رواية خائفه بدون ذنب كامله بقلم زينب مجدي حصريه في مدونة قصر الروايات
رواية خائفه بدون ذنب كامله بقلم زينب مجدي حصريه في مدونة قصر الروايات
دي آخر رساله هبعتهالك ولو مردتيش عليا.. هتلاقي صفحه بإسمك وعليها نفس الصورة إللي إنتي حطاها...هيكون عليها صور ورسايل مش كويسه..هتتبعت لجوزك ولولدك واخوكي
..... أنا قرأت الرساله دي من هنا وقلبي وقع في رجليا
في حد بقاله فتره بيبعتلي رسايل. ومصصم إني أكلمه وكل ما أعمل حظر يبعتلي من صفحه تاني
قعدت اعيط أنا حاسه إني وحيده أوي. ..جوزي دايما بيسافر كتير...وده خلا إللي يسوي واللي ما يسواش يبعتلي رسايل زي كده
عملت اسكرين شوت للرساله وبعتها لجوزي
أنا من أول رساله ابعتتلي وأنا بعمل اسكرين شوت وابعت الكلام ده لجوزي...
جوزي قرأ الرساله ورن عليا
سليم... إيه يا سميه الواد ده بعتلك تاني
سميه..... أنا خايفه أوي يا سليم... ممكن بجد يعمل صفحه بإسمي
سليم....متخافيش هو مش هيقدر يعمل حاجه
سميه.... طيب يا سليم اتصرف.. أعمل أي حاجة
سليم.... أعمل إيه يعني ياسميه
سميه.....هو أنا إللي هقولك تعمل إيه
سليم... طيب سلام دلوقتي وأنا هتصرف
قفلت مع جوزي وأنا قاعده بجد خايفه...بس إللي مطمني شويه إن جوزي عارف كل حاجه من أول رساله
شويه ولقيت رساله ابعتتلي تاني
روحتي قولتي لجوزك وخلتيه بعتلي طلب صداقه ماشي متزعليش بقي من إللي حيحصل
.. هو ده اللي قدرت عليه يا سليم بعتله طلب صداقه... أستغفر الله العظيم يا رب...رنيت عليه. ورد عليا
سميه.... إنت رايح تبعتله طلب صداقه يا سليم...بدل ما تدخله تشتمه وتهزأه
سليم... أنا هعملك ايه يعني يا سميه مش إنتي إللي قولتيلي أتصرف
سميه....ما تعملش يا سليم أنا هتصرف هقول لأحمد أخويا ممكن يعرف يتصرف
في الوقت ده وأنا بكلم جوزي جاتلي رساله تاني بس أنا تجاهلتها وكملت المكالمه
سليم..... خلاص ماشي قولي لأحمد ممكن يعرف يتصرف. سلام
.....موقف جوزي ده دايقني أوي...بس تجاهلت شعوري ودخلت شوفت الرسالة..لقيته كاتب
بدل ما إنتي قاعده بتكلمي جوزك كده ردي عليا شوفي أنا عايز منك إيه
....قرأت الرساله...واعصابي تعبت اكتر...قررت ابعت لأخويا
هو ممكن يتصرف...بس لقيته مش فاتح نت... أخويا السنه دي سنويه عامه ومش بيفتح كتير... وأنا خايفه اشغله عن مذكرته...يارب أقوله ولا لأ... سيبت التليفون من ايدي وقومت أجهز غدا لإبني دلوقتي هييجي من الحضانه
قومت جهزت الغدا. وأنا بجد متوتره...مكنتش متخيله إني في يوم من الايام اتحط في موقف زي ده... أنا عمري ما اتكلمت مع شاب... وطول عمري حاطه حدود في التعامل مع أي حد... ليه كده في حد ممكن يدايق أو يأذي حد..ليه الناس تأذي بعضها.... قطع تفكيري حضور إبني من الحضانه وحماتي طلعت معاه..تشوفني أنا منزلتش ليه انهارده
حماتي....منزلتيش يعني انهارده يا سميه
سميه....بطني بتوجعني يا ماما ومقدرتش أنزل
أنا مكدبتش أنا فعلاً لما بتوتر بطني بتوجعني
حماتي....طيب عندك برشام مغص ولا ابعت حد من العيال يجبلك
سميه.... أنا هدخل أشوف برشام عندي جوه...تعالي إنتي أدخلي اتغدي معانا
حماتي.... لأ مش جعانه
سميه..... لا والله لازم تدخلي تتغدي معايا
دخلت حماتي وحطيت الغدا وقعدنا نتكلم شويه في أمور عامه...التوتر إللي عندي خف شويه لما بطلت تفكير في الموضوع...اتغدت حماتي ونزلت تحت... وأنا فكرت مع نفسي وقولت همسح الماسنجر خالص علشان اريح دماغي من وجع الدماغ ده....وبصيت لقيت جاتلي رساله تاني
هو أنا ليه كل ما أكلمك من صفحه تعمليلي حظر
ما تكلميني وشوفي أنا عايز إيه
لو رديتي عليا بالليل هقولك أنا مين... وياريت متعمليش حظر
..... أخدت اسكرين شوت وبعتها لجوزي طبعاً وعملت حظر
سليم....طيب ردي عليه وشوفي هو مين
سميه بصدمه..... طبعاً لأ مش هرد عليه
سليم....ماهو إنتي هتعرفي هو مين ومش هتكلميه تاني
سميه.... طبعاً مش هكلمه.... أفرض إنهم شباب فاضيه وعاملين رهان علشان يشوفو أنا هرد ولا لأ
سليم.... خلاص اعملي إللي إنتي عايزاه
سميه....قولي هو الماسنجر بيتقفل إزاي وأنا هقفله واريح دماغي
سليم.. مش عارف والله قولي لأحمد اخوكي هتلاقيه عارف
سميه... خلاص ماشي أنا هكلمه
قفلت مع جوزي وفتحت واتس لقيت احمد فاتح بعتله ..وبعد السلامات قولتله
لو عايزه أقفل الماسنجر يا أحمد أقفله إزاي
احمد.....هتقفليه ليه في حاجة ولا ايه
فكرت شويه أقوله ولا لأ وبعدين قررت أقوله
في حد كل شويه يبعتلي رسايل ومدايقني
احمد..... رسايل زي إيه
سميه.....استنا أنا عملالها اسكرين شوت هبعتهالك
بدأت ابعتله الرسايل
أول واحده
إيه يا أم سفيان جوزك هنا ولا مسافر. لو سافر ردي عليا نتكلم مع بعض...ونتعرف
تاني رساله
عملتي حظر ليه يا أم سفيان... أنا عايز نتعرف وإنتي كده كده جوزك مسافر... وصدقيني مش هيعرف حاجه
تالت رساله.. كان بعتلي رقم تليفوني.. وبيقولي
مش رقمك ده علشان تعرفي لو عايز اوصلك هوصلك
ردي عليا ومتعمليش حظر تاني
ورسايل تاني كثير أوي
احمد.... ابعتيلي اللينك بتاع الصفحه إللي بعتلك منها
سميه .... أنا مش عارفه أجيب اللينك ده إزاي.. وبعدين أنا عمله حظر
احمد.....فكي الحظر..وادخلي على الصفحة هتلاقي تلت نقط كده علي جمب فوق..دوسي عليهم هتلاقي في كلام تحت دوسي عليه وانسخيه وابعتهولي
سميه.... ماشي..بس إنت هتعمل ايه
احمد.....هشوف واحد بيهكر تليفونات وهروحله وأعرف هو مين ده... وأنا هتصرف
سميه....ماشي..عملت زي ما قالي وقعدت...لقيت جتلي رساله خلتني هموت من الرعب
أنا ساعة بالظبط وهتلاقيني واقف قدام البيت
يتبع......
خايفه بدون ذنب...... الفصل التاني
من ساعة ما قرأت الرساله وأنا ميته من الرعب
عملت اسكرين شوت بسرعه وبعته لأخويا
رد وقالي متخافيش هو بيهددك بس علشان تردي عليه
هو ميقدرش يعمل حاجه متقلقيش
اطمنت شويه بعد ما اتكلمت مع أخويا.. واكتر حاجه مطمناني إن جوزي واخويا عارفين كل حاجه
عدا الوقت عليا ببطئ شديد وأنا خايفه...مش عارفه أنا خايفه ليه.. أنا معملتش حاجه علشان أخاف كده
عدت الساعه إللي قال عليها والحمد لله محصلش حاجه وعدت كمان ساعة حسيت إني اطمنت شويه واخدت إبني ونزلت عند حماتي أجهز العشا... اندمجت في الكلام معاها وعدا الوقت وجه حمايا وأخو جوزي من الشغل
وقعدنا اتعشينا كلنا وشربنا الشاي وأخو جوزي اخد إبني وخرج يمشيه شويه
............... ............... ...........
في مكان آخر
احد الاشخاص.....بنت التييييت ولا في دماغها ولا خافت ولا قالت حتى اشوف هو مين...وكل ما ابعتلها من صفحه تعمل حظر....هجبلها صفح أد إيه دي... فضلت واقف قدام بيتهم اد ايه إنها تبص حتي ولا فضولها يخليها تقول أشوف هو مين
صديقه.....قولتلك يا ابراهيم إن هي واحدة محترمه وملهاش في الكلام ده
ابراهيم... .مش كلكم عمالين تقولو عليها محترمه طب إيه رأيك إني هوريك محادثات ليها قريب
صديقه.... طالما جوزها عرف أبعد أحسن يحصلك مشاكل
ابراهيم.... أنا مش قلقان من جوزها خالص...بس أخوها دخل شتمني وقعد يغلط فيا وقالي هجيبك يعني هجيبك
صديقه....كمان أخوها عرف.... أنا من رأيي إنك تسيبك منها بقي
ابراهيم..... أنا ههدي اللعب شويه اليومين دول ...بس هثبت ليكم كلكم إن أي واحدة مهما قولتو عليها محترمه ليها طريقه تيجي بيها
..................... ........ ................
في شقة سميه
كانت تحدث أخوها على الواتساب
احمد.....روحت لصاحبي إللي قولتلك عليه والصفحة طلع مفيش عليها أي معلومات
سميه.. خلاص أنا همسح الماسنجر خالص واريح دماغي من وجع الدماغ ده
احمد... يبقي أحسن برضه
سميه.. طيب امسحه إزاي
احمد....هتدوسي على الماسنجر هيجيلك إلغاء تثبيت دوسي عليه
سميه... ماشي شكرا يا احمد تعبتك معايا
احمد....ولا تعب ولا حاجه المهم خلي بالك من نفسك
يتبع....
خائفه بدون ذنب.... الفصل الثالث
سليم..... سميه أنا راجع انهارده
سميه بفرحه.... بجد تيجي بالسلامه يارب...هتوصل إن شاء الله علي أمتي
سليم....علي الفجر إن شاء الله
سميه..... توصل بألف يارب
سليم.... سلام بقي علشان بجهز الشنطه بتاعتي
سميه.. مع السلامه
............... .... . ............. .....
في منزل والد سميه
تدخل والدة سميه علي احمد وتراه وهو لا يذاكر ويلعب بالهاتف
والدته... يا إبني دا إنت سنويه عامه وامتحاناتك بعد كام يوم قوم أمسك كتاب وذاكر كلمتين ينفعوك
احمد.... متقلقيش يا أم أحمد إبنك مسيطر
ام احمد....مسيطر.....دا إنت من أول السنه مفتحتش كتاب
ربنا يستر... أبوك عايز يدخلك كليه حلوه وإنت مش مساعده ولا بتذاكر خالص
احمد.... أنا خلاص أخترت المجال إللي هدخله.. ومش محتاج مجموع كبير
أم أحمد... ونويت تدخل إيه إن شاء الله
احمد....هدخل المعهد العالي للفنون المسرحية
....صدمت أم أحمد مما سمعت وكادت أن يغمي عليها ولم تنطق بكلمه واحده... وخرج والده من الغرفه بعدما سمع ماقاله والده
والدة بغضب.... إنت قولت عايز تدخل إيه
احمد بقوة مزيفه....لو سمحت يا بابا ده هدفي ومتحاولش إنك تلغي شخصيتي ده قراري وده اختياري... أنا صوتي حلو وبعرف أمثل كويس...سيبني اخد فرصتي واطلع على وش الدنيا زي الناس إللي طلعت
وفجأة سمعو صوت ارتطام شئ في الارض...وكانت أم أحمد فقدت الوعي بعدما سمعت كلام ولدها
اسرعو إليها يحاولون افاقتها... وبعدما استردت وعيها بدأت تبكي
احمد.... بتعيطي ليه بس يا ماما
أم أحمد.... خايفه عليك من الطريق إللي إنت ماشي فيه
احمد.... طريق أي بس يا ماما...هو إنتو ليه مش عايزين تساعدوني أنجح واتشهر
أبو أحمد.... النجاح الحقيقي في الدنيا إنك تفوز بدينك وتحافظ عليه....والمجال إللي إنت عايز تدخله ده..مفيش فيه محافظة على الدين
احمد.... إزاي بس يا بابا... التمثيل مش حرام..ومعظم الممثلين مسلمين
أبو أحمد....طيب ممكن نأجل الموضوع ده لبليل نتكلم فيه
علشان والدتك دلوقتي تعبانه
احمد.....ماشي يا بابا.. أنا خارج عايزين حاجه
أبو أحمد.... أخرج يا أحمد ربنا يصلح حالك
........... ............. ................
في منزل حما سميه...كانت مجتمعه سميه وحماها وحماتها
وسالم أخو سليم التوأم
سالم... يا جماعه أنا قررت أخطب
والدته بفرحه... بجد يا سالم أخيراً قررت تفرح قلب أمك
والدة..... ومين سعيدة الحظ إللي خلتك تغير رأيك وتتجوز
سالم.....بنت رمضان مدكور
سميه بفرحه.....رانيا صاحبتي
والدة سالم بعوجة فم.....وايه إللي عجبك فيها يعني دي سنها
كبير ييجي ٢٤سنه ما تشوفلك واحده ١٧ولا١٨سنه ...دي بايره
سالم.. هي سنها مناسب جدا لسني أنا عندي ٢٨سنه هاخد واحده صغيره ليه... وبعدين إيه بايره دي...البنت كانت بتتعلم
وأخلاقها بسم الله ماشاء الله...كل الناس بتشكر فيها...ولا ايه يا أم سفيان
سميه..... والله أنا من رإيي إنك مش هتلاقي في ادبها ولا احترامها
حماتها.....وسنها ياست سميه مش كبير
سميه.... لأ مش كبير ولا حاجه هو هو نفس السن إللي بيني وبين سليم.... سالم وسليم توأم وأنا ورانيا نفس السن
حماتها....بس لما خدناكي كان عندك ١٨سنه مش ٢٤
سميه....بس هي كملت تعليمها وأنا مكملتش
والد سالم.....مفيش حد بقي بيفكر كده يا حاجه....البنت سنها مناسب جدا لإبنك.... وأهم حاجه إن سالم مختارها على اقتناع منه
سالم..... أنا صليت استخاره كذا مره وفعلاً مرتاح جدا
والدة.....يبقي على بركة الله
والدته..... يعني ايه يعني أنا مليش رأي...يعني كلمتي ملهاش لازمه....طيب روحو لوحدكم بقي ولما أهل العروسه يسألوكم فين أم العريس يبقي قوليلهم مش موافقه...وتركتهم وذهبت
................... ................. ...........
كان احمد في الشارع هو وأحد أصدقائه يتحدثون
صديقه..... مالك كده زعلان ومهموم ليه
احمد....قولت لأبويا وأمي إني عايز أمثل وأمي أغمي عليها وابويا زعل
صديقه.....مين إللي قالك تقولهم دلوقتي...كنت استنيت لحد ما نقدم ونحطهم قدام الأمر الواقع
احمد....نحطهم قدام الأمر الواقع إزاي يا سيف مينفعش
سيف.... طيب طالما عرفو مش هيسبوك في حالك وهيخلوك تغير رأيك....وكأنك عيل صغير ملكش رأي وهيمشو كلمتهم عليك
احمد.....يا إبني أنا هحاول اقنعهم.... وبعدين أنا برده خايف على زعل أمي وابويا دا ممكن يتبرو مني
سيف.... معظم الفنانين أهلهم اتبرو منهم في الأول ولما الفلوس جريت في ايدين عيالهم رجعو تاني يستسمحوهم علشان يعيشو معاهم في العز إللي هما عايشين فيه
سيبك منهم دول مش عايزين مصلحتك مش عايزينك ناجح ومشهور ولو اتبرو منك بكره ييجو يبوسو إيدك لما تنجح
يتبع.......
خائفه بدون ذنب..... الفصل الرابع
كنتي مقصره الطرحه بتاعتك أوي انهارده ياريت تطوليها علشان أنا مبحبش حد يبصلك
كتب ابراهيم الرسالة دي وبعتها لبسمه
صاحبه....بتوقع واحده جديده
ابراهيم.... لأ واحده قديمه.....بسمه
صاحبه.....هي مش قفلت الفيس بتقول
ابراهيم..... أنا بعتلها على الواتساب...هي فاتحه الفيس مقفلتوش....هي قفلت الماسنجر بس
صاحبه.....ياعم في أحلي منها كتير وبعدين دي بتمشي زي الشاويش...مش عارف إنت حاططها في دماغك ليه
ابراهيم.....هو أنا حاططها في دماغي علشان هي حلوه لأ طبعاً.... وقعت إللي أحلي منها ميت مره....بس كل الناس عماله تقول محترمه وبتحلف بأخلاقها.. أنا بقي هوري للدنيا كلها إنها زي كل البنات... بكلمتين وشويه اهتمام هوقعها
وكمان جوزها مسافر على طول يعني الاهتمام هيجيب معاها نتيجة
صاحبه....يلا ادينا بنتسلي
............ ............. ..............
عاد احمد إلي المنزل ودخل في غرفته لا يريد أن يحدث أحد الآن فكلام صديقه أقنعه تماماً
كانت والدته في غرفتها تقيم الليل وتدعو الله وتتضرع إليه
أن يبعد ابنها عن هذا الطريق... فكم من معجزات حدثت بسبب قيام الليل.. وكم من مستحيلات هزمت أمام قيام الليل
عاد والد احمد من الخارج وجد اضائه غرفة إبنه مضائه فذهب إليه وطرق الباب وأذن له احمد بالدخول
والد احمد....فاضي يا إبني أدخل أتكلم معاك شويه
احمد.... اتفضل طبعاً يا بابا
والدة بهدوء.....هو إنت فعلاً يا إبني عايز تدخل المجال ده
احمد....يا بابا والله المجال ده في ناس محترمين... ومش زي ما حضرتك فاهم
وأنا يا بابا نفسي أكون مشهور...نفسي أمشي في الشارع الناس تكون عرفاني... نفسي أبقي مشهور... وبعدين يا بابا التمثيل مش حرام
والده..... ربنا يجعلك من مشاهير أهل الأرض...ومن مشاهير أهل السماء....بص يا إبني.. إنت دلوقتي لما تقف قدام واحده
وتكون مثلاً أمك ولا أختك في الدور إللي هتعمله.. وجيت بوست على ايدها ولا دماغها.... طبعاً ده اكتر مشهد محترم ممكن تشوفه ....شوف بقي إنت عملت كام حاجه حرام
رفعت عينك وبصيت لواحده اجنبيه عنك.... وربنا أمرك بغض البصر....
مسكت أيد واحدة...والرسول قال لأن يطعن أحدكم بمخيط من رأسه خير من أن يمس امرأه لا تحل له
شايف مشهد بسيط خالص شيلت عليه ذنبين إزاي
وياريت كل المشاهد كده بس ده في تجاوز كبير أوي أوي يا إبني عند الناس دي
بيشربو ما حرمه الله...وبيلبسو ما لا يرضي الله...وبيتعاملو مع الناس من فوق كأن هما مخلوقين من طينه وباقي البشر مخلوق من طينه تاني ... طبعاً مش كلهم كده بس الأغلبية كده
احمد....بس أنا لما أدخل يا بابا هعمل لنفسي حدود وبعدين إنت مربيني وعارفني أنا مش هعمل حاجه تغضب ربنا
والدة.... المشكلة يا إبني إنك علشان تدخل هيقولك لازم تقدم تنازلات...والمصيبه إن التنازلات دي هتكون في الدين
وبعدين إنت دلوقتي علشان بعيد عن الفتن شايف إنك تقدر تمسك نفسك ومش هتعمل الحرام
انما لما تدخل جوا الموضوع وتلاقي إن كل الحرام عادي هتحس إن أنت إللي غلط...شيطانك مش هيسيبك تخرج بسهوله.... هتلاقي نفسك من غير ما تحس بتعمل كل الغلط
تحضر حفلات واعياد ميلاد وإنت عارف إنه حرام تسهر مع بنات..وتشرب إللي ربنا حرمه... وإنت شايف إنه عادي
واحده من المعجبين لما تشوفك تجري عليك تحضنك وإنت هتكون عادي برضه... وواحدة واحده هتحس إن أهلك دول مش من مستواك...هتتكسف حد يشوف أبوك وهو لابس الجلبيه..وهتتكسف حد يشوف أمك وهي لابسه الخمار
وهتاخد الدنيا إللي إنت كنت عايزها وهتخسر الاخره إللي كان المفروض تحضرلها
هتعيش في الدنيا ٣٠او٤٠سنه مشهور وبتعمل الحرام
وهتدفع تمن كل ده وإنت قاعد في تربتك لوحدك ملكش ونيس غير عملك....شوف بقي هتفضل في التربه كام ألف سنه لحد ما القيامه تقوم..... وبعد ما نتحاسب وكل واحد يعرف هو هيدخل إيه...شوف هتقعد كام سنه في النار بتتحاسب على إللي عملته....شايف إنت إن الشهره تستاهل كل العذاب ده
احمد... أنا طبعاً نفسي أدخل الجنه ونفسي جسمي ميلمس الناس....وفي نفس الوقت عندي طموح وهدف نفسي أوصله
والدة....محدش يا إبني وقف قدام هدفك...بص مش إنت صوتك حلو....افتح قناه على اليوتيوب ونزل فيديوهات ليك وإنت بتقرأ قرءان.....اقرأ كتب كتير عن النبي والصحابه
ويبقي أعمل فيديوهات احكي فيها الناس دي تعبت إزاي علشان الدين يوصلنا...
ويبقي عندك عداد للحسانات الجارية إللي تنفعك في حياتك وتنفعك بعد مماتك
احمد بأمل....حلوه فكره اليوتيوب دي... أنا هعمل قناة
والده.... لأ يا حبيبي مش دلوقتي لما تخلص امتحانات
المهم فكرة التمثيل دي شيلتها من دماغك
احمد..... لأ يا عم ربنا يبعدنا عن الذنوب ويقربنا من الحسنات
والدة..... الحمد لله... المهم تخلص النيه لله... علشان الثواب يوصل كامل
............. .............. .................
نام الجميع وهم سعداء...واستيقظو على يوم جديد يحمل الكثير
عاد سليم زوج بسمه في الفجر كما أخبرها
وظل احمد يذاكر طوال إلليل وهو سعيد فهو يقترب من حلمه ولكن بطريقة ترضي الله....ظل يذاكر حتي يحصل على مجموع كبير يفرح به والديه ويستطيع أن يدخل كليه جيده
وصلي الفجر ونام
استيقظ سليم على صوت بسمه وهي تناديه
سليم.....سبيني نايم كمان شويه
سميه....يلا بقي علشان صلاة الجمعة هتفوتك
سليم....هي الساعه كام
سميه....١١.٥
سليم..... إيه ده الجمعه خلاص هتبدأ مصحتنيش من بدري ليه
سميه..... أنا بصحيك بقالي ساعه....وسفيان عايز يدخلك من الصبح ومن مسكاه بالعافيه
سليم..... سفيان حبيبي هو فين وحشني
سميه.....بيلعب بره اهه....يا سفيان...ياسفيان...بابا صحي
دخل سفيان بسرعه وحضن سليم.... بابا وحشتني
سليم.... إنت إللي وحشتني يا قلب بابا
سفيان.....جبتلي الشيكولاته والمانجا والعصير
سليم.....جبتلك الشيكولاته والمانجا. يبقي نعملها عصير
سميه....يلو بقي علشان تلحقو الصلاة وأنا نازله أجهز الغدا
نزلت سميه للأسفل كي تقوم بتجهيز الغداء أوقفها سالم وسألها
إيه يا أم سفيان كلمتي رانيا وشوفتي رأيها قبل ما نروح نتقدم
سميه بخيبة أمل..... للأسف يا سالم رفضت
سالم بصدمه.... إيه.. طب ليه
يتبع.......
خائفه بدون ذنب..... قبل الاخييييير
قرأت سميه الرسالة وعملت حظر للرقم....واكملت يومها
سالم....هي مقالتش أي أسباب
سميه.... والله يا سالم هي قالتلي إنها بتحضر في الماجستير وعايزه تكمل ومش عايزة حاجة تعطلها عن التعليم
سالم....ماهي ممكن تكمل وهي متجوزه
سميه....مش عارفه بقي...بس إنت شوف غيرها هي مش بتفكر في الجواز دلوقتي نهائي... حاطه لنفسها هدف وعايزه توصله
سالم....ربنا يوفقها وتوصله...معلهش بقي يا أم سفيان تعبتك معايا
.............. ................. .............
عند ابراهيم كان يغلي من الغضب وقرر أن لا يتركها حتي تقع تحت يديه
وترك لها رساله مجدداً من رقم مختلف
لو عملتي ألف بلوك....قلبي هيفضل يحبك...حتي لو إنتي بتصدي الحب ده
صديقه.....يا إبني سيبها بقي طالما هي ملهاش في كده
ابراهيم.....قولتلك ميت مره يا محمود إن مفيش بنت ملهاش في كده كلهم زي بعضهم
صديقه.....حتي أخواتك البنات برده كده
ابراهيم بإنفعال.... إنت اتجننت في عقلك ولا ايه يا محمود.... أخواتي البنات مفيش في احترامهم...دا أنا مش بخلي واحده منهم تشوف الشارع...تقولي أخواتك البنات
محمود....طيب اهدي مالك انفعلت كده
ابراهيم....ماانت ضايقتني دي لو واحده فيهم بتكلم ولد كنت قتلتها وقتلته
محمود وهو خائف من داخله من غضب ابراهيم....طيب سيبك بقي من السيره دي وتعالي نفك شويه
.............. ..... ............
في منزل والد سميه
والدة سميه...... الله اكبر.اللهم صلي على النبي عليك يا احمد
بقيت مش بتسيب الكتاب
احمد..... أنا ناوي اشرفكم بيا قدام الدنيا كلها... دعواتك إنتي بس يا حاجه
والدته...... بدعيلك ليل ونهار.ربنا يجعل دعائي ليك من نصيبك
احمد.... أدعي واعملي أكل...دول أهم عاملين في المذاكرة
أنا سنويه عامه ومحتاج اتغذي
والدته..... إللي أعرفه إن إللي سنويه عامه بيكون خايف وملوش نفس للأكل
احمد.....دول العيال الفرافير إللي بيذاكرو من أول السنه
إنما الناس إللي زي حالاتي مفتحوش كتاب من أول السنه
بيبقي نفسهم مفتوحة عادي وبياكلو
والدته.....طيب إيه رأيك بقي إني هعملك عدس انهارده
احمد بخضه مصطنعه.....عدس. إني عايزه تضيعي مستقبلي وتخليني معرفش اذاكر.... متعرفيش إن اللحمة والفراخ والسمك دول بس إللي بيساعدو على المذاكرة
وأي أكل تاني غير كده بيجيب خمول وبيخلي الواحد مش مركز
والدته.....ياراجل....طيب هو عدس مفيش غيره انهارده
ويبقي متذاكرش بقي علشان أبوك ميخلكش تفتح القناه إللي قالك عليها
.............. ..... .....
في شقة سميه
سميه........ إنت لحقت يا سليم إنت يدوب جاي امبارح...هتسافر تاني
سليم.... أعمل إيه بس يا أم سفيان شغلي
سميه.....شغل إيه إللي مفيش فيه راحة ده
سليم.... قوليلي طيب اعمل ايه اسيب الشغل واقعد في البيت
.. اديكي شوفتي الدنيا كانت مزنقه معانا إزاي الفترة إللي قعدت فيها من الشغل
سميه..... إنت لازم تقعد في البيت ما تشوف شغله غيرها
سليم...... إنتي عارفه إني صنايعي في مهنتي ومش بعرف أشتغل غيرها
سميه..... إللي إنت شايفه صح أعمله
سليم....طيب قومي نجهز الشنطه سوا ومتعيطيش
.............. ............... ......
في منزل ابراهيم
قام ليلا وذهب إلى الحمام وأثناء عودته وجد صوت همس يأتي من غرفة أخته وقف يستمع ليصتدم أن أخته تكلم شاب على الهاتف
اقتحم عليها الغرفه.....
يتبع......
سكريبت خائفه بدون ذنب.... الأخير
اقتحم ابراهيم الغرفه على أخته وظل يكيل لها اللكمات ويصرخ بها
ابراهيم بصراخ.....لييييييييه بتعملي كده ليه وظل يضربها بجنون....وهي تصرخ من شدة الألم
استيقظ كل من في المنزل على صوت ابراهيم
والدة.بزعيق....في إيه يا واد إنت إزاي تضرب اختك كده
جرت عليها والدتها واخذتها في أحضانها...واخواتها التفو حولها
ابراهيم.بإنفعال شديد....بنتك بتكلم شباب في التليفون يا حاج...بنتك حاطت راسي وراسك في الطين
اتجه لها والدها بغضب وقال
إنتي فعلا عملتي كده
أخته.....يا بابا والله محمود قالي أنه جاي يتقدملي وكان بيرن عليا يشوفني موافقه ولا لأ قبل ما ييجي
ابراهيم بشك..... محمود مين يا بت
أخته..... محمود صحبك
ابراهيم.....يا ابن التيييييييييييت............موتك وموته على ايدي
والدها.....هو مش عارف إن ليكي رجاله علشان يكلمك إنتي
ابراهيم.... إنت صدقتها... أصلك مش عارف أنا سمعتها بتقول إيه
واتجه نحوها وظل يضربها بكل ما أوتي من قوة ...واتجه ناحية الباب
والدة.... إنت رايح فين
ابراهيم....رايح للكلب إللي عامل صاحبي وهو بيأذيني في أهل بيتي
والدة....هتروح فين في نص الليل كده.... ألنهار له عنين
ابراهيم.....ومين هيجيله صبره لليل
أتجه ابراهيم بسرعه إلي منزل صديقه وترك أخته تصرخ من الالم...ووالدها بجوارها يعنفها.. وأمها تبكي وتندب حظ أبنائها
............... ................. ........
في شقة سميه
سميه.....هتمشي بالليل كده... كنت استنيت لما النهار يطلع
سليم....ما إنتي عارفه مواعدنا علشان نوصل علي ميعاد الشغل على طول
سميه..... استودعك الله الذي لا تضيع ودائعه
سليم.....خلي بالك من نفسك ومن سفيان...ولو أي كلب بعتلك رسايل مترديش واعملي حظر على طول
سميه.... أنا فعلاً بعمل كده
سليم..بإمتنان... شكراً ليكي يا سميه إنك محافظة على إسمي وشرفي....وحافظه بيتي في غيابي
شكراً إنك مستحمله ظروف شغلي
شكراً ليكي إنك مطمناني وأنا بره بيتي إنك هتحفظيني ..في غيابي
سميه.....بتشكرني على إيه بس يا سليم دا واجب على كل مسلمه إنها تحفظ جوزها فى حضوره وغيابه
قبل سليم رأس سميه وذهب إلى إبنه وقبل رأسه ويديه
وغادر إلي عمله
.................... ............... ..........
اتصل ابراهيم بمحمود ليقابله تحت منزله ...ووجده بالفعل تحت منزله...هو وبعض اصدقائه
أقبل عليه ابراهيم وهو غاضب وأمسك في خناقه مباشرة. وبدأ أصدقائهم بالفصل بينهم
ابراهيم...... أنا تعمل في أهل بيتي كده أنا ادخلك بيتي واستأمنك .. وإنت تخوني
محمود....في إيه يا صاحبي دا إحنا دافنينه سوا.....
أفتح تليفونك وشوف البنات إللي عليه
ابراهيم....فيهم حد من أخواتك يا حيوان... جاي تعمل كده مع اكتر بنات محترمين في الدنيا
محمود.... أنا متعلم منك يا صاحبي إن مفيش بنت محترمه وإن كل واحدة ليها طريقه تيجي بيها...مش ده كلامك
ابراهيم.... أختي محترمه غصب عنك إنت إللي شيطان فضلت تلف حواليها لحد ما وقعتها
محمود..... أختك كلمتني بمزاجها... وكانت بتخرج من وراكم معايا بمزاجها....وبعتتلي صورها برده بمزاحها....كان في حد بيضربها على ايدها علشان تعمل كده
أختك هي إللي واحده مش محترمه... أول لما لقيت حد بيضحك عليها بكلمتين حلوين.. بترمي نفسها عليه
فقد ابراهيم أعصابه وافلت من أصدقائه وظل يضرب محمود بغل كبير حتي كسر له ذراعه
حاول أصدقائه الفصل بينهم ونجحو في ذلك.. وأخذوا محمود علي المشفي...
بعدما أنتهي محمود من تجبيس يده ذهب إلي قسم الشرطة وقدم بلاغ في ابراهيم. أنه قام بالتعدي عليه وحاول قتله
وبالفعل تم القبض على ابراهيم .وظل داخل جدران السجن يدفع ثمن ما فعله في بنات الناس
رساله لكل رجل....اتقي الله في بنات الناس ومتقعدش تلف وتدور علشان توقعهم....لوما خدتش حقها في الدنيا...هتاخده في الاخره وعند الله تجتمع الخصوم
رساله لكل بنت..... أي واحد يبعتلك تعملي بلوك على طول
ومش كل واحد بعتلك كلام حلو بيكون فعلاً قصده..دي طريقه بيوقعك بيها...ومتقوليش إن الشخص ده غيرهم...كلهم واحد.... إللي ميخافش ربنا ويبعتلك وعايز يكلمك.... أكيد مش هتكون نيته كويسه
حافظو على نفسكم يا بنات...حافظو على سمعة أهلكم
واتقو الله..لحد ما يجيلك الحلال
في شياطين على هيئة بني ادمين عايشين وسطينا مهمتهم بس يوقعو البنات...
حافظي على إسم أبوك ومتخلهوش يفضل طول حياته حاطط عينه في الارض بسببك
تمت
تعليقات
إرسال تعليق
فضلا اترك تعليق من هنا