رواية ملاك الحياة الفصل الرابع عشر 14بقلم داليا منصور حصريه في مدونة قصر الروايات
رواية ملاك الحياة الفصل الرابع عشر 14بقلم داليا منصور حصريه في مدونة قصر الروايات
#الفصل_الرابع_عشر
#ملاك_الحياة..
ادهم سمع صوت ملاك وراه وبص وراه ونزل التليفون وخايف لتكون سمعته وخايف من رد فعلها.
ملاك ببكاء :
-إنت بتقول مش هنرجع مصر تاني ليه انا عاوزه اشوف اهلي مليش دعوة مشيني من هنا..
ادهم بصلها واتنفس براحه وحمد ربنا في سره إنها مسمعتش الكلام كلوا بس رد عليها ببرود .
-زي مسمعتي مش هنرجع خالص .
ملاك بصراخ :
-حرام عليك انا عاوزه ارجع لاهلي ، انا مش هقدر افضل هنا ابدا وبالذات لو معاك .
ادهم ببرود :
- خلصتي ادخلي نامي يالا.
ملاك بعصبية :
-إنت جايب البرود والغل ده منين انا عملت فيك اي ارحمني بقي انا بكرهك.
ادهم كأن حد جاب سكينه ورشقها في قلبوا رد عليها بعصبية .
-ملاك انا قولتلك ادخلي جوه وإلا هتشوفي وشي التاني انا لغاية دلوقتي ماسك نفسي بالعافيه فادخلي وعدي يومك .
ملاك بقهر :
-كل ده وماسك نفسك امال لو مش ماسكها هتعمل اي ، دانا مشوفتش يوم حلو إلا ولازم تعزبني فيه ، حتي دلوقتي شايله ابنك بالرغم إني مش طايقه اقعد معاك ارحمني بقي.
ادهم بغضب الدنيا كُلها :
-طلاما مش طيقاني حاضر هنفزلك طلبك وهطلقك وارميكي رميت الكلاب ، انا بنات الدنيا تتمني بس ابصلها مش إنتي مش نافع معاكي حاجه أبداً بس ماشي اول متولدي هاخد إبني وطلقك .
ملاك بصدمة ولفت إيديها حولين بطنها وهي بتقول ببكاء :
-حرام عليك إنت متعرفش ربنا ياخي ، مش مكفيك إلي عملتوا فيا عاوز تحرم أُم من إبنا ارحمني بقى.
ادهم بعصبية :
-إبني وحقي وهخده ومش هسبهولك ابداً وبالنسبة لأهلك هركيكي ليهم جايز ينفعوكي.. .
ملاك بكُره :
-لو هموت مش هسيبلك إبني مش إنت بتقول مليون يتمنوا تُبصلهم روح اتجوز وهات ولد منهم إنما إبني مش هدهولك إلا على جثتي .
ادهم بغضب :
-هتشوفي مين فينا هيكسب في الاخر يا مدام ادهم...
ومشي من قدامها خالص وملاك قعدت مكانها وهي بتعيط جامد وبتقول :
-يارب انا مليش غيرك احميني انا وأبني ، يارب مش عاوزه الوحش ده يربيه، هيخليه زيه ميعرفش ربنا وبينتقم من الناس ، يارب انا مش هقدر اتخلي عنه ابداً مهما حصل ده إبني وحته مني ، وهي بتعيط حست بألم غريب في بطنها فضلت تصرخ وتعيط وهي بتتألم وماسكة بطنها جامد .
———————&&
عند نورهان في الجامعه.
نورهان كانت داخله للمحاضره سمعت حد بينادي عليها وبيقول.
-استاذه نورهان هو إنتي ادتيني رقم ممتك صحيح لان الرقم مغلق .
نورهان وهي بتفتكر إلي حصل يوم مـ طلب منها رقم مامتها، ساعتها هي عرفت إنه هيتقدملها فحبت تخدعه لانها بتحب احمد ومستحيل تتجوز غيروا فقالت ليه بهدوء.
-اسفه على سوء التفاهم بس انا اتقراء فتحتي خلاص مفيش داعي تاخد رقم مامتي.
سيف بزعل :
-تمام ربنا يصلح حالك يارب ويتمملك علىخير.
نورهان حست بزعل عليه لانها جربت إحساس لم تحب حد وميكونش ليك بس قالت وهي مستعجله .
- اسفه انا اتأخرت على المحاضره لازم امشي ، مشت نورهان وسيف كمان مشي بس كان زعلان جدا البنت اللي اعجب بيها راحت منه خلاص... (متزعلش اعم هشوفلك عروسه تانيه غير البت دي لانها فقر هههه)
———————-&&
عند احمد وصل الشركة ودخل مكتبه ولسه بيقعد المدير طلبه.
-الوا
المدير :
-احمد تعالي بسرعه وهات الورق بتاع المشروع الجديد تمام.
احمد :
-تمام يافندم انا جاي حالا...
وخد الملف وخرج راح للمدير احمد بيخبط وه سمع صوت المدير بيقول.
-اتفضل ادخل..
دخل احمد وهو ماسك ورق المشروع الجديد إلي شغال عليه وقعد وبدأ يوري المدير شوية حجات مهمه فالمشروع إلي لازم يبدأ فيه بأسرع وقت .
احمد :
-انا كده خلصت كل الملف فاضل إمضتك يا استاذ اسد..
اسد بابتسامة:
- تمام والمشروع ده كان لازم يتسلم النهاردة بأي طريقة برافو يا أحمد...
احمد:
- تسلم بجد على زوق حضرتك أنا همشي علشان اسلم المشروع لأستاذ ممدوح علشان يلحق يسلمة للشركة المنافسة...
احمد خرج واسد فضل باصص عليه بغموض...
———————&&
عند ادهم
بعد مساب ملاك وهو متعصب بس خاف تروح منه او تعرف حقيقته اللي مخبيها عليها فحب يخوفها بطريقته بس هو ميعرفش الام عندها تموت والا حد يساومها على إبنها مهما حصل وبالذات ملاك لانها شافت كتير منه وكمان إتعلقت بالجنين ، فـ مستحيل تتخلي عنه..
كان قاعد بيفكر ويقول:
- انا هعمل ايه معاها دي دماغها ناشفة مستحيل تسمع مني وتفضل هنا...
فجأه! سمع صوت صراخ ملاك جري بسرعة يطمن عليها ويشوفها .
ادهم وصل عند ملاك لقاها مرميه على الارض وبتنزف جامد وعماله تعيط شالها ادهم وجري بسرعه وهو بينادي على السواق .
-احضروا السيارة بسرعه زوجتي ستموت بسرعة... جت العربيه والسواق طلع علي المستشفى وادهم خد ملاك في حضنه وعمال يقولها.
-استحملي علشان خاطر ابننا يـ ملاك سامحيني انا السبب انا لو معملتش كدة مكنش حصلك حاجة والاول مرة ادهم يبكي علشان حد وهو بيقول:
- انا اسف انا السبب في اللي انتي فيه دلوقتي بسبب عنادي وحبي الزايد ليكي..
وحضنها اكتر وهو دموعوا نازله (الراجل مش بيعيط بالسهولة دي ابداً ودي حاجه تأكد إن ادهم حبها بجد بس عناده خلاه يكابر
ملاك كانت بتتوجع جامد وبتقول :
-إبني يا ادهم هيروح مني.
ادهم وهو بيحضنها :
-مش هيروح في مكان إبني قوي هيحارب اكيد.. وصل السواق عند المستشفي نزل ادهم وهو شايل ملاك وبيجري بيها ، جم الدكاترة اخدوها ودخلوا علي اوضت العمليات ، واهتم بيها اشهر الدكاتره لانهم عرفوا مين ادهم المحمدي ، ادهم كان قاعد على اعصابه ، وكلهم بيجروا علشان ينقظوها بسرعه.
———————
في بيت اهل ملاك.
ام ملاك :اه
الاب :مالك يا ام احمد .
ام ملاك :
-مش عارفة حسيت قلبي وجعني مره واحده ، انا قلبي مش مطمن بنتي فيها حاجه صدقني ملاك فيها حاجه.
الاب بقلق بس حب يطمنها :
-هيكون حصلها إي يعني زمانها بخير إنتي ألي بتأڤوري شويه من خوفك عليها.
الام بخوف :
-صدقني انا حاسه ببنتي فيها حاجة ، دي بنتي يا عالم مش هحس بيها إزاي.
الاب بقلق :
-هحاول اوصل لحد يطمني عليها ولو تطلب الامر اروح قصر جوزها اطمن عليها حتى او هعمله اللي عاوزه واجيب بنتي هعمل كده مش هقدر اشوفها بعيده واسكت.
الام ببكاء :
-بنتي ذنبها اي بكل ده ، دي طيبه جدا وعمرها مذعلت حد ليه تقع في إيد شخص ميعرفش الرحمه ابداً تيجي بس وانا عمري مهخليها تطلع تاني من البيت.
الاب بحزن :
-يارب ترجع...
وسابها وخرج يرن علي احمد ابنه مردش لانه في إجتماع ، نزل وركب العربية وراح نحيت قصر ادهم جوز بنته ونزل من العربية ووصل عند البوابى وهو بينادي على ادهم جوز بنته علشان يشوفها ويطمن عليها..
ابو ملاك:
- ادهم موجود هنا يابني..
الحارس :
-استاذ ادهم مش موجود هنا يا حج .
الاب باستغراب :
-امال هو فين يابني وبنتي هنا والا لافين ممكن تناديها .
الحارس باستغراب :
-اي ده هو إنت متعرفش إن الاستاذ ادهم ومراته سافروا .
الكلمة نزلت عليه كأن حد جاب ميا وكبها فوقه.
-إنت بتقول اي بنتي فين يا عالم إنتوا اكيد مخبينها..
وزق الحارس وهو بيزعق جامد وبينادي على ملاك بنتوا الحارس قال :
-يا استاذ مينفعش انا بقولك مفيش حد هنا غيري بس وهو سافر.
الاب بزعل :
-والنبي يابني قولي راحوا فين .
الحارس بشفقه بعض الشيء :
-حاضر هقولك بس علشان اطمنك على بنتك سافروا إيطاليا هي والاستاذ ادهم.
الاب بصدمة :
-إنت بتقول اي إيطاليا.
#استوووب ياترى ايه هيحصل مع ملاك؟ وابوها هيعمل ايه لم يلاقي بنته بعدت عنه؟
...
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا