رواية أحلام الزين الفصل الثالث 3بقلم زهرة الربيع حصريه وجديده فى مدونة قصر الروايات
رواية أحلام الزين الفصل الثالث 3بقلم زهرة الربيع حصريه وجديده فى مدونة قصر الروايات
3_هتفرق معاكي ايه لو دخلت عليكي يومها او دخلت عليكي دلوقتي طاوعيني يا بت الناس هتتبسطي ورحمه ابوي الي بدعي ربنا يطول في عمره هتتبسطي وهتقولي كمان يا زين
احلام بصتله بغل وقالت ..روح شوف السقاطين الوسخين الي ضحكو عليك وفهموك ان القرب منك انبساط وروح انبسط معاهم علشان انا تعبانه وعندي كتاب عايزه اقراه
احلام قالت كده وقعدت على الكنبه وبقت تقرا في الكتاب بتاعها وهي مندمجه مع الاحداث ومتجاهله وجودو
زين فرك راسه وقال.. كتاب ...ماشي.. كله بأوانه بكره تجيلي هتتجنن.. واقولك يحنن
احلام ضحكت وقالت بكره ده هيجي في احلامك بس نام بقى واحلم كتير
زين ابتسم وقال ...مش محتاج انام انا احلامي قدامي نايم او صاحي
احلام ابتسمت لا اراديا من كلامه كان له اسلوب كلام جميل بيخليها ترتبك رغم كل غضبها منه
زين كان بيتفرج عليها وهي بتقرا ومندمجه مع القصه وقال هي الروايه دي بتحكي عن ايه
احلام بصتلو بطرف عينها وقالت بتتكلم عن واحد فضل ورا واحده لحد ما جننتو وجابت اجله عقبالك ان شاء الله
زين ضحك وقال ...ابقى انا قربت قوي..اذا كان عل الجنان ده من زمان من وقت ما شوفتك وانتي جايه البلد فاكره لما سألتيني عن دار ابوكي وانا وصلتك... من يومها عقلي طار
احلام اوترت اكتر وقالت... اذا فاكر الكلام ده ممكن ياثر فيا فتبقى غلطان ولا بتفرق لي انت في نظري مجرد واحد سافل.قربلي بالعافيه.. واتجوزني بالعافيه ..ومستحيل يبقالك مكانه عندي مهما قولت من كلام حلو واشعار متتعبش نفسك ووفر طاقتك لحد غيري
زين قرب منها وقعد جنبها على الكنبه وقال طب ولو عايز نبدا من جديد واشتري رضاكي يا ست البنات ايه اللي ممكن اعمله علشان تسامحيني انتي عارفه اني دخلت البيت من بابه اكثر من مره واتحايلت عليكي كمان وانتي اللي رفضتي مكانش قدامي حل تاني
احلام وقفت وقالت بغضب شديد وزعيق اقوم تعتدي عليا تعتدي عليا علشان تتجوزني بالغصب فاكر ان دي رجوله فاكر اني كده هحبك خلاص
زين وقف وقال ميهمنيش ميهمنيش تحبيني ولا لا المهم انك معايا المهم انك مش مع حد تاني.. انتي معندكيش علم انا واصل لفين ... ده انتي لو كنتي اتجوزتي حد غيري مكنتش هعرف اعيش يوم واحد تاني.. انتي مش مجرد واحده عجبتني..انتي حياتي يا احلام ومن حق اي حد يحافظ على حياته باي طريقه حتى لو ما عجبتش غيره
بقلم...زهرة الربيع
احلام بصيتله بزهول وقالت ..ومفكرتش فيها ...طب انا عكسك بقى ووجودي معاك هو اللي بيقتلني انت بنفسك قلت من حق اي حد يحافظ على حياته حتى لو الطريقه معجبتش غيره..وانا حياتي مش هعيشها غير لما ابعد عنك وتسيبني في حالي
قالت كده ولسه هتمشي شدها من ايدها بغضب ومسكها من ذراعتها الاثنين وبقى يقول بعنف وزعيق ليه ..ليه يعني ناقصني ايه.. ايه اللي مش عاجبك فيا وكمل بغضب شديد وقال ..انتي شكلك مش بينفع معاكي الزوق وعلشان كده هكلمك بالطريقه اللي بتفهميها ..انتي مراتي.. بتاعتي وحقي كل حاجه فيكي ملكي واخد اللي انا عايزه في اي وقت وميحقلكش حتى تعترضي ...وبقى يقرب متها تاني وبقت تحاول تبعده وضرتو في جرحه لس مفيش فايده وكان خلاص هيتمكن منها قالت ببكا ورعب هتعملها تاني ..هتعملها تاني يا زين هتقتلني تاني وتقول انك بتحبني
زين وبصلها جامد وكانت عيونها مليانه دموع حاول ينطق او يقول حاجه بس مقدرش قام بسرعه وغمض عينيه بيحاول يهدى وقال... انا مش هصبر عليكي كثير يا احلام راجعي نفسك نتي خلاص بقيتي مرتي ويمكن في يوم تقولي ده كان احسن ليه وصدقيني انا عاشقك وعمري ما اتساهلت مع حد زيك وشد جلابيتو ونزل بسرعه مكانش قادر يقعد اكتر
احلام حطت وشها على المخده وبقت تبكي بشده فضلت تبكي شويه وقالم غيرت هدومها الي اتبهدلت ولبست لبس بيتي خفيف وقعدت ودموعها على خدها
بعد شويه الباب خبط مسحت دموعها وراحت فتحت وكانت نعمه بصتلها باستغراب وقالت..نعم مين حضرتك
نعمه بصت لها من فوق لتحت واتغاظت من لبسها جدا وقالت..انا نعمه بت عم زين الرجال زين القاضي
احلام كانت عايزه تضحك وقالت..زين الرجال...اه...طب تشرفنا
نعمه قالت انا جايه اقولك ان ابوكي وهو مروح خبطتو العربيه بره ودخلوه المندره
احلام اتصدمت وقالت بخضه..ايه ياخبر ولسه هتدخل الاوضه تلبس حاجه نعمه مسكت ايدها وقالت بسرعه..انتي رايحه فين
احلام قالت بخوف وبكا..هجيب عبايتي وطرحتي
بس نعمه قالت ..بقولك ابوكي بيموت تحت وعايز يشوفك ده وقت عبايات متخافيش الدار فاضي مفيش رجاله واصل يلا بسرعه مفيش وقت
احلام طلعت معاها بدون تردد وجريت على تحت ونعمه اول ما نزلو قالت المندره اهيه الي هناك دي على انا هروح اجبلهم ساش وقطن لانو بينز،ف جامد
احلام صرخت وجريت على المندره وهيه لابسه البجامه الخفيفه وبشعرها ودخلت المندره جري وقالت وهيه بتنهج هو فين بابا فين
بس اتصدمت بشده لما لقت زين قاعد هو وابوه ومعاه مجموعه من صحابه الشباب واولاد عمو الي اتسعت عنيهم بزهول وبقم يبصولها بصدمه واعجاب شديد
زين وقف والغضب في عيونه يحرق البلاد كلها والتفت لصحابو بحده الي كانو مثبتين نظرهم عليها
صحابو اول ما بصلهم نزلو عنيهم في الارض وهو اخد عبايه ابوه ولبسهالها وقال وهو بيضغط على اسنانو بغضب شديد ..استنيني...فوق
احلام خافت جدا منو وبلعت ريقها بارتباك ومشيت بخوف شديد
زين بص لصحابو وقال...كل واحد على داره
ومشي على اوضتو بغضب شديد وكلمة غضب قليله جدا كانت عيونه بتطلع لهب وعروق اديه بارزه من كتر ما قابض عليهم وهيتجنن حرفيا
اول ما دخل الاوصه لقاها قاعده على السرير وبتفرك في اديها بخوف
زين رزع الباب قفلو بطريقه خلتها تنتفض من مكانها وقرب عليها وقال بغضب مكبوت ...ايه الي عملتيه ده
بلعت ريقها بخوف وقالت...احم...انا...انا مكنتش اعرف ..مكنتش اعرف ان فيه حد معاك
زين هز راسو بطريقه مخيفه وفي ثواني مسكها من شعرها بكل قوتو وقال...وانتي تنزلي ازاي كده..حتى لو مش معايا حد.. شكل محايلتي ليكي خلتك تركبي واتلدلي رجليكي وصلت بيكي الجرئه تنزلي كده قدام الرجاله وزقها بقوه على الارض
احلام بقت تبكي وترجع لورا بخوف منو وزين شدها من دراعها قومها ومسكها من رقبتها بقوه وقال...نازله تفرجي الناس عليكي ..عايزه تكسريني اكتر من كده يا بت الرفضي وضربها قلم قوي وقعها على الارض تاني وشفايفها انجرحت
احلام داخت جدا من الي حصل ومن ضربو ليها زحفت لحد رجلو ومسكت فيها وقالت بدموع وضعف وصوتها بالعافيه طالع..ارجوك..ارجوك اقتلني..موتني بس..بس ده ابويا .خليني اشوفو..وديتوه فين..وانبي ابويا فين
زين استغرب كلامها ودفعها برجلو وقال بغضب..ابوكي ايه...ابوكي مشى من ساعه هو اي كلام وخلاص
احلام قالت بضعف وهيه خلاص بتغيب عن الوعي..متكدبش عليا يا زين..انا..انا عرفت ان العربيه خبطتو وانو بينز،ف وديني ليه ..وانبي وانبي وديني ليه
نزل لمستواها بصدمه وسند دماغها على ايده وبقى يضرب خدودها بخفه وقال بتوتر ..احلام .احلام انتي بتقولي ايه...مالو ابوكي..ابوكي في داره فيه ايه...مين الي قلك الكلام ده
قالت بتعب شديد ..نعمه..نعمه بنت عمككك..قالت خبطتو العربيه واخدتوه على المندره..وقالتلي مفيش حد روحيلو ..ابويا فين..هو فين
زين اتسعت عنيه بزهول وقال..نعمه..ولسه هيكلمها لقاها ووووووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
تعليقات
إرسال تعليق
فضلا اترك تعليق من هنا