رواية يتيمة في قبضة صعيدي الفصل الثالث 3 بقلم نرمين حمدى حصريه في مدونة قصر الروايات
رواية يتيمة في قبضة صعيدي الفصل الثالث 3 بقلم نرمين حمدى حصريه في مدونة قصر الروايات
#يتيمة_في_قبضة_صعيدي
ملك: بس انت قولت انك متعرفش سيف وانا اعرف سيف كويس هو حد كويس وأمين
عز: انا مليش اني اعرفه ولا عايز اعرفه كل الي يهمني الوصيه تقدري تقوليلي ابوكي لية مقالش تروحي تعيش عندهم
ملك: بابا دلوقتي ميت... والقرار انا المفروض اخده
عز اتنرفز من جدالها وضرب بايده علي الحيطه: يوووووه انتي مبتفهميش... كلامي قولته ومش هكرره انتي لسه هتناقشيني
ثم تركها وغادر ضاربا الباب بيده ناحيه الحائط
اما عن ملك فظلت تبكي
في الاسفل
جليله لماهر: مش واجب ترجع مراتك في يوم ذي ديه
ماهر: مش هي الي مشت بمزاجها خلاص ترجع لوحدها
جليله: يعني ايه انا بناتي ميرجعوش وحديهم لازم انت الي تروحلها وتتأسفلها كمان
ماهر: والله معارف هي الي قريبتك ولا انا
جليله: انت صوح ولد عم عيالي بس كيف ولدي وهي كمان بت حلال ومش هتلاقي حد يحبك كدها
ماهر: يعني هو انا الي بكرها مانتي شايفه بتعمل مشكله علي اقل حاجه
جليله: معلش فيها ايه يعني لما تدلع عليك واجبك تستحملها ياولدي
ماهر: هتجوز تاني خلاص
جليله بهزار: لو سمعتك هتقلب البيت حريقه
ماهر: ههههه
جليله: يلا روح كلمها ياماهر
ماهر: ماشي يامرت عمي
&&&&&&&
في المساء خارج القصر حيث يوجد سيف ورجالته
سيف: خلو بالكم كويس لو مؤذون دخل امنعوه ان شاءلله حتي تقتلوه
وانا هبلغ عن عز انه خاطف ملك
قبل ميكتب كتابه عليها
احد رجاله: طيب لو هي قالت مش خاطفني
سيف: انت مشوفتش هي هتموت وترجع معايا ازاي دي مهتصدق تلاقيها
وفعلا سيف بلغ البوليس وقلهم ان عز الجبالي خاطف بنت عنده وعايز يتجوزها بالغصب ممرش وقت كبير والبوليس جيه كانوا خارج القصر بيتكلموا مع سيف
اما في الداخل الكل بقوا مستعدين والمجلس كان مليان بكبار الشيوخ ورجال عز الجبالي اما عز كان موجود في صدر المجلس وملك جنبه دموعها مش مفارقه عيونها وماهر وفياض حواليه
كلهم في انتظار المؤذون
بس فجأه بيحصل اقتحام من جميع نواحي القصر الكل اتخض والستات بقت تصرخ السلاح اترفع من كل رجال عز الجبالي الي كان قاعد مكانه متهزلوش رمش حتي خاصتا لما شاف سيف
ماهر: ايه الي بيحصل هنيه
الضابط بثبات: جايلنا بلاغ ان في بنت مخطوفه والي خاطفها اسمه عز الجبالي مين فيكم عز الجبالي
ليقف عز ببطء وتلقائيا كل الموجودين بيوقفوا كأنهم مش بيقدموا الاحترام إلا لعز الجبالي ليقول بصوت كله هيبه وشموخ: أنا عز الجبالي خير
ملك الفرحه رجعتلها من جديد اول مشافت سيف وقفت وكانت عايزه تجري عليه بس قررت تقف لان كدا كدا البوليس جيه وهترجع يعني هترجع
سيف: هو دا ياحضرت الضابط واهي البنت الي خاطفها حضرتك تقدر تسألها بنفسك
الضابط: قولي ياأنسه انتي مخطوفه ولا هنا بمزاجك؟....
ملك فجأه لسانها اتلجم مش عارفه تنطق بحرف بدأت تبص لعز الي ثابت ومنطقش بحرف وتبص لسيف الي بيستعطفها بنظراته
جليله: يامري مخطوفه ايه دي مش مخطوفه متقول حاجه ياعز
عز ساكت تماما ومبيتكلمش
سيف: قولي ياملك متخافيش من حاجه يلا
ملك انهارت عياط وبتبص لعز بس هو مش باصصلها بس عايز يسمع اجابتها
الضابط: انا هسألك تاني انتي مخطوفه ولا لا؟
سيف: في ايه ياملك ساكته لييييي متقولي الحقيقه
ملك لنفسها: لو اتكلمت عز هيتحبس... ولو سكت هفضل محبوسه طول عمري
جليله: متتكلمي يابتي كلنا مستنين ردك
فياض: اتكلمي ياملك.... ياحضرت الضابط دي وصيه ابوها بعتها هنا عشان خايف عليها من الكل*ب ده دلوقتي انا فهمت ليه عز مسلمهاش ليك شكلك طماع ومتعرفش يعني ايه رجوله
سيف: وانت الي هتعرفني الرجوله
فياض كان هيضربه بس بعدوهم عن بعضهم: واعرفك ابوها كمان
سيف بيحاول يقنعها بكلامه وعز واقف مش بيعمل اي حاجه ولا بيحاول يراوغها بكلامه: ملك يلا اتكلمي قولي انه خاطفك واوعدك انك هترجعي معايا الليله
الضابط: كدا كتير اتكلمي ياأنسه
ملك: أنا
"سكتت لفتره قصيره"
سكتت، والكل مستني الكلمه، صوت أنفاسها باين، وضربات قلبها تكاد تسمع فهذا القرار سيحدد مصيرها...
ملك فضلت تبص لعز ولسيف: أنا....
ياتري ملك هتختار مين سيف ولا عز؟
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا