رواية حب صغيرتي الفصل الثاني عشر 12بقلم ايه عيد حصريه في مدونة قصر الروايات

رواية حب صغيرتي الفصل الثاني عشر 12بقلم ايه عيد حصريه في مدونة قصر الروايات 

رواية حب صغيرتي الفصل الثاني عشر 12بقلم ايه عيد حصريه في مدونة قصر الروايات 

#حب_صغيرتي

البارت 12

يوسف بصدمة :امي

عايدة والدموع بتتجمع في عينها :ابني

حسين واقف مصدوم، انها رجعت بعد السنين دي كلها

تفيدة بعصبية :انتي بتعملي ايه هنيه؟! جاية تخر"بي عليا بيتي 

نسمة بحدة :تفيدة، اتكلمي عدل.... هي ام يوسف ورانيا ومن حقها تيجي وتشوف عيالها

نسمة قربت من عايدة وحضنتها، وعايدة بادلتها الحضن بحب

نسمة بصتلها :وحشتيني

عايدة بابتسامة : وانتي كمان

عايدة بصت علي يوسف ال لسة مصدوم ومش عارف يعمل ايه

قربت منه ومسكت ايده : مشتقتش لامك يا يوسف

يوسف فجاه نزلت دمعة مم عينيه، وعايدة قربت وحضنته بحنية

ويوسف ماصدق وبادلها الحضن بقوة، كأنه عايز يستخبي في حضنها وميطلعش منه

غنوة كانت باصة علي يوسف وبتبكي

وتفيدة واقفة هتتجنن

يوسف بدموع :و وحشتيني اوي، كنتي فين السنين دي كلها

عايدة بصت لحسين بعتاب، وحسين اتوتر وبس الناحية التانية

عايدة ليوسف بحزن :الظروف يا حبيبي، الظروف

يوسف بضيق :ظروف اي دي ال تخليكي تبعدي عن ولادك

نسمة :خلاص يا يوسف مش وقته الكلام دا

تفيدة بعصبية وحق"د:بتعملي ايه هنيه يا بنت السعدني

عايدة بصتلها : جاية اشوف ولادي يا صاحبة عمري.... او ال كنتي صاحبة عمري

تفيدة بعصبية : انتي مش هتجعدي هنيه دجيجة واحدة، يلا اطلعي وهوينا من هنيه

عايدة بثقة :مش انتي ال هتقوليلي اطلع ولا مطلعش.... كبير البيت هو ال يقول

تفيدة بغ"ل :وانا صاحبة البيت هنا، وكلمتي ال هتمشي

نسمة بصتلها بسخرية  :من امتا الكلام دا يا تفيدة.... هي قالت كبير البيت، يعني يونس يبقي هي هتستني هنا لحد ما يونس يوصل

تفيدة بعصبية :انا مش هستحنل الست دي هنا دجيجة واحدة، وانتي تقوليلي لما يونس بيه يوصل

عايدة قعدت علي الكرسي : لما يونس ييجي يبقي لينا كلام تاني

تفيدة بعصبية ل مصطفي :طلعها يا ولدي من هنيه بسرعة انا مش طايجاها

مصطفي كان هيقرب من عايدة....بس يوسف وقف في وشه

يوسف بحدة :فكر بس تلمس شعرة منها وانا هنسي انك أبن ابويا

مصطفي بصله بكر*ه

عايدة :فين رانيا؟! 

تفيدة بشما*تة :اتجوزت، بعد ما قفشناها معاه في اوضتها

عايدة وقفت قدامها بغضب :اخر"سي اياكي تقولي كدا علي بنتي

نسمة بعصبية :اطلعي اوضتك يا تفيدة ومشوفكيش هنا غير لما يونس يرجع

تفيدة بتبصلها بضيق وبتقعد علي الكرسي : لاه، انا قاعدة هنا لحد ما كبيركم يرجع

@@@@@@@@@@@@@@@@@@@@@

في قصر يونس

صحيت بيان من النوم، وقعدت تبص حواليها باستغراب من شكل المكان ال فيه

حركت عنيها وبصت جمبها

فجاة لقت نفسها في حضن يونس وهو عا*ري الصدر، بتقوم تقعد علي السرير بصدمة وبتحط ايدها علي لبسها.... وبتطمن لما تلاقي نفسها لسة بنفس الدريس

يونس بابتسامة خفيفة : متقلقيش، محصلش حاجة

بيان اتخضت وبصتله ولقته صاحي وكان بيتفرج عليها

بيان بخضة :ا انت صاحي

يونس بهدوء :اممم

بيان بتقوم باحراج : ط طب هو احنا فين؟! 

بيقوم يونس وبيقعد علي السرير :في القاهرة

بيان وهي بتبعد عينها عنه بتوتر: يعني احنا مروحناش الصعيد

يونس مش بيرد عليها وبيقوم وبيلبس تيشرت وبياخد تلفونه وبيتجه البلكونة

يونس وهو ماشي : تلفونك في الدرج

وبيدخل البلكونة

بيان جريت علي الدرج وفتحته ولقت التلفون مسكته بفرحة وقعدت تتنطط بيه

٪٪٪٪٪٪٪٪٪٪٪٪٪٪٪

يونس دحل البلكونة وشاف فرحتها وبعدين مسك تلفونه واتصل بحد

يونس :ايه ال حصل؟! 

واحد من حراسه ال موجدين في الصعيد عند القصر :الست عايدة وصلت

يونس :تفيدة عملت مشاكل؟!

الحارس : ايوا طبعا، بس ست نسمة قالتلها نتكلم لما الكبير يوصل

يونس ببرود :تمام.

وقفل معاه، وقعد يفكر شوية

............ بعد مدة

دخل يونس الاوضة ولقي بيان خارجة من الحمام، ولابسة بيجامة من بتوع يونس وماسكة البنطلون كويس عشان ميقعش لان البيجامة واسعة عليه وكانت شبه الاطفال

(متصدقوش دي هبلة 🙂) 

يونس بصدمة خفيفة :ايه دا؟!

بيان وهي ماسكة البنطلون :ملقيتش هدوم ليا، وكنت عايزة اغير وملقيتش غير بيجامتك.... وبصراحة هي واسعة اوي انا مش عارفة انت بتلبسهم ازاي

يونس قرب منها :بلبسهم عشان مقاسي

بيان :اه ما انت ماشاء الله عليك، عضلاتك واخدة الساحة 

يونس برفعة حاجب :انتي بتحس"ديني

بيان بصدمة :ايه؟! لا طبعا، هو في واحدة تحس"د جوزها

يونس حط ايده في جيبه وبرفعة حاجب  : جوزها؟! ما انتي معترفة اهو اني جوزك

بيان بتوتر  :ا ا اصل ا ي....

يونس : خلاص، خلاص انا هخلي حد من الخدم يجيبلك فساتين جديدة.... عشان هنرجع الصعيد

بيان بزعل :طب ما تخلينا هنا شوية

يونس اتجه لغرفة الملابس :مينفعش

بيان جريت وراه :طب است....

اتشنكلت وكانت هتقع بسبب البنطلون الطويل

بس يونس لحقها، ووقعت في حضنه

بيان برقت بصدمة ويونس وقفها كويس

يونس حط ايده علي رأسها بهدوء وبصوته الرجولي : ابقي خلي بالك المرة الجاية

وحرك ايده علي شعرها بلطف وبعدين دخل غرفة الملابس

بيان واقفة وماسكة البنطلون وهي لسة مصدومة، وحست باحساس غريب وخدودها احمرت لا إرادي

٪٪٪٪٪٪٪٪٪٪٪٪٪٪٪٪٪

بعد ساعة الخدم جابوا فساتين ودريسات وطرح ل بيان

ولبست ويونس غير هدومه وفطروا وانطلقوا علي الصعيد 

@@@@@@@@@@@@@@@@@@@@@

في القصر وقت الظهيرة، الكل قاعد كل دا ومستني يونس

......... بعد مدة

دخل ريان ومعاه رانيا ال ماسكة في دراعه خوفا من والدها

نسمة قامت وقفت بابتسامة :اهلا يا ريان، ازيك يارانيا؟ عاملين ايه يا ولاد

ريان بابتسامة خفيفة :الحمد لله كويسين، يونس كلمني وقالي انه عايزنا

عايدة قامت وقفت وبصت لرانيا بدموع واشتياق

قربت منها ومسكت ايدها، ورانيا مستغربة

عايدة بدموع :ولله وكبرتي يا بنت بطني وبقيتي عروسة زي القمر

رانيا اتصدمت وبصت لتفيدة، ال منزلة راسها في الارض بضيق 

رانيا بصدمة :ه هي بتقول ايه؟!

دخل يونس بهيبة : دي امك يا رانيا، مش تفيدة مرات ابوكي

رانيا بصتله بصدمة، وكمان بيان ال واقفة جمبه مصدومة

رانيا بصدمة ودموع : ب بس ت تفيدة، ا انتو قولتوا انها امي.... و وهي قالتلي كدا

رانيا قربت من ابوها بدموع :ا الكلام دا صح، ت تفيدة متبقاش امي

حسين بضيق :ايوا، عايدة هي امك.... تفيدة مرتي التانية

رانيا اتصدمت اكتر وعايدة قربت منها بدموع :ا انا اسفة، اسفة اني خليت واحدة زي تفيدة تفهمك انها امك

رانيا بدموع :ب بس ا انتي ك كنتي فين كل دا؟!

عايدة بصت لحسين : اسألي ابوكي

حسين نزل رأسه في الارض بتوتر

يونس :ايه ياعمي، اتكلم انا ولا تتكلم انت

حسين فضل ساكت

نسمة  لرانيا : ابوكي اتجوز  تفيدة علي امك بالسر وجاب منها مصطفي، وبعد سنتين كانت حامل فيكي.... تفيدة جت وقالت كل حاجة ومعاها مصطفي، وامك كانت عايزة تتطلق بس حسين موافقش ووقتها انتي جيتي، وحسين هدد امك بابوها وعمل ورق يثبت انها مجنونة .... وخلاها تمشي وتسيب البلد كلها وتسافر وأخدتش حد فيكم لا انتي ولا يوسف

رانيا بصت لابوها بصدمة :بقي كل دا يطلع منك انت

حسين سكت بندم

تفيدة بغرور :هو كان بيحبني انا، وهي مكانش عندها كرامة وكانت عارفة انه مش بيحبها ورغم كدا فضلت مكملة معاه

يونس بغضب : تتكلمي عدل عنها، مش علي اخر الزمن تيجي  رقا"صة  وتتكلم علي الكرامة

مصطفي بغضب :يوووونس

يونس بغضب اكبر :صووووتك ميعلاش قصادي انت فاااهم

مصطفي بيسكت بغضب وبيخرج برا القصر بسرعة

رانيا كانت هتقع بس ريان مسكها وسندها

عايدة قربت منها بدموع :سامحيني يا بنتي، بس انا كنت فقيرة ومش في ايدي حاجة اعملها

رانيا بصتلها بدموع وحضنتها بقوة

وعايدة بادلتها الحضن

وتفيدة بتتضايق وبتطلع اوضتها، وحسين فضل واقف وحاسس بالندم لان اكيد عياله بقوا بيكرهوه دلوقتي.... وبعدين طلع اوضته

يونس :ريان، انت هتقعد هنا معانا في القصر انت ورانيا،  عشان امها تكون معاها

عايدة بابتسامة :شكرا يا يونس، شكرا انك جبتني لحد هنا وعطيتني الشجاعة اني اتكلم

يونس بابتسامة :انتي امي التانية بردك

نسمة بهزار :لا ياخويا انا امك بس مفيش غيري

الكل ضحك

كريم بضحك :طب بالمناسبة دي بقي اعملولنا هعشا فخم كدا

بيان بتتوتر

نسمة :عايدة تذوق عمايل غنوة وبيان بقي، ورانيا تقعد وترتاح عشان تتكلم مع امها 

بيان باحراج : ح حاضر، اكيد

وبتبص ليونس

وبعدين بتدخل هي وغنوة المطبخ

ورانيا ويوسف بيقعدو مع امهم، ويونس وريان  وكريم بيخرجوا عشان وراهم شغل في المستخبي 

@@@@@@@@@@@@@@@@@@@@@

في المطبخ

بيان وغنوة

بيان بتوتر :ط طب روحي انتي ياغنوة، انتي حامل وغلط عليكي الحركة

غنوة :هساعدك يا بيان عشان متتعبيش

بيان بابتسامة :لا متقلقيش، هنادي راية تساعدني

غنوة بابتسامة : خلاص ماشي، انا هطلع ارتاح فوق شوية

وبتخرج من المطبخ

بتدخل راية : اساعدك في ايه يا ست هانم؟!

بيان :بصي اول حاجة ناديني بيان، تاني حاجة انا محتا"سة ومش بعرف اطبخ.... فا ساعديني معلش

راية بضحك : خلاص، خلاص دا انا حاسة انك هتعيطي.... هساعدك ياستي

وبيبدأو يعملو الاكل وبيان بتقرر انها تعمل مكرونة بشاميل عشان يونس وهي متوترة

@@@@@@@@@@@@@@@@@@@@

فوق عند تفيدة

تفيدة بعصبية : يعني انا اخلص منها، تقوم ترجعلي تاني

حسين كان قاعد علي السرير وحاطط ايده علي رأسه

تفيدة بغ"ل :ولاه، يونس بيه عمل يتشرط علينا واعملوا دا ومتعملوش دا

حسين بعصبية : ما تسكتي شوية بجي

تفيدة بحق" د :ياما قولتلك، خليك ناصح وخد انت منصب الكبير من اخوك بعد ما يروح.... بس انت ال خا"يب وهتفضل خا" يب

حسين قام بعصبية : ما تجفلي خش"مك يا وليه، بتكلميني كديه كيف

تفيدة بغرور :اكلمك زي ما انا عايزة، مش كفاية يونس ممشيك مسطرة في ايده وانت عامل زي اللعبة بالخيط

حسين قرب منها وهوب ك" ف نزل علي وشها

حسين بغضب :احترمي نفسك لما تكلميني، انتي ال وشك وش بو"مة من ساعة ما شوفتك

تفيدة وهي ماسكة وشها بكر"ه :بقي بتمد ايدك عليا يا حسين، طب ولله ما هعديهالك.... وهوريك تمن الك"ف دا غالي جوي

حسين بيبصلها بقر"ف وبيطلع برا

وتفيدة بتبصله بش" ر

(مش هتسلم من ايدها🙂)

@@@@@@@@@@@@@@@@@@@@@@

في مكان مجهول

واقف يونس بنظارته الشمسية بكل هيبة ومعاه ريان وكريم ورجالتم، ومعاهم واحد ووراه رجالة  

يونس بهيبة :ها

 رمزي بابتسامة وهو بيحط السلا*ح في الصندوق : هو انا اقدر اقول كلمة، كلنا عارفين ان شغلك مضمون ومفيش زيه

يونس ببرود  وهو بيطلع سيجا*رته وبينفث الدخا*ن : عايزهم امتا

رمزي :بكرا ان شاء الله

يونس بهدوء   : بكرا في الفجرية هيكونوا عندك

رمزي بتوتر :ط طب مش شايف ان المبلغ كتير شوية

يونس برفعة حاجب :لو مش عاجبك متاخدش، بس اتحداك تلاقي زيه.... ولو ملقيتش اياك المحك قدامي

رمزي بخوف :ا لا وعلي ايه خلاص هدفع

ونادا علي حد من رجالته وجاب  3شنط كبيرة من العربية

وحطوهم قدام يونس

يونس بص لكريم، وكريم قرب من الشنط واتاكد ان الفلوس سليمة وكلها بالدولار

يونس ببرود وهو حاطط ايده في جيبه :نتاكد من عدد الفلوس، وسلا*حك هيبقي عندك

رمزي بابتسامة  :تمام يا كبير

وبيمشي هو ورجالته

ويونس بيخلي رجالته تحط الشنط في العربية وبينطلقوا

@@@@@@@@@@@@@@@@@@@@@

في الليل

بيان بتعمل اكل كتير وبتحطه علي السفرة، وبتنزل تفيدة عشان تغي"ظ عايدة

ويونس والشباب بيوصلوا وبيقعدوا

بيان كانت واقفة  متوترة جمب يونس ال قاعد علي الكرسي

عايدة بابتسامة :الاكل يفتح النفس يابنتي بس تعبتي نفسك

بيان بابتسامة :لا تعب ولا حاجة

رانيا بضحك :بس انتي مكنتيش بتعرفي تعملي بيضة، ازاي عملتي كل دا

بيان بابتسامة :جبت من الانترنت واتعلمت

كريم بفرحة :يا سلااااام، دا انا علي لح"م بطني من الصبح

بيان ابتسمت

يونس :اقعدي

بيان قعدت 

الكل بدا يمد ايده وياكل...... بس فجاة الكل ثبت مكانه ومبقوش قادرين يبلعو الاكل

بيان استغربت وبصت علي يونس، ال وشه ميبشرش بالخير

يونس ساب الملعقة من ايده بحدة وبص ل بيان

يونس بحدة : فين الملح؟!

بيان استغربت من كلامه وذاقت الاكل واتصدمت، الاكل كان مسكر

بيان بخوف واحراج : ا انا شكلي حطيت سكر مكان الملح

تفيدة بعو"جة : هه وكنا فاكرينها ست بيت طلعت موكو"سة وملهاش في حاجة واصل

بيان بتتحرج والدموع بتتجمع في عنيها

يونس : كريم، اطلب اكل من برا

كريم بيقوم وبيمسك تلفونه 

بيان بتتحرج اكتر وبتقوم عشان تطلع فوق بس يونس بيمسك ايدها

يونس بحدة :اقعدي

بيان بتقعد بس وهي منزلة رأسها في الاكل 

يونس بهدوء :طيب يا جماعة، دي غلطة واي حد بيغلط

وبص ل بيان :ومراتي لسة صغيرة ومتعرفش تتطبخ لسة.... بس العزومة الجاية ان شاء الله هتشرفني قدامكم

بيان بتبصله وهي زعلانة

عايدة بابتسامة : متزعليش يا بنتي، عادي وبتحصل كتير

نسمة :اصلا الاكل شكله حلو ولله، بس هو ال كان عايز ملح بس

رانيا بهزار : انتي مسكرة عشان كدا نسيتي وحطيتي نوعك

بيان بتبسم

غنوة : دا انتي عملتي معانا معجزة، انا بقالي كتير اوي نفسي اكل من برا

يوسف بصلها وفي سره : دا انا لسة مأكلك الاسبوع ال فات كباب وكفتة

ريان بضحك :دي اول مرة تحصل في تاريخ البشرية، ان يونس يسكت ويعديها كدا

يونس وهو باصص ل بيان بابتسامة مخيفة : لا ازاي لسة هنكمل كلامنا فوق

بيان بتبصله بخوف وبتسكت

تفيدة بغ"ل : دا كان فضحنا لو احنا ال عملنا كدا، بس شكلها اكلت عقله

نسمة :الله اكبر، خمسة وخميسة

جه كريم :ربع ساعة والاكل يوصل

٪٪٪٪٪٪٪٪٪٪٪٪٪٪٪

وبالفعل بعد ربع ساعة الاكل بيوصل وكان كتير اوي والكل بياكل وهو مبسوط

@@@@@@@@@@@@@@@@@@@@@

فوق عند بيان بتطلع بعد ما بيخلصوا اكل وقعدة الشاي وتنضيف وبتطلع عشان ترتاح بعد يوم طويل

بتاخد بيجامة من الدولاب وبتدخل الحمام

............ بعد مدة بيدخل يونس الاوضة

بيقعد علي السرير وبيقل*ع التيشرت وبيشغل المكيف

بيان بتطلع  وكانت حاطة فوطة علي شعرها وبتشوف يونس

بتلف جسم*ها كله بسرعة وبصدمة ومش بتبص عليه

يونس بيشوفها وبيقرب منها وبيحضنها من الخلف

بيان بتتصدم ويتثبت مكانها

يونس بحدة :ال حصل تحت دا ميتكررش تاني، فاهمة؟! 

بيان بتوتر :ا انا ولله ما كنت اقص....

بيقاطعها يونس بحدة :فاهمة؟! 

بيان بارتباك :ف فاهمة

يونس بيمسك الفوطة وبيشيلها وبيظهر شعرها المبلول

يونس بينزل رأسه لرقب*تها وبيدفن وشه فيه

وبيان بتترعش وبتخاف

يونس بهمس : هستني لامتا؟!

بيان بتوتر : ل لسة شوية

يونس بهدوء : شكرا

بيان باستغراب:ع علي ايه؟!

يونس :عشان تعبتي في الاكل النهاردة

بيان بتبسم ابتسامة لا ارادية

يونس بيبعد عنها وبيتجه للسرير وبيستلقي عليه

وبيان لسة واقفة مكانها مبتسمة وخدوها حمراء، وبتحس بمشاعر غريبة

@@@@@@@@@@@@@@@@@@@@@

في الفجر

 عربية الشحنة كانت ماشية في طريق فاضي

فجاة طلع عليهم رجالة كانو مستخبيين في الزرع ورفعوا الاسل*حة

وبينزلوا الرجلين ال كانوا بيسوقوا قدام

وبيلفوا وبيفتحوا العربية من ورا

بس بيتصدموا

يونس كان واقف  معاه سلا*ح كبير وخطي*ر ، وكان معاه يوسف وريان وكريم وراه

يونس بنبرة مخيفة : غلط انك تتحدي يونس الجبالي 

وبدا يضر*ب عليهم بقوة

بس مصطفي كان وسطيهم وجت فيه رصا*صةوووووووو

تكملة الرواية من هناااااااا