رواية اسيا الفصل الحادي والثلاثون 31 الأخير بقلم فاطمة صلاح حصريه في مدونة قصر الروايات
رواية اسيا الفصل الحادي والثلاثون 31 الأخير بقلم فاطمة صلاح حصريه في مدونة قصر الروايات
آسـيا
البارت الواحد والثلاثون "الأخير"
في الصباح
استيقظت الأخري علي نداء مراد لها!
كارمه بنعاس:في ايه يا حبيبي؟
مراد:قومي يلا عشان نلحق نفطر ونروح نشوف بابا عشان لو حالته اتحسنت نجيبه!
جلست الأخري علي الفراش وهي تتنحنح:مـراد عايزه اقولك حاجه!
مراد:ايه يا حبيبتي؟
كارمه:مـاما سايبالي في البنك ٣٠٠الف جنيه!!
مراد بضحك:٣٠٠جنيه!طيب يا ستي هديهملك انا بدل ما تروحي تجببهم!
كارمه بجديه:بقول ٣٠٠الف!!
مراد ببلاهه:ده اللي هو ازاي!
ثم اضاف:تمام انا فاهم ان ٣٠٠الف مش كتير بس أنا أقصد ان يعني...
كارمه بتفهم:فاهمه انك مستغرب عشان مستوانا تحت الصفر بس عايزه اقولك ان ماما هي اللي كانت معيشانا كده ربنا يرحمها،،بابا كان مدرس في الصنايع وكان بياخد مكافأت ومرتب حلو وحتي المعاش وهي كانت بتاخد كل دهه،،الاكل طبعا اللي هو مصاريف البيت محدداله٣٥٠ج شهرياً حتي لو هنموت جوع بس!،،فمتستغربش م المبلغ!!
مراد بتفكير:طب ومصاريف الكليه!!،،الطلبات لوحدها بتعدي٥٠٠ج في الشهر!!
كارمه باحراج بالغ:اسيا كانت بتدفعهم لي!!
مراد باستنكار:ابو اسيا يعني!!
كارمه:لا،،اسيا زي ما نت عارف كاتبه وليها روايتين من اشهر الروايات فكانت بتدفع المصاريف منهم،،انا مبقبلش ولا مليم منها حتي الهدوم مكنتش بقبل الا كل فين وفين،،بس قبلت الجامعه عشان هي طريقي الوحيد لدنيا افضل!!
حاوط الاخر وجهها وهو يحتضنها بشده وحنان بالغ و يردد بداخله:شوفتي كتير يا كارمه ، ولله وعد عليا اني مستحيل ازعلك او احرمك من اي حاجه!
مراد:طيب سبيهم مكانهم احنا مش محتاجين الحمدلله!
كارمه:ما هو انا لسه ما كملتش!
ابتعدت عنه وهي تكمل بارتباك:أنا عايزه افتح معمل تحاليل!
مراد:انا افتحلك واحد م الصبح يا قلبي،بس الفكره انك مش عامله دبلومه!
كارمه:مانا هشغل دكاتره فيه وهروح عشان املي وقت فراغي,اما اخلص الدبلومه هشتغل!!
مراد بتفكير:تمام يا حبيبتي هبدأ ادور علي مكان مناسب ونشتري الاجهزه!
كارمه:تمام هسحب الفلوس بكره!
مراد بحزم:كارمه فلوسك دي انتي حره فيها،انا الي هفتحولك!
كارمه باصرار:مراد انا عايزه حاجه ليا،عايزه احس ان ليا قيمه وكيان!!
وافق الاخر علي مضض لتحتضنه وهي تردد من صميم قلبها:ربنا يخليك ليا يا حبيبي!
تناولوا إفطارهم ثم ساعدها في تجهيز الغرفه لوالدها ليذهبوا بعدها حتي يأتوا به...
_____________________________
داعبت أشعه الشمس الذهبيه وجهها لتفتح عينيها ببطيء وهي تشعر بقلبها يتراقص من فرط السعاده،،نظرت بجانبها فلم تجد الآخر لترتدي"الروب"وهي تهبط لأسفل!!
لم تجده بالمنزل ولم تجده حتي أمام البحر قلقت بشده وقررت تبديل ملابسها والخروج للبحث عنه فقد ترك هاتفهه بالمنزل!!
دلفت للخارج وهي تنادي بقلق وبصوت عالي"أكرم"ولكن لم تجد رد!!،،ظلت تركض في كل اتجاهه والقلق يكاد يتأكلها!!،،أتكون ’ملاك‘ سبقت سيلينا بخطوه!ولكنها الان ما زالت في اكتئابها وعزلتها!!،أيكون’كمال‘قد هرب وجاء لقتله!!ولكنه قد علم بالحقيقه!!!،عادت أخيراً أسفل الفيلا وهي تضع يديها أعلي رأسها وتبكي بمرار!لتجد رجلتين يتدليان من سقف الفيلا!!!
صعدت بسرعه لتجد الاخر يجلس وهو يبكي بقوه!!
اسيا بخوف:أكرم انزل!!
أكرم:اسيا ممكن تسبيني لوحدي!!
اسيا:في ايه يا حبيبي مالك!!
ثم اقتربت منه وهي تحاول امسكاه كاد ان يقع!!لتأخذه باتجاهها وهم يقعوا للداخل!!
اسيا بدموع وهي تحتضنه:كنت هموت م الرعب!!ايه اللي منزلك الساعه١١ في الجو التلج ده وليه بتعيط وليه قاعد كده اصلاً!!
اكرم بالم:ما فيش سيلينا صعبانه عليا، ضحت بحياتها عشان تنقذني!!رغم اني كُنت عارف بكل حاجه!!
اسيا باستغراب:عارف ايه وازاي!!
فلاش باك
بعد ان رفضت الاخري الرجوع له دلف لشقته للهروب من استجوابات"لين"،،ظل جالساً وهو يتذكر ذكرياتهما معاً ليجد الباب يطرق!
ركض بسرعه وهو يفتحه علي أمل ان تكون هي ليجدها"ملاك!"انصدم من مظهرها!!شعر انها عجوز في الثمانين من عمرها ترتدي فستان ابيض طويل وباكمام بالي وترفع شعرها الذهبي الحريري في كعكه سيئه وعينيها يشعر انها تجعدت من كثره البكاء اضافه للهالات السوداء الذي تمليء اسفل عينيها!!
افاق ليجدها تردد بصوت مبحوح:اكرم ممكن نتكلم!!
اكرم بقسوه:ما فيش كلام بينا!
كاد ان يغلق الباب ليجدها تردد:كمال بيخطط لقتلك!
اكرم بصدمه:وانتي عرفتي منين!
ملاك بتوتر:عرفت بقي وخلاص!،،اوعيي تفكر اني جايه اقولك اني بكده خلاص!،،انا مش هسيبك لاسيا فاهم انت ليا وكرامتي اللي اتهانت قدام شركتك دي هرجعها اما هدخلها تاني ونا مرات المدير!
باك
اسيا ببكاء:وانت ما عرفتش سيلينا ليه بالموضوع ده!!
اكرم:كنت هعرفها!،،والله بس بعديها انتي جتيلي ورجعنا واول امبارح اتجوزنا وانا بعتلها عرفتها عشان متضايقش اني مش برد علي مكالمتها!!
اسيا باستغراب:ونتوا كنتوا بتتكلموا!!
ليقص عليها كل ما قصه علي والدها منذ ايام!!
اسيا بحزن:كانت بتحاول تساعدك وكشفتلك حقيقه ملاك وفالاخر ماتت،ربنا يرحمها
اكرم بكبت:بس انا هجبلها حقها من جوزها ده فاسرع وقت!
اسيا:طب تعالي ننزل عشان عايزه اوريك حاجه في فونك!
___________________________
جلسوا علي مقعد وثير في غرفتهم وهو يقرأ الرساله بتأثر
" أكرم،الريكورد اللي انت بعتهولي امبارح ده عرفني انك بتحب بجد،حتي نبره صوتك ما كانتش كده واحنا هنتجوز بعد حب٩سنين،،أكرم انا قررت اعترف لكمال باني انا اللي قتلتها المفروض كان ده يحصل من زمان بس انا اسفه،،كمال علي قد حبه ليا علي قد ان عقله بيغيب اما بيتعصب عشان كده انا مش ضمنه هيعمل فيا ايه،،عشان كده انا كلمت المحامي بتاعي يمشي في اجراءات التنازل ليك عن نصي في المركز،،اما "ملاك" فهي اه مهووسه بيك بس صدقني هتدمرك لو ملحقتش نفسك عشان كده انا دورت كتير جداً وعرفت كمان من كمال ان ليها ابن عم في الصعيد بيعشقها وبيدور عليها كتير جداً في القاهره ومش عارف يلاقيها لان كل ما بينزل القاهره في خدامه في بيته بتعرفها وهي بتيجي بورسعيد،ده رقمه"....."تقدر تكلمه وصدقني لو لاقاها مش هيسبها تاني وحبه اكيد هيغيرها،،أخيراً انا اهه محبتكش بس صدقني انت حد مميز عندي مش صحاب ولا حبايب بس حاجه مختلفه لدرجه اني افديك بروحي وسامحني لو اذيتك في مره يا اكرم،،ادعيلي كتير سواء عشت او مت
جميلتك سيلينا"
ابيضت مفاصل يدهه وهو يغمض عينيه بشده من كثره الالم،،هو ايضاً لم يحبها بحق ولكن!!بينهما عُمر ليست أيام بل عُمر بأكمله،تسع سنوات كانوا كشخص واحد!!،،لم يتخيل ان يفقدها للابد بتلك الطريقه البشعه،لم يتخيل!!
احتضنته الاخري وهي تردد بشفقه علي حالها:ده نصيبها يا أكرم وربنا هيجازيها خير علي كل دهه!!
اكرم بكبت:مش مصدق يا اسيا انها ماتت دي كانت معايا ٢٤ساعه بينا عمر!!
اسيا بغيره مكبوته:خلاص بقي!!
احتضنها الاخر بشده وهو يبكي ويردد بداخله:هتوحشيني اوي!!
اسيا بحزن:ابقي زورها انا عارفه انها غاليه عندك بس دلوقتي اهم حاجه نخلص موضوع ملاك وتشوف محامين عشان جوزها دهه!!
اكرم بحزن:شوفت بس بيقولو انه٩٥٪ جاله مرض عقلي!!
زفرت الاخري بخنقه: يا حول الله يارب!!
اسيا:هنكلم "أحمد شراره" أمتي؟؟
اكرم:دلوقتي!،بصي هتكلميه علي انك صاحبتها!
اسيا بحماس:اشطا
_____________________________
جلسوا ليهاتفوا الاخر ليرد قبل ان ينقطع الرنين
احمد بصوت صلب:الو!
اسيا وهي تكتم ضحكاتها:استاذ احمد؟
احمد بغرور:اهه معاكي الباشمهندس احمد شراره!
رفعت الاخري شفتها العليا وهي ترد بسخريه:مهندس ايه بقي انشاءلله!!
احمد باستنكار:افندم!!
لكم الاخر اسيا في يدها حتي تفيق لتتنحنح وهي تقول بلباقه:بقول مهندس ايه ما شاءلله!!
احمد بغرور:مهندس زراعي،،مين انتي!
اسيا:انا صحبه ملاك بنت عمك!
اختفت نبره الغرور وحتي لكنته المصريه والذي اكتسبها من دراسته بمصر ليحل محلهما اللهفه ولكنته الاصليه!!
احمد بلكنه صعيديه:ملاك بت عمي!!،،فينها ودين الله لانتي جايله!!
اسيا بابتسامه لم يراها بالطبع:بتحبها لدرجادي!!
احمد وكرامته تمنعه من الاعتراف:مش احمد شراره اللي بت تهرب منه! وترفضه!!
اسيا بكذب:تهرب منك!،،دي بتحبك وحتي هي قاعده معايا في بورسعيد هنا عشان اوصلها بيك واترجاك تجيلها!
برقت عين الاخر!!من ذلك الكذب الذي تكذبه!!،،هي تركت القاهره واتت لبورسعيد لانتظار الاخر ان يحن عليها بحرف!،،ولتخريب علاقته باسيا!!وللهروب من احمد!
احمد بسرعه:يعني انتوا في بورسعيد!مسافه الطريق من قنا واكون عنديكم!!
اسيا:كام ساعه يعني!!
احمد بلكنه صعيديه:هاجي هوا يا ستي بالكَتَير هكون عَنديكم ٨!
اغلقت معه
ليمسكها الاخر كالطائر المُبلل من كنزتها الصوفيه وهو يردد بحنق:انتي غبيه ليه!!
اسيا باستنكار:انا؟ليه!!
اكرم بحنق:هتخليها تقوله بحبك ازاي هتشربيها حشيش!!
اسيا بغرور مصطنع:هه!،بس يا بابا وهي دي تفوتني!!
اكرم:هاتعملي ايه هتلبسيه وشي!!
اسيا بملل:اسكت واتفرج ونت ساكت!!
اخذت هاتفهه مره اخري وهي تنقل رقم الاخري لهاتفها!،،ردت الاخري بعد عده مكالمات بصوت ناعس!
ملاك:الو مين!!
اسيا:انا آسيا!!
ملاك بصدمه وقد بدأت تستعيد وعيها:اسيا مرات اكرم!!
اسيا:اهه يا حبيبتي.
ملاك بحقد:وانتي عايزه ايه مني ان شاء الله مش كفايه دمرتيني وخدتيه مني رغم اني اولي منك بيه!!
جزت الاخري علي أسنانها قبل ان تقول بتماسك:عشان كده انا عازماكي عندنا علي العشا انهارده!!
ملاك بعدم تصديق:عزماني!!ليه؟
اسيا:بصراحه انا رجعت لأكرم من يومين وبجد مليت معتش حساه من بعد ما شفتكم مع بعض في نفس الوقت صحبي بيحبني من ٥سنين وكان متقدملي فبفكر اديله فرصه!!
نهضت الاخري من الفراش وهي تضحك بسعاده غامره:يعني هتطلقوا!!
اسيا:اكيد بس الاول عايزه اتاكد من مشاعرك ونفضفض شويه بليل!
ملاك بلهفه:اكرم هيبقي موجود!
اسيا:اهه ع العشا بس اكيد مش هيقعد معانا واحنا بنتكلم!!
ملاك بسعاده:امتا طيب اجي دلوقتي ولا امتا!
كتمت الاخري ضحكتها وهي ترد:احنا لسه في وقت الفطار مش العشا،،٧يا قلبي!
ملاك وهي تكاد تطير فرحاً:حاضر الحق اجهز نفسي يا ايسو سلام!!
ارتمت الاخري علي المقعد وهي تردد بسخريه:هه،بقيت ايسو دلوقتي، غبيه
نظر لها الاخر ببلاهه:يخربيتك يا اسيا يخربيتك!!
_____________________________
بعد ان اطمئنا علي ابيها وقد تحسنت حالته واذن الطبيب له بالخروج بشرط الاهتمام بنفسيته وصحته،،اصر الاخر علي جلب"ممرضه"لتعتني به في كل الاوقات..
في المساء
يجلسان في غرفتهم!
كارمه بحب:ما جاش فرصه اني اشكرك علي كل اللي بتعمله مع بابا بس صدقني حتي الشكر مش هيوفيك حقك!
مراد بمرح:خلاص ما تشكرنيش هاتي بوسه!!
كارمه باستنكار:انت ايه بجد ما بتشبعش!!
نهض الاخر وهو يحتضنها بحنان كعادته:مستحيل اشبع منك يا كارمه،نتي وجودك في حياتي زي النفس بالظبط لو انقطع اموت!!
شددت في احتضانها وهي تردد بحب:وانا بحبك يا مراد
ابعدها الاخر وهو يردد بضحك:اه صح نسيت اقولك مش عزيز هيتجوز بكره!
كارمه باستنكار:عزيز مين!!بتهرج!
ثم رددت بداخلها:زمانت حور هتموت نفسها!
مراد:انا بردو اتصدمت بس بيني وبينك كنت متوقع لان عزيز مش بيهتم بحد كده،،ده كان يبنتي بيتشاكل معاها اما تبتسم لموظف ولا تلبس تشيرت قصير!!
كارمه بحزن:مين بقي سعيده الحظ):
مراد:حور صحبتك!!
اتسعت عينيها بدهشه وهي تردد بسعاده غامره:الحمدلله يارب الحمدلله!!
مراد:هتيجي معايا بكره؟
كارمه بتفكير:اهه اكيد
_____________________________
في المساء
بدلت ملابسها لملابس محتشمه بعد ان امرها الاخر بذلك..
وكانت عباره عن كنزه صوفيه باللون النبيتي واسعه للغايه وقصيره وبنطلون من الجينز الضيق باللون الاسود وحذاء رياضي باللون الأسود!ورفعت شعرها في كعكه،،ولم تضع اي مساحيق تجميل سوي احمر شفاه باللون النبيتي القاتم كعادتها!!،،اما هو فارتدي قميص من الكاروهات باللونين الاسود والابيض وبنطلون من الجينز الاسود كذلك!
_____________________________
اكرم بضحك:شايفه الادب!!
رفعت الاخري شفتيها:قصدك اني مكنتش مؤدبه!!
قهقه الاخر وهو يردد:لا مرات اكرم راضي مفيهاش عيب!!
اسيا:مم بحسب!!
لم يكملوا حديثهم فقد سمعوا باب الفيلا يطرق!
هبطت الاخري لاسفل وهي تفتح ببشاشه!!
ليرتفع حاجبها تلقائياً بعد ان رات الاخري ترتدي فستان باللون الاحمر دون اكمام ويظهر اكثر مما يخفي ويتعدي خصرها بقليل جداً وحذاء عالي جداً وحقيبه صغيره باللون الاسود وتضع مساحيق تجميل كامله كما لو ان عرسها اليوم!!
تمالكت اسيا نفسها سريعاً بعد ان وجدت الاخر يلكمها في ظهرها في الخفاء!!
أكرم بابتسامه:ملاك نورتي!
ملاك بسعاده غامره:ده نورك طبعاً،ازيك يا ايسو!
اسيا بابتسامه صفراء:حبيبه ايسو ازيك انتي،امال نتي مش سقعانه!!
ملاك باحراج وهي تبتسم:لالا عادي متعوده!!
مصمصت الاخري شفتيها ثم ابتسمت:يلا عشان الاكل هيبرد!
___________________________
جلسوا في الصالون الداخلي في ركن بعيد عن باب الفيلا!
بعد الكثير من الاحاديث عن اكرم لاكثر من ساعتين!
اسيا:ها قوليلي بقي ايه رايك فيه!!
ملاك بحب:راجل مفيش منه،،انسان مثالي بجد يا اسيا كفايه عينه وشعره وكل حاجه فيه،،بجد انا موجوعه اوي علي كل السنين اللي القدر فرقنا فيها!
اسيا بداخلها:مشاءلله كل اللي هممها شكله ربنا يرحمنا!!
اسيا:اهه يا حبيبتي ربنا يخليهولك نشاءلله هترجعي وهتعيشوا مع بعض في اقرب وقت!!
ملاك من صميم قلبها:يارب بجد!!
اسيا:يعني نتي متاكده انك بتحبيه ولا دوشتيني كل الفتره دي علي الفاضي!!
ملاك:بحبه دي قليله!!،،انا بعشقه من اما كنا لسه مراهقين من ونا١٧سنه ويمكن اقل،،ده روحي يا اسيا وكل حاجه في حياتي,مستعده اعمل اي حاجه عشان يبقي ليا
اندفع الاخر كالسهم من حيث لا تدري وهو يكاد يبكي من فرط اشتياقه:كل ده كتماه في نفسك يا بت عمي!وانا كُمان بحبك من اول ما وعيت ع الدنيا دي،،ودين الله لاخليكي اسعد واحده!
ملاك بصدمه:أحمد!!
"أحمد فهمي شراره , شاب في الخامسه والثلاثين من عمره،يعمل كمهندس زراعي وهو كبير قريته بعد ان تفوي والده،،قوي البنيه وعريض المنكبين أسمر كثيراً وذو شعر عادي الملممس ويمتلك عينين سوداء كعيون الصقر،،شعاره في هذه الحياه ان كرامته فوق كل شيء،مغرور وقوي الشخصيه مع الجميع ولكنه ضعيف مع عائلته الصغيره المكونه من والدته واخته،وضعيف ايضاً امام "عصفورته الصغيره" والذي كبرت وتربت امامه"ملاك"
اقترب منها وهو يزمجر:ايه اللي انتي لابساه ده دهه فستان ولا بدله رجص!
ملاك بعدم استيعاب:انت عرفت مكاني منين وانت مالك اصلا بلبسي ثم تناولت حقيبتها من الطاوله وهي تندفع لباب المنزل!!
امسكها الاخر من ذراعها:وازاي تزوري صحبتك في وجود زوجها ايه مفيش اصول!،،مصر غيرتك يا بت عمي!
ملاك بصراخ:وجود جوزها!!!جوزها ده حبيبي سامع حبيبيييي انا مش بحبك ولا هحبك،،وانا كده من زمان بس انت اعمي!!
لم يتمالك نفسه ليصفعها بقوه لترتمي ارضاً والدموع تتساقط من عينيها وقد شعرت بالإهانه والاهر يقف بجانب زوجته وهو يشاهدها وقد أمسك يد الاخري بعد ان كانت ذاهبه للدفاع عنها!!
لتنهض وهي تقترب من أكرم!
ليوجهه كلامه للاخر:اديها قدامك،،خليي بالك منها عشان دي زي اختي واوعي تضيعها عشان لو ضيعتها مش هترجعلك تاني وهتضيع نفسها.
ابتسم له الاخر وهو يردد: اطمن يا اخويا مش هسيبها لاخر عمري!
بعد ان اتي الاخر جلسوا معاً حتي تمهد الاخري الحوار لملاك!!وقد تبادلوا ارقام الهواتف بعد ان ظهرت بوادر صداقه بينهما..
ابتسم له اكرم ليأخذ الاخري وهم يدلفون للسياره وينطلق بها بسرعه شديده في طريقه لمنزلها حتي يقضوا الليله ثم يأخذها في الصباح لأهلها وبعدها يقيما عرسهما..
______________________
نظرت اسيا للسياره وهي تختفي عن ابصارهم لتركض باتجاهه البحر وهي تلقي حذائها كل "فرده" باتجاهه وهي تصرخ بسعاده!!،،احتضنها الاخر بسعاده كبيره لينتهي بهم الحال وهم يتوسدان الرمال ويحتضنان بعضهما بينما البرد يلفح وجههما ولكن دفء قلوبهم يطغي عليه ليتردد صوت من هاتف الاخري
"يا حب غالي ما بينتهيش يا أحلي غنوه سمعها قلبي ولا تتنسيش ، خُد عمري كله بس إنهارده خليني أعيش )"""
____________________________
بـعد مرور ثلاث سنوات!
جالسه امام بئر اسرارها والذي اقتربت منه بعد ان سكنت امامه مباشره وهي تقرأ بصوت عالي وتبتسم بسعاده بعد ان تذكرت تلك اللحظه:"وصلت أخيراً وصلت"أغلقت روايتها الثالثه"حُب لن يموت" والذي صدرت لها منذ ثلاث سنوات،،تقص بها قصه حبهم هي والاخر وكل ما حدث مع كارمه،،والذي تصدرت اعلي المبيعات حين نزولها وما زالت!!فهي الان تمسك بيديها الطابعه الثالثه والعشرون!!
افاقت علي يد صغيره بجانبها،وهو يردد بطفوله:آسا بابي جه!
احتضنت إبنها الوحيد"زين""والذي يبلغ من العمر سنتان و حوالي الشهر،قد ورث شعرها الاسود وعيون ابيه الرماديتان و كذلك هدوء الاخر""ثم
التفتت خلفها وهي تنظر لمنزلهم الذي يبعد قليلاً عن البحر لتجد الاخر يدلف خارج السياره وهو يرتدي بدله انيقه وقد زادته تلك السنوات الكثير من الوسامه والرزانه!!
نهضت وهي تمسك بيد الصغيره وتقترب منه حتي توقفت امامه مباشرةً
اسيا بحب:وحشتني جداً يا حبيبي!!
احاط الاخر وجهها وهو يردد:المستشفي وحشه اوي من غيرك انهارده!!
بعد ان استقروا أخيراً في "بورسعيد" وقد ترك اداره شركاته لوالدهه والذي يعمل من المنزل وابن خالته والذي يمتلك خبره كبيره،،بينما هو عاد لعمله كطبيب"قلب"في ذلك المركز الطبي والذي كان له السبب الاكبر في انه اتي لبورسعيد وفي مقابلته للاخري،،وبعدها اصبحت الاخري تعمل معه كطبيبه تحاليل في معمل"آسيا"والذي خصصه لها في ذلك المركز بعد ان اخذت"الدبلومه"وتركت إداره معامل"first lab"والذي قد افتتحتها من مالها الخاص بشراكه "كارمه" هي بنسبه٧٥٪وللاخري البقيه منذ ثلاث سنوات,,ولكن توقفت منذ أمس عن العمل معه بعد أن علمت أنها تحمل جنين بداخلها منذ شهر ونصف!
اسيا وهي تحتضنه:يا عمري ولله،،اصلاً اول ما الحمل يثبت هاجيي اشتغل تاني زي ما عملت في "زين"
اكرم بحزم:حبيبتي وانتي حامل في "زين" ما كنش شغل بجد كنتي بتروحي تحكي نتي وكارمه،لكن دلوقتي تعب!!
اسيا وهي تتمسك بيده بعد ان حمل الاخر وهم يدلفوا للداخل:ربنا يسهل بقي يا قلبي!
____________________________
في معامل"first lab"
تجلس الاخري خلف مكتبها وهي تهاتف زوجها بحب فقد اشتاقت له بشده فهي أصبحت لا تطيق الابتعاد عنه ولو للحظه،اضافه أن غداً عيد ميلاد التؤمان"آسيا،آسر"وقد اتما عامهما الاول بعد ان طالا انتظارهما كثيراً!!لاكثر من سنه ويخبرها الطبيب في كل مره"مفيش أي مشاكل هي نفسيه مش أكتر"حتي رزقت بهما منذ سنه أخيراً بعد الكثير من الصبر
مراد بحب:هعدي عليكي كمان ساعتين!
كارمه:لا يا حبيبي قول٣وشويه كده عشان اكون خلصت شغلي!!
مراد:كارمه مش بحب اسيب الاطفال مع الداده كتير!!!
كارمه بضحك:الاطفال بابا معاهم،،بس نت متاكد ان الاطفال
ليهمس لها بشيءٍ ما لتردد له بضحك ان يأتي في الحال ان أحب!
اغلقت معه بعد ان ابلغها انه سياتي بعد ساعتين ليقلها..
كانت علي وشك ان تعود لعملها من جديد!
لتدلف السكرتيره ويظهر علي وجهها الانفعال:حضرتك في واحد بيتكلم بهمجيه جداً ومش راضي يمشي الا اما يقابل حضرتك!!
كارمه باستغراب:واحد مين!!
السكرتيره:اسمه سليم!!
دلف الاخر وهو يبعد السكرتيره عن طريقه بهمجيه لتدلف للخارج والدموع تتجمع بعينيها!!
لم تقوي علي الوقوف اكثر من ذلك ارتمت علي المقعد بصدمه!!لا تعلم أتسعد انه عاد بعد اختفائه الذي دام لسنوات!ام تحزن لانه اصبح بهذا المظهر المخزي في عينيها!!
لأول مره تراه منذ ذلك اليوم البائس وهو بين احضان خطيبته!!لأول مره لا يدق قلبها بسعاده،،لا يتراقص قلبها،،لا يتوجع!!بل شعور جليدي طغي عليها!!
جلس الاخر امامها وهو يزفر بخنقه قبل ان ترتسم ابتسامه حنين علي وجهه وهو يردد:كركر!
ابتسمت للحظه ليس له أبداً بل لتلك الذكريات الذي أخذت عُمرها بأكمله!!ولكن حل الجمود والصلابه مره أخري علي وجهها
وهي تقول بجديه:تشرب ايه!
سليم بابتسامه:القهوه اللي كنتي بتعمليهالي مخصوص من مصروفك وتديهالي من الشباك!!
رفعت سماعه الهاتف:قهوه ساده،وقهوتي
مراد بضحك:من امتا ونتي بتشربي قهوه!ومن امتا وطنط مني عندها كنوز!
تجاهلته تماماً وهي تردد:اتفضل قول اللي عندك!
سليم:اسف اني جيتلك بس نتي غيرتي رقم تليفونك!!
كارمه:طبيعي انا متجوزه من٤سنين لازم كل حاجه في حياتي تتغير!!
سليم:تصدقيني لو قولتلك انك وحشتيني!!
لطالما انتظرت كثيراً ان يكون الباديء ان تشعر انه يحبها بصدق ولو لمره واحده!!ولكن عندما حان الوقت لم تشعر بأي شيء شعرت انها تجلس مع شخص غريب تماماً عنها تجلس شفقه عليه لا اكثر!!
سليم:كارمه أنا بحبك!
ثم اكمل بألم وصدق:والله العظيم!!
كارمه بتماسك:ياريت تدخل في المهم عشان جوزي جايلي!!
سليم بابتسامه مكسوره:جوزك!،تعرفي اني طلقت لارا عشانك!!
انفجرت في الضحك وهي تردد باستهزاء:عشاني ولا عشان مليت منها!!ولا عشان هي رميتك بره عشان خونتها يا سليم وعشان بتتهبب تشرب!!
سليم :عشان مش بتحبني يا كارمه!!،،لو بتحبني هتستحمل وتصبر زي ما انتي صبرتي!!
ثم اضاف بابتسامه:بس يظهر انك مهتمه اوي لدرجه انك عرفتي سبب طلاقنا!
كارمه:ابداً،،انا اهتماماتي جوزي واطفالي وبيتي وابويا وشغلي ونت ولا حاجه من دول ،، صدقني بس بالصدفه حور كانت بتحكي علي حوار الخلع!!
سليم وهو يتنحنح:كارمه اتطلقي وهنتجوز!!
انفجرت في الضحك!!لتتماسك بعد ان دلف"عم وليد"بالقهوه
كارمه بضحك يخلو م المرح:انت جاي عشان كده!!
سليم بجديه:اهه جاي عشان نبدأ من جديد و...
كارمه بصوت عالي:خربت حياتي أيام زمان وضيعت عمري في اوهام وجاي دلوقتي بعد ما حبيت بجد وبقي عندي اطفال عايز تخرب حياتي!!
وقفت وهي تضرب بيدها علي المكتب:لا يسليم بتحلم عشان انا محبتكش اصلاً انا اتوهمت فيك حبيت صوره انا اللي رسمتها وعيشت فيها وضحكت علي نفسي عشان تفضل حلو في عيني،،بس انا دلوقتي حبيت بجد حبيت احن راجل في الدنيا!
سليم بغضب:انتي كذابه فاهمه!انتي اكبر كذابه انتي حبتيني ومش هتحبي غيري مهما حصل،،نتي شوفتيني بس ببوس خطيبتي دخلتي في صدمه نفسيه!!
ارتمت مره اخري علي المقعد وهي تردد بالم عندما تذكرت تلك الفتره"فعلاً عندك حق بس تعرف دخلت ليه عشان اوهامي عشان انا رسمتك ملاك في نظري فكان طبيعي اتصدم!!،انت موجعتنيش يا سليم انا اللي وجعت نفسي!!بكل مره سالت عليك ولا بدات كلام ولا غيرت ولا عيط ولا دعيت ربنا يخدني عشان حسيت اني ضايقتك بكلمه،كل مره كنت بقرا اسكرينه بينا واشوف قد ايه هنت نفسي وقد ايه ردك بارد كنت استاهل وجع قلبي ودموعي اللي بتنزل عشان صعبت علي نفسي بس مصعبتش عليك،انا اللي وجعت نفسي اما هنت كرامتي وهنت نفسي معاك يا سليم،،انت متستحقش ان حد يعجب بيك حتي مش يحبك!متستحقش ان حد يخلقلك أعذار زي ما كنت بعمل،ما تستحقش أي حاجه،انت ربنا خلقك عشان يبتلي بيك غيرك!!
عند تلك الجمله بدأت عينيه تتدمع بألم!
ولكنها لم ترحمه كما لم يرحمها منذ سنوات لتستكمل" انت حطمتني بمعني الكلمه,,يمكن التعبير يبان مضحك بس ده احساسي يا سليم انت دوست عليا كانك بتهرس بطاطس بمعني الكلمه وبدون رحمه!!فاهم يعني ايه تقطع في حد كأنه جماد!انت عملت فيا كده،،بس انا استحملت وقويت ووقفت تاني اقوي وقلبي بقي بيعرف يختار صح اختار ارجل حد في الدنيا،تصدق يا سليم اني فرحانه انك محبتنيش و..."
تساقطت الدموع من عينيه لاول مره امام عينيها وهو يردد بالم:محبتكيش!!،،ودين الله يا كارمه انا ما حبيت غيرك!
اكملت الاخر بصلابه"وانك كسرتني وحطمتني!عشان لولا كل ده مكنش ربنا هيعوضني بمراد!!مكنش ربنا هيرزقني بزوج صالح زيه!!،،انا ممتنه ليك علي كل لحظه وجع عشان عرفت قيمه مراد بكل لحظه فرح،قدرته لما سندني واستحملني!،نت موت وهو صلح ونت روحت اتجوزت!
سليم بدموع:صدقيني يا كارمه حتي لو اتجوزت فعلاً حتي لو عرفت قبلك وبعدك الف انا بحبك!!
ثم دقق علي حروفه:بحبك يا كارمه!!
اغمضت عينيها بألم!!كلمه تتكون من أربع حروف لطالما انتظرتها حتي تهديء وجع قلبها،حتي تنتهي الحروب الذي بداخلها!!،،ولكنها الان انتهت للاسف انتهت ولكن بحروف شخص اخر بأفعال شخص اخر ولاول مره تحزن لانتهاء الحروب!!
اكمل الاخر وهو يبكي:انا كنت بشوفك فيها يا كارمه كنت بشوفك في كل لحظه معاها،،انا بعدت عنها عشانك،،شربت كتير عشان انساكي،،انا عاوزك!!،،ولله العظيم عايزك لو مش عايزك مكنتش جيتلك!!
ثم مسح دموعه وهو يتماسك:تمام انا عارف اني اذيتك كتير وجرحتك بس خلاص انسي اللي فات وشيلي كل ده من دماغك انا هعوضك وهسعدك ولله..
ثم تساقطت دموع اكثر من عينيه للمره الثانيه وهو يبتسم لها بكسره:صدقيني هعوضك وهنربي عيالك مع بعض وهنجبلهم اخوات كمان هنعيش سعادا ولله زي ما اتمنينا دايماً،كارمه انا اكتشفت اني عمري ما حبيت غيرك ولله و...
سقطت دمعه من عينيها الماً علي حاله!!،،هي اصبحت لا تريده،،اصبحت مكتفيه تماماً بالاخر فهو لن يعوض مره أخري،،ولكن تستغرب من حال هذه الحياه لطالما تمنت ان ياتي لها ويردد تلك الكلمات وبالفعل اتي ولكن بعد ان رحلت رغبتها تماماً به،،تمنت كثيراً ان تراه يتألم كما تألمت لسنوات ولكن رحلت تلك الامنيه ورحل هو تماماً من تفكيرها بعد ان عوضها الله بالاخر!!
سليم:ها قولتي ايه هنرجع صح؟؟
وجدت هاتفها يرن بنغمه مخصصه لمراد"وشايلني جوا عينيه أكتر ما انا كنت اتمني،،احلي سنين وانا وياه هفضل طول عمري معاه"لترفض المكالمه وهي تنظر من الشرفه لتجده ينتظرها اسفل!!
نظرت للاخر وهي تمسح دموعها:"انا ماشيه!فرصه سعيده اني شوفتك تاني وياريت متتكررش"
سليم بدموع:كركر!
وهو يتمسك بيديها كالطفل
التفتت له والدموع تلمع بعينيها شفقه!
ثم سحبت يدها ببطيء وهي تهز رأسها بالرفض
ليردد بحسره:بحبك والله العظيم بحبك!!
من ثم ارتمي علي المقعد وهو يبكي بنواح
_____________________________
دلفت للسياره ليحتضنها الاخر وهو يردد:وحشتيني!
ابتسمت له وهي ترفع عينيها لاعلي!!
لتجد الاخر يقف في الشرفه وهو يضع يده علي الزجاج وينظر لها والدموع تنهمر بغزاره من عينيه!!
___________________________
أمسكت يد الاخر بشده وهي تضع رأسها علي كتفه بإنهاك ليتردد في الاجواء"يا خساره بتيجي الحاجه لما الواحد ما يعوزهاش"
لم تتمني منذ ان عوضها الله بمراد وأطفالها ان يصيبه سوء او تراه بتلك الحاله،،كانت تحمل له كرهاً وحقداً ولكن اختفيا بالتدريج ليحل محلهما الجمود أصبح لا شيء بالنسبه لها ولكن صدقت تلك المقوله"داين تدان"فعاجلاً ام اجلاً كان سيسقي مما سقاها به لعده سنوات حتي وان كان برغبتها..
_____________________________
علي طاوله الطعام
يجلسان وهما يتناولان الطعام بنهم عدا الاخري والذي يرتسم علي وجهها التقزز بوضوح!!
أكرم:في ايه يا حبيبتي مش بتاكلي ليه!!
اسيا بتقزز:هرجع يا اكرم من منظر الاكل!
اكرم باستنكار:مش ده الاكل اللي خلاكي "بقره مفخده"
عادةً ما تضحك علي هذه الجمله ولكن هذه المره وضعت يدها علي فمها وهي تركض لاعلي باتجاه غرفه نومها!!
نادي الاخر علي الداده المسؤله عن"زين"حتي لا يصعد الاخر لاعلس فيقع من السلالم كعادته وهو يركض!!
دلف خلفها ليجدها تستفرغ وهي غير قادره علي التنفس انتهت أخيراً ليحملها الاخر وهو يسطحها في "البانيو" حتي تتماسك ثم فتح المياه لتنزل كالثلج علي جسدها في محاوله لإفاقتها قليلاً..
نظف المرحاض فهو لا يحب ان يدلف الخدم لغرفتهما ثم ذهب وهو يفتح خزانتها وجد الكثير والكثير من قمصان النوم الحريريه المهلكه والتي دائما ما تودي بعقله ولكنه تماسك وهو يأتي لها بمنامه زيتيه ماليئه بالخطوط الطوليه!
سطحها علي الفراش وهو يهدهدها كطفل صغير
اسيا بمشاغبه:انا مش زين علي فكره!
اكرم بضحك:اه صح نتي أم زين!!
لطالما كانت تكره أم(....)هي تفضل أن يناديها الجميع بأسمها!!
اسيا بحنق:يا بارد
احتضنها الاخر بقوه بالغه:انا خايف اوي يا آسيا!!
جلست الاخري وهي تضع رأسه علي صدرها وقد بدلت الاوضاع وهي تلمس شعره بحنان:من ايه يا حبيبي
اكرم:مش من ايه علي ايه،،خايف عليكي يا اسيا،،مش عايز اللي جرالك في زين يجري في البيبي ده،،ياستي انا قولتلك نكتفي بزين!
احتضنته الاخري وهي تقبل شعره:حبيبي انا حملي متعب بس بيعدي،،متخافش عليا ينور عيني!!
حاوط خصرها بقوه وهو يدعي الله بداخله ان يحميها!
_____________________________
في المساء..
ارتدت بلوزه بلون السماء بأكمام طويله وواسعه بعض الشيء وتصل لخصرها وارتدت بنطلون من القماش الأبيض الضيق وحذاء عالي باللون الفضي ورفعت شعرها في تسريحه انيقه والخصل تتدلي منها بكثره وكعادتها لم تضع سوي أحمر الشفاه باللون النبيتي القاتم،،اما الاخر فأرتدي قميص باللون الكحلي القاتم وبنطلون باللون الأبيض كذلك
_____________________________
اتي والديها وهما يباركان لها بسعادهه
ومن ثم اتت لين وليلي وابنائهما،،ليتركهما المراهقين ريناد وأدهم والذين اصبحوا في الثالثه عشر من عمرهما وهما يذهبان الي الخارج حتي يتحدثوا!!
ومن ثم اتوا مراد وكارمه وطفليهما
واخيراً اتت الاخري والذي اصبحت صديقه مقربه لآسيا"ملاك"وزوجها"أحمد"وابنتهما الصغيره"زينب"
_____________________________
كانت حفله عائليه مليئه بالمرح افتتحاها بالرقص علي اغنيتهم الذي شهدت علي اجمل لحظاتهما علي الاطلاق"جوا الروح"من ثم ظلوا يتحدثون
ملاك:بجد انا فرحانه جداً انكم عملتوا حفله واحنا اصلا نازلين مخصوص عشانكم!!
اكد الاخر علي كلامها:صح والله!
اكرم وهو يبتسم له:حبيبي يا أبو حميد!
ملاك:صح يا جماعه هو الخبر اللي انا قريته ده صح؟
اكرم،اسيا:خبر ايه!!
ابتسمان لتلك الصدفه!
لتكمل الاخري:إنتحار كمال!!
بُهت الاخر وهو يردد بحزن:اهه!!،،للأسف بعد ما اثبتوا انه مريض عقلي ونفسي،،اتحجز في المستشفي كان مرضه غريب اللي هو بيتكلم مع سيلينا في كل حاجه طول ما هو صاحي بيكلمها وطبعا عشان رجل اعمال ليه اسمه كان فيه ممرضه عايشه معاه في جناحه المخصص ولكن طبعاً علي غفله منها خرجت لقيته واقف علي سور الشباك وهو بيبص تحت وبيشاور لسيلينا في خياله وبيقولها:وانتي كمان "وحشتيني والله انا جايلك يا حبيبتي"
شعر بألم في قلبه فلم يقوي علي التكمله!!فغلط صغير في تلك المهنه الدقيقه مهنه الطب أدي لموت حبيبين لطالما عشقا بعضهما!!
تولت اسيا الحديث وهي تكمل:نزل طبعا ميت وجاله كسر في الجمجمه وحاجات كتير ورغم انه كان مريض عقلي تماماً الا انهم لقوا ورقه تحت مخدته بانهم يتبرعوا بجميع فلوسه لدار الايتام ومرضي القلب والسرطان باسم سيلينا وانه يدفن جنبها!!"
تساقطت الدموع من عين ملاك:ربنا يرحمهم يارب
احمد بتأثر يا حول الله يارب
ثم اضاف وهو ينظر للاخري:ياربي عليكي،،جلبتي المواجع علي الناس!
لترفع حاجبيها وهي تقول بلكنه صعيديه محببه لقلبه:بتقول حاجه يا حبيبي!!
ليبتسم العاشقان علي مشاغبتهما!!
انقضت الحفله سريعاً كحال جميع الاوقات الجميله وذهب الجميع بعد ان وعدهم"احمد"بالقدوم من "قنا"بصحبه زوجته وابنته حالما ياتي المولود الجديد
_____________________
جلسوا لي تلك"الارجوحه" والتي تطل علي البكر مباشره!
وضعت الاخري رأسها علي كتفه:فاكر اول مره قعدنا فيها كده كانت امتا!!
ابتسم الاخر:طبعا يوم كتب كتابنا!!
ثم نظر لها بعشق جارف:إوعي تساليني فاكر ولالا علي اي حاجه بينا عشان اي حاجه معاكي يا اسيا مستحيل تتنسي!!
احتضنته الاخري وهي تردد بهيام:بتمني حبنا يفضل يزيد كده بمرور السنين يا اكرم عشان صدقني كل الحب ده قليل عليك،،صدقني انا بيك استغني عن كل العالم!!
ليحملها الاخر علي حين غفله وهما يدلفان لمنزلهما حتي يعبر لها عن مشاعره الذي يفضل غالباً التعبير عنها عملياً!
_____________________________
في الصباح استيقظت لتجد الاخر ذهب لعمله فجدوله ممتليء بالعمليات التي لا تحتمل التأخير تأفأفت وهي تنهض بكسل لتجد بجانبها ورقه صغيره"بحبك جداً يا حبيبتي وحاضر مش هخلي حد يبص في عنيا عشان متقتليهوش متتضايقيش بقي اني نزلت ونتي نايمه بس محبتش اصحيكي,حبيت اطلعلك واحده بنفسي،بحبك تاني"
ابتسمت بشده وهي تنظر للقب الصغير بهيام هو منذ زواجهم إعتاد كل سنه أن يأتي لها بصندوق مليء ب"٣٧٠" سبب يحبها لأجلهم،،هو يعلم جيداً ان الحب يأتي دون أسباب ودون صفات مميزه نعشق الاخرين لاجلها ولكن هو يحاول اسعادها بكل الطرق،،امسكت بالقلب وهي تفكر ان هذا هو القلب الرابع والثلاثون من الصندوق لتقرأه"فاكره عم فريد؟،،اما مراته ماتت بعد٦٨سنه كان مستقلل بالعمر اللي عاشوه و فضل يحبها وفضل فاكرها حبه مماتش!،،عم فريد مات يا اسيا وحبه لسه عايش في القوضه بتاعته وحاجته اللي طلعها صدقه علي روحها،،عشان كده انا بحبك بحبك لاني عارف ومتأكد اني حبي ليكي مستحيل يموت حتي لو انا مت،، عشان انا حبيتك بجد وحُبنا مبينتهيش!بيزيد!"
ظلت تضحك بشده وهي تردد بسعاده:بحبك ياا ابني بحبك ولله!!
هكذا هو الحب عندما يأتي حقيقياً ويستمر بعد عناء وتضحيات كثيرهه!!،،يستمر بجمال البدايات في كل ما يقال في كل ما يُفعل،فالحب الحقيقي لا يوجد به نهايات ولا حتي نهايات سعيده،،الحب الحقيقي يستمر لبعد موتنا يستمر حتي نلتقي في حياه أخري،،حياه أبديه،،وما دون ذلك ليس بحب يمكن تسميته أي شيءٍ أخر سوي الحب..
_____________________________
فتحت عينيها بابتسامه وهي تشعر بالاسترخاء وهي تتذكر ليليه امس والذي قضتها بين احضان "مراد" في ليليه مليئه بالمشاعر والذي قد افتقداها قليلاً منذ وصول التؤامان ولكن تحولت السعاده لالم مختلط بالشفقه ما ان تذكرت حديث حور والذي قد نسته أمس بسبب انشغالها بمراد،،أنه قد هاتفها عصراً وهو منهار ويخبرها ان كل شيء انتهي وانه يتمني الموت بشده ولا يطيق هذه الوحده في تلك الشقه البائسه،، شعرت بألم في صدرها رغم كل ذلك هي تشعر وتتألم للغريب فحتي و ان لم تَعد تحبه هو إنسان!،،تذكرت ان والدته توفت منذ شهور وهي غاضبه منه او لاجله لا تعلم تحديداً،،تذكرت ان زوجته دخلت في علاقه جديده مع رجل أعمال من مستواها رجل يحبها بصدق،،تذكرت أن أخته ستسافر للخارج ولن يبقي له احد،تذكرت انها كانت اخر اماله وقد ذهبت!!،أيعقل ان ينتهي به الحال وحيداً!!بعد كل من كانوا حوله!! واولَهم كانت "هي" ولكنه اذهبها بافعاله!!
وجدت من يحتضنها من الخلف وهو يردد بحنان:سرحانه في ايه يا حبيبتي!!
شعرت في تلك اللحظه بجميع الافكار تتبخر لم يتبقي سوي شوقها للاخر الذي لا ينتهي،،لتستدير له وهي تحاوط وجهه بيديه ويغرقان في قبله عميقه..
____________________________
بدلت ملابسها لجيب ضيق باللون الابيض وبلوزه فضفاضه وطويله بعض الشيء باللون الاسود وحجاب وحذاء وحقيبه باللون الاسود،،وهي تدلف للخارج مع "زوجها" باتجاه المقابر كعادتها يوم الخميس فهي تذهب لوالدتها وأخيها مرتان كل شهر
____________________________
جلس الاخر بالسياره ليعطي لها حريه التحدث معهم!!
جلست امام قبر والدتها وقبر اخيها الملتصق بوالدتها بعد ان قرأت لهم"الفاتحه"والكثير من"الدعاء"
تساقطت الدموع من عينيها وهي تردد بنواح"وحشتيني اوي يا ماما،،تعرفي ايه اللي حصل امبارح سليم جالي يا ماما، جالي مكسور وهو بيعيط وبيترجاني اطلق عشانه،،بس انا بحب مراد مقدرش اتخلي عنه!!،،اجه بعد ما كل مشاعري انتهت،،لو كنتي عايشه كنتي هتتبسطي اكيد،بس نا عمري ما اتمنتيت اشوفه بالكسره دي ربنا يسامحه و يبعده عني"
ثم وجهت كلامها للاخر:"ونت يا محمود وحشتني اوي رغم اي حاجه كنت بتعملها بس وحشتني جداً،،يارب تكون في مكان احسن ويكون ربنا سامحك وغفرلك يا حبيبي"ثم تركتهم وهي تدلف للاخر والذي استمع لحديثها مع والدتها وقد شعر بالاطمئمان أخيراً بعد ان تأكد ان الاخر انتهي من داخلها منذ زمن،،اما هي فغرقت في ما حدث لأخيها!!،،هذه الدنيا كل ما يـحدث لنا بها رداً علي أفعالنا!!،،فبعد أن القي الاخر والده بالخارج حتي يتزوج من أحب،،قضي قرابه العام والنصف مع زوجته وهو يتظاهر بالسعاده ولكن في يوم استمع الجيران لشجارتهم السخيفه الذي لطالمل تجاهلوها وكان يسبها هي ووالدتها،،وانه قد كره حياته بفضلهما لينتهي به الحال وقد حرق المنزل به وبها!!"
دعت له بالرحمه فهو قد انتحر بابشع الطرق بعد ان افاقت وهي تتجه للفيلا الذي انتقالا لها منذ عام وأشهر بعد ان علما بحملها،،حتي تُتابع عمل مهندسين"الديكور"في الحديقه تجهيزاً للمساء.
_____________________________
في المساء
ارتدت الاخري فستاناً مميزاً للغايه قد ابتاعه لها منذ سنه وقد ارتدته في تكريمه كأهم رجل أعمال،،كان باللون الأسود واللبني معاً بأكمام قصيره وطويل للغايه وينزل من الخصر بأقمشه كثيفه باللونين الاسود واللبني وقد تركت شعرها نصفه للخلف ونصفه الاخر علي جانبها الايمن ووضعت طزق من الورد الحديدي باللون الفضي اعلي راسها،،ووضعت مساحيق تجميل هادئه،،اما الاخر فأرتدي بدله سوداء وقميص باللون الرمادي القاتم في مظهر رجولي للغايه!
____________________
هبطت السلالم كالاميرات وهي تنظر له بسعاده ليبرزان غمزاتيها في منظر مهلك!
احتضنها الاخر في طريقه لشفتيها لتدفعه بخفه:يلا عشان زين نازل
لم تكمل جملتها حتي سمعت الاخر يركض باتجاههما وهو يدفع ابيه بضعف:بابي انا بس اللي احضن اسا!
انفجرا ضاحكان لتنحني الاخري وهي تحتضنه:انت تؤمر يا زين بيه!!
لينظر لهم الاخر شزراً وهو يذهب للخارج!
_____________________________
ارتدت الاخري فستان انيق قد ابتاعه الاخر لها باللون الرمادي وحجاب بسيط بنفس اللون،،دلفت لاسفل بتوتر فالحفله مليئه بالصحافين ورجال الاعمال وعائلتهم،،وجدت الاخر يرتدي بدله باللون النبيتي وقميص اسود وهو يقترب منها بحب:ايه الجمال ده يا عمري!!
ابتسمت بتوتر:اسيا جت؟
احتضنها وهو يردد:لا حور بس!
دفعته حتي لا يراهما أحد وهي تذهب للاخري،،وجدتها تقف هي وعزيز وهما يمزحان بشده!!
كارمه بمرح:ما تضحكونا معاكم!!
حور وهي تحتضنها:وحشتيني وحشتينيي!
عزيز:ازيك يا كارمه!
كارمه:انا تمام انتو اخباركم ايه!!
حور,عزيز:الحمدلله!
كارمه:كده يا دكتور هتبعدها عننا!!
احاط الاخر “حور“:والله يا كارمه في دكتور شاطر في لندن متخصص في الحقن المجهري ببراعه عشان كده فكرت نستقر هناك لحد ما تولد باذن الله مش اكتر!!
كارمه من صميم قلبها:انشاءلله المرادي هتنجح!
امنوا علي دعائها,لتشرد بعيداً وهي تفكر تزوجا منذ ثلاث سنوات ولا يصمتوا الناس كعادتهم عن سبب التأخر وما زال يردد انه هو السبب في ذلك التأخير ولكن بالطبع والدته قد علمت منها عن طريق الخطأ انها هي المتسببه ولم تكاد تصمت حتي تعود للتحدث في ذلك الموضوع ومطالبته بطلاقها!!،،ولكن الحب يغلب كل شيء لذلك هو متمسك بها وقد وعد نفسه ان لم تنجح هذه العمليه سيكتفي بها كأبنته وزوجته وكل ما يملك!!
وجدو فجأه شخص ما يردد بمرح:هاي عليكم!
التفتت الاخري لها وهي تحتضنها وبعدها حور وهما يتحدثان في شتي المواضيع،،وقد تجمع عزيز ومراد واكرم معاً،،اما الاطفال فجلسوا في المكان المخصص لهم!
___________________
بعد ان اقضي نصف الحفل
امسك الاخر الميكروفون وهو يردد أمام الجميع:لو في وصف اكبر من اني أسعد راجل في الدنيا كنت قولته،،ما فيش حاجه تفرح الواحد أكتر من ان حلم عمره يتحقق!!،،شفتها من٨سنين واتمنيت جداً تبقي ليا وكان زي الحلم البعيد كنت في كل مره بتقعد تتكلم كنت بركز في كل حرف وكل حركه بتعملها كنت عاشقها دي قليله لحد ما من ٤سنين وشويه كتبنا كتابنا واتجوزنا ولحد ما من سنه وثمن شهور و١٩يوم بقت حامل في نور عيوني ومن سنه بالظبط شرفونا،،عايز اقولكم ان انتوا ال٣أغلي ما املك في الدنيا دي،،عايز اقولك اني هفضل احبك لاخر نفس فيا يا نفسي
ثم ذهب وهو يحتضنها وينظر للطفلين بحنان جارف
لتردد الاخري بحب:بحبك يا مرادي
مراد بضحك:الحكايه فيها مرادك!!
لتكمل له:طب كنتي قولتيلي مكناش عملنا حفله!!
لينفجرا ضاحكان والسعاده تغمرهما
_____________________________
يقفون في جانب بعيد عن الانظار وهما يتحدثان كمراهقين في السابعه عشر يتخفون من اعين الجميع وهم يسرقون لحظات بعيداً..
اسيا بحنق:ولله واما القمر دي تعجز والوش ده يكرمش هتبص لغيري عادي!!..
اكرم وهو يتحسس وجهها:هحبك في كل الاوقات وفي كل الاعمار وفي كل الحالات هفضل احبك مهما حصل يا اسيا,ومستحيل ابص لحد غيرك فعلياً!
اسيا بسعاده:طب تعالي نروح البحر!!
اكرم بملل:انا ابتديت اغير منه ولله!
اسيا بضحك:حبيبي انت مفيش حاجه اغلي منك!
لينحني وهو علي وشك تقبليها!
الصحفيه بتنحنح:ممكن ناخد من وقت حضرتك ١٠دقايق بس!!
سرعان ما تحكم الجانب المنعزل بها والذي يرهب الناس وهي علي وشك الرفض ليحاوطها الاخر وهو يردد:طبعاً!!
الصحفيه:انا قرأت كل أعمالك وحقيقي كانت عوده قويه جداً ب"حب لن يموت"!
اسيا بابتسامه:ميرسي.
الصحفيه:هل هي حقيقيه ١٠٠٪ام فيها خيال؟
اسيا:دي جزء من مذكراتي!
الصحفيه:حضرتك ليه سمتيها حب لن يموت!!
لتنظر الاخري للاكرم بنفس النظره الذي نظرت له في لقائهما الاول وقلبها يدق بعنف بينما عينيها ذهبت مع عينيه في عالم اخر:لأن حب آسيا واكرم مستحيل يموت،،الحب اللي اتبني واستقر بعد عذاب وبعد مشاكل وخناق وحارب كتير مستحيل يموت،،الحب الحقيقي مبيموتش واحنا حبينا بجد!!
الصحفيه بابتسامه:حضرتك فعلاً بتحبي رجل الاعمال اكرم رؤوف وتحبي تقوليله ايه؟
اتسعت ابتسامتها وهي تمسك بيده:احب اقوله ان يوم٢٠١٥/٨/١٩انا اتولدت من جديد،،يمكن فعلاً كنت لسه مراهقه مش فاهمه أي حاجه او طفله ويمكن هو كان شاب مغرور وانا مش في باله بس كنت عرفه انه هيبقي حاجه في حياتي،لان ما فيش حاجه اسمها صدفه كله بسبب وهو دخل حياتي عشان يحيني من جديد،،وفعلاً اتقابلنا بعد٧سنين واتخطبنا وعدي دلوقتي٤سنين وشويه عن اول مره اتقابلنا فيها تاني وقلبي من ساعتها دق،دق من جديد بيه ومش هيبطل حتي بعد موتي!!,,اما بالنسبه لبحبه!فمش هعرف أوصف هو بالنسبالي ايه!!،،انا كنت متحطمه وهو بناني من اول جديد،كل ما حاجه فيا تتكسر يبنيها،،كل ما اقع بلاقيه عكازي وفي ضهري ،،كنت حاسه احساس الطفله اللي كل بلدها اتدمرت في الحرب وهي مرميه وفجأه تلاقي ملاك جاي يحيها ويديها الامان من جديد،اكرم لو بعد ثانيه بس انا هتهد!!،،اسيا ملهاش وجود من غيره،،اي لازمتي اصلاً من غيره!!،،الروايه والمعمل وزين والشخص الي قدامكم ده كله من صنع اكرم مش من صنعي،،
ثم التفتت وهي تمسك يديه:انت سندي واماني وكل حاجه ليا،،انت اللي حنيتك خلتني الشخص المتسامح ده،،اسيا اتخلقت من اكرم وبقو حد واحد ومستحيل يتفرقوا،،انا فعلاً مش بحبك عشان بحبك كلمه هتظلم الاحساس اللي شايلهولك في قلبي!!
أدمعت عينيه بتأثر وهو يقبل رأسها بحب،،لتلتقطها الصحفيه لهم ثم رددت ممكن صوره كمان!!
نظرا لبعضهما ثم وقفت أمامه وهو خلفها ليضع يده اعلي خصرها بقليل وتحاوط يده بحنان جارف وهما ينظران لبعضهما بهيام والابتسامه ترتسم تلقائياً علي وجههم بسعاده علي ذلك الحب الذي كل ما مر الوقت يزداد قوه ومتانه،مر شريط ذكرياتهما واسعد لحظاتهما امان اعينهم لتلتمع اعينهم ببريق العشق وتتسع ابتسامتهم أكثر فأكثر!وقد وعدا أنفسهم بالمحاربه دائماً من أجل ذلك العشق!
التُقطت تلك الصوره لتخلد للأبد ولكن هذه المره لم يضع يده علي جزء بها فقط بل وضعها وجزء منه في داخلها وهذه المره لم يبتسمان علي شيءٍ ما ، بل ابتسامان علي كل الاشياء الذي مرا بها وسيمرون بأصعب منها ولكن كل شيءٍ سيهون لطالماً هما معاً.
تمت.
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا