رواية العزف على نياط القلوب الفصل التاسع وعشرون 29بقلم امانى سيد (حصريه في مدونة قصر الروايات)

رواية العزف على نياط القلوب الفصل التاسع وعشرون 29بقلم امانى سيد (حصريه في مدونة قصر الروايات)

رواية العزف على نياط القلوب الفصل التاسع وعشرون 29بقلم امانى سيد (حصريه في مدونة قصر الروايات)

البارت التاسع والعشرين 

دخل رياض غرفه غاليه واقترب منها ولكن طلبت منه غاليه أن يجلس فى مكان قريب لحد ما حتى تستطيع أن تتحدث معه 

وبالفعل جلب رياض كرسى وجلس فى بدايه التخت  المتصطحه عليه غاليه 

ـ خير يا غاليه 

ـ عيسى جاى دلوقتي ومعاه مأذون 

شعر رياض بخوف داخلى أن تعود لعيسى مره اخرى 

لم يستطع أن يتحدث فشعر أن الحديث وقف فى حلقه ، اكملت غاليه حديثها 

ـ أنت عرضت عليه قبل كده اننا نرجع تانى لبعض صح 

ابتسم رياض ظنا منها انها سامحته وستعود إليه 

ـ أه طبعاً يا غاليه انا عرضت عليكى قبل كده وانتى رفضتى لكن انا عرضى لسه مازال قائم 

ـ بص يا رياض انا هرجع بس بشروط لو وافقت عليها هنرجع موافقتش هخلى عيسى يلغى موضوع الرجوع ده خالص 

ـ قولى يا غاليه أنا موافق على كل حاجه 

ـ أولا رجعونا هيبقى صورى فقط يعنى انا مش مطالبه بحقوق شرعيه  ، ثانياً هفضل في شغلى زى مانا ، ثالثاً انا مش هقدر أرجع معاك زى الأول ولا هقدر أدى أى حاجة حتى المشاعر يا رياض انا مش جوايا مشاعر ليك بالعكس المشاعر اللى جوايا مشاعر سلبيه 

ـ انا معنديش يا غاليه أى نيه خالص أنى اخليكى تضيعى اللى عملتيه ده أولا بالعكس أنا هساعدك تكبرى 

بالنسبة لحقوقى صدقينى انا مش هكون عايزها غير لما انتى تبقى عايزاها زيى واكتر 

ومش مطلوب منك انك تدى حاجه ده دورى أنى أدى وانى اعوضك عن اللى عملته 

انا مش طالب منك غير حاجه واحده بس انك تدينى فرصه اصلح اللى عملته 

يا غاليه انا كنت انانى وعارف ده ضعفك كان بيرضى غرورى مش هنكر ومش هنكر برضوا انك لو مكنتيش اتغيرتى انا كمان مكنتش هتغير 

لما بعدتى عنى وحسيت خلاص إن رجوعنا بقى مستحيل بقيت زى اللى اخد قلم على وشه فوقه وقتها فوقت وحسيت انى ضعيت اكتر حاجه بحبها فى الحياة انتى والاولاد 

كانت تسمع غاليه حديث رياض بقلق من يكون مجرد حديث ولكنها لم تعطيه الفرصه ليتحكم بها مره اخرى 

ـ تمام يا رياض الايام جايه وهنشوف صدق كلامك ، ممكن تجبلى من الصيدلية كمامه وكحول على ما ابدل هدومى 

ـ طيب اساعدك انا خلاص كام ساعه وهبقى جوزك 

ـ اطلع يا رياض بدل ما اغير رأيى 

ـ حاضر يا قلب رياض 

كادت الابتسامه تظهر على وجهها لكنها سرعان ما اختفت حاولت غاليه الضغط على حالها وقامت وارتدت فستان فضفاض وعليه حجاب ودخلت المرحاض قامت بغسل وجهها ويديها جيداً وبعد قليل اتى رياض ومعه تلك الطلبات التى طليتها غاليه واعطاها لها وبدأت غاليه فى تجهيز نفسها واخذ الاحتياطات حتى لا تعدى أحدا من أبنائها أو عيسى أو اى شخص يتعامل معاها

بعد قليل أتى عيسى وكلب رياض من ابراهيم الحضور وتم عقد قرانهم مره اخرى 

كانت غاليه لا تشعر بشئ فقط تفكر هل تلك استعجلت فى تلك الخطوة أم ذلك الصواب كان عقلها مخدرا اصبحت غير قادرة على الرجوع 

الشعور بالوحدة كان صعب عليها ، خوفها على ابنائها يفوق أى شئ اخر

انتهى كتب الكتاب وطلب عيسى من رياض أن يتحدث مع غاليه بمفردهم 

ـ غاليه انت واثقه من قرارك 

ـ اماءت رأسها بنعم لم تستطع الرد او الحديث عليه هى فقط تريد الذهاب لغرفتها لتنام وتعود لعزلتها مره أخرى 

شعر عيسى بمدى تعبها واحترم تلك الرغبه وانسحب هو ومعه ابراهيم 

ظل رياض فقط جالس مع الاولاد وغاليه جالسه فى غرفتها 

لا يعلم كيف عليه أن يبدأ شعور بالرضا يجتاحه فالمستحيل اصبح واقع بين يديه 

ظل جالساً محاولا تهدئة نفسه وطلب من المساعده أن تصنع طعام شهى لهم حتى تستطيع غاليه أن تأكل واعطاها مبلغ مالى كبير حتى تشترى ما يلزمها من فاكهه لتصنع لها عصائر 

واخذ الاولاد معه حتى لا يزعجوا والدتهم وذهب لمنزله وجلب ملابسه حتى يقيم معها 

( مصدقت انت مش صابر ) 

ثم عاد مره اخرى لمنزل غاليه وجدها مازالت نائمه ظل جالس بجانبها لأول مره دون أن يؤنب نفسه فأخيرا تصبحت له مره أخرى 

****&******&******&******&*******

قرر صلاح الذهاب لايناس حتى يتحدث معها ويتأكد من حديث ليلى 

وبالفعل وصل العنوان وطرق الباب وفتحت له رغداء 

فى البداية استغرب من وجود رغداء وظن أنها صديقه ابنته 

قامت رغداء باستقباله ودخلته المنزل ونادت على ايناس حتى تقابل والدها ودخلت لحسين حتى تخبره بوجود والد ايناس ليخرج له هو أيضا 

وبالفعل خرجت ايناس وهى متعجبه من زياره والدها 

ـ بابا ازيك عامل ايه 

ـ الحمد لله يا ايناس انتى عامله ايه ومين دى اللى واخده راحتها فى الشقه كده 

صمتت ايناس فهى لم تكن تريد أن يعلم احد بأمى زواج رفداء وحسين ظنا منها أنها بهذه الطريقة ستبقى زواج رغداء من حسين فى السر إلى أن يتم الطلاق لكن بوجود والدها فهى تخسر خطتها 

ـ دى رغداء يا بابا مرات حسين 

ـ نعم وانتى ليه ماقولتليش وازاى موافقه على وضع زى ده وقابله بيه 

كاد حسين ان يدخل الغرفه لكنه قرر أن  يقف خلف الباب ليسمع حديثها مع والدها أولا 

ـ عادى يا بابا لما انا رجعت من السفر هو كان محتاج واحده معاه وانت عارف السعوديين شداد شويه وهو كان محتاج واحده تنضفله وتروقله الشقه عشان كده اتجوزها 

ـ طيب ومطلقهاش ليه وليه مخدلهاش شقه بره

ـ  أصل جوازه منها مؤقت وبعدين هنا انا اشيفه هو بيصرف كام وبيديها ايه انما لو اخدلها شقه بره الله اعلم بقى 

ـ يا بنتى انتى اللى همك الفلوس وجوزك ده لأ 

ـ الموضوع مش مستاهل هو بيحبنى زهى فتره فى حياته وهيطلقها فلزمتها ايه بقى شقق وفرش ومصاريف 

ظلت رغداء و حسين ينظروا لبعضهم بصدمه من تفكير ايناس الهذا السبب وافقت على ذلك الوضع 

شعرت رغداء فى تلك اللحظه انها رخصت من نفسها وكادت أن تنصرف إلا أن حديث صلاح عن غاليه جذبها 

ـ انتى حره يا ايناس وتفكيرك غريب بس طالما انتى مرتاحه يبقى خلاص ، إلا صحيح قوليلى هو الراجل اللى بتكلمه غاليه اسمه ايه

ـ راجل مين 

ـ مش انتى قولتيلى انها تعرف حد وبتكلمه بعد طلاقها من عيسى

ـ اه افتكرت ، بس انا  مش فاكره اسمه ايه انت شايف اللى انا فيه والظروف عامله إزاى 

بدأ صلاح يشك بأبنته مما جعله يسألها عن اشياء خاصه بالماضى 

لم تستطع رغداء السكوت على حديث ايناس المسموم ودخلت مسرعه الغرفه وخلفها حسين 

وجلست معهم وظلت تتحدث عن الماضى واكد له حسين ذلك الحديث صدم صلاح مما سمعه 

وقفت ايناس وظلت تهاجمهم وتدافع عن نفسها وحاولت تكذيبهم إلا أن حديث رغداء كان اكثر ثقه وبالادله 

ظلت ايناس تهاجمها وتحاول أن تخرجها من الغرفه حتى تصلح ما افسدته لكنها لم تستطع 

وبعد أن انتهت رغداء من حديثها تركت الغرفه التى يجلسون بها زدلفت لغرفتها وقامت بجمع ملابسها لكى تترك لهم المنزل

دخل خلفها حسين وجد رغداء تجمع اشيائها لتترك المنزل 

اقترب منها مسرعاً مستفهما سبب فعلتها 

ـ رغد فى ايه بتلمى حاجتك ليه 

ـ بص يا حسين انا مش مرتاحه فى القاعدة هنا انا عايزه امشى 

ـ هتروحى فين 

ـ هرجع بيت بابا عايزنى هاتلى شقه ليا لواحدى انما انا مش هقعد تانى مع الانسانه دى 

ـ ايه اللى حد يعنى مانتى عارفه اسلوبها 

ـ بس مكنتش اعرف انى رخصت نفسى كده انا قاعده هنا وانا حاسه أنى ضيفه وهى طول الوقت راميه مسئولية عيالها عليه انا تعبت بجد وفى الاخر تقول انها مقعدانى هنا تحت عنيها عشان تراقبنى وتعرف انت بتدينى ايه وبتعمل ايه 

ـ انا والله مافكرتش أبدا فى كده وانتى حقك فعلاً فى شقه لواحدك ، 

صمت حسين يفكر ماذا يفعل فهو سمع حديث ايناس ورغداء لديها كل الحق لتغ*ضب

ـ طيب بصى خليكى هنا كام يوم بس اكون حبت شقه وفرشتها واقسم الاسبوع بينكم بعد كده 

ـ مش قادره استحملها يا حسين تانى دى انسانه مرضيه انا اللى فضلت كول عمرى اعمل عمليات ودايت ورجيم عشان اخس معرفتش جت ايناس خسستنى ١٠ كيلوا فى اسبوعين مش قادره خلاص انا مش قادره استمحل 

ـ معلش اعتبرى ده نظام تخسيس خسيلك كمان ٥ كيلوا وقتها هتبقى ايه صاروخ

ابتسمت رغداء على مزاح حسين وقررت أن تنتظر الى ان يجلب لها حسين شقه ولكن ستغير طريقه تعاملها مع رغداء 

******&******&*******&****"

فى منزل خالد اتت ولاء لتجلس مع اختها وتحاول مواساتها وقامت بوسى بإستقبالها ببرود 

ـ خير يا ولاء مش اللى بيزور حد لازم يبلغ قبلها ولا يطب كدا زى القضى المستعجل 

ـ ايه ده والله وطلعلك صوت يا نجلاء من امته ده 

ـ من زمان يا حبيبتي المهم جايه ليه 

ـ جايه بيت امى 

ـ امك ماتت يعنى مالكيش حد هنا 

ـ لا ليه اخويا واختى 

ـ اخوكى مبقاش فاضلكم وراه مصاريف ولادة واختك اهه لو وحشتك خديها على الاقل توفرلنا شويه بدل ما هى واكله شاربه نايمه على قفانا 

واهو ينوبك من الحب جانب من سيرتها اللى بقت على كل لسان 

ـ مس انتى السبب في اللى حصل ده 

ـ ليه وانا مالى هو انا اللى وقولتلها تروحله شقته 

اختك من الاول مش كويسه انا لو وذتها زى هى ما بتقول ماعندهاش عقل تفكر بيه وتعرف الصح من الغلط ولا هى رايحه وبمزاجها عشان مزاجها ولما اتقفشت قالت تلبسها فيه 

ـ تصدقى انك مش متر*بيه وعايزه ربايه وانا اللى هربيكى 

اقتربت منها ولاء وبدات فى جذبها من شعرها حاولت نجلاء الخلاص منها لكنها لم تستطع بسبب حملها

حاولت بوسى التدخل لفض الشجار لكنها لم تستطع 

ظلت ولاء تركل نجلاء إلى أن سقطت نجلاء وال*د*م والماء محاوطها من جميع الاتجاهات 

عندما رأت ولاء ذلك الوضع خشت من ان تتحمل أى مسئوليه وتركت المنزل وهربت وظلت بوسى واقفه لا تعلم كيف أن تتصرف وقررت الإتصال بخالد الذى اتى مسرعا 

يتبع

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله  اضغط من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا