رواية وتعانقت الأرواح الفصل الأول1 بقلم الست ورد حصريه في مدونة قصر الروايات

 رواية وتعانقت الأرواح الفصل الأول1 بقلم الست ورد حصريه في مدونة قصر الروايات 

رواية وتعانقت الأرواح الفصل الأول1 بقلم الست ورد حصريه في مدونة قصر الروايات 

"اتجوزت عليا؟"

ضحكت بأعلى صوتها، لم تستطع كتم ضحكاتها، ودخلت في حالة هستيرية.

هي لا تصدق أن الشخص الذي رأت السواد من بعد زواجها به، تزوج عليها.

"اتجوزت عليا؟! الله يحجمك يا أخي وتشوف سواد الدنيا كلها بعينك على قهرتي... حسبي الله ونعم الوكيل فيك."

اقتربت منها والدته وأردفت بعصبية وغل:

"ما تتلمي بقى، مش كفاية مستحمل قرفك."

ضحكت بأعلى صوتها، ولم تنزل منها دمعة:

"قرفي؟ ومستحملني؟ يا رب يا شيخة تعرفي إن جوزك متجوز عليكي، واللي عملتيه فيا يتعمل في بناتك يا سِت يا جاحدة يا خرابة البيوت.

فاكرة إن ربنا هيسيبك في حالك لله والوطن؟ والله مش مسمحاك لا دنيا ولا آخرة... حسبي الله ونعم الوكيل فيكم."

اقتربت من زوجها وضحكت بقوة وهي تراه ببدلة زفافه، وزوجته الجديدة تجلس بجواره:

"أمك بتقول استحمل قرفك يا مازن؟

أمك اللي كانت مشغلاني خدامة عندها... الولية اللي متربتش كانت بتدخل شقتي وتشوفني بملابسي اللي بقعد بيها في البيت، وتطبخ على بوتجازي وتستعمل حاجتي، وكانت تاخد من لبسي تديه لبناتها. ولما أكلمها، تقول من فلوس ابني.

وتخليني أشتغل خدامة عند عيالها اللي هتشوف سواد الدنيا دي... اللي تعدّت على حرمة بيت ابنها.

وأنت يا سبع البرومة فاكرها سايبة، صح؟ يا راجل يا ناقص، يا بتاع أمك، عامل زي العروسة اللعبة اللي صاحبها يحركها وقت ما هو عاوز."

كاد أن يتكلم، لكنها قاطعته:

"أنت تطلقني حالًا."

"طلقها يا حبيبي بلاش قرف."

"أنتِ تخرسي خالص، لأحسن أقسم بالله همرمطك."

ثم وجهت حديثها لزوجها:

"فاكرني هعيط يا يالا؟ وربي وما أعبد إن ما طلقتني حاليًا لهتشوف."

"أنا مش مطلق حد."

ثم اقترب منها وأمسك شعرها بقوة وأكمل:

"سايبك تتكلمي وتسوئي فيها، بس والله يا جويرية لمخليكي كمان خدامة لمراتي."

امتلأت عيناها بالدموع، فتركها، وأردفت بحزن وحسرة:

"حاضر... خلاص أنا آسفة."

اقتربت من حماتها وأردفت وهي تقبّل أعلى رأسها:

"أنا آسفة يا حماتي، سامحيني."

ثم وجهت حديثها لزوجها:

"وأنت سيد الرجالة يا حبيبي."

أنهت حديثها وهي تنظر لزوجته:

"مبروك يا عروسة... تتنهني."

"بعد إذنكم، هدخل أعملكم حاجة تاكلوها، أنتو مفرهدين يعيني من الفرح."

دخلت المطبخ تحت نظراتهم المستغربة، مع شماتة والدته وزوجته.

خرجت بعد أقل من دقيقة وهي تنظر لهم بابتسامة على وجهها

.. يتبع.. 

تكملةالرواية من هناااااا