رواية يتيمة في قبضة صعيدي الفصل الخامس عشر 15 بقلم نرمين حمدى حصريه في مدونة قصر الروايات
رواية يتيمة في قبضة صعيدي الفصل الخامس عشر 15 بقلم نرمين حمدى حصريه في مدونة قصر الروايات
#يتيمة_في_قبضة_صعيدي
عز: مش فاكر... قولت مكنتش في وعي..
ملك بصتله: مش فاكر ولا مش عايز تفتكر
عز بنبره حاده: يوووه اعتبريها ذي متعتبريها..
عز استدار ليمشي
ملك بوجع ونبره ضعيفه ترتجف: طلقني
ليلتفت لها عز وكأنها غرست سكينه في قلبه ثم يسكت للحظات ويقول: طلاقك جاي.. متستعجليش ومشي
ملك اتجمدت مكانها مكانتش مستنيه الرد دا كان عايزاه يتكلم يقولها هو عمل كدا ليه، بس عز كان فعلا مش فاكر حاجه والي وجعه اكتر كلامها عنه هو كان سند ليها وكان بيصدقها دايما بس هي في اول مشكله قررت متصدقهوش
ملك فضلت مكانها تعيط
وعز نزل تحت ليجد رضوي لابسه ومستنيه
عز بنبره حاده: يلا
جليله: انا هاجي معاكم
عز: محدش هيجي الي الدكتوره هتقوله هقولهولكم
عز أخد رضوي وراحو علي الدكتوره وفياض اتصل علي عمها جلال وابن عمها سليم يجوا
&&&&&&&
في الطريق
رضوي: عز ابوس ايدك رجعني انا مش عايزه اروح لدكتوره... انا بتحرج الله يخليك
عز بحده وهو مركز في الطريق: ومتحرجتيش وانتي جايه عندي بعد نص الليل
رضوي:حبي ليك هو الي ممعنيش
عز وقف العربيه فجاه وبزعيق: انتي هتستهبلي ياروح امك.. انتي عارفه بتقولي ايه
رضوي كانت هتتكلم بس هو قاطعها
عز: اسكتي مش عايز اسمع صوتك
&&&&&&&&&&
في القصر
جليله: ليه بتكلم عمها يافياض افرض البت كلامها طلع صح هيبقي منظرنا ايه قدامهم
فياض: ولو طلعت كدابه هتعرفي تحميها من ولدك
جليله: ساعتها نبقي نقولهم وهما يتصرفوا معاها
رقيه: انا متأكده انها كدابه، رضوي دي تعمل اي حاجه
جليله: وعز كمان غلط...
ماهر: كان شارب ومكنش واعي.. المفروض هي تفوقه مش تمشي معاه علي الي في دماغه
ليقاطعهم نزول ملك بشنطه هدومها
جليله: انتي رايحه فين كديه؟
ملك: ماشيه
فياض: تمشي فين؟
ملك: راحه في اي داهيه انا مبقتش عايزه اقعد هنا
رقيه: ملك استهدي بالله... الي بتعمليه دا غلط
فياض: هو اية الي رايحه في اي داهيه... هو يعني عشان عز مش هنا فاكره اننا هنسيبك تمشي عادي؟
ملك عيطت: انا مكاني مش هنا سيبوني امشي قبل ميجي والنبي
ماهر بضيق: روحي ياملك طلعي شنطتك فوق... لسه معرفناش اذا كان عمل كدا ولا لا
جليله تقدمت اليها بنظره حاده: تصرفاتك دي متلقيش بحد من عيله الجبالي... البيت دا بيت جوزك يعني مهتطلعيش من هنيه إلا علي كفنك.. او لو حصل طلاق غير كديه معندناش حد يقول فجأه عايزه امشي
طلعت وديت شنطتها ومستنيه عز يجي بفارغ الصبر
&&&&&&&&&
عند الدكتوره
عز ورضوي قاعدين قدام الدكتوره
عز: اااا عايز اكشف عليها وتقوليلي اذا كانت سليمه ولا لا
الدكتوره: اه تمام حضراتكم متجوزين
عز بضيق: ايه علاقه سؤالك بالي بقوله اكشفي عليها وبس
الدكتوره: ااا طيب
عز خرج برا والدكتوره كشفت علي رضوي
الدكتوره:انتي متجوزه؟
رضوي: لا
الدكتوره: اممم عموما اطمني انتي لسه بنت ومحدش قربلك
رضوي وشها اصفر: لو سمحتي ممكن طلب مش هنسهولك ابدا
الدكتوره استغربت: طلب اية؟
رضوي: ممكن تقوليله اني مش بنت والنبي انا هروح في داهيه
الدكتوره اتصدمت: انتي اكيد مجنونه... ازاي مش متجوزه وعايزاني اقوله انك مش بنت
رضوي : الموضوع اكبر مما تتخيلي انا هديلك الي انتي عايزاه بس تقوليله اني مش بنت
الدكتوره بصتلها: بس انا كدا ممكن اروح في داهيه والشخص الي برا دا باين عليه مش سهل
رضوي: ومين هيقوله... صدقيني مش هيعرف استفادي بمبلغ حلو قصاد كلمه هتقوليها مش أكتر
الدكتور سكتت للحظات: قوليله الموضوع بالتفصيل وانا احدد اذا كان يستاهل ولا لا
رضوي بقلق شديد: انتي شايفه ان دا وقته يعني عز مستني برا... صدقيني انا ممكن ادفعلك الي تطلبيه مش هيفرق معايا بس قولي اني مش بنت
الدكتوره: ماشي.. ماشي موافقه
رضوي مسحت دموعها وحست ان روحها رجعتلها من تاني وانها خلاص قربت من حلمها وهتبقي مرات عز الجبالي قريب
الدكتوره قعدت علي مكتبها ورضوي قعدت قدامها وعز دخل كان متوتر خايف يسمع كلام الدكتوره: هاااا بنت ولا؟
الدكتوره بثقه: لا هي مش بنت
هنا عز اتجمد مكانه وكأنه حد ضربه بسكشبه، رجله مبقتش شيلاه، حس ان الدنيا كلها بتلف بيه، كان هاين عليه يكسر العياده بالي فيها ولا انه يتجوز رضوي، ولكن تظاهر بالتماسك: امممم طيب شكرا
ثم وجهه كلامه لرضوي: يلا نمشي
عز ورضوي استدارو عشان يمشوا واول موصلو قدام الباب مباشره قاطعهم صوت الدكتوره وكانت نبرتها فيها حده: دا الي هي كانت عايزاني اقوله!!
رضوي لفتلها بسرعه وتنحت فيها
وعز فضل واقف ثابت ملفش بيحاول يستوعب الكلام ثم لف ببطئ لتظهر علي ملامحه الاستغراب: انتي هتلعبي يعني ولا ايه؟
الدكتوره: الهانم فكراني هبيع ضميري واقول حاجه غير الي شوفتها الاستاذه لسه بنت وقالتلي اقولك انها مش بنت ههه مقابل مبلغ
رضوي بزعيق: اية الي انتي بتقوليه دا انتي وحده كدابه متصدقهاش ياعز... دي كدابه
ليقاطعها قلم من عز خلاها تصمت: قذا*رتك وصلتك لكدا... انتي يابت جنسك دا ايه... دا الشيطان ميفكرش تفكيرك ده... حسابك معايا في البيت
ثم نظر للدكتوره: شكرا ليكي والمبلغ الي هي قالتلك عليه هيوصلك عشان امانتك
الدكتوره: انا مش مستنيه حاجه حضرتك شكرا
عز: وانا قولت كلمتي وهوفي بيها تاخديها، تتبرعي بيها حاجه ترجعلك
عز علي قد مهو جواه غضب من رضوي علي قد مهو مبسوط انه معملش كدا حتي وهو مش في وعيه
&&&&&&&&&&
في القصر
جلال «عم رضوي»: في ايه يافياض جايبنا علي ملا وشنا كديه ليه
جليله: لما يجي عز هتعرف كل حاجه ياجلال خير خير
سليم «ابن عمها»: باينله مش خير خالص
فياض: في الحالتين مصيبه مفرقتش
ماهر: في ايه يافياض متهدي ياجدع
سليم: لا استنوا هو فيه ايه بالظبط
فياض: انا اقولك فيه ايه
جليله: فياض اسكت.... اسكت
جلال: قول يافياض انا قلقت
فياض حكالهم كل حاجه
سليم بغضب: اية الي انت بتقوله ده... وازاي عز يعمل كديه.. وهما فين اساسا
فياض: بقول الي حصل وهما عند الدكتوره الي هتحدد مين الغلط ومين الصح
جلال: البنت دي تعبتني تصرفاتها كلها غلطططط لما تجيلي يارضوي لما تجيلي
ليقاطعهم دخول عز وهو بيرمي رضوي قدامهم الكل وقف من الصدمه ورضوي في الارض بتعيط
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا