رواية جبروت المهداوي الفصل السابع 7 بقلم داليا منصور الفرجاني حصريه في مدونة قصر الروايات

رواية جبروت المهداوي الفصل السابع 7 بقلم داليا منصور الفرجاني حصريه في مدونة قصر الروايات

رواية جبروت المهداوي الفصل السابع 7 بقلم داليا منصور الفرجاني حصريه في مدونة قصر الروايات

#الفصل السابع.. 

تحت كان الكل قاعد ومستني قسيمة الجواز وفجأة دخل الحاج مهداوي وهو بيقول: 

- قسيمة الجواز اهي في مشكلة افنان تقعد في بيت جوزها عاد... 

سنية خطفت القسيمة وهي بتقول: 

- القسيمة دي مزورة البت معتتجوزشي غير اللي انا ريداها تتجوزه وجوازها من ولدك باطل ياعمدة... 

ايهاب بعصبية: 

- انتي عاوزة ايه يا ست انتي قلنالك مراتي وقدام العالم كلهم وريناكي القسيمة عاوزة ايه تاني.. 

واحد من اللي قاعدين: 

- ياست سنية كلام استاذ ايهاب صوح هي مرته دلوكيت وشوفنا بعنينا رايدة ايه تاني عاد اطمنتي على البنية انها في بيت جوزها... 

سنية بكره: 

- قفل خشمك راجل فقر صحيح أنا مش همشي من اهنيه غير ورجلي على رجل افنان غير كده مش همشي واصل... 

الحاج مهداوي بحزم: 

- شكلك اتخبلتي عاد البنية في بيت جوزها رايدة تخديها ليه عاوزه منها ايه مش اتجوزت خلاص سبيها في حالها بقى وبطلي الغل والحقد اللي مالي قلبك اتجاه البت الغلبانة دي.. 

سنية ادايقت وسابتهم وخرجت بس كانت بتتوعد لأفنان أشد الوعد ليها، وكل الناس مشيت ايهاب وهو بيكلم ابوه... 

- انا همشي دلوقتي عاوزك تبعتلي بنتي اشوفها علشان امشي.. 

سليم بهزار: 

- هنمشي من قبل منشوف مرات اخويا انت اهبل يابني.. 

الحاج مهداوي: 

- طب صدق الواد سليم ده طلع عسل وكلامه زين قوي.. 

سليم بهزار: 

- تسلم يا حج أنا موهبة بس محدش قادر يكتشفني... 

افنان كانت نازلة بـ لين وشافت الحاج مهداوي بيهزر مع شاب باين عليه جميل بس حست بنفور نحيته وهي بتقول: 

- ده اللي اسمه جوزي مريداهوش واصل رغم هو شكله زين قوي بس مش حساه ينفع يبقى أب أو زوج ليا.. 

بعتت لين لأبوها وهي طلعت فوق وكانت مدايقة وبتقول: 

- انا مبسوطة ان الجواز على ورق وبس.. 

...... عند لين اول مشافت ايهاب جريت عليه وهي بتقول.. 

- بوي وحشتني قوي.. 

سليم بهزار: 

- بنتك بتتكلم صعيدي وانت راجل ومش بتتكلم صعيدي ليه مش عارف.. 

بص لقى ايهاب بيبصله رد وقال بخوف: 

- اسف يا صاحبي بلاش البصة دي... 

لين وهي بتشد هدومه بحب: 

- بوي شفت امي افنان دي حلوة قوي.. 

ايهاب بعصبية: 

- مش عازز اشوف حد أنا عملت اللي عليا يا بوي.. 

الحاج مهداوي بحزن: 

- اللي تشوفه يا ولدي انا طالع اريحلي هبابة بيتك ومطرحك.. 

سليم كان قاعد مع لين وبيلعب معاها وبتجري وراه

وبتقول:

- همسكك يا عمي سليم..

سليم بضحك:

- صدق اللي خلاكي بنت ايهاب بصحيح مخك ده شبه ابوكي قوي.. 

لين بهزار: 

- لع أنا شبه ماما افنان وبس.. 

سليم باستغراب: 

- ومين افنان ده يا لين.. 

لين وهي بتشاور على الشباك وتقول: 

- دي افنان ياعموا سليم.. 

سليم بص على اللي بتشاور عليه شاف بنت شبه فلقت القمر بشعرها الطويل الناعم اللي بيطير من نسمات الهوى قال في سره.. 

- يلهوي هو في جمال حلو كدا حتى اسمها يدوخ افنان دي تهبل بس بتعمل ايه هنا واحنا مشفنهاش من الصبح ليه... 

سليم سأل لين وهو بيقول: 

- هي افنان بتعمل ايه هنا يا لين.. 

لين ببرأة: 

- انا بحب افنان وبس وانا فتحت عليها وبس ومعرفش حد واصل وهي تبقى.. 

كانت لسة هتقول لقت اللي بينده عليها..

الخالة ريحانة: 

- لين انتي يا بت روحتي فين امك عتناديكي فوق.. 

لين سابت سليم بسرعة وجريت على فوق... 

..... 

..... عند افنان من فوق كانت واقفة وبتبص على الجنينة وشافت اللي حصل ولعب سليم مع لين قالت بحب: 

- شكلي غلط ده زمانة عيحب بنته قوي امال تركها ليه لو بيحبها قوي كده.. 

الحاجة ريحانة وهي داخلة بلين وتقول: 

- بتي خدي الشقية دي عتعمل مشاكل مع الضيوف عاد واستاذ ايهاب عيمشي علشان كده كان بيودعها.. 

افنان بحب: 

- يا خالة ريحانة كنت رايدة اسألك عن طريقة معاملة ايهاب بيه مع بنته كيف.. 

الخالة ريحانة بهزار: 

- كيف يا بتي عاللي تقوليله ديه وهو دلوك جوزك على سنة الله ورسوله قدام العالم كلياتهم.. 

افنان بكسوف: 

- امال اقوله ايه عاد يا عمة مخبرش ليه ريداني ارفع الألقاب كده.. 

الخالة ريحانة بهزار: 

- يابتي الست الشاطرة تخلي جوزها بدل مهو مش بيحبها واصل لعاشق ولهان دايب دوب فيها.. 

افنان بعدم فهم: 

- واعملها كيف دي يا عمة انتي خابرة انتي معرفش اتعامل واصل مع حد.. 

الخالة ريحانة: 

- الأيام هتعلك يابتي أنا هروح وانتي شوفي الشقية دي رايدة ايه... 

نزلت الخالة ريحانة وافنان فضلت تلعب مع ريم... 

..... ايهاب وسليم سافروا القاهرة وافنان زي مهيا.... 

بعد شهرين.... 

الحاج مهداوي كان بيكلم ايهاب وبيقول: 

- يا ولدي رايدك تقعد مع مرتك وبتك ده ميرضاش ربنا واصل.. 

ايهاب بعصبية: 

- يوه كام مرة هنعيد الكلام ده مش أنت قولتلي جواز على ورق دلوقتي جاي تقولي مراتك وكمان بنتي خليها عندكم أنا مش هقدر اخلي بالي منها خالص.. 

الحاج مهداوي: 

- طب طلاما كده تاخد بتك عندك وطلق افنان بتي لأني مش رايد حد يجرحها واصل يا ولدي... 

ايهاب بتفكير: 

- طب ابعتلي لين والمربية بتاعتها هنيه وانا هبعتلك ورقت طلاق افنان يابوي لأني مش هدخل حد واصل قلبي بعد مرتي الله يرحمها... 

الحاج مهداوي: 

- اللي تشوفه ياولدي بس بلاش تطلقها دلوقيت لأن اهل البلد لساتهم عيفكروا انها متجوزاك عن حب وانت رايدها.... 

ايهاب: 

- تمام يابا انا هستني بنتي لين والمربية اللي هتبعتها معاها... 

~~~~~~~~

في بيت مرات ابوا افنان كانت قاعدة وهي مدايقة والراجل العجوز بيقول: 

- خدتي مني الفلوس ولساتك مجبتليش البت اهنيه يا سنية شكلك كبرتي عاد ومعتش تقدري على البنية زين.. 

سنية بكرة: 

- اخرس قطع لسانك راجل خرفان بصحيح بقولك البت اتجوزت يعني حلنا الوحيد نخطفها غصب عنيها ونثبت عليها تهمت عفشة نخلي العمدة يطلق ولده منيها... 

الراجل بمكر: 

- وكيف هيحص كده عاد البت معتخرجش واصل ولو خرجت هتروح عند جوزها في القاهرة.. 

سنية ضحكت بخبث: 

- يبقى يوم المنا لو راحت القاهرة كده شغلنا هيبقى سهل قوي انما طول مهيا قاعدة اهنية معنعرفش نعملها حاجه واصل من العمدة.. 

العجوز بخبث: 

- شكلك عتفكري زين ومخك ده سم كيف الحية تمام.. 

سنية بخبث: 

- والحية دي ممكن تلدغ أي واحد يفكر حتى يقف قصادها وهيتشطر عليها اعرف ده زين اللي يقف في طريقي نهايته واعرة قوي.. 

الراجل بخوف: 

- وليه القلبه ده خلينا في الطيب احسن امال.. 

الراجل: 

- طب بالنسبة لجوزك اللي... 

سنية بخوف: 

- هش الله يقطع سيرتك يا بعيد هتوديني في داهية الله يحرقك يا منيل.. 

الراجل بخبث: 

- ايه كنت عاملة حالك حاية واعرة من دقايق قلبتي لقطة بالسرعة دي حريم غريبة قوي... 

سنية: 

- مش غريبة والا حاجة لكن اللي عتقوله ممكن يوديني في داهية ومصيرنا بدل ميكون حلو هيبقى مطين بطين علينا كلياتنا... 

مشى الراجل وسنية كانت بتفكر ازاي تخلص من الشخص ده وهي بتقول:

- لع بقيت خطر عليا وعلى مستقبلي هاخد بتاري من مقصوفة الرقبة افنان وبعديها افضالك يا مخروب.... 

#استووووب.. 

ياترى ايه اللي هيحصل مع افنان وهل مرات ابوها هتأذيها فعلاً نعرف الحلقة الجاية.... 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا