رواية الملعونه الفصل الأول والثاني بقلم رشا منصور (جميع الفصول كامله)

رواية الملعونه الفصل الأول والثاني بقلم رشا منصور (جميع الفصول كامله)

رواية الملعونه الفصل الأول والثاني بقلم رشا منصور (جميع الفصول كامله)

أنا آسر عمري 21 عاما بدرس في كليه الاثار ليس لي اصدقاء لأن طبعي خجول جدا ولا استطيع التعرف على احد إلا لو جاء هو وتحدث معي 

وفي يوم كنا في رحلة تبع الكليه لمعالم السياحية وذهبنا إلي الأهرام والمتحف وكانت كل الدفعه موجودة إذا رأيت فتاة في غايه الجمال ولها أصحاب كتير تتحدث وتضحك بصوت عالي واضح أن لها شعبيه كبيره اكيد مش هتبص ل واحد زيي وفي وسط تركيزى وجدتها تقترب منى وتقولي آسر ازيك أنا ميرنا زميلتك كنت محتاجه منك محاضرات التاريخ أنا مش بحضر واصحابي كمان بس عرفت انك ملتزم في الحضور وبتجيب تقدير كمان 

كنت واقف مش عارف انطق وفرحان في نفس الوقت كل اللي عملته أنى هزيت رأسي لها قالت ليا تمام ده رقمي كلمنى بالليل علشان نحدد ميعاد نتقابل واخد منك المحاضرات باى بقلم رشا منصور

فضلت واقف مكاني مش مصدق نفسي أجمل بنت في الكلية جت تكلمني أنا وكمان سألت عليا معقوله تكون معجبه بيا فضلت اسرح بخيالي لحد ما لقيت المشرف بيقولى أنت يابني يلا علشان هنمشي روح أركب مع اصحابك يلا 

ركبت الباص وكل شويه انظر إليها واجدها تهرج مع الجميع شعرت بالغيرة ولكن ليس بيدي أن أفعل شئ 

وعندى ذهابي إلي البيت دخلت غرفتي واتصلت عليها 

آسر....

الو ميرنا أنا آسر أنتي طلبتي مني اتصل عليكي آسف لو كنت خليتك انتظرتي بس أنا لسه واصل حالا البيت...

ميرنا....

هههههه انتظرتك ايه بس أنا لسه مع اصحابي مش هروح دلوقتي أنا هبقي اكلمك بالليل ولا أنت مالكش في السهر 

آسر....

لأ لأ عادى اتصلي في أى وقت هستناكي ولقيتها قفلت 

فضلت قاعد مستني وحطيت الفون ع الشاحن وعمال ارتب الكلام اقولها ايه طب اعترف اني معجب بها ولا استني لما تقولها هى وفضلت ع حالتي دى لحد ما نمت ع المكتب والفون أمامي صحيت فجأة ع اتصلها كانت بقلم رشا منصور الساعه 3 قبل الفجر رديت عليها 

قالت ليا ايوة يا آسر استناني بكره عند الكافتيريا الساعه 2 الظهر سلام وقفلت بقلم رشا منصور

منطقتش ولا كلمه هى قفلت بسرعه بس قولت أكيد أول ما اشوفها هقولها أنى معجب بها ع طول 

ودلوقتي أنا لازم اساعدها طلعت ورق فلوسكاب ونقلت لها كل المحاضرات ومش بس كدا ده أنا عملت لها ملخص المنهج كله وروحت الكليه وأنا كلي حماس بالنسبة لي كانت ميعاد غرامي أول ما شوفتها كانت مع شباب وعماله تهرج معاهم وبعدين سابتهم وجت قعدت على التربيزة واخدت من قدامى العصير شربته وقالت ليا هات المحاضرات اصورها واجبلك الكشكول بكره قولت لها لأ أنا .... 

ميرنا.... خلاص خلاص تعالى معايا هصوره دلوقتي

آسر.... طلعت لها الورق اللى عملته علشانها وكنت حاطه في ملف أول ما فتحته قالت يا عسل والله أنت واد سكر تصدق أنت هتنفعني في الامتحانات 

قولت لها ميرنا أنا معجب بكي وأول ما اخلص كليه هخطبك فضلت تضحك بسخرية وقالت اظاهر عليك نسيت نفسك وراحت رمت الورق في وشي وقالت مبقاش إلا أنت اللى ارتبط به كمان 

محستش بنفسي إلا وأنا بجري وأنا حاسس أن كل الناس بتبص عليا وبتتريق روحت البيت وقفلت ع نفسي الاوضه وفضلت ابكي لدرجة قولت مش هروح الكلية تاني بس 

فجأة وأنا في اوضتي سمعت صوت التليفزيون كان عالي إعلان عن جلب الحبيب قولت بس زى ما احرجتني قدام الكل أنا هخليها تركعلي قدام الكل وتعترف قدامهم أنها تحبني الفكرة كبرت في دماغي وقررت اتصل ع الرقم وياريتني ما عملت كدا كل المصايب جاتلي من بعد ما اتصلت بهم ...... 

اخدت قرار أنى اتصل ع رقم اعلان جلب الحبيب واخدوا اسمي ورقم الفون وقالولي هنبقي نتصل عليك وبعد نص ساعه لقيت رساله بالعنوان ومكتوب لازم احضر لوحدى الساعه 10 مساااء 

فرحت وكنت محوش خمسمائة جنيه اخدتهم معايا واعتقد انها هتديني أى حاجة هى تشربها وتحبني ع طول زى ما بيحصل في الافلام لكن لما روحت لقيت شقه كبيرة وناس كتير قاعدة وموظفين ومكاتب تحس انك في الشهر العقاري مش ف مكتب ساااحرة وأول ما جه عليا الدور دخلت لقيت واحدة ست قاعدة حاطه مكياج كتير أوى ولبسه خواتم والإضاءة باللون الاحمر وفي حيوانات محنطه ع الحيطان أول ما بصلتي قالت ليا أقعد يا آسر 

قعدت وأنا مش عارف ابدء منين قالت ليا قول طلبك

قولتلها جلب الحبيب 

قالت ليا في سابق معرفه بينكم .... قولت لها زميلتي في الكليه لكن لما اعترفت لها أنى معجب بها احرجتني في وسط زمايلي وضحكتهم عليا 

السااااحرة...  

أنت عاوزها تحبك ولا عاوز تنتقم منها حدد مطلبك 

آسر..... عاوزها تحبني بس تعترف ليا قدام الكل علشان ترد ليا كرامتي  

يتبع #رشامنصور

#الجزءالثاني

#الملعونه 

الساحرة.... لازم تجيب ليا حاجه تخصها وتدفع تلات الألف جنيه 

آسر.... 

حاجه تخصها ازاى بقولك أنا زميلها وبعد اللى حصل مقدرش اقرب منها عوزانى إزاى بقي اجيبلك هدومها 

السااااحرة.. بقلم رشا منصور

مين قال إني عاوزة هدومها هاتلي منديل او شعره منها 

بس تأكد أن الحاجة تخصها هى وبس 

آسر....

أنا هعمل أى حاجة وانفذلك طلباتك المهم أنها تحبني ومشيت من عندها وأنا عمال افكر اجيب لها حاجه تخصها منين ولا الفلوس ده أنا كل اللى معايا خمسمائة جنيه بس 

وأول ما النهار طلع روحت ل ماما قولت لها في كتاب مهم أوى ومطلوب نعمل بحث للجامعه ومحتاجة وهو مش مصري وفى مكتبه هتجيبه لنا بس بالعملة الأجنبية وبالمصري تكلفته تلات ألف جنيه وخايف اسقط ولو قولت ل بابا أنا عارف ظروفه مش عارف اعمل ايه يا أمي 

قالت ليا يابني أنا يهمني مستقبلك خد الخاتم ده بيعه هيجيب إكتر من خمس الألف خد التلاته حق الكتاب وهاتلي باقي الفلوس أنا محتاجه فلوس للشقه 

وخدت الخاتم ابيعه وأنا مضايق بس مكنش قدامى حل تاني وروحت الجامعه وخدت معايا الملخصات وأول ما شوفتها روحت قولت لها أنا جاى اوضح حاجه واحدة بس أنا كنت بهرج معاكي أنا كنت بلعب مع اصحابي والحكم كان أنى اقولك أنى معجب بكي بس أنتى مش ادتيني فرصة اشرحلك وع العموم اتفضلي الملخصات اهي أنا مكنتش اعرف انك بتزعلي من التهريج 

ميرنا .... 

 هههههه مدام تهريج اشطه تعالي لما اعزمك ع حاجه اصحابي قاعدين هناك ببص لقيت شعره ع بلوزتها اخدتها بسرعه قالت ليا في ايه قولت لها دى ورقه شجر وروحت معاها علشان اصحابها يشوفني معاها وبعدين وشوشتها قدامهم قولت لها في واحد جايبلي ملخص بيقولى اسئله الامتحان جايه منه هروح اقبله ولو لقيته جبهم هصورهالك بس متعرفيش حد أحسن الكلام يتسرب والدكتور يغير الامتحان وقصدت بعدها اعلي صوتى وقولتلها ع موبيلات بقي سلام ومشيت ومن جوايا حسيت بأنتصار لأنى قدام اصحابها بان أننا مرتبطين أو ع الأقل بقينا أصحاب وبينا مكالمات

 ‏آسر.....

 ‏روحت ع السااااحرة ومعايا الشعرة والفلوس قالت ليا روح أنت والعمل هيشتغل بعد ثلاث أيام 

 ‏مشيت وأنا بتخيلها وهي بتحبني وتطاردني. في كل مكان عيشت أجمل إحساس وبقيت اعد الأيام وأول ما روحت الجامعه بعد تلات أيام كانت الكارثة

أول ما دخلت الكلية لقيت شذي صديقه ميرنا المقربه واقفه عند البوابه وأول ما شافتني جت تسلم عليا ومسكت ايدي وبتقولي وحشتني كنت مصدوم ومستغرب اسلوبها معايا دى أول مرة تكلم معايا قولت لها شكرآ وروحت ع الشله بتاعه ميرنا بقولهم صبااااح الخير هى ميرنا مجتش لسه جت شذي قدامهم وتقولى أنت مالك بها أنا مش عوزاك تكلم بنت غيري أنت ملكي أنا وبس 

بصيت لها بدهشه وبصيت ع أصحابها بقولهم هو في ايه واحد منهم قالي فى ايه هو أنت جاى تعمل دنجوان ع البنات بتوعنا دول أصحابنا من الأول بصيت لها قولتلها سمعتي عجبك كدا 

شذي...

 أنا ماليش دعوه بحد أنا بحبك انت وبس ومسكت ايدي وشدتنى بعيد عنهم وطول ما إحنا ماشين مكلبشه في دراعي قولت لها هتودينا في داهيه حر'س' الجامعه في كل مكان قالت ليا تعالى نروح في أى حته قولت لها طب الساعه 6 هنخرج سوي سبيني دلوقتي كنت عاوزة أهرب' منها وخلاص علشان اقابل ميرنا 

آسر..... 

فضلت واقف بعيد متابع الشله لحد ما شوفت ميرنا استنيت ربع ساعة قولت ع ما يبلغوها اللى حصل من شذي يمكن تغيير عليا زيادة واتصلت عليها وأول ما فتحت اتفجأت بها بتقولى أنا معرفش أنك زباله.بالشكل ده بقي بعد ما عرفتك ع أصحابي تاخد شذي من صاحبها وتفرق بينهم أنا مش عاوزة أعرفك تاني وقفلت السكه في وشي جيت اتصل تاني لقيتها عملت ليا بلوك حسيت بالكار'ثة أكيد الشعره كانت بتاعت شذي أنا أعمل إيه دلوقتي ولقيت شذي جت ليا عماله تمسك ايدي وتقولي بحبك وأنا مش عارف اعمل ايه خدتها وخرجت قولت قبل ما اترفد بسببها وأول ما طلعت ع الشارع سمعت اللى بينادى عليا ولقيت صاحبها جه وضا'ربني والناس فضلت تسلك بينا بس بعد ما كنت اتخرشمت. خدتني شذي ع جنينه وقعدنا فيها قولت لها ابوس ايدك كفايه اللى جرالي كانت فكره مهببه بصي أنا مش بتاع حب وكلام ده ارجعي ل صاحبك تقولي مش هسيبك ولا هبعد عنك أبدا قولت لها بصي يا شذي أنا بحب ميرنا وصاحبك بيحبك ايه رأيك نبقي أصحاب ونصلح الموضوع وانتى ترجعي لصاحبك وأنا ارجع اكلم ميرنا لقيتها برقت وقالت أنت مش مسموحلك تحب حد غيري ولقيت عينها قلبت أسود كلها اتفزعت وقومت اجري روحت للساااحرة قولت لها الحقيني وحكيت لها كل اللى حصل وكانت الصدمه 

قالت ليا أنا وكلت جنيه تلبس صاحبه الشعرة علشان تحقق المراد وتحبك من غير ما صاحبه الشأن نفسها ما تحس بأفعلها واعترافك لها أنك بتحب غيرها دى اهانه وخيانه لها وغييرة الجن اشد من الإنس بكتير ومحدش يعرف ممكن تعمل ايه حاول تهاودها واشتري حياتك يابني أنا مقدرش افيدك ومفعول السحر هيروح بعد تلات شهور 

قولت لها .....

يتبع بقلم #رشامنصور

تكملة الرواية من هنااااااا