رواية تربية حواري الفصل 51-52-53-54-55بقلم ولاء حامد (جميع الفصول كامله)
رواية تربية حواري الفصل 51-52-53-54-55بقلم ولاء حامد (جميع الفصول كامله)
روايه تربيه حواري
البارت الواحد والخمسون. ♥️♥️♥️
وقطع كلامهم موبايل جبل
طلعه همام من جيبه لأنهم سلمهوله مع متعلقاته الشخصيه في المستشفى بص لقيه رامي
همام رد : الو ازيك يا ابني
همام بصدمه :انتا بتقول ايه انتوا فين دلوقتي
وفجاءه التليفون وقع من ايده وسابه وطلع يجري من غير ما يحس هو ماشي كيف وازي ولا حتى رايح فين
جبل بتعب: بابا يا بابا ايه اللي حصل
مسمعش رد من ابوه اللي اصلا مش داري بالدنيا
فضل مكانه مش قادر يتحرك وموبايله قدامه على الأرض حس بالعجز في اللحظه دي ووجع الدنيا أتمكن منه فضل ينادي بجنون على حد يرد عليه لحد ما اخيرا دخلت ممرضه من صوته
الممرضه بهدوء: خير يا استاذ صوتك انتا في مستشفى وفي مرضى حواليك
جبل بنفاذ صبر :عايز الموبايل بتاعي عندك على الأرض مش قادر اقوم اجيبه
الممرضه بهزه راس ميلت جابت الموبايل من الأرض ومدت ايديها بالموبايل ليه: اتفضل تليفونك اخده منها من غير ولا كلمه وطلعت الممرضه بتضرب كف بكف من تصرفه
جبل مسك التليفون بلهفه وحاول يشغله بس للأسف الوقعه دمرت الشاشه تماما والتليفون مش نافع فضل قاعد على اعصابه وهايموت ويطمن في أيه وأبوه طلع يجري زي المجنون ليه ودموعه نزلت بعجز على حالته وهو راقد عاجز مش قادر حتى يوم يطمن على ابوه ولا قادر حتى يهون على نفسه لانه هو اللي وصل نفسه للوضع داه فضلت دموعه تنزل في صمت
******************************
همام محسش هو ماشي ازاي ولا انه سايق بجنون كل اللي حاسس بيه نار شبت في ضلوعه وصدي الكلام بيتردد في اودانه مبيرحموش عنيه دمعت من غير ما يحس واه والف اه من وجع بينخر في قلبه وعقله زي السوس أتمكن منه ومش قادر يطلع منه صرخ بصوت عااالي: يااااااارب رحمتك بيا ياااارب عبدك الضعيف تعب ياااارب
وتشاء الاقدار وبكاء حور من زمن عاد اليوم بصوت همام
كمل سواقه ودموعه موقفتش لحظه
*********************
يونس فضل في حيره من أمره وبتفكر في كلام ياسر اللي اقتنع بيه قلبا وقالبا يونس بشرود: حور فعلا عنيده ومش هاتنطق الا تحت ضغط ضغط شديد للأسف يا حور مفيش حل قدامي غير كده
حسم أمره ومسك تليفونه: ايوه يا ياسر
ياسر بمكر وهو متأكد من سبب مكالمه يونس: ايوه يا كبير اؤمر
يونس بتنهيده: حور هاتنزل الورشه أمته
ياسر بإبتسامه خبث اترسمت ببراعه على وشه: بالكتير بكره خليك معايا على تليفون اول ما تنزل واتأكد انها وصلت الورشه هاديك رنه
يونس بهدوء: تمام ماشي هاستنى
ياسر: تمام يا كبير عد الجمايل
يونس بإبتسامه: عاددهم متقلقش مردوده في الأفراح
ياسر بإبتسامه صافيه: واثق ومتأكد يا هندسه قد القول يلا اسيبك ولما تنزل هابلغك اشطا
يونس: تمام مستنيك بس متتأخرش عليا
ياسر :متشلش هم انا مستعجل اكتر منك بس اسمعها مني نصيحه دوس جامد حور عنيده ودماغها جزمه قديمه اوعي تتساهل معاها حور عايزه اللي يضغط عليها علشان تقدر تطلع اللي جواها واوعي يخوفك صوتها العالي لانه سلاحها في عز ضعفها لما تلاقيها اتعصبت وزعقت اعرف انها بدئت تضعف وقتها تقدر تخرجها عن شعورها
يونس بإنصات: تمام تقريبا انا عارف جزء كبير من شخصيه حور
ياسر :كده تمام انا كده اطمنت الله معك يا غالي
يونس: تمام يلا مع السلامه
قفل المكالمه وهو بيحاول يرتب أفكاره للي جاي
**************************حور قاعده دماغها شغاله زي الطاحونه :يا ترى اللي حصل لجبل داه مين اللي وراها داه حد قاطره
اتنهدت تنهيده طويله: يمكن يونس
هزت رأسها بنفي: لالا يونس ملهوش في جو البلطجه والشبيحه اوووووف اومال مين بس دماغي هاتشت مين بس واشمعني بعد اللي حصل على طول مهو لو حد تاني يعرف الحوار كنت قولت هو بس داه حتى أمي متعرفش اللي حصل اوووف اووووف وبعدين بقى في خوتت الدماغ دي انا هافضل اهري في روحي ليه يا خبر بفلوس شويه ويبقى ببلاش كده كده اللي في الدست هاتطلعه المغرفه والأيام جايه جايه
فضلت تتكلم وتفكر مع نفسها وشغلها الشاغل هو اللي حصل ولا حست بنفسها ولا بأمها اللي كل شويه تبص عليها تلاقيها قاعده تايهه في ملكوت ربها
هدي دخلت اوضتها وقفلت الباب وراها وكعادتها من اول امبارح وهي مش بتعمل حاجه الا إنها كل شويه تمسك التليفون وترن على ياسر والمره دي فضلت ترن مره ورا مره ورا مره من غير كلل او ملل
ياسر شايف التليفون ومش عارف يرد ولا عارف يعمل ايه خصوصا ان مرات عمه شخصيه طيبه وعلى نياتها ومبتعرفش تخبي والاكيد ان حور لو عرفت انه عارف هتتأكد انه هو اللي ورا اللي حصل زي ما هو واثق انها ورا اللي حصل في ضرب جبل
وللأسف ايقن ان مرات عمه مش هاتحل عنه قفل التليفون خالص علشان يريح دماغه
هدي اتأكدت ان ياسر عرف حاجه ومخبي
هدي بقلق: ماشي يا ابن نعيمه بقى كده طيبيب اصطبر بقى على رزقك
طلعت عبايتها ولبست حجابها وخدت البوك في ايدها وطلعت
هدي بصوت عالي: بت يا حور انا طالعه هاتعوزي حاجه
حور اخيرا انتبهت لأمها: بتقولي حاجه يا أما
هدي بكزه سنان: بقولك انا طابعه هاتعوزي حاجه
حور بإستغراب وكشه حواجب: رايحه فين السعادي لو عايزه حاجه هاللبس انا وانزل اجيبها
هدي بعصبيه: في ايه يا بت انتي بتحاسبيني ولا بتحاسبيني ولا اكونش مستنيه الأذن من جنابك السامي
حور بتبرقه عنين من عصبيه امها الغير مبرر: مش القصد يا أما اصلك مبتطلعيش اصلا علشان تطلعي السعادي فبسال مش اكتر
هدي : رايحه مشوار السوق صد رد عايزه اشوف حاجه
حور بعدم اقتناع: السوق غريبه طول عمرك مبتحبيش تروحي السوق حتى ايام ابويا الله يرحمه
هدي بعوجه بوق: زهقت طقهت كمكمت من قعدت البيت قولت امشي رجليا كفرت ولا كفرت يعني
حور بصدمه: لا داه ولا داه براحتك طيب تحبي اجي اوصلك بالعربيه
هدي بحسم: لاء عايزه امشي رجليا تفك شويه يلا فوتك بعافيه
ونزلت اتمشت شويه لحد اول الحاره ووقفت تتلفت حواليها وشافت محل همام وهو كومه فحم
هدي بأسي: لا حول الله يارب اللطف بعبادك يارب
وشاورت لتوكتوك وركبت وقالتله المكان
دقايق وكانت وصلت المكان المطلوب
دخلت وهي عنيها بتتلفت حواليها
عابد شاف هدي قدام المحل قام بسرعه وبترحاب: ام حور يا خطوه عزيزه يا الف اهلا وسهلا
هدي بتوتر: الله يعز مقدارك يا ابو ياسر
عابد :خير ايه اللي جايبك هنا الساعادي انتوا بخير وحور بخير
هدي بهزه راس: لاء كلينا بخير نحمد الله انا بس كنت عايزه ياسر بس هسأله على حاجه
عابد بشك: ياسر
هدي وهي بتبلع ريقها بصعوبه: ايوه بس كنت عايزه اسأله على حاجه كده يعني
عابد: تؤمري اقعدي ارتاحي وشاور على كرسي قعدت عليه هدي اللي حست ان رجليها مش شيلاها
عابد اتحرك من مكانه كام خطوه وزهق بصوت عالي: ياسر يا يااااسر
ياسر كان واقف مع العمال وجه على ملا وشه: خير يا حاج في إيه
عابد بغموض: في ناس عايزينك
ياسر : ماشي يا حاج تعالي معايا
مشي الاتنين كام خطوه وياسر اتصدم لما لقي اللي قدامه مرات عمه
بلع ريقه بصعوبه: ازيك يا مرات عم
هدي بغضب مكتوم: الله يسلمك يا ياسر عايزاك بس في كلمتين
ياسر بص لابوه اللي عينه متشالتش من عليه ورجع بصلها بكزه سنان:من عيني يا مرات عم اتفضلي وشاور بإيده على بره المحل
عابد بسرعه: ادخل المكتب جوه افضل من كلام الشارع
ياسر بص لابوه بسخريه لانه عارف ان المكتب فيه كاميرات مراقبه: لالا يا حاج انا هاشوف مرات عمي وجاي وراك علطول خلي بس عينك على العمال علشان بيعملوا جرد علشان البضاعه الناقصه نبعت نجيبها من المخزن
عابد بص لابنه بشك ولكن ما باليد حيله هز رأسه من سكات واتحرك من قدامهم
مشي ياسر وهدي وراه لحد ما طلع من المحل فتح العربيه: اركبي يا ام حور
هدي بجديه: مش لازم يعني انا جايه في كلمتين ورد غطاهم عماله اتصل بيك ع المدعوق اللي في ايدك مبتردش عليا جرا ايه يا ابن عابد
ياسر بتنهيده: وعشان انا عارف انك جايه تتكلمي في الحوار داه بقولك اهو الكلام مينفعش في الشارع الحيطان ليها اودان ولو كنتي صبرتي لحد بالليل كنت انا هاتصل بيكي
هدي بشخطه: اخلص ياض بلاش تلف وتدور زي الحنش عليا
ياسر بقله حيله :طيب يلا يا ام حور اركبي الله لا يسيئك فرجتي عليا أمه لا إله إلا الله اركبي وكتاب الله الكلام الي هايتقال ما ينفع في الشارع وخصوصا لو كان معاكي انتي بالذات
هدي حست بالقلق من كلامه وحست ان اللي جاي مش سهل ولا هايعدي بالساهل حسمت أمرها وركبت ورا شغل العربيه واتحرك من مكانه بسرعه دقايق وكان وصل المقابر
هدي نزلت وهي بتتلفت حواليها بإستغراب :انتا جايبنا هنا ليه في الوقت داه
ياسر بتنهيده: مفيش للأسف مكان أأمن من هنا وكمان اضمن ان محدش يسمعنا ولا يشك في مجينا هنا
هدي بقله حيله دخلت معاه
(( السلام عليكم أهل قوم من المسلمين والمؤمنين انتم السابقون ونحن بكم ان شاء الله لاحقون نسأل الله لنا ولكم الرحمه والمغفره ))
واتحركت بخطوات ضعيفه لمقبره جوزها قرئت الفاتحه ودعتله هي وياسر
اتحرك ياسر كام خطوه بيعد عن القبر واتلفت حواليه شويه اتأكد من خلو المكان
هدي اطمنت ان مفيش حد سامعهم: ها بقى بتهرب ليه يا ابن عابد
ياسر بقله حيله: كنت عايز افرحك اني جبت تارك وتار بنتك
اه🌹هدي بعدم فهم: ايه اللي حصل من غير لف ولا دوران تعالي دوغري
ياسر بجديه: الكلب اللي كان متجوز حور يوم ما جاتلك متبهدله اتهجم عليها وكان عايز يعمل عملته الوسخه ويونس لحقها وبنتك عملت معاه الصح وزياده
هدي خبطت على صدرها بخوف وعيون مبرقه: يالهوووي يا مصيبتي مش هايسيبها في حالها اللي ينخفي من الدنيا ابن ثريا وكملت بهذيان طب والحل الواد ممكن يشنع عليها في الحاره ويحكي اللي جرا وتبقى سيرتنا لبانه في حنك اللي يسوى وميسواش يتشدق بيهت وبصت لياسر بعيون مرغيه بالدموع اللي خانتها ونزلت زي المطر دانا مممكن اموت فيها وقربت بوجع من قبر عامر وترمت قدام بابه :قوم يا سندي قوم يا عامر شوف اللي جرالنا من بعدك الدنيا عماله تنهش فينا قوم اللحقنا يا عامر وفضلت تخبط على باب القبر بجنون
ياسر بوجع وغلاله دموع لمعة في عنيه بس قدر يمنع نزولها : قومي يا ام حور حرام عليكي تقلقلي نومته
هدي بوجع: يعني هو مش حاسس باللي بيجرالنا مش شايف
ياسر بشده: حق بنتك جه متني ومتلت ولو فكر بس يتكلم ورحمه عامر في قبره وشاهد اهو على كلامي لكون حاطه في قبره هو اصلا راقد متكسر في المستشفي
هدي ببعض الأمل بصتله ومسحت دموعها بكم العبايه : ازي هي حور عملت فيه ايه سكنه المستشفي
ياسر :مش حور انا اللي كريت ناس دقوا عضمه في لحمه
هدي بإبتسامه :برواه عليك ياض بردت ناري
ياسر: ومش بس كده لاء بعت اللي يحرق قلبهم على المحل والله لفضل وراه لحد ما اخليهم يطفشون من الحاره زي النسوان
هدي بزعل: ليه كده يا ابني تكسره تموته هو يستاهل بس قطع العيش لاء والف لاء يا ابني داه بيقولك قطع الرقاب ولا قطع الأرزاق
كام بيت كان مفتوح من وراه حرام يا ابني انا صحيح بعد عملتهم لا بطيقهم ولا بطيق سيرتهم بس لحد كده ولا يا ابني ياريتك كنت شورتني قبل ما تعمل كده
ياسر: خلاص يا مرات عم االي حصل حصل ومن جه ابن ال ولا بلاش هايفكر مليون مره قبل ما يجيب سيره حور على لسانه ولا حتى بينه وبين نفسه مره تاني يلا انفضي هدومك عشان اوصلك وحسك عينك تجيبي سيره لحور على معرفتي ولا حتى بمعرفتك باللي جرا انتي ادري الناس ببنتك
هدي هزت رأسها بموافقة لكلامه وقامت ونفضت هدومها ومشيت معاه من سكات معاه
رجعت البيت حور كانت قاعده على نار
حور بإستغراب: أما
هدي بصتلها وعنيها كلها وجع وبصوت مبحوح: ايوه يا ضنايا
حور بلهفه من شكل أمها: مالك يا أما فيكي إيه قلبي كلني عليكي
هدي بإبتسامه وجع: سلامه قلبك انا زي الفل أهو
حور بكشه حواجب واستغراب: مالك يا أما كنتي فين كده وجايه هدومك متربه وعنيكي مورمه من العياط
هدي: مفيش ابوكي وحشني روحتله وشكل هدومي شالت من التراب هناك
حور بقبضه قلب: مالك يا أما فيكي إيه
هدي بحرقه: مفيش يا بنتي والله ابوكي كان واحشني قولت اروح ازوره اديلي ياما مزرتهوش
حور :طيب كنتي قولتيلي كنت روحت معاك انتي بتخافي تدخلي الترب لوحدك
هدي بحنان امومي: متخافيش يا ضنايا معايا ربنا خليني بس ادخل اريح جتتي وارتاح شويه
حور بقلق: ماشي يا أما ريحي وانا هاجهز الأكل انا انهارده
هدي هزت رأسها ودخلت اوضتها وقفلت الباب بالمفتاح وطلعت هدوم عامر واخر جلابيه كان لابسه قبل ما يموت طلعتها من كيسها وحضنتها وفضلت تبكي بحرقه وكأن الوجع اللي جواها بترميه في حضن حبيبها لحد ما تعبت ونامت بنفس هدومها وهي حاضنه هدومه
حور فضلت واقفه مكانها وعينها على باب اوضه أمها وقلبها واكلها عليه ونسيت كل حاجه من قلقها فضلت واقفه شويه وعنيها متحركتش من على الباب واخيرا واتحرك على المطبخ وبدئت تعمل روتين أمها اليومي بعقل شارد والف حوار وحوار في دماغها وكل همها وشغلها الشاغل ان أمها ممكن تكون عرفت حاجه وداه اللي وصلها للحاله دي
مر الوقت وهي مش حاسه بأي حاجه غير أمها وحالتها ووضعها
واخيرا خلصت ومر الوقت وحور قاعده على الكنبه اللي في وش اوضه أمها ومتحركتش من عنيها وعنيها على الباب كل شويه تقوم تقرر تهبط وترجع في آخر لحظه تاني
لحد ما اخيرا صحيت امها على أذان العشاء
حور اول ما شافت الباب بيتفتح اخد نفس طويل كأن غريق في بحر ووصل البر بأمان
حور جريت على أمها بلهفه: ايه يا هدهد الجناين نايمه نومه أهل الكهف من صباحيه ربنا
هدي بإبتسامه :يابت لسانك داه ايه بينقط مازوت تدلعي مره وتعكي الف مره
حور بغمزه: ايوتها خدمه يا معلمه عشان تعرفي بس إننا كفاءه
هدي بضحكه: الله يحظك يا حور
حور بهدوء: طيب يلا فوقي كده واغسلي وشك على ما اسخن واغرف
هدي بشهقه: لاهو انتي دخلتي المطبخ وطبختي
حور بهزه راس: اينعم
هدي وهي بتجري: مطبخي دخلت بسرعه :يالهوووي عملتي ايه في المطبخ دانتي شندلتي حاله وجبتيه عاليه واطيه منك لله...حور بزغره عنين تصدقي بالله انا استاهل ضرب الشبشب اني تعبت روحي اصلا ووقفت اطبخ
هدي وهي ناقصه العياط: دانا اللي مني لله اني سيبتك تدخلي مطبخي اطلعي يا بت فورتي دمي
حور بإبتسامه وراحه انها قدرت تخرج أمها من الحاله اللي هي فيها طلعت تجري من قدامها زي العيله الصغيره
هدي هزت رأسها بأسي من عمايل بنتها اللي واثقه ومتأكده انها عملت كده علشان تضحكها وتضحك عليها
هدي بإبتسامه صافيه طالعه من القلب: ربنا يحميكي يا بنتي ويكفيكي شر أولاد الحرام دانتي الحاجه الحلوه اللي مصبراني على هم الأيام في عز تعبي وجعي بتيجي على روحك عشاني بنت ابوكي بجد الله يرحمك يا غالي اللي خلف مماتش كنت تكتم وجعك جواك وتيجي تطل في وشي وضحكتك مرسومه رسم
فاقت من شرودها وبدئت تحول الأطباق على بره
حور ساعدت أمها وقعدوا ياكلوا
حور بإستغراب: أما
هدي وهي تاكل :اممم
حور :هو ليه دايما لما كنا بناكل انا وانتي وابويا الله يرحمه دايما تحطي الأكل كله في طبق واحد ونقعد على الطبليه ولما ييجي ضيوف تحطي لكل واحد في طيق وتحطي على السفره
هدي بإبتسامه بسيطه: عشان ايدك تتعود تشارك الأكل مع غيرك متقرفيش تكون نفسك حلوه اللقمه لما تتقسم من طيق واحد ليها طعم مختلف تحسي ان ليها حلاوه غير أما قعده الطبليه فالارض منها واليها نعود وتخليكي تحسي كده بالونس والدفا واحنا قاعدين جمب بعض
انا الضيوف فداه غريب ليه واجب على أكمل وجه مينفعش يمشي باللي تحبيه تمشي بالاصول لأنك متعرفيش طبعه
حور بصت لأمها بلمعه عين : عارفه يا أما انتي فيكي كتير من طبع ابويا الله يرحمه
هدي بإبتسامه: عامر الف رحمه ونور تنزل عليك يا غالي خدني وانا عيله بضفاير شوفت الدنيا بعنيه وعرفت واتعلمت على ايديه كان عقله يوزن بلد كان حلوووو ونفسه حلوووه اااه يا عشرتي الحلوه اللي استكترتها الأيام عليا يا غالي
حور بأسى: الله يرحمه
وكملوا اكل من سكات
*******************
وصل همام وقفل العربيه بسرعه ونزل يجري وهو مش حاسس بالأرض من تحت رجليه ومع كل خطوه يدعي ربنا بأمل وحرقه
*****************
مر اليوم بحلوه ومره وصبح يوم جديد حور قامت من نومها حاسمه أمرها لله وطلعت بعد ما غيرت هدومها وصلت فرضها لقيت امها بتبص الفطار
حور بإبتسامه: صباحوا فل يا هدهد الجناين
هدي بهزه راس: مفيش فايده فيكي
حور بترقصه حواجب: لو مش عاجبك طلقني
هدي بضحك: الله يحظك يا دي البت
وبصت لحور بإستغراب لابسه كده ورايحه فين
حور :هاروح الورشه
هدي بخوف من اللي سمعته امبارح: طيب متريحي جتتك كام يوم تكوني طبتي شويه
حور :لاء متقلقيش عليا انا زي الفل وصحتي بمب وميتخافش عليا كملت بقوه: بنتك يتخاف منها
هدي بقله حيله: طيب ربنا معاكي شقي ريقك كده بلقمه متروحيش على ريق النوم كده
حور :معلش والله ما هالحق يادوب اللحق طريقي في الورشه هابعت اجيب اكل
هدي : يابني هو اكل الشارع داه يشبع ولا يقوت وكمان منيش عارفه هو معمول كيف وإزاي الواحد بيبقى متوغوش منه
حور بإبتسامه: يا أما ربنا بيحلي لكل واحد رزقه وزاده ودي نفس وانتي دايما تقولي النفس الحلوه ليها الجنه
يلا بقى فوتك بعافيه
هدي بقله حيله: الله يعافيكي يا ضنايا
طلعا حور وشغلت عربيتها وطول الطريق للورشة وعقلها موقفش عن التفكير في حاله أمها إمبارح
حور بشرود: يا تري فيكي إيه يا أما اللي بيكي مش هين يخليكي تروحي الترب في عز النهار وهي مفيهاش صريخ ابن يومين يا تري عرفتي حاجه ولا ايه اللي جرا عقلي هايشت مني اااه يا ناري لو اعرف بس كنت ارتاحت
فضلت تهري في نفسها لحد ما وصلت نزلت وركنت العربيه ودخلت تشوف شغلها
مر الوقت وسمعت صوت معروف صاحبه كويس اووووي
حور رفعت رأسها وبجمود: اهلا يا بشمهندس اتفضل
يونس دخل بهدوء: ممكن كلمتين من فضلك
حور بهزه رأس شاورتله على المكتب لأنها واثقه هو جاي ليه
طلعت المكتب وفتحت ودخلت ووراها يونس
قعدت على المكتب: اتفضل يا بشمهندس اؤمر
يونس بهدوء شديد: اخبارك إيه دلوقتي اتمني تكوني بخير
حور بهزه راس: متقلقش انا زي الفل ورفعت رأسها بكبرياء انا يتخاف مني مش عليا
يونس بإبتسامه: لاء منا شوفت لو مكنتش سلكته من ايدك كان زمانه في خبر كان
حور بحده: اؤمر يا بشمهندس
يونس اتنحنح: كنت عايز الجاكيت كمل بمكر لو طبعا مش محتاجاه
حور بتذكر : ااااه تمام انا كنت نسيته تمام تقدر تعدي بكره عليا هاجيبه معايا وانا جايه
يونس بمكر : بكره صعب اقدر اجاي ممكن لو مفيهاش تعب تجيبيه الموقع أو عند الشلال او أقرب مكان ليه لان فيه في جيبه من جوه ورق مهم جدا محتاجه ضروري في الشغل
حور بإستغراب: ممكن تبعت حد تبعك ياخده
يونس: للأسف مفيش حد اثق فيه غير مازن وهو حاليا في القاهره كام يوم بيخلص أوراق مهمه هناك
حور بتفكير: ان شاء الله هاشوف وابلغك
يونس: تمام بس بالله عليكي متتأخريش لان الورق داه مهم جدا جدا
حور بهزه رأس واستغراب: اه تمام تمام
يونس قام بهيبته المعتاده: طيب استأذن انا
حور بنظره غموض: اذنك معاك
مشي يونس وحور مستغربه : الله داه حتى داه مسألش في حاجه غير عليا معقول يكون صدق الكلام اللي سمعه
حور بهزه رأس وكأنها بتنفضه من التفكير فيه لالا لو كان صدق مكانش جه لحد هنا بنفسه كان ممكن يبعت حد مكانه طيب مهو بيقول الورق مهم غمضت عنيها بأسى ونفخت بصوت عالي اوووووف وبعدين بقى
قطع تفكيرها باب المكتب اللي اتفتحت بعنف واتقفل بحده وسكعه صدي صوتها سمع لآخر الورشه
حور بصت قدامها بصدمه :انتا خييير
يا ترى مين اللي جه لحور
يا تري يونس ناوي على ايه
يا ترى إيه اللي حصل وهمام كان بيعيط ليه
يتبع.......
روايه تربيه حواري
،لفصل الثاني والخمسون ♥️♥️
غمضت عنيها بأسى ونفخت بصوت عالي اوووووف وبعدين بقى
قطع تفكيرها باب المكتب اللي اتفتحت بعنف واتقفل بحده وسكعه صدي صوتها سمع لآخر الورشه
حور بصت قدامها بصدمه :انتا خييير
همام بإنهيار: لييه ليه الاذي بالشكل داه ليه العرض والشرف
حور بعدم فهم: اذي ايه وشرف إيه
همام بدموع: كنت بقول انك بنت بلد وجدعه دانا وقفت لابني ومراتي ودمرت الدنيا لما عرفت حاولت ألم الموضوع وانتي رفضتي احترمت سكوتك حتى لما حاربتيني في اكل عيشي قولت حقك بس لحد بنتي وليه
حور صعب عليها دموع همام ولفت نظرها منظره هدومه مبهدله ووسخه ووشه فيه آثار تراب ورماد وعنيه حمرا زي النار
حور بتعاطف: اقعد يا حاج وفهمني الله لا يسئك في إيه وتاهمني بإيه وايه اللي جرا خلاك بالحاله دي
همام قعد على الارض بإنهيار وصراخ
حور جريت عليه بسرعه قفلت الباب :وقربت بحذر :قوم يا حاج وحد الله وقولي إيه اللي جرا
همام: بنتي بنتي ضاعت بنتي خلاص ضاعت لييه لييييه دي لسه عيله بتفتح عينها على الدنيا
حور بصدمه: جميله مالها إيه اللي حصل
همام: جميله ضاعت حياتها ضاعت مستقبلها اتدمر
حور بمحاوله للفهم : قوم الأول يا حاج ووحد الله وفهمني كده ايه اللي حصل ولسه تاهمني انا بالذات
همام سند على ايد حور وقف ومشي كام خطوه لحد ما قعد على الكنبه وحور قعدت على الكرسي اللي قدامه
حور بمحاوله لتمالك اعصابها: إيه اللي حصل انا سامعه
همام
فلاش باك
رامي: يا جبل
همام: انا ابوه يا رامي خير يا إبني
رامي: رامي مش عارف اقولك ايه يا حاج جميله في المستشفي وياريت تيجي بسرعه
همام بصدمه: ليه
رامي : مش عارف والله يا حاج شكلها كده متعرضه لمحاولة اغتصاب ونقلتها مستشفي......
همام وقع التليفون من ايده ومحسش الا وهو بيجري زي المجنون وبيسوق بجنون ودموعه نازله على خده زي العيل الصغير وصل المستشفي وطلع يجري يسأل على بنته
همام بلهفه: يا ابني الله يسترك في بنت صغيره جات من شويه
الموظف: اسمها ايه حضرتك
همام بسرعه: جميله همام ابو جبل
الموظف: ااه البنت اللي جايه في حادثه اغتصاب
همام بصله بصدمه وسكت وهز رأسه بوجع
الموظف هي في الطوارئ الدور التاني
جري من قدامه بسرعه وطلع السلم من غير ما يحس طلع وبيتلفت بسرعه حواليه
رامي بصوت عالي: حاج همام حاج همام
همام اتلفتله بسرعه وجري: هي فين يا ابني طمني الله يطمن قلبك
رامي وعنيه في الارض: والله ما عارف يا حاج
همام مسك في هدومه: اومال مين اللي يعرف ايه اللي حصل
رامي بهدوء: والله يا حاج انا كنت مروح من فرع البنك الرئيسي وللأسف العربيه عطلت مني قولت اعدي راوح الموقف والطريق زحمه مشيت من سكه القطر القديمه وهناك سمعت صوت صراخ فضلت اتلفت ملقتش حد والصوت اتكرر تاني فضلت اركز في الصوت لحد ما لقيته ورا كشك الموظف لقيت بنت وفي كذا واحد مقطعين هدومها وهي بتعافر بجنون ضربتهم على قد ما قوتي ساعدتني ومنهم واحد عورني في دراعي بمطوه وشاور على دراعه اللي متخيط ومربوط اتلفت ليها ليها لقيتها مغمي عليها وبتنزف شيلتها وطلعت بسرعه وقفت اول تاكسي وجبتها هنا لما لقيتها جميله واتصلت على جبل أبلغه والدكاترة اخدوها من ساعتها ومعرفش ايه اللي حصل
همام قعد على الأرض مصدوم وعنيه ثابته في نقطه فراغ قدامه ومحسش بنفسه ولا الدكتور اللي خرج وهو لسه على قعدته متحركش من مكانه
رامي بلهفه: طمني يا دكتور
الدكتور بعمليه: البنت واضح من الكشف المبدئي انها متعرضه لإغتصاب احنا خيطنا الجروح اللي في وشها وجسمها وايدها اتجبست وحاليا في انتظار دكتور نساء وتوليد لتوقيع الكشف الطبي النهائي ولو ان الكشف المبدئي واضح انه اغتصاب وداه واضح من النزيف اللي البنت جايه بيه
همام سمع كده ومحدش الا وهو بيجري بره المستشفي
رامي بخوف: يا حاج يا حاااج استني بالله عليك
همام بيجري ورامي بيجري واره ملحقهوش
كان ركب عربيه وساق بجنون
نهايه الفلاش باك
حور بتأثر: لا حول ولا قوه الا بالله العلي العظيم ربنا يصبر قلبك ويطمنك عليها انا مقدره اللي فيك بس ليه قولت ان انا اللي وراها أمته تعرف اني بأذي الولايا يا حاج
همام بزعيق: لو مش انتي يبقى ابن عمك
حور بصدمه: ياسر وايه مصلحه ياسر في حاجه زي كده ولا هايعمل كده ليه
همام بدموع: علشان يرد اللي حاول جبل يعمله فيكي زي ما سبق وكسره وراقد في المستشفي متكسر ومش قادر حتى يصلب طوله وحرق محلي
حور بصدمه وعيون قربت تخرج من مكانها: ياسر عمل كده في جبل ومالك طيب لييه
همام بكسره: علشان يكسر عيني وعين جبل بعد ما عرف اللي عمله فيكي اول مره واللي حاول يكرره من كام يوم
حور غمضت عنيها: وهو عرف منين اللي حصل
همام بصلها بعدم استيعاب وتوهان: يعني مش انتي اللي حكيتيله وشكيتيله🌹حور بعصبيه: لاء طبعا ومن أمته وانا بطلع سري بره جوفي اوزن كلامك يا حاج انا مقدره اللي انتا فيك لاني سبق وشربت من نفس الكاس واللي انكوي بالنار ميدوقهاش حتى لعدوه وانا وليه وعمري ما اذي وليه مكسوره الجناح حقي اجيبه من الرجاله وش لوش وضرب من تحت لتحت انما حريم لا طبعي ولا اسلوبي ولا حتى قطعي العيش وخراب البيوت كلنا في السوق بنسعى على أكل عيشنا وداه لاهو عيب ولا هو حرام ولو كان ابن عمي اللي عملها اقسم بالله العظيم قسم يحاسبني عليه ربي يوم اللقا العظيم ما هحله ولو كان فيها موته الا الشرف ولا العرض وكسره الولايا يا حاج قوم يا حاج وروح اتطمن على بنتك وادفن اللي حصل في سابع أرض من جوفك الناس مبترحمش ولم الموضوع ومتخليهوش يوصل لبوليس وسين وجسم مش عشان حد لاء عشان بنتك متعيش بعاد ملهاش ذنب فيه روح وربنا يخلق في قضائه رحمه
همام مشي وهو تايهه ومش حاسس بحاجه ولا دريان الطريق ازاي ماشي يطوح والحزن عشش قلبه وعنيه
حور قاعده والصدمه واخده نصيبها منها :ازاي ازاي ياسر عرف محدش يعرف إلا أنا وجبل ويونس
برقت عنيها بصدمه: معقوله يونس اللي عملها وقاله طيب أمته وازاي
قامت منطوره زي اللي لبسها عفريت وخدت مفاتيحها وطلعت تجري من الورشه ركبت عربيتها وساقت بأقصي سرعه وفي وقت قياسي كانت وصلت لحد محل عمها نزلت زي الإعصار اللي واخد في وشه الأخضر واليابس والنار شابه من عنيها بمنظر يرعب اعتي الرجال ومن غير ما تتلفت يمين اول شمال اتحركت لمكتب عمها وفتحت الباب بعنف
عابد قام منطور من مكانه في ذهول وصدمه : حور خير يا بنتي
حور بجمود مميت: ياسر فين يا ابو ياسر
عابد بوجع من عدم تقبلها ليه نبره أسى وحزن: في المخزن بيطلع البضاعه الناقصه اصلنا عملنا جرد إمبارح
حور :فين المخزن اللي هو فيه
عابد بإستغراب: في الحاره اللي جمبنا رابع بيت على إيدك اليمين
حور بدون رد طلعت بسرعه شديده ودخلت الحاره اللي عمها وصفها ومشيت على الوصف لحد ما وصلت لقيت باب المخزن مفتوح دخلت بشياطينها وبعلو صوتها ياااااااسررر
كل اللي في المخزن اتلفت عليها من علو صوتها
ياسر بصدمه :حور خير في ايه حد منكم جراله حاجه
حور بعلو صوتها : كل اللي في المخزن بررررره واللي هايفضل هادفنه مكانه
الكل بص لبعضه ومحدش اتحرك
حور بعصبيه وصوت أعلى: برررررررره
بصو لياسر اللي هزلهم براسه بمعني اتحركوا
كلهم طلعوا بسرعه من صوتها وشكلها المفزع
حور وعينها على ياسر اللي واقف مصدوم من منظرها
ياسر بمحاوله لتمالك اعصابه: خير يا بنت عمي جايه بزعبيب امشير في وشك وحواليك ليه
حور قربت منه ومسكته من ياقه التيشيرت اللي لابسه واتكلمت من بين أسنانها: عرض الولايه مش للإنتقام اكل العيش مفيهوش لعب العرض لاء بيوت الناس لاء
ختمت كلامها ببونيه ملحقتش يصدها ولا يستوعبها رجع على اثرها كام خطوه لورا
ياسر بصدمه: لازمته ايه الكلام داه يا بنت عابد ومد الايد داه هاحسبك عليه
حور بعنين حمرا زي الدم: لزومه انك لعبت في الغلط يا ابن عابد واكدتلي ان عامر فشل وخاب في تربيتك ودم عابد بيجري في عروقك وشارب من طبعه لما شبعان والطبع في ابن أدم غالب ما بيطلع الا بطلوع الروح
ياسر بعصبيه: هارجع واقولك لزومه ايه الكلام داه يا بنت عامر وتعالي دوغري بلاش لت حريم مبحبوش
حور بغضب: ليه كريت على جميله يبهدلوها عرض الولايا لعبه عندك سهل تدمره طيب افتكر ان بكره ليك زوجه وبعده ليك بنت ورب العرش لا بيغفل ولا بينام
ياسر بعدم فعم: جميله مين اللي مريت عليها ومن أمته وانا بكري على حريم
حور بزعيق: يااااسر بلاش لف ودوران عليا جميله اخت جبل اتعرضت لإغتصاب وفي المستشفى بين الموت والحيا
ياسر بصدمه: وانتي جايه تهماني فيها طيب كيف وإزاي
حور بزعيق: زي ما سبق وعملتها وانتا معانا في البيت تحت سقف واحد
ياسر بحده: متكدبيش الكدبه وتصدقيها علشان انا يومها لا لمستك ولا قربت منك لانه لا طبعي ولا اسلوبي لما بضرب بضرب في الوش على طول ولو كنت بضايقك كنت بضايقك عشان توافقي على جوازنا لاني وقتها كنت معمي كنت مغيب كنت غبي سميها زي ما تسميها الا اني كلب سعران ينهش عرض بنت عمه اللي رباه وكان في يوم ليه اب
حور بسخريه رغم عصبيتها: يا شيخ طيب قول الكلام داه لحد تاني انا معرفهوش لو بتضرب في الوش مكنتش كريت على حرق امل عيش مفتوح من وراه ييجي عشرين تلاتين بين اتخربوا واتقفلوا من ورا عملتك حتى الضرب ليه أصول ومعلمه يا ابن عابد
ياسر بوجع من اتهامها الصريح ليه: عايزه ايه دلوقتي يا بنت عمي
حور بعصبيه: حط عينك في عيني وقولي انتا ولا لاء وقولي عرفت منين اللي عمله جبل وكريت عليه اللي دق عضمه في لحمه لما سكنه المستشفي
ياسر بسخريه: ليه وانا كريت عليه لوحدي دانتي استاذه ورئيسه قسم وعرفتي طريق الشبيحه والبلطجيه وبعتي اللي طحطح عضمه وعلى كلن بص في عنيها نظره ثابته حتى عينه مرفتش ولا اتحركت أقسم بديني انا ما ليا دخل في اللي حصل لأخت طليقك ولو عايزه مصحف اتوضي واحلف عليه انا موافق ولو عايزه اعرف مين اللي وراها رقبتي سداده وعظيم بيمين اجيبه متكتف وارميه تحت رجليكم
حور بنفس النظره عينها ثابته وقدرت بسهوله تقراء الصدق في عنين ياسر
حور بثقه: وعرفت منين اللي عمله جبل عشان تكري عليه وتروح لحد عنده تتشفى فيه
ياسر بنفس الثبات: امك اتصلت بيا يومها وهي منهاره من وضعك وخصوصا لما شافت هدومك متقطعه الدم غلى في دماغي وفتشت في الجاكيت لقيت محفظه يونس روحتله وانا ناري بشراري ولقيت وشه مزرق كأنه مضروب قولت بس يبقى هو اللي علمها وسألته وكنت هامسك في خناقه حكالي اللي حصل ويومها على في نظري انه راجل بجد راجل ميتوجدش منه في الزمن داه حلفت ما انام ولا يهدالي بال إلا لما اعرف الكلب ابن الكلب داه ان الله حقحور بصدمه : وليه مجتليش قبل ما تعمل اللي عملته وشورتني قبل ما تعك الدنيا فوق دماغ الكل
ياسر بحده: اجي اقولك ايه اقولك ليه خبيتي عليا ولا نقعد زي الولايا حطين ايدينا على خدنا ونقول منه لله انا راجل يا بنت عامر راجل من ضهر راجل زي ما عامر رباني الدنيا ربتني وزي ما قولتي شارب من طبع عابد في الشر فبقولهالك تاني انا مش ندمان على اللي عملته ورحمه الميتين في قبورهم لو فكر يكررها لقطع لسانه وعلقه في رقبته واعيشه اخرس طول عمره يتحسر على اللي عمله ويندم في وقت مينفعش فيه الندم فوقي يا بنت النصراوي انتي مش مقطوعه ولا ملكيش رجاله انتي ليكي عيبه تسد عين الشمس في عز النهار وتقلب ضلمه كحل على اللي يفكر بس يبصلك بعين بصه وحشه وبطلي كل ما تقعي في مشكله تكتمي وتدوري على حل لوحدك وكأننا مش موجودين الدنيا لهتنا بس رجعنا تاني في ضهر بعض سوا قبلتي او رفضتي
حور بتنهيده :انا عايزه اللي عمل كده في جميله تعرف ولا اتصرف بمعرفتي
ياسر بهزه راس :اعتبريه حصل هو كان فين وأمته وسيبي الباقي عليا
حور بحيره: معرفش هسأل وابلغك
ياسر بحده: وانتي عايزاهم ليه
حور : عشان محبش حد يحطني في خانه شك في موضوع زي داه احب افضل طول عمري راسي مرفوعه ورايتي عاليه وتولي نضيف ميتلطش بعيبه زي دي ولا حتى لو كان مجرد شك خصوصا بعد عملتك المهببه لما روحت لحد عندهم شمتان فيهم ابوها تهاني وتاهمك ولو وصل الخبر للحكومه هاتشد انا وانتا والمستخبي هيبان وسيرتنا هاتبقى على كل لسان فهمت ولا اعيد تاني
ياسر بتفهم: ماشي يا بنت عمي اعتبريه حصل
حور بهزه راس: ماشي
وستبته ومشيت من غير ما تكتر تاني ولا تقول اي حاجه وزي ما جت مشيت
ياسر فضل واقف مكانه يشد في شعره بغيظ وحرقه
عابد دخل عليه وشاف حالته
عابد بغموض: بنت عمك كانت جايه وناره قايده عايزه منك ايه يا بن النصراوي
ياسر بعصبيه: متشغلش بالك يا حاج
عابد بتهكم: امممم مشغله بالي وانتا وشك متشلفط وهي جايه راكبها ميت عفريت وكرشت العمال بصوت سمع لحد المحل
ياسر بعصبيه: خلاص يا حاج قولتلك حوار وخلص وسابه وطلع جري بغضب اعمي كفيل يحرق الأخضر واليابس
**************************
همام طلع من عند حور تايهه مصدوم ومكسور افتكر دعوه هدي عليهم ودعوه حور في عز كسرتها
حود بعربيه وداس بنزين لحد ما وصل في وقت قياسي
نزل وسكع الباب من غير حتى ما يقفلها قرب من البيت بقلب موجوع وبقى يخبط بكل الوجع اللي جواه
عاصم بزعيق من جوه: اييييه ياللي بتخبط الدنيا اتهدت اصبر اييييه
فتح الباب بعصبيه وبرق عنيه من المنظر اللي قدامه: همام خير يا ابو جبل مالك ايه اللي عمل فيك كده
همام بعصبيه زقه ودخل بصوت عالي : يا ثريا يا ثريا وريني نفسك يا شيطان في صوره انسان انزلي يا ابليس ربنا ابتلاني انا وعيالي بيه
عاصم بصدمه: اهدا يا ابو جبل مالك وحد الله
همام زقه من قدامه وطلع سلمتين: يا ثريااااا انزلي يا بنت الكلب وريني نفسك
عبد الفتاح طلع من جوه على صوته وجمبه اميره مرات عاصم وندا اللي كبرت وبقت عروسه
عيد الفتاح بصدمه متقلش عن كل الموجودين: مالك يا ابو جبل وحد الله يا جدع وفهمنا فيه ايه جاي بنورك شرارك تزعق وتشتم وتغلط في قلب بيوت الناس
همام مردش على حد منهم وطلع الشقه اللي عايشه فيها ثريا واللي عارفها حسب وصف جبل قبل كده والكل طالع وراه ومحدش فاهم فيه ايه وايه اللي عملته ثريا تاني وصله لكده
همام زق الباب ودخل شاف واحده تانيه غير الجبروت اللي كانت عايشه معاه جسمها خس وبقت ضعيفه ودبلانه عنيها اللي كانت جبروت انطفت وبقت مكسوره هدومها اللي كانت بتتعايق بيها بقت جيبيه بيت مش قديمه بس مش مقام ثريا اللي كانت دايما بتحب كل غالي
بالرغم من كل اللي شافه الا انه مشفعش ليها عند همام اللي جواه نار منها
قرب منها وبشر ونار طالعه من عينيه قبل جوفه شدها من دراعها وقفها وبصوت مدبوح: افرحي افرحي وحتي كعبك اللي عملتيه اتردلك
الكل بص لبعضه ومحدش فاهم حاجه
ثريا كشت حواجبها بتحاول تفهم: قصدك إيه
همام بكسره وحزن: عيالك ضاعواااا افرحي افرحي دمرتي بيتك وعيالك ودمرتيني معاهم ابنك مرمي في المستشفي مكسر بعد ما اتلم على شله بلطجيه خلوه كان هايكرر عملتك الوسخه تاني مع طليقته وبنتك
ودموعه نزلت بحسره وحرقه وبنتي في المستشفي مغتصبه
شهقه عاليه وصدمه وبعدها سكوت والكل بيبص لبعضه ومحدش قادر ينطق
ثريا بجنون: بنتي لا انتا كداب بتقول كده عشان تحرق قلبي صح قول انك كداب بنتي مجرلهاش حاجه
همام اترمي على الأرض وقعد يبكي بحرقه اب موجوع وراجل مكسور : حصل شرك طال الكل شفتي في طليقه ابنك وقولتيلها بقت زي البيت الوقف بنتك دفعت تمن عملتك انتي وابنك
عاصم بص لعبد الفتاح والصدمه ملجمه لسانهم
عبد الفتاح قرب من همام: ثوم سا ابو جبل اصلب طولك ووحد الله
همام بكسره: اصلب طولي هههه دانا ضهري اتكسر دانا بموت ومحدش حاسس انتوا السبب فضلتوا تقوا جبروتها لما خليتوها شيطان
سند عاصم وعبد الفتاح همام ونزلوا تحت وسابوا ندا واميره مع ثريا اللي دموعها موقفتش
اميره بسخريه وتهكم: يااااه يا ثريا قد إيه ربك كريم وعادل كسرتي وانكسرتيظلمتي ورد الظلم عليكي
محروقه يااااااه نفس الحرقه دي عشتها لما فوقت وعرفت اللي صابني انا وبنتي
ورفعت وشها للسما يارب عادل يارب منتقم يارب جبار فوق كل جبار وظالم يارب
وسابتها ونزلت
ندا قربت من عمتها بإبتسامه: ياااااااه يااااااه عارفه يا ثريا انا فرحانه مش شمتانه في بنتك لاء انا فرحانه في كسرتك دموعك دي بتغسلني من جوه بتبرد ناري بتغسل روحي وتطبطب عليا
عارفه نفس دموعي لما ضربتيني لما حرقتيني وشمرت دراعها اللي لسه أثر الحرق معلم فيه صراخك وانهيارك داه بيريحني بيفكرني بكسره وضعفي لما كتفتيني ودبحتيني بالحيا ومصعبش عليكي وجعي ودموعي يااااااه عيطي انهاري عارفه مفيش يوم في عمري عدا إلا وانا بدعي اشوفك مذلوله فاكره يا ثريا بعد عملتك لما اتصلتي بأمي قولتيلها ايه يا اميره بقيتي أرض بور لا زرع ولا طرح
ندا بضحك وابتسامه فرحه غريبه في عز المحنه: يا ثريا ربك كبير وبنتك كسرت ضهرك يا ثريا بقيتي زي الخيشه مرميه ملهاش لازمه
وسابتها ونزلت وهي حاسه برااااحه شديده
همام تحت منهار واميره واقفه على الباب صعبان عليها كسرته لانه شخص طيب وعمره ما أذى حد
عاصم بتهوين: يا ابو جبل وحد الله ابنك هايقوم كنها وبنتك ربك كبير اوعي تقنط من رجمه ربك صدقني هاتعدي وتتنسي وتفتكرها وتقول ياااااااه وكمل بأسى اسئل مجرب
عبد الفتاح باصص عليهم ومش قادر يتكلم حاسس بخزي في روحه ومن نفسه لانه كان سبب كبير في اللي عملته ووصلتله اخته
ندا واقفه جمب أمها ولسه الضحكه مرسومه على وشها
اميره بصدمه: ندا في ايه انتي واقفه تضحكي في الوضع اللي احنا فيه داه يا بنتي
ندا بفرحه: ومفرحش ليه هو في حاجه تزعل لا سمح الله داه حق ورجع بعد سنيييين
اميره اتصدمت من رد بنتها سحبتها من ايدها ودخلت اوضتها علشان محدش يسمعهم
اميره بحده: انتي شمتانه انتي اتجننتي يا بنتي
ندا بتهكم: اه شمتانه وفرحانه ونفسي ازغرط
اميره بعنين قربت تخرج من مكانها من صدمتها: انتي بتقولي ايه ليه كده يا بنتي اللهم لا شماته في موت ولا مرض ولا خراب واذي الناس
ندا بحده وزعيق: وهي دي ناس دي شيطان عارفه انا لأول مره اضحك اه والله اول مره احس براحه مش بحرقه وشمرت كمها وحطت دراعها قدام عين أمها: بصي بصي لتكوني نسيتي انا منسيتش لا دموعي ولا وجعي ولا كسرتي ولا حياتي اللي اتدمرت
انا حياتي راحت بسبب الست اللي فوق دي
مش هاعرف اعيش واتجوز زي باقي البنات جسم مشوه وانوثه ميته ونفسيه متدمره متجيش تستغربي لما تلاقيني فرحانه
اميره بأسي من حاله بنتها: يا بنتي انا خايفه عليكي ربنا يُمهل ولا يُهمل اديكي شوفتي عمتك بجبروتها اتكسرت ازاي وربنا خلص حق اللي ظلمتهم بأبشع الطرق
ندا دورت وشها النحيه التانيه وكأنها ما سمعت حاجه
اميره هزت رأسها بأسى من حاله بنتها اللي كل يوم بتسوء عن اللي قبله
يا ترى اللي جاي مخبي إيه
...... يتبع
الفصل الثالث والخمسون❤️🌹😘😍
حور طلعت من عند ياسر وركبت عربيتها وستقت بجنون وهي عقلها هايشت منها المصايب نازله ترف بالجمله مش عارفه تعمل ايه ولا تبداء مين ولا تلاحق منين ولا منين: ااااااااااه
صرخت وجع طلعت بحرقه من جوفها محدش حس بيها الا هيا وقفت العربيه على جمب الطريق وسندت على الدركسيون وكل كلمه بترجع تردد في دماغها كل وجع بيرجع يالمها فضلت وقت طويل محستش بنفسها فيه كان نفسها تطلع مكانها المفضل بس بقى ليه ذكرى سوده جواها
*********************
يونس قاعد شارد وبيفكر يعمل ايه مع حور وبداء الكلام منين :يا تري يا حور هاتنطقي المره دي ولا بردوا هاتفضلي دماغك جزمه انا خلاااااص قربت اجيب اخري وتعبت بجد يارب هونها لاني تعبت ولين قلبها الحجر داه يارب لو ليا نصيب فيها وكنا خير لبعض يسرها يارب ولو ماليش نصيب شيل حبها من قلبي متعلقنيش باللي مش ليا وتوجع قلبي
رفع عينه للسماء بحرقه
*********************
جبل قاعد على اعصابه ومش عارف يعمل ايه تليفونه اتكسر ومش عارف يتصل بحد يطمنه ويعرف ايه اللي حصل وحس اخيرااا ببشاعه اللي عمله لما حس بعجزه: ياااااه يا ابن همام دي اخرتك راقد متكسر على سرير عاجز مستني اللي ييجي يشيلك ويوديك ليه عملت في نفسي كده انا غلطت مره ومتعلمتش آآآآآآه يا وجع قلبي وغمض عنيه بوجع ودمعه خاينه نزلت منهم يمكن تريحه وتكفي نار حرقته: انا اسف يا نفسي انا اسف يا حور اني وجعتك كل الوجع داه اسف يابابا اني كنت السبب في كسرتك وضياع تعبك وشقاك بسببي الله يسامحك يا ماما زرعتي الشر جوانا وزرعتي الاذى لكل الناس محدش سلم من اذاكي قريب أو غريب واحنا اللي بنحصد وندفع التمن وللأسف انا كمان كنت من ضمن اذيتك اللي اذيتي بيها غيرك
فضل يتوجع ويجلد نفسه وضميره مش ساكت ولا راحمه واخيرا فاق بس يا ترى فات الأوان ولا لسه في فرصه يصلح أخطاء الماضي
************************
همام قاعد مكسور والحزن راكبه وسط عاصم اللي بيبص ليه بحسره وافتكر نفسه من 15 سنه وهو كان قاعد نفس القعده دي بس الفرق انه مكنش فيه حد حواليه يهون عليه بعد ما الكل اتخلى عنه
قطع شروده عبد الفتاح: طيب يا ابو جبل وحد الله
همام بحرقه: لا إله إلا الله وغمض عنيه بوجع
عاصم بتهوين: يا ابو جبل شد حيلك واصلب طولك انتا في محنه مش محتاجه ضعفك محتجاك قوي وعفي عشان تقدر تعديها
همام بحرقه: اعديها كيف وازاي بنتي ضاعت مستقبلها ضاع حياتها ضاعت هاتعيش طول عمرها بعار ملهاش ذنب فيه
عبد الفتاح بعدم تقدير: يا ابو جبل البت دلوقتي اكيد محتاجه أمها رد ثريا وهي اتعلمت وعرفت ان الله حق واهو تاخد بالها من البت ومن البيت وعفا الله عما سلف
عاصم بصله بصدمه ومقدرش ينطق
همام قام منطور زي اللي لدعه عقرب: ارد مين اللي جرالي انا وعيالي كله من تحت رأس اختك دي شيطان والشيطان جمبها ملاك دي مسابتش حد ماذتوش
وكمل بغضب اعمي :انتا ايه يا أخي ايييه حنس ملتك ايه دانتا سبق ووقفت جارها لما دمرت حيات اخوك وبص لعاصم
ولا إيه يا ابو ندا
عاصم بص لعبد الفتاح وكل الجروح القديمه اتفتحت جواه تاني
همام بصوت عالي: اللي جرا لبنتي ذنب حور اللي اختك دمرتها وبردوا جيت على روحي ورديتها وانتا ولا انتا هنا ولا عملت اي حاجه عارف انتا بتحاميلها بس لو شرها كان طالك زي ما طال الباقيين كنت اول واحد هاتحط رقبتها تحت اوسخ جزمه وتدوس عليها لحد ما تموت اختك دي شيطان شر ماشي على رجلين شيطان في صوره بني آدم وسابهم ومشي
عاصم بص لعبد الفتاح بحرقه وحسره: والله العظيم يا اخي انتا عار على كلمه راجل ولا حتى دكر زمان حميتها على حسابي انا ومراتي اللي اتشلت من وراها وعيالي اللي ماتوا وبنتي اللي اتدمرت وبيتي اللي اتخرب
امشي يا عبد الفتاح وادعي ربنا يسترها معاك ومع عيالك
عبد الفتاح بتبرير: يا عاصم انا مش قصدي انا كان قصدي اشيل حملها من عليك انا قولت احاول ارجعها لجوزها يمكن ربنا يكون هداها الكسره اللي هما فيها مش هينه
عاصم بزعيق وصوت عالي : امشي بقولك عشان اللي هايطلع مني بعد كده انا مش مسؤل عنه اختك بتجري اللي زرعته طول حياتها
عبد الفتاح خد بعضه وطلع بسرعه لانه شاف حاله عاصم اللي شافه عليها من 15 سنه
عاصم حط راسه بين ايديه بإنهيار
طلعت أميره لما حست ان الحو هدي والصوت اختفي لقيت عاصم قاعد بحاله تقطع القلب
أميره بحنان: مالك يا قلب أميره من جوه
عاصم بوجع: قلبي واجعني اوووي يا أميره واجعني على نفسي وعلى بنتي وعلى همام وعياله اللي ملهومش ذنب في حاجه فضلت تأذي ومفكرتش في عقاب ربنا
دموعه نزلت : كل ما ابص على ندا قلبي يتقطع عارف انها كبرت والعرسان فعلا بدئت تدق بابي بس خايف
أميره بصدمه: خايف من ايه دانا بدعي ربنا يسترها معانا ومعاها ويسترها في بيت جوزها
عاصم بدموع وكسره: بينك لما تتجوز مش هاتقدر تكون طبيعيه انتي ادري الناس باللي جرالها وانا معنديش الجراءه اني اقول لجوزها اللي حصل
أميره ضمت عاصم ودموعها نزلت بحرقه على حالهم
وندا واقفه جوه اوضتها وفاتحه الباب فتحه صغيره ودموعها نازله زي الشلال على وشها ونظرات غضب وغموض وشر اترسمت في عنيها
*****************************
مر اليوم مرور الكرام وكل واحد في حال ووادي ما بين شفقان وشمتان مابين حزين وفرحان ما بين مشغول البال ومرتاح البال ما بين مجبور ومكسور بس الاكيد ان الكل موجوع
في نهار يوم جديد
جبل مغمضلهوش عين طول الليل هايتجنن ابوه مجاش من وقت ما جري وحتى مطمنهوش وهو مش عارف يتصل لا حافظ رقم ولا التليفون عايز يشتغل هو بطبعه مبيحبش يحفظ أرقام : يارب طيب اعمل إيه اجيب مين يطمني صعب عليه نفسه ودموعه نزلت بقهره: آآآه قد إيه العجز صعب قوووي ووحش اووووي يارب هونها من عندك يارب وطمني وريح قلبي غلطت يارب واتعاقبت لسه في عقاب أصعب من العجز
يارب طمني عليهم يارب والله عرفت غلطي سامحني يارب واجعل الغايب خير
********************
حور صحيت وراحت الورشه من غير ما تتكلم مع حد وطول الليل عقلها كان هايشت منها واخيرا حسمت أمرها مسكت التليفون وطلعت رقم من زمان منسي ورنت عليه وحطت التليفون على ودنها منتظره الرد مره واتنين وللأسف محدش رد كررتها مره اخيره وكان الحظ حليفها
حور بهدوء: السلام عليكم ورحمة الله وبركاته يا حاج همام
همام بإستغراب وصوت مبحوح: وعليكم السلام مين معايا
حور بتنهيده: انا حور يا حاج
همام بإنصات واهتمام: خير يا بنتي عرفتي حاجه
حور بجديه: الكلام مينفعش في التليفون لو ينفع تديني العنوان اللي فيه بنتك عايزه اجي ازورها واطمن عليها ونتكلم وش لوش
همام :ماشي يا بنتي هي مستشفي..... عارفاها
حور : اه عارفاها متقلقش مسافه الطريق واكون عندك مع السلامه
همام بشرود :مع السلامه
قفلت معاه وقامت بسرعه خدت شنطتها ومفتيحها ونزلت جري
حور بجديه: سبارس خد بالك من الورشه لحد ما ارجع
سيارس :من عنيا يا أسطى
حور : لو حد سأل عليا قوله ساعه زمن او ساعتين واكون هنا ولو في حاجه مستعجله رن عليا
سبارس بهزه راس: تؤمري أمر اتوكلي على الله وراكي رجاله
حور :ماشي يلا سلام
سابته وركبت وراحت في طريقها نص ساعه وكانت وصلت قدام المستشفي وعرفت المكان اللي موجود فيه همام وطلعت بسرعه عليه
لقيت همام قاعد وساند رأسه على ايديه وحاططهم على رجليه وهموم الدنيا على كتافه بهدومه من يومين مغيرهاش
حور بشفقه: حاج همام
همام رفع عنيه اللي كانت عباره عن كتله دم حمرا: ايوه يا بنتي
حور بمواساه: وحد الله يا حاج ما ظنك بربك
همام بوجع: ظني بربي خير يا بنتي الحمد لله على كل حال
حور : ورب الخير لا يأتي الا بالخير كلها ابتلائات من ربنا عشان يختبر إيمانك ويسمع صوتك
همام بوجع وصوت حزين: الحمد لله يابنتي الحمد لله مملكش من الدنيا غيرها
حور قعدت جمبه: انا روحت لياسر يا حاج
همام بإهتمام: وقالك إيه
حور بجديه: اقسم بالله وعلى كتاب الله ما ليه يد في اللي جرا
همام بعصبيه : اكيد لازم ينكر ويكدب
حور بهدوء: وانا مش عيله يا حاج انا بعرف اقراء الناس كويس ولو كان عندي ذره شك انه هو اللي عملها كنت جبته تحت رجلك تعمل ما بدالك فيه عملت زيك ولأول مره أيدي تتمد على اللي مني ومش اي حد داه ابن عمي يعني اخويا اللي متربي في حجر ابويا انا عايزه اعرف اللي جرا داه كان فين
همام كش بين حواجبه: ليه
حور :عشان اعرف مين اللي وراها واجيبه تحت جدك وانتا تتصرف فيه بمعرفتك
همام بعدم تصديق: عايزه تقنعيني انك مش شمتانه ان حقك جه واللي جرالك اترد في بنتي
حور بحده: اللهم لا شماته يا حاج انا مبشمتش في اذي الناس ولا ليا في قطع أرزاق العباد ومحلك اللي ضاع انا كفيله ارجعه وارجع اسمه في السوق بس خلينا واحده واحده الأول
همام بذهول: حصل عند شريط القطر القديم ورا كشك التحويله اللي هناك
حور بإستفسار اكتر: شريط القطر طويل اوووي انهي مكان فيه بالظبط
همام بتنهيده: عند التحويله اللي قرب الموقف من نحيه السواقي
حور بإستفهام: طيب كان أمته بالظبط
همام بتذكر: يعني كان على المغرب كده يعني ما بين العصر والمغرب مش عارف بالظبط
حور هزت رأسها : تمام سيب الموضوع داه على الله ثم على العبده لله
بصتله للحظه بتردد: هو ينفع يعني اطمن عليها
همام بكسره: نايمه من إمبارح وهي مصحيتش انا حتى جيت لقيتها كده ومحدش من ساعتها طمني عليها
حور بتفهم : تمام انا هاقوم اشوف حد يطمنا عليها
همام بلهفه: ياريت يا بنتي
حور : قامت بخطوات ثابته ودورت على اول ممرضه قابلتها
حور بإبتسامه: سلام عليكم
الممرضه: وعليكم السلام
حور طلعت من شنطتها فلوس وحطتها في جيب الممرضه: لو سمحتي عايزه بس أطمن على جميله همام البنت اللي في الاوضه دي وشاورت على الأوضه اللي فيها جميله
الممرضه: طيب اصبري هاشوف الحاله دي تبع دكتور مين
حور بهزه رأس: ماشي انا مستنياكي
مشيت الممرضه
وحور طلعت الموبايل وطلعت رقم ياسر ورنت عليه: حور بجديه ايوه يا ياسر
ياسر ببرود: خير يا حور هانم في حاجه حابه تضيفيها
حور بنفس البرود: المكان اللي حصل فيه حادثه جميله شريط القطر عند كشك التحويله الل قرب الموقف من نحيه السواقي الشريط اللي نحيه قصر الثقافه كان كا بين العصر والمغرب كده
ياسر بتنهيده: ماشي اديني يومين تلاته واجيبلك أطر الموضوع من أوله لأخره
حور بجديه: ماشي مستنيه خبر شوف بمعرفتك انا سيبتلك الموضوع لأنك المتهم الأول في نظر ابوها وداه بعد عملتك المهبببه لما روحت اتشفيت فيهم بعد ما حرقت قلبهم مرتين مره على ابنهم ومره على أكل عيشهم
ياسر بتنهيده وصوت عالي: وانا عملت داه عشان مين وكمل بتهكم مش عشانك يا بنت عمي
حور بتمالك أعصاب: بالعقل اخد الحق حرفه وأخد الحق مفيهوش خراب بيوت واكل عيش ناس متعلقه فيه اخد الحق لما تاخده متروحش وتفرد قلوعك عليهم وتتباهي تضرب من تحت لتحت وتضرب بحرفنه مش بغشم
ياسر بعصبيه: ما خلاص بقى اللي حصل حصل وخلص فضينا من ام دي سيره حوار البت وهاجيبلك قراره من تحت سابع أرض ولو كانوا في جوف ابليس يلا سلام
حور بهزه ارس :مفيش فايده فيك سلام وربنا يستر
قفلت معاه
ولقيت الممرضه جميله ومعاها الدكتور
الممرضه: داه الدكتور المسؤل عن الحاله
حور بجديه: تمام ماشي شكرا ليكي تعبتك معايا
الممرضه بإبتسامه: ولا يهمك داه شغلي
مشيت الممرضه واتحركت حور بإتجاه همام ومعاها الدكتور
حور : حاج همام: داه الدكتور
قبل ما تكمل قام همام منطور بلهفه: طمني يا ابني هي هاتفوق أمته دي من إمبارح وهي راقده مدتش منطق
الدكتور بتفهم: يا حاج طمن قلبك هي واخده مهدء يعني نايمه تحت تأثيره وشويه وهاتقوم
همام بوجع: طيب يا ابني الله يكرمك
حور بصت للدكتور بعمليه: طيب يا دكتور هي حالتها إيه
الدكتور بنظره غريبه ولمعه عنين :والله يا انسه احنا بعتنا إمبارح لدكتوره نسا لتوقيع الكشف الطبي عليها لان الكشف المبدئي كان واضح انه اغتصاب وداه بسبب النزيف اللي كانت جايه بيه
حور غمضت عنيها بوجع
وهمام ميل رأسه بكسره ودموعه نزلت بحرقه
الدكتور شاف شكلهم كمل بسرعه: بس الدكتور أكدت ان الانسه بخير وانها لازالت عذارء
حور فتحت عنيها بصدمه وهمام رفع رأسه بعنين مبرقه
همام بلهفه: ازاي يا ابني ولا بتقول كده عشان صعبت عليك
الدكتور: لا يا حاج دي الحقيقه انا بطبعي بصارح المريض بحالته
همام: طيب ازاي وانتا قولت انها جايه بتنزف
الدكتور بتوضيح: احم هي نتيجه رفعت الضغط غالبا كانت في ميعاد عادتها الشهريه ونزلت على شكل نزيف ودم سايل علشان كده اختلط الأمر علينا وبعتنا جبنا دكتوره نساء متخصصه
حور غمضت عنيها براحه وتنهيده طويله طلعت براحه وبخرت كل الوجع اللي جواها :الحمد لله الحمد لله يارب اللهم لك الحمد
همام سجد على الأرض شكر لله
حور قربت منه بفرحه: قوم يا حاج مش قولتلك رب الخير لا يأتي الا بالخير
همام بدموع رفع وشه من الأرض وحضن الدكتور من غير ما يحس
ادكتور بإبتسامه: ربنا يطمنك عليها وتقوم وتشد حيلها
همام بص لحور : ربنا يجبرك يابنت الأصول يا وش الخير
الدكتور :طيب يا حاج المفروض المستشفى تبلغ الشرطه واحنا علشان الحاله اللي كنتوا فيها أجلنا البلاغ لحد ما ييجي حد من أهلها
همام بص لحور ومش عارف يتصرف
حور ردت بتعقل: يا دكتور احنا مش هانعمل بلاغ
الدكتور: بس كده يا آنسه انتوا بتضيعوا حق البنت
حور بتوضيح: يا دكتور احنا من أرياف ومن حاره عارف يعني ايه أرياف وحاره يعني حتى لو محلصهاش حاجه الناس مش هاتصدق وهاتبقى موصومه طول عمرها بوصمه عار وكلام الناس هناك مفيش اكتر منه ومفيش أصعب منه بيدبح بالبطيئ وبيموت بالحيا
الدكتور بتفهم: تمام زي ما تحبوا وحمد الله على سلامتها مره تانيه
حور بتوتر: معلش يا حاج انا اتصرفت كده علشان مصلحتها بكره تفهم انا عملت كده ليه بنت بقت عروسه وكلها سنه ولا اتنين ويدق الخطاب بابك بس لة الكلام مماتش واتدفن في جوفك محدش هايرحمك ولا هاتعرف تعيش ولا هاتعرف تتجوز والناس في الروحه والجايه هايرموا كلام يسم البدن عليها ويوقفوا حالها
همام بتفهم: عارف يا بنتي عشان كده بصتلك تنجديني انا يعلم ربنا حطيتك في معزه بنتي
حور بنظره امتنان: شكرا يا حاج روح غير هدومك وتعالى عشان بنتك لما تفتح عنيها تلاقي حضنك مفتوح ومتتقهرش بدل القهره اتنين وتقدر تقولها الحقيقه وتضمها في حضنك قوم يا حاج وانا هافضل معاها لحد ما تيجي الناس لبعضيها واحنا قبل أي حاجه جيران وسيدنا النبي وصى على سابع جار
همام بنظره حزن على خساره ابنه لحور :هاروح بس امانه عليكي متسيبيها لحد ما أجي وانا والله مهاخر
حور بهزه رأس: تمام يا حاج متخافش في عنيا سايب معاها اخت
همام بحنان هز رأسه ومشي
حور قعدت على الكرسي وعقلها شارد ودمعه يتميه اتمردت ونزلت من عنيها على حالها :جميله كان حظها احسن من حظك لقيت اللي ينجدها قبل فوات الأوان وانتي يا بنت عامر اتدبحتي بالحيا ومش قادره حتى تقولي أي مسحت وشها بسرعه وغمضت عنيها : الحمد لله على كل حال
********************
ياسر قفل مع حور وطلع رقم صاحب المهام الصعبه
ياسر : جلاطه ليا خدمه
جلاطه: عنيا يا كبير تؤمر مش تطلب دانتا جميلك طوق في رقبتي ما يحله الا الموت
ياسر بعشم: تسلم يا غالي في حاجه حصلت لحد يخصني وعايز اللي عملوها من تحت طقطيق الأرض
جلاطه: ولو في بطن امهم نجيبهم ولو كانوا في حنك السبع نطلعهم
ياسر: تمام هو حصل امبارح عند شريط القطر في الفيوم من نحيه قصر الثقافه كده عند كشك التحويله
جلاطه: ايه العباره يا كبير رسيني عشان تاخد شغل نضيف
ياسر بتنهيده: كام واحد اغتصبوا بنت هناك تقريبا ما بين العصر والمغرب كده وللأسف أهل البنت تهاميني فيها وكمان البنت لسه صغيره وانتا عارفني انا مبحطش على حريم ولا ليا في الجو داه
جلاطه: اعتبره حصل وقبل ما تغيب شمس بكره هيكونوا متكومين تحت رجلك
ياسر: تمام يا جلاطه قدها واللي تطلبه هتاخده
جلاطه : والله عيب عليك النوبه اللي فاتت انتا اصريت النوبه دي وعظيم بيمين ما يحصل واديك بتقول جم على وليه واحنا مالناش في اللي يحط على ولايا وكمان تهمينك فيها وزي ما سبق ونصرتني ووقفت جاري لما اتظلمت داه اقل حق ليك عندي
ياسر: معلش ريحني
جلاطه بزعيق: ياراجل عيب عليك دانا حلفت وانا مفييش حيل أصوم تلات ايام دانا بصوم رمضان بالزق
ياسر بإبتسامه: ماشي خلص انتا بس وسيب الباقي لوقته
قفل معاه وحط إيده على وشه مكان ضربت حور وكز على اسنانه ومره واحده ضحك وحط إيده تاني على الجرح اللي في رأسه
********************
همام روح بيته بسرعه ودخل طلع غيار واستحمي بسرعه وطلع لبس في وقت قياسي وساق عشان يروح المستشفى وهو في نص الطريق افتكر جبل : يا الله دانا نسيت ان الواد في المستشفى من إمبارح وحود طريقه وطلع على جبل ودخل اوضته شافه قاعد والحزن مرسوم على وشه رسم
همام بوجع: جبل
جبل رفع رأسه بلهفه وعنيه حمرا وبعصبيه وصوت عالي : بابا في ايه حرام عليكي سايبيني مرمي هنا زي الكلب ومحدش سأل فيا طيب حد يتصل حد يطمني حد حتى يبرد قلبي ويقولي ايه اللي حصل
همام قعد على الكرسي اللي قدامه: يا ابني اصبر على روحك اللي ابوك فيه يهد جبال
جبل بقلق: في ايه يا بابا ورامي كان عايز ايه التليفون لما وقع منك اتكسر ومش عارف حتى اتصل بحد ولا اطمن عليكم
همام : اختك عملت حادثه وربنا ستر ودلوقتي في المستشفى
جبل بصدمه: إيه جميله وهي فيها ايه طمني هي كويسه
همام: الحمد لله يا ابني قدر ولطف
جبل بترجي: خدني معاك بالله عليك عايز اطمن عليها
همام بتردد من معرفه جبل بوضع اخته والخوف الأكبر من مقابله حور وجبل اتنهد بوجع وهز رأسه بقله حيله: ماشي انا هاشوف الدكتور
طلع وهو قلبه بيدق بصوره صعبه شاف الدكتور
همام : لو سمحت يا دكتور كنت عايز أسألك لو ينفع اخد جبل البيت يكمل علاجه
الدكتور بتفهم: تقدر بس يفضل ميتحركش كام يوم ويغير على الجرح بإستمرار دي ماكنتش عميله سهله والجبس رجليه وايديه هايتفك كمان 3 شهور وممكن اقل على حسب الاشاعه اللي هاتتعمل بعد شهر علشان نشوف حاله العضم
همام بهزه راس: ماشي يا دكتور شكرا
راح مع الدكتور يخلص إجراءات خروج إبنه ودخل معاه 2 ممرضين خطوة جبل على كرسي متحرك واتحركوا بيه على بره لحد ما ساعدوه يقعد في العربيه
خلصوا وهمام مد ايده في جيبه طلع فلوس وراضاهم وخد إبنه ومشي وهو مترقب اللي جاي
واخيرا وصل المستشفى اللي فيها جميله ونزل ودخل طلب من العمال انهم يساعدوه يدخل ابنه وفعلا دقايق وكان طالع ومعاه 2 ممرضين تانيين وحطوا جبل على كرسي متحرك ودخل بيه المستشفي وطلع في الاسانسير لاوضه بنته وصل وشاف حور بتتكلم في التليفون وعطياهم ضهرها
خلصت مكالمه واتلفتت شافت جبل وهو قاعد على كرسي متحرك ولأول مره متشفقش على حد مريض بل بالعكس كانت مرتاحه جدا
همام بإحراج وتبرير: معلش يا بنتي اتأخرت عليكي عديت جبت جبل من المستشفى مش قادر اكون بين هنا وهناك ولا هاينفع اسيب بنتي هنا ولا هاينفع اسيب ابني هناك
حور بتفهم: متقلقش يا حاج ربنا يعينك على اللي فيك بالاذن انا عشان عندي شغل كتر في الورشه
قالت كلامها وسابتهم ومشيت من سكات حتى مبصتش لجبل ولو بنظره واحده اكتر من نظره الاحتقار اللي رمته بيها اول ما شافته واتحركت بخطوات ثابته
لحد ما خرجت اخدت نفس طويل وكأنها بتخلص روحها من انها اتنفست بس الهواء اللي حواليه كان عامل زي الغاز السام بيخنقها
ركبت عربيتها ورجعت الورشه تاني من سكات تشوف شغلها وتلهي عقلها فيه وفعلا وسط الزحمه والعربيات اللي داخله وطالعه والناس اللي جايه بتجري على أكل عيشها نسيت نفسها تمام
ولكن القدر كان ليه رآي تاني
يا ترى القدر مخبي إيه...؟
ياترى جبل لما يعرف اللي حصل لأخته هايعمل إيه..؟
ياترى ياسر هايقدر فعلا يوصل للي عمل كده ولا لاء ..؟
يا ترى حور مستنيها إيه...؟
..... يبتع
الفصل الرابع والخمسون
حور رجعت الورشه تاني من سكات تشوف شغلها وتلهي عقلها فيه وفعلا وسط الزحمه والعربيات اللي داخله وطالعه والناس اللي جايه بتجري على أكل عيشها نسيت نفسها تمام
ولكن القدر كان ليه رآي تاني لما رن تليفونها في عز شغلها وانشغالها مره واثنين وهي مش سامعه او مش حاسه لحد ما انتبهت ليه اخيرا وبصت فيه وخبطت بإيدها على رأسها : يا خبر ابيض دانا نسيت خالص
فتحت المكالمه وبهدوء: ايوه يا بشمهندس
يونس بهدوء: ايوه يا آنسه حور حضرتك جبتي الجاكيت
حور بتذكر: ايوه معايا في العربيه ينفع تبعت حد ياخده لان عندي ضغطه شغل هنا جامده اوووي
يونس بمكر: للأسف مينفعش الورق اللي فيه مهم جدا وللأسف بردوا محتاجه دلوقتي حالا
حور بتفكير وتنهيده: امممم طيب تمام حاول طيب تلاقي مكان قريب شويه ما بيني وبينك علشان الوقت لا في صالحي ولا في صالحك
يونس بغموض: متقلقيش مش هاتتأخري بس مينفعش اسيب الموقع هنا ومازن مش موجود علشان يراقب الوضع والعمال اللي شغالين لازم حد يكون عينه عليهم
حور بقله حيله :طيب تمام هاتحرك حالا
وطلعت مكتبها غيرت هدوم الشغل ولبست هدومها اللي كانت جايه بيها وخدت شنطتها ومفاتيحها ونزلت ركبت العربيه وبصت للجاكيت اللي في الكنبه اللي ورا واتحركت من سكات ومحستش بالوقت الا وهي في المكان اللي قال عليه يونس
وقبل ما ترن عليه علشان يوصفلها هو فين بالظبط لقيته راكن عربيته وواقف مستنيها
نزلت من العربيه بسرعه واخدت الجاكيت في ايدها وقربت بخطوات ثابته لحد ما قربت المسافه الكافيه
حور بهدوء: اتفضل يا بشمهندس وبعتذر طبعا على التأخير
يونس بهدوء مماثل: ولا يهمك شكرا طبعا على تعبك
حور بهزه رأس بنفي: مفيش تعب ولا حاجه عن اذنك
ولفت وشها علشان تمشي وقبل ما تتحرك
يونس: بتهربي ليه مش عايزه تواجهي ليه اول مره اعرف انك جبانه اوووي كده
حور اتلفتت مره تانيه وبعيون مليانه شر: انا مش جبانه ومش محتاجه أواجه حاجه ولا ابرر لحد لان دي حياتي انا وبس وانا اللي بعيشها انا وبس وانا اللي بتحمل نتيجه كل قرار باخده لوحدي
يونس بسخريه: شابوه بجد اممم كلامك للأسف مأقنعنيش
حور بتهكم: مش مشكلتي دي حاجه ترجعلك انتا مترجعليش انا
يونس بخبث: فعلا وعلشان كده مفكرتيش تبرري اللي سمعته من خطيبك ولا علشان كده رافضه ترتبطي تاني علشان عقلك العقيم مصورلك حاجات ملهاش علاقه بالواقع اساسا
حور بكزه سنان وصوت كالفحيح: تفكيري عقيم تفكيري متخلف مقولتلكش تفكر بيه ولا تستخدمه ولا تعيش بيه معايا
يونس بهزه راس بسخريه: اممم فعلا بس الغريبه فعلا إنك عايشه بشخصيه البت اللي بميت راجل وانتي شخصيه تانيه انهزاميه ضعيفه وكمل بتهكم مصطنع: بتتداري ورا علو الصوت علشان تخبي ضعفك وقله حيلتك
حور بعصبيه وصوت عالي : قولتلك مالكش دعوه بيا ايه اللي يخصك فيا وتاني مره متتدخلش في حياتي
يونس بإستفزاز: صوتك العالي اوي داه ملهوش مبرر اصلا اصلي مش اطرش لا مؤاخذه يعني وغمزلها بعينه بسخريه وبيني وبينك كام خطوه انما جو الزعيق والصوت عالي داه ملهوش اي تلاتين لازمه الا انه بيبين قد إيه انتي ضعيفه اوووي
حور بزعيق وصوت اعلى: وانتا مال اهلك كنت من بقيت أهلي و انا معرفش اللي ليك عندك الزفت بتاعك واديك خدته
يونس: اممم الجاكيت بتاعي فعلا خدته بس يا ترى يا اسطى حور تفتكري لو مكنتش جيت يومها كان مصيرك ايه
حور غمضت عنيها وهي بتحاول متسمعش ولا تفتكر هي من يومها بتحاول تنسي وتتناسي علشان تعيش
يونس لما شاف وضعها قلبه وجعه بس لازم يكمل لازم تتكلم: اقولك انا كان زمانك مغتصبه ومرميه في مكان مفيهوش صريخ ابن يومين هنا وفي عز الشتا والبرد اللي محدش فيها بيطلع من باب بيته
تقدري تقولي كنتي هاتعملي إيه يا شجيع السيما وكمل بضغط على اعصابها كان اخرك شويه رمله حركه ذكيه بس تفتكري كافيه مع راجل بضعف حجمك وقوته قدك بدل المره عشره لما بتتحامي في ورشتك ولا وسط الشارع فأنتي عارفه ان الورشه فيها بدل العامل عشره وعشرين الكل هايتلم عليه ويطحنه وفي الشارع نخوه الرجاله هاتقوم بردوا ويعملوا معاه الصح والواجب وزياده فمتفتكريش نفسك السوبر هيرو وجو الاندبنتت وومن داه
بصلها وكمل بدون ما يتردد لانه عارف حور مش هاتتكلم الا تحت ضغط شديد وشديد اوووي كمان: تفكرتي لما تفضلي طول عمرك من غير جواز الناس مش هاتتكلم هايقولو يا حراااام حزينه ومكسوره على طليقها وهو بعد سنه اتنين ثلاثه هايتجوز ويخلف ويعيش حياته وانتي السنين هاتجري وتبصي حواليكي تلاقي نفسك لوحدك مفيش حد حتى هايفتكرك لان الدنيا هاتلهي كل واحد في حاله
فكرتي لو اتكلم وحكي لأهل الحاره مثلا هايكون إيه مصيرك لا اكيد مفكرتيش بس يا ترى هاتهربي ولا هاتبرري ها هاتقليلهم صح انا شمال زي ما بيقول
حور بإنهيار : انتا عايز مني إيه بتعمل كل داه ليه هااا عشان رفضتك
يونس ببرود: تؤتؤ خالص انا بس بحطك قدام نفسك في مكانك الصح يلا روحي البيت واقفلي الباب عليكي وعيطي وانهاري وبعدها اكتمي جواكي لحد ما تطبي ساكته وتقهري كل اللي حواليكي
حور بزعيق: تعرف عني ايه عشان تتكلم عني كده هااا
انتا واحد اتولد في بوقه معلقه دهب انا اتولدت في حاره ليها عاداتها وليها حياتها اتطبعت بطبعهم كبرت والدنيا ماسكه دماغي تدق عليها ولا أجدع طبله في ايد طبال ورا رقاصه فتحت عيني وانا في ورشه بين عمال وصنيعيه اتولدت لاب كبير الحاره ميعرفش يعني ايه يشتكي الكل كان بييجي يرمى همومه في حجره وهو يحل من غير ما حد يسأل في يوم هو نفسه موجوع ولا لاء مهموم ولا لاء
وسندت على العربيه وشردت من غير ما تحس فضل يحل للناس مشاكلهم لحد ما راح في غمضه عين ملحقتش أحزن والدنيا سنت سككينها علينا الكل قال دول اتنين ولايا ملهومش ضهر لا سلمت من القريب ولا الغريب كان لازم أقوى مينفعش أضعف حتى لما اتخطبت كنت زي التايهه كنت حاسه بقبضه قلب ومحدش حس بيا كملت وقولت اهو راجل يسندنا مادام الكل جاي علينا والدنيا بتلهي كل واحد في حاله
يونس بحذر: ايه اللي حصل يا حور
حور بعنين شارده: يومها الدنيا استكترت عليا الفرح امه يومها اتصلت بيا وروحتلها بعد ما عرفت انه مش في البيت روحت وقعدنا معرفش اني دخلت جحر التعابين برجليا مش هاطلع منه إلا بلدعه طلعت بروحي مش بالدم بس محستش يومها إلا وانا بفوق وانا متدمره اتكسرت وبحاول من يومها اجبر نفسي بنفسي عارفه ان الناس مش هاتسكت بس الأصعب اني اسمح في يوم ان حد يجيب سيره ابويا او يعيب في ربايته محدش هايفهم محدش هايصدق وانا معرفش اعيش مكسوره ولا اعرف اطاطي غير لربنا الناس ليها الظاهر وحكمها من الظاهر وبس ومفيش حد هايقبلها على روحه وكرباج لسان الناس بيجلد ويموت بالبطيئ ذنبي إيه أنا قولي
يونس بتنهيده طويله كأنه سجين واتحرر اخيرا من سجنه: مالكيش ذنب الذنب ذنب مجتمع عقيم تفكيره متخلف وللأسف بالرغم من انك متعلمه تعليم جامعي ودماغك كبيره وعلى درايه واسعه بالأمور الا انك اتأثرتي بيه واتطبعتي بطبعه الناس مش زي بعض يا حور زي ما صوابع ايدك مش زي بعض كل صباع ليه اسم مختلف وشكل مختلف ووظيفه مختلفه
حور بتعب : بس كلهم في ايد واحده والوجع في واحد بيطول الكل وبيخلي كل ايدك تنشر عليك
يونس: أكيد بس لو روحتي لدكتور هيعالج ألم صباع لوحده قبل ما يطول الكل
حور كشت حواجبها: قصدك إيه
يونس بتنهيده: يعني انا قابل بيكي بكل حاجه خليني الطبيب اللي يداوي جروحك اللي يعرفك على الدنيا من اول وجديد
حور بصدمه: واللي حصل
يونس بلمعه عنين: اللي حصل كان غصب عنك داه اول هام تاني هام بقى انتي كنتي متجوزه بشرع الله انا مش مراهق ولا طايش عشان احكم على الناس بالسطحيه دي وانا عرفت واتعاملت معاكي عن قرب عرفت معدنك عرفت عقلك قبل قلبك عرفت شخصيتك قبل شكلك فهمتي
حور بقلق: وايه يضمن ان ميجيش يوم وتعايرني فيه باللي جرا
يونس برفع راس : كلمتي واظن انتي قولتي كلمه الراجل عهد ووعد وزي ما بيقولوا وعد الحر دين عليه وانتي عرفتيني قعدنا شهر بحاله في وش بعض ومش انا الراجل اللي يقل من مراته ولا يسمح لجنس مخلوق يقول في حقها ربع كلمه والأيام كفيله تثبت ولو عايزه اي ضمان مهما ان كان انا موافق
حور بصتله بترقب وركزت في عنيه ماشفتش الا الصدق وبس
يونس اخيرا لمس اقتناعها: انا هاتقدم للمره الثالثه والاخيره يا حور وزي ما بيقولو التالته تابته
حور بشرود مره تانيه: سيبني أفكر وارد عليك
يونس: اظن سيبتك بما فيه الكفايه هاديك مهله لحد يوم الجمعه تصلي استخاره وتشوفي ربنا هايدلك لإيه
وبعدها هاجي انا وأهلي يا حور يعني مفيهاش هزار
حور بهزه رأس من سكات ولا نطقت كلمه
يونس: تمام يلا اركبي عربيتك وانا وراكي لحد ما اطمن انك وصلتي
حور :ماشي
واتحركت فعلا على عربيتها وكان ملازمها يونس زي ضلها بعربيته لحد ما اطمن انها وصلت الورشه تاني واتحرك في طريقه بمزاج رااااااايق
****************************
حور بعد ما مشيت جبل بإستغراب من وجودها هنا
جبل بإستفسار: بابا هي حور بتعمل ايه هنا
همام قعد على الكرسي قدام إبنه واتنهد: تعرف يا جبل اختك هنا ليه
جبل بهزه راس بنفي: لا ليه حضرتك قولت حادثه
همام: هي فعلا حادثه بس مش حادثه عربيه اختك اتعرضت لمحاوله اغتصاب
جبل بعنين مبرقه: إيه
همام: ذنبك انتا وأمك اللي كانت هاتدفع تمنه اختك واللي انقذها رامي صاحبك ربنا يسره في طريقها عشان ينجدها من اللي كان هايجرالها
اختك لقيت اللي ينجدها وحور ملقيتش اللي ينجدها اختك ربنا سترها معاها وانتا وأمك فضحتوا وليه ونسيتوا ان عندكم ولايا
حور جات تطمن على اختك بالرغم من اني روحت وتهمتها هي وابن عمها في اللي جرا لأختك
ووعدتني هاتجيبهم لحد عندي
جبل بزعيق: وانتا صدقتهم داه فيلم عاملينه علينا
همام بحده وكزه سنان: مش كل الناس زيك انتا وأمك وارجع واقولك اللي زي حور دي لما كلمه تطلع منها ليها تمن ووعدها سيف حق دي لا بتخاف ولا بتهاب غير ربها فهمت يا ابو مخ ضلم
وقفت معايا وفعلا كلامها حق وانا اللي بقولك يا ابن ثريا عظيم بيمين لو اتعرضتلها تاني لادفنك بإيدي لان ساعتها موتك ارحم من كسرتي بيك
وقام وسابه
جبل حط وشه بين ايديه وعيط بحرقه ووجع يهد جبال
ومحسش هو عيط قد إيه ولا وقت مر قد إيه الا وفي إيه بتتحط على كتفه تطبطب عليه
رفع وشه ودموعه مغرقه وشه
جبل بحرقه: جميله يا رامي جميله كانت هاتضيع بذنبي ربنا عقبنا فيها عقاب صعب اووووي انا اتكسرت يا رامي اااااه
رامي قرب منه وخده في حضنه واخد نفس طويله علشان يقدر يتكلم ويهدي صدمته: جميله الحمد لله بخير يمكن ربنا حب يفوقك ربنا عايز يسمع صوتك بيقولك فوق انا موجود جميله ربنا حفظها وحماها
جبل بصله بذهول: انتا عرفت منين اللي حصل لجميله
رامي بشبه سخريه بص على دراعه المربوط ومعلق بشياله في رقبته: يمكن لاني انا اللي ربنا ساقه ليها علشان ينجدها من مصير اسود كان مستنيها ومستنيكم
جبل افتكر كلام ابوه اللي مركزش فيه بعد كلمه اغتصاب
جبل هز رأسه بوجع: حقك عليا اللي فيا ميتحملهوش انسان كفيل يموته بالبطيئ
رامي بتأنيب: سبق وسقيت غيرك نفس الكاس فكرت ولو لثانيه واحده وضع طليقتك هايكون إيه قبل ما تدبحها بدم بارد
جبل بتبرير: بس حور كانت
قاطعه رامي :اوعي تقولي كانت مراتي انتا كنت كاتب كتابك عليها يعني خطيبها والمفروض كنت تعاملها على هذا الأساس لا اكثر ولا أقل قدام الناس هي بنت بنوت مدخلتش بيتك مفكرتش لو اتقدملها حد هاتعمل ايه وهاتقوله ايه الناس ليها الظاهر مش الباطن الناس مبترحمش وانتا كمان مرحمتهاش ربنا اداك قرصه ودن علشان يحسسك بوجع غيرك دوقك الكسره عشان تعرف كسره غيرك احمد ربنا انها جات على قد كده ارجع لربنا وبلاش شيطانك يسوقك ارجع جبل اللي عرفته الجدع الطيب اللي لما كان بيلاقي حد تعبان كان بيشيل عنه جبل اللي لما حب دخل البيت من بابه زي اي راجل مش جبل اللي دبح بنت بدم بارد تحت تأثير أمه وشطانه عماه ارجع تاني يا جبل ربنا بابه مفتوح وارحم بعباده
جبل بإنهيار: آآآآآآه موجع يا رامي هاموت من الوجع الدنيا مش رحماني آآآآآآه يارب آآآآآآه عارف ان ذنبي كبير بس اختي ملهاش ذنب يارب اختي ملهاش ذنب كفايه عقاب فيا يارب كفايه تعبت
رامي بحسم: اوعي تعترض على قضاء ربنا ربنا بيعمل الصالح علشان يفكرك انه موجود وأننا دايما محتاجينه
بيقرصك في ودنك زي ابوك لما بيعنفك لما تغلط
جبل بدموع: بس دي قرصه بالدم بتوجع اوي حاسس ان روحي بتطلع مني يا رامي قلبي موجوع وروحي موجوع شاور على صدره حاسس ان في حاجه بتوجعني هنا
رامي بتفهم: معلش الوجع لسه في أوله هياخد وقته ويهدي قول الحمد لله
جبل بإنهيار: الحمد لله الحمد لله
****************************
وصلت حور الورشه وركنت عربيتها ودخلت الورشه شارده مش حاسه بحد خالص طلعت على مكتبها بدون ما تكلم حد خالص قعدت على المكتب وعقلها شارد في تفاصيل كل اللي حصل غمضت عنيها تحاول تجمع شتات نفسها اللي اتبعترت من غير قصد حاولت كتير تجمع قوتها اللي انهارت في لحظه ضغط وضعف هي مش متعوده عليه
اخدت نفس طويل وحبسته في رئتيها لوقت وطلعته مره واحده محمل بكل الوجع اللي جواها
وبدء عقلها يسيطر على نفسه من تاني
وشردت في كلامه: وبعدين يا حور انهارده الثلاثاء يعني قدامك اربع وخميس يعني يومين هاقدر اقرر انا عايزه ايه
طيب اعمل إيه ياربي على الحيره دي أوافق ولا اقفل الباب من أساسه
بس اظن مبقاش فيه حاجه مستخبيه عليه اخاف منها او اقلق
وكملت بتهكم : ضربوا الأعور على عينه قال كده كده خربانه
هاخسر ايه يعني اكتر من اللي خسرته مظنش في حاجه تاني اخسرها
فضلت في حيره ومجادله مع نفسها لحد ما عدى الوقت من غير ما تحس
الا وسبارس بيخبط على الباب
حور بفوقان: ايوه يا سبارس في حاجه
سبارس بكشه حواجب ظهرت ال الميه وحداشر اللي بينهم: سلامتك يا اسطى بس احنا خلصنا وكل العمال مشيوا وانتي هنا في عالم لوحدك من وقت ما جيتي من بره حتى مطلتيش على الشغل زي عادتك
حور اتنهدت وهزت راسها: معلش كان ورايا شويه فواتير براجعها ومحستش بالوقت
قامت من مكانها وخدت شنطتها: طيب يلا بينا نقفل عشان كمان متأخرش اللا الحاجه تستعوقني ودي مبيهدالهاش بال طول ما انا بره البيت يلا يلا
اتحركت ونزلت بسرعه وسط اندهاش سبارس لتصرفها وخصوصا انه لا شاف دفاتر ولا حتى ورقه قدامها
رفع كتافه بقله حيله ونزل وراها
قفلوا المكان واتحركت بسرعه وكأنها بتهرب من شبح مرعب
روحت البيت وكالعاده أمها مستنياها قدام الباب
حور بهزه راس: مفيش فايده فيكي يا وليه اعمل معاكي ايه عشان تبطلي تقعدي على المصاطب
هدي بقله حيله: هاقول إيه يا تاعبه قلبي قاعده مستنياكي لما اتأخرتي
حور ميلت وباست راس أمها: سلامة قلبك يا روح قلبي يلا نخش جوه الجو برد والواحد قرب يرشح من البرد
هدي بضحكه عاليه: الله يحظك يا دي البت مش كبرتي ع الحاجات دي
حور بترقصه حواجب: اسكتي يا حاجه الله يسترك داه الواحده لولا الكالسون اللي متقل بيه تحت الهدوم كان زمانه عملها بجد
هدي بضحكه أعلى: يخصك يا بت
حور بصدمه: يالهوي يا أما ايه الضحكه اللي شبه
لهوه عمنوال دي
هدي وهي بتحط ايدها على بوقها: يوه يقطعني نسيت روحي بس انتي السبب
حور وهي بتزقها بهزار من كتفها: طيب خشي خشي لينا بيت يلمني ويلمك
هدي اتلفت ليها وهي على سلم المدخل وشهقت شهقه عاليه: يإيه يا روح امك يإيه شكل يا بت الباص وحشك
قالتها وهي بتبص على البنص البلاستك اللي في رجلها
حور بإبتسامه: لا يا ستي وعلى إيه الله الغني داه البتاع داه ابن كلب وعليه لسعه بتعلم
ورقصت حواجبها ورفعت رأسها بغرور مصطنع: ثم اسمه فانص مش بانص والقماش منه اسمه اسكيتشر
هدي بشهقه: اسمه يا عنيا اس ايه
ال بطلوداه واسمعودا نسيتي روحك يا بنت عامر وبتنفخي ريشك عليا الله يرحم أيام مكنتش بتعمليها على روحك وكنت بشبكلك الفانله بدبوس في قفاكي من ورا اللا يطولها الرشاح
حور بصدمه: خلاص يا أما خلاص ربنا يعينه اللي يقع تحت ايدك تجرسي اهله أموت واعرف مبتطلعيش من باب البيت وعارفه تاريخ أمه لا إله إلا الله
هدي بضحكة تهكم: الحاره هنا يا عين أمك كلها اوضه وصاله ومفندقه على بعضها وبلدك على بعضها مفيهاش عيلتين مش مناسبين بعض
حور بهزه راس: عندك حق ياأما طيب يلا خلينا ناكل لقمه الا قلبي سقط عليا من الجوع
هدي بشهقه: يقطعني الكلام خدنا طيب يلا يلا ادخلي غيري على ما اسخن الأكل
حور: ماشي يا أما فوريره دانا ميته من الجوع
دخلت بسرعه غيرت هدومها وطلعت اكلت بسرعه
لفتت انتباه هدى
هدي بإستغراب: مالك يا بت بتاكل زي اللي بياكل في آخر زاده محدش هايخطف الأكل من قدامك ولا الأكل هايخلص
حور رفعت وشها وبوقها مليان أكل قدرت تبلعه بصعوبه: معلش يا أما كنت جيعانه اوي وكمان هادخل اصلي وورايا شويه شغل عايزه اخلصهم
هدي بصتلها وهي مغمضه عنيها نص تغميضه وكأنها بتحاول تقراء اللي مدارياه بنتها: طيب وماله هنا وشفا مطرح ما يسري يمري بس بالراحه اللا تزوري يا عين أمك
حور بهزه رأس: كملت اكل وهربت بسرعه من قدام أمها ودخلت اوضتها دخلت اتوضت وصلت العشاء وصلت استخاره وقعدت تقراء شويه في المصحف لحد ما راحت في النوم والمصحف في حضنها
هدي بعد ما دخلت حور شالت الأكل ودخلت شطبت المطبخ ودخلت علشان تشوف بنتها لقيتها نايمه والمصحف في حضنها شالت المصحف وباسته وحطته على الحامل بتاعه وابتسم من الإبتسامه المرسومه على وشها
وطلعت وقفلت الباب وراها براااحه
ودعت من قلبها: ربنا يفرح قلبك يا حور يا بنت بطني ويرزقك باللي يريح قلبك وبالك ويهديكي قادر يا كريم
يا ترى حور شافت ايه في الحلم خلاها بتضحك..؟
ياترى حور هتوافق المره دي على يونس ولا لاء...؟
ياترى ايه اللي جاي مخبي إيه...؟
يتبع.....
البارت الخامس والخمسون
صحيت حور من النوم مبسوطه على غير عادتها وفي كامل حيويتها ونشاطها
دخلت استحمت واتوضت وطلعت صلت الصبح ولبست وطلعت هدي كانت بتحط الفطار
حور بإبتسامه ووش منور : صبح صبح يا هدهد الجناين
هدي بإبتسامه: اش اش اش وشك ولا القمر ومنور ولا البدر وبحركه عفويه مسكت حرف الطبليه: لا دانا امسك الخشب
حور بضحكه: ليه يعني هتحسد على ايه يعني
هدي بضحك: ما يحسد المال الا أصحابه
حور بمشاكسه: على ايه يعني يا هدهد الجناين حسدوا الغجر على ضل الشجر
هدي بحنان امومي: على كل حاجه ليكي طله اللهم صلي على النبي وهيبه ولا هيبه بنت السلطان ووشك ولا القمر يابت انتي مبتبصيش لروحك في المرايه ولا إيه
حور بعنين بتلمع: عينك اللي شيفاني حلوه طول عمرها يا أما بشوف نفسي في مراية عينك حتى في عز وجعي وضعفي
هدي بحنان: قلب الأم بيحس بضناها يابت دانتي قاسمتيني النفس وجاورتي قلبي قبل عيني كنتي نصي اللي جوايا مشاركني روحي شهور واحنا مع بعض وطلعتي بشق روحي وكبرتي على أيدي وقدام عيني
عارفه يا حور لو العيل عفش وميتبصش في وشه في عين أمه وابوه أجمل واحلى واحد في الدنيا
وانتي يا ضي عيني من يومك والطله في وشك تطول العمر
حور بإبتسامه واسعه ظهرت أسنانها: لاء دانا اتغر بقى واجيب أهل حاره المغربي يتغروا معايا
هدي بلوع: يحقلك يابت هو اي اي ولا زي زي ولا حتى يملى عينك حد
حور بنص عين مغمضه: يا وليه خليكي كده عماله تنفخي فيا زي القربه
هدي بشهقه: قربه في عينك دانتي قمر يابت خو ابوكي الف رحمه ونور تنزل عليه في قبره سماكي حور من شويه سماكي حور عشان شبه حور الجنه يابت طيب والله وما ليك عليا حلفان داه يا بخته يا هناه وأمه دعياله في ليله القدر وساعه استجابه اللي هاتكوني بخته ومن نصيبه
حور : انتي بتقولي كده بس عشان انا بنتك وقلب وعين الأم غير يا هدي انما انا في الحقيقه وعيون الناس عاديه جدا ويمكن في اللي بيشوفني اقل من العاديه الكل شايف الاسطى حور وفيه اللي شايف حور القادره وفي اللي شايفني مشحمه ومزيته وفي الأول والآخر ميكانيكي
هدي بحسم: بصي يا بنت بطني حطيها حلقه في ودنك اللي يقل من روحه يفضل طول عمره قليل واللي يسعر الناس يفضل طول عمره خده مداس انتي حور بنت عامر ابوكي كان بشمهندس قد الدنيا وعمره ما استعر من شغلانته وكان دايما يقول الايد البطاله نجسه والايداع الشقيانه ربنا يبارك فيها وانتي فاتحه بيوت ناس ياما وانك حور القادره داه يزيدك شرف يابت لأنك قادره تجيبي حقك ولو كان في حنك السبع
وانتي تربيه عامر اللي كان كبير حاره المغربي يعني شربتي من حكمته وعقله الكبير اللي كان يوزن بلد
خدتي من ابوكي الحكمه والعقل والكلمه اللي توزن بلد وسيف ماشي على رقاب الكل
فهمتي يابنت بطني
حور بإنصات شديد: فهمت يا أما فهمت
هدي بهزه راس: ماشي يا بنت عامر
وفطروا ونزلت حور على الورشه
*********************
جبل ماغمضلهوش جفن من ساعه ما وصل واحداث الكام ساعه اللي فاتوا بيتعادوا زي شريط السينما في عنيه غمض عنيه بتعب وافتكر صراخ اخته اللي هز حيطان المستشفي
جميله بصراخ: ابعدوا عنييييي يا باباااااا ابعدوا الحقوووونيييي
ابعدوا عنييييي
صراخ هيستيري الكل جري على اوضتها ابوها ورامي وحتي جبل حرك الكرسي بتاعه وحس بإحساس بشع وهو العجز قرب همام من بنته يضمها ويخبيها في حضنه من غدر الدنيا
همام بلهفه ووجع: اهدي يا بنتي اهدي انتي بخير انتي في حضن ابوكي اللي مش هايسمح لحد في الدنيا دي يأذيكي ولا يمسك فضل ضامم بنته في حضنه ودموعه نزلت ومختلفش عنه كتير كل اللي موجودين جبل البي دموعه نزلت بقهره ووجع على شكل اخته المشوه من الضرب وحالتها النفسيه اللي تقطع القلب
ورامي اللي دموعه نزلت وافتكر البنت الصغيره اللي شافها يادوب مرتين وكل مره كانت كلها حيويه ونشاط وضحكتها مفارقتش وشها هز رأسه بحزن وأسى عليها ومسح دموعه بسرعه
الدكتور استغل ضم همام لبنته المنهاره وحقن المحلول بسرعه بمهدي اللي خلال ثواني كان بيجري في عروقها وسقطت بين أحضان النوم اللي فتحلها درعاته بسرعه علشان يحميها من غدر الدنيا
همام اطمن انها نامت في حضنه عدلها على السرير وغطاها وباس جبينها بحزن وطلع الكل ورا بعضه من الأوضه
همام بقلق: في ايه يا ابني طمني الله يطمن قلبك
الدكتور بعمليه: يا حاج داه متوقع اللي مرت بيه مكانش سهل وهتحتاج وقت علشان تتجاوز اللي حصلها ولو طول من الأفضل تعرضها على دكتور نفسي علشان حالتها متسؤش اكتر من كده
همام بتفهم: ان شاء الله خير يا ابني تفوق هي وكل حاجه هاتبقى بخير
الدكتور: ربنا يطمنك عليها عن اذنك علشان عندي مرور
سابها الدكتور وكل واحد منهم في حال ووادي من الحزن
*************************
ياسر فضل طول الوقت يتقلى على جمر صعبان عليه نفسه من اللي حصل على ايد بنت عمه وقف قدام المرايه وحسس على الكدمه الزرقه االي في وشه وغمض عنيه بعنف واسنانه قربت تتكسر من كتر الضغط عليها: مكانش العشم يا بنت عمي دانا عملت اللي عملته عشان ارد كرامتك وتبقى جزاتي كده منتي لو شوفتي قهرة أمك مكنتيش اتكلمتي لو شوفتي أمك وهي بتخبط على قبر ابوكي مكنتيش اتكلمتي منتي سبق وعملتيها بس اللي بقى بيني وبينك حق البت وبعديها الله يسهلك وابقى ابن كلب لو اتدخلتلك في حاجه
والتهكم كان سيد ملامحه: مادام بميت راجل وبقيتي تعرفي طريق البلطجيه والشبيحه يبقى تحلي مع روحك
غمض عنيه بأسى ووجع من اللي حصله
كنت فرحان اني واحد منكم كنت بقول انا اولى ببنت عمي اتاريني كنت غبي هاتفضلي طول عمرك شيفاني ابن عابد مش تربيه عامر هايفضل اللي حصل حيطه سد بيني وبينك لآخر العمر مكانش العشم يا خساره والف خساره يا بنت عامر لأول مره اشوف غبائك وغشمك
قطع كلامه لنفسه باب اوضته اللي اترزع في الحيطه
بص بذهول شاف نعيمه واقفه متخسره وحاطه ايدها في وسطها وعنيها مليانه شر
ياسر خد نفس طويل وطلعة مره واحده: خير يا أما
نعيمه بسخريه: كل خير يا نضري وقربت منه بخطوات ثابته : ايه اللي في وشك داه اللا يكون وحمه طلعتلك على كبر يا نن عيني
ياسر ببرود: خير يا اما هاتي من الاخر وتعاليلي دوغري ملهاش عازه اللف والدوران داهو
نعيمه بشر: كانت عايزه منك ايه اللي تتخفي بنت هدي هي وأمها كل واحده منهم تجيلك نوبه تسحبك زي البهيمة وتمشي واخر المتمه تجيلي ووشك متشلفط
ياسر ببرود وابتسامه صفرا: حور وهدي يبقوا مرات عمي وبنت عمي لو نسيتي ومفيهاش حاجه لما يجولي منا ابن عمهم يعني واحد من البيت ولا انتي ليكي كلام غير داه
نعيمه برفعه حاجب: اممم هي بقت كده يعني
ياسر ببرود: هي ليها قول غير كده
نعيمه بشر: ليها يا عين أمك ليها ان هدي وبنتها طبقوك وحطوك تحت باطهم بس ويمين مرا ما يمين راجل يا ابن نعيمه وشدت القصه اللي طالعه من تحت الطرحه اللي لبساها وحياه مقاصيصي دول ومايكونوا على مرا ان ماكنوا عملينك عمل عشان تمشي عمياني وراهم بس لا وكتاب الله ما هاسكت إلا لما أبعدهم عنك والنبي ومن نب النبي نبي إلا لما ابعد الحيه دي وبنتها عنك مهو االي جرا زمان مش هايجرا دلوقتي
ياسر بخبث: وايه هو اللي جرا زمان يا ام ياسر
نعيمه بلجلجه وهي بتبلق ريقها بصعوبه: ها انها فضلت تتدحلب في زوراق سيدك الله يرحمه هو وعمك لحد ما الكل افتكر انها ياما هنا وياما هناك لحد ما طلعت من هنا وراسها في الارض زي الكلب بس بردوا دار الزمن ولف وجات بنت الحيه تلف عليك بس على مين انا واقفالها بالسقر والنضاره
ياسر بتهكم: كل داه حصل من مرات عمي اللي لا بتهش ولا بتنش امممم أما الله يسترك لما تتكلمي معايا راهي اني شحط مش عيل برياله يعني الكلمتين دول ولا بلوا ولا رشوا مع العبد لله وحطيها حلقه في ودنك للزمن مرات عمي وبنت عمي يعني لحمي ودمي واللي سبق وعملتيه ومشينا وراكي عمياني محدش عاد هايكرره نوبه تاني فحلي حور وأمها من دماغك لاني للأسف مش انا اللي هاتصدرلك لوحدي داه ابويا قبل مني وكمل بسخريه وطبعا مش محتاج اعرفك حور مهي ربايه عامر وسبق وعلمت على البيت بالجمله في غمضه عين
وغمزلها بعينه : بدل ما تخسري حتتين الدهب اللي يادوب بدئوا ينوروا عنيكي افتكري ان بنت عامر قرصتها وتحت سابع أرض
يلا فوتك بعافيه
سابها ونارها وغلها زاد أضعاف مضاعفه
********************************
حور وصلت شغلها وهي في حاله غريبه عليها وعلى كل اللي يعرفها ابتسامه مرسومه مهما ان حاولت تداريها
طلعا المكتب تختلي بنفسها طول اليوم من غير ما تختلط بحد وكأنها بتاخد هدنه ولكن للقدر رآي اخر فتح باب المكتب بعنف رفعت وشها نحيه الباب لقيت ياسر قدامها وأثر الكدمه واضح عليه عضت على شفايفها بعنف لأنها مكانتش متخيله ان في عصبيتها تعمل كده فيه خصوصا انه معملهاش حاجه واللي عمله كان رد فعل للي عمله جبل بس كان غشيم شويه
حور بتنحنحه: احم تدخل يا ياسر منتاش غريب عشان الوقفه دي
ياسر بعتاب بأن في عيونه قبل صوته: لا غريب يا اسطي حور غريب للدرجه اللي توصلك ترفعي ايدك عليا
غريب لدرجه اتهامك ليا وانتي ادري الناس اني عمري ما أقرب من الولايا ولا حقي وحق اللي يخصني ييجي منهم
حور بهزه راس: عندك حق بس حط نفسك مكاني البت ابوها كان تاهمك بعد اللي حصل لابنه وانك تروح لحد هناك وتشمت في عمايل ايدك وخصوصا إنك خدت العاطل بالباطل وخدت في الرجلين محل اكل عيش مفتوح من وراه بيوت ماس قولي اعمل ايه
ياسر بحده: تدافعي عني تقفي في ضهري وتقولي ابن عمي وربايه ابويا عمره ما يعمل كده انما اول كلامك اني شايل دم عابد
حور بندم: حقك عليا بس انتا ادري الناس بيا في غضبي لا بشوف ولا حتى بعرف اوعر قدامي وجت فيك فمتزعلش جت فيك بدل ما تيجي في غيرك
ياسر بحده: على العموم داه مش موضوعي العيال اللي عملوا العمله دي بقوا تحت ايدي
حور بصدمه وعنين مبرقه: نعم لحقت تعرفهم أمته عشان تجيبهم مسافه سواد الليل ونهاره
ياسر بنظره غضب: ميخصكش كيف وازاي دي بتاعتي انما اللي ليكم عندي هما العيال بلغي البيه اللي جه رمى تهمته في حجري وجري يشوف هاسعنل فيهم ايه هايسلمهم ولا هياخد حقه بإيده
حور بشرود: تمام يا ياسر هاتصل بيه أبلغه واللي فيه الصالح ربك يعمله
ياسر بإستغراب من وضع حور: مالك قلبتي ليه دانتي المفروض تفرحي انك قد كلمتك قدامهم
حور بشرود: اكيد مبسوطه انك براءة من الحوار داه بس اللي شاغل بالي العيال دي لو اتسلموا يبقى لازم بلاغ باللي حصل
ومادام مافيش بلاغ يبقى معليهومش حاجه
وحته بقى انهم ييجيبوا حقهم بدراعهم دي مستحيله
ياسر بتهكم: ليه نغه ولا اكتع
حور بحده: لا يا حفيف الراجل وعضمه كبيره وابنه وراقد كسيح يبقى مين
ياسر بتفهم: اممم طيب والحل اوعي يكون في دماغك انا اللي اجيب حق البت اصلهم مش من بقيت اهلي ويبقى جرا في مخك حاجه
حور : لاء طبعا انتا ايه بس وانتا ايه يخصك في الحوار داه اصطبر على رزقك انا هاكلم الحاج همام واشوف الحوار راسي على ايه وابلغك
ياسر :تمام بس اخرك انهارده المسا
حور بهزه راس: آمين
ياسر قام واتحرك في طريقك للباب: طيب يلا بالإذن ولما تعرفي بلغيني ومعاكي على تليفون
ولف علشان يمشي وقبل ما يخرج
حور بتسرع: ياسر البشمهندس يونس احتمال ييجي يوم الجمعه عندنا
لف راس بسرعه البرق وهز رأسه بعدم فهم: ييجي عندكم ليه لامؤاخذه
حور بخجل وخدود وردت لأول مره :احم يعني مهو احتمال
قاطعها ياسر : اوبااااا دانتي بتحمري زي البنات اهو وخبط كف بكف والله وعشت لحد ما شوفت اليوم اللي حور بتتلجلج ووشها بيجيب الوان الطيف وبتتكسف زي البنات
حور رفعت رأسها بحده وشهقة بصوت عالي: ليه يا اخويا مي بت ولا مش بت ولا مشبهشي
ياسر بإبتسامه: ايوه كده هي دي حور بنت عمي اللي اعرفها على العموم من غير ما تكتري كلام وصل قصدك وان شاء الله هاكون موجود انا وابويا
حور بتردد: انا بقول احتمال هو اداني مهله افكر لحد يوم الجمعه الصبح وانا بحد دلوقتي مقررتش لسه عشان كده بقولك احتمال
ياسر لف ورجع تاني وقعد قدامها: بصي يا حور يعلم الله اني بعتبرك اختي مش بس بنت عمي لأن انا وانتي متربيين على ايد الحاج عامر رحمه الله عليه والكلمتين دول لو ابوكي كان عايش كان هو اللي قالهوملك اللي زي يونس داه راجل بجد راجل من ضهر راجل جدع وصوته من دماغه يعني يا بختك بيه هو داه اللي هايصونك ويكون ضهرك وامانك هو داه اللي هايعرف يطلع حور البنت الشقيه اللي مكانتش بتطلع الا قدام عامر اللي زي يونس داه يا حور هايكون ابوكي واخوكي وصحبك وحبيبك قبل ما يكون جوزك الراجل اللي يبص لجوهر الست قبل ما يبص لجسمها يبقى عمره ما يكسرها وميخونهاش تفضل في عينه أجمل واحلى ست مهما ان مر العمر وعجزتي وشعرك شاب وضهر اتب اللي زي يونس لما يحب ست بيحب بجد عمره ما يزعلها ولا ويدوسلها على طرف ولا يسمح في يوم لحد ييجي عليها نيمي عقلك شويه واتهدي
حور بتشتت وتردد: مش عارفه حاسه زي ما يكون في اتنين بيقطعوا في بعض مش عارفه احدد ولا اخد قرار كل ما احس اني رسيت على بر يطلع هوا وارجع تاني لنقطه الصفر
ياسر بتفهم للحاله اللي بتمر بيها حور: بصي يا بنت عمي مش عيب انك تحكمي عقلك في كل أمور حياتك بس داه أمته داه في الشغل انما في حياتك الشخصيه العقل مطلوب بس بحساب حكمي عقلك مقولناش لاء بس كمان حطي قلبك في الحسبان لازم يكون الطرفين مرضيين مشكلتك انك حاطه اللي حصل عقبه قدام عينك وبالرغم من أنه عرف وقبل الا انك بردوا حطاه حيطه سد قدام عينك علشان تقدري تاخدي قرار أمسحي اللي جرا من دماغك وفكري لو يونس اتقدملك في الظروف الطبيعيه قراراك هايكون إيه اقعدي مع نفسك وفكري بعقل عامر اللي كان يوزن بلد بزيها كان هايكون إيه أنا بقولك نصيحه اخ لأخته ونصيحه عامر لو كان عايش فهمتي
حور بتنهيده: عارفه بس لو عامر كان عايش كان حاجات كتير اوي اتغيرت يا ياسر للأسف لا الوقت هو الوقت ولا الناس هي الناس ولا حتى العقول والقلوب بقت زي زمان متقدرش تحكم على حد والظاهر بيخبي الباطن وداه اللي مخوفني وتخليني مش راسيه على بر
ياسر بتفكير: عندك حق بس بردوا معدن الناس بيبان وخصوصا في الازمات مش هاقولك غير أن اللي يسيب حاله وماله وحياته وييجي يتبهدل معاكي في الورشه هنا يبقى شاري وشاري بجد واظن من الأيام اللي كان فيها هنا تحت عينك تقدري تعرفي معدنه كويس اوي انتي بنت سوق وتقدري تقري اللي قدامك بسهوله
حور بتفكير: عندك حق ان شاء خير لسه معايا انهارده وبكره بطوله واللي ربنا كاتبه هايكون
ياسر : ونعم بالله يلا اسيبك لمصالحك ومتنسيش تشوفي الراجل وتبلغيني
حور: ماشي يلا سلام
مشي ياسر بعد ما قدر يحط حور على اول الطريق الصح ويحسم خوفها وترددها
حور فضلت شويه وسكت تليفونها وطبعت رقم الحاج همام
حور بهدوء : السلام عليكم ورحمة الله وبركاته يا حاج
همام بإرهاق: وعليكم السلام يا بنتي
حور :طمني يا حاج جميله عامله ايه دلوقتي
همام بألم: نحمد الله على كل حال يا بنتي
حور : فاقت ولا لسه
همام بتنهيده وجع: اه فاقت بس الدكاتره ادوها منوم عشان كانت عماله تصوت ومحدش كان قادر عليها
حور بتفهم: معلش يا حاج شده وتزول ان شاء الله المهم
احنا وصلنا للعيال اللي عملوا كده
همام قلم مندور من مكانه: بجد يا بنتي
حور: ايوه يا حاج ياسر ابن عمي لسه مبلغي دلوقتي
يعني لما قولتلك ان مش هو يبقى تصدقني احنا مبناخدشي حقنا من حريم
همام :معلش يا بنتي اعذريني انتي شوفتي اللي احنا فيه
حور :عذرك معاك يا حاج المهم هاتعمل معاهم ايه
همام: هاوديهم للبوليس
حور : يا حاج لو الموضوع وصل للحكومه فهما معليهموش اي مسؤليه لان احنا مبلغناش الا لو غيرت رآيك وبلغت
همام بتعب: طيب والعمل
حور : لو عايز نصيحتي تاخد حقك وتعلم عليهم من غير شوشره
همام: ازاي بس يا بنتي
حور : زي الناس يا حاج يترنوا العقله المتينه ودول شويه عيال الشرب لحس نفوخهم انما حكومه وكأني وماني يبقى شوشره بالكدب شوف مين عندك يقوم بالمهمة دي وبلغني الله يسترك
همام: عندك حق يا بنتي ومادام ربك سترها يبقى بلاها النار اللي هاتقزم من غير داعي
حور :عين العقل يا حاج
همام: طيب انا هابعتلك واحد انا بعتبره في معزه ابني وهو هايقوم بالواجب
حور: تمام خليه يعدي عليا في الورشه وانا هاوصله بالعيال دي
همام: ماشي يا بنتي معلش تعبتك معايا
حور :ولا تعب ولا حاجه يا حاج شد حيلك بس عشان وراك لسه مشوار طويل
همام: قصدك إيه يا بنتي
حور :لما تفوق كل حاجه بعدلها يلا مع السلامه وانا مستنيه اللي هاتبعته
*************************
ياسر طلع من عند حور وهو مستغرب من اللي جرا كان جاي وهو ناره قايده وطلع وهو مبسوط سلحان الله على حال الدنيا كل ساعه بحال
مسك تليفونه واتصل بالغالي
ياسر بإبتسامه: الناس الواطيه
يونس بضحك: مقبوله منك يا ابو النسب
ياسر بضحك: ابو النسب ايوه يا عم يحقلك خلصت حاجتي من عند جارتي
يونس بضحك عالي لحد ما عنيه دمعت: شكل بنت عمك بعتت عليك بقيت بتتكلم زيها
ياسر :اصبر وشوف نفسك هاتبقى ازاي حور دي ليها تأثير جبار يا ابني
يونس: ادعيلي بس توافق لاني والله العظيم تعبت منها وبقيت قاعد منتظر على نار
ياسر :لا اطمن المره دي شكل ربنا هايبر خاطرك
يونس بلهفه: ازي عرفت منين
ياسر: لسه طالع من عندها وقدرت أعرف كده انها خلاص سلمت ورفعت الرايه البيضا
يونس بلهقه: يارب قالتلك إيه وانتا قولتلها ايه واقنعته ازاي وقالتلك
ياسر :اهدا اهدا يا ابني ايه مسوره اسئله وفتحت مقفلتش دانا اللي عايز أسألك عملت معاها ايه ووصلوا لإيه
يةنس: ولا حاجه اخدت الجاكيت زي اتفاقي معاك بس وضغطت عليها شويه لحد ما حكت كل حاجه من نفسها والله يا ياسر قلبي كان بيتقطع عليها من الحاله اللي هي فيها بس كان لازم اكمل للأسف حور عامله زي الجمل حماله اسيه وكان لازم ادوس اووووي عشان تنطق
ياسر: عندك حق على كلاً متخافش هي زي الفل هي بس جواها تردد شويه وانا شبه حسمت معاها الكلام
يونس بأمل: يارب يا ياسر انا منتظر اتصالها على أحر من الجمر
ياسر: هاتتصل صدقني المره دي غير بس خد بالك حور ابيه ونفسها عزيزه اوعي سامع اوعي تفكر تقل منها انتا عرفت اللي حصل ورضيت وارتضيت بيها بوضعها اوعي تفكر حتى لو بينك وبين نفسك انك تحفر في اللي اتردم عليه
يونس بإنصات: بص يا ياسر سبق وقولتلك انا مش عيل انا راجل وصوتي من دماغي واللي حصل لحور داه ميعيبهاش في حاجه وزي ما انتا قولت انا رضيت وارتضيت فياريت متفتحش الكلام داه تاني لانه يقل مني ويزعلني بجد
ياسر بتفهم: ماشي انا بس قولت افضفض معاك بصوت عالي علشان نكون على نور لان المره دي غير كل مره
يونس: قول يارب بس وبلاش نبر الله يسترك
ياسر بضحك: يخربيت كده ياض انشف داه البت عصبج عنك
يونس : يا اخي بنت عمك دي في وشها مشكله ادعي بس ربنا يتمها على خير
ياسر :يارب ان شاء الله هستناك يوم الجمعه لما توصلك الموافقه
يونس: ان شاء الله ادعي بس ربنا يهدي المجنونه بنت عمك لحسن دي كل ثانيه بحال
ياسر: يا ابني عيب عليك تشكك في قدراتي قولتلك اعتبرها مقضيه ومسأله ساعات
يونس : مع حور متعودتش احط امل في حاجه الا لما اضمنها في أيدي
ياسر :بصراحه عندك حق هي مش بنت عمي ومتربيين مع بس الله وكيلك ما اضمنها من هنا لحد احر عقله صباعي
يونس بضحك: ياعم ادعي انتا بس بنفس راضيه
ياسر بحسره وهو بيحسس على وشه مكان الكدمه: بدعي والله بدعي من قلبي
يونس: ماشي يا كبير اسيبك بقى عشان اشوف شغلي
ياسر :ماشي يا هندسه كان الله في العون
************************
مر يومين والكل مترقب ووصلنا الوقت المنشود
وحور حسمت قرارها
ياترى حور هاتوافق ولا هاترفض...؟
يا ترى ايه اللي حصل للي اعتدوا على جميله...؟
يا ترى اللي جاي مخبي إيه تاني....؟
...... يتبع
تكملة الرواية من هنااااااااااا
 رواية تربية حواري الفصل 51-52-53-54-55بقلم ولاء حامد (جميع الفصول…){kind=link}
تعليقات
إرسال تعليق
فضلا اترك تعليق من هنا