رواية العشق الخفى الفصل التاسع 9 للكاتبة حنان حسن حصريه في مدونة قصر الروايات
رواية العشق الخفى الفصل التاسع 9 للكاتبة حنان حسن حصريه في مدونة قصر الروايات
العشق الخفي..الجزء التاسع للكاتبة ..حنان حسن
العشق الخفي الجزء التاسع للكاتبة..حنان حسن بعدما العمدة برئني امام الجميع... وبعد ما اعلن عن خطبتة ليا وقف الجميع في زهول من رد ...
العشق الخفي
الجزء التاسع
للكاتبة..حنان حسن
بعدما العمدة برئني امام الجميع...
وبعد ما اعلن عن خطبتة ليا
وقف الجميع في زهول من رد فعل العمدة
لكن...بعدما فاقت حميدة من الصدمة
سالت اخوها العمدة
وقالتلة..انت مش شوية طلبت ايد نبوية للجواز؟
يبقي ازاي دلوقتي بتعلن عن خطوبتك لعبير؟
في اللحظة دي
رد العمدة
وقالها..ايه المشكلة؟
الراجل ممكن يجمع في عصمتة اربعة من النساء
وانا خطبت اتنين
وهتجوز الاتنين
الا بقي لو واحدة منهم قررت ترفض الوضع دا
وساعتها انا هفسخ خطبتها فورا
وانتظر العمدة يسمع مننا انا نبوية رد
علي كلامة
لكن طبعا نبوية استحالة كانت ترفض او تفسخ خطبتها منه
لانها كانت مستق..&تلة علي جوازها من العمدة
وبالفعل (وافقت فورا)
وانا كمان مكنش ينفع ارفض
او بمعني اوضح
مكنش عندي رفاهية الاختيار
لان عفريت شاكر مكنش هيتركني غير لما اقت...&ل العمدة
وبالرغم من اني مكنتش
متأكدة ان كان العمدة قتل محفوظ اخويا فعلا ولا بريئ من قتلة
لكن كان لازم انفذ اوامر العفريت شاكر و اقتلة في كل الاحوال
و كمان كان لازم اخد بثأري من نبوية واقت...&لها
زي ما قتلت امي
وعشان اقت...&لهم الاتنين يبقي لازم انتظر في دوار العمدة
لغاية ما احقق هدفي
وطالما خطوبتي للعمدة هي الي هتكون سبب بقائي في الدوار
فكانت اجابتي (بالموافقة)
المهم
لما مجيدة وحميدة شافوا موافقتي انا نبوية علي ان العمدة يجمع بينا
استسلموا للامر الواقع
لكن كان واضح ان نبوية (بنت خالتي)
مسلمتش زيهم
لان نظرات الغ..&ل والغي...&رة الي كانت طالعة من عنيها.. كانت بتقول انها ناوية ليا علي نية سودة
لكن انا ساعتها مكنتش قلقانة ولا متدايقة منها
..بالعكس
دنا كنت بقول..
يا مرحب بالمعارك
الي من النوع دا
و قررت كمان اني اعمل كل الي اقدر عليه.. عشان ازيد في غيرتها مني
لجل ما اكيدها وافرسها
وبعدما اتلذذ بتعذ...&يبها
ابقي اقت...&لها
المهم..
بعدما العمدة اصدر تعليماتة ليا انا ونبوية وامرنا باننا نعيش مع بعض في سلام
فجاءة لقيتة
بيوجه كلامة ليا
وقالي...
انا عايز اتكلم معاكي علي انفراد يا عبير
روحي انتظريني في المكتب
في اللحظة دي
تعمدت اني ابص في وجه نبوية.. وابتسم
ابتسامة بارده عشان اغي..&ظها واكي..&دها
وبعدها روحت علي غرفة المكتب الخاصة بالعمدة
وقعدت انتظرة وانا بسال نفسي
واقول. ..ياتري العمدة عايزني في ايه؟
المهم..
بعد مرور دقايق معدودة
لقيت العمدة داخل المكتب وبيقفل الباب عليا انا وهو
في اللحظة دي
كنت مركزه في ملامح وجهة الي كانت وحشاني
ولما بصيت في عنية
لمحت نفس نظرات الحب اياها
لحظتها طلعت في دماغي فكرة مجنونة
وهي اني اسرد للعمدة الحقيقة كلها...من اول ما ايمن اخوه صحاني ليلة الخميس ..وعرفني بوجود العفريت شاكر الي بيطالب بقتل العمدة
لغاية منا واقفة ادامة دلوقتي
لكن...رجعت قولت لنفسي
لا بلاش يابت
هو انا ايه الي اكدلي ان العمدة بريئ من قتل محفوظ اخويا؟
ايوه انا لسة متاكدتش من برائتة
بدليل ان امي كانت قالتلي علي الداء المنيل الي عند العمدة
وممكن كمان يكون عرف ان العصير مسموم و ناويلي علي نية سودة
مينفعش اديلة الامان لان
اكيد العمدة بيكرهني
و بطل يحبني و اكبر دليل علي كده
انه خطب نبوية
واثناء ما كنت شاردة بذهني
سمعت العمدة
بيقولي..
ما تجاوبي علي سؤالي يا عبير ؟
فا رديت وقلتلة...
ايه هو السؤال؟
فا رد العمدة
وقالي...كنت بسألك
وبقولك..
..هو العصير كان فيه س..&م فعلا ؟
فا رديت بتوتر
وقلتلة...هو مش انت قولت ان التحليل اثبت ان العصير مفيهوش اي حاجة؟
فا رد العمدة
وقالي...الكلام الي انا قولتة دا
قولتة عشان احميكي من حميدة ومجيدة..
لكن الحقيقة..
ان نتيجة التحليل لسة مظهرتش
وكمل العمدة في اسألتة
وقالي...
السؤال الي محيرني بقي
هو..
ايه الي يخلي نبوية تتهمك بقت...&ل امك؟
وليه قالت انك قتلتيها بالسم
تحديدا؟
وبصراحة بقي انا شايف ان اصرارها دا بيقول.. انها واثقة من كل كلمة بتقولها
فا بقول يعني لو كنتي مخبية عني حاجة..
ياريت تقوليهالي
بدل ما اعرف اجابة سؤالي من نتيجة التحليل؟
في اللحظة دي
لقيت دموعي نزلت غصب عني
وقلتلة...
(اقسم بالله العظيم انا بريئة)
انا عارفة يا عمدة انك مش هتصدقني لانك بطلت تحبني
وعارفة ان الناس و الظروف كلها ضدي
بس عايزاك تحسبها بالعقل كدا
انا من بعد ما امي ماتت وانا حاسة اني بقيت وحيدة وضعيفة وبتمني اموت واحصلها
يبقي ازاي هقتلها بايدي ؟
وليه هعمل فيها... وفي نفسي كدا ؟
دا امي دي كانت بالنسبالي.....
وطبعا مقدرتش اكمل في الدفاع عن نفسي
لاني افتكرت امي و دموعي غلبتني وفضلت اعيط
في اللحظة دي
لقيت العمدة بيقرب مني وبيمسح دموعي
ورمقني بنفس النظرة الحنينة الي كلها حب
وقالي..
مين قال انك وحيدة ولا ضعيفة؟
لو كنتي فقدتي امك
فا انا لسة عايش
وديما هتلاقيني حماية جنبك ..وسند في ظهرك
في اللحظة دي
استغربت من كلامة ومن حنيتة معايا
اصل دا معناه ...
ان العمدة اعلن خطوبتة مني
قبل ما يتأكد من نتيجة التحليل
يعني قبل ما يتاكد من برائتي
ودا خلاني سالت نفسي
وقلت..
هو العمل بالعشق لسة مفعولة شغال ولا ايه؟
ولما هو العمل لسة شغال؟
ايه الي خلي العمدة يخطب نبوية؟
وايه الي خلاه يحبسني ويرميني في الزريبة؟
بصراحة فضولي كان قاتلني
وكنت هسألة
واقولة..انت ليه خطبت نبوية؟
لكن..
قبل ما اسألة
سمعت خبط علي باب المكتب
ولما العمدة اعطي الاذن بالدخول
شوفت نبوية بتفتح علينا الباب
وهي بتسأل العمدة
وبتقولة..هو الاجتماع طول اوي كده ليه
فا بصلها العمدة بتعجب
وسالها
وقالها..عايزة ايه يا نبوية
فا ردت
وقالتلة..عايزة اكلمك علي انفراد انا كمان
ولا انت مش ناوي تعدل بينا؟
في اللحظة دي
رمقها العمدة بنظرة غضب
وقالها..اخرجي بره يا نبوية ومتجيش غير لما انا اطلبك
فا بصتلي نبوية بغيظ
وقالت..
ماشي يا عمدة
وبمجرد ما نبوية تركتنا وخرجت
فكرت في حيلة اكيدها بيها اكتر
فااقتربت من العمدة
وقلتلة..
ممكن اطلب منك طلب
فا رد العمدة بمنتهي الرقة
وقالي..اطلبي يا عبير؟
فا اتجرأت
وقلتلة..
انا عايزة منك تذكار
اي حاجة من ريحتك
انشلة حتي ولو منديل
فا استغرب العمدة
وقالي..ليه؟
قلتلة..اصل انا من ساعة ما امي ماتت وانا علي طول حاسة بقلق
فا كنت عايزة حاجة من ريحتك
عشان لما اخاف ولا اقلق ابقي اضم منديلك بين ايديا واتونس بيه
في اللحظة دي
ا ابتسم العمدة وهو بيخلع الخاتم من ايده
وقالي...قربي هنا وهاتي ايدك
ولما قربت منة
اتفاجئت انه بيلبسني الخاتم الغالي بتاعة
وبعدما لبسهولي
ضم ايدي عليه
وقالي..كل ما تحسي انك لوحدك ابقي ضمي ايدك علي الخاتم بتاعي
ساعتها هتلاقيني معاكي
في اللحظة دي
فرحت اوي لسببين
اولا
لاني حسيت ان العمدة مازال بيحبني فعلا
وثانيا..لاني لقيت حاجة اكيد بيها نبوية
واخليها تو...&لع زيادة
وبالفعل..اول ما خرجت من عند العمدة وفرجت نبوية علي الخاتم الغالي الي اعطهولي العمدة هدية
لقيتة اتجننت حرفيا
وفضلت تش..&تمني
وتسب فيا في العمدة كمان
وكان واضح ان الغيرة افقدتها صوابها فعلا
لانها فضلت تهرتل بكلام غريب
وقالتلي..العمدة الي انتي فرحانة بيه دا ملوش في النسوان
بدليل انه ق..تل اخوكي بعدما اغت..&صبة
فا رديت ببرود
وقلتلها..لا طبعا مش مصدقاكي
ومتاكدة انك بتكدبي من غيرتك وقهرتك مني
فا ردت بغيظ
وقالتلي...لو مش مصدقاني
انا ممكن اثبتلك صدق كلامي حالا
فا بصتلها بتعجب
وقلتلها..ايوه ايزاكي تثبتي صدق كلامك
في اللخظة دي
اخدتني نبوية من ايدي
وقالتلي...تعالي معايا
وبالفعل..روحت معاها..
ولقيتها منزلاني للبدروم الي في الدوار
واخدتني علي اوضة مقفولة في اخر البدروم
وخلتني ابص من فتحة الشباك الصغير
ولخظتها شوفت ست نحيلة غلبانة ..وواضح انها محبوسة
لان كان في قفل علي الباب بتاعها من بره
ولما نبوية لاحظت استيائي من حبسة الست الغلبانة
سالتني
وقالتلي..
انتي عارفة مين الست الي محبوسة في الاوضة
قلتلها.. تبقي مين دي
فاردت نبوية
وقالتلي..
دي تبقي خديجة الشغالة
هي دي الي شافت العمدة وهو بيقتل اخوكي
وهي الي قالت لامك علي الحقيقة كلها
ويظهر انها اتكلمت مع زوجة العمدة قبل ما تموت
فا فهم العمدة ان خديجة عارفة كل حاجة عنة
فا استغل انها غلبانة و ملهاش حد... و حبسها هنا من يومها
بعدما سمعت كلام نبوية
ناديت علي خديجة من ورا الباب
فا ردت عليا
وقالتلي..انتي مين ؟
فا قلتلها..انا عبير
بنت ام محفوظ
الي انتي شهدتي علي قتلة
فا ردت خديجة
وقالتلي...لا انا مش هتكلم
معاكم
احسن العمدة قالي لو نطقت تاني هيقتلني
في اللخظة دي
اتأكدت ان نبوية مش بتكدب
وعرفت ان العمدة هو الي ق...&تل اخويا بعدما اغت...&صبة بالفعل
وساعتها اقسمت
اني هسقي العمدة مية التنين كلها بايدي
و بالفعل
بمجرد ما خرجت من البدروم
طلعت علي العمدة وزجاجة المية في ايدي
وبمجرد ما العمدة شافني
سالني
وقالي...مالك يا عبير
فا مديت ايدي بزجاجة المية
وقلتلة...مفيش اصل القعدة معاك حلوه
وكنت عايزة اواصل كلامي معاك ..وخوفت لا اخواتك و نبوية يقطعوا عليا
فا ادعيت انك طلبت مية عشان تشرب
وجيبتلك المية وجيت
فا ابتسم العمدة
ومد ايده ليا
وقالي... تصدقي اني فعلا كنت عطشان؟
واخد العمدة الزجاجة الي فيها مية التنين
وشربها كلها ادام عيني
في اللحظة دي
فضلت قاعدة ابص للعمدة
وانتظرت اشوف تأثير المية الي صدعني بيها عفريت شاكر
وفضلت انتظر
وبعدما مرت دقيقة والتانية
وفجاءة...........؟
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا