رواية نقاء قلبي الفصل الرابع 4 بقلم إيه عيد حصريه في مدونة قصر الروايات
رواية نقاء قلبي الفصل الرابع 4 بقلم إيه عيد حصريه في مدونة قصر الروايات
#نقاء_قلبي
فجاة جميلة لقت ال مسك ايدها بقوة، اتصدمت لما لقت عز وقف قصادها، وبيبصلها بحده.... وليل كانت بتبصلها نظرات تحدي وكأنها كانت عارفة انه هيعمل كدا
عز ابعد يديها بحده
جميلة بصدمة:انت عملت ايه؟!
عز بحده:ملكيش حق تمدي ايدك عليها
جميلة :ومين دي اصلا عشان تدافع عنها كدا؟!
عز بحده:ملكيش فيه.
جميلة بصت علي ليل من فوق لتحت بغضب، ومسكت شنطتها وبصت لعز بعصبية وكانت هتخرج بس وقفت وفكرت شوية.... وبعدين رجعت مكانها وحزت الشنطة ووقفت قدام ليل وعقدت ذراعيها بغر*ور :اسمك ايه يا شاطرة؟!
ليل بابتسامة ثقة: ليل
جميلة :اممم، تمام
وقعدت علي الكرسي وحط رجل علي رجل بكبر*ياء:طب هاتيلي قهوة تانية بقي.
ليل بصت لعز ال قعد علي الكرسي وبصلها بجمود:روحي شوفي شغلك دلوقتي.
جميلة بصتله:بس انا طلبت منها قهوة
عز ببرود: اوامرها تاخدها مني انا، مش منك.
جميلة اتضايقت بس مبينتش، وليل خرجت من المكتب وانظار جميلة عليها بغضب
جميلة بصت لعز:انا هنسي ال حصل، وانك كلمتني بطريقة مش كويسة قدام الموظفة.
عز ببرود: مش مهم.
وقام وقف وهو بيحط ايده في جيبه :انا عندي شغل دلوقتي.
جميلة :طب وشغلي؟!
عز:اطلعي للسكرتيرة هتفهمك كل حاجة
واتجه وجلس علي مكتبه، وجميلة اتضا*يقت من بروده وقامت وخرجت.
@@@@@@@@@@@@@@@@@@@@@@
في مكتب جميلة
دخلت وقعدت بكل غرو*ر وطلبت سلوى مديرة قسم ليل
سلوى بابتسامة : نعم ياهانم؟!
جميلة قامت وقعدت علي الكنبة :اقعدي ياسلوى
سلوى قعدت جمبها بتوتر
جميلة بابتسامة خبيثة: انتي بقي مديرة قسم العروض صح؟!
سلوى: اه
جميلة:تمام، انتي عندك بنت اسمها ليل؟!
سلوى:ايوا
جميلة قربت منها :حلو اوي، انا بقي عايزاكي تشتغلي معايا
سلوى باستغراب:ازاي؟!
جميلة بخبث :يعني هتجيبي ليا اخبار الشركة، وتعملي كل ال انا عايزاه
سلوى بقلق:ب بس عز بيه لو عرف م....
قاطعتها جميلة :متقلقيش عز مش هيعرف حاجة.... وكل معلومة هتجبيها هتاخدي عليها مبلغ محترم
سلوى عينها لمعت :طب انتي عايزة ايه بالظبط؟!
جميلة بابتسامة خبيثة :عايزة كل خير، ال اسمها ليل تحطيها في دماغك... عايزة الشغل يبقي مضاعف عليها دا غير اني عايزة كمان........
واكملت بخبث وهي بتقول خطتها لسلوى
سلوى بعد ما سمعت اتصدمت وخافت :ب بس ممكن حد يكشفني
جميلة بثقة: متقلقيش، انا معاكي.... المهم فكري دلوقتي في المبلغ ال هتاخديه.
سلوى بتوتر: م ماشي، بس لو جرالي حاجة انا مسكت وهتكلم
جميلة بخبث:تمام، دا اذا حصل بقي.
سلوى :طب وهبدا امتا؟!
جميلة :اممم بعد يومين تلاتة كدا، عشان محدش يشك في حاجة.... او فيا.
سلوى:تمام
وقامت وخرجت من المكتب، وهتبدا تنفذ الخطة
وجميلة ابتسمت بش*ر: انا محدش يقدر يرفع عينه في عيني، وانتي اتج*رأتي اكتر من كدا.... يبقي استحملي بقي.
@@@@@@@@@@@@@@@@@@@@@@
عند ليل كانت قاعدة في قسمها
وكانت بتشوف حاجة علي الابتوب
فجاة وقف قدامها مروان
مروان بابتسامة: ممكن اتكلم معاكي شوية ياانسة ليل؟!
ليل اتوترت لما شافته :ن نعم ا اتفضل
مروان :مش هنا، علي انفراد
ليل بتوتر:م مينفعش.
مروان:ليه؟!
ليل قامت وقفت: قولتلك مش هينفع حضرتك، ممكن امشي بقي.
مروان بضيق :طب ممكن تديني رقم والدك؟!
ليل بضيق : معنديش اب.
مروان بأسف: انا اسف ولله مكنتش اقصد.
ليل :تمام، اتفضل امشي بقي.
مروان اتضايق ومشي من قدامها وهو مقرر انه لازم يعرف عنها كل حاجة
وليل قعدت علي الكرسي وعينها علي الكاميرات، ومتوترة ليكون عز شافها
قربت منها سلوى بعصبية:انتي بتعملي ايه؟! انا مش قلت تركزوا في الشغل
ليل قامت باستغراب:ما انا بشتغل اهو.
سلوى بعصبية:بس انا مش شايفة كدا، انتي قاعدة وسرحانة...ومش مركزة في الشغل
ليل :بس انا ولله بشتغل، ب بس كنت بستريح شوية
سلوى: وهو دا وقت استراحة، تاخدي البريك بعد ما تخلصي شغلك.
ليل : هو في ايه لكل دا؟!
سلوى بعصبية:انتي كمان بتردي عليا! طب ايه رأيك بقي ان انتي مخص*وم منك يومين.... ععشان تتعلمي الرد كويس.
ومشيت من قدامها
وليل قعدت علي الكرسي بضيق وتعب
@@@@@@@@@@@@@@@@@@@@@@
في المساء في قصر الرفاعي
ريتاج كانت قاعدة بتتكلم مع مامتها
ريتاج :طب وانتي متأكدة انه هيتجوزها
سلمي بقلق: ايوا انا هخليه يتجوزها، ووهو اكيد مش هير*فض لي طلب.
ريتاج :طب ما هو مش بيحبها
سلمي بصت ليها : ومن امتا عز بيحب يا ريتاج، ما انتي عارفاه مش بيحب غير شغله
ريتاج :امال هتجوزيه ازاي؟!
سلمي بدون اهتمام : هو هيعتبر الجواز دا مجرد صفقة او يعني منظر قدام الناس.... ومفيش احسن من جميلة.
رنيم من وراهم بدموع: يعني انتي خلاص قررتي تجوزيه جميلة
سلمي اتنهدت وقامت وقفت وبصتلها :في ايه يا رنيم، يعني انا قولت حاجة غلط..... انا ام وعايزة اجوز ابني عادي يعني.
رنيم بدموع :بس انتي عارفة اني بحبه.
سلمي ببرود :وهو مش بيحبك، يبقي عايزة ايه بقي؟!
رنيم : انتي بتكلميني ليه كدا؟!
ريتاج كانت باصة لرنيم بحزن لانها عارفة شعور الحب من طرف واحد
سلمي :اناي بجد بقيتي تخ*نقي اوي، وبتأفوري جدا
رنيم سكتت بدموع.... وفجاة جريت علي برا وطلعت من القصر
ريتاج كانت هتجري وراها، بس سلمي مسكت ايدها ببرود :سبيها عي مش عيله صغيرة
ريتاج بتوتر:ب بس احسن تعمل حاجة في نفسها، خليني اقول لمامتها طيب
سلمي ببرود :ملناش فيه، اهلها وهما يسألو عليها.... يلا اطلعي اوضتك
ريتاج بصت لمامتها بحزن وطلعت اوضتها وهي قلقانة علي رنيم
سلمي بصت علي الباب وفي نفسها: عايزاني اجوزك ابني وانتي اصلا مش من دمنا ولا من عيلتنا..... بس اعمل ايه بس في ريهام.
وبعدين طلعت اوضتها
@@@@@@@@@@@@@@@@@@@@@@
في فيلا عز
ليل كانت بتجهز العشا وبتحطه علي السفرة ولابسة بيجامة واسعة، فجاة حست ان معدتها قلبت وملامحها اتغيرت
جت كريمة وهي بتحط الطبق وشافتها:مالك يا ست ليل؟!
ليل بتعب :مفيش
وقعدت علي الكرسي
كريمة بسرعة:طب هروح اقول للبيه.
ليل بسرعة:لا يا كريمة، قولتلك مفيش حاجة
كريمة بقلق:بس وشك بقي اصفر وشكلك تعبا*نة
ليل :لا متقلقيش، بس يمكن تعب من الشغل
كريمة بابتسامة: بصراحة انا شاكة انك تكوني حامل.
ليل بصدمة:ايه؟! ل لا اكيد لا
واكملت بضيق وتوتر : ح حطي الاكل علي السفرة يلا
كريمة: تمام، بس عامة لو احتاجتي انك تتأكدي.... في في علبة الاسعافات ال في الحمام اختبار حمل
ليل بخوف وتوتر :ل لا انا تعبا*نة شوية بس مش ال في بالك
كريمة : براحتك ياهانم.
وليل اقنعت نفسها انه محصلش، لانها بتاخد الحبا*ية علي طول
وحطت كريمة الاكل علي السفرة، وعز جه وقعد علي كرسيه وهو لابس تيشرت ابيض وبنطلون اسود.
وبدا ياكل هو وليل
عز بهدوء:عملتي ايه النهاردة في الشركة؟!
ليل : مفيش حاجة، اشتغلت زي كل يوم.
عز سكت واكمل طعامه
ليل رفعت عينها ليه وهي اول مرة تفاتحه في موضوع وبتوتر :ه هي مين البنت ال جت النهاردة؟!
عز بصلها بهدوء : تقصدي جميلة؟! دي تبقي بنت صاحب والدي
ليل نزلت انظارها للطبق:اممم، تمام.... ا اصل يعني بتتكلم وعينها في السقف كدا
عز ابتسم :هي اتعودت علي كدا، دي اتربت برا مصر
ليل : ممماشي
عز بهدوء : في اي اسألة تاني
ليل وهي بترجع خص*لات شعرها لودنها بتوتر:ل لا م مفيش
عز ابتسم بخفة وقرب ايده وحطها علي رأسها وحرك ايده بعشوائية، وابعد يديه واكل طعامه.... وليل بقت تتنفس بتوتر اكتر
@@@@@@@@@@@@@@@@@@@@@@
عند رنيم، كانت ماشية بالعربية بتاعتها وبتعيط، فجاة العربية وقفت مرة واحدة
مسحت دموعها ونزلت، لقت عجلة نامت
اتعصبت ومكنتش عارفة هتروح ازاي، وخصوصا الشارع كان فاضي
اتحركت عشان تدور علي تاكسي، ودخلت زقا*ق في ضوء خفيف
بقت تمشي فيه وهي خايفة وحاضنة نفسها
فجاة لقت شخص قدامها
جريت عليه :لو سمحت هو في طريق هنا يوصلني لشارع ****
الراجل بصلها من فوق لتحت بنظرات مقر*فة
الراجل : هه لا بس في طريق مختصر لقلبي لو عايزة.
رنيم بصتله بخوف وتوتر
وكانت هتلف وترجع، بس هو مسك دراعها :استني بس رايحة فين ياقطة؟!
رنيم بخوف :ا ارجوك، سيبني.
الراجل بضحك :يا خلاصي عليكي انتي طلعتي من الناس الهاي..... دا انا كدا هتمتع علي الاخر
وبعدين نادا شخص :يا سعييييد، تعالي ياض ياسعيد انا لقيت م*زة هنا
رنيم خافت وبدات تعيط وهي بتحاول تبعد عنه
جه سعيد بضحك:ايه الحلاوة دي، دا احنا اصت*دنا سمكة ذهبية بقي ولا ايه!
وقعدوا يضحكوا هما الاتنين باستفز*از
رنيم بصوت عالي ودموع :الحقوووووني، حد يلحقنييي.... انا هنااااا
الراجل بضحك:محدش هيسمعك يا قطة، ووفري دموعك دي بقي شوية.
وامسكها بقوة وكان هيقرب منها بس فجاة
لقي ال ضر*به بقوة في وشه وبعده عنها، رنيم بعدت ووقفت تعيط.... وكل دا لسة مشافتش وش الشخص ال انقذها
سعيد بغضب واخرج الة حا*دة :انت مين يسطاااا، وازاي تعمل كدا؟!
الشخص مردش عليه وفضل واقف ببرود
سعيد قرب منه بقوة، بس الشخص ضر*به بقوة في رجله ووقعه علي الارض
جاء الراجل التاني وبصله بخوف وهر*ب
اما سعيد بقي بيز*حف عشان يهرب منه
الشخص بص لرنيم وقرب منها، وهي مش شايفة وشه بسبب الظلمة
الشخص بحدة : تاني مرة متدخليش الشوارع دي، فاهمة
رنيم بخوف بس حاولت تبين العكس :انت بتكلمني كدا، انت مين اصلا؟!
الشخص قرب اكتر لدرجة انه حا*صرها ووجه بان، وكان وسيم وعينه لونها عسلي وطويل وعريض، وابتسم ابتسامة مخيفة:اتكلمي معايا عدل.
رنيم سكتت بخوف
الشخص بحده:متنسيش ان انا ال انقذتك، كنت اقدر اسيبك ليهم عشان يتسلو شوية.
رنيم دموعها بدات تتجمع من الخوف
وهو عينه جت في عينها، وبصلها شوية
رنيم بدموع وعِند : تمام، اتفضل امشي بقي.... انا اقدر اخلي بالي من نفسي كويس.
وهو رفع حاجبه بسخرية.... وبعد عنها ولف ومشي، وهي خافت وجريت وراه ....ومسكت في اطرف التيشرت بتاعه بعفوية.... وهو بصلها بطرف عنيه وابتسم بخفة، وهي نزلت رأسها في الارض باحراج و كسوف.... ومشيت معاه عشان تطلع من الشارع دا
@@@@@@@@@@@@@@@@@@@@@@
عند عز وليل في الاوضة
ليل كانت واقفة قدام المراية وبتمشط شعرها
عز كان قاعد وماسك الابتوب بهدوء واصبعه علي جبينه، فجاة رفع انظاره ليها وقعد يبصلها شوية
قام وقف وقرب منها، وحضنها من الخلف.... وليل اتخضت منه
عز نزل وجهه ودفنه في رق*بتها، وبقي بيستنشق رائحتها
وهي بتترعش تحت ايده
عز قرب يده وبدا يفك اول ثلاث ازارار بيجامتها بهدوء، وهي انفاسها بتزيد اكتر واكتر وبتبلع ريقها بصعو*بة
عز بهمس :وحشتيني
ليل سكتت بتوتر
عز ابعد وجهه ولفها وبص في عينها بهدوء، رفعها وقعدها علي التسريحة
وقل*ع تيشرته واقترب منها وحا*صرها بايده
وميل وجهه ليها ونظر في عينها بهدوء
عز بتوهان :انتي عملتي فيا ايه؟!
ليل بصتله بتوتر
عز انزل انظاره لشفا*يفها بهدوء، واقترب منها وطبع قب*لة خفيفة
وامسك ايدها الاتنين وحطها علي كتفه، وحاوط خص*رها بايده وشدها لعنده واصبحت قب*لة قوية مليءة بالشغف
لكن هي لم تكن تبادله او تنسجم معاه، كانت جسد بلا روح
ابتعد عنها لما حس بحاجتها للهواء
شالها واخدها للسرير وقعدها
واقترب منها وبدا يطبع علا*مات ملك*يته عليها ولسة هيقرب اكتر.... ليل بعدته وهي حاطة ايدها علي فمها
وقامت وجريت علي الحمام وقفلت الباب وراها، وهو استغرب وقام يخبط علي الباب
اما عندها جوا بدات تستفر*غ، وبعد ما خلصت غسلت وشها بتعب
وبصت علي نفسها في المراية، وافتكرت كلام كريمة بقلق
عز من خلف الباب :ليل، انتي كويسة؟!
ليل بتوتر:ا اه كويسة، ش شوية واطلع
وبعدين قربت من صندوق الاسعافات و، واخدت منه اختبار الحمل وهي بتترعش
............. بعد وقت
اتصدمت لما بصت في الاختبار، واكتشفت انها حامل
بقت بتتعرق بقوة وخوف
وبصت علي الباب بخوف ورعشة:ل لا م مش هسمح بحاجة تربطني بيك
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا