رواية عاجر الفصل الثامن وعشرون 28بقلــم الكاتبـــة زينب ماجد (حصريه في مدونة قصر الروايات)

رواية عاجر الفصل الثامن وعشرون 28بقلــم الكاتبـــة زينب ماجد  (حصريه في مدونة قصر الروايات)

رواية عاجر الفصل الثامن وعشرون 28بقلــم الكاتبـــة زينب ماجد  (حصريه في مدونة قصر الروايات)

#عاجر

{ بقلم الكاتبة زينب ماجد } 

الحلقة_٢٨

تخبلت واني اسمع كلامهم .. شنو فيديو شنو ركص اني يمتى مصورة واركص شديحجولا ؟ 

للحظة ما خطر على بالي تصوير عرس .. 

حسبالي كاعد يتهموني اني مصورة فيديو وشاهرته .. 

فتخبلت من تهمتهم وهم كاعد يطعنون بيه بيه بهيج تهمة 

لفيت حجابي وفتت عليهم للأستقبال كتلهم : السلام عليكم 

جنت اسمع اللي تكولونه وعيب يمتى اني راكصة ومصورة 

صاح حازم : فوتي حوا لا هسه اكفر بيج فووووتي 

- غير افتهم ليش كاعد يتهموني هيج 

حجه عمه : الحل يمك بقى حازم تخلصنا من هالمصيبة والفضيحة الطالتنا السالفة ما تخصك وحدك محسوب علينا وباسمنا .. تفكنا من هالفضيحة باسرع وكت 

عمه كاعد يحجي واني اكله : يا فضيحة ليش كاعد اتهموووني هيج 

كام حازم من مكانه .. وجراني من جتف دشداشتي 

وسحبني من الاستقبال واني اكله : ليش تجر غير تفهمني شكو 

دفعني بالغرفة : بت الكلب هذا شنو .. ولج شنووووو هذا تركصين ويصورونج كحـ .... 

- اني ما مصورة تصدكهمممم 

ذب الجهاز عليه ويكلي : هاج شوفي لج والج عيييين تنكرين

جريت التليفون واني واثقة البالفيديو مو اني لان ما انذكر صورت روحي بالعرس غير بس بالمصورة .. حتى بتليفوني ما خذت صورة 

بمجرد ما صدت عيني بالتليفون فتحت عيوني متفاجئة 

الفيديو واني اركص على اغنية على عنادك يالأسمر ابيت عمي كبل جية اهل حازم .. 

يعني اهل حازم كلهم بريئين من سالفة الفيديو لان بهالتصوير هنا بعدهم ما جايين، والمشكلة الأكبر اللي مصورتني .. مصورة اني وصاحبتي التكلي صبا جتف هزي جتف واني اهزلها .. يعني الفيديو مو من موبايل صاحبتي اللي ضحكتلها وركصت وياها .. التصوير من زاوية ثانية .. 

منو جان واكف بذاك اليوم من هاي الزاوية ولازم تليفون ؟

دفعني ورد جرني يكضني ويسحبني بقوة : تصورين وتركصين ساااااقطة ولج اني شحجييييييييت تركصين ويصوووووورونج ما تستحييييييين 

كمت ابجي بقوة واتصايح وياه : والله ما ادري حازم بس اسمعني عليييك الله 

- الما تدرييييييين شنووووو تسوين المصيييييييبة وتصيحيييين ما ادري ولج ما حسبتيلي حساب فضحتيني تهزين وتركصين كدام التصويييييير ووووولج .. اشدهن من وراااااج اني 

دفعني للجرباية ويعت بيه ويصيح بكل علو صوته 

واني ابجي واتوسل واسحب بأيده مني واشاكف عن روحي .. 

جان بوكتها مشتهر فيديو للشاعرة شهد الشمري وهي تركص وتفشر والناس كلها اتداولت الفيديو وتغلط عليها وتطعن بيها .. فوهو يضربني ويصيح : شفرقج عن هاي شهد الاشتهرت مو تركص مثلجججج ولج اني ملفيلي ركااااااصة وووووولج 

اهامش بأديه واشاكف عن روحي 

جراني وكعدني وهو يكلي : هسه تحجين ياهو هذا الصوراج 

مني اللي جانت تصور هنا وانت تهزيييين احجيييي 

-ما اتذكر والله ما ادري 

-ما تتذكريييين شنو هسه فقدتي الذااااااكرة كليلي منو هذا الناشرج مصلخة منوووووو 

-والله ما جنت منتبهه منو الكاعد يصور ومنو الموجود ما جنت مركزة كلش بس اتذكر هاي صاحبتي الكبالي تصور حازم والقران محسبالي هيج يصير 

-ما حسباااااالج شنو اكو وحدة شريفة تركص وتتتصور كدااااام الكاميييييييرا ركاااااصة انت بت ***** 

دخلت امه تجر بيه وتكله : مفحط روحك وكاتلها على يا مال على يا ساعة اطك وتوكع وانت مريض ياهي التفيدك هااااي تعاااااال 

وهو يصرخ : منو الصوراااااج كليلي الطلع الفيديوووو ياهوووو ساااااقطة ما استحيتي ما كلتي عيب تركصيييين وهم يصووووورنج ولج ما حسبتيليييييي حسااااب .

جرت امه وهي تكله : وهم ياهو المنهم يعرف العيب خاطر تشلع كلبك دتعااااال 

جرته من عندي واني ابجي ومحمد من برا يصيح عليه ويكله : طلكها واطردها من بيتك ذولة ملة ناس ما يستحونا فاضحنا ومخزينا من وراااااهم طلكها 

-اطلكها وما اعرف الطلع التصوير ياهو غير اعرف الفيديو هاااذ ياهو الصورررره من يا تليفوووون طلع 

- من تليفونات اهلها منين ما تشوف التصوير ما بيه واحد من عدنا السالفة والنخر من عضامهم اصلها منخوووور ذبها 

جر التليفون حازم وخابر على عمي وهو يطلع 

وامه تجر بيه وتحاول تهدي بيه .. طبت عليه امل تصيح : فالحة بالركص والنوم السااااقطة الرجال راح يطك ويموت من وراح دايحة ام الززززززلم .. ولج لو مات رجلي ربحي بيمن بيييج 

جرتني من شعري وتتشاعف وياي كمت اصرخ وابجي وابعدها من عندي وهي تجر بيه تريد تطلعني من الغرفة وتصيح : اليوم ساعة ما اتضلييين بهذا البيت امشييييي 

- وخري من عندي معلييييج وخرررري 

- اني المعلييييه ام الزلم انفضحنا بين الناس من وراج وتكليلي معليييييييه 

تجر بيه من راسي كمت ادفع بيها واصيح 

والبيت هوسه صار 

حازم بالكراج يتصايح ويا عمي .. ومحمد يصيح بالبيت وانه بالهول تدعي وامل تجر بيه تريد تطلعني .. 

دفعتها مني حيل وكتلها : وهرييي مني معليييج .. عوفيني 

تريد تهمشي بيه دعته بكل حيلي للباب وجريته هي تريد تدفعه سديته وطكيت السركي بسرعة . 

وكعدت بالكاع ابجي بقوة .. 

صار صياح .. وهوسة بالبيت وحازم محمد طلعوا 

وامه وامل ردن ع الغرفة يتصايحن ويكللي : اطلعي بربو* فاضحتنا ومصخمة وجوهنا وضامة روحج .. امشي طلعي هيج منج وهيج من الخلفج 

يدكن بالباب و يضربن بيه قوي .. 

ما فتحته بس ابجي واريد استوعب المصيبة النزلت عليه فجأة 

كبل شوية البيت هدوء ونايمين وماكو اي شي .. فجأة احد ينشرلي تصوير اني يمتى صورت .. شفت شايلين تليفون بس ما مركزة بتصوير وهيج امور .. ما اعرف شكاعد يصير ركصت وياهن حتى اغير جو العركة تالي ابتلي بمصيبة اكبر !؟ 

دك تليفوني .. باوعته سهى

رديت كالت : ها ولج شني هاي عمي شجاي يحجي شني فيديو 

- لج مصوريني بالعرس من جنت اركص ويا البنات والتصوير طالع والعالم كلها ماخذتنا فضحوني 

- صخام الصخمني وين طالع وياهو الكاللكم 

- ما ادري .. هسه اجو اخو وعمه وابن عمه يكلوله لو اطلكها لو تكتلها 

- اسم الله ربي الستار .. يكتلونج شني جا انت ناشتره انت شمدريج عروس وواكفة تركصين قابل راكصة لواحد غير عرس دخيلج يالزهرررررة 

-سهى كليلي شسوي ولج حازم صار نار وكلهم كاعد ديدكون الباب يريدوني اطلع 

- جا وشمنتظره كاعدة عده يكتلونج 

- شلون اطلع ؟ 

-لمي هدومج وتعاي .. شلون تظلين 

-مرته وامه كاعداتلي بالباب واخاف اطلع خاف ازيد الطين بله وحازم يتهستر 

-روحي لبيت عمي صبا لا تظلين 

-ما اكدر اطلع سهى 

-جا تضلين هنااااا ويكتلوووونج 

- ما ادري خايفة وكاعد ارجف والعباس ادية ورجليه يرعشن شلون بحظي اني يربي انوب عليه التصوير 

-بس اريد افتهم ياهو النشره ؟ 

-سهى شمدريني ياهو النشره اني ادري اذا تكدرين عليج الزهرة تعاليلي اني ما امن على روحي هنا وحدي 

-غير اتطلعييين 

-ولو اجا حازم لكاني 

-جا هو ماكو غيرها لو يطلكج لو يكتلج اطلعي بجلدج كبل لا يجلدونج ويطلكونح اطلعي . 

-لا ما اكدر اطلع اخاف هسه يكلي فوك سالفتج واتطلعين من وراي راح اظل قافلة الباب عليّ 

-جا لا تفتحين باب غرفتج واني اشوف رجلي بلكت يكدر يمرني عليج واجيج من امداج وامدا حظج گلنا عرستي واخلصتي وبعدها المصايب ملاحكتج . 

سديت الخط منها ولميت نفسي وكعدت .. 

بس كضيتها بجي واني اندب حظي ليش هيج اني فكر ووين ما احطها سودة مصخمة شنو السويته بحياتي واتجازى هيج .. 

بقيت فوك الثلث ساعات .. 

امل وعمتي شكد حاولن يخلني افتح الباب واطلع بس ما فتحت ضليت كارصة بغرفتي 

لليل اجا عمي ووياه عمتي وسهى 

دك الباب عليه علي ابن حازم كالي : اجا عمج يريدج 

- وابوك وينه 

- خابرناه هسه جاي 

كمت بدلت ولفيت نفسي بالعباية وطلعت للدوانية 

طبيت ذبيت روحي على سهى كالت : لا والحظ من حظج يخايبة ما حطيتي بمكان وكعد كل عمرة مجفي 

صاح عمي : شلون شلون بس فهموني شلون منتشر تركصين بي يعني تهزين المن تهزين بت القنادر 

- عمي والله فيديو بعرسي البنات كومني اركص وياهن ماكو يمكن ٥دقايق وكعدت وما منتبهه لاحد جنت ما ابالي ويا احد جانت مشكلة وتعرف بيها منى وسهى من اجاني عدنان وكمت ويا البنات .. وهي حفلة بيناتنا بنات عمتي شاهدة 

عمتي : شني ما تكلولي اول مرة نعرس اول مرة نصور جا هاي موش بناتنا يعرسن ويركصن ويصورن جا شلون غير عرس وبنات بيناتهن شمسوية البنية وهاذ يصيح كتل وهذا يصيح طلاك 

سهى : اني الكاتلني شغلة هسه غير التصوير ابيت عمي وطالع عود من عدنا واحنا الناشرينه ؟ شو محد من المنطقة كال هاي بت حجي ابو يوسف ما انتشر بمنطقتنا وعرفونا ؟ ليش انتشر هنا والكل يصيح مرت حازم شلون عرفوها مرت حازم !؟ 

كاعد تحجي وطبت امي كالتلهم : هسه تاخذون بتكم واطلعون منا يلا .. اشتهرنا واختزينا من وراكم ما تكولون عدي بت ما تكولون عدنا عرض شنو الجنيناه منكم غير الفضايح 

سهى : على كيفج عيوني محد جرى الفضيحة غيرج لو نسيتي من رحتي ع المروحوم وفضحتيها ؟ تحجين بالفضايح وانت سوسة البلة 

- فوك شينكم كوات عينكم من عمت عيونكم على هالصلافة كوموا اطلعوا منا يلاااا 

كام عمي يصيح وهو يكللها : اجينا خاطر نعرف شنهو وقدرت حازم واجيت افتهم منه بس الظاهر انتم كل احترام ما عدكم مناعيل الوالدييييين 

سب عمي لو هي تخبلت كامت تسب وتغلط وعمتي تردها وتتصايح وياها كامت تريد تطردهم ودفعتني عليهم ع ضتلها سهى ونزعتلها عبايتها وكالتلها : خب فدوة حاسبة البيت بيتها وتطردنا منا ام الوصخ .. البيت بيت اختي ورجلها ما كاعدة ابيت الخلفج واطردين منه ورجلها جاي ونحجي وياه انت ياهو المصخم وجهج وطالب رأيج وجاية اطردين 

روحي حيري بسواكتج ودياحتج احنا نحل امورنا حبيبة 

- من انعل ابوج فوك امج البيت بيتي وغصبا ما عليكم تطلعووون منه وتاخذون هالساقطة الركاصة وياكم امشوووو 

- خايبة انت تنعلين امي وابوي من كلاب الدنيا اي والله شو تعاي 

وكامت وكضت امل من راسها تتشاعف وياها 

كامت عمتي وام حازم يتصايحن ويجرن بيها وعمي برا يصيح بعمتي وسهى حتى يطلعن .. 

واني واكفة على صفحة اتفرج ودموعي تجري ما انطي اي ردة فعل .. طب حازم كام يتصايح ويا عمي ويكله : الفيديو طلع من بيتك من اني حطيت البت عدك عروس ما تعرف تنبه نسوانك ماكو تصوير كاضات الاغاني ويتراكصن ويتصاورن وفضايحكم برااااسي 

وعمي يرده : وانا ياهو مالتي اعرف التصاوير شنهو .. قدرتك وطلعت البت من بيتي لبيتك ومشيت سالفتكم ناشرها انا مطلع فداهو مدري شسمى 

جا هو اليسوي الزين وياكم ينعاب 

فوك ما سكت العشيرة وهديت الكم كل الحلوك وطلعتها الك من بيتي اطلع انا المعيوب اسمع بويه سايم الله ومحمد وعلي عليك انا يا هاي البت متنازل منها شتريد تكتلها اكتلها تريد اتطلكها فلا اردنك ولا الي غرض 

انتم الردتو وانت الجتلت روحك الا تاخذ المرة وهاي هي عدك والسلام يااااله يا مرة 

كام حازم يتصايح وياه كاله : لا تتصايح ولا الي غرض انا زلمة ما عرف بهالامور ولا ادري حبايبها منهي العازمتهن ومصوراتها المرة عدك  روح كض مرتك واتحاسب وياها .. اودعناكم 

طلع من البيت وسهى وامل يترادمن 

هو اندارلي وكالي : تعاي ولج العازمتهن مني هنه ؟ 

اني واكفة بصفحة رفعت اديه فوك راسي حسبالي يريد يكضني ذبت روحها سهى كدامي ما طلعت ورا عمي وكالتله : بيش غلطت حبايبها وعزمتهن شني كفرت ما رايدها طلكها ولا خلفت الله عليك مو بعازتك ومالك حق تمد ايدك عليها افتهمت لو لا 

- توخرين من كدامي لا وحك هو العباس ابليج بلووووووة ميلي 

- اميل واخذ اختي وياااااي وما اخليها عدكم من يوم ما شفناكم واحنا بس الفضايح تنزل علينا 

- شوفي مرة ما امد ايدي عليج امشي اطلعي منا لا والعباس اخابر على عيالج واخلينهم يطلعونج جلاليق 

- ما اطلع عتبة الباب الا واختي  وياي واعلى ما بخيلك اركبه جبيرك ما يهز نعالي افتهمت لو لا 

حجت هي وامل و امه اكلنها وشربنها بالغلط والصياح 

وهو طلع برا .. خابراها رجلها كاللها : جايج بالطريق 

اندارت عليه وكالتلي : امشي نروح لغرفتج 

طبيت وياها لغرفتي ردت الباب .. وكالتلي : اني يوم عرسج ما جنت حاضرة ياهي من البنات صورت 

- الطالعب الفيديو كاعد تصورني ياسة بت الحجي 

- هاي نعرفها ما يطلع منها 

- لا هو المصورنا مصور اني منتبها بس الها بالتصوير 

- المصورج ياهو ما تتذكرين منو الوكفت وصورت وانت تباوعين لياسة 

- ما انذكرهن جانن هن هواي واكفات واكو بعضهن يصورن بس جنت متعاركة وياه على سالفة عدنان وضايجة وكومني اركص وياهن ما جنت اباوع بالوجوه بس ملتهية بالهوسة 

طب حازم كال : ما تستحين ولج تركصين والناس تصورج ماخذلي مرة اني لو كاولية احجيييييي 

سهى : شني اول عروس تركص ؟ بناتكم ما يركصن بحنتهن واعراسهن شنو بس صبا وكفت وركصت ويا البنات بعرسها لمة بنات وجرنها شني كفرررررت 

- وتركص وتكللها هزي هزي .. وهي تهزلها بلا مستححححححححى ؟ ما سحبتلي حساب من تهز ويصورونها اني شني موقفي لو اخد شاف الفيديو 

- وهي شمدريها الفيديو راح ينتشر قابل تشم ايدها وبعدين تعال جاي هو الصور ونشهر الفيديو غير المفروض من حبايبنا ومنطقتنا ويعرفون عمي ويعرفون بنات المنطقة ؟ شو لا احد جابلنا فيديو عنها ولا احد كاللنا يا حجي راضي هاي بتكم ناشرينها الفيديو منشور بس بمنطقتكم وكلها تصيح مرت حازم .. ياهو البمنطقتكم يعرف صبا حتى يسميها مرت حازم .. حتى اليعرفها وجه لوجه ما راح يعرفها وهي سافرة وبدلة وعرس 

- شقصدج يعني 

- يعني الفيديو منشور من صفحتكم شوف يا هي العدها عداوة وياك وياها وناشرها .. الناشرها رايدلك الفضيحة مو الها لإن لو الها جا انتشر الفيديو بمنطقتنا و كالوا هاي بت الحجي ابو يوسف 

بس كلها تصيح مرت حازم اني لو احد كايلي هاج شوفي الفيديو ما اعرفها اختي مو اعرفها مرت حازم .. 

كاعد تحجي علي حجه : بابا رجل خالة بالباب 

- اطلعي لرجلج خوية وتوكلي 

- تطلع وياي .. كافي الفضايح الاجتنا منكم يومية مصيبة يومية هوسة كااافي طلكها وفضنا 

باوع عليه خزرني وطلع .. 

واندارتلي : لمي هدومج يلا 

- سهى اخاف اطلع واجني على روحي تشوفين عمي اتبرى مني 

- واتبرى منج حتى حازم يكتلج 

- ادري تريدين مصلحتي بس خليني اليوم لو ما كدرت اكلج واخابرج واطلع 

-بعد بكيفج بس اني اكلج امل وامه ما راح يخلنج بحالج 

- مالي غرض بيهن اني اليهمني منهم حازم .. اخاف اطلع وابتلي .. 

- ولو كتلج لو طلكاج 

- ما يكتلني ولو طلكني اطلع من بيته بس ما دامه ما يرضى اطلع خليني . 

- جا اروحن رجلي برا شيصير وياج كليلي .. وخابري افتهمتي 

- ان شاءالله 

راحت واني سديت الباب وراها .. 

شوية و اجا سجاد كالي : ابو يريدج 

مشيت بالاستقبال هو 

كال : اني شكايل صبا .. انيييييي شموصي 

- والله بس بنات والحسييين 

- وهاي انتشر الفيديو وانت بنص البنااااات اني ما كايلج حذررررج 

- ما ادري عنهم والله ما جنت مركزة وياهم 

- صبا كاعد تهزين ويضحك ويكللج خل اتفيدك امك ومبينة كاعد تقصدين ام عدنان ويصورن بيج شلون ما سحبتي حساب يودونه اله لو يشهررررنه 

- ما اعرف الاغنية والعباس هيج ادندن وياهن بلا فهم هن بس كاضات ايدي ويصفكلي واني وياهن بس والله ما مركزة ما ادري 

- واني كل ما اطييييييح بمصيببببببة تكليلي ما ادرررررري 

شلون ويااااج كليلي ولج وصلت الموت من وراج كتلج كعدي وما كعدتي وتصيحين ما ادري حسبالي ياذيك تاليتها اذيتي اجتي منننننج .. 

شال السراحية وركعها وهو يصرخ : يخااااااابرج ذاك الكو* وتردين وتكولين ما اعرف رقمه ما ادرييييييي تطلعيله وتصيحيننننن ما ادير 

كام يدفر بالقنفات ويصرخ بكل علو حسه : شتدرررررررين 

ولج انفضحت بالمنطقة والناس كلها تحجي وتشوفج مصلخة تركصين ولج ما ضلتلي عين اطلع كدام ربع وجمااااعتي شلووووون بيج كلييييييلي 

هو يصرخ واني واكفة ويا المعرض وابجي 

وامه تكله عوينة ابيها طلكها وعوفها شوف حالك شوف شجراااالك هدها 

وهو يصيح مستمر ويدفر .. 

وكف فجأة امه كضته : حويزم يمه 

الوجه انطعن اسود

كامت تصيح : ولك يمه ابنيييي حووويزم 

ركضناله وامه كاضته طاح للكاع وتخربط 

تخبلنا وامه فكت شيلتها و كامت تدك وتلطم على راسها وعلي وسجاد تراكضوا لعمامهم يصيحون .. واني كمت اصرخ وابجي 

وامل تشيل بيه وتكله : كوم هجمت بيتك بيدك كوووووم .. حاااازم 

دخلوا ولد عمه تراكضنا للهول جيف بلا حجاب وشالوه للمستشفى 

عمتي لفت عباتها وطلعت واني جرت لبست ولحكتهم .. 

بقيت بالبيت اصرخ وابجي و دنيا تبجي وتكلي : كله منج راح يروح ابوي من اديييينا .. كل من ورا عماااااايلح 

والله لو صار ابابوية شي اكلج بسنونيييي 

عفتها وكمت للغرفة اندب حظي وابجي والطم على وجهي .. 

واتنطر الخبر عنه صارت ب١٢ وماكو خبر منه .. خابرت منى كتلهاب الصار كالتلي : اطلعي خاف يسوولج شي 

كتلها : واعوف حازم بهالحال واشرد بروحي صدك تحجين 

- وشبيدج تسويله لو كضوج وكتلوج ياهو الفيدج حاززززم 

- لا تحجينها يا روحي امدا روحي من وراي طاح وتكليلي عوفي وشردي غير روحي نار عليه بس اريد اعرف شي عنه . 

كاعد احجي وسمعت امل طبت ... 

كمت واني اكله : احو باي بعدين اخابرج

فتحت الباب شفت بس امل و دنيا تكللها : وين بابا شصاير وياه كليلي شلونه 

- نوبة قلبية يكولون گلبه ضعيف .. من الله لا ينطيها الساقطة الدايحة اللفتنا الرجال راح يروح من ادينا من ورا الدك والركص مالها

مطلعة ديو** للعالم وتركص المفضوحة ام الزلم 

ما كفاها هجمت بيتي وراح تموته للزلمة وتيتم جهاااالي 

بعدها هي لو راحت 

- موجودة اللزكة بعدها ما رايحة نارية تموته لابويه يلا تمشي الفگر 

كمت طبيت للغرفة وسركيت الباب وهي اجتي اتركع بالباب واتدك وتريدني افتحلها ما فتحتلها .. كامت تغلط وتفشر عفتها حتى ما جاوبتها 

بس لفيت روحي بسريري وكعدت ابجي 

للفجر وحازم ما جايبينه .. نمت وجه الصبح بلا ما احس وكعدت على صوت كمت بسرعة فزيت مثل المخبلة حسبالي جابو حازم 

طلع محمد رايد هدوم لحازم راح يحولونه لمدينة الطب 

دخلت لغرفتي حطيتله دشداشة وكم تراك وشحاطته بعلاكه واجيت اطيها لمحمد وهو يكلي : بعدج هنا فكر فكرتي الزلمة من جيتي وليجاي لا حلة بركة بيج 

عفته ما رديته 

امل ودنيا ماكو ما موجودين 

حتى امه ماكو البيت فارغ محد بيه .. 

كمت ذبيت روحي ع البيت اغسل ودموعي تجري 

نظفت البيت كله ومحد اجا ولا احد بين .. 

كضيت تليفوني خابرت على حازم ما رد 

عفته وطبيت ذبيت على روحي مي وسديت البيبان وحطي قوري الجاي ع النار راسي ذبحني من البجي من امس واليوم 

صبيته واخذت كلاصي وكعدت اشرب على بطن فارغه 

خابرت لسهى بلغتها بالصار وسديته وضليت كاعدة لوحدي راسي وراس الحايط محد اكو . 

شوية وطب علي كتله : ها بشر ابوك شلونه 

- بالمستشفى يكول لازم يبقى تحت العناية حتى اي شي يصير وياه يتلاحكونه

- يعني مو زين 

- ان شاءالله يصير زين 

- وبيبيتك وينها 

- بيبي عد بيت عمو محمد وامي ودنيا راحن لابوي يشوفنه وسجاد يم بيت عمو خالد كاعد يلعب 

كمت للطباخ كاعد اجدد الجاي كال : سويلي بيضة جوعان 

- ليش مرحت ويا امك لابوك تشوفه 

- ما قبلت 

- جا رضت تاخذ دنيا ما رضت تاخذك 

- ما ادري عفية سويلي اكل ما ماكل من البارحة والله 

- بس بيض 

- بيض وبصل 

كمت طكيتله وحمتله الجاي وحطيت صينية كابلته وكعدت اشرب جايي وهو ياكل .. كمل كام من مكانه راح للاستقبال تمدد على قنفة ام النفر وطلع رجليه منها وفتح سبيستون وكعد يتابع كارتون 

كعدت يمه بالاستقبال وصافنة وراسي ذابحني من قلة النوم والقهر والبجي البجيته .. كاعد يباوع افلام كاتون اسمه ( الشبخ) كمت اباوع وياه من لا جارة ومنتظرة خبر من حازم 

انتهيت احس روحي حيل بادت بلياه 

من عمري على عمره اتحمل يصير بيه كلشي بس مو هو يتأذى 

ما سوالي شي يستحق يتأذى ويوكف كلبي من وراي .. اني ما جبتله غير الفكر والمصايب رجال جان مرتاح اني اللي بليته بلوة .. اني افكر كل اليتقرب مني وفكرته عمت عين حظي . 

سمعت الباب انطبكت .. 

فزيت من مكاني وكمت حتى اشوف منو الطب 

فاتت امل ودنيا .. كتلها : شلونه حازم 

- تكتلين الميت وتقريله الفاااااتحة 

- ما كاتلته اني ولا تحمليني ذنب اني ما مسويته لو ادري هيج يصير ما سويته بس بنات كومني وكمت وياهن ادري راح يصورن وياخذن ويشهرن .

- لو عدج ذرة اصل وكرامة تشيلين جوالاتج وتروحين منا زلمة وصل للموت مرتين من وراج شني منتظرة تكتلينه بلكت تحصليلج مليون مليونين وراه يالفكرررر 

- اذا انت مفكره بيه هيج اني ما رايده من الدنيا غيره وساعة الاشوفه بعيني وزين راح اني بنفسي اعوفه وما اذي اكثر كل الاريده هسه اطمن عليه 

- اعلمج بس خلي اصفالج اعلمج 

عافتني وصعدت ودنيا صعدت كبلها رد بس علاوي كاعد ويباوع 

كتله : نكدر نروح نشوف ابوك كلبي نار عليه 

- نكدر بس اكولن لو تعوفينها 

- ليش 

- والله هسه عمامي كلهم يحجون عليج وهو ضايج منج اكول ابقي هنا احسن

رحت لغرفتي 

وضليت ويا روحي اتماطل بقهري .. 

ومعتكفة بغرفتي ما اطلع واكابل احد ومنتظرة الطارش الاسمع منه اخبار حازم 

لثاني يوم نفس الوضع وحازم بالمستشفى 

دنيا عد بيت خالها .. ام حازم عد محمد..وعلي يمي ..  وامل ما اشوفها غير تطب وتطلع متظل بالبيت بس بالليل تصعد تنام 

ثالث يوم وحازم ماكو خبر عنه 

وحيدر نازل و سامع بسالفة الفيديو ذاب جنطته النازل بيها ومتوجه عليه .. دك الباب طلعله علي .. كايله : صبا وين 

كاله : جوا بالبيت 

كايله : صيحلياها 

طب علي دك علي الباب كالي : حيدر اخوج بالباب يريدج 

اني فزيت من مكاني حسبالي سمع واجا يشوف شنو الوضع لو يكلي عرف الناشر الفيديو .. طلعتله بحلات روحي متلهفة واني اكله : ها حيدر 

شافني وطب للبيت كضاني من راسي ويكلي : ساقطططططة تركصين مصلخة وفاااااضحتنا كح*** 

ما متوعبة كضته لراسي الا وهو يتولاني دفرات .. 

بخاصرتي وبوكسيات على جسمي كمت اصرخ واصيح بصوت عالي بالكراج وعلي يجر بيه .. 

ويصم ايده ويطكني كأني عدوته وجراني من البيت يريد يطلعني حتى يكتلني ويصيح : اغسل عاااااارج اليوووووم اخلصصصص منجججججج 

كام يجر بيه ويريد يطلع 

طبت جارتنا ام فراس فازعة على صوت صياحي وذبت روحها عليه تجر بيده وسحبتني منه وهو يصرخ يريد يجرني يتهامشني .. وولدها فزعوا وراها اجو يجرجرون بحيدر مني واني ابجي وفحطان كلبي من الصريخ شعري تشلع بديه وصار هلكبره 

كومتني ام فراس وهي تكله : كسر بيدك ان شاءالله ناخية الكاظم 

ولكم اويلاخ يمه .. اخو لو عدو .. تعاي ولج تعاي 

اني ابجي واريد بس اكض عكس ايدي .. كلش اذاني .. 

طبت مرت ابنها الجبير وهي تكلي : يا شكو خير شنهي صياحها 

- خايبه هاذ يكولون اخوها شلون تناوشها بالكوا جريتها من اديه والولد جرو يصيح اريد اغسل عارها شمسوية البت 

ساعدني وهن يكومني 

واني اشهك من البجي دخلني للاستقبال طبت عمة حازم كالت : ها ياهو هاذ شصاير 

وام فراس تكلها : اخوها خية شسوا شعمل يماااااي غدت ماي امبدا بديه خية كضاها كضيان عليش شمالها البت عروس شجاها 

- خية غير جابتلهم فضيحة خلينا ساكتين هي هالبت هاي تكعد تركد ما كفاها خذته بالسر هنوب اجت الفضيحة هاي 

ام فراس : يا فضيحة خية شسوت 

حجت مرت فراس : يا كالوا فيديو مال مرت حازم الجديدة كلها شايفته عود صدك فراس كال حرام اليحطه بتليفونه ويشوفه لا اكسر ايده 

ام فراس : يا يا فودو 

- خاله فيديو فيديو بعرسها وهي تركص

حجيت : والله جانن بنات ما ادري بيهن يصورن هستوني جنت جاية من الصالون شغلن اغني وكومني شمدريني راح يصوروني ويشهروني والعباس ما ادري 

- انهجمت بيوت الوادم من ورا هالموباينات خية .. بت تركص شنهي اول بت تركص بعرسها ويالبنات .. ويلاخ يحظج ييمه يتيمة ومالج اهل ولا ضنا ولا حظ .. لا والحظ من حظج اي والله 

حجت عمته : لا خية صوجها شنهي موش عدنا بنات غير نسيطر ماكو تصوير ماكو وحدة تركص شنهي واكفة وتهز ودي** يهزن للكاميرا فضايح خية هاي 

- يااااااا خية جا غير عروس قابل هي مصورته وهازة وشاهرته غير مصورينها ياهو الصوراج ما تعرفينة

- لا والله خالة ما اعرف 

- تعرفين الاجن بعرسج 

- اعرفهن بس اروح اخابرنهن وحدة وحدة واحلفها حتى الفاعلة راح تنكر منين اعرف بعد ياهي منهن والله ما ادري راح يصير هيج والعباس 

احجي واباوع لعكس ايدي كام يصب دم .. 

وكصتي عنجرت وراسي مأذيني حيل .. حجت ام فراس : خالة خاف هذا جرحها ينرادله خياط خلنا نمش وناخذها للمستشفى 

حجت عمته : لا خية عوفيها خاف رجلها ما يرضه هو من وراها ومن ورا طلابتها كلبه راد يوكف لو ما الولد تركض وتتلاحكله خليها

- يا جا ومتموت البت خية دهر عايني الدم يجري من اديها شني جا نضل نتوعلها شوفي بتي عبايتها وين وصيحي لرجلج هلبت الله وياخذنا روحي بتي 

اريد امشي على رجلي اعرج منها 

وهي تمشيني خذيت عباتي وحجاب لفيته وهي ساعدتني 

وطلعت وياها طلعت وابنها فراس يكول : طردناه من المنطقة كناله عود من يجي رجلها ويذبها عدك ذاك الوكت تكتلها بس مالت تجي وادوس بيته وتتعدى عليها نطيح حظك .. وطردناه 

- دخلنا ناخذ البت اديتها تنز دم الله لا يطي ما خلوا ع البت حال .. جا هي شاهرة روحها هي الفاضحة نفسها من الله لا يطي السواها كون بعزيز كلبه ناخية ام البنية على هاليتيمة هاي . 

خذاني هو وامه وراحو بيه لمستشفى الجوادر .. 

ضمدولي جرح ايدي .. وسوولي اشعة لرجلي كالو: رض مو كسر .. 

قاسولي الضغط ضغطي نازل كلش .. 

وكالي : سوي تحليل دم 

كتله : اني من الاساس عندي فقر دم ما ايود تحليل 

كالي جا داري روحج ما طول تعرفين بروحج شعدج 

واطوني علاج مسكنات و مال التهابات .. وابر .. خذتني ام فراس ورجعت بيه لبيتها كتلها : لا خالة تسلمين ارجع للبيت 

- خالة ما تردين للبيت تضلين يمنا .. منا لما يكوم رجلج بسلامة تردين 

- لا خالة خليني تروح تكبر على ابو شاردة ع الجيران ويكبرونها والناس ما تخاف الله تريدلها بس حجاية خليني كاعدة ابيتي والله يباوع لحالي 

- جا بو خيمة الزركة حشى ينساله عبد الله يحفظج ييمه بعينه الما تنام عليج العباس لو احتاجيتي شي بس رنيلي سجلي رقمي يمج 

شجلت رقمها كالت : رنتين تلكيني عدج لا تنسين 

- ينطيج العافية خالة واللهي كثر من امثالج بجاه الحسين . 

رجعوني للبيت لكيت امل بالبيت 

: اخوج اشرف منج عبن راد طكج ويخلص من عارج يا عار شهرتينا وصخمتي وجوهنا من كون اللهي اخذج ويخلصنا منج فوك فضيحتج ولج اطلعين ويا الزلمة بسيارته يوديج للمستشفى 

عفتها ودخلت لغرفتي 

كمت اشهك وابجي من كل حيلي راسي مأذيني من الضرب والبوكسيات مال حيدر وجسمي يون عليه .. اخذت علاج .. واخذت حبايتين ڤاليوم ما اريد اكعد بعد ولا ايود اشوف احد اريد انام لحد ما اسمع حازم اجا لو اسمع منه خبر يطمني عليه .. 

طكيتها نومة من ال٩ بالليل 

لحد ثاني يوم ال١ الظهر جابو حازم للبيت 

علي فات للغرفة وندهني : صبا صبا جابو ابوي تعاي كومي جابو ابوي 

كمت بس كمت مثل السكرانة 

راسي ذابحني فتت للاستقبال هم كاعد يكعدون بيه ع التخم .. 

كاللهم : لا خلي اكوم للغرفة ما اريد هنا هوسة 

محمد : كوم عدي بالبيت 

- لا بس اروح لغرفتي 

- حازم لا تقهر بنفسك ولا تصيح ولا تتعب نفسك بالموت طلعنا بيك رحمة للعباس راعي روحك محد يسوى ترى 

كام على حيله وهو يريد يمشي وهم وراه 

وصل الدرج امل كالتله ؛ محضرتلك فراشك كوم 

تعدا ومشى لغرفتي 

كالتله امه : اصعد فوك احسنلك ترتاح جوا ما ترتاح من دوخة الجهال 

ما سمعلهم فتح الباب وفات للغرفة مطفية الضوا بيها ومتغطية بالديباج مبعثر ع الجرباية  .. شغل الضوا ومشىى كعد بمكاني 

اندارت عليه امه كالتلي : لا تصيرين كباله وخري .. 

تمدد ورجع راسه للتاج مال الجرباية ومحمد يكله : ها مرتاح 

- اخذ راحتك مرتاح 

- هم تحس بالم بصدرك شي 

- لا لا بس رايد انام 

حجه : عوفوه يرتاح يلا اطلعوا 

طلعهم كلهم من ضمنهم اني كالي : لا توكفين كباله ولا تحجين وياه مريض واذا تروحين وتجفينا شرج انكون ممنونين. 

انداريت عنه ما جاوبته رحت للحمام غسلت وجهي 

روحي باهتة كلش .. بيت ومطفية كلوباته .. منين ما اصد مصيبة 

تعبت من حياتي حيل وين ما جاي احطها ما ترهم . 

كمت ارشك وجهي بماي .. 

نشفت وجهي ورجعت للغرفة .. مطفي الضوا ومتمدد ايده شامرها على كصته ويباوع بالسكف .. سديت الباب ضليت اباوعله ما باوعلي .. 

تنهدت ومشيت كدام المرايا .. 

لفيت شعري وطلعت جنطة حطيت بيها غراضي والاحتاجة وانداريتله : ما بقيت حتى ازيد همك .. بقيت بس حتى اعرف خبر واشوفك واطمن عليك .. وما طول رجعت للبيت بخير اني ما اريد اضل ثكل عليك .. كلهم طلكتها ارفع راسك كدام الناس وكلهم رميت عليها يمين الطلاك وما رضيت بالفضيحة وطردتها 

ما اكدر افاركك ويعز عليه اليوم اليمر وما اشوف وجهك بيه 

بس تأذيت مني هواي ادري .. يمكن بسب غبائي ويمكن بغير سبب بس اني ما اكدر اتسبب بأذيتك اكثر من هيج 

اني فكر مكتوبلي القهر والضيم والمصايب وين ما اروح 

ومن صفيت وياي لليوم ما افتكيت من مشاكلي وتأذيت هواي .. اني اطلع من حياتك وارتاح مني 

احجي ودموعي تصب 

شال ايده من كصته وتعدل : وين تروحين لحيدر اللي لو ما ابيتي والحيران جارينه جا هسه حاط طلقة براسج لو وين تريدن تروحين 

- وتضن المثلي الموت اصعب الها خلي يكتلني ولا عيشتي هاي .. اني ما اكدر اتحمل اذيك واذي كل الحواليك .. 

كام من مكانه .. فتح الجرارة وجر المكص 

كمت اباوع عليه سحب الجنطة من ايدي وكام يطلع بغراضي وملابس وحدة وحدة ويكصص بيهن وذب المكص عليه : جفيني غبائج واطلعي من وجهي لا اذب كل ضيم الله البيه بيج . 

- اطلع وين 

كضاني من ركبتي : صبا ما طايق اشووووفج لا تكابليني اطلعيييييي مني .. جسمج وصدرج زلم المنطقة كلها شافته ما ضل احد ما تنوع بيج وشاااافج ولج فضحتيني شهرتيني بين اهلي ونااااااسي بافعالج امشي مني 

- احتاريت وياك اكلك اعوفك تكصص هدومي والبقيت تطردني شسوي وشنو المطلوب مني 

كضني وطلعني برا الغرفة وسد الباب 

مشيت للاستقبال امه كاعدة رحت للمطبخ كعدت بالكاع .. 

لا يريد يشوفني ولا يريدني اطلع .. مو مهم اني .. المهم هو بخير وما اثر عليه ..

بس شلون .. شلون اضبط روحي وما اسوي تصرفات تأذي 

تصرفاتي اسويهن بلا ادراك ويتأذى بيهن كمت اكره روحي هلكد ما ما اعرف اتصرف وامشي بدون حسبان بالدنيا .. ودنياتي ذياب الف واحد ووحدة متربصلي ويتصيدلي . 

ضليت لليل ما طابة لغرفتي 

وهم يطبون ويطلعون عليه بالغرفة صار باب الغرفة مزار .

اجتي ام فراس بالليل تشوفه ومرتني كالتلي : كون حاجاج 

- لا بس ما رضى اطلع واعوف البيت كصص هدومي بالمكص 

- اي خايبة يحبج ما طول ما رضى تطلعين وتعرفين البيت .. لا تطلعين واتحملي بتي ما طوله مشتريج لا تبيعينه خايبة حازم خوش حازم لا تفرطين بيه 

- خالة اني افرط بيه اني من عمري اطي بس شسوي خالة 

الله اليباوع الحال 

-والنعم بالله والنعم بالله اسمعي اوصيج ما طول كلبه ضعيف خالة كثريله سمج يفيده سمج هاي الكرزات حطيهن كدامه يفيدنه يكون كلبه مالج غيره خالة لو غمضت عينه يتولونج والعباس ادعي الله ليل ونهار يحفظ راعي بيتج 

-امين هم زين وصيتيني حتى اسويله 

-اي خالة داري وديري بالج على روحج انت هم كاضية صايرة ماصول من الضيم يلا خالة شتحتاجين خابريني تلكيني يمج 

-يطيج العافية خالة 

مشت بقيت ل١٢ بالليل برا الغرفة  

امل مكابلته هي و امه يروحن ويجن عليه للغرفة وهو ما يسولف ويا احد حيل طالعة روحه ومختنك ومقهور 

طبيت للغرفة .. 

هو ما يباوعلي .. طبت امه وراي كالت : لا تنامين يمه امشي نامي بالاستقبال . 

ما جاوبتها انداريت للكنتور اطلع من عنده 

رجعت فتحت الجنطة طلعت من الثوابه الضلن ما شككاهن خذيت ورحت سبحت ودخلت للغرفة قفلت الباب وراي ووكفت مشطت وجريت المخدة للكاع وطلعت البطانية ونمت ع البساط . 

اندكت الباب ما كمت ولا حجيت 

بس هو صاح : كافي شلون يعني الواحد ما ينااااام 

ما عرفت اللي دك منو راح 

غمضت عيوني ونمت .. رغم شكثر جسمي متأذي والمصايب فوك راسي و هو ما يريدني وما يحجي وياي .. بس كلبي ارتاح ما طوله موجود واسمع حسه ونفسه موجود يمي بالغرفة .. ارتاح كلبي ونمت مرتاحة . 

ثاني يوم كعدت الصبح .. 

هو لل١٢ ما كعد .. العلاج الجاي ياخذه ثكيل عليه 

دزيت على سمجة بيد علي دهنتها بحامض ودخلتها الفرن وسوتلها صلصة طماطة  كبل لا تسوي فرشت الصلصة عليها وسويتله صينية كاملة سمجة مشوية وتمن احمر و خضرة وفجل و زلاطة 

شفته مر من عندي طلع للحمام البرا غسل ورجع دخل للغرفة 

حطيتله الاكل كدامه وطلعت كعدت بالمطبخ 

شوية هناك وكمت اسمعه يصيح على بته دنيا نزلت كاللها : شيلي الصينية بابا 

جابتها للمطبخ اخذتها من ايدها صاحت عمتي وهي بالهول تباوع كالت : ضل منها السمجة ؟ 

-ما ماكل هواي تاكلين 

اشرتلي احط الصينية كدامها .. 

حطيتها وكعدت اكل خبز وخضرة واغمس وهي اتغدت .. 

دخلت امل لكتني كاعدة ويا عمتي 

كالت : حازم تغدى 

حجت امه : هاي صينيته 

- والجهال 

عمتي : ما ادري عنهم 

اندارت علي : وكلتيهم 

-لا فوك هم 

-يعني لحد هسه الجهال ما ماكلين وانت كاعدة تعلفين يا طايحة الحظ سم وزقنبوت ان شاءالله تاكل بصينية ابوهم وتعوفهم جوعانين 

اتجاهلت ما رديتها 

بس ام حازم كالتلها : حسج الزلمة مريض جهالج اوكفي وسويلهم لكمة وكفي المشاكل 

-مو تتعمد تعوفهم جوعانين الحقيرة الساقطة 

- امل لا تخلينه يسمع ويكب علينا وهو كلبه ضعيف 

عافت وصعدت شوية ونزلت صبت تمن احمر ودزت على روبه وكعدت تاكل هي وجهالها . 

يوم ورى يوم كامت تزيد بحقدها وما توفر زلة تغلط وتتصايح خصوصا من ما تلكى حازم لحد ما اتعافى وكام على حيله

 راحت هيجت ابوها واخوتها على حازم جيف سكت عن السالفة ورجع يداوم ويشتغل وما سوالي شي .. 

مروا ابوها وعمها نفسه عم حازم ومحمد وياه وكعدوا ويا حازم بحجة يريدون يطمنون على صحته ويشوفون شلون صار 

كالوله : احنا ما ردنا نضايقك وانت تعبان بس احنا ما ناسين السالفة انت سكتت عن الموضوع جن ما صاير شي 

حازم : تواصلت ويا عمها واهلها محد يعرف منين طلع التصوير منين اطلع اللي طلعت التصوير واحاسبها 

-تحاسب اللي طلعت التصوير لو المصورينها 

- جا هي شاهرة روحها حتى اشهرها اني كشت روحي منها وهاي تسمع حسي من ذاك اليوم لهذا اليوم الساني ما طخ بلسانها وحجيت بس هي غلطت بالركص وجان بين بنات بس هي ما شاهرته 

-ما شاهرته شنو هي اشتهرت وشهرتنا وخزتنا وتسال بعد يا حازم 

-وشنو المطلوب مني اسوي 

اطرد مرتي !؟ 

-يا مرة حازم البت اشتهرت 

-جا ومن اشتهرت اذبها للشارع غير احبسها بالبيت واسترها !؟ 

-تستر وحدة مستورة مو وحدة مثل هاي شاهرتك ومخزيتك حااازم شجالك لعبت بعقلك وما كمت تفرزن الامور تعوف البت اعلى ذمتك وهي مفضووووحة 

فكر عدك بنية واهل سمعتهم شني ما تفكر بيها من تحط وحدة مفضوحة ابيتك . 

- والله يا عمي السالفة اهلها حقوني بكلمة ووعوني .. الفيديو ما وصل منطقتهم ولا احد من معارفهم سمع بسالفة فيديو الصيت الانذاع وانشر بمنطقتنا وباسمي يصيحون هاي مرت حازم . 

اسالك سؤال لو ما احد جابلك الفيديو وما كالك هاي مرت حازم تعرف اللي بالفيديو مرتي !؟ لو من كلولك يلا عرفت ؟ 

-شتريد تكول احنه شاهرين بعرضك 

-انا ما جاي اكول بس الطلع الفيديو وكال هاي مرت حازم ونشره وخلاه على كل السان مو غريب  

- وبيمن تشك 

- الشاك بيهم هواي .. بس ما افتح حلكي بلا دليل يوم الالكى الدليل اتصرف ولو ما لكيته مسلمه بيد العباس ابو فاضل اليبهذل حاله ويشهره مثل ما بهذل حالنا وشهرنا 

- وانت اشتهرت احتا ياهو مالتنا نشتهر ونختزي من ورا مرتك واصير هاي مرت ابن اخوك ووجوهنا سود من حدر راسها والهز مالها وهي مصلخة ؟ 

- اذا عز عليك يذكروني يمك بشين وتردهم عني اتبرى مني  عمي وخليني انا مواجه مصيبتي وجارعها 

-وبتك 

- الامر يخصني 

- رضيت الفضيحة لروحك والمنطقة كلها لاختك بالخر* وسمعتنا وهيبتنا بالحظيظ من حدر راس وحدة مستهتره وجاي ادافعلها 

- ما جاي ادافع اني بس المرة على ذمتي وبمسؤليتي اليوكف وياي بشدتي ويشاكف عني احطنه فوك راسي .. واليستعر مني خله يتبرى عني .. غير هالحجي طلاك ما اطلك والمرة اتضل ابيتي ممنوع تطلع عتبة بابي .... يتبع 

_______

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا