رواية جميلة بنت علياء الفصل الثامن 8 الأخير بقلم الكاتب مصطفي جابر حصريه في مدونة قصر الروايات

رواية جميلة بنت علياء الفصل الثامن 8 الأخير بقلم الكاتب مصطفي جابر حصريه في مدونة قصر الروايات 

رواية جميلة بنت علياء الفصل الثامن 8 الأخير بقلم الكاتب مصطفي جابر حصريه في مدونة قصر الروايات 

انتي ناوية تعملي اي بالسم دا خدي بالك دا خطر اوي وملهوش علاج. 

حسناء بغل:  ناويه اخلص من جميلة وامها وعشان محدش يشك خليتك تعمل المسرحيه دي وهلبسها في طاهر عشان يتعلم يتجوز عليا ازاي. 

الدكتور بذهول:  ياه للدرجة دي مش طايقه ضرتك وبنتها. 

حسناء بكره:  لا طبعاً مش طيقاهم اصلا هيموتوا كلهم وانا هورث انا و ابني اما اشوف الاول هيخرج من القسم ازاي. 

الدكتور بخبث:  دا انتي دماغك دي اللي يتقال عليها سم مش الجرعات دي. 

في القسم.. 

صابرين بخبث:  هتدفع يا حلو ولا نحبسك بالشيك الحلو دا. 

عيسي بغيظ:  بقا عيلة زيك تضحك عليا وتعمل فيا كل دا. 

صابرين ببرود:  هو حد ضربك علي ايدك يا ترا محدش ها دا هم يدوب اتنين مليون ونص. 

طاهر بجمود:  هيدفع هيبيع عربيته ومعاه اخر فلوس في البنك هيدفعهم لكم و نقفل الموضوع وتتنازلوا. 

عتمان ببرود:  انا عن نفسي عندي استعداد اتنازل دلوقتي بس الفلوس تحضر اه. 

طاهر بقرف:  مكنتش اعرف انك بقيت شيطان اوي كدا يا عتمان في ايام زمان. 

عتمان بغل:  قول للزمان ارجع يا زمان انتو اللي زيكم مبيتعبش في الجنيه وكله علي الجاهز. 

طاهر بغضب:  ومين قال اننا مش بنتعب كل جنيه دخل بيتي انا واخويا دفعنا تمنه عرق و صحة و تعب كل قرش دخل بطلوع الروح انت عيبك انك بتضيع انما انا وهو حافظنا وبقينا حاجه. 

عتمان بغل:  يارتيني كنت خليت الشيك ب عشرين مليون كنت هاخد كل حاجه معاكم وارميكم في الشارع بس انا قلبي طيب. 

عيسي مسك فيه:  دا انت جعان وانا هندمك علي اللي عملته. 

زقه عتمان:  نزل ايدك ياض معاك مهلة لحد بكرا تجيب لي فلوسي وايلا اقسم بالله هتعفن في السجن وليا طرقي الخاصة يلا يا بنتي. 

عيسي كان هيضربه مسكه طاهر:  اهدا يا حلو انت اللي دبست نفسك في كل دا من وريا شيل بقا. 

عيسي بغضب:  ماشي هشيل بس والله لترجع الفلوس دي الضعف. 

سابه ومشي بغضب... 

.. تاني يوم.. 

عيسي بصدمة:  انت بتخرف تقول اي يعني اي الدهب صيني ؟ 

الصايغ بهدؤء:  اه والله يا فندم الدهب صيني. 

عيسي بصدمة:  مستحيل يكون صيني دا انا اللي جايبوا و ال.. سكت بصدمة اكبر... دا كان عند امي معقول امي اللي عملت كدا ليه لا جميله ادته ليها عشان خافت يتسرق اكيد هي اللي بدلته وخدت فلوسه. 

الصايغ بهدؤء:  هتعمل اي كدا. 

عيسي ساب له الدهب المضروب ومشي بغضب ركب تاكسي وراح المستشفى... 

في المستشفى.. 

صقر بيمد ايده ب قهوة ل جميله بابتسامة:  القهوة اهي عشان تفوقي كدا. 

جميله بابتسامة:  شكرا يا صقر علي اللي عملته امبارح والنهاردة. 

صقر بحنان:  مفيش بينا شكر ولا حاجه لو عاوزة تشكريني صحيح اعملي لي صنية مكرونه بشاميل نص بانيه ونص لحمة. 

جميله بغيظ:  انا مش بعرف اطبخ اصلا. 

صقر بسخرية:  وقال عاملة لي ست بيت ياشيخه اجري انا طباخ شاطر علي فكرة احسن واحد يسلق بيض ويحرقه كمان. 

جميله بضحك:  لا برافو بجد يعتمد عليك. 

شافت عيسي داخل المستشفى وراح اوضة امه وهو متعصب لاقته جاي بتاكسي استغربت.. 

صقر بغيرة كتمها:  هو دا جوزك صح. 

جميله بسخرية:  للاسف بس هانت واطلق منه. 

صقر حس بفرحه:  ياريت قصدي يعني لي كدا انتي لسه عروسه يعني. 

جميله بحزن:  هحكي لك كل حاجه بس الاول اشوفه جاي متعصب لي. 

سابت القهوة وراحت ورا عيسي... 

كانت حسناء عاملة نفسها مش قادره تتحرك لكن فاتحه عنيها.. 

عيسي دخل بغضب:  انتي ازاي تبيعي الدهب وتبدليه ب دهب صيني دا انا ابنك تعملي معايا كدا دهب جميله خدتيه. 

حسناء اتكلمت بصدمة وغباء' بعت اي يا بن المجنونه انا معملتش حاجه. 

جميله كان برا واتصدمت طلعت تليفونها وبتصورها في خبث.. 

عيسي بصدمة:  مانتي بتتكلمي اهو اومال اي خرسا دي. 

حسناء وقفت:  وبقف كمان يا روح امك انطق دهب اي اللي مش اصلي. 

عيسي بغيظ:  هتعمليهم عليا يا ماما مانا عارفك. 

حسناء بغضب:  وغلاوتك عندي ما اعرف بتتكلم عن اي لحظة وانا اقول البت جبت لي الدهب لي اتريها هي اللي عملت كدا بنت الجنيه بتوقعنا في بعض بس متخفش هخلصك منها هي وامها. 

عيسي بغيظ:  ازاي بقا ان شاءلله انا بقيت علي الحديدة محلتيش حاجه قولت ابيع الدهب واصرف منه عقبال م اشوف هعمل اي في اللي لهفو مني اتنين مليون ونص دول. 

حسناء بغل:  هرجعهم لك اسمع بقا مني انا اتفقت مع الدكتور نعمل التمثيلية دي عشان خاطر اخلص علي مراتك وامها ومحدش يشك وهخلي ابوك هو اللي يروح فيها. 

عيسي بصدمة:  ابويا لي لا ابعديه عن الموضوع دا. 

حسناء بغل:  ياض متبقاش عبيط اومال احنا كدا هنورث ابوك و جميله وامها. 

عيسي بطمع:  صدقي صح طب وهتنقذي الخطة دي امتي. 

حسناء بخبث:  النهارده بليل كدا كدا محدش بيبات معايا ومراتك بتيجي تقضية اوامر عشان الناس متقولش حماتها عيانه وهي مش معبراها بليل عاوزاك تاخد الحقنه دي و جميله وهي نايمه تدخل تديهالها وانا هتصرف مع علياء ولما نخلص ننزل نخبي الحقن في دولاب مين بقا. 

عيسي بتفكير:  دولاب ابويا. 

حسناء بسخرية:  مش بقولك عبيط في دولابي انا عشان الناس تقول انه كان عاوز يلبسها في مراته العيانه بس طلع مغفل. 

عيسي بخبث:  لا بجد برفوا عليكي بتخططي صح الصح يا ماما. 

حسناء بشر:  عيب عليك يا واد عاوزاك تتعلم بس. 

عند جميله قفلت التسجيل بصدمة ودموع وخارجه جري خبطت في صقر. 

صقر باستغراب:  مالك يا جميله وشك مخطوف اوي لي. 

جميله بدموع:  ان هم ال مش عارفه يا صقر. 

صقر بحنان:  اهدي طيب تعالي اقعد وهجيب لك ليمون صلي علي النبي كدا. 

جميله بدموع:  عليه افضل الصلاة والسلام مشيني من هنا بسرعه عاوزة اروح ابلغ عنهم بسرعه قبل ما يعملوا حاجه. 

صقر بعدم فهم:  هم مين انا مش فاهم حاجه. 

جميله ادته التليفون:  في فديو هنا مهم اتفرج عليه وروح بلغ بسرعه يا صقر. 

خد منها التليفون.. 

عيسي من وراها:  جميله واقفه لي كدا ان شاءلله وسايبه امي لوحدها وهي مبتقدرش تتحرك. 

جميله بلعت ريقها وخدت نفس وبصت له:  اي دا انت جيت امتي معرفش انك هنا. 

عيسي بغضب:  عشان جايه تتسرمحي ومين دا كمان. 

صقر بهدؤء:  انا صقر عن اذنكم عند اجتماع هروحه.. 

همس ل جميله:  مش هتاخر عليكي اوعا تتحركي من هنا خطوة واحدة يا جميله. 

عيسي جر جميله علي اوضة امه و صقر ركب عربيته بسرعه ومشي.. 

عيسي ببرود: خاليكي هنا جنب امي هروح الحمام وجاي. 

جميله بتوتر:  حمام اي دلوقتي الا قولي عملت اي في حوار الفلوس. 

عيسي بغيظ:  خدوا مني الفلوس كلها جوزك بقا شحات. 

جميله بذكاء:  بس انا ميرضنيش انك تكون شحات قولي عاوز كام تعوض خسارتك وانا هحولهم لك علي حسابك علي طول. 

حسناء ابتسمت وهي راقدة وعاملة تعبانه.. 

عيسي بطمع:  انتي معاكي في حدود كام يعني. 

جميله بذكاء:  لا محبش اقول عشان الحسد وكدا قول انت محتاج كام وهحولك علي طول اه مانت جوزي وانا وانت واحد مش كده. 

عيسي بطمع:  اه طبعا يعني محتاج قد عشرة مليون كدا. 

جميله بصدمة:  كام هم خدوا منك مبلغ زي دا يا عيسي دا يعتبر ورث ابويا وامي كله. 

عيسي بخبث' اه خدوا مني اكتر كمان وانا اللي طلعت مغفل وهي ضحكت عليا. 

جميله بخبث:  معلش تتعوض روح يلا الحمام وانا هستناك هنا. 

عيسي ببرود:  مش هتاخر عليكي. 

ابتسمت له ابتسامه صفراء... 

بعد شويه.. 

جميله ل عيسي:  مش هتقوم امك عشان نروح هي استحلت الراقدة كدا. 

عيسي باستغراب:  اقومها ازاي هي قادرة تتحرك. 

الظابط دخل ووراه صقر جميله جريت علي صقر. 

عيسي بتوتر:  انتو عاوزين اي ؟

الظابط بغضب: احنا عاوزينك انت وامك معانا تسجيل ليكم ب الشروع في قتل. 

جميله بغضب:  انا سمعتك انت وامك وصورتكم كمان. 

حسناء قامت بخوف:  سمعتي اي انتي اكيد مفبركه الفديو. 

الظابط ببرود:  ماهو واضح من قومتك دي هاتوهم يلا. 

جميله ببرود:  قبل ما تتحرك طلقني يا عيسي بدل ما افضح باقي اسرارك. 

عيسي بغيظ: بس كدا  انتي طالق يا جميله طالق طالق. 

جميله بضحك:  وضحكت عليك انا مبلغه عنك من زمان عشان شغلك. 

عيسي كان هيضربها العساكر مسكته هو وحسناء واتقبض عليهم بتهمة الشروع في قتل وتجارة الاعضاء .... 

#تمت

#الكاتب_مصطفي_جابر

#بارت8_والأخير

لمتابعة  الروايه الجديده زورو قناتنا علي التليجرام من هناااااااااا