رواية اسيا الفصل الخامس وعشرون25 بقلم فاطمة صلاح حصريه في مدونة قصر الروايات
رواية اسيا الفصل الخامس وعشرون25 بقلم فاطمة صلاح حصريه في مدونة قصر الروايات
اسيا
البارت الخامس والعشرون
استيقظت لتجد نفسها في أحضان مراد وهو نائم بعمق إستندت علي مرفقها وهي تلمس علي شعره الناعم بحنان ثم علي وجهه ثم علي شفتيه كم هو وسيم!!حمدت الله بداخلها علي نعمه وجوده بحياتها افاق وهو يردد بنعاس:اوففف اي ده!!
كارما بضحك:ايدي؛
نظر لها بعدم استيعاب حتي افاق وهو يردد بحب:صاحيه من زمان!
كارما بابتسامه:تؤ لسه دلوقتي!
ثم اضافت:هقوم اخد شاور واعملك قهوتك!!
مراد بضحك:وده من ايه
كارمابحب:عارفاك بتحب تبدأ يومك بيها!
مراد بسخريه:امال مبشوفش الدلع دده ليه يومياً؟
كارمابحنق:يا ظالممم انا كنت بمثل اسبوع بس عشان تتفاجيء!!
مراد بضحك وهو يقربها منه:طيب ضيفي بقي دي لمعلوماتك اني احب ابدأ يومي كده اكتر م القهوه
كارما بحيره:تبدأه ازاي
مراد بخبث:ياهه عليكي بتنسي بسرعه
ثم غمز:ده لسه من كام ساعه!!
لم يعطي فرصه لوجنتيها ان تتورد فقد ضمها له وأزاح الغطاء الذي تضمه لها من علي جسدها و اعاد ما كان يفعله منذ قليل....
...................................
في مكان ما..
سيلينا:عايز اي تاني قولتلك ١٠٠مره سيبوه في حاله!!
.....بغضب:اسيبه في ايه؟؟دي لسه البدايه!!
سيلينا بدموع:حرام عليكك!
.... بصراخ:حرام عليا!!امال وافقتي ليه اما خليتك تروحيله
سيلينا:كنت بحسب انك عايز تكسب من وراه فعلا او حتي تخسره في شغله لكن الشر مش لدرجادي!!
بغضب:مانا هخسره في شغله وهدمر كل اللي بيحبهم واحد واحد بدئاً من اسيا لبنت اخته وهينتهي بموته وكده ابقي ارتحت!!
سيلينا برجاء:حرام عليك والنبي كفايه بعدته عن مراته،اكرم اتعذب كتير وانا كنت اكبر سبب كفايه كده!!
وهو يمسك شعرها بشده:انتي مالك وماله!!!بتحبيه ولا ايه!
.....بخوف:لا لا والله بس حرام كده
انهال عليها ضرباً وهو يردد وهو مش حرام عليه!!!اوعي تستغلي مكانتك عندي فانه يترحم مني عشان اللي هيمنعني حاجه واحده بس"الموت"
نظرت له بالم وخوف وهي تقرر قرار ما ستقوم بتنفيذه في اقرب وقت.
....................................
قضت الاخري يومها بين البحر والجلوس مع كارمه الذي قررت قضاء النهار معها ولكن لاول مره جلوسها مع كارمه لا يخفف من المها شيء فالالم هذه المره اكبر الالم هذه المره لا يحتمل فوجعها ليس من اي شخص بل من اغلي ما تملك من،،أكرم
_____________________
في السابعه مساءً وقد غادرت كارمه تواً بعد ان هاتفها مراد لتأخيرها عليه..
وجدت هاتفها يرن لتجده عزيز
عزيز:اسو عامله اي
اسيا بلا شعور:انا تمام و نت؟
عزيزبجديه:الحمدلله،هجيلك كمان ساعه اخدك!
اسيا باستغراب:تاخدني فين!!
عزيز بضحك:معقول نسيتي عشان نتكلم ع الشغل!!
اسيا باحراج:سوري هقوم البس ناو!
اغلقت وهي تقول بداخلها:مشاءلله عليكي ناسيه كل حاجه ومش عارفه تنسيه لحظه
بدلت ثيابها بأول ما وقعت يديها عليه وهو فستان طويل و واسع باللون النبيتي وذو اكمام قصيره ابتسمت وهي تحمد الله انه ليس له ذكري مع اكرم لتختفي ابتسامتها سريعاً وهي تتذكر انه اتي به كهديه لها!!
عند تلك اللحظه تركت شعرها كما هو ولم تقوي علي رفعه حتي بل تركته يغطي كامل ظهرها وارتدت حذاء رياضي وشنطه باللون الابيض
دلفت خارج البنايه لتجد عزيز يقف بوسامته المعتاده وهو يقول وعينيه تلمع بشده:ايه القمر ده!!احلويتي اوي في كم شهر بس من اخر مره شوفتك!
اسيا بابتسامه بارده فقد اعتادت علي تلك المجاملات:من ذوقك
"عزيز يمتلك شركه للسيارات خاصه به بعيداً عن شركات والده ورجل اعمال يشتهر بذكائه اضافه علي ذلك فهو دكتور في كليه العلوم في الثلاثين من عمره وسيم بشده ذو شعر كستنائي ناعم وعينين خضروان ويتعدي طوله المترين ويتمتع بجسد قوي البنيه ،صديق مراد المقرب,هاديء الطباع،شخص لا يوجد به أخطاء تري"
_____________________
اسيا:شغل اي اغاني
عزيز بشك:انتي كويسه شكلك متغير جدا عن قرب!
اسيا بضحك:فل انا فل
ليتردد"انا دلوقتي عايش فتره مش سهله بحاول فيها اتعود علي بعدك"لتنظر من نافذتها وهي تتنهد بألم وتهمس"ومش بنساك ولا هنساك بعد سنين"ثم أكملت بصوت عالي"أنا بعدك بموت سايبني بس لمين"
عزيز وهو يغلق التسجيل باستغراب لتنتبه له الاخري وهي تقول:قفلته ليه!!!
عزيز باستغراب:نتي مسمعتيش نفسك!انتي مش بتغني بصوت عالي الا لما بتبقي مخنوقه!
اسيا باحراج:دي طبيعتي الايام دي بلاقي نفسي في الاغاني مش اكتر!
____________________
دلفو للكافتريا لتقف الاخري وهي تنظر له :عززززيز ايه الكافتريا دي بجدد!
عزيز بضحك:الكافتريا دي ياما جيناها يماما بس نتي اللي نستيها من اول متخطبتي؟؟
اسيا وهي تتنهد بآسي:انا واكرم مكناش بنقعد الا فيها
عزيز باستغراب:كنتو؟
تنحنحت وهي تقول:انا واكرم سيبنا بعض!!
ظهرت لمعه خفيفه في عينيه سرعان ما اختفت وهو يقول:ليهه؟
اسيا باحراج:التفاصيل لينا بس.
عزيز باحراج:ربنا يعوضك
اسيا بسخريه:لا شكراا اكتفيت!
بعد ان طلب قهوه لهما قال:ها يستي قدامك حاجتين يأما تمسكي في شركتي اللي بره مديره العلاقات العامه،يأما نستني لحد متجيلك المنحه وتشتغلي بردو في الشركه بس حاجه خفيفه عشان ميبقاش ضغط عليكي!
اسيا بحزن:انت نسيت اني لغيت موضوع المنحه عشان...جوازي!!
عزيز باسف:اهه افتكرت!!
اسيا باحراج:عزيز اوعي تكون بتساعدني عشان احنا صحاب لو ...
عزيز بجديه:انتي عارفه اني معنديش الكلام دهه,انا حور نزلت من نظري اما جابت واسطه عشان تشتغل سكرتيره عندي!!
اسيا بصدمه:حور وواسطه!!وسكرتيره ايه امال كنا بنتعلم ليه!
عزيز باستغراب:مش عارف
اسيا باستفسار:طب والواسطه؟
عزيز بسخريه:اكيد سليم اخوها!!
اسيا بغباء:سليم يعرفك منين!
عزيز بملل:جوز اختي يا اسيا في اي؟
اسيا بعدم تصديق:لا متقولش ملقتوش الا سليم!؟
عزيز بآسي:هي اللي صممت ادعيلها!!
اسيا من صميم قلبها:ربنا معاها!
ظل يحدثها كثيراً عن تفاصيل شركته والوظائف المتاحه لها حتي اتت الساعه العاشره والنصف
دلفو للسياره
عزيز بفرحه:بقالنا كتير اوي مخرجناش مع بعض انا سعيد باليوم ده!!
اسيا بصدق:وانا
عزيز:ها هتشتغلي هنا ولا في لندن!!هنا زي هناك في الوظيفه بس هناك الشركه اكبر والمرتب!
اسيا بتفكير:هرد عليك بكره؟
اوقف السياره اسفل بنايتها
عزيز بابتسامه:انا فرحانلك كأن انا اللي هبدأ حياتي العمليه وفرحان اكتر اننا رجعنا زي الاول!!
اسيا بضحكه:وانا كمان
مدت يدها لتسلم عليه قبل ان تدلف لبنايتها ليقربها له وهو يحتضنها ويقبل وجنتيها...
ابتعدت بصدمه وهي تقول بتوتر:ايه اللي انت عملته ده!!
عزيز بلاشعور:في اي ياسيا!!
اسيا بضياع:سلام
التفتت لتجد لين وليلي في وجهها !!
لين بصدمه:مين ده!!
ليلي باستغراب:مش ده عزيز صاحبك؟
اسيا بتوتر:اه اه هو،انا هطلع بقي!
دلفت لغرفتها وهي ترتمي علي المقعد وتقول بضياع:فيه ايه يا اسيا مانتي كنتي بتسلمي علي كل اصحابك كده اشمعنا دلوقتي بقيتي بتكرهي حد يسلم بلايد حتي!!لم تشأ ان تعترف لنفسها انها تود بداخلها الاحتفاظ بملمس يده هو فقط تود الاحتفاظ بحضنه دائماً كبيتها الوحيد فهي ان شاءت ام ابت لن تجد الامان سوي معه فقط..
...................................
جلس في غرفته وهو يفكر: انا ظلمتك يا اسيا؟،تفتكري ممكن يجي اليوم وتكرهيني؟ ثم قال بخوف:ممكن تحبي غيري وتبقي ليه؟
قرر ان يهاتف لين ليطمئن عليها فهي فضلت ان تذهب بدلاً منه لتري حالتها فان تحسنت يذهب ليتفاهموا،،، لن يترك الاافكار تأكله أكثر من ذلك
أكرم:الو
لين بحنق:عايز اي؟
اكرم باستغراب:في اي يبنتي!!
لين بسخريه:كنت مضايقه منك وحسه انك ظلمتها وناقص تسمع خبر موتها بس..
اكرم بذعر:متبطلي كلامك ده يالينن!!
لين بسخريه:شيلها من دماغك ياكرم اسيا معدتش تنفعك!!
اكرم بصدمه:انتي هبله!!
لين:اسيا ارتبطت وكان باين عليها انها مبسوطه ولابسه ومتزوقه!
ثم قصت عليه كل ما ارات
اكرم وقد شعر ان قلبه يتوقف عن النبض:نتي بتكذبي صح!
لين بصدق:لأ!!
اغلق في وجهها ورمي بعهوده التي قطعها علي نفسه بالابتعاد عن الاخري اليوم حتي تهدأ في اقرب سله للقمامه سريعاً وهو يهاتفها وقبل ان ينقطع الجرس
اسيا:......
اكرم بعنف:آسيا!!
ظلت صامته قبل ان ترد ببصوت مبحوح:أكرم!!!!
أغمض عينيه بشده عندما تردد علي سمعه أنغام صوتها قبل ان تقول بعصبيه:نت متصل عشان تسكت مكفكاش اللي عملته فيا!!
اكرم بهدوء يسبق العاصفه:بتحبيه؟
اسيا باستغراب:مين ده!!
اكرم بهدوء:عزيز!
لم ترد بل ارتسم علي وجهها ملامح الصدمه ولكن بالطبع لم يراها لينفجر وهو يقول بعصبيه مفرطه!:قولي بقي انك كنتي بتحببه من قبل متعرفيني،لا وبتحضنيه في الشارع كمان بكل بجاحه وكنتي بتمثلي الكسوف عليا و انتي....
قاطعته الاخري ببرود لا يعكس أبداً ما بداخلها:هو كده الخاين بيحسب كل الناس زيه،عزيز مجرد صديق واخ من ٤سنين ولو الحب بايدينا مكنتش اتردد في حبه،من زمان واحنا بنسلم كده!
اكرم بسخريه مريره:لا متتردديش وحاولي تحبيه،من زمان وانتو*****
اسيا ببرود:زيك بالظبط!!!
أغلقت في وجهه ليزفر بكبت ويدور في رأسه أسوء السيناريوهات وجميعهم يدوروا حول فكره واحده زواج اسيا من عزيز!!
..............................................
كانت تشعر بالاختناق بشده من كثره التفكير هي تشعر انه اتي لحياتها وحولها من حياه روتينيه لجنه ثم حولها برحيله لجهنم!!نهضت وهي تقوم بفتح درج من الادراج خاص بعلاجها"حساسيه علي الصدر وضيق تنفس"لتجد هاتفها يرن برنه خصصتها وهي تعلم انها لن تستمع لها الا باحلامها"من يوم ما بعدت عني وغبت وحياتي ضاع منها الامان!"ردت ولم تنبث بحرف أيقنت انه هو من أصوات أنفاسه التي تحفظها جيداً عن ظهر قلب ما أن نطق بأسمها حتي تجمعت الدموع بعينيها وظل قلبها يضرب بعنف ككل مره تسمعه من فمه!!ايهاتفها لانه اشتاق لها ولا يقوي علي العيش بدونها اكثر من ذلك!ولكن تحطمت كل امالها التي بنتها في هذه الثواني بعد ما دار بينهم وهي التي حدثها قلبها انه اشتاقها أغلقت معه وانهارت قواها وفقدت أعصابها تماماً فالنهايه اتت لا محاله يجب ان تتقبل الوضع!! ظلت تصرخ وتصرخ وتكسر كل ما يقابلها كعادتها عندما تتعصب،، حتي أمسكت بالمزهريه التي بجانبها وألقتها باتجاه صورته وهي تصرخ بهستريه:يا خاين يا جبان
ثم دفعت بيديها في البرواز لينفتح الذي الذي لم يلتئم من الاساس ولكن لم تبالي التني تنزف بل دفعت بيديها مره اخري في البراوز وظلت تصرخ بشده
اتي والديها وهم يحاولوا الامساك بها فيديها مليئه بالزجاج،،،ابعدتهم عنها بنعف وهي تصرخ بهستريه:يا خاين يا كذاب ياا خاينن
ثم جلست ارضاً وهي تمسك بالازاز المتبقي من البرواز وتلقيه ارضاً وهي تشهق بعنف وقد اتتها ازمه تنفسيه
ثم فقدت وعيها وهي تضعر بالم لا يحتمل!!
..................
بعد عده ساعات
افاقت ووجدت يديها ملتفه بالشاش اثر الجروح العميقه التي سببتها لنفسها ووجدت والديها واختها
لميا ببكاء:كده يا حببتي تكتمي في نفسك لحد ما جالك ازمه
اسيا بضعف:سبوني لوحدي؟
ثم ظلت الدموع تتساقط منها بشده لتضع يديها علي عنيها وتنفجر في البكاء
سامر بهدوء:ياريت تسبونا لوحدنا شويه!!
خرج الجميع من الغرفه واغلقوا الباب ليجلس الاخر بجانبها وهو يقول بحنان:انا عمري نصحتك بحاجه وطلعت غلط؟!
اسيا ببكاء وهي تمط شفتيها كالأطفال:اه جوازي من أكرم!؟
ابتسم والدها وهو يقول:بصي يبنتي الحياه دي من رابع المستحيلات انها تفضل ماشيه تمام معانا يعني السنه وشويه اللي قضتوهم دول من المستحيل انهم كانوا يبقو سنتين مثلا،انا عايز اقولك اني لسه مقتنع ان اكرم اكتر حد مناسب ليكي بس اكيد في سوء فهم بينكم لانه حتي لو نفترض محبكيش زي ما بتقولي فهو راجل والرجاله مبيتخلوش
اسيا بحسره:هو اتخلي عني بافعاله يبابا!
ابتسم الاخر وهو يقول:اسمعيله يا اسيا اكرم بيحبك وبيتفاهم معاكي فا اتفاهمي معاه!!
اسيا بسخريه:هو محبنيش اصلا؛
والدها برزانه:محدش يستحملك يا اسيا بلخبطك دي كلها الا لو بيحبك ونا من اول مره كلمني فيها وعرفت انه واقع
اسيا باسي:بس انا يبابا لو اي حصل مكنتش هتخلي عنه ليه هو اتخلي ليه عمل فيا كده؟
سامر :فاكره"محمد"وقعدتنا قبل متوافقي عليه؟فاكره موضوعي انا وليلي؟
فلاش باك
كانت طالبه في السنه الاولي من كليه العلوم لا يشغل بالها سوي إبن خالتها وحب طفولتها وشبابها"محمد"كان يعمل أعمال حره ويتنقل من عمل لاخر فهو يملك دبلوم"صنايع"،يتناول الممنوعات،ويصاحب الفتيات،كان صديقها حتي المراهقه ولكن بعد ذلك تجاهلها تماماً لتجد في يوم ما،مفاجأه غيرت حياتها تماماً...
كانت عائده من كليتها في اول اسبوع لها
اسيا وهي تصرخ بمرح كعادتها:مامااا لولووو لمياا فين الغدا يحجه
لمياء وهي تغلق كتابها وتأتي من غرفتها:في اي يهمجيه مش هتبطلي بقي
اسيا بضحك:لااا امال سامر فين
لمياء بيأس:مفيش فايده فيكي،سامر نزل مشوار
اسيا وهي تدلف لحجرتها:طيب هستحمي واجي يكون جه
لمياء باشمئزاز:بنت اسمها هاخد شاور
ثم تنحنت وهي تقول بضحك:عارفه انك اهم قرارتك بتاخديها في البانيو عشان كده مش هستني اما سامر يجي"هدي"كلمتني وقالت ان محمد عايزك من اسبوع وبكره هيجو نتفق لو وافقتي ونا متأكده!
اسيا بصدمه:محمد محمد؟!
لمياء بمرح:اه محمد محمد
اسيا بصدمه:محمد ابن خالتو هدي اختك
لمياء بضحك:اه هو
ظلت تقفز بفرحه وهي تقول:ياني فرحانه اوووي
ثم امسكت بكتفي والدتها:ماما بجد؟؟
لمياء بضحك:طب اعملي مكسوفه طيب!!
اسيا بفرحه:كلميهم وقوليلهم اسيا بتقولكم انهارده!
بعد ان اتي سامر وعلم بموافقتها طلب التحدث معها بانفراد وقال:بصي يبنتي انتي عارفه معزه محمد عندي قد ايه بس هو مينفعلكيش
اسيا بصدمه:ليه بس يا بابا!!
سامر:عشان هو ولا من مستواكي الاجتماعي ولا الثقافي ولا ايه حاجه باختصار مفيش تكافؤ
اسيا بقوه:الحب مش كفايه؟
ابتسم والدها بمرار وهو يقول:لا مش كفايه،انا هحكيلك حكايه يمكن محدش يعرفها حتي لمياء:ونا في١كليه كنت فقير جدا جدا كنت عايش في عشوائيات وكل اللي بفكر فيه ازاي هطلع من الطبقه المنعدمه دي ولحد ما قابلتها كانت معايا في الكليه عايشه في منطقه محلمش اني ابصلها،متحرره وكل الكليه بيتمنوا بصه منها الا انا عشان كانت كتير اوي عليا لحد ماحبينا بعض حب بتاع الاساطير دهه عرفاه فضلنا سنتين حلوين اوي مع بعض لحد ما مره في خناقه كانت بسبب غيرتها عليا قعدت تقول اني خاين ووو،طبعا انا انكرت واتعصبت ثم ابتسم بمرار و:لسه فاكر الجمله اللي قالتها اما مسكت ايدها وهي جايه تضربني بالقلم:انت نسيت نفسك يشوارعي ييتيم يزباله!!انت تعرف انا بابي مين!!،بعدها اعتذرت كتير جدا وتعبت ووو ورجعنا!!بس في كل لحظه مكنتش قادر انسي فضلت اقول:هو في كل خناقه هتفضل تعايرني يتري؟طب هننفع؟واتوصلت انه لأ وسبتها!!اه سبتها والله،سبتها بعد ما تمينا٣سنين!!
اسيا بتأثر:ليه!
سامر بحسره وعينيه تلمع دموعاً:عشان مننفعش يا اسيا!هي كانت احسن مني في كل حاجه كانت بتحاول ترفعني لمستواها في اعياد ميلادها بتجبلي الهديه عشان اديهلها اقدام صحابها،بتجبلي الهدوم اللي هحضر بيها!؟ مينفعش تبقي اغني واحلي واحسن في ثقافتها ونا ولا حاجه من دي!!
ثم اكمل:كانت هتنتهي بكرهي ليها ففضلت انها تعيش جوايا!!بس منستهاش
اسيا ببكاء:كان اسمها ايه؟
سامر بحب:ليلي!
اسيا بصدمه:علي اسم ليلي اختي؟
سامر وقد فرت دمعه تحمل المه علي خساره حبه الاول!
سامر:اختك اللي علي اسمها
باك
سامر بحزن:دي كانت عوضي عن يتمي كانت ملجأي ومع ذلك بعدت!بس عاشت جوايا رغم كل السنين دي تفتكري ضعت بعدها؟لا بقيت من اكبر المهندسين بس حته فقلبي نقصت؟نسيت؟لا سميت بنتي الاولي علي اسمها!
عايزك تعملي كده خليه جواكي في حته صغيره فيها كل ذكرياتكم وابقي ارجعيلها لكن متأثريش علي حياتك بالسلب أبداً واسمعي كلامي عشان متندميش قبل رأسها وتركها وقبل ان يغادر:اوعي تفتكري يا اسيا ان الحياه هتقف علي اللي راح مهما كان غالي مبتقفش بنتعلم جديد بس،وحتت من روحنا بتنقص!!وبدال خدتي قرار البعد ومقتنعه بيه خليكي قده!
دلف للخارج اما هي فدلفت لملجأها الوحيد والذي يطل علي صديقها الاقرب"البحر"و
ظلت طوال الليل تتذكر ما حدث بعد حواره معها وانها عندما خالفت نصيحته ندمت بالفعل
فلاش باك
اسيا بصدمه:طب واتجوزت ماما ازاي؟!!
سامر بابتسامه:ياااه بعد سنين ونا فاول التلاتينات كان عدي علي بعدي عنها٩س!،كانت عوض ربنا بعته ليا عشان يلضم جروحي ومع ذلك اول حب مبيتنساش وده مش خيانه ده وفا،
صمتت الاخري بتأثر ليقول سامر:اقتنعتي
اسيا بعند وهي تنهض:سوري يبابا مش هضيع محمد،انا وهو مش انتو!
سامر بحزن:مترجعيش تعيطي!
وافقت بفرحهه واشتري لها"دبله رفيعه"ارتدتها برضي فهي كانت أرخص سعراً وهذا كل ما يهمها ان لا تكلفه الكثير،والدها حاول ان يتفائل ويطمئن اما والدتها فكانت تتحسر بداخلها ولكن تتظاهر بالسعاده لارضاء اختها ولانها تعلم ان ابنتها تحبه منذ الطفوله ظلا يعيشان ايام اسعد مما كانت تحلم دائماً لم يكن بينهما سوي الحب لا وجود للمشاكل أبداً حتي أتمموا السنتان علي خطبتهم حتي اتي يوم كانوا يجلسون جميعاً ليقول سامر:ناوين تتجوزوا امتا؟
اسيا بفرحه:قريب اكيد!
محمد بتوتر:اول م الشقه تيجي وفلوس الفرح تجهز
سامر وقد فاض به:وهما الشقه وفلوس الفرح هيجو منين وانت بقالك سنتين كل اللي بتعمله فسح وخروجات من فلوسها ومن محل لمحل يأما بالشهور عاطل!!
اسيا بصدمه:بابا اي اللي حضرتك بتقوله ده
محمد ببرود:انت قابل بيا ونت عارف بظروفي!
سامر باستنكار:انت!!اي الاسلوب اللي مفيهوش ذره اخلاق ده ثم انا بحسب انك راجل وهتكون نفسك وزياده ان اسيا ع...
قاطعه الاخر وهو ينهض:في خلال نص سنه هيكون عندها شقه في منطقتكم،ثم اكمل بسخريه:ومتخافش علي فلوسها يا ابو ليلي خروجاتنا كلها هتبقي علي حسابي!!
نظروا له باستنكار حتي هي فحتي لو كانت تعشقه فهي ليست بالعمياء ،،تعلم تماماً انه حتي وان فعل كل ما بوسعه فسيستأجر شقه في منطقه شعبيه بجانب كارمه وخالتها"هدي"
اوشكت اجازتها ان تنتهي وسنتها الثالثه تبدأ وهو لم يعد يحادثها الا مره كل يومان وانقطعت تماماً النزهات الا مره يتيمه كل شهر حتي اتتها مكالمه يوماً من هدي خالتها
اسيا بحب:ازيك يا خالتو
هدي بتوتر:اسيا عايزه اقولك حاجه واحلفي انك هتتصرفي بعقل وهتخلي الموضوع بينا وبين بعض بس
اسيا بخوف:في حاجه يخالتو!
هدي بحسره:محمد بينام مع ستات عشان الفلوس!!
اسيا بضحك:ايه اللي بتقوليه ده يخالتو!
هدي ببكاء:سمعته من يومين وهو بيتفق علي الفلوس!
اسيا بصدمه:مستحيل!!
هدي بحزن:هخلي البت لميس"اخته الصغري" تبعتلك العنوان في رساله والبسي وروحي بسرعه وخلي بالك من نفسك،يارب يخيب ظني
لم تبدل ملابسها بل دلفت للخارج بسرعه الرياح بترنجها الرياضي لحسن الحظ او لسوءه لا تعلم كانت منظقه راقيه لا تبعد شارعان عن بنايتها!!
لتدلف للبنايه وتقف امام الشقه بصدمه هذه شقه السيده"سمر"صديقه والدتها المقربه!!
ضغطت علي الجرس بيد مرتعشه ليفتح الباب بعد دقيقتان!! محمد وهو يرتدي بنطلون جينز بحزام مفتوح وقميص مفتوح الازرار ويردد بصدمه:اسيا نورتي كنت عند طنط سمر ب..
دفعته وهي تدلف للشقه وتنادي: سمررر،سمر
لم ترد الاخري لتتجه الي غرفتها لتجد الاخري اغلقت الباب عليها
اسيا بصراخ:قسماً بلله يسمر لو ما قولتي الحقيقه لكون فضحاكي في كل النادي وفعمارتك وعند كل معارفك وافتحي الزفت ده!!
محمد بصوت مهتز:انتي بتشكي فيا يا اسيا!!
تجاهلته تماماً لتدلف الاخري بخوف وهي ترتدي روب طويل مغلق باللون الاحمر امسكت اسيا بحزام الروب وهي تقطعه بعنف لتري قميص للنوم لا يخفي اي شيء!!
اسيا باحراج:قولي!!
سمر بدموع التماسيح:هو اللي ضحك عليا والشيطان شاطر يا بنتي وانا وحده حياتي فاضيه و...
اسيا بخوف من الحقيقه:ضحك عليكي ازاي!!
سمر:مثل عليا الحب وسلمته نفسي وبدأ يستغلني ففلوسي لحد ما عرفت بالصدفه ان دي شغلته!
اسيا بصوت متقطع:شغلته ايه؟!
سمر باحراج:انه يعني ينام مع الستات الكبيره مقابل الفلوس
اسيا وهي تصفعها بشده:نتي كذابه
امسكت بيده وهي تقول:هي كذابه صح؟قول يلا ان هي اللي خليتك تعمل كده
محمد ببرود:لا انا بعمل كده فعلا وفي اليوم مع اكتر من واحده عشان اجيب فلوس عشان نتجوز!
اسيا برفض:كذاب
محمد بفرحه:دفعت اول دفعه من شقه قريبه اوي من شقتكم!
ظلت الاخري تكذبه حتي صفعته بشده وهي تردد:انت مريض اه والله مريض ثم ألقت بالدبله أرضاً وهي تتركه وتذهب وللغرابه لم يلحق بها...ومن هنا كان التغير الجذري في حياتها وأصبحت الحده والعصبيه يحتلوا اسلوبها بعد ان كان المرح والسعاده واصبحت لا تعرف التسامح بعد ان كان أفضل ما بها واصبحت تبغض الحب حتي اتي "أكرم"!!
باك
رددت وهي تستند علي سور الشرفه بشرود:وياريته مجاش!!
..................................................
قضت يومها مع اسيا فقد اشتاقتها بشده وشعرت انها مقصره في حقها بسبب انشغالها بعيد ميلاد زوجها ومحاولاتها في اسعادهه فهو لم يتوقف عن اسعادها منذ اللحظه الاولي بينهما!لم تشعر بالوقت فهي انشغلت بشده في محاوله التخفيف عن الاخري لتجد الاخر يرسل لها رساله"لسه بدري يا هانم باتي عندها احسن!!انا واصل من ساعتين وانتي ولا في بالك"
نهضت بسرعه لتصل بعد عشر دقائق فالمنزل قريب بشده من منزل اسيا
_____________________
دلفت لتجد المنزل مظلم حمدت الله فقد ظنت انه قد غرق في النوم لتفتح الانوار لتجد الاخر يجلس في وجهها
مراد ببرود:لسه بدري يا ست كارمه!!
كارمه باستنكار:ما هو لسه بدري فعلاً يا مراد الساعه ٧وربع!!!
مراد بسخريه:اهه فعلا عادي مش مهمم اني اجي من شغلي ملاقيكيش واستناكي ساعتين عقبال متخلص لف!!
كارمه باستنكار:لف!!كنت عند اسيا مانت عارف!!
مراد بصراخ لا داعي له:عارف بسس قولتلك مليار مره بحب اصحي الاقيكي،بحب اجي الاقيكي،بحبك موجوده دايما بس نتي ولا بتفهمي!!
ثم استدار وهو يدلف لغرفته
احتضنته من ظهره وهي تهمس في اذنه:انا اسفه يا حبيبي والله بس الوقت خدنا
دفعها وهو يردد:انا داخل اشتغل ياريت متقاطعنيش!!!
كارمه برجاء:مراد الموضوع مش مستاهل!!
دلف لحجرته وتظاهر بالانهماك في عمله ليدلف للخارج بعد ساعه
وجدها تجلس وهي تكتب في مذكراتها والدموع تنهمر بغزاره
ليفتح هاتفه وهو يرسل لها رساله
_____________________
كانت جالسه وهي تكتب في مذكراته عن مدي حزنها لانها احزنته بسبب امر تافهه وهي تبكي بشده لتجد هاتفها يصدر اشعار عن وصول رساله امسكت به وهي تقرأ"بحبك"قرأت المرسا لتجده هو فتحت شفتيها ببلاهه لتكمل قرائه"ايوه انتي!"ارتسمت ابتسامه كبيره علي وجهها وهي تنهض لتذهب له وجدته يستند علي الحائط وهو ينظر لها بحب،،اقتربت منه وهي تردد بحب:اسفه يا عمري والله!!
مراد بابتسامه:انا افورتها شويه بس عشان بحب وجودك جنبي في كل ثانيه مش اكتر!!
لتقبله الاخري بحب وهي تحتضنه وتردد:بحبك!
_____________________
بعد وقت قليل
تنام في حضنه علي فراشهما
مراد:كارمه انا عمري ما اتخيلت اني ممكن ابقي متيم بحد للدرجادي!!
كارمه بحب:يعني انا اللي عمري اتخيلت اني احبك وبالطريقه دي كمان!انت اغلي حد عندي يا مراد!
مراد بحب:طبب اذا كان كده يلا نكمل اللي كنا فيه!!
كارمه بخجل:مراد انا عايزه اتمشي علي الكورنيش واكل بيتزا باللحمه واشرب بيبس!
مراد بصدمه:نامي يا كارمه والنبيي انتي مجنونه!!
كارمه بحنق:والله انت بارد
لينهض وهو يقول:اصل انا بحبها فاهيتا
لينفجرا ضاحكان!!
_____________________
دلفا للكورنيش ولحسن حظهما كان خالياً فهما في فصل الشتاء والساعه الان الثانيه صباحاً
كارمه بصوت عالي:انا بحبكككككك
مراد بضحك:يستي احنا مجانين رسمي والله!!
كارمه بفرح:عايزه العب الدويره!!
مراد باستغراب:دويره ايه؟
امسكت بيده وهما يدورا معاً بسعادهه
ذهبا بعدها لمطعم مخصص لعمل البيتزا ليتناولا طعامهما ويحتسوب البيبسي ثم بعدها ذهبا ليجلسوا علي البحر حتي تشاهد الشروق فكم اخبرتها اسيا عن جماله حتي تمنت لو راته مع مراد!!
_____________________
افاقت من نور الشمس وهي تغمض عينيها مره أخري بعصبيه وتحاول استكشاف مالتي اتي بها الي البحر لتتذكر انها غفت وهي جالسه علي المنضده في الشرفه نظرت بهاتفها لتجد الساعه الثامنه والربع قررت مهاتفه عزيز
عزيز بهدوء:اي يا اسو اي الي مصحيكي
اسيا بصوت مبحوح:اي يا زوز عادي
عزيز بضحك:ليها منك طعم مختلف
ثم صمت وهو يقول ثانيه واحده
دلفت حوار باستحياء وهي تضع القهوه أمامه وتقول:تؤمرني بحاجه تانيه
عزيز بغضب مفاجيء:تحترمي نفسك!
حور بصدمه:انا!!
عزيز باحتقارر:ايوه!!ماهو متبقيش عامله فيها شيخه وعملالي فيها برنامج المؤذن وتدخلي عند كل صلاه تفكريني ونتي لابسه لبس قلعه احسن
حور بببكاء:ربنا يسامحك
نظر لها باحتقار وهو يقول:غوري من وشي ولو هتستمري في لبسك ده يبقي ملكيش شغل عندي
خرجت بسرعه من امامه وهي ترتمي علي مكتبها وتشهق بشدهه
عاد وهو يقول:اسف يبنتي ناس...
اسيا بصدمه:ايه اسلوبك ده يا عزيز حرام عليك!
عزيز بعصبيه:لابسالي طقم لازق عليها و..
اسيا بسخريه:دي تقريبا اكتر حد محترم في شركتك ونا مكنتش واكله شربه فيها ولا ايه وعرفه كل اللي فيها ولبسهم وشكلهم ودماغهم كمان!!
عزيز بتوتر:بس ده طقم يعني...
اسيا بضحك:ماله وانهي طقم قولي
عزيز وهو يصفه لها
اسيا بصدمه:نعمم عرفته علي فكره عادي!!
كان عباره عن بنطلون من الجينز الضيق وتشيرت قصير باللون الابيض وبه خطوط رفيعه سوداء أعلاه جاكت من الجينز وطرحه باللون النبيتي
ثم اضافت:ولبسها اوسع مني واحنا صحاب من٤سنين وعمرك معلقت
عزيز بتوتر:لا اصل هي عامله شيخه وكمان ميلقش بسكرتيره لبسها ده ده يليق برقاصه
اسيا وهي تعلم انه لن يعترف انه علي خطء ابداً:خف علي البنت شويه
عزيز بنبره مليئه بالحنان:اللي تئموري بيه يا اسيا؟
اسيا بصدق:اخويا والله
عزيز بحزن:قررتي اي بخصوص الشغل؟
اسيا وهي تتنهد بكبت:عزيز انا قررت اني.....
يتبع..
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا