رواية صرخات لا يسمعها احد الفصل العاشر 10الاخير للكاتب عادل عبد الله حصريه في مدونة قصر الروايات
رواية صرخات لا يسمعها احد الفصل العاشر 10الاخير للكاتب عادل عبد الله حصريه في مدونة قصر الروايات
#صرخات_لا_يسمعها_احد
#للكاتب_عادل_عبد_الله
الحلقة ١٠ ( الأخيرة )
صباح اليوم الثاني
تستيقظ هدير وتنظر بجانبها فلا تجد حسن !! تنادي عليه فلا تجد مجيب !!
تنهض من فراشها تبحث عنه في كل مكان داخل الشقة فلا تجده !!!
تتعجب لماذا انصرف وتركها نائمة دون ان يبلغها !!
تلتقط هاتفها لتتصل به عدة مرات فتجد هاتفهه مغلق !!!
صفوت يظل ينتظر مكالمة من حسن لوقت طويل حتي يشعر بالقلق والملل !!
يحاول صفوت الاتصال بحسن الا ان هاتفهه مغلق باستمرار !!
ينتهي اليوم ويحين المساء ومازال حسن مختفي !!!
يتسرب الي صفوت احساس بأنه وقع في فخ الخديعة من حسن !!
يلتقي صفوت بممدوح في الفندق ويسأله عما جري في الليلة السابقة ...
صفوت : قولي يا ممدوح حسن راح فين بعد ما خلصتوا العقود ؟؟
ممدوح : معرفش ، حسن قالي امشي انت .
صفوت : والعقود معاك ولا معاه ؟؟
ممدوح : لأ العقود مع حسن .
صفوت : حسن شكله كمل اللعبة لحسابه !!
ممدوح : يعني ايه ؟؟
صفوت : يعني حسن اخد كل حاجة لنفسه واختفي .
ممدوح : انا عايز مروة .
صفوت : يا عم اسكت !!! احنا في ايه ولا في ايه ؟!!!
ممدوح : مليش دعوة ، حسن قالي هيرجعني لمروة النهاردة .
صفوت : مش لو حسن ظهر اصلا !!! حسن خلاص كده فص ملح وداب !!!
ممدوح : يعني ايه ؟؟ مش هرجع لمروة ؟؟
صفوت : انا اللي غبي. !! لعبته كانت بدأت تبان لكن انا كنت بكدب نفسي واقول مش ممكن .
ممدوح : صفوت بيه انا عايز ارجع لمروة .
صفوت " بعصبية " : اسكت واخرس خالص ، امشي من قدامي يلا .
تتغير ملامح ممدوح وينفعل ويبدأ في تكسير محتويات الفندق !!!
يحاول الموجودين و افراد امن الفندق السيطرة عليه دون جدوي !!!
في دقائق تصل قوة من الشرطة تلقي القبض عليه ، ويذهب معهم صفوت بأرادته !!!
في قسم الشرطة
المحقق : يا صفوت بيه انا مش فاهم من كلامك حاجة !! ارجوك فهمني كلامك واحدة واحدة علشان استوعب الموضوع بالكامل .
يبدأ صفوت في سرد ما حدث منذ خديعة هدير له والزج به في المصحة النفسية حتي تم القبض عليه وعلي ممدوح .
المحقق : يعني انت وممدوح هربانين من مصحة نفسية ؟؟
صفوت : ايوه ، لكن انا زي ما قولتلك اني مش مريض و ان سليم مدير اعمالي هو السبب في دخولي المصحة عن طريق علاقاته .
المحقق : مفيش مريض نفسي بيقول علي نفسه مريض .
صفوت : كنت ممكن علي الاقل هربت من الفندق قبل ما توصلوا !!!
المحقق : دلوقتي الاجراء اللي هعمله اني اسلمكم للمصحة اللي كنتوا بتتعالجوا فيها وهناك يقرروا اذا كنت تكمل علاج او تمشي .
صفوت : انا لو رجعت هناك مش هخرج من هناك ابدا بسبب سليم !!!
المحقق " بعصبية " : يعني ايه ؟؟ هيحجزك بدون ما تكون مريض ؟؟!!
صفوت : ايوه ، هي دي الحقيقة .
المحقق : الحل انكم تتعرضوا علي مستشفي حكومة وفيها الدكاترة يقرروا اذا كنتم مرضي او لأ ، ولو كنتوا مش مرضي هتكونوا مجبرين تدفعوا كل التلفيات اللي حصلت في الفندق .
صفوت : وانا موافق يا فندم ، لكن انا كمان لازم اوصل لحسن اللي قولت لسيادتك عليه علشان دلوقتي شركتي وفلوسي كلها معاه .
المحقق : دي بسيطة ، حسن دلوقتي معاه الفلوس والعقود والعربية واكيد مش عارف يستخبي فين !! ، فيه منشور باسمه ورقم العربية هتتوزع علي الفنادق والاكمنة الشرطية وخلال ساعات هيكون تحت ايدينا .
بعد ايام
في مكتب محقق الشرطة
المحقق : ايوه يا حسن عايزك تحكيلي كل حاجة .
حسن : اقول ايه يا فندم ، كل حاجة قدام سيادتك .
المحقق : ده انت عليك قضايا ملهاش حصر في مصر وبره مصر !! كل دي قضايا ؟!!!
حسن : يا فندم انا مظلوم .
المحقق : سيبك من نغمة انت مظلوم دي علشان مفيش منها فايدة ، انت دلوقتي لازم تتكلم وتقول كل حاجة بصراحة يمكن اقوالك تفيدك وتخفف عنك الاحكام شوية .
حسن : عايز تعرف ايه يا فندم ؟؟
المحقق : عايز اعرف انت ليه و ازاي اقنعت مراتك وكل اللي حواليك انك مجنو.ن علشان يدخلوك المصحة ؟؟
حسن : يا فندم انا كان عليا قضية برة مصر علشان كده رجعت بسرعة وجاتلي فكرة المرض النفسي لما قابلت زهدي صديقي من ايام ثانوي ولما قولتله مشكلتي قالي لازم يكون الموضوع شكله حقيقي ، وبدأت امثل علي مراتي موضوع التهيؤات لحد ما اقتنعت وكل اللي حوالينا اقتنعوا اني مريض تهيؤات وبعدها دخلت المصحة .
المحقق : وموضوع صفوت ؟؟
حسن : صفوت لما دخل المصحة وقال حكايته كانت فرصة بالنسبالي علشان اخد كل اللي اقدر عليه خصوصا انه كان غني اوي ، واهرب بره مصر ومرجعش تاني .
المحقق : وزهدي كان عارف انك هتنصب. علي صفوت ؟؟
حسن : ايوه ، وهو اللي سهلنا الهروب من المصحة وانه يبان بشكل طبيعي .
المحقق : يا ولاد ال....... !!! ، وليه طلبت من ممدوح انه يتخلص من طليقتك و جوزها وياخد بناتك ؟؟
حسن : انا اتصدمت لما عرفت انها استغلتها فرصة واتطلقت مني واتجوزت مدرس البنات علشان كده كنت عايز انت.قم منهم واخد بناتي يسافروا معايا .
المحقق : احب ابشرك يا حسن ان مجموع القضايا اللي عليك محتاج اد عمرك عمرين تلاته علشان تتحبسهم ، يعني عمرك ما هتخرج من السجن. !!!
بعد ايام
المحقق : فعلا يا صفوت بيه كلامك طلع مظبوط والاطباء اثبتوا سلامتك ، لكن ممدوح محتاج رعاية طبية لفترة .
صفوت : وحسن عملتوا معاه ايه ؟ وشركتي يا فندم هترجعلي ولا لأ ؟
المحقق : شركتك وفلوسك بالفعل رجعولك ، و حسن طلع نصاب محترف يا صفوت بيه والقضايا اللي عليه هتخليه يكمل حياته في السجن !!
صفوت : وهدير وسليم ؟؟
المحقق : هيتحاكموا بتهمة الاحتيال ، والمصحة النفسية اتقفلت والدكتور هيتحاكم .
صفوت : كان ليا رجاء عند سيادتك .
المحقق : اتفضل .
صفوت : كنت عايز اتولي مهمة علاج ممدوح في اي مستشفي خاصة لأنه انسان طيب جدا ، حتي لو هسفره بره علي حسابي المهم انه يخف او علي الاقل يقدر يعيش حياته بشكل قريب من الطبيعي .
المحقق : ممكن لو انت وقعت علي اقرار انك هتتولي مسئولية علاجه .
صفوت : موافق يا فندم .
في المستشفي
يلتقي صفوت بممدوح الذي يبدو عليه الحزن !!
صفوت : مالك يا ممدوح ؟؟
ممدوح : انا مش عايز اقعد هنا ، انا عايز ارجع لمروة .
صفوت : حاضر يا دوحه ، هنروح لمروة حالا .
في منزل ممدوح
تتفاجئ مروة بممدوح امامها ومعه رجل غربب " صفوت " .
بمجرد ان يراها ممدوح : وحشتيني اوي يا مروة .
مروة : حمدلله ع السلامة انت كونت فين يا حبيبي ؟؟ انا روحتلك المصحة عرفت هناك انك هر.بت !!
ممدوح : ايوه هر.بت علشان ارجعلك .
صفوت : علفكرة ممدوح بيحبك اوي !! انتي ليه اتطلقتي منه ؟؟
مروة : اتطلقت !!! مين قال كده ؟؟ انا مش اتطلقت منه ، انا بحبه جدا ومستحيل افكر اتطلق منه !!!
صفوت " بذهول " : معقول ؟!!!!!
مروة : فيه ايه حضرتك انا مش فاهمة حاجة !!!
يضحك صفوت : تقريبا الكلام اللي قاله الدكتور كان من ضمن خطة حسن .
مروة : حسن !!! حسن مين ؟؟
صفوت " يضحك " : لأ ده موضوع كبير مش وقته خالص ، المهم ان ممدوح رجعلك ، خلي بالك منه وانا هراعي حالته واحاول اسفره يتعالج في اوروبا في اقرب وقت .
مروة " تضحك " : انا عرفت ممدوح كده وحبيته كده ، مش فارق معايا يتعالج او لأ .
انتهت .
مع تحياتي / عادل عبد الله
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا