رواية حورية في عالم الوحوش البات الخامس والاربعون والسادس والاربعون بقلم يوستينا سامي

رواية حورية في عالم الوحوش البات الخامس  والاربعون والسادس والاربعون بقلم يوستينا سامي

رواية حورية في عالم الوحوش البات الخامس  والاربعون والسادس والاربعون بقلم يوستينا سامي

#عشقت_حورية 

بقلم / يوستينا سامي..

دخلوا الفيلا و اتفاجواااا بعلي و صالح 

اسد / علي ايه المفاجاه الحلو اوي دي ، وصلت امتي يا ابني 

علي / انا لسه واصل اهوو ، بس مالك يا حياه ايه اللي عمل فيكي كدة ..

حياه / كويس انك جيت يا علي .. انا كنت محتجاك جوي

 انا عايزة ارجع معاك .والنبي ما تسيبني 

علي قرب من حياه و مسك ايديها/ انا عمري ما اسيبك 

يا حياه ، بس انا عايز افهم ايه اللي حصل بالضبط ..

حور / علي انا عايزة اتكلم معاك برااا في الجنينة شوية لوحدناااا .. تعالي انتي كمان يا حياه 

اسد / نعم يا روح ا.مك برا فين و لوحدكوا ايه .. مش فاهم 

حور / اسد لوسمحت بقي ،انا لازم اتكلم معاه 

و فعلا حور و علي خرجوا برا يتكلمواا .ووقتها جاسر كان لسه موصلش الفيلا ..

اسد كان قاعد متغاظ جداا و مراد بيبصله و يضحك.

مراد / يا ابني هو هيكلها مثلا ، ده علي مننا برضوو 

اسد / انت تخرس خااالص سامع ولا لاء 

عزيز كان فاهم خوف اسد و حاسس بيه بس مكنش برضو عارف هل حور ناوية تبعد عن اسد زي حياه ما ناوية  و لا لاء...

و فضلوا علي الحال ده لمدة نص ساعة و كلهم كانوا علي اعصابهم ... 

لحد ما دخل علي و كان وقتها جاسر وصل الفيلااا

و قال / انا اتكلمت ويا  حور و عرفت كل الي جرا اخر فتره 

و قررت اني مش هسيبهم هنااا واصل ...

في اللحظة دي اسد وقع من ايديه فنجان القهوة 

و جاسر كان واقف مصدوم من كلامه .. 

تفتكروا حور فعلا هتسيبه ..؟؟؟

_____________________________________________

في امريكاا ..

ريماس / هي دي بقي اوضتك ..حلوه صح 

حسام كان سرحان و ريماس لاحظت ده و قربت منه 

و حطت ايديها علي كتفه ..

ريماس/ مالك ، من ساعة ما قابلت بابا و اتكلمتوا عن صحابك و انت متغير انا فعلا لاحظت ده .. حسام انا دكتورة نفسية علفكرة يعني انا  اكتر  واحدة ممكن تفيدك في الدنيا 

حسام / دي حقيقة .. انا برضوو محتاج اتكلم بس خايف 

مش خايف منك لتفضحيني لاني مابقاش يفرق معايا لكن خايف افتح الجرح تاني و اكره تاني بعد ما بقيت نوعا 

ما مسامحه

ريماس / لا ده انت حالتك حالة ..طيب يا حسام لو شايف انك دلوقتي مش مستعد تحكي بلاش طلاما هتتعب .

بس تقدر انك تدخل ترتاح علشان نفطر بكرة مع بعض ..صح

حسام / اممم.. صح تصبحي علي خير

و فعلا خرجت ريماس و حسام بدا انه ينااام ...

_______________________________________________

في الفيلا ..

اسد / انت بتقوول ايه يا علي .. تاخدهم ؟؟

انت تقصد ايه بالكلام ده 

حور / يعني اني ارجع تاني البلد .. بيت ابويا و تيجي تتقدملي و انا اوافق عليك و كمان تعملي فرح كبييير اوي ...و كذلك حياه 

اسد بعصبية / انتي مراااتي ، ازاي هتقدري تبعدي عني .. وبعدين اصلا مين قالك ان انا هاوافق على الهبل اللي انت بتقوليه ده

حور / هقدر يا اسد و انت كمان .. وانت لازم تيجي تتقدملي قدام البلد كلهاااا لان مش انا اللي اعيش معاك و مافيش حد يعرف انك جوزي 

علي / وانا معاها يا اسد في كل كلمة قالتها  .. و بعدين انت كدة كدة جوزهاا لكن بجي جاسر فانت هتطلق حياه وهترجع برضو معايا و يا توافج انها ترجعلك او ترفض و ساعتها

 يا ابن الناس كل واحد فيكم يشوف حياته

جاسر / الكلا ده علي جثتي .. حياه مراتي و هتفضل مراتي لحد ما امووت. ..ماتتكلم يا اسد 

مراد / اسد هيتكلم يقول ايه اذا كان مراته هتتاخد منه 

طب يا علي انا عندي طلب منك ممكن لما اتجوز بلاش تاخد مراتي مني ..

 في ايه يا علي هو انت جاي تخربها بدل ما تظبطها يا اخي افتكر حتي اننا اللي ساعدناك علشان ترجع حقك 

اسد / بس يا مراد سيبه  انا موافق علي كلامك يا علي ..

و بص لحور بعتاب ووجع بس حور حاولت انها تهرب من عينيه 

جاسر / لا بس انا مش هطلق يا علي لكن موافق انك تاخذ حياه وانا اجيء تتقدملها يمكن ساعتها تسامحني ..

وفعلا علي اخذ حور وحياه من الفيلا وعلياء كانت بتعيط وزعلانه جدا انه حور هتمشي بعد ما تعلقت بها لكن اسد كان رافض انه يبين حزنه لانها هي اللي اختارت انها تبعد عنه ..

بعد مرور حوالي ساعة علي سفر حور و حياه ..

_______________________________________________

في مكتب اسد ..

مراد /  ايه بقى هتفضل قاعد هنا في المكتب لحد ما حور  ترجع يعني ...احنا ورانا شغل كثير جدا متعطل كفايه العطله اللي فاتت دي كلها .

اسد/ كنت واثق انها تعمل كده عارف انها مش مرتاحه معايا لكن بتحبني .. وانا كمان بحبها بس خايف عليها 

مراد / خايف عليها من ايه بس يا اسد وبعدين هو في حد يقدر يقرب منها اذا كان حسام نفسه بجبروته ما قدرش يلمس شعرايه واحده منها

اسد بصله بحزن وقاله / انت ليه ساعه مشكلتي انا وحسام قطعتني ودلوقت وبتتكلم معايا عادي وكأن ما فيش حاجه حصلت برغم انا نفس الشخص على فكره 

مراد  بوجع / ومين قالك ان انا مش حزين على اللي انت عملته بس مش قادر اجي عليك تاني كفايه اللي احنا شوفناه اخر فتره ،  السؤال اللي كنت عايز اساله ازاي قلبك طوعك انك تحب واحده صاحبك كان بيحبها وبقت امراته

اسد حط ايده علي راسه بتعب / عشان كنت باحبها قبل 

ما هو يحبها وما قدرتش انساها ... فيروز كانت كل حياتي هي الوحيده اللي فتحت قلبي اصلا للحياه 

علشان كده كان صعب انساها بسهوله بس حاولت ، ورحمه ابويا حاولت وسافرت وبعدت عنكم وكسرت العهد اللي كان بيننا اننا عمرنا ما نفترق عشان ما اخونش حسام لكن ضعفت ..

مراد بوجع / بس يا اسد لوسمحت ما تكملش عشان كل 

ما تفتح بقك وتكمل كلامك بتوجعني وباحس ان خنت حسام لان سكت على اللي شفته 

اسد /  مراد انت ربنا بعتك ليا اليوم ده عشان ما يحصلش حاجه بيني وبين فيروز اندم عليها باقي عمري بس لازم تعرف اني كنت سكران يومها و هي السبب 

مراد بوجع/ مش فارقة يا اسد والله ما فارقة بس انا عايزك تحط نفسك مكاني لما ادخل البيت اللي طول عمرنا عايشين فيه احنا الخمسه و الاقيك بالمنظر ده انا هيبقي اي موقفي

فلاش  باااك .. 🔥🔥🔥🔥🔥

مراد كان حاسس ان في حاجه مش طبيعيه ما بين فيروز وما بين اسد ويومها مراد اتكلم مع حسام وتفاجيء ان حسام برده شاكك في اسد

في المكتب ..

مراد/  انت جايبني هنا عشان تقولي انك شاكك في ابن عمي انت عبيط يا حسام 

حسام/ يا ابني وطي صوتك ..حد من الموظفين يسمعونا مالك يا مراد انا جايبك هنا علشان تطمني بكلمتين مش تفضحني كدة. 

مراد / ما انت تستاهل لان لو الدنيا كلها فكرت تخونك اسد مايعملهاش .. بقولك ايه انت كلامك ثقيل قوي على قلبي انا ماشي لما تفوق من الهبل اللي انت بتكلمه ده  ابقى كلمني اجيلك سلام يا عم حسام ..

وفعلا مشي  مراد من البيت وهو كان متضايق جدا ان حسام كمان وصله الاحساس ده وقرر ان هو يروح الشقه القديمه اللي كانوا بيتلموا فيها كلهم لكنه اول ما ادخل شاف ..اسد قالع القميص و فيروز مقربه منه بطريقة مقززة ..

اسد وقتها كان فعلا سكران جدا واول ما شاف مراد  زق فيروز بعيد عنه بصله ولاول مره يحس ان هو مكسوف من نفسه قدام حد 

وبرغم صغر سن مراد بالنسبه لاسد  الا ان اسد حس بالهانه قوي من نظرته ... وبعدها خرج مراد من البيت

لكن اسد لبس قميصه وجري وراءه عشان يفهمه ان ما فيش اي حاجه حصلت بينهم 

في الشارع ..

اسد / اسمعني بقى يا مراد هتفضل تجري  لحد امتى اللي شفته ده ما كانش حقيقي انا ما فيش اي حاجه حصلت بيني وبينها ورحمه ...

مراد قاطعه في الكلام بعصبية / اخرس بقى انت ايه 

يا اخي ؟! انت ليه مش بني ادم كده ، انت ليه حقير كده 

هان عليك صاحب عمرك ؟ بتخونه مع مراته !! 

اسد بحزن /  انا اللي سبتهاله علفكرة .. انا كنت بحبها قبليه وهي قالتلي ان هي مش بتحب حسام وبتحبني انا وهتطلق  منه ... مراد اقف جمبي  انت ابن عمي 

مراد / وانت كنت هتوافق تتجوزها بعد ما تطلق من صاحبك كنت هتعمل كده يا اسد ؟ سكت ليه ما ترد عليا 

يا خساره يا اسد و لعلمك من النهارده انا مش ابن عمك ولا يشرفني اكون قريبك اصلا ..اتفو عليك

و من يومها فضلت العلاقه ما بين مراد واسد متوتره وفضل المراد عايش بذنب ان هو خبي عن صاحبه خيانه ابن عمه ليه ...

باااااااااك 🔥🔥🔥🔥🔥

فاق مراد من ذكرياته و هو بيعيط / ليه فكرتيني بالحاجات دي انا بعاني كل يوم بسببها وانت بقى فاكر ان ربنا هيعاقبك على اللي عملته زمان وهياخذ منك حور؟ 

عايز الحق يا  اسد انت فعلا تستاهل كل حاجه وحشه حصلتلك  في حياتك لانك انت اللي سمحت للشيطان انه يخش بين الاخوات .. روح يا اخي ربنا ينتقم منك 

وفعلا خرج مراد من مكتب اسد وطلع اوضته وقرر انه يكلم نسمه عشان كان متضايق قوي في التليفون

_____________________________________________

في اوضة مراد ..

مراد/ وحشتيني اوي يا نسمة ..و محتاجك اوي 

نفسي اقعد و احكيلك كل اللي واجعني يمكن الهم ينزاح 

نسمة / طب ما تتكلم انا اصلا وحشني صوتك اوي 

يا مراد ، اقولك حاجة انت اتكلم و انا هسمعك 

مراد ضحك/ اممم طب مش هتملي مني .. انا حكاياتي حزينة اوي 

نسمة / ملكش دعوة يا عم... احكي انت بس 

و فعلا بدا مراد يحكي كل اللي حصله من اول ما كان صغير و اتحرم من امه و ابوه لحد مشاكل اسد و حسام و موضوع خطف جاسر و موت ابنه و فاق من كلامه علي صوت عياط نسمة ..

مراد / نسمة انتي كويسة يا حبيبتي. مالك بتعيطي ليه كدة 

نسمة / بصراحة مش قادرة اتخيل اللي انتوا عشتوه

قد ايه مافيش حد عارف مشاكل و مصايب غيره بس اسد ده حيوان بجد .. وانت اللي كنت بتقولي انه طيب اوي و غلبان  ده خاين يا مراد 

مراد / لا يا نسمة هو اينعم ضعف بس هو انسان برضو .. نسمة انا بجد مش عايز ادخل في جدل اسد خاين ولا لاء .. احنا هنجيلكم اخر الاسبوع ده 

نسمة بفرحة /ايوة عارفة انا مستنية اليوم ده بفارغ الصبر بجد 

مراد / والله وانا كمان .. طب بقولك ايه اقفلي علشان في حد بيخبط علي الباب ..

و فعلا فتح مراد الباب و اتفاجاه ب حسن حضنه جامد و قاله/ وحشتني اوي يا ندل انت ..كدة برضو كل دي غيبة اخوك هان عليك يا حسن 

حسن / بصراحة .. اه هونت مش كنت بقضي شهر العسل برضوو . المهم طمني عليكوا احسن كلكوا وحشتوني اوي . البواب قالي ان جاسر رجع من السفر ده حقيقي .

مراد  ضحك باستهزاء قاله /  جاسر بس اللي رجع من السفر لا احب اقولك ان تقريبا ثلاث اسابيع اللي انت قعدتهم بره مصر دول  في شهر العسل الدنيا كلها اتغيرت .. عموما ادخل غير هدومك وارتاح لان انت لما تعرف الحاجات دي هتتشل  قريب ان شاء الله 

و فعلا دخل حسن هو ونور و غيروا هدومهم و اجتمعوا كلهم علي السفرة ..

______________________________________________

علي السفرة ..

عزيز/ حمدلله علي السلامة يا حبيبي.. والله وحشتنا اوي .

.و انتي با قلب جدك وحشتيني اوي 

نور / والله انت اكتر يا جدي ..بس هي فين حياه مراتك

 يا جاسر هي مرجعتش معاك مصر ولا ايه و انت يا اسد 

حور فين 

حسن / ايوة فعلا ..و بعدين لسه البيت تحسه حزين كدة وانتي يا جدتي شكلك تعبان ..هو في ايه يا جماعة ما حد يتكلم 

عزيز / احم ..كلي يا نور انتي و حسن   وبعدين انا مش عايزكوا تشغلوا دماغكم ببعض يا احفاد العقاد و كل واحد

 من هنا و رايح لو عنده مشكلة يحلها وحده 

اسد بوجع/ عمر ما كان ده كلامك اللي ربتنا عليه يا جدي  طول عمرك بتقول اننا لازم يبقي ضهرنا في ضهر بعض 

عزيز / ده لما كنته قريبين من بعض ، لكن دلوقتي كل واحد فيكم بقي عنده مشاكل و مصايب تكسر و توجع .. و كفاية لحد كدة ، واه اعملوا حسابكم بعد اربع ايام بالضبط هنتجمع كلنا و هنروح نطلب نسمة لمراد 

اسد سمع كلام جده و قام من علي السفرة منغير ما ياكل و حسن كان مش فاهم اي حاجة خالص ..

ووقتها حور و حياه كانوا مع علي و عيشة في البلد و اسد كان موجوع اوي من اللي حور عملته و مكنش قادر يكلمها .عكس جاسر اللي مبطلش رن علي حياه و هي مش بترد 

______________________________________________

اسد راح قعد في الاسطبل بتاعه و اتفاجاه بجاسر قاعد جوا.  

جاسر / غريبة بقالك كتير اوي ما جيتش هنا .. طب انا جيت علشان معنديش حد احكيله لكن انت جيت هنا ليه

اسد ضحك / يعني انا اللي عندي اوي .. جاسر بقولك ايه انا قررت اني هطلق حور ..😳😳

استووووووووووووب

٤٦

#حورية_في_عالم_الوحوش

46 (قبل الاخيره )

بقلم / يوستينا سامي..

جاسر/ تطلقها بالبساطة دي ، هو انت مش بتحبها ولا ايه 

اسد. / بحبها دي كلمة قليلة اوي عن اللي حاسة ، بس انا حقيقي مستهلهاش يا جاسر .. حور دي ملاك و عانت كتير ووجودها معايا هيدمر حياتها ..انت فاهمني 

جاسر. / وانت من امتي في حد بيفهم كلامك ..عموما اعمل اللي نفسك فيه يا اسد ، انا عن نفسي عمري ما هياس

 و اسيب حياه .. لانها فعلا حياتي بعد اذنك انا رايح انام 

و فعلا خرج جاسر من الاسطبل و قعد اسد و فضل يفتكر ايام ما كانوا مع بعض ..

فلاش بااااك 

حور كانت بتاخد شاور في الحمام و كانت محتاجة هدومها  / يا اسد .. و حياتي انا نسيب الهدوم برا ممكن تجيبهالي ..

اسد قرب من باب الحمام. / ما انا قولتلك ادخل اساعدك قولتيلي انا مش محتاجة مساعدة من حد مش كدة .. اطلعي بقي جيبي هدومك بنفسك 

حور / يووه يا اسد بطل بواخة بقي انا كدة هبرد و بعدين انا بتكسف 

اسد / خلاص كسوف بكسوف انا مش هجيبلك حاجة .. 

و افضلي بقي في الحمام يجي سنة برضو مش هتصعبي 

عليا علفكرة 

حور بغيظ / يا غلس يا رخم ..

و فعلا فضلت حور في الحمام و مكنتش عارفة تتصرف لحد ما قررت تلف الفوطة عليها و تخرج برا الحمام لكنها اول ما خرجت اسد شدها لحضنه علطوول 

حور / اسد ايه اللي انت بتعمله ده.. مايصحش ابدا علفكرة عيب كدة 

اسد / و مش عيب اللي انتي بتعمليه فيا ده ..بقولك ايه انا مسكتك بمجهودي الذاتي..

و فعلا اسد شال حور و حطها علي السرير..  😉

فاق اسد من ذكرياته..و بدا يتكلم بعصبية

اسد / لا انا مش هسمحلها انها تسيبني او حتي تبعد عني و تتجوز واحد غيري 

قام اسد من الاسطبل و اتكلم بحدة و صوت عالي/ الكلام ده مش هيحصل الا علي جثتي يا حور ..

______________________________________________

في البلد .. في اوضة حور و حياه

حور / لا يا حياه انتي كدة بتكدبي اه .. لانك بتحبي جاسر 

و باين اوي من نظراتك ليه لما كنا في الفيلا 

و بعدين انتي ماشفتيش هو عمل ايه هو ما قولتي انك مش هتكملي معاه.. طب والله ده كان بيعيط زي الطفل 

حياه بدموع / حتي لو كلامك صحيح.. بس آمن ليه ازاي بعد ما ابني مات بسببه و اتحرمت منه و بعدين هو انتي فاكرة ان جاسر كان طيب اوي معايا ..لا علفكرة جاسر كان صعب اوي و بيعاملني زفت .

حور / يعني افهم من كلامك انك مش بتحبيه يا حياه

حياه/ لا مقدرش اقول كدة ده كفاية انه اول راجل في حياتي بس الشخص اللي يتمسك بحاجة بتوجعه و تالمه يبقي غبي يا حور .. و هيجي يوم و يكره الحاجة دي من كل المه و يتمني انه كان سابها !!

و انتي بقي ممكن تسيبي اسد 

حور بوجع / اسيب اسد ؟؟ 

حتي لو حاولت يا حياه مش هقدر ، انا و اسد حياتنا ارتبطت ببعض العمر كله . انا حامل 😑

حياه / الكلام ده بجد يا حور ..معقول حامل 

طب رجعتي معانا ليه ما كنتي عيشتي معاه ده بيحبك اوي

 و انتي كمان بتحبيه اوي 

حور / علشان حسيت ان اللي زي اسد ده لازم يدوق وجع الفراق .. اينعم وقت ما حسام خطفني عنده في الفيلا ، اسد كان مرتب كل حاجة و مفهمني اللي هيحصل لانه كان شايف ان الامان بتاعي هيبقي في بيت حسام علشان كدة سمحله انه يخطفني . 

الا انه مايعرفش ان حسام وراني حاجات كتير اوي بتاكد ان اسد كان بيخونه .. انتي مش متخيلة اسد سقط من نظري ازاي ، برغم انه كان معترفلي بكل حاجة الا انه بردو وجعني اوي 

حياه / اه يعني انتي عايزة تربي اسد مش اكتر 

بس خدي نصيحتي اوعي الموضوع يزيد منك علشان انتوا بينكوا طفل .. و بلاش اللي احنا عشناه هو كمان يعيشه 

و فعلا حور سمعت الكلام من حياه و هي مقتنعة برايها و قررت انها تحسس اسد بالذنب منغير ما تخسره 

و عدي تقريبا اربع ايام و حور و حياه رافضين يتعاملوا معاهم تماما و اسد كان هيتجنن من اللي حور بتعمله بس كان بيحاول يطول روحه عليها 

و مكنش عارف بموضوع الطفل تماما ..

______________________________________________

في الفيلا..

مراد لابس بدلته و مستعد / يا جماعة انا خلاص جهزت ، يلا والد نسمة زمانه مستنينا دلوقتي ما يلا با حسن انت و الست نور بقي 

نور / في ايه يا عم ما تيجي تضربنا احسن ..الله ايه الواد ده ..خلاص دلوقتي بقيت هتموت علي الجواز 

حسن / يا ستي سيبيه ده انتي رخمة اوي.. هو انتوا مولودين فوق راس بعض .. الف مبروك يا مراد عقبال الفرح يارب و اشيل عيالك ..

مراد / ايه عم الجو القديم ده .اوعي سيب ايدي هو جاسر فين ، هو قالي انه مش هيتاخر طب والله العظيم لو فعلا  فكس و ماجاش لاكون قاطع معاه بجد 

اسد / انا جهزت خلاص ... هو احنا فاضل قد ايه و نتحرك 

مراد بعد نظره عن اسد و اتكلم بهدوء / خلاص قربوا ينزلو المهم يا حسن كلم جاسر و شوفوا فين

توضيح ..

اسد و مراد مكنوش بيكلموا بعض من ساعة اليوم اللي اتعاتبوا فيه  ..هو مراد كان متصور ان في حاجة فعلا حصلت ما بين اسد و فيروز لكنه لما تاكد أن فعلا محصلش حاجة فرح جدا و حس ان اسد ممكن يكون اتظلم ..لكن لما اتفتحت تاني الذكريات مراد مقدرش يضحك علي نفسه ، و قرر انه يتجنبه تماما .

عزيز / يلا يا ولاد انا جهزت  . و عليا كمان يلا لان كدة احنا هنتاخر علي الناس  

و فعلا دخل جاسر و هو لابس بدلة 

و اتكلم بحزن / وانا كمان جاهز ، يلا علشان منتاخرش

و فعلا كلهم اتحركوا ..

اسد و عزيز و عليا و جاسر في العربية 

مراد و حسن و نور .. في عربية واول ما وصلوا لشارع نسمة .. المنطقة اتقلبت من عربياتهم 

و البودي جاردات و فعلا وصلوا لبيت نسمة في وقت قليل .

______________________________________________

في امريكا 

في مطعم ..ريماس و حسام قاعدين مع بعض و كان بيكملها باقي حكايته 

ريماس / امم وانت شايف ان اسد خانك بقي مش كدة .. بص يا حسام ، انت لازم تعرف حاجة كويس اوي لو كل واحد فينا كره الثاني و قرر ان هو يقتله او يعمل في حاجه عشان بس ضعف.. احب اقولك ان الناس كلها هتموت بعضها

ما فيش حد في الحياه ما بيغلطش

بس  كفايه ان هو قاوم كتير و لحد دلوقتي عايش بس ندمان 

بس انت من حقك انك تبعد عن الشخص اللي بيؤذيك نفسيا او بيفكرك بذكريات قديمه زي اسد 

حسام / عارفه يا ريماس ان اسد ده ما كانش اخويا بس هو كان اخ واب وصديق واجدع احد ممكن تقابليه في حياتك انا عارف ان اللي حصل زمان ده وقعت الشاطر اللي بالف .. واسد عمره ما هيسامح نفسه بس انا فعلا مش طايقه 

ريماس /  يبقي خلاص تنسي انك عرفته علشان تقدر تعيش يا حسام .. وبعدين مش خلاص انت ضبطت شغلك هنا وتكلمت مع ناس كثير قوي كانوا يعرفوكم من ايام زمان هتشتغل معهم ،حسام انا عايزاك تبص لنفسك انت وتعمل كيانك  الخاص بيك انت

حسام مسك ايدها و باسها وقال لها / انا مش عارف ايه اللي  كان هيحصلي لو مدخلتيش حياتي عرفتك بقالي خمس ايام بس كانوا اهم خمس ايام في حياتي..

ريماس / عد انت الجمايل بس .. يلا اطلب الاكل بقي انا همووت 

_______________________________________________

في بيت والد نسمة

عزيز/  ها انا يهمني ان انت تكون فهمت كل المواقف اللي حصلتلنا الفتره اللي فاتت عشان طلعت اشاعات على الانترنت وعلى التليفزيونات 

والد نسمة/ ايوه انا فعلا فهمت يا عزيز باشا

ما تزعلش مني يا مراد بس دي بنتي وكنت خائف عليها ودائما الناس المشهوره بيبقى حواليهم شوشره وقلق بس انا عامة موافق انك تتجوز بنتي كفايه انها عايزاك  و شايفاك الانسان المناسب لها

اسد / خلاص هيبقى نقرا الفاتحه و ننزل نجيب الشبكة بكرة و الخطوبة تبقي بعد شهر 

والد نسمة / يااه بالسرعة دي 

اسد / ايوة بقي خير البر عاجله .. يلا نقرا الفاتحة 

وفعلا قروا فاتحه قرروا انهم ينزلوا بكرة للشبكة و بعدها مشيوا لكن اسد جاله تليفون و هو في الشارع معاهم

اسد / اه انااا ... موضوع اي اللي انت عايزني فيه هو ايه ده اللي لما تشوفني ، طيب خلاص هاجي

اه عارف العنوان 

و فعلا قفل اسد التليفون و كله كان عايز يعرف اي حصل ..

حسن / في ايه يا  اسد مين اللي كان بيكلمك في التليفون ده وعايزك منك اي 

اسد / مش عارف ده حد عايزني في حاجة مهمة و طلب مني اني اقابله . و انا هروح اشوف في ايه 

مراد / معقول هتروح لوحدك ..تحب اجي معاك 

اسد  ابتسم / لا محبش .. المهم روحوا انتوا و انا جاي سلام 

و فعلا مشي اسد و راح المكان اللي اتقاله بس كان عبارة عن فيلا قديمة في مكان شبه الصحاري 

و دخل اسد المكان ...

اسد / يا جماعةةة ...مين هنااا 

و بدا يدخل اسد شوية الفيلا دي و كان المكان مهجور و فاجاه شاف قدامه فيروز مضر*وبة وواقعة علي الارض ..

جري اسد ناحيتها بصدمة و خوف و اتفاجاه بمنظر جسمها ..كان واضح جدا انها مضرو*بة و متعدي عليها

اسد قرب منها و سندها / فيروز ردي علياا مالك 

ايه اللي عمل فيكي كدة ... يا بنتي فووقي 

لكن ملقاش منها اي رد فعل و حاول انها يشيلها علشان يوديها اي مستشفي لكن اتفاجاه بحد بيصربه علي راسه و اغم عليه ..

____________________________________

في اوضة ..اسد و فيروز رموا عليهم ماية و اسد فاق لكنه لقي نفسه مربوط و فيروز برضو فاقت بس كانت تعبانة جدا و بتكح اوي 

اسد / انت مين و عايز مني ايه .. و ليه عملتوا فيها كدة دي شكلها بتموت

الراجل / ايه . لسه خايف عليها دي حية ماشية علي رجليها  دي متستهلش حاجة غير الموت بس 

فيروز/ ارجوك اسمعني .. انا والله ما خونتك و اسد 

انا بقالي زمن زمن ماشفتوش يبقي ازاي هخونك معاه

الراجل / و لما كنتي عنده في المكتب كنتي بتعملي ايه ..

و فاجاه ضر*بها برجليه في وشها بغباء .

الراجل/ انتي فاكرة اني انا عزام ..اتخان لا انتي فلتت منك اوي يا فيروز ، انتي و هو هتموتوا هنا 

اسد / لا انت فاهم الموضوع كله غلط.. انا مافيش اي حاجة بيني و بينها ..انا اصلا بكره اليوم اللي شفتها فيه في المطار ... دي كانت مراة صاحبي 

عزام / عارف .. و خونته مش كدة 

و خنت عشره السنين ، لا متستغربش اوي كدة ما انا عارف تريخك كله يا اسد يا عقاد .. من اول اهلك و شغلك و مراتك و كل اللي حواليك بس انا بقي قررت اريحهم من قرفك و غدرك 

وفاجاه وجه الراجل المسدس بتاعه في وش فيروز 

و فعلاااااا ضر*ب عليها ناار و فيروز صرخت و كانت اخر صرخة ليها في الحياه .. اسد كان مصدوم من اللي حصل و مكنش قادر يدافع او يزعق لكنه فضل يدعي في سره ان ربنا ينجيه 

عزام لاحظ خوف اسد و اضطرابه الشديد ضحك بستهزاء وقاله / ايه خايف دلوقتي مش كدة ،ماخوفتش زمان ليه قبل تاذي كل الناس اللي حواليك .. انتوا حلال فيكم المو*ت 

و فاجاه وجه مسدسه في وش اسد و اسد فضل يستشهد 

و فعلا ضر*به بالرصااااااص واحدة في كتفه و التانية في بطنه 

ت٦سد وقع علي الارض سايح في د*مه و عيونه بدمع ..

اسد بصوت مش طالع / حور ..بابا 

و بعدها اسد حاول يقاوم لكنه غمض عيونه و استسلم و كانه كان يحتاج الراحة الابدية دي 

_______________________________________________

في الصعيد 

حور بتعيط جامد/ انا عايزة اكلمه اطمن عليه ..قلبي بيقولي انه مش بخير يا حياه ابوس رجلك يا علي وصلني القاهرة دلوقتي جوزي موجووع و انا حاسة بيه 

علي / طب اهدي يا حور... احنا بنكلم مراد و حسن و محدش عارف هو راح فين بس هو راح مشوار و راجع .. و بعدين هو انتي خايفة علي اسد ده مافيش حد يقدر اصلا انه ياذيه 

حور قعدت علي الارض بدموع / لا في ناس كتير اوي اذته .. اسد موجوع و انا حاسة بيه.

____________________________________________

في امريكا ..

ريماس و حسام كانوا سهرانين في مكان و فاجاه حسام قلبه اتقبض ..و خرج من المكان ده علشان يقف في الهواء ..و ريماس خرجت وراه 

ريماس / مالك يا حسام..انت كويس 

حسام بقلق / لا مش كويس ، انا عايز اطمن علي جاسر و العيال .. مش عارف ليه قلبي انقبض كدة 

ريماس / و يا ترا اسد بقي من ضمن العيال .. ولا مراد و حسن و جاسر بس 

حسام/ ده هو اولهم يا ريماس .. انا بجد مش عارف مالي خايف ليه كدة  ، بس انا حاسس 

ريماس حطت ايديها علي كتفه علشان تطمنه / مالك يا حبيبي ، حاسس بايه 

حسام الدموع نزلت من عيونه / حاسس انه بينادي عليا و هو خايف و موجوع و عايزني الحقه يا ريماس .اصلك مش عارفة عمر مافيه حد هيحس بيه زي ما انا هحس بيه  .. ده مش صاحبي بس اللي خاني  ده اخويا .... هاتي التليفون اكلم حد من العيال ..

و فعلا حسام كلم مراد اللي كان اصلا خايف جدا و بيدور عليه و مش عارف يوصله .. و عدي وقت طويل و هما برضووو مش عارفين يوصلوا لاسد..

استووووووب  

تفتكروا ايه هيحصل ؟؟

و هل موت اسد ممكن يحل مشاكل كتييير ؟

تكملة الرواية من هناااااااا 

 لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا