روايه شمعة الحب لا تنطفى الفصل الخامس 5 بقلم الكاتبة جنات حصريه في مدونة قصر الروايات
روايه شمعة الحب لا تنطفى الفصل الخامس 5 بقلم الكاتبة جنات حصريه في مدونة قصر الروايات
#روايه_شمعة_الحب_لا_تنطفى
#الكاتبة_جنات
»»الفصل الخامس««
الكل يرجعو على القصر ودخلوو فى هدوء تام
والكل عينيهم على زين ومستنين انفجاره
وكارما اللى لسه مصدومه ومش مصدقه اللى حصل وريم وحياه معاها لانهم خايفين عليها
فريده:ايه اللى حصل فى الحفله ده يابابا
توفيق:ايه اللى حصل
فريده:موضوع زين وكارما
توفيق:موضوع عادى جدا ... يلا كل واحد على اوضته .... اطلعو يابنات ارتاحو يلا
البنات مشو وطلعو نص السلم ووقفو لما سمعو حاجه اتكسرت ولفو بسرعه كان زين ضرب ازاز التربيزة بايده كسره وايده اتعورت
حياه جرت على زين ومسكت ايده بخوف:ليه كدا يازين ايدك اتعورت
زين شد ايده من حياه وقرب من جده:انا عايز تفسير للى حصل فى الحفله وبسرعه
عزام:تفسير لايه يازين جدك حدد كتب كتاب يحيي وحياه وانت وكارما الموضوع بسيط
زين بعصبيه:هو ايه اللى بسيط .... وانتو تقررو عنى ليه .... كتب كتاب اختى وانتو عارفين انى مش موافق عليه الوقت ..... وكمان تقررو كتب كتابي ليه ..... هو انت مفكر انك كدا بتحطنى قدام الامر الواقع مثلا
توفيق ببرود:وانت معترض ليه الوقت مانت متكلمتش فى الحفله ولبستها خاتم الخطوبه وكنت خايف على سمعه العيله
زين عالى وهو بيشاور على كارما:انا لو متكلمتش فعشانها هى مش عشان خاطر حد فيكو .... طظ فيكو وفى العيله كلها وفى سمعتها
كارما كانت بتعيط فى صمت
عزام بصوت عالى:زيــــــــن
زين بصوت اعلى:ايـــــه غلط انا فى حاجه .... انا لا بفكر فيك ولا فى العيله ولا فى سمعتها حتى .... كل اللى يهمنى اختى وبس فاهمين
حياه كانت منهارة بسبب حاله اخوهاا
يحيي قرب من زين:زين اهدى وكل اللى انت عايزه هيحصل ولو مش عايز موضوع كتب الكتاب ده مش هيحصل بس اهدى
عزام:هو ايه ده اللى مش هيحصل يايحيي .... الناس كلها عرفت بمعاد كتب الكتاب ومينفعش حاجه تتأجل .... متفكروش فى نفسكو وبس .... فكرو فى سمعه البنات ودول مش اى بنات دول بنات عمكو
يحيي عينه جت على حياه اللى منهارة وزين بص لكارما اللى بتعيط فى حضن ريم
زين ضرب التربيزة برجله وخرج من القصر
حياه بانهيار:زيــــــــن استنى ونبي
حياه لسه هتخرج وراه يحيي مسكها:اهدى ياحياه هو مش هيسمع حد الوقت
حياه بتعيط:ايده بتنزف يايحيي بتنزف
فريده:كل اللى عملته غلط يابابا غلط
توفيق:فريده ... زين مش هيتصلح حاله غير لما يتجوز
تارا:تقومو تختاروله الخرسه دى يتجوزها
يحيي:تاااااارااا
فريده:بتعلى صوتك ليه يايحيي هى قالت ايه غلط .... احنا عايزين نبعدها عن عيلتنا مش تفضل جواها بنت سمر ...... يعنى حضرتك يابابا عشان تصلح حاله ويبطل يسهر ويشرب ويعرف بنات تقوم تجوزه من دى ..... انت مفكر انك كدا هتخليه يقعد فى البيت مثلاا ..... وبعدين ممكن تفهمنى زين هيتعامل مع الخرسه دى ازاى ..... ده كدا هيعرف بنات اكتر يابابا
عزام:لا اكيد مش هيخون بنت عمه وحتى لو خانها مش هتفرق كتير هى تتحمل مسؤليه وعمايل جوزها بقي
كارما كانت بتسمع الكلام وكل كلمه كانها سكينه بتجرح فيها ودموعها اتحجرت جوا عينيها رافضه تنزل تانى
يحيي:انتو بتقولو ايه ..... دى بنت اخوكو ازاى تتكلمو كدا عليها .... وبعدين مين قالكو ان زين بيعرف بنات
فريده:واحد بيسهر ويشرب ويرجع كل يوم على البيت سكران عايز تفهمنى انه مش بيعرف بنات
حياه بصوت عالى:ماهو بسببكو .... انتو السبب
عزام بعصبيه:حــيـــــاه .... صوتك لو على مرة تانيه هقطعلك لسانك ده
يحيي:بابا .... ماتنساش انها خطيبتى وفى يوم من الايام هتبقي مراتى وشايله اسمى ومش هقبل اى حد حتى لو حضراتكو تهينو مراتى مفهوم
توفيق:والله عال اوى .... واقفين تبجحو فى اللى اكبر منكوو ولا كأنكو جايين من الشارع
فريده:ماهو البركه فى الست كارما .... من وقت مادخلت القصر .... ماهى تربيه ست متربيه فى الشارع عايزين منها ايه .... وبعدين انتو زعلانين ليه صح هما لاقين على بعض ... واوى كمان والعامل المشترك بينهم امهم .... هو امه كانت حته موظفه فى الشركه عندنا .... وهى امها كانت بتكح تراب من الفقر اللى عايشه فيه
حياه:كفايه بقي .... كفايه انتو مش بشر .... وامى اللى حضرتك بتغلطى فيها احسن منكو كلكو بمليون مرة
توفيق بعصبيه:حيــــــاه
حياه اتفزعت من صوت جدهااا اللى قرب منها بس يحيي وقف قدامهاا
عزام:متتدخلش يايحيي
يحيي:لا هدخل طبعااا بدافع عن مراتى ..... ده طبعا حاجه حضرتك متعرفهاش لانك سايب اى حد يغلط فى مراتك ام عيالك .... لكن انا مش هسمح بده ..... وبعدين هى مغلطتش بدافع عن والدتها اللى حضراتكو بتغلطو فيها ولو كان زين هنا كان هد القصر ده كله
كارما كانت بتسمعهم كانها فى حلم والرؤيه بتغشش نفسها تصرخ وتدافع عن امها بس صوتها رافض يطلع وخلاص مش شايفه اى حاجه وفجاه اغمى عليها ووقعت من على السلم
الكل اتصدمو لما ريم صرخت باسم كارماا وشافوها واقعه فى اخر السلم
صفاء ويحيي وحياه جرو عليهااا
صفاء:شيلها يايحيي نطلعها اوضتها
يحيي اشتالها وطلعو على اوضتهاا ونيمها على السرير
صفاء:هاتى برفان ياريم
ريم جابته وعطيته ليحيي اللى رش على ايده وقربها من كارما بس بردو مش بتفوق
حياه:انا هكلم الدكتورة
صفاء:بسرعه يابنتى
(بقلم الكاتبة جنات)
=======================
زين خرج من القصر بعصبيه وركب عربيته وفضل يلف بيها وفى الاخر راح لمراد شقته
مراد فتحله:كنت عارف انك جاى
زين دخل ومراد لاحظ ان فى دم على الارض وبص على ايد زين شافها بتنزف
مراد:ايدك مالها يازين
زين قعد على الكنبه:جرح بسيط
مراد:بسيط ايه يابنى انت بتنزف استنى هجيب شنطه الاسعافات
مراد جابها وقرب من زين ومسك ايده وبدأ يمسح الدم:زين ده جرح كبير ومحتاج خياطه
زين:خيطه
مراد:خيط ايه ياعم مافيش بنج
زين بصله:هى اول مرة يامراد ماحنا متعودين اخلص
مراد طلع الادوات وبدا يخيط الجرح ولفه كويس
مراد:اتخانقت مع عيلتك مش كدا
زين:مش عايز اتكلم يامراد لو سمحت انا عايز انام وبس
مراد:طب ادخل الاوضه جوا
زين:لا هنام هنا
مراد قام من على الكنبه وزين مدد عليها وحط ايده على عينيه ونام ومراد كمان طلع ينام فى اوضته
====================
الدكتورة وصلت القصر وطلبت منهم يخرجو وبدات تفوق كارما اللى طلع منها صرخه مكتومه وفتحت عينيها
الدكتورة فرحت:كارما انتى صرختى .... حولى كدا تتكلمى .... كارما حولى ياكارما
كارما بتحاول بس صوتها مش بيطلع ومسكت رقبتها بوجع
الدكتورة:معلش انتى هتحسي بتعب بس حولى .... اكيد عيلتك هتفرح اوى
الدكتورة لسه هتقوم عشان تقولهم كارما مسكت ايدها وشاورتلها بلا
الدكتورة:ليه ياكارما
كارما شاوتلها انها مش عايزة حد يعرف
الدكتورة:اللى يريحك ياحبيبتى بس عايزاكى تحاولى على اد ماتقدرى
كارما هزت راسها باه
الدكتورة خرجت وكارما نامت على السرير وباصه لسقف الاوضه ودموعها نازله بصمت
===========
الدكتورة خرجت وطمنتهم انها اغمى عليها بسبب الضغط ويحيي وصلها والبنات وصفاء دخلو لكارما وشافو حالتها
حياه:انتى كويسه ياحبيبتى
ريم:كارما متزعليش ياحبيبه قلبي
صفاء:سبوها يابنات اكيد عايزة ترتاح
حياه:انا هفضل معاها
صفاء:سبيها ياحياه على راحتها
حياه:لو احتاجتى اى حاجه رنى عليا
كارما بردو باصه لسقف الاوضه ومش بتتحرك
صفاء والبنات خرجو وكارما عيطت جامد واتوجعت لما صوتها طلع وحطت ايدها على بوقها تمنع صوتها
كارما قامت قعدت وبدات تحاول تتكلم واول اسم فكرت تنطقه هو زين
كارما:ز .... ز
كارما كانت بتتوجع جامد بس فضلت تحاول كتير وبعد محاولات كتير اوى:ز ... زيـ...ن
كارما عيطت بس المرة دى من الفرحه واخيرا محدش هيقولها ياخرسه تانى
كارما فضلت تعيط لحد مانامت
================
صفاء والبنات نزلو كان الكل قاعدين
يحيي:سبتوها لوحدها ليه
صفاء:خليها لوحدها ياحبيبي احسن
فريده:انا راحه انام
توفيق وعزام كمان راحو على اوضهم
حياه:اللى حصل كله بسببهم ومفكروش حتى يطمنو عليها
تارا كانت قاعده على الكنبه:لاننا متاكدين انه دلع ياروحى
ريم بعصبيه:بت انتى انا ماسكه لسانى بالعافيه فبلاش اطلع غيظى فيكى
تارا خافت وطلعت اوضتها
صفاء:يلا ياحبايبي عشان تنامو
حياه:انا هخرح برا استنى زين
حياه خرجت وريم طلعت اوضتها
يحيي:اطلعى ارتاحى ياست الكل انا هروح لحياه
صفاء:روح يابنى
=====================
حياه كانت قاعده فى الجنينه وبترن على زين بس مش بيرد
يحيي جالها:مش بيرد
حياه عيطت:لا
يحيي:اهدى ياحبيبه قلبي اكيد عند مراد
حياه:طب كلمه ونبي اطمن بس
يحيي:حاضر ياحياه
يحيي رن على مراد وفتح الاسبيكر زى حياه ماطلبت منه
مراد بنوم:الو
يحيي:انت نايم يامراد
حياه وهى بتعيط:هو زين عندك
مراد باستغراب:يحيي
يحيى:دى حياه اخت زين يا مراد عايزه تطمن عليه
مراد:متقلقيش هو عندى ونايم
حياه:ايده ... ايده كانت بتنزف
مراد:انا خيطتله الجرح وكله تمام متخافيش
يحيى:ماشي يامراد لما يصحي خليه يطمنا عليه
مراد:حاضر يايحيي
يحيي قفل وبص لحياه:اظن كدا اطمنتى روحى نامى بقي ياحبيبتى اليوم كان صعب
حياه:حاضر
حياه طلعت اوضتها ويحيي كمان
والكل نامو من التعب........
(بقلم الكاتبه جنات)
&&&&&&&&&
تفتكرو زين هيعمل ايه؟؟
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا