رواية بائعة الخضار الفصل السابع عشر 17بقلم محمد طه حصريه في مدونة قصر الروايات

رواية بائعة الخضار الفصل السابع عشر 17بقلم محمد طه حصريه في مدونة قصر الروايات 

رواية بائعة الخضار الفصل السابع عشر 17بقلم محمد طه حصريه في مدونة قصر الروايات 

البارت 17

#بائعة_الخضار 

_المعلمه بجديه..هسلمكم للحكومه 

(الهام بخوف وتوتر تقوم تقف..ومازن بخوف يروح يقف وراها..والهام تمسك إيده وهوا واقف وراها) 

_الهام تهدئه..ما تخافش يا مازن 

_المعلمه تقرب منهم..وإنتي كمان ما تخافيش يا الهام 

_الهام بخوف..حضرتك بتقولي هتسلمينا للحكومه..

وعيزانا ما نخافش..بقلم...محمد طه 

_المعلمه بثقه..أيوه ما تخافوش..عشان زي ما هاخدكم أسلمكم للحكومه..مش هرجع إلا وأنتوا ف إيدي..أطمنو..بقلم...محمد طه..أنا لو هبيعكم مكنتش دخلتكم بيتي..

وقعدنا على سفره واحده وأكلنا من طبق واحد..

أنتو مجني عليكم مش متهمين..والهروب مش هوا الحل..أنا كلمت محامي ومش أي محامي..دا من أكبر المحاميين اللي ف مصر كلها..هوا هيقابلنا على القسم وقبل ما ندخل هتحكيلو كل اللي حكيتهولي بالحرف 

وإن شاءالله خير..وإن لا قدر الله..أحتجزو مازن..

المحامي هيخرجو بكفاله لحد ما القضيه تخلص ويجيبلو البراءه..يعني بالطول بالعرض..

أنا مش هرجع إلا وخطيبي ف إيدي 

_الهام بإستفهام..حضرتك بتعملي معانا كل دا ليه 

_المعلمه..تقدري تقولي كده..مبحبش أشوف مظلوم وأقف أتفرج..يلا بقي عشان ما نتأخرش على المحامي 

(وخرجت المعلمه..والهام ومازن خرجوا وراها..

والهام تكلم مازن بطريقه كلامه عشان المعلمه ما تعرفش هيا بتقول إيه) 

_الهام..أبسط يا عم..المعلم رضا وافق على الجواز..

دي نسمه لو عرفت الخبر ده هتق،طع رقبتك..دي كسر،ت الحصاله بتاعتها عشان تجيبلك العلاج يا واطي 

(المعلمه تقف وتبصلهم وتتصنع الغضب) 

_المعلمه..إنتي بتتكلمي زيه عشان ما أعرفش إنتي بتقوليلو إيه..(وتبص لمازن وتشاورله بإيدها) 

أنته يلا..أنا عيزاك تعلمني اللغه بتاعتك دي..وإلا الجوازه دي مش هتم..ما هوا مش معقوله هنبقي متجوزين وهنجيب ف وسطينا مترجم 

(وتبص لالهام) هوا إنتي بتعرفي تتكلمي زيه إزاي 

_الهام بإبتسامه..من عاشر القوم..فما بالك بقي أنا اللي مربياه 

(وبدأوا يتحركوا ويخرجو من السوق..وبعد ما خرجوا مفيش دقيقه ودخل نهاد بعربيته ووراه عربيات محمله بضاعه..وراح على مقر المعلم كامل أبو حجاج كبير السوق لكن ملاقهوش موجود..

وكانت لبنى بنته ف إنتظاره..ولبنى ما كانتش تعرف إن نهاد إبن رضوان الصباغ ولا شافته قبل كده) 

_(مقر المعلم كامل)_ 

_نهاد..السلام عليكم..فين المعلم كامل 

_لبنى برد ناشف..وأنته مين عشان تسأل على المعلم..أنته جاي تسلم بضاعه وتستلم حسابها وتتوكل على الله..ولا أنته بقي لسه جديد وهتقرفنا معاك..(وتنادي على الواد اللي شغال معاها) 

ولا يا حسين..روح القهوه هات حاجه للأستاز يشربها 

(وتبص لنهاد) فين إيصالات البضاعه..بقلم..محمد طه 

(نهاد يديها إيصالات البضاعه وميتكلمش ومستغرب هيا بتكلمه ليه كده) 

_لبنى وهيا بتاخد الإيصالات منو..فيه حاجه إسمها أتفضلي..ولا أنته لسانك مقطو،ع 

_نهاد بغضب...ما أنا خايف أقولك أتفضلي..ترصيلي مرشح زي اللي لسه رصاه من شويه 

_لبنى بإبتسامه سخريه..المفروض بقي دلوقتي أبتسم وأقولك د،مك خفيف يا أسمك إيه..

(وتقلب وشها وبكل غضب) د،مك يلطش 

(وسابته وراحت تشيك على البضاعه وبعدين طلعت الأوضه اللي فوق مكتب المقر عشان فيها الخزنه..

عشان تحضرله حساب البضاعه..وكان حسين جاب الشاي لنهاد) 

_نهاد بغضب...مين دي يا حسين 

_حسين..بنت المعلم..بقلم..محمد طه 

_نهاد..ومالها مسترجله ليه كده 

_حسين بتحذير..وطي صوتك يا أستاذ..عشان لو سمعتك مش هتطلع من السوق إلا على ضهرك 

_نهاد بتجاهل لكلامه..المعلم كامل فين 

_حسين..المعلم ما بينزلش السوق إلا ف العصاري..

بيصلي العصر وياجي 

(ويسيبه حسين ويخرج وتنزل لبنى وتقعد على المكتب وكان ف إيدها إيصال وبكل غضب تخبط بالإيصال على المكتب قدام نهاد) 

_لبنى بغضب..أتفضل يا أستاذ 

_نهاد بإستغراب..إيه ده 

_لبنى بغضب..البضاعه اللي ف الإيصال ده..مش موجوده ف البضاعه اللي سيادتك جايبها..مش بقولك لسه جديد وهتقرفنا معاك 

_نهاد بعدم إستيعاب وغضب..مش موجوده إزاي 

_لبنى بغضب..أتفضل يا أستاذ شوف البضاعه اللي أنته جايبها..وشيك عليها..ولا أنته ما شيكتش على بضاعتك قبل ما تطلع بيها وتوزعها..ولا اللي مشغلينك مشغلينك وخلاص ولا إيه حكايتك 

(نهاد بغضب يطلع تلفونه ويتصل بالمسؤل عن البضاعه ف الشركه..بقلم..محمد طه)

_نهاد بغضب وصوت عالي..إزاي يبقي فيه نوع ناقص فى بضاعه المعلم كامل أبو حجاج 

_المسؤل..والله يا نهاد باشا العمال غلطوا وما حملوش النوع ده 

_نهاد بغضب..حالا تبعتلي عربيه وتحملي فيها 

3 أضعاف الكميه..وكل اللي أتسببو ف الغلطه دي يتخصم منهم نص شهر..ويتحرمو من أي مميزات ومكافأت لمده شهرين (ويقفل ف وشه السكه) 

(ولبنى واقفه مستغربه هوا بيكلم مين.. 

وإزاي بيأمر بخصم.. وإزاي هيجبلها 3 أضعاف 

الكميه اللي ناقصه) 

_لبنى بهدوء..ما أتعرفناش بالأستاذ 

_نهاد بغضب..هوا أنتي عطيتيني فرصه..دا أنا أول ما دخلت قولت السلام عليكم ما رديتيش حتي عليا السلام ونزلتي فيا سل،خ..وعلى العموم أنا نهاد رضوان الصباغ..بقلم..محمد طه 

_لبنى بصدمه وف سرها..يا نهار أسود..أبن الباشا الكبير (وتعلي صوتها) ولا يا حسين..تعالا بسرعه شيل الشاي دا من قدام الباشا..وروح بسرعه القهوه هات حاجه ساقعه أو كوكتيل أو سحلب..هات أغلي مشروب ف القهوه بسرعه للباشا 

_نهاد بكبرياء..أبوكي فين 

_لبنى بإستعجال وتوتر..أبويا نايم..بس يصحي حالا وياجي لسعادتك..(وتنادي على حسين) 

ولا يا حسين..أنته يا زفت يا حسين 

_نهاد بهدوء وبرود..حسين راح يجيب أغلي مشروب فى القهوه.............

_ويتبع...........

تكملة الرواية من هناااااااا