رواية كانت ايام وعدت الفصل الاول 1بقلم ميادة يوسف الذغندى حصريه في مدونة قصر الروايات
رواية كانت ايام وعدت الفصل الاول 1بقلم ميادة يوسف الذغندى حصريه في مدونة قصر الروايات
حكايتنا المرة دى ، من قلب الناس ، لكن بتواجهه مشكله ، خطيرة ، وهى ضغط النفس ، والصمت ، الذى يصيبنا احيانا اتجاه الحياة ، العنف الداخلي، وجلد الذات ، التحمل ، الصبر ،المعاناه التى تعيش داخلنا ونتعايش بها بهاولا يشعر بنا احد ، الحكايه تعالوا هقول لكم بدأت من سنين ، وكانت بطلتها فاكرة انها أيام وعدت ولكن ........
الأبطال هم
🟠 نجلاء
موظفة في وزارة التربية والتعليم، في أواخر الثلاثينات من عمرها.
هادية بطبعها، لكنها محطمة من الداخل.
تعاني من زواج قاسي مع رجل نرجسي وعنيف، حاولت التحمل لسنين علشان ولادها، لكن خلاص وصلت لمرحلة الانفجار.
أم لبنت اسمها "روفان"، وعندها حس أمومي عالي جدًا، بتحمي بنتها من أي أذى مهما كان الثمن.
كسرت إيدها نتيجة عنف زوجها، وقررت تسيب البيت بعد تراكمات.
🟠 الأستاذ عدلي
مدير إداري في إحدى مصالح وزارة التربية والتعليم.
راجل عملي، منظم، عصبي أحيانًا بسبب ضغط الشغل، لكن قلبه طيب.
بيحاول يوازن بين الشغل والتعاطف مع موظفينه، واهتم بحالة نجلاء لما شافها منهارة.
🟠 مي
زميلة نجلاء في الشغل، موظفة شابة نشيطة.
سريعة في كلامها، وبتفهم في مصطلحات الجيل الجديد (زي "سنجل ماذر").
نيّتها طيبة، بس ساعات بتتكلم باندفاع يزعل اللي قدامها من غير قصد.
لما فهمت وجع نجلاء، حضنتها ووقفت جنبها.
🟠 حسام
زوج نجلاء، في الأربعينات، كان بيشتغل في مطاعم أوروبية، لكنه رجع بحالة نفسية سيئة.
شخص نرجسي، عنيف، مدمن "جوزة" وشرب، وبيشتم ويهين مراته وبنته.
رافض أي نوع من الحوار أو المسؤولية، وبيشوف نفسه دايمًا صح.
مش شايف إنه غلطان، ومقتنع إن اللي بيعمله "تربية".
🟠 روفان
بنت نجلاء، عندها 12 سنة.
بداية مرحلة المراهقة، بريئة، لكنها بدأت تتصدم في أبوها بسبب الشتيمة وسوء المعاملة،وهى البنت الكبيرة ، ولها اخين ولاد اضغر منها ( محمد واسامه)
اللي حصل قدامها في البيت بدأ يترك أثر نفسي عميق فيها.
🟠 أسماء
بنت خالة روفان، في نفس عمرها تقريبًا.
كانت موجودة وقت الواقعة اللي حصلت مع حسام، وشهدت الانفجار الكلامي.
🟠 نادية
سِلفة نجلاء الكبيرة.
ست طيبة، بتحب نجلاء وواقفة جنبها.
استقبلتها لما سابت البيت، وبتحاول تساعدها على قد ما تقدر.
وباقى الأبطال هتظهر معنا فى الروايه....... الحكايه
فى إحدى المصالح الحكوميه بالدوله ، والتى تخص وزارة التربيه والتعليم.
فى صباح يوم عمل جديد .....
المدير الاستاذ عدلى .....
عدلى :: (مى) بصوت عالى وعصبيه ، هى ( نجلاء ) لسه مش جت ؟
مى :: لسه ياريس ، مش عارفه مش جت ليه لحد دلوقتى ، يمكن فيه حاجه ، حبه واتصل عليها ، حاضر .
عدلى :: امبارح ،مش جت ، واحنا عندنا شغل لازم يتكتب على الكمبيوتر 💻، ايه نعطل الشغل ، ولسه عايز يتمضى، وهيسافر المديريه ، ويجى يتوزع على المدارس هنا ، احنا داخلين على عام دراسي جديد .
مى :: ادينى بتصل اهو ، بيدى جرس ، ..... مافيش رد ، طب اهى جت ....
عدلى :: بيلف لها ، مابدرى، ايه مش شغل ده ، الله الله ، مالك فيه ايه ، ايه اللى عمل فيكى كدة ؟
نجلاء :: دخلت المكتب وهى باين فى عنيها الدموع ، وأثر الحزن مالى وشها، ولا حاجه ، اتكسرت ، وجبست ايدى ، معلش ماجتش امبارح كنت وبكت .....
مى :: الف سلامه عليكى ، وده من ايه وقعتى ، اتزحلقتى ؟
نجلاء :: لاء ، مافيش الحمد لله
عدلى :: سحب الكرسى ، وقعد جنبها ، طب اسكتى خلاص ، بلاش دموع ، ايه اللى حصل ، قولى ؟!
نجلاء :: عايزة اطلق ، مابقتش قادرة ، خلاص
مى :: بتهز راسها، اه عايزة تكونى سنجل ماذر يعنى ؟
عدلى :: بص ل( مى) يعنى ايه سنجل ماذر ؟
مى :: ابدا كل واحده شايفه انها تقدر تعيش لوحدها ، وتربى عيالها من غير جوزها ، دى قضيه مطروحه فى التلفزيون ياريس ، سنجل ماذر
نجلاء :: بدموع ، اسكتى سنجل ماذر اه ، تعرفى ايه انتى عنى ، علشان تقولى سنجل ماذر ، ومين تحب تطلق بس أنا تعبت ، ومابقتش قادرة استحمل ، هو اللى عمل كدة فيا ، وسبت البيت ، ورحت عند سلفتى الكبيرة ، قعدت معها ، اللى حصل من يومين ، انا اتحمل كل حاجه بس ولادى لاء ، بنتى لاء وزادت فى البكى ...
مى :: قامت راحت عندها ، وطبطبت عليها ، طب اسكتى ، هدى نفسك ، والله ما اقصد أزعلك كدة ، ولا اقولك عيطى ، يمكن ترتاحي، خرجى اللى جواكى .....
نجلاء :: اللى حصل ، والله مافى حد يتحمله ، انا اتحملت ضرب ، وذل ، اهانه ، ونرجسيته ، وتحكماته ، بس بنتى لاء ، دى بقت عروسه ، مافيش اب يقول لبنته كدة ، وياما نصحته وقولت له بلاش عمايلك دى قدام العيال ،
مابقوش صغيرين ، الشرب ، والشتيمه بأقذر الألفاظ، والعيال بتسجل ،
بنتى ( روفان) وبنت خالتها ، كانوا قعدين ، وبيلعبوا فى الاوضه ، وهو جهز عدة الشرب بتعته ، ودخل الاوضه التانيه ، ومرة واحده ، البنت بتقول نازلين يجيبوا حاجات من السوبر ماركت ، هو ازى ، ينزلوا ، قال لهم لاء ...
البنت ، زعلت قالت لاء هنزل تحت ثوانى يابابا اشترىواطلع ومعي ( اسماء ) بنت خالتى ، مش هنتأخر ، راح طالع فيها وشتيمه، قذرة ، والفاظ مافيش اب ، يقولها لبنته ، دى عندها ١٢ سنه ، ازاى يشتمها كدة ، ومش اول مرة ، أدخلت فى الموضوع ، ودخلوا جوه ، ونهيت المشكله ، روحت دخلت له الاوضه .....
#بقلم_ميادة_يوسف_الذغندى
نجلاء ::( حسام ) اسمعنى ، بنتك مش صغيرة ، وحاسب على الفاظك قدامها امسك لسانك ، مش معقول ، انت متعلم ، ومثقف ، وكنت بتشتغل فى اكبر مطاعم اروبا ، مش اسلوب متحضر ، ولا تربوي ده ، غير اسلوبك
حسام :: بص لها ، ونفخ دخان الجوزه ، وقال لها كانت ايام وعدت ، والبت دى بنتى واقول اللى انا عايزه ، فاهمه
نجلاء :: طب دروس الولاد ، المواعيد ، انا عندى شغل ومواعيد الدروس ، ممكن تبقى تروح معهم انت ، وانا هنا بشوف شغل البيت وطلباتهم، وانا هنزل اروح معهم التمرين ، نقسم نفسنا ، واحد كدة ، وواحد كدة
حسام :: نعم ، عايزنى انزل اروح اخد العيال الدروس ، اجيب ليكى مواصله توديهم الدروس ،والتمرين .
نجلاء :: ولازمتها ايه ، مالعربيه موجوده ، ونوفر فلوس الأجرة، وبعدين انا اللى هروح هنا وأروح هنا ، ليه بقى ، مافيش تعاون ولا ايه ؟
حسام :: وان كان عاجبك ، انت مش فاضى .
نجلاء :: مش فاضى ، اومال فاضى للشرب ، والسطله اللى انت عايش فيها ، يااخى فوق بقى حرام عليك ، علشان خاطر ربنا وعيالك
حسام :: سمع الكلام، وبقى مش فى وعيه ، ايه ، بتعلى صوتك عليا ، ونزل فيها ضرب
نجلاء :: سحبت العبايه السمرا ، بتاعتها وجت تنزل من البيت ، حسام لحقها على الباب وبيشدها من دراعها ، اوعى سيبنى ، انا مش قاعده هنا ، لايمكن افضل فيها ليله واحدة ، سيبنى ، يامتخلف انت اوعى
حسام :: قولت لك مش هتمشى ، هتفضلى هنا ، ادخلى ، العمارة بتتفرج علينا
نجلاء :: من عمايلك، سيب ، والله همشى ، ونزلت وسابت البيت ، وراحت عند سلفتها ....
ناديه :: أيوه جايه ، فتحت الباب ، يالهووووى نجلاء مالك تعالى ، ادخلى فيه ايه حصل تانى ، عمل إيه؟
نجلاء :: انا مش هرجع له تانى ، لازم اطلق ، اه دراعى واجعنى قوى .....يتبع
ياترى ناديه هتعمل ايه معها ؟
ونجلاء صح ولا غلط؟
لو كنتم مكان نجلاء هتكملو .....صبر ولا لاء ؟
ردوا لان نجلاء هتسمع الرد .
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا