رواية حورية في عالم الوحوش البارت الأخير الجزء الثاني الأول بقلم يوستينا سامي

رواية حورية في عالم الوحوش البارت  الأخير الجزء الثاني الأول بقلم يوستينا سامي

رواية حورية في عالم الوحوش البارت  الأخير الجزء الثاني الأول بقلم يوستينا سامي

الاخيرة ج١،٢

#حورية_في_عالم_الوحوش 

الاخيرررره .. الجزء الاول .

في امريكا 

حسام / يعني ايه ، انا هفضل قاعد قلقان كدة عليه 

ريماس / طب ممكن تهدي و خد نفسك و اتكلم بهدوء  مافيش داعي للخوف ده ممكن ..

حسام قاطعها في الحوار / لا في داعي للخوف 

بقولك حاسس بيه يا ريماس انتي ليه مش قادرة تفهمي ..

 انا سامع ضربات قلبه و سامع صوته و هو بينادي عليا و بيستنجد بيا ، مهما حصل اسد مايستهلش انه يبقي لوحده كدة في عز محنته

ريماس / يا حبيبي افهمني انا بقول يمكن يكون في مكان 

و عايز يبقي لوحده مش مراد قالك ان مراته سابته و هو مكنش بيكلمه ، يعني هو حاسس انه بقي منبوز منكوا 

حسام / ايوة بس الكلام ده بقاله كام يوم .. اشمعنا النهاردة اللي احس فيه كدا .. بس انا مش هستني كده .. انا هاخد طيارة خاصة و انزل مصر حالا 

ريماس مسكت ايده/ حسام انا معاك و مش هسيبك ابدا 

يلا نروح المطار ..

و في نفس الوقت علي كان اخد حياه و حور لمصر

______________________________________________

في مكتب اسد 

مراد و حسن و جاسر كانوا بيدورا علي اي حاجة تدلهم عن طريقه ..

جاسر / انا مش لاقي اي طرف خيط في مكتبه .. و الخزنة كلنا منعرفش الرقم بتاعها السري 

حسن / طب و الحل انا مش عايز اخوفك بس انا مش مطمن تماما 

مراد كان ماسك موبايله بيحاول يعرف اللوكيشن الاخير بتاع عربية اسد ..و فعلا عرف المكاااان 

مراد/ عرفت اخر مكان هو راحه .. يلا بينا بسرعة يا حسن لازم نروح هناك ..

و فعلا راحوا كلهم المكان و اتصدموا اول ما شافوا المكان المهجور و صوت كلاب تخووف 

حسن / ايه المكان الغريب ده ، معقول اسد جيه هنا علشان يقابل حد زي ما قالنا 

جاسر / ايوة عربية اسد اهي .. بس هي ليه متكسرة كدة .. هو اللي بيحصل بالظبط 

مراد / انا كدة بدات اخاف اكتر ، الموضوع مش طبيعي .. يلا بسرعة ندخل ندور عليه ..

و فعلا دخلوا الفيلا و كل واحد فيهم خايف و لاول مرة يجتمعوا كلهم علشان موقف لاسد بعد الخلاف القديم ...

و فعلا دخل مراد الاوضة و للاسف كان حظه في اوضة اسد و فيروز . 

مراد شاف اسد واقع علي الارض و مضرو*ب بالرصا*ص و د*مه هو و فيروز مالي الاوضة .

مراد من الصدمة لزق في الحيطة و كان بيبص عليهم و بيعيط و مكنش قادر يتكلم و دموعه خانته و بدات تنزل علي وشه ..

مراد بصوت خافت / اسد اكيد مش هوووو مش ممكن يكون ما*ت .. لاااا

و فاجاه بصوت سمع جاسر و حسن برا / اسد بالله عليك قووووم معاياااا اووعي تم*وت لااااااااا 

يا اسد قووم .. 

فاجاه دخل جاسر و حسن الاوضة و حسن اول ما شاف المنظر ده جري علي اسد و كان بيبكي 

اما جاسر فكان بيبص لفيروز اللي تقريبا فقدت الحياه و قرب ناحيتها و هو بيعيط و قال في سره / خسرتينا بعض و عايشتيني حياتي كلها بذنب خيانتي لحسام .. انتي فعلا حية و تستاهلي تمو*تي 

و فاق جاسر علي صوت حسن و هو بيزعق علشان يشيلوه للعربية و مراد طلب الاسعاف لفيروز كتصرف انساني ..

و فعلا اخدوووه للمستشفي و دخل العمليات فورا ..

____________________________________

في الطيارة ..

حسام قاعد خايف جدا و متوتر و ريماس جمبه 

ريماس / خلاص بقي اهدي. ادينا راجعين مصر اهوووو

حسام / يا ريتني كنت اقدر اوصل اسرع من كدة يا ريماس ، حاسس اني متكتف و مش عارف اعمل اي 

ريماس / علشان خاطري اهدي . انا مش بحب اشوفك كدة و بعدين تعالي هنا صحيح بقي ده اسد اللي انت بتتمني مو*ته ، ده انت طلعت كداب كدب 

حسام ابتسم / ما انا ادعي علي اخويا لكن اكره اللي يقول امين .

و فعلا فضل حسام علي اعصابه و مكنش عارف يتواصل مع حد منهم علشان يطمن علي اسد ..

______________________________________________

بعد وقت قليل جدا .. اتجمعوا كلهم في المستشفي مراد و حسن و نور و جاسر و عزيز و عليا و حور وصلت و حياه و علي ...

حور بعياط / انا عارفة انه زعلان مني علشان مشيت و سيبته بس انا والله كنت عايزة اعرف غلاوتي عندك يا اسد .. يارب و النبي ما تخدوش مني انا مقدرش اعيش من غيره لا انا و لا ابنه بقي ....

عزيز / اهدي يا بنتي ، اكيد ربنا مش هيكسفناا و اكيد ربنا هينجيه .. ادعيله انتي بس 

حسن حاضن نور اللي منهارة من عياط / حسن ادعي 

ان ربنا ينجيه ، انا اصلا مش قادرة اتخيل ان ممكن يحصل حاجة تاني غير انه يقوم بالسلامة .

حسن بيمسح دموعه/ علشان هو هيقوووم ..يارب 

مراد كان واقف علي جنب بعيد عنهم شوية و كان بيعيط بحرقة و خوف ..

مراد في سره / انا لسه ما صلحتكش يا اسد معقول عايز تمو.ت و انت زعلان مني ، يا رب ارجوك ما تخدوش مننا .. مهما اختلف معاه هو الوحيد اللي قدر يحتاويني بعد مو.ت ابويا 

ووقتها مراد قرر انه يروح يتوضي و يصلي .. قرب من جاسر اللي كان سرحان و قاله / جاسر تعالي نتوضي و نصلي و ندعي لاسد 

جاسر بسرحان / فيروز جات المستشفي بعد ما وصنا مافيش ربع ساعة ، تفتكر هتعيش يا مراد

مراد / انشالله عنها ما عاشت يا اخي ، انت بتفكر في فيروز اللي خلتنا نكره بعض .. دي حلال فيها المو*ت انا رايح اتوضي ، أستغفر الله العظيم يارب 

و فعلا مراد وعلي و حسن و جاسر راحوا صلوا ..

نور قربت من حور و هي بتعيط / متخفيش يا حور 

صدقيني هيقوم بالسلامة .. انا قلبي حاسس بكدة 

حياه / و انا كمان والله ، اسد مايستهلش كل اللي بيحلصه ده ..اكيد ربنا هيقومه بالسلامة. اطمني يا حبيبتي

حور قربت من نور و حضنتها/ خليكي جمبي يا نورانا حاسة اني بموت بالبطئ

نور / والله انا جمبك و كلنا مش هنسيبك ده انتي الوحيدة اللي فيكي ريحته 

و بعد حوالي ساعتين ...

خرج الدكتور من العمليات و كلهم جريوا عليه 

حسن / طمنا با دكتور بالله عليك .. اسد كويس صح 

الدكتور / انا مش عارف اقولكوا ايه .. بس الحالة صعبة اوي ، ياريت تدعولهم سواء اسد او فيروز هما في حالة خطيرة 

عليا بعياط / تولع فيروز ، انا عايزة حفيدي يقوم منها اسد مينفعش يمو.ت يا دكتور اتصرف طب بص احنا ممكن ننقله اي حتي في العالم ده اسد العقاد عارف يعني ايه 

الدكتور / ارجوكي تهدي ، و صدقيني لو الحل كان انه يتنقل مستشفى برا كنت انا هقولكم بس لاااا

هو حاليا مش محتاج اي حاجة غير الدعاء .. احنا دلوقتي هننقله العناية مركزة بعد اذنكوااا. 

و فعلا فضلوا كلهم برا قاعدين مستنين اي اشارة من الدكتور .. و فعلا نزل حسام مصر و كانوا لسه موصلوش لاي قرار في حالة اسد او فيروز 

______________________________________________

بعد وقت طويل .

حسام وصل المستشفي هو و ريماس 

حسام بدموع/ مراد ..فين اسد ، ايه حصله يا جماعة حد يفهمني ارجوكوا .. 

جري ناحية حور / ردي انتي يا حور اسد عايش مش كدة .. اسد اكيد ما متشي و سابنا 

حور / و انت كنت عايزه يعيش يا حسام . ده انت كنت اول واحد نفسك تموته 

حور مسكت حسام من قميصه و بدات تتكلم بهستريا / اسد لو جراله حاجة يبقي انت السبب ، اه انت اللي عملت فيه كدة و جاي تمثل علينا انك خايف عليه يا حسام 

جاسر / اهدي يا حور ، حسام مستحيل يعمل كدة يا اسد .. حتي لو كان بينهم ايه ،و بعدين دول تقريبا اتصالحوا قبل كدة .

حور / اومال تفسر بايه ان اسد و فيروز كانوا مع بعض في نفس المكان .. و الاتنين مضرو*بين بالن*ار

حسام بصدمة / اسد و فيروز كانوا مع بعض .. معقول هما لسه علي اتصال مع بعض 

جاسر بحدة / اكيد لاااا .. لا يا حسام اكيد اسد مش لسه بيكلمها بعد كل اللي حصل ده ..و بعدين كلنا تقريبا عارفين ان اسد بيمو"ت في حور و عمره ما يخو*نها ...

حياه / ازاي ده حتي مكلفش خاطرة و كلمها مرة واحدة ... انا مكنتش متخيلاه حقير كدة 

حسام سمع كلامهم و خرج من المستشفي ..

و في اللحظة دي انقسمت الاراء .. 

______________________________________________

برا المستشفي ، في الشارع 

حسام كان بيعيط و بيخبط علي العربية جامد/ و انا الي كنت خايف عليه .. و كنت بقولك دي واقعة الشاطر اللي بالف.. و اكيد اسد حزين طلعت غبي اوي يا ريمااس ..

 غبي اوووي 

ريماس / اهدي يا حبيبي .. هتصدقني لو قولتلك اني مش مقتنعة تماما انه كان علي علاقة بفيروز دي تماما .. اكيد في حاجة غلط 

حسام / لا هو الاكيد ان في حاجة فعلا بينهم ..اصلك متعرفيش اسد زي ما انا اعرفه 

_____________________________________________

نور و حياه و حور..

حياه / مش ده برضو اللي كنتي عايزة تموتي وراه يا حور .. تفتكري بقي انه يستاهلك بعد كل ده 

حور / مكنتش متخيلة اني اهون عليه بالشكل ده يا حياه ، كنت فاكرة فيروز دي ماضي واتفقل طلعت مرض جلدي و ملازم لاسد . بس انا اللي غلطانة اني حبيته 

نور / طول عمري كنت بحبه و شايفه انه ليه مكانة و هيبة

 و بدعي ان حسن يبقي زيه ..بس الحمدلله حسن مش زيه 

عليا / كفاية بقي ارجوكوا.. ممكن يكون فعلا غلطان

بس هو دلوقتي محتاج دعاوي 

_____________________________________________

في ناحية الشباب ..

جاسر بعصبية / ما تقولش كدة يا حسن .. اسد عمره ما هيقرب تاني من فيروز بعد كل اللي حصل ده 

عزيز / ياريت يطلع كلامك صح .. لان لو كان غلط انا هنسي ان كان ليا حفيد اسمه اسد 

حسن / يا خساره يا اسد . بجد يا خساره..

مراد بصلهم بكره و طلع برا المستشفي و قعد بعيد عنهم و بدا يكلم نفسه / عمرك ما هتكررها يا اسد 

انا عارفك اكتر من نفسك .. يارب قومه بالسلامة 

____________________________________________

في العناية المركزة ..

اسد تقريبا في شبه غيبوبه كان بيحلم بابووه ..

اسد ببتسامة / بابا .. اخيرا بقي شوفتك ،ليه سبتني و بعدت 

انا اتبهدلت اوي و انا لوحدي .. ارجوك متبعدش عني 

طاهر/ انا مش عايز ابعد و مش قادر اشوفك كدة و اسيبك ، كلهم مش بيحبوك يا اسد و شاكين فيك 

اي رايك تيجي معايا و ابعد بقي عن العالم ده و قساوته 

اسد بصدمة و خوف / كلهم شاكين فيا .. معقول 

بابا انا تعبان اوي كفاية عليا كدة بجد .. انا عايز ابعد 

خدني معاااااك 

في اللحظة دي الاجهزة بدات تصفر و كان اسد العقاد بيعلن استسلامه في الحرب دي ...و الدكاترة و الممرضين جريوا علي اوضة اسد ..

حور بخوف/ في أيه ..حد يفهمنا ماله اسد 

الممرضة / القلب بيقف .. شدوا حيلكم 

استوووووووووووب ..

بصراحة لقيت البارت هيبقي كبير اوي .قولت اقسمه 

في حاجة بقي تفتكره اسد هيمو.ت ولا لاااء 

و جاسر خاين ازاااي ..عايزة اراااء

#حورية_في_عالم_الوحوش

الحلقة الاخيره ..الجزء التاني 

بقلم  /يوستينا سامي 

في المستشفي 

مراد / يعني ايه الكلام ده قلبه ازاي مش مستجيب 

اتصرفه اعملوا اي حاجة

حور بانهيار /انا لازم ادخله حالا .. ارجوكي 

الممرضة / تعالي ..هو فعلا لازم يحس ان في حد حواليه  لازم يقاوم .. تعالي معايا بسرعة 

و فعلا دخلت العناية المركزة و شافت منظره و هو تقريبا بيمو.ت

حور حطت ايديها علي بقها و صرخت بصوت مكتوم وقعدت علي ركبتها و مسكت ايده. / اسد ..فوق يا اسد ، ابوس رجلك اوعي تسيبني انا و ابنك يا اسد

يا دكتور قوله انه لو سابني لوحدي انا هموت منغيره 

الدكتور بصلها بحزن و للاسف حالته بتتدهور و الدكتور جاي يحط الملاية علي وشه حور صرخت بعلو صوتها / لاأا .. والنبي ما تعمل كدة ..هو هيعيش والله ..قوم يا اسد بالله عليك قوووم يا مراد يا حسن الحقووووني 

حد يلحقني يا جماعة 

مراد و حسن جوم علي صوتها مراد اتصدم اول ماشاف الملاية علي وش اسد .

مراد بدموع و انهيار / ايه يا دكتور خلاص كدة معقول 

اكيد لااا ارجوك يا دكتور اعمل اي محاولة تانية 

الدكتور / لو سمحت اطلعوا برا ما ينفعش كدة حتي علشان نحاول نعمل محاولة تانية. .

و فعلا كلهم خرجوا بالعافية والدكتور حاول يعمل محاولات عديدة  ...وبعد حوالي نص ساعة و كان كلهم متجمعين قدام اوضة العمليات حتي حسام .

خرجت ممرضة من اوضة العمليات 

و قالتلهم بحزن/ البقاء الله يا جماعة شدوا حيلكم 

حسام خيط راسه في الحيطة بقوه / لا يا اسد 

حور وقتها و قعت علي الارض 

و صرخت بصووت عالي / اسسسسسسد .. لاااااا

الممرضة / اسد ايه حضرتك ، اللي بنتكلم عنها بنت اللي كانت مع اسد باشا من الحاد.ثة 

مراد بعصبية لدرجة ان الممرضة خافت  / يا شيخة حرام عليكي نشفتي د*منا فيروز اللي ما*تت ما في ستين داه.ية 

عزيز / بس يا مراد ربنا يرحم الجميع يا ابني احنا لازم نقول لجوزها علفكرة 

جاسر / و يا ترا هتقوله اين يا عمو .. مراتك كانت مع حفيدي في فيلا و اتق*تلت ... 

حسام بص للمرضة و قالها / انا عايز ادخل اشوفها لاخر مرة .. لو سمحتي 

كلهم وقفوا مصدومين من اللي قاله حسام و فعلا دخل الاوضة ..

_______________________________________________

في اوضة فيروز 

حسام كان بيبص لملامحها اللي تقريبا بقت مش باينة و بدا يتكلم بوجع/ طلاما انا مش مالي عينيكي و بتكرهيني  اتجوزتيني ليه  ,ليه عملتي كدة فيااا ده انا حبيتك من كل قلبي انا بسببك خسرت شغلي و صحابي و كل اللي ليا

انا بكرهك اوووي 

و فاجاه حسام مسكها من رقبتها بعنف / بكرهك اوي 

كنت المفروض انا اللي امو.تك 

و فاجاه دخل الممرضين و خرجوا حسام برا الاوضة اللي كانوا كانت للاسف سيئة اوي و بدات ريماس تهديه و مراد و عزيز ..

______________________________________________

عند اسد 

اسد كان بيحلم بابوه.  

اسد كان ماسك ايد ابوه و هو حزين / بابا حور حامل انا هبقي اب معقول اسيبه و امشي 

طاهر / هترجع تاني يا اسد .. كفاية كدة قاعدة معاهم ، انت اللي هتتعب اوي يا ابني 

اسد بحزن / عارف.. انا فعلا تعبت اوي من ظلمهم ليا بس مش هاين عليا اسيبهم ، حتي حور شاكة فيا برغم كل اللي عملته علشانها  . بس مضطر 

طاهر / ماشي يا حبيبي .. 

و في اللحظة دي اسد بدا يقاوم الموت و الاجهزة فعلا بدات تستجيب .. و النبض بدا يرجع زي الاول 

الممرضة / الحق يا دكتور واضح انه ..

الدكتور قاطعها في الكلام/ واضح انه كان رافض يرجع تاني للحياه و مستسلم للمو*ت بس ربنا مارادش كدة .. هاتي بسرعة الابره اللي هناك 

و فعلا اسد كان بيعافر للحياه مرة تانية و كل الدكاترة كانوا صدومين نقطة التحول و بعد اقل من عشر دقايق .. اسد رجعت ضربات قلبه و اصبحت حالته شبه مستقره و الدكتور قرر ينقله اوضة عادية بس ممنوع حد يدخله 

انتقل اسد الاوضة ..

الدكتور / كان رافض انه يستجيب لاي حاجة و كان عقله مستسلم تماما ، بس الحمدلله عدت علي خير 

ارجوكوا بلاش الزحمة دي اتنين بس اللي يقعدوا و يطمنوا الباقي 

حور / انا عمري ما هسيبه .. انا هفضل معاه 

جاسر / و انا كمان .. روحوا انتوا و لو في اي حاجة جديدة انا هبلغكم 

و فعلا وافق الباقي بالعافية و مشيوا و الدكتور سمح لحور و جاسر انهم يدخلوا يقعدوا جمبه في الاوضة 

_______________________________________________

في اوضة اسد 

حور ماسكة ايده / امتي تفوق بقي و اعرف الحقيقة منك علشان قلبي يرتاح 

جاسر بوجع/ انتي لسه شاكه فيه .. اسد عمره ما خانك او خان حسام و لو حسام عايز يحاسب حد علي الخيانة يبقي انا اولي 

حور / ايه ..انت ازاي يعني 

جاسر / انا غلطت غلطة لا تغتفر يا حور .. و مش قادر اسامح نفسي .. و شايف ان مو*ت ابني و طلاق حياه مني ده  عقاب ليا و لطمعي 

حور/ هو انت هتفضل تتكلم بالالغاز كدة كتير انا عايزة افهم ايه اللي انت عملته يا جاسر خلاك حزين اوي كدة 

جاسر /  اسد فعلا كان بيحب فيروز بس عمره ما استسلم الشيطانه لكن اناااا عملت 

في اللحظة دي اسد بدا يهمس باسم حور / حور

حور جريت عليه و هي فرحانة اوي / اسد انت فوقت صح

 يا حبيبي .. جاسر نادي الدكتور حالا 

و جيه الدكتور و تاكد انه فاق و اسد فتح عيونه بس مكنش قادر يتكلم اوي 

الدكتور/ الف حمدلله علي السلامة يا بطل .. علفكرة بقي المستشفى كلها كانت مقلوبة عليك و مصورين و صحافة كتير اوي و الامن مدخلش حد 

اسد بتعب / انا تعبان اوي .. كتفي 

الدكتور / ده عادي دلوقتي متقلقش هتاخد مسكن هيحسن معاك شوية 

حور حاضنه ايد اسد بحب / حمدلله علي السلامة يا حبيبي 

اسد ابتسم  قالها/ فيروز اي حصلها يا حور ماتت مش كدة 

جاسر بوجع / اه يا اسد .. الله يرحمها و يسامحها بقي 

حور بدات تدمع بعد ما كانت مبسوطة انه فاق / هو انت فارق معاك لحد دلوقتي وجودها يا اسد ايه فعلا لسه بتحبها اوي كدة ، طب انا ممكن امشي و ابعد علفكرة

اسد مسك ايديها/ حور انا مش بحب حد غيرك انتي

لازم تبقي واثقة في كدة .لكن فيروز ماتت قدام عيني بعد 

ما قالتلي حاجات كتير اوي و كانها كان بنشيل الحمل من علي ضهرها قبل ما تموت و تحطه علي ضهري انا 

ارجوكوا تسيبوني لوحدي شوية انا محتاج ارتاح 

و فعلا خرجت حور و جاسر و بدوا يبلغوا الكل بحاله اسد ..

_______________________________________________

في اوضة اسد 

اسد بدا يعيط جامد / مش قادر يارب اواجهم تاني 

انا حقيقي تعبت يارب حط في عقلي حكمة التصرف 

و بدا اسد يفتكر يوم الحادثة.. لما فاق من الضر*بة اللي كانت علي راسه و لقه فيروز مضروبة و متكتفة جمبه 

اسد / اعا يا راسي ..انا فين ..فيروز 😡

فيروز بحب / اسد .. كويس انك فوقت انا كنت هموت من خوفي عليك 

اسد / احنا فين ..و مين الناس دي يا فيروز و بيعملوا فينا كدا ليه ، انا مش فاهم حاجة 

فيروز بدموع/ والله قولتله كتير انك ملكش دعوة ولا ذنب بس هو فاكرك انت اللي كنت بقابلك من وراه 

و حالف يقت*لك

اسد / جوزك مش كدة .. انا ماليش دعوة بكل قرفك ده ، انتي لازم تفهميه الحقيقة و عرفيه مين كان معاكي بعيد عني ، انا لازم امشي من هنا حالا 

فيروز / قولتله بس هو مش مصدقني.. علشان لقاني محتفظة بكل حاجة كانت بينا زمان و ريكورداتك القديمة و جيتلك كمان المكتب . انت ليه مش قادر تتخيل اني فعلا بحبك اوي .. اسد انا كنت بمو*ت في التراب اللي بتمشي عليه و لما بعتني علشان صاحبك انا اتجننت و اتصرفت بطيش 

و برغم كل الي انت عملته معايا الا اني قولتله ان جاسر هو اللي كان عندي في البيت و  ...

اسد / جاسر مين اللي كان عندك في البيت ..انتي بتقولي اي انا مش فاهم حاجة .. اي دخل جاسر في حواراتك دي 

فيروز / بصراحة كدة  انا و جاسر كنا علي علاقة ببعض ، ما انا اول ما حسيت انك رافضني تاني حتي بعد ما اطلقت من حسام لقيت جاسر بيحاول يقرب مني ..هو اصلا حاول كتير وقت ما كنت متجوزة حسام بس انا كنت بحبك انت ..

اسد بصدمة / سيبك بس من موضوع الحب الوهمي ده .. حاول معاكي و انتي متجوزة حسام ازاي .. انا مش فاهم كلامك ، وضحي يا فيروز 

فيروز بخجل / يعني جالي البيت كتير و حسام مسافر ، لحد ما في مرة ضعفنا انا و هو بس قررنا اننا نخفي كل حاجة..و بعدنا عن بعض  لحد ما اتطلقت حسام

اسد بصدمة / بس ..اخرسي بقي يا زبا*لة يا واط*ية 

انتي اكيد كدابة ، اكيد جاسر معملش كدة 

جاسر اغلب واحد في الدنياا .. انتي ليه عايزة توقعينا في بعض

فيروز / والله عمري ما حبيت اوقعكوا في بعض و لا اي حاجة .. بس انت اللي طول الوقت عايز تعيش في حياه مثالية .. علفكرة يا اسد جاسر عمره ما حبك و هو اللي اتفق مع عدنان قبل كدة أنه يخسرك الصفقة و فاق علي اخر لحظة ...

و حسن بيكرهك من صغره لانه شايف ان حب عمره نور مش بتحبه بسببك انت ..اما حسام فدايما حاسس بالنقص برضو بسببك 

مافيش غير مراد اللي حسيته انه شبهك شوية و مش عايز مشاكل .. شوفت بقي ان مافيش حد بيحبك زي انا 

و علفكرة بقي انا مش كدابة و لو عايز تتاكد من كل كلمة انا قولتها سهل اوي. .... انا يمكن المرة الوحيدة اللي كدبت فيها لما حسام سالني ان فيه حاجة حصلت بينا و لا لاء ..و انا قولت في حاجة حصلت ... لاني بحبك 

و بدات فيروز تقوله فعلا الطريقة اللي يتاكد بيها من كلامها 

اسد/  انتي ايه يا شيخة شيطانة عايزة توقعينا كلنا في بعض فيروز انا عمري ما كرهت حد زي ما كرهتك بجد .

انتي احقر بني ادمة ..واوعي تنطقي كلمة بحبك دي تاني لاني بسببك كرهت الحب و مبقتش عارف افرق ما بينهم اصلا 

ووقتها دخل جوز فيروز و بعد ما ضربهم بالنار

فيروز بصوت مبحوح  / اسد ارجوك سامحني انا حبي ليك اذاك اوي ... سامحني .....

باك .. 🔥🔥🔥🔥🔥🔥

اسد فاق من ذكرياته 

اسد كان بيعيط بوجع جامد / انا حقيقي مش قادر اسامحك حتي بعد ما بقيتي بين ايدين ربنا..

بس هو مافيش غير حل واحد ...

تفتكروا ايه الحل ده ...

مموتش اسد اهووو اي خدمة .. عايزة رايكوا اوي في البارت

لاني تعب فيه جدا ، و رايكوا في موقف اسد 

هل يقوووول علي الحقيقة بتاعة جاسر ولا يسكت

لمتابعة  الروايه الجديده زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا