رواية فى حضن جلادى الفصل السادس عشر 16بقلم نرمين حمدى حصريه في مدونة قصر الروايات
رواية فى حضن جلادى الفصل السادس عشر 16بقلم نرمين حمدى حصريه في مدونة قصر الروايات
#في_حضن_جلادي
رحيم بقي بيدور في الشقه ذي المجنون لحد مايده لمست ورقه علي الكمود، مسكها وقراها كان مضمونها... انا مشيت ومش هرجع تاني مشيت من كل القر*ف الي شوفته معاك، هروح مكان انسي فيه كل الحياه المقر*فه دي.... انا حياتي ادمرت واحب اقولك اني مش مسمحاك يارحيم علي كل أذي أذيتهولي، ومتحاولش تدور عليا عند اهلي لانهم طلعوا ميفرقوش عنك في حاجه، انا بكرهكم كلكم ربنا ينتقم منكم، اخر حاجه طلقني وسيبني وكفايه بقي الله يخليك انا تعبت ونفسيتي تعبت، انا مليش ذنب في الحروب الي مابينكم دي
رحيم كان بيقرأ وقلبه وجعه من كلامها لاول مره كلامها بيأثر فيه كدا، تخيلها وهي واقفه قدامه وبتقوله الكلام دا، لاول مره بيحس ان البنت دي اتأذت فعلا بدون ذنب، مسك الورقه قطعها ميت حته وبغضب فضل يكسر في الشقه.... عقله مش قادر يستوعب انه خلاص مش هيشوفها تاني او انها اتجرأت وهربت منه: وحيااااااات أمك لاجيبك ياسجده... فااااااااكره انك هتقدري تهربي مني، دا نجوم السماااااا اقربلك
اما عن باقي العيله تحت سمعوا صوت الزعيق والتكسير طلعوا علطول
دياب شاف منظر الشقه وكل حاجه متكسره: فييييي اية؟... اية المنظر ده؟
رحيم بزعيق: البت هربت وانتو قاعدين هنا غفلتكم وهربت.... انا رحيم الجارحي يتعمل معايا كدا
دلال: هو اية الي بيحصل ده... احنا لسه ملقناش زينه قوم سجده تهرب
جاد: طيب يمكن اتخطفت ذي زينه... وفي حد عايز يلعب معانا
رحيم: لا هي مشيت بارادتها محدش خطفها... وهلاقيها وهخليها سواد عليها وعلي الي خلفو*ها
دياب: انا مش عارف اية المصايب ديدياب: روح ادي اوامر للرجاله يدوروا عليها في مل شق في البلد اكيد هي لسه مبعدتش.... اما عن زينه فاعملوا بلاغ في القسم عن تغيبها
جاد: بلاغ اية الي نعمله؟... واحنا مش هنعرف نجيبها؟
دياب بزعيق: اعمل الي هقولك عليه مش عايز نقاش
رحيم نزل وامر رجالته يدوروا في كل مكان وهو نزل بنفسه يدور عليها
وجاد راح للقسم يبلغ عن تغيب زينه
&&&&&&&&&&&&&&&&
تاني يوم في شقه عاصي
عاصي خبط علي باب اوضه زينه
زينه: عايز اية
عاصي: افتحي الباب يازينه
زينه: مش فاتحه حاجه
عاصي: تعالي كلي انتي مكلتيش حاجه من امبارح
زينه: مش هاكل حاجه وهفضل حابسه نفسي لحد مموت
عاصي: زينه متخلنيش اتعامل معاكي بالعن*ف وافتحي
زينه فتحت الباب ومشيت من قدامه: انت عايز اية مش كفايه اتجوزتني غصب عني؟!... عايز كمان تغصبني علي كل حاجه في حياتي
عاصي قرب منها ولفها ليه: انا مش بجبرك علي حاجه... انا خايف عليكي، كلي اي حاجه وانا همشي علطول
زينه في لحظه ضعف عيطت: انت مش قولت انك بتحبني وبتخاف عليا؟!... لو بتحبني بجد سيبني امشي، انا مش هقدر اعيش كدا.. والنبي ياعاصي طلقني وسيبني امشي وانا اوعدك اني مش هقول لحد انك انت الي خطفتني
عاصي بهدوء قعد علي الكنبه وسحبها من ايدها تقعد علي الترابيزه الي قدامه ولكن هي سحبت ايدها وقعدت لوحدها: زينه الموضوع دا مش هنتكلم فيه تاني... انا دلوقتي جوزك، ودا بيتك... حياتك القديمه دي تنسيها لاننا مش هنرجعلها تاني لا انا ولا انتي
زينه: اهلي زمانهم قلقانين عليا والنبي
عاصي: تحبي اكلمهم واقولهم اني انا الي خطفتك واتجوزتك وهحافظ عليكي باقي عمري
زينه: وتفتكر هيسيبوك في حالك... هيقتلوك طبعا
عاصي: خايفه عليا؟
زينه سكتت ومردتش وعاصي ابتسم
عاصي: طيب يلا كلي وانا نازل وراجع كمان ساعه
زينه قامت بخضه: تنزل فين؟!
عاصي وقف: نازل هخلص حاجه ضروريه وراجع علطول
زينه: لا والنبي متنزلش انا اخاف اقعد لوحدي
عاصي ابتسم: خلاص ياستي الي انتي عايزاه مش هنزل
زينه: لو هعطلك خلاص انزل
عاصي بضحك: هرمونات دي ولا اية؟
ليقاطعهم مكالمه لعاصي من صفيه... وزينه شافتها وبمجرد مشافتها بصتله بنظره غريبه وبعدها خرجت من الاوضه
عاصي رد: خير
صفيه: اخيرااااا عطفت عليا ورديت
عاصي: عايزه اية
صفيه: انت فين ياعاصي ومع مين
عاصي: وانتي مالك
صفيه: عاصي انا ساكته لدلوقتي عشان خايفه عليك من الي ممكن يحصلك ويحصل للسنيوره الي معاك انما لو بابا عرف هيول*عها علي دماغ الكل
عاصي: اسمعي انا اتجوزت زينه ومش فارق معايا اي حاجه تاني
صفيه بصدمه: اااااااية؟!.... اتجوزتها.. مااااااشي ياعاصي انت الي اخترت
عاصي قفل السكه في وشها وراح لزينه
عاصي: اكلتي؟
زينه بضيق: أه اكلت... في اي أسئله تاني
عاصي باستغراب: في اية قلبتي كدا ليه؟
زينه: وانا هقلب ليه.... انا بشوف الاستجواب بتاعك هيخلص امتي
عاصي سحبها من دراعها: وبعدين معاكي... زعلانه من اية طيب
زينه بعدت عنه: سيبني ومتقربش مني
عاصي فعم انها زعلت من مكالمه صفيه: بحبك
زينه وقفت متجمده مكانها وفضلت متنحه فيه شويه: اية
عاصي قرب من اذنها وهمس: بحبك
زينه فوقت نفسها: اااا كفايه عليك صفيه
عاصي: صفيه مين دي.. وهي تيجي جنبك اية
زينه: انا مش عايزه حد يجي جنبي ولا اجي جنب حد... الحياه دي مش بتعتي انا مش ليك ياعاصي افهم
عاصي شدها من دراعها جامد: لو مش ليا يبقي مش هتبقي لحد غيري
زينه: لا هبقي لغيرك برضاك او غصب عنك ياعاصي
عاصي: انتي خلاص بقيتي ليا ومستحيل تبقي لغيري
زينه بصتله بضيق: مش معترفه بالجوازه دي
عاصي: مش مهم تعترفي المهم انك علي الورق بقيتي زينه عاصي النمر
&&&&&&&&&&&&&&&&
نور: انتي اية حكايتك بقي... يعني انتي صغيره جدا علي انك تعيشي لوحدك اهلك فين
سجده: دي حكايه طويله اوي... بس كل الي اعرفه اني مبقاليش حد غير ابني
نور: ابنك؟! انتي حامل؟
سجده: اه حامل
نور: انا هتجنن ازاي اتجوزتي صغيره كدا
سجده: النصيب بقي
نور: باين عليكي شايله كتير في قلبك وقت متحبي تحكيلي احكيلي
سجده ابتسمت: بجد انا بشكرك... انا محتاجه منك خدمه بس
نور: اتفضلي ياحبيبتي
سجده:خليكي معايا... انا حاسه اني لوحدي
نور: انا معاكي وفي ضهرك متقلقيش انتي مش لوحدك
سجده فجأه بدأت تعيط بطريقه غريبه وكأنها افتكرت كل الي جرالها ونور اخدتها في حضنها: انتي موجوعه اوي... ربنا يريح قلبك يارب
سجده: انا اسفه... انا هروح ارتاح شويه
نور: طيب ياحبيببتي اقفلي الباب كويس ولو احتجتي حاجه انا موجوده في شقتي
سجده: تسلميلي يانور
&&&&&&&&&&&&&&&&&
عدت ايام واسابيع وشهور والوضع كما هو عليه علاقه عاصي بزينه نوعا ما بتتعدل
اما عن سجده الفلوس الي معاها خلصت
صاحب العماره: انتي بقالك اسبوع كل يوم تقوليلي بكره ياسجده في اية بالظبط
سجده: انا اسفه جدا لحضرتك انا عارفه اني تقلت عليك
صاحب العماره: وانا هعمل اية بأسفك.... انا ممكن مخدش منك الايجار وتدفعي بداله حاجه تانيه
سجده: حاجه ذي اية
صاحب العماره بصلها بقذا*ره من فوق لتحت: يعني انتي مش فاهمه؟
سجده: متتكلم علطول اية جو الالغاز دا
صاحب العماره: طيب عايزك انتي ليله وحده... والشقه مجاني لخمس شهور قدام
سجده اتصدمت من طلبه: انتتتتتت مجنووووون؟!... اية الي انت بتقوله دا، انا بنت ناس مش وحده من الشارع هتوافقك علي الي انت عايزه دا
صاحب العماره: يابت انتي هتعمليلي فيها شر*يفه متفوقي بقي دا انتي جايه بطولك تعيشي في شقه لوحدك
سجده: انتتتت حيواااا*ن ومش محترم
صاحب العماره مسكها من دراعها وجذبها ليه
سجده بتصرخ: ابعددددد ياحيواا*ن انا حامل
صاحب العماره: كمان جيالنا بمصيبه... وياترا مين الي عرف يضحك عليكي، ولا تكونيش هربانه من اهلك بسبب كدا
سجده بعياط: اية الي انت بتقوله دا انا متجوزه ولو جوزي عرف الي انت بتعمله هيقتلك انت متعرفش هو يبقي مين
صاحب العماره افتكر انها بتكدب عليه وكمل في الي بيعمله وجذبها واته*جم عليها وهي كانت بتقاوم بكل قوتها بس هو كان اقوي منها وفي وسط توسلاتها وعياطها وقعت علي الارض ونز*فت كتير وهو اول مشافها اتصدم وخاف ورجع لورا، فتح الباب وجري علي تحت وسابها
ولحسن الحظ كانت نور خارجه ولاحظت شقه سجده مفتوحه.. راحت عشان تطمن عليها وشافت المنظر دا جريت عليها بسرعه، وطلبت الاسعاف: سجده ياسجددددده جرالك اية ياحبيبتي فوووووقي
ومعداش كتير والاسعاف جات واخدت سجده ونور واخدوها غرفه الطوارئ بسرعه
بعد مرور بعض الوقت خرج الدكتور ونور كانت راحه جايه قلقانه وبتعيط: هااا يادكتور طمني والنبي
الدكتور: الحاله خطر جدا محتاجه نقل دم وفصيله دمها مش متوفره في المستشفي حاليا.. محتاجين متبرع حالا وإلا هنخسرها ونخسر الجنين
نور اتصدمت من كلامه ولقت نفسها بتمشي في المستشفي وهي بتصرخ بأعلي صوتها وبتترجي الناس يشوفوا متبرع حالا بنفس فصيله الدم: والنبي حد يلحقهاااااااا مفيش حد هنا ينجدناااااا
نور لفت المستشفي كلها وهي بتدور بس فصيله دمها كانت نادره وفجأه وهي بتعيط وبتسأل
أحد الاشخاص: أنا هتبرع
ياترا مين هذا الشخص 🤔
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا