رواية لعبة الإنس والجن الفصل الأول والثاني والثالث 1-2-3بقلم رشا منصور (جميع الفصول كامله)

 رواية لعبة الإنس والجن الفصل الأول والثاني والثالث 1-2-3بقلم رشا منصور (جميع الفصول كامله)

رواية لعبة الإنس والجن الفصل الأول والثاني والثالث 1-2-3بقلم رشا منصور (جميع الفصول كامله)

أنا ناجي عندى 28 سنه وزى أى شاب قررت اتجوز وطبعاً أول واحدة لفتت نظري بنت الجيران كان إسمها نور وعندها 23 سنه جميله ورقيقه وعارف أهلها يعني مش محتاج اسأل عليهم ولا هما يسألوا عليا وكلمت أهلي ورحبوا جدا وابويا قالي يا زين ما اختارت وامى قالت دى ست البنات أدب وجمال وأمها من أحسن الجيران واتفقنا وروحنا علشان اتقدم لها ولقينا ترحيب منهم ووفقوا في الحال وقرأينا الفاتحه وعلت الزغاريط في العمارة 

وحددنا ميعاد للشبكه وبعد سنه سيكون الزواج علشان اكون وضبت الشقه وفرشتها بقلم رشا منصور 

وحسيت أن ربنا كرمني ووفقني وابتديت أحبها وهى كمان حسيت بأعجبها بيا وده كان باين من نظرات عينيها 

 والحمد لله تمت الخطوبه وبعدها بيومين ابتدت المشاكل ع أقل الاشياء وأحياناً بدون سبب أصلا 

 ‏وارجع واستغرب نفسي هو أنا زعلتها ليه ارجع أتصل علشان اصالحها والقيها هى كمان مستغربه نفسها سبب الخناقه كان ايه وفضلنا كل يوم ع ده الحال واهالينا قالوا ده سببه أنكم لسه مش عارفين بعض كويس وكل المخطوبين كدا لكن أنا ابتديت اشوف كوابيس غريبه وكل ما انوي اجيب لها هدية أو حتى أعمل حاجه تفرحها الاقي حصل العكس اتخانق معاها ومره كنت هضر'بها رغم أنى بحتقر أى راجل يتجاوز حدوده مع الانثي ربنا وصينا عليها وسيدنا محمد عليه افضل الصلاه والسلام الغريب في الأمر أنى كنت بحس أن لساني بيتكلم بدون إرادة مني بكون سامع اللى بقوله بس بكون مش أنا اللى بقوله ولما تقرر المشاكل بينا أبويا قالي شكلكم محسودين كل واحد أنا هكلم شيخ المسجد يشوفكم ويرقيكم وربنا يهديكم يا ولاد فجأة في نفس واحد قولنا له لأ 

 ‏لدرجه أن كل اللي قاعدين اتفزعوا وهنا أم العروسه قالت لا دى الحكايه دي وراءها سحر حد عمل لكم عمل علشان كده صرختوا أول ما جت سيرة الشيخ قوم يا أبو ناجي هات الشيخ وانتوا هتفضلوا هنا يا أم ناجي هاتي المقشه والمساحه من عندك والله اللى هيتحرك من مكانه لهننزل فوقه بالعصيان المقشه يلا يا أبو ناجي بسرعه وكانوا قاعدين لنا بعصيان المقشات تقولش اسدين قصر النيل 

 ‏وبصينا لبعض أنا ونور ومش فاهمين ايه اللى بيحصل لنا بالظبط وهل فعلاً الشيخ هيقدر يحل مشكلتنا فعلاً وفجأة لقيت أمي بيصوت وقالت في حاجه بتقرصني وحماتي بتقول مين اللى ضربني والاتنين بصوا لبعض وكل واحدة تقول التانيه أنتى اللى عملتي ومسكوا فى خنا.ق بعض وشد شعور وضر،ب وكل واحدة منهم قالت استحاله الجوازة دى تتم الغريبة أن أول ما قالوا كدا حسينا أنا وهى بفرحه رغم أن كل واحد منا عاوز يتمم الجوازة ولقيت نفسي قاعد معاها بقولها أنتى ممكن تتجوزى حد غيري عيونها دمعت وأنا مقدرتش وقولت لها استحاله اسيبك وهنا بقي جرس الباب رن وقومت فتحت كان أبويا وعم الشيخ ودخلوا لقوا الخناقه شغاله الشيخ قالهم الشيطان ضحك عليكم علشان أنا مجيش المهم اقتنعوا وقاموا حضنوا بعض والشيخ فضل يقرأ القرآن وأحنا عادى جدا وقال الرقيه الشرعيه وأحنا بردو مافيش أى حاجة بتحصل معانا بالعكس إحنا حاسين براحه الشيخ قال احكولي ايه اللى بتحسوا به قولنا له وعرفته أنى بقيت احلم بنفسي وأنا بقول اوعي تتجوزها دى اوزعه أوى وهنا بصت له نور وقالت أنا كمان بشوف نفسي في الحلم وأنا بقول معقوله واحدة زى القمر زيك تجوز خيال المآته ده الغريب أن أنا كنت شيفاني بس كأن الكلام بردو متوجه ليا هنا الشيخ قال لأ لأ أنتوا ولا مسحورين ولا محسودين أنا فهمت في ايه وفضل يضحك وقال تعالوا معايا وفعلاً نزلنا معاه وراح ع بيته وقالنا دى حاجه بتحصل يمكن كل ميت سنه مرة واظاهر كدا حصلت معاكم ودلوقتي هنتتأكد بعد ما اعمل لكم جلسه تحضير القرين بصينا لبعض وأحنا مش فاهمين المهم الشيخ قعد قدام مبخره وفضل يحط حاجات كدا فيها ويقول كلام مش مفهوم وحسيت بصداع وببص ع نور لقيتها هى كمان ماسكه رأسها وفضلنا ع الحال ده إكتر من ربع ساعة وبعدها لقينا الشيخ بيقول عليكم بالظهور في اشكالهم لحل هذا الموضوع وهنا ظهروا اتنين زينا بالظبط وبنفس ملابسنا كأننا واقفين قدام مرآيا 😱

 ‏أول ما شوفت ناس شبهنا بالظبط فضلت ابصلهم وابص ل نور كنت فاكر أن بيتهيقلي بس لقيت نور بتقولي ده أنت ولا حد تاني ودى مين وتطلع ايه وبصينا للشيخ وقالنا اهدو وانتوا هتفهموا كل حاجه وشاور لهم يقعدوا وقاعدوا قدامنا وأنا فضلت متنح للشبهي وهو ملامحه ثابته كأنه تمثال وبدء الشيخ يوجه لهم الكلام وقال عرفوني بنفسكم وايه الحكايه بالظبط وهنا نطقت شبيهة نور 

أنا رون .... قرينه نور وأنا ادري بمصلحتها وبقولها اوعي تتجوزى من الراجل ده 

أنا يجان.... قرين ناجي وبقوله الجوازة دى استحاله تتم 

ناجي.... وانتوا مالكم انتوا أنا عاوزها وهى عوزانى واهالينا موافقين ملكوش دعوة بينا إحنا ادري بمصلحتنا 

يجان..... ع ايه كل عصبيتك دى أومال لو مكنتش اوزعه اظاهر عليك عمرك ما شوفت ستات حلوة قبل كدا 

ناجي .... أنت عبيط ده أنا عرفت ستات بعدد شعر رأسي 

نور.... ايه 😲

يتبع...  بقلم #رشامنصور✍️

#الجزءالثاني 

لعبة الإنس والجن

نور.... ايه ايه يا سي ناجي مين ده اللي يعرف ستات بعدد شعر رأسه بقي أنا ع آخر الزمن اتجوز واحد نسوانجي 

رون.... عرفتي ليه أن الجوازة دى لأ يمكن تتم أنتى ضوفرك برقبته 

نور.... عندك حق الغشاش المخادع كان بيقولى عمر ما حب واحدة قبلي 

رون .... ما هو فعلاً كلامه صح لأنه متعود يحب بالجمله مش نسوانجي الرجاله كلها عينها زيغه اسأليني أنا وبالذات الراجل ده 

يجان .... أنت هتسيبها تغلط فيك كدا يا خسارة الرجوله هى دى اللى عاوز تتجوزها ومتعصب عليها اهو بتهزق فيك 

ناجي ..... يا نور افهمي أنا قصدى أنى شوفت بنات كتير لكن أنتى أجمل واحدة عرفتها وحبيتك علشان كده قررت اتجوزك أنتى ولا يمكن أى واحدة تملئ عيني غيرك 

نور... اكسفت ووطيت في الأرض 

رون..... ضحك عليكي بكلمتين كل بعقلك حلاوة 

أو المغفلين زادو واحدة 

وهنا الشيخ زعق وقال بس منك له سكتنا وكل واحد فينا مش طايق التاني 

الشيخ قال أنا هسأل واللى اوجه له السؤال بس هو اللى يجاوب 

الشيخ ..... يجان أنت ليه مش عاوز الجوازة تتم 

يجان.... لأن ده معناه أن رون هتفضل في وشي صبح وليل وهى مش من النوع اللي يعجبني 

الشيخ وانتى يا رون ايه سبب رفضك للجوازة 

رون.... تخيل نفسك كل يوم الاقي الحيطه ده قدامي صعب جدا أنا لازم اختار واحد يليق بيا 

وهنا ناجي ونور فضلوا يبصوا لبعض ويضر'بوا كف ع كف وقالهم ناجي يعني عملين تبوظوا لنا حياتنا علشان انتوا مش طايقين بعض

الشيخ ..... دلوقتي يا ولاد أنتوا عرفتوا الحقيقة ناوين تكملوا الجوازة ولا تفرقوا بعض بالمعروف 

ناجي قال أنا بحب نور ومش هسيبها 

نور..... وأنا كمان مش متخيله حياتي من غيرك 

الشيخ قال طيب هما هيفضلوا ظاهرين لكم وهتسمعوا وهتشوفوا كل حاجه بيعملوها لكن محدش غيركم هيشوفهم وإلا هما يفشكلوا الجوازة وإلا أنتم تقدروا تقنعوهم ويلا مع السلامه اشوفكم كمان اسبوع وسبوني اخد مسكن علشان دوشتونى اخرجوا كملوا خناق بره 

خرجنا من عند الشيخ وروحنا البيت عند نور واهالينا كلهم منتظرنا هناك وأول ما دخلنا فضلوا يسألونا قولنا لهم مافيش ده الجن هو اللى عامل اللعبه دى علشان منتجوزش ولقيت يجان بيقول ومش هتتجوزها بصيت له قولتله هتجوزها بالعند فيك 

وهنا لقيت أبويا بيقولي سلامتك يابني أنت بتكلم مين

قولت له يا ابويا ما هو محدش هيشوفهم ولا يسمعهم غيرنا أنا ونور ولقيت يجان راح وقف جمب أبويا وبيوشوش في ودنه ولقيت أبويا بعدها بيقولي ربنا يشفيك يابني أنت صغير ع الجنان ده بقلم رشا منصور قولت له هو وشوشك وقالك ايه 

ابويا هو مين يابني لا حول ولا قوه الا بالله نور قالت له يا عمي يجان كان بيوسس لك في ودانك ناجي مش مجنون صدقني وهنا رون راحت عند أم نور وهى بتضحك لنا ووشوشتها لقينا بعدها أم نور قالت فضنا من الجوازة دى شكل حد ساحر ل بنتي يغور الجواز أنا بنتي عندى بالدنيا ومافيها 

لقيت امي قالت لها يعني خايفه ع بنتك ومش شايفه ابني اللى اتجنن بسببها بقلم رشا منصور والخناق بدء وأنا شايف يجان ورون عاملين يضحوا ويلفوا حوالينا أنا ونور كأنهم بيغيظوا فينا 

طيب اصبروا عليا وبكره نشوف مين اللى هيلعب بمين 

كنت متغاظ أوى منهم بس من جوايا قررت أوريهم اللعب يبقي إزاى وبصيت ل امى وابويا ول أهل نور وقولت لهم في إيه يا جماعه ده إحنا جيران من قبل أنا ما اتولد معقوله هضيعوا كل العشرة دى بسببي أنا ونور 

يا جماعه سواء الجوازة تمت ولا لأ إحنا أهل وبينا عشرة سنين ...

راح أبو نور قالي والله يابني عندك حق أنا مش عارف ايه اللى حصل شيطان ودخل بينا يا جماعه قومى يا أم نور جهزى الغداء أما انتوا بقي تتجوزوا ولا تتجننوا محدش هيدخل فينا في حياتكم 

قولت له والله عين العقل يا عمي ربنا يخليك ليا يارب ويلا هتأكلونا إيه وفضلنا نضحك وأنا شايف يجان ورون عاملين يبصوا لبعض ويتابعوا كل حاجه بتحصل روحت بصيت ل نور وقولت لها تعالي عوزك في البلكونه ع اذنكم يا جماعه 

ودخلنا ومدى ضهري ل باب البلكونه ونور واقفه جمبي روحت غمزت لها براحه علشان تفهم أنهم واقفين ورانا وقولت لها تصدقي رغم اللى حصل ده أنا صعبان عليا أوى يجان تخيلي سمعته تبقي إزاى وسط اصحابوا لما يعرفوا أن رون مش طايقه تشوف وشه كل يوم 

نور..... والله هى براحتها ولها حق تقول إكتر من كدا كمان أنت مسمعتوش قال إنه مش عاوز يبصلها ليه يعني هو فاكر نفسه مين علشان يجرحها كدا 

هو في واحد عنده ذوق يقول كدا ع بنت وكمان في وجود الناس أومال بيقول ايه من وراها وقال ايه صعبان عليك ما أنتوا رجاله زى بعض علشان كده بدافع عنه

ناجي .... فى ايه حيلك حيلك ما هى لو كانت حلوة مكنش قال عنها كدا هو بس اللى زى الدبش في كلامه شكله ملوش فى الستات واظاهر كدا عنده ضعف في الشخصية وعدم الثقة في النفس ...

فجأة لقيت يجان بيقولي هو مين ده اللي ملوش في الستات ومعندوش ثقه في نفسه ده أنا حلم كل البنات 

ناجي..... بأمارة ايه ما قدام عيني رون مش طيقاك  

يجان..... 

يتبع بقلم #رشامنصور✍️

#الجزءالثالث

لعبة الإنس والجن

ناجي..... بأمارة ايه ما قدام عيني رون مش طيقاك  

يجان..... هى مش عجباني أصلا 

ناجي..... بس بس ده قصر ديل 

يجان.... أنا مسمحلكش أنا ديلي طويل وكل بنت تحلم بس أنى ابصلها بقلم رشا منصور 

ناجي.... طب ما كفايه كلام واثبتلي اهى واقفه مع نور وبيكلموا وريني بقي هتعرف تضحك على عقلها بكلمتين إزاى وتخليها تغيير رأيها فيك 

ونروح بسرعه ل نور

نور.... متزعليش منى يا رون هو صحيح يجان لطخ في كلامه بس عنده حق أنتى مافيش أى دلع ولا انوثه في كلامك وصوتك عالي ولا كأنك داخله خناقه 

خلي صوتك ناعم كدا شكلك ايه وسط اصحابك لما يقول عليكي انك مفكيش أى انوثه لو أنا منك اوقعه في حبي 

واخلي كل اصحابي يشوفوا كدا علشان اثبت لهم أنه كداب وأنه بيقول كدا بس علشان غيران عليا ومش عاوز راجل غيره يبصلي 

رون ..... تصدقي فكرة دماغك عجبتني بصي أنا هبهرك 

ولقينا ناجي ويجان وقفوا قدامنا 

وناجي قال معلش يا رون اصل يجان كان مكسوف مننا علشان كده كلمك بأسلوب وحش 

ببص لقيت يجان اختفي وظهر في ثانيه ومعاه ربطه توم وراح ل رون وبيقولها تسمحي اقدم اجمل باقه توم ل أجمل بنت شافتها عنيا 

وهنا نور غمزت رون وقالتها زى ما فهمتك 

رون ..... ميرسي أوى يا يجان ذوقك يجنن أنت عارف أنا بعشق التوم أوى وفضلت تشم فيه 

ناجي... بصلهم وقال هو مش كان بيتقدم ورد ولا النظام اتغيير 

نور.... أنت مش فاهم التوم بقي أغلي من الورد ومافيش حاجه تغلي ع رون طبعاً ست البنات بقلم رشا منصور

يجان...

طبعاً ست البنات وأجمل البنات كمان ده كفايه شعرها الفوشيا 

ناجي ... ليه هى باربي 

يجان ولا قوامها الرشيق اة لو تشوفوها وهى بتنط وهى ماشيه قلبي بينط معاها 

رون..... فجأة راحت ضحكت ضحكة رقاصين وقالت بلاش تكسفني بقي ما أنا كمان كل ما اشوف قرون وهى بتلمع كدا تهوس وبتخلي البنات تتهبل عليك 

وهنا بصلي يجان وقالي سمعت البنات بتتهبل عليا 

ناجي.... ياعم اتنيل دى بتقول ع قرونك 

يجان.... معذور ما اللى ذيك ميفهمش في الحاجات دي

رون تسمحيلي اعزمك ع شوربه عظم 

ع اذنكم يا جماعه وقت ما تحتاجوا لنا انطقوا اسامينا وبس واختفوا من قدامنا 

وبصيت ل نور وضحكنا ومسكت الفون وكتبت في الملاحظات بعض الجمل واديت الفون ل نور بصت فيه وبعدين قالت ليا تمام وحذفت الكلام بسرعه وقالت ليا يلا علشان نتغدى  

ناجي.... بعد ما خلصنا الغداء اخدت أهلي وروحنا شقتنا وبعد حوالي ساعه لقيت يجان قدامى وقالي شوفت أنا مافيش بنت تقدر تقاومنى 

ناجي.... 

يا جامد طب احكيلي روحتوا فين 

يجان .... أنا اخدتها وطلعنا ع الخرابه والمستنقعات المكان هناك رومنسي وسط الرمال والشمس اشاعتها مع لون شعرها الفوشيا وبشرتها الفحميه كان عامل أجواء رومانسية وجبت ع غربان واكلنا 

ناجي.... خرابه وغربان هى دى الأجواء الرومانسيه بتاعتك طب ما كنت روحت المقابر أحسن الصبار بيعمل شغل حلو

يجان.... ما أنا لسه مكملتش لك إحنا فعلاً خطفنا رجلنا وروحنا ع المقابر وشوفنا هناك أصحاب كتير لنا وهى بقي كان بتنط بدلع كدا ورشاقه تحس أنها تخطف قرون كل الموجودين 

ناجي.... اة ما هو ده اللي كنت خايف منه ده أنت هتبقي مضحكه وسط أصحابك 

يجان.... مضحكه ليه بقي ده أنا كل قرناء بيغيروا مني

ناجي .... بس لما تسيبك أنت وتبص لواحد أقل منك شوف ساعتها هيتقال عنك ايه 

يجان.... 

مين ده اللي يقدر يقرب لها وهى معايا 

ناجي.... بص يا صاحبي إحنا رجاله زى بعض وبصراحه أنت صعبان عليا أوى بس 

بص أنا هحكيلك بعد ما أنتوا مشيتوا اهلينا قالوا علشان ميخسروش العشرة يبقي الخطوبه تتفشكل وبيني وبينك أصلا كل حاجه واقفه ومطعتله والشقه قدامها إكتر من اربع شهور ع ما تتشطب وكمان هى أنت ناسي أنكم ولعتو'ا في هدومها وكسرتوا لها الكاسات  

وبصراحه بقي أنا قولت اوضب شقتي وأول ما اخلصها اتجوز أى واحدة وخلاص بقي

وهى قالت إنها هتتجوز إبن خالتها لما يرجع من السفر 

يجان....

قصدك ايه بكلامك ده يعني رون هتعيش مع واحد غيري 

ناجي... بصراحه اة شوف بقي شكلك وسط اصحابك هيكون ايه ولسه كمان لما أنا اتجوز ويشوفوك مع واحدة أقل منها هيقولوا ساعتها أنك ما صدقت لقيت واحدة رضيت بك 

يجان.... الجوازة دى مش لازم تتم أنا هتصرف 

ناجي.... بص يا صاحبي أنا حكيتلك كل حاجه علشان متتصدمش لما تشوفها قدامك مع واحد غيرك يلا اسيبك بقي وانام وفعلاً عملت نفسي نايم لحد ما اختفي ونمت 

       ونروح بسرعه عند نور 

نور.... كنت قاعدة وفاتحه الفون وبلعب جيمز وفجأة لقيت رون قدامى وشكلها مبسوطه وبتقولي أنا انتصرت. 

أنا خليت يجان يمشي بيا قدام كل القرناء وهو فخور بيا وغيران عليا كمان كدا بقي أى كلمه قالها عليا محدش هيصدقها 

نور... هايل بس يا تري هو مبسوط زيك كدا ولا دى لعبه عملها عليكي علشان يفهم كل اصحابكم أن أنتي اللى بتجري وراه بدليل انك كنتي بتمثلي انك مش طيقاه واهو قدامهم شافوكى وانتى مبسوطه معاه وتخيلي بقي شكلك قدامهم وهو معاه واحده تانيه غير

تكملة الرواية من هنااااااا