رواية قمر تحت الارض (الجن العاشق) الفصل السادس 6 بقلم احمد حسن حصريه في مدونة قصر الروايات

 رواية قمر تحت الارض (الجن العاشق) الفصل السادس 6 بقلم احمد حسن حصريه في مدونة قصر الروايات

رواية قمر تحت الارض (الجن العاشق) الفصل السادس 6 بقلم احمد حسن حصريه في مدونة قصر الروايات

( سر خطير ولغز محيير وما حدث في المستشفى كان أعظم)

ياسمين نزلت من العربية ورجعت على الشيخ تاني

اول ما وصلت هناك لقت الباب مفتوح ونبيه مساعد الشيخ مش موجود ؟!!

خبطت ياسمين على باب غرفة الشيخ اللي كان شبه مفتوح 

ولما الشيخ مردش دخلت ياسمين وهي في حالة ترقب !

بصت لقت الشيخ واقع على الأرض بيلفظ أنفاسه الأخيرة !!

ياسمين .. ايه ده !!!! مش معقول !! مين اللي عمل فيك كده ياشيخ !!! 

الشيخ بص لياسمين ومش قادر ينطق بكلمة !!

ياسمين .. أنت بين إيدين ربنا دلوقتي ارجوك قوللي أنت ليه خبيت قدامهم موضوع قمر ؟

الشيخ .. بيحاول يعافر مع سكرات الموت عشان ينطق بس للأسف الموضوع كان في أخره ، بس كل اللي قدر يعمله إنه شاور بنظراته على ساعة الحائط المتعلقة عنده وبصباعه عمل إشارة فيما معناها عكس عقارب الساعة !!  ثم رحل الشيخ !

في نفس اللحظة بصت ياسمين لقيت الظابط  كمال واقف وراها !

الظابط .. إزيك ياياسميييين 

ياسمين .. لا مستحيل !

الظابط .. كنت عارف إنك مش سهلة وإن وراكي سر كبير 

ياسمين .. انت تقصد إيه اقسم بالله ما قتلته !!

الظابط .. الكلام ده هنعرفه وإحنا بناخد الشاي مع بعض في القسم 

(فجأة كده حد ضرب الظابط بقصرية في دماغه أغمى عليه )

ياسمين .. الدكتور !!!!

الدكتور .. يلا بينا بسرعة قبل ما حد ييجي 

فعلا خرج الدكتور وياسمين بسرعة من المكان 

ياسمين .. أنا والله ما قتلته يادكتور !

الدكتور .. ممكن تهدي شوية 

ياسمين .. أهدى إيه! انا في نظر الحكومة قاتلة وأهلي هيتبهدلوا بسببي ومش هيعرفوا يرفعوا عينهم في الناس بعد كده

الدكتور .. انا عارف إنك مقتلتيش الشيخ انا كنت مراقبك بعد ما نزلتي من العربية وبالصدفة خدت باللي إن الظابط كمان مراقبك مشيت وراه لحد ما سمعت الكلام اللي دار بينكم وشوفت إن الشيخ مضروب ضرب كتير وأكيد يعني مفيش ست هتقدر تضرب راجل بالشكل ده 

ياسمين .. انا مش عارفة أعمل إيه دلوقتي !

الدكتور .. انا عندي مكان صغير كده هخبيكي فيه لحد ما الحقيقة تبان 

ياسمين .. يالهوي طب وأهلي !!

الدكتور ..كلميهم من رقمك عرفيهم كل حاجة وبعد كده ارمي الخط عشان محدش يتعقبك من تليفونك ومتخافيش ياياسمين أنا هروح ليهم وأطمنهم المهم قوليلي إيه رجعك للشيخ تاني ؟

ياسمين .. بعد ماخرجنا من عند الشيخ كنت هتجنن وأعرف ايه سبب أنكار الشيخ زيارتنا ليه 

الدكتور .. ولقيتي السبب إيه ؟

ياسمين .. انا دخلت لقيته في أخر انفاسه ملحقش يقولي حاجة بس عمل حاجة غريبة اوي كأنه كان عايز يقولي حاجة 

الدكتور .. عمل ايه !؟

ياسمين .. بص على ساعة الحائط وعمل بإصباعه كده 

الدكتور .. الإشارة دي معناها عكس عقارب الساعة بس دي معناها إيه ؟!!

ياسمين .. مش عارفة !

________________

في القسم 

الظابط كمال .. ياصول فتحي أنت يازفت 

الصول فتحي .. اوؤمر سعادتك

الظابط بعصبية .. هو انا لازم انده عليك مية مرة عشان كوباية قهوة هو أنت مش شايف سعادتي مضروب على دماغي ومفياش حيل للمناهدة

الصول فتحي .. إن شالله تتقطع إيده اللي عمل في حضرتك كده ياباشا إنشالله يارب يجيه ويحط عليه 

الظابط .. هو يعني إيه يجيه ويحط عليه ياصول فتحي !

فتحي .. ها ! معرفش ياباشا بس امي الله يرحمها كانت دايما لما تزعل من حد تقول الكلمتين دول 

الظابط .. لا أنت تطلع تقلع بشعرك بره وتقول خد من قلبي وصور يارب 

فتحي .. هي أم حضرتك كانت غاوية امثال برضو يافندم

الظابط .. اقسم برب العرش خمس ثواني ولو لقيتك قدامي لأحبسك 

ااااه لو اعرف مين اللي أمه داعية عليه ضربني على دماغي  الضربة دي 

_________________

في المستشفى ليلا

قمر نايمة على سريرها حست بحد بيمشي إيده على شعرها فاقت لقيته أشمودان

أشمودان .. اخيرا حبيبتي فاقت

قمر .. بصت ليه وهي محروقة منه ونفسها تنتقم منه 

أشمودان .. عارف إنك متعصبة مني وإنك بتكرهيني بس صدقيني أنا بعشق وحبي ليكي حب تملك ومحدش هيملكك غيري وأنا طلبت منك تبعدي عنه عشان مأذيهوش بس انتي اصريتي ومخلتيش قدامي أي حل تاني ، تصدقي وحشني صوتك طب بصي هسيبك تتكلمي بس معايا أنا وبس 

قمر .. لو فاكر باللي بتعمله ده إنك هتخوفني وهتخليني أبقا معاك تبقا أهبل 

أشمودان .. أنا مش بخوفك أنا عايز أعيش معاكي في سلام تام من غير ما حد يتأذي 

قمر .. سلام إيه اللي بتحكي عليه وابقا معاك إزاي ! أنت جن وأنا بشر والعلاقة بينا مستحيلة 

أشمودان .. عندي ليكي عرضين الأول أعيش انا وأنتي كأشخاص عاديين يعني هتقدم لأهلك ويكون لينا بيت ونعيش في العالم بتاعك هنا في سلام

العرض التاني تيجي انتي معايا للعالم بتاعي وتكوني ملكة وهتكون عندك صلاحيات مفيش بشري يمتلكها 

قمر .. أنسى مستحيل أقبل بيك على أي وضع او بأي شكل من الأشكال 

أشمودان .. هتفضلي خرسة مرمية هنا على سرير في المستشفى 

قمر .. مش مهم

اشمودان .. خافي على كل الناس اللي حواليكي من الأذي 

قمر .. محدش بيموت ناقص عمر

أشمودان .. لازم تخضعي ياقمر صدقيني أنا مش هخسر معركتي معاكي مهما حصل ومحدش هيقدر يمنعني عنك ومسألة موافقتك شوية وقت مش أكتر واللي عايزه هعمله والدليل إني هعمل معاكي العلاقة  في أي وقت وأي زمان ودلوقتي كمان وهوريكي إن مفيش بشري يقدر يمنعني

بالفعل أشمودان نفذ اللي قال عليه وبعد فترة بتدخل الممرضة عندها الغرفة بتشوفها بتترعش ومنهارة وبتتصل بالدكتور بسرعة عشان ييجي يشوفها 

________ بقلم #احمدحسن

الدكتور خد ياسمين على شقة صغيرة جاب ليها كل مستلزماتها وخط جديد 

ياسمين .. أنا هفضل هنا لحد إيمتا !

الدكتور .. لحد الحقيقة ما تظهر 

ياسمين .. أنا مش عارفة ألومك على ظهورك في حياتي ولا أشكرك على وقفتك جنبي !

الدكتور .. انا بتأسفلك على الضرر اللي سببته ليكي بس صدقيني بمجرد ما قمر تتكلم الدنيا هتتحل وهتتحولي من مجرمة لبطلة بس أنتي أجمدي معايا شوية ومتخرجيش من هنا وانا من وقت للتاني هبقا أزورك 

ياسمين .. تفتكر الشيخ يقصد إيه ؟!

الدكتور .. مش عارف بس أكيد هنوصل لحل المهم إرتاحي أنتي دلوقتي 

(فون الدكتور رن مكالمة من المستشفى بيطلبوه حالا عشان قمر تعبانة )

 _____________

رجع الدكتور على المستشفى قعد جنب قمر 

قعد فترة كبيرة يبص لقمر ويفكر في اللي بيحصل 

ويكلم فيها لحد ما غلب عليه النوم وبعد فترة فاق من نومه 

دخل الحمام يغسل وشه وكانت قمر صاحية مفتحة عنيها 

إتفاجئت قمر بواحدة ست مغطية وشها فتحت الباب ودخلت عليها وقفت جنب السرير وبتطلع من شنطتها سكينة وعنيها كلها شر ! في اللحظة دي الدكتور رجع وقبل ما يدخل عليهم الغرفة سمعته الست بيتكلم مع الممرضة على الباب راحت أستخبت بسرعة ورا تحت السرير 

الدكتور .. انتي صحيتي ياقمر ، اتمنى تشدي حيلك معانا وتخفي بسرعة عشان الدنيا بتخرب بقلة كلامك 

قمر هتجنن عشان تعرف الدكتور بإن في حد في الأوضة عايز يقتلها ومش قادر تنطق ! وكل شوية تومئ بعينها للدكتور وهو مش فاهمها 

الدكتور .. أنا عارف إنك خايفة من اللي بيحصل بس صدقيني أنا جنبك ومش هرتاح غير لما أثبت برائتك عالعموم أنا همشي دلوقتي والصبح من بدري هكون عندك مع السلامة ياقمر

في اللحظة دي وهو خارج وبيديها ضهره دموع قمر نزلت على خدها من الخوف والخطر اللي محاصرينها ولا هي قادرة تدافع عن نفسها ولا حد فاهم وجعها ! وبنشوف الدكتور وهو بيقفل الباب وراه وبتخرج الست بعبائتها السودة وبتتجه ناحية سرير قمر وبتكشف وشها لقمر عشان تتصدم قمر من ......يتبع 

تكملة الرواية من هناااااااا