رواية فرقتنا الظروف وجمعنا القدر الفصل الثامن 8 بقلم نشوه عادل (حصريه في مدونة قصر الروايات)
رواية فرقتنا الظروف وجمعنا القدر الفصل الثامن 8 بقلم نشوه عادل (حصريه في مدونة قصر الروايات)
ـ فى بيت شهد اللى كانت بتحضر اكل سمعت صوت صريخ سديم فجريت عليها بسرعة ودخلت اخدتها بحضنها: بسم الله الرحمن الرحيم بسم الله ع قلبك حتى يهدأ متخافيش ي روح ماما
لكن سديم بعدت شهد عنها وهى بتقول بصراخ: انتى مين ابعدى عنى انا عاوزة بابا طارق
شهد: اهدى ي سديم ي حبيبتى انا ماما
سديم بصريخ: انتى كذابة انتى مش ماما انا مليش ماما انا مليش غير بابا طارق ي بابتى تعالى خدنى
صحيت جيهان ع صوت الصريخ ودخلت عليهم واول ما شافتها سديم صرخت اكتر وقالت: انتم حرامية وخطفتونى ي بابا انت فين
جيهان: اهدى ي سديم ي حبيبتى احنا مش حرامية والله دى تبقى ماما حبيبتك وانا ابقى خالتو
سديم بعياط: متقوليش ماما انا معرفكوش وبعدين ايه سديم دى انا اسمى ورد انتم ناس وحشين وانا عاوزة بابا طارق
حاولوا شهد وجيهان بكل الطرق انهم يهدوها لكن بدون اى فائدة وبسبب الصريخ العالى الجيران قلقت ونزلت خبطت عليهم
واحد من الجيران: ف ايه ي جماعة ايه صوت الصريخ ده
جيهان: مفيش حاجة يا عم فؤاد دى بنت شهد بس هى لسه متعرفناش
واحدة ست: بنت شهد مين انتم هتكدبوا بنت شهد ماتت من سنين
جيهان: والله ابدا يا ام محمد البنت لسه عايشة
شخص اخر: احنا لازم نتصل بالشرطة دول شكلهم خاطفين عيلة صغيرة
جيهان: ايه اللى بتقوله ده ي عم انت هو ف ايه يا جماعة هو احنا اغراب عنكم ولا ايه ولا انتم متعرفوناش مثلا لسه جداد عليكم
الشخص: الكلام ده ابقى قوليه للظابط
خرجت سديم وحضنت الراجل من رجله وقالت: والنبى ي عمو رجعنى لبابا
الشخص: شوفتوا جالكم كلامى طلعت البنت مخطوفة فعلا
ام محمد: اتصل بالبوليس يجى بسرعة حسبى الله ونعم الوكيل
جيهان وهى بتبص لشهد بعتاب: شوفتى اخرة عندك وصلنا لفين بنبرر ليهم انها بنتك بسبب تهورك
نظرت ليها شهد بحزن ومسكت فونها تتصل ع طارق اللى شاف الرنة لكن مردش الا لما وصلتله رسالة: ارجوك ي طارق سديم بتصرخ وعاوزاك وبسببها الجيران هيجيبوا لينا الشرطة
اول ما شاف الرسالة لبس بسرعة ونزل جرى ركب عربيته وساق ع هناك لكن قبل ما يوصل وصلت الشرطة واللى لحسن الحظ كان ظابط المأمورية هو مازن
مازن: ف ايه مين قدم البلاغ
تقدم شخص وقال: انا ي فندم اسمى فهد
مازن: خير ف ايه بقى
فهد: احنا قلقنا ع صوت صريخ الطفلة دى وهى بتقول عاوزة اروح لبابا وواضح انهم خاطفينها
جيهان: خاطفين مين ي بنى ادم بقولك دى بنت اختى
مازن بصدمة: بنت اختك! الكلام ده صحيح ي شهد دى سديم!
شهد بدموع: ايوة والله ي مازن وانا اتأكدت ثوانى هجيبلك التحاليل من جوه
بالفعل جابت التحاليل واتصدم مازن وحضن سديم: حمدالله ع سلامتك ي بنت الغالى
سديم ببراءة: هترجعنى لبابا ي عمو الظابط الهى ربنا يسترك
ضحك مازن وقالها: بابا مين ي كتكوتة
ف الوقت ده وصل طارق واول ما سديم شافته جريت عليه حضنته وهى بتعيط: بابتى انا كنت متأكدة انك سوبر هيرو وهتنقذنى من الاشرار
مازن بجدية: حضرتك تبقى مين
شهد متدخلة: انا هفهمك كل حاجة ي مازن
مازن: كل واحد يروح ع بيته الموضوع انتهى وطلعت بنتها فعلا
ام محمد: ي الف نهار ابيض ي بنتى مبروك رجوع بنتك
شهد: الله يبارك فيكى
فهد: انا اسف جدا ي مدام شهد كان سوء تفاهم بس والله انا كان نيتى خير
شهد بتفهم: عارفة ي استاذ فهد كان مجرد سوء تفاهم وعدى
طلب مازن من رجاله انهم يرجعوا ع القسم ودخل الجميع قعد ف الصالة وحكيت شهد القصة لمازن
فى الغرفة عند سديم وطارق ...سديم: انا زعلانة منك اوى ي بابتى هو انت مبقتش تحبنى
طارق: انا ي وردتى ده انا محبتش حد ف الدنيا دى ادك انتى
سديم: طب ليه سيبتنى مع الناس دى لوحدى
تنهد طارق واجلسها امامه وقال: بصى ي سديم ي حبيبتى
سديم بضيق: هو ف ايه ايه الاسم الغريب ده انا اسمى ورد ي بابا طارق
طارق: ماشى ي حبيبى متزعليش خلاص بس هفهمك حاجة مش انتى كنتى تتمنى يكون عندك ام واب
سديم: طبعا
طارق: طب تعملى ايه لو عرفتى ان مامتك فعلا عايشة وكانت بتدور عليكى ف كل مكان ومش قادرة توصلك لانك ضيعتى منها وانتى بيبى صغيرة
سديم: الله ياريت يكون عندى ماما فعلا انا من زمان كنت بتمنى اقول لحد ي ماما
طارق: عارفة شهد اللى برة دى هى مامتك وباباكى كان ظابط الله يرحمه وعمل حادثة وانتى كنتى معاه وهو مات بس قبل ما يموت طلب من الست اللى اسمها دولت انها تنقذك ولانها مكنتش تعرفه ومعرفتش تعمل ايه عشان ترجعك لاهلك خليتك عندها وفهمتك انها مرات ابوكى بس هى مش تقرب ليكى حاجة
سديم بدموع: يعنى انا بنت طنط شهد
طارق: اسمها ماما ...ماما شهد ي قلبى وانتى اسمك الحقيقى سديم عشان كده بيقولوا ليكى كده
نزلت سديم راسها وقالت: بس انا عليت صوتى عليها وهى اكيد زعلت منى
طارق: بس هى بتحبك وعمرها ما هتزعل منك اطلعى اعتذرى ليها
سديم: بس انا خايفة
طارق وهو يمسك ايدها: احنا اتفقنا طول ما انا معاكى اسندى ضهرك انا معاكى يبقى متخافيش
ابتسمت سديم وخرجت مع طارق واول ما شهد شافتهم وقفت بخوف
سديم وهى بتقرب بخجل وراسها بالارض: انا اسفة ي ماما شهد
مجرد ما انهت كلامها نزلت شهد لمستواها ومسابتش انش بوشها مش قبلته وهى بتقولها: حقك عليا ي قلب ماما ع كل حاجة وحشة شوفتيها اقسم بالله هعوضك عن كل حاجة ان شاء الله طول ما انا عايشة اوعدك
مازن: ممكن حضن لعمو كمان ولا خاص بماما بس
نظرت سديم لطارق وهز رأسه بأيوة راحت لمازن وحضنته وقالت: وانت تبقى مين
مازن: انا كنت صاحب بابا الله يرحمه وكنا اكتر من اخوات
سديم: هو بابا ده كان ظابوطة زيك
مازن بضحك: اه كان ظابوطة زيى واشطر منى كمان
ابتسم طارق وخو شايف فرحة الجميع لف وشه عشان يمشى لكن اتفاجئ بسديم بتمسكه وتقوله: متمشيش ي بابا طارق وووو... يتبع
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
 رواية فرقتنا الظروف وجمعنا القدر الفصل الثامن …){kind=link}
تعليقات
إرسال تعليق
فضلا اترك تعليق من هنا