رواية يتيمة في قبضة صعيدي الفصل الثامن عشر 18 بقلم نرمين حمدى حصريه في مدونة قصر الروايات
رواية يتيمة في قبضة صعيدي الفصل الثامن عشر 18 بقلم نرمين حمدى حصريه في مدونة قصر الروايات
#يتيمة_في_قبضة_صعيدي
ملك نزلت تعمل قهوه
وعز دخل ياخد شاور
سعيده: هتعملي قهوه تاني ليه
ملك: الفنجان الاول وقع
سعيده: ولا الاستاذ عز خلاص مبقتش تعجبه قهوتي
ملك: انتي الاساس برضو ياسعيده
سعيده: الواد دا ملهوش عزيز انا عارفه ذي مرماني هيرميكي
ملك ضحكت: قوليلي ياسعيده.. انتي تقربيلهم حاجه... اصلي بحسهم كلهم بيحبوكي.. وخاصه عز
سعيده:انا هنا من وانا صغيره اتربيت في البيت ده...يعني بيني وبينهم عشره
ملك: يعني انتي متجوزتيش
سعيده بوجع: لاه... كان فاضلي علي فرحي أسبوع.. كان عمران بيه متكفل بكل حاجه.. كان يعاملني كيف بته.. بس الي كنت هتجوزه عمل حادث وراح للي أحن مني ومنك
ملك نزلت دمعه من عنيها: وفضلتي من بعده متجوزتيش
سعيده: ويحرم عليا أتجوز وأبقي علي إسم راجل غيره
ملك: للدرجادي كنتي بتحبيه
سعيده نزلت دموع من عنيها: ومحبهوش كيف... وانا اتعلمت الحب علي يده.. كان ابويا واخويا وكل ما ليا
ملك بوجع: هي الدنيا كدا مبتديناش الي احنا عايزينه
&&&&&&&&&
ماهر بيقفل الباب: بقي عايزه تتجوزي فياض
رقيه: قلبك ابيض بهزرررر
رقيه كانت بتحاول تبعد عنه بس ماهر مسكها من دراعها وجذبها علي الحيطه: خفي هزار عشان متزعليش مني
رقيه بدلع: بتغير ياروحي
ماهر: مفيش منافس اغير منه... الكل عارف الي يخص ماهر الجبالي يحرم علي الجميع
رقيه: ماانت برضو قولت انه هيشيل عنك بلي... هو انا قرفاك يعني
ماهر بص في عنيها وبغزل: متقرفيني اية المشكله
رقيه: لا دا انت رايق اوي
ماهر: ولو مش رايق هروقلك
رقيه بتمسكه من هدومه: طيب بمناسبه بقي انك رايق ودا مبيحصلش كتير فاأنا كنت عايز اقولك علي حاجه
ماهر: قولي
رقيه بتوتر وهي عارفه ان الموضوع بيضايقه: لما كنت عند بابا روحت للدكتوره وطالبه منك تحاليل
ماهر بعد عنها وملامح وشه اتغيرت للغضب: احنا قولنا ايه في الموضوع ده
رقيه: ياماهر وفيها ايه يعني؟ انا نفسي في طفل بقي
ماهر: وقولتلك الحاجه دي بإيد ربنا... لكن لو عرفنا هنستفيد ايه غير ان انا او انتي هنحس بنقص خلاص الي فيه الخير يقدمه ربنا
رقيه: المشكله لو عندي هيخلوك تتطلقني... جليله مبترحمش في الحته دي
ماهر: لو الدنيا دي كلها قالتلي طلقها مش هيحصل
رقيه عيطت: بس انا نفسي في طفل منك.. ليه مستكترو عليا
ماهر شدها لحضنه: فاهم زعلك.. بس مش عايز نتيجه تحاليل تأثر علي علاقتنا
رقيه: والله مهتأثر
ماهر بص في عنيها الي مليانه دموع: اي الي يرضيكي يارقيه
رقيه: نروح للدكتور
ماهر: حاضر... لما افضي هبقي اروح
رقيه حضنته كأنها بتشكره
&&&&&&&&&
في بيت جلال الالفي
جلال: بتحطي راسنا في الكين يابنت ال*****عايزه تخلي سيرتنا علي كل لسااااااان
سليم: يابوي حلها طلقه ونخلص من العا*ر الي جايبهولنا
رضوي: والنبي لا انا مش عايزه اموت.... سامحني ياعمي والنبي
جلال: اسمعي كتب كتابك علي سليم بكره... مش عايز نقاش
سليم: كتب كتاب مين؟ ايه الي هتقوله دا يابوي
جلال: اومال عايزها تفضحنا مع الغريب... الخدم في بيت الجبالي ملهومش عدد... والكلام كتير ياولدي
سليم بغضب: وانا اتحمل غلطتها ليه؟ اتجوز وحده بتحب راجل تاني ونامت علي سريره ليه؟
جلال وقف بغضب: الوحده الي هتتكلم عنها دي من دمك للاسف... ولازم تشيل مصايبها
رضوي بدموعها واقفه بتبصلهم وهما بيقرروا مصيرها... وهي لسه بتفكر في عز: بس انا مش موافقه ياعمي
جلال ضربها بالقلم: انتي تخرسي خالص ومسمعش صوتك... بموافقتك ولا من غيرها هتتجوزيه
سليم بسخريه: لا وهي كمان الي رافضه... حلو اوي الكلام ده
رضوي عيطت وطلعت اوضتها
سليم: الي بتعمله ده غلط... وافتكر البت دي مش هي الي تستاهل تشيل اسمي
جلال: معلش ياولدي... نشيل مصيبتنا أحسن منتعاير بيها بعدين
سليم: معلش ايه دا جواز... هو لعبه
جلال: البت صغيره برضو ومشت ورا قلبها... بكره تعقل وتعرف مصلحتها فين
سليم: تعقل ولا متعقلش... الي تتجوز سليم الالفي ميكونش في دماغها راجل غيره
جلال: فاهم غضبك... اي راجل صعب يتقبل وضع ذي دا... بس هنعمل ايه نصيبنا كديه
سليم بغضب ووعيد لرضوي: ماشي... ماااااشي
&
في قصر الجبالي
ملك خلصت القهوه وطلعتها لعز
وعز كان لسه طالع من الحمام عاري الصدر وبينشف شعره بالمنشفه
ملك خبطت ودخلت ببطئ وعينها وقعت عليه واتجمدت مكانها، وشها احمر، لا هي عارفه تتقدم ولا ترجع، شكله كان جذاب اوي، بقت ايدها بترتعش بالصنيه لدرجه سمع صوتها، نزل المنشفه ببطئ، عنيه ظهرت، ووقعت علي ملك
عز: ادخلي... واقفه كدا ليه؟
ملك وهي باصه في الارض وبتوتر: ال الشاي... القهوه قصدي
عز ابتسم وتقدم اليها عشان ياخدها بس مجرد مبقي قدامها وهو كدا وقعت الصنيه من ايدها: ااااا.. مش قصدي والله
عز: خلاص.. خلاص مش مكتوبلي اشرب قهوه
ملك: انا.. هو... مش عارفه... ايه.. حصل
عز بيبصلها ومش فاهم ولا كلمه وبيقرب اكتر بهدوء وبيسحب ايده ويزق الباب ويقفله: ششششش... خلاص محصلش حاجه
ملك بصتله ووشها لسه احمر: طيب ممتلبس حاجه
عز بص لنفسه ورجع بصلها: وريني زوقك وبيوسعلها طريق
ملك بتتقدم بعده خطوات ببطئ، بتفتح دولابه بس التيشرتات كان في مكان عالي شويه، وقفت علي اطراف صوابعها بس ملحتقوش
وهو كان قاعد علي السرير ساند بإيده علي السرير وباصصلها
حاولت كتير بس مقدرتش لحد معز قام كان واقف وراها مباشره لدرجه حست بأنفاسه وراها، قلبها دق بسرعه، جسمها كله ارتعش
عز وهو باصص علي التيشرتات: اخترتي انهي واحد
ملك لفت ببطئ وعينها قصاد صدره مباشره وهو مركز علي التيشرتات وبصوت منخفض: الاسود
عز سحب الاسود ورجع كام خطوه لورا ولبسه: دي أول مره ألبس حاجه من إختيار حد غيري
ملك سمعت الكلمه من هنا والابتسامه اترسمت علي وشها من هنا: وعجبك اختياري؟
عزتاهه في عنيها: عجبني اوي "وطبعا ميقصدش التيشيرت"
اا قصدي حلو يعني
ملك ابتسمت: طيب انا همشي
عز: استني
عز اتجهه ناحيه الخزنه وطلع منها دفتر شيكات وقطع ورقه، كتب فيها 4 مليون
عز: خدي
ملك: اية دا؟...
عز: دي المكافئه الي وعدتك بيها... اقل حاجه انسيكي بيها الي في دماغك
ملك اخدت الشيك وبصت للمبلغ وابتسمت
هتاخده ولا؟ 😐
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا