رواية عروس العمده الفصل الرابع 4 بقلم نور محمد حصريه في مدونة قصر الروايات
رواية عروس العمده الفصل الرابع 4 بقلم نور محمد حصريه في مدونة قصر الروايات
قالت عزه بصدمه وزهول... انت بتتكلم صوح هتتجوزني بردك بعد ماقتلت اخوك ياعمده
عيسي بص لها بطرف عينه وقال... ايوه هجوزك ياعزه لجل اخوي سعد
بصتله عزه بصدمه وقالت.. قصدك ايه ياعمده
عيسي شغل العربيه وقال... هتعرفي قصدي لحالك بعدين يابت النجار
عزه توتره اوي من كلامه وسكتت خالص طول الطريق وبعد وقت وصل عيسي ونزل من العربيه الاول وبعدها لف وشال عزه على ايده
ودخل بيها السرايا ولسه هيخطي بيها جوه لقى قدامه ولد عمه اللي جرى عليه وفي ايده السلاح وهو بيقول بغضب رهيب....اجت لقضاها برجلها قاتله اخوي لدارنا وهاخد تاري منها دلوك
وقف قدام عيسي بغضب رهيب وعيسي بادله بنظرات بارده وقال.. نزل سلاحك ياجلال ومتنساش انك قدام العمده ياولد عمي
جلال بصله والغضب كان عاميه حرفيا فقال بحده وصراخ... هملها لقضاها ياعيسي انت خابر اني مش هسيب حق اخوي سعد واصل
عيسي بصله بضيق وغضب وقال... احفظ صوتك قدامي ياجلال انا عمده البلد مش هعيد حديتي ده تاني ولم سلاحك ده وياك انا لسه مراعي انك ولد عمي
جلال نزل سلاحه بغضب وقال... وانا كمان لسه مراعي انك العمده وولد عمي بس اللي اتقتل غدر ده اخوي زي ماهو كمان اخوك ياعيسي
عيسي تهند بتعب وقال... خابر حديتك ده ياجلال وتار اخوي سعد مش ههمله حقه هاخده بس من قاتله الحقيقي ياولد عمي
جلال بصله بصدمه وقال.. قصدك ايه بالحديت ده ياعيسي
عيسي نفخ بزهق وقال... انا هلكان دلوك ومش قادر اسايس وياك ياجلال لينا كلام تاني بعدين
قال كده ولسه هيدخل السريا لقى امه قدامه اللي قالت بصدمه وغضب... داخل فين ياولدي ووياك قاتله اخوك
عيسي بصلها ببرود وقال... داخل اوضتي ياما ارتاح وعزه كلها دقايق وهتبقى مرتي
فجر المفاجأه الكبيره قدام الكل اللي نظراتهم صوبت عليه بصدمه وزهول كبير
وهنا قربت منه حنان بصدمه وزهول وهي بتقول... انت خابر بتقول ايه ياعيسي انت اتجنيت ياولدي كيف يحصل الحديت ده؟!
رد عيسي بلا مبالاه وقال... زي باقي الخلق ياما المأزون في الطريق وانا هكتب عليها دلوك
بروده في الكلام قدامهم ولع النار في قلوبهم اكتر فقال جلال بغضب وحده... كنت خابر انك هتميل لها بردك ياعيسي ماهي عشق الطفوله بس مكنتش متوقع تنسى دمك ولحمك علشانها ياولد عمي
عيسي ادايق اوي من كلام جلال الموجه له بتهام بس اكتفي بأنه هز رأسه ببرود وطلع لغرفته بهدووء وهو بيقول... انا خابر بعمل ايه انا عمده البلد وكلمتي هي اللي بتمشي هنا على الكل ومش عاوز اسمع اعتراض حد منيكم عليه
قال كده وسابهم كلهم في الصدمه الكبيره منه وهنا جلال قرب من حنان وهو بيقول بغضب وتوعد... سامعه يامرات عمي حديت ولدك كيف حبه لبنت النجار عماه عن واجبه تجاه اخوه اللي من دمه ولحمه قرر يجوزها لجل يحميها مننا بس انا مش هسكت على الحديت ده واصل
جلال قال كده وطلع من السرايا وهو كله تصميم وعزم على اخد تاره من عيله النجار كلها
وبعد خروجه جرى خلفه عصران بخوف وقلق وهو بيقول... جلال ارجع ياولدي كفايه عليا واحد دلوك و
قاطعه صوت حنان اللي قالت ببرود وتوعد... همله ياعصران ولدك بيتكلم صوح عيسي اجن من حبه لبنت المركوب دي خليه ياخد هو تار ولدنا سعد بنفسه
عصران سمعها وعنيه وسعت بصدمه وزهول وهي سابته في صدمته وطلعت لغرفتها بتعب وتخطيط للقادم من عذاب على ايدها لبنت النجار
وعلى الناحيه الاخرى
دخل عيسي غرفته وقرب من السرير بتاعه ووضع عزه عليه برفق وبعدها سابها وتوجه لدولاب علشان ياخد هدوم له تحت نظرات الصدمه من عزه
اللي قالت بصدمه وزهول... انت هتعمل ايه ياعمده دلوك
عيسي التفت لها ببرود وقال.. هاخد خلجات ليا لجل اتحمم
عزه سمعته وعنيا وسعت بصدمه وخجل وقالت... انت كيف كده فين الحياء اللي عندك ياعمده انت خابر اني لسه غريبه عنك ومنيش مرتك لسه
عيسي ابتسم على خجلها وكسوفها منه الواضح اوي على وجهها وساب الهدوم وقرب منها ببتسامه جانبيه خلتها تخاف منه وقرب وجه من وجهها اوي
وقال ببسمه وخبث... انتي مكتوبه على اسمي من وانتي في اللفه لسه يابت النجار بس متخافيش انا راجل حر وخابر الصوح من العيب كيف وكلها دقايق واكتبك على اسمي ياعزه
ابتسم في نهايه جملته بخبث وغموض وعزه توترت اوي من قربه المهلك منها وبلعت ريقها بتوتر وخجل كبير وهي بتقول...وانا كمان محتاجه
خلجات لجل اتحمم و
قاطعها صوت عيسي اللي قال بخبث... خلجاتك جاهزه ياعروسه بس اصبري لبعد كتب الكتاب لجل احميكي انا بنفسي
قال كده بكل مكر وخبث وهو حابب يشوف رد فعلها هيكون ايه وكما المتوقع لقاها صرخت في وجهه بكل غضب وضيق وهي بتحاول تداري كسوفها منه بيهم وقالت... نعم نعم ياخويا تحمي مين بنفسك ليه شايفني بنت اختك والا ايه
ضحك عيسي لاول مره بقوه على هجومها اللي فاهم انها بتداري بيه كسوفها قدامه وقال... لا شايف فرسه بصراحه بس للاسف فرسه رجلها محروقه ومحتاجه مساعده وكلها دقايق هتبقى حلالي وابقى حلالك يعني مفيش كسوف هيبقى بينا ياعزه
زاد توترها وكسوفها اكتر لدرجه انها مبقتش قادره تخبيهم قدامه فقالت بصعوبه وصوت ضعيف... لو لو سمحت ياجناب العمده الكلام ده مش هيحصل دلوك الموضوع لسه جديد عليا ومحتاجه وقت اتقبله وعلشان كده ابقى ناديلي على حرمه من الخدم هنا تساعدني لحد ماخف واقف على رجلي و
قاطعها صوته اللي تغير فجأه من لين لغضب وهو بيقول بحده... الحديت الماسخ ده في دارك ابوكي يابت النجار انا مرتي متتكشفش على حد واصل حتي لو حرمه زيها
سمعته وعنيها وسعت بصدمه وزهول من كميه الغيره والتملك اللي لقتها واضحه في نبره صوته قدامها وبلعت ريقها قدامه بخوف ولسه هتتكلم لقته سابها ودخل الحمام بعد ماقفل الباب خلفه بقوه وغضب وهي قعدت تفرك في ايدها بتوتر وخوف منه
وبعد ساعه في سرايا العمده
حماد حضر وجاب معاه المأزون زي ماطلب منه عيسي وعصران وحنان كمان كانوا موجودين وهما بيبصوا على حماد بضيق وغضب
وهنا حمحم حماد بتوتر وحرج منهم وقال... احم عامل ايه ياعصران بيه
عصران بصله بتجاهل وحماد اتحرج منه اوي بس اللي انقذه وقتها هو نزول عيسي وهو حامل عزه معاه بعد ماخلص حمامه ولبس جلباب واسع ولايق عليه كعمده البلد وزاده هيبه وقوه
وصل جنب حماد ووضع عزه جنب اخوها وبعدها قال... ابدأ يامولانا كتب الكتاب دلوك
المأزون هز رأسه بطاعه تحت نظرات الضيق والخنق من عصران وحنان تجاهه بس محدش طبعا هيقدر يعترض على اوامر العمده عيسي نصار
وبعد دقايق خلص المأزون كتب والكتاب على خير واصبحت عزه زوجته على سنه الله ورسوله قدام اهله واخوها حماد اللي كان وكيلها طبعا
وهنا عيسي نادى بصوت عالي وقال... محرووس انت يازفت محرووس
جرى عليه محروس بخوف وهو بيقول... امرك ياجناب العمده
عيسي بصله ببرود وقال... جهز عشر عجول من المزرعه بتاعتنا يكونوا كبار وادبحهم وفرقهم على البلد كلها بمناسبه جواز العمده عيسي على خطيبته عزه بنت محمود النجار وقولهم الفرح هيكون بعد ماياخد العمده تار اخوه سعد في نفس اليوم
محروس هز رأسه بطاعه وجرى ينفذ كلام عيسي تحت نظرات الصدمه وعدم الفهم من الكل
وبعد خروج المأزون وقف حماد بعد ماتهند بتعب وقال... انا عملت اللي طلبته مني ياعمده بس متنساش وعدك ليا اختي امانه في رقبتك هنا
عيسي بصله ببرود وقال... اختك بقت مرتي يعني اللي يمسها يبقى بيمسني قبلها ياولد النجار
حماد زفر براحه بعد ماسمع كلامه وقرب حضن عزه وهو بيطمنها انه لسه موجود معاها تحت نظرات عيسي الحارقه له
وبعدها قبلها حماد في جبهتها بحب اخوي وبعد عنها وهو بيقول... مش عاوزك تخافي هنا واصل انا مش هسيبك وهاجي اشوفك كل يوم ماشي ياعزه
ابتسمت له بحب كبير وعيسي كان مراقبهم بغيره وغيظ من حبها الكبير لاخوها حماد فقال بضيق... كفايه بقى تسبيل ياحماد منيش هكلها هنا بعدك ياولد النجار
حماد ابتسم له ببرود ولسه هيخرج من السرايا بس اجه له اتصال ففتح بتوتر وقلق وهو بيقول... الووو ايوه يامريم جنه كويسه حصل معاها حاجه؟!
قال كده بعد ماحس بالقلق والرعب على اخته الصغيره جنه بس للاسف اجه له الخبر اللي صدمه بجد لما مريم قالت برعب ودموع... الحقني ياحماد ولد عم العمده اتهجم علينا في البيت وخطف جنه وهرب بيها قدام اهل البلد كلها
حماد سمعها وعنيه وسعت بصدمه وزهول وهنا عزه قالت بقلق كبير بعد ماشافت حاله اخوها قدامها... حماد مالك ياخوى جنه اختي زينه مالك وشك بقى اصفر كده ليه؟!
حماد بصلها بصدمه ورعب وهو بيقول... جلال ولد عم جوزك العمده خطف اختك جنه ياعزه من دارنا وقدام اهل البلد كلها
نزلت الصدمه على الكل في المكان واولهم عزه اللي صرخت بصدمه وزهول كبير وهي بتقول... لا مستحيل انت هتخرف تقول ايه وووو
یتبع..
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا