700 دول ضرايب يحبيبي عشان العيد
- والله؟ طب مش مهم فين كيسين الاندومي!
= كنت عارفه اغسلي السجاد و تخده يا نور عيني
- انتي ختي 700 جنيه!
= النساء تحب الكثرة
- نساء اية نساء الفل عليكي يا ماما انتي مش عملتي
حوار ومرضتيش تطبخي قال اية عشان هناكل فالعيد؟
= حصل
- يبقي هاتي كيسين الاندومي اطفح انا مش قادر جعان
= خلاص لقد قمت بالطبيخ فيه مكرونه فالحله
- تؤ انتي بتكلميني لغة عربي على عامي في اية وبعدين مش موضوعنا انا مش هاكل مكرونه
= ما الاندومي مكرونه! وبعدين انا رميته
- حرام عليكي ياما! ده شاحح فالسوق! ده شاحح اكتر الخوخ و المانجا
= فكرتني عاوزين نجيب مانجا للعيد
- هاتي
= طب هات فلوس ولا معكش؟
- والله كان معايا 700 جنيه لكن هنقول اية
= هي الدنيا كدا زي الخيارة يوم في ايد حد تاني و يوم ف ايد حد تالت
- اية دا ! اية دا ! وانا اييية!
= هتغسل السجاد؟ وتجيب عيش وترمي الزبالة
- وترابيزات بلياردو و بينج؟!
= بتتريق على امك؟ ولما ادعي فالايام دي ؟ هتفرح؟
- انتي بتعملي معايا كدا ليه؟
= يوسف يا حبيبي انني اعاملك بقسوة حتي لا تهلكك الايام! قلبي عليك يا قلب امك!
- والله؟ لا بجد والله؟
= ايوه صدقني
- طيب انا هاكل مكرونه بس مش غاسل سجاجيد انا
= يبقي هغضب عليك وانت وضميرك
- انتي لقياني على باب جامع؟
= لا في صندوق زباله وختك نضفتك و ربيتك يبقي خسارة فيا تغسلي السجاد؟
- فين المقابل؟
= هديك ال700 جنيه
- الى هما اساسا بتوعي؟
= ايوا
- طيب حاضر
**************************
" صلي على محمد " الله أكبر "
"استغفر الله " سبحان الله وبحمده سبحان الله العظيم "
- الزبالة اترمت و السجاد اتغسل و كله تمام وخلصت حله المكرونه لو مجبتيش ال 700 جنيه هقتل نفسي
- فين؟
= فين اية ؟
- هتقتل نفسك فين؟
= مكان مانا واقف كدا
- وتبوظلي الارض بدمك؟ وانا لسه ماسحه؟!
= نعم؟! اية؟!
- روح اقتل نفسك بره.. انا اصلا صرفت الفلوس الصبح جبت لحمه للعيد و شوية ترمس..
***************************
تمت.
تعليقات
إرسال تعليق
فضلا اترك تعليق من هنا