روايةنسخه جريئه شمس وشهيره الفصل الثانى 2بقلم زهرة الربيع (جميع الفصول كامله)

رواية شمس وشهيره الفصل الثانى 2بقلم زهرة الربيع (جميع الفصول كامله)

رواية شمس وشهيره الفصل الثانى 2بقلم زهرة الربيع (جميع الفصول كامله)

2_وقف وهو بيبصلها بزهول ووقعت دمعه على خده غصب عنو وهو شايفها قدامو كأنها هيه مش أختها نفس الملامح نفس العيون كل حاجه كانها اتنسخت منها مد ايده بتردد وسلم عليها وهو مش قادر يرد

شمس خدت بالها من حالتو واتنهدت وقالت...احم نمشي

سراج خد بالو انو ركذ فيها ذياده واتحرج شويه وقال...اه..اه طبعا اتفضلي

طلعو بعربيتو و على الطريق كان كل شويه يبصلها وهو بيحاول ميخلهاش تاخد بالها بس كان واضح جدا لهفتو عليها 

شمس بصتلو وقالت بحزن...شهيره الله يرحمها حكتلي كتير عنك..انا مقدرتش احضر معاها اي مناسبه بسبب الدراسه والشغل

سراج اتنهد وقال بضيق ...الله يرحمها..كانت كل مره بتبقى نفسها تشوفك..انا عارف ان والدتك كانت تمنعك انك تيجي هنا بس على الاقل المفروض كنتي تبقى معاها في مرضها

شمس قالت بدموع..مقالتليش...مقالتش خالص..انا اتفاجأت بانها تعبت بعد وفاتها ...اصلا حتى ماما متعرفش اكيد لوكنا نعرف كنا هنقف معاها ..وكملت بدموع وقالت..اهلنا كانو بيبعدونا جدا عن بعض ماما بترفض اجي هنا و بابا كمان مانع والدتي انها تشوف شهيره ..زي ما يكونو اشترونا مش انجبونا..وكأننا ملناش اي رأي ...بالعافيه بابا وافق ان ماما تحضر فرح شهير ه بعد اصرار منها..بس حكاية مرضها دي لا هو ولا هيه قالولنا

سراج اتنهد وقال..على كلن ..انا انا كنت عارف انك..احم انك تشبهيها بس مش لدرحه دي ..مش عارف رد فعل ملاك هيبقى ايه

شمس قالت بابتسامه..متقلقش ...انا هتعامل معاها..انا احم..انا وافقت على الجوازه دي علشانها

سراج بصلها وقال بسرعه...هو اصلا مفيش سبب تاني...بباكي وبابا اقترحو الفكره وانا وافقت علشان ملاك..وكنت هتكلم معاكي في الموضوع ده..انا لسه احم لسه منستش اختك..وبحبها..جدا...ومعتقدش اصلا اني ممكن انساها ..فمش عايز اظلمك ولو الموضوع مش هيناسبك او

قاطعتو شمس وقالت ..الموضوع لو مش هيناسبني انا مكنتش جيت ولا وافقت..انا محدش اجبرني على كده انا موافقه وبالنسبالي هعتبر نفسي ام لملاك وبس و

قاطعها وقال بحده.. خالتها..خالتها مش اكتر..ملاك بنت شهيره وبس هتفصل كده ..وتتعاملي معاها على الاساس ده

شمس اضايقت من طريقتو بس كانت مقدره وضعو وقالت..تمام..خالتها

سراج اتنهد وقال..تمام دلوقتي هنعدي على مكتب مأذون و...ونكتب الكتاب...علشان تروحي معايا

شمس قالت...تمام الي يريحك

سراج قال ...صحيح انتي ازاي بتتكلمي عربي

شمس قالت..ده لاني درست لغات كتير بحكم شغلي انا مترجمه وشغلي اني اعرف لغات كتير

بقلم...زهرة الربيع

سراج اتنهد وقال ..تمام...وفضل سايق لحد مكتب المأذون وكتبو الكتاب ورجعو على البيت وفضلو طول الطريق ساكتين وسراج كان قلبو موجوع بشده ومش عارف ازاي هيقضي اغلب وقتو معاها وهيه نسخه من مراتو وحببتو الي مش قادر ينساها

بعد شويه وصلو وشمس سلمت على والد سراج وكانو بيتكلمو فنزلت بنت صغيره ٤ سنين واتسعت عنيها بفرحه شديده وجريت على شمس حضنتها بقوه وقالت ببكا..ماما وحشتيني وحشتيني اوي...قالولي انك مش هتيجي تاني انا كنت عارفه انك مش هتسبيني لوحدي

سراج نزلت دموعه وبعد بسرعه عنهم وقف عند اطلاله الفيلا وقبض بايده على قلبو وهو بيحاول يخبي دموعه عنهم

شمس كانت كانت بتبكي وضمت ملاك لقلبها بارتياح ومقدرتش تقولها انها خالتها مش والدتها قالت بدموع ..انا هنا يا حبيبة ماما..مقدرش اسيبك ابدا 

سراج التفت لها بزهول لانو اتفق معها تتعامل مع ملاك على انها خالتها 

شمس اتوترت من نظراتو بس مقدرتش تزعل الطفله البريئه الي فيها كل حاجه من اختها..فضلت تتكلم معاها وتضحكها وملاك كانت بتضحك بفرحه لاول مره من وقت وفاة والدتها

سراج طلع على اوضتو بغضب شديد وشمس اخدت ملاك على اوضتها وفضلت معاها تحكيلها حكايات لحد ما راحت في النوم

غطتها وحطت لها العبه بتاعتها جمبها وراحت ورا سراج لانو كان واضح انو اتعصب جدا من الي حصل

شمس دخلت لقتو واقف عند الشباك وبيبص من اطلالة القصر بجمود وقال...جايه ليه..عايزه تاخدي مكانها في سريري كمان

شمس اتصدمت بشده من الي قالو وقالت بغضب..ايه الوقاحه دي.. انت ازاي بتكلمني كده 

سراج بصلها بغضب شديد وقرب عليها وقال بغضب...قلت حاجه غير الحقيقه احنا مش اتفقنا انك هتتعاملي معاها على انك خالتها وهتفهميها انك تشبهي امها بس مش اكثر..ليه قولتيلها انك امها..اذا فاكره انك باللي بتعمليه ده ممكن تاخدي مكان شهيره تبقي غلطانه لان انتوا اللي بينكم هو الشكل بس وده شيء ميهمنيش ابدا 

شمس اتصدمت من كلامو ونزلت دموعها وقالت انت قصدك ان انا بحاول اخد مكان اختي ضحكت بسخريه وقالت ..يا سلام ..بقى انابحاول اصتادك يعني انت انت سامع نفسك بتقول ايه..واخدت نفس وقالت على العموم..انا مقدره وضعك وصدمتك بالتشابه الي بنا ووجعك على مراتك لولا كده كان بقالي تصرف تاني

قالت كده ولسه هتمشي شدها من دراعها بغضب وقال...انا لما اكون بكلمك تقفي تسمعيني..انا قولتلك ايه على الطريق

اتنهدت بضيق وقالت..ايدك لو سمحت ..اياك تلمسني

سراج ضحك بسخريه وبصلها وقال..لا بجد 

وبقى يتقدم عليها بغضب وقال...يعني انتي مش عيزاني المسك ولا اقربلك..ولا عملتي كده بقصد..ونيتك بريئه جدا وجايه تربي بنت اختك ده ايه الكرم ده كلو ...وبصلها بغضب وقال...اقدر افهم اذا كده..حضرتك هنا بتعملي ايه..في اوضتي

شمس بصتلو بضيق شديد وقالت...يمكن هنام مثلا

سراج بصلها بغضب وقال..ومنمتيش معاها ليه..جايه هنا بتهببي ايه

شمس خدت نفسها بغضب وقالت..استاذ سراج...احنا اتجوزنا..تمام سواء لتقبلت الفكره او لا فده الامر الواقع..واهلي وافقو بصعوبه على اساس انو هيبقى جواز طبيعي..فلازم معلش حضرتك تستحمل وتتأقلم عل جودي معاك..ومتقلقش انا معنديش اي نيه اني اطور علاقتي معاك او افكر في حاجه من الي في دماغك ..وبصتلو من فوق لتحت باستهزاء وقالت...مفيش فيك حاجه مبهره للدرجه علشان اتعب نفسي في المحاوله

قالت كده وسابتو واتوجهت للحمام

سراج قال بغضب ....ولو حاولتي مية سنه...مش هتعرفي تبقى زيها

بصتلو بيأس وقالت...انت مريض ...بجد ...ربنا رحمها 

بقلم...زهرة الربيع

قالت كده وسابتو واقف بغيظ شديد وضرب رجلو في الكنبه بغضب واتألم جدا وقعد بالم

سراج اتنهد وحاول يهدى وغير هدومو للبس بيتي عباره عن بنطلون قطني وتيشرت ضيق وكان شكلو وسيم جدا اترمى على الكنبه وبقى يفكر في ملامح شهيره قد ايه اتألم انهارده لما شاف اختها صورة طبق الاصل ليها بس بان الغضب على ملامحو لما افتكر شمس بنسبالو مستفزه جدا ومش شبه شهيره غير في الشكل وهو وسط افكارو طلعت من الحمام وبقت تنشف شعرها

سراج التفت لها لفته سريعه واتصدم لما لقاها لابسه برنس قصير جدا وبتنشف شعرها وكانت مغريه جدا بدون مكياج وبششرتها صافيه والملامح اللي بيعشقها والعيون الي داب في هواهم بلع ريقه وغمض عنيه بعنف وقال في نفسو يا صبر ايوب يا رب.. واتنهد وقال..ممكن افهم ايه المنظر ده ازاي طالعه كده وعارفه اني موجود

شمس ضحكت بقوه وقالت...وفيها ايه ده برنس استحمام هو انا طالعه عريانه ضحكتني قوي الصراحه هو انا خارجه قدام طفل يا ابني فيه ايه ما اتخليك في حالك وتسبني على راحتي.

سراج وقف وقال بغضب..ده الي هو ازاي يعني.. اسيبك عل راحتك رايحه جايه قدامي بالمنظر ده هو انتي بتستعبطي ولا عبيطه

نفخت بغضب منو وقالت... اووووف خلصنا خلاص هلبس اهوه متخنقنيش وبتفك الحزام بتاع البرنس جري عليها وحط ايده على ايدها بيمنعها وهيه اتخبطت في الدولاب وراها وقالت ...ايه.. فيه ايه

سراج قال بزهول.. فيه ايه..انتي..انتي كنتي هنعملي ايه

بصتلو باستغراب وقالت...هعمل ايه يعني مش عاجبك البرنس وهغيرو

رغم زهوله وغضبه لكن كان عايز يضحك على الجمله قال..مش عاجبني البرنس فهتقلعيه خالص..وقدامي

شمس كانت بتبصلو باستغراب وقالت..ااااه...فهمتك...طب ياسيدس متبصش ..يعني انا هطلع البس في اوضه تانيه مثلا

سراج قال بغضب..انتي عبيطه يا بت انتي ..تقلعي ملط قدامي ومبصش..ليه بيجري في عروقي كركاديه

ضحكت بقوه وقالت..ااااه تمام..وزاحت شعرها لورا بطريقه مغريه وقالت..الموضوع صعب بصراحه انا اتعب اي حد

وضحكت ولسه هتمشي شدها بقوه وقال...استني...ومن هنا ورايح تاخدي هدومك وتلبسي في الحمام بلاش قلة ادب لاخر مره هقواك ولاعشره زيك ينسوني مراتي اصلا بكل حركاتك دي متهزيش شعره فيا ...يلا روحي

بس اتفاجأه بشده لما قربت منو جامد وحاوطت رقبتو باديها وقالت....انا بحب اغير بره...بحب اخد راحتي..ولو الموضوع تعبك جامد يعني ومش هتقدر تقاوم...عادي احنا كتبنا الكتاب

سراج اتصدم بشده ووووو

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا