رواية انا وابن خالتي الجزءالثالث الجوله الاخيره3 بقلم عمرو راشد
رواية انا وابن خالتي الجزءالثالث الجوله الاخيره3 بقلم عمرو راشد
هو في ايه يا ياسمين؟
= أولا انا مش اسمي ياسمين،، أنا لوسيندا
انتي بتقولي ايه!!،، ازاي انتي مش ياسمين يعني
= دي الحقيقة واحنا متقابلناش صدفة ولا حاجة،، دا كان امر من الاله بتاعي وانا نفذته
الإله بتاعك!!، إله ايه،، هو احنا فين هنا؟
= إلهي هو ابليس يا عبدالله،، لوسيفر
انتي بتقولي ايه؟،، أنتي مجنونة؟،، أنا عايز اخرج من هنا
= مفيش خروج،، انت الان تحت سيطرتي،، اخضع للإله يا عبدالله
اخضع لمين،، أنتي اتجننتي ولا ايه،، ياسمين بلاش الهزار دا،، أنا اخرج من هنا دلوقتي حالا
= اللي بيدخل هنا مش بيخرج يا عبدالله،، انت بقيت واحد مننا
انتو مين؟
= خدامين لوسيفر،، كلنا هنا بنخدمه وتحت رحمته
انا مش مصدق اللي بسمعه،، أنتي ازاي كدا؟،، أنتي مبتخافيش من ربنا؟،، أنتي هتول*عي في نار جهنم
" لقيتها بتضحك وبعدها كملت كلامها
مش هستغرب كلامك،، كل اللي قدامك دول كانو رافضين في الاول لكن بعد ما جربو الحرية والنعيم اللي هما عايشين فيه بقا الموضوع عادي بالنسبالهم،، انت كمان يا عبدلله هتاخد وقت عشان تتعود على الأجواء دي
= انا هخرج من هنا دلوقتي حالا وعايز اشوف مين هيمنعني
" اتحركت ولفيت وشي عشان امشي،، مشيت خطوتين بالظبط وحسيت ان رجلي مبتتحركش،، رجلي ثابتة في الأرض مش عارف احركها،، رجعت ابص عليها لقيتها بتقرب مني وبتقول
انت ليه مصمم تجر*ح مشاعري؟،، أنا ما صدقت اننا نكون مع بعض
" شدتني من ايدي و طلعنا فوق لحد ما وصلنا اوضة النوم و قعدنا على السرير وبدأت هي تقرب مني
انت متعرفش انك وحشتني ولا ايه؟
" بعدها قامت وقفت وبدأت تقل*ع هدومها
عبدالله انت اخر مرة مار*ست الجن*س امتا؟
= انا مبحبش اتكلم في الحاجات دي
مبتحبش تتكلم بس بتحب تعملها صح؟،، هو مش انت كنت مفكر انك هتيجي هنا نسهر شوية وبعد ما نخلص نقضي باقي السهرة على السرير؟
= انتي سا*فلة
بس بموت فيك
= انتي عايزة مني ايه؟
ولا حاجة،، عايزة نكون مع بعض ولا انت مش عايز؟
= انا عايز اخرج من هنا وكأني مشوفتش حاجة واوعدك مش هقول لحد
عايز تخرج برا عشان تجري تقول ل هارون
= هارون!،، وانتي عرفتي هارون منين؟
انا اعرف كل حاجة يا بودي
= طب طالما عارفة كل حاجة يبقا اكيد عارفة انه واقف برا مستنيني ولو انا مخرجتش هيدخل هو و ساعتها شوفي هو ممكن يعمل ايه
" ابتسمت ابتسامة بسيطة ورجعت تكمل كلامها
لوسيفر متفوتش عليه حاجة زي دي يا بودي،، زي ما انت شوفت الأبواب مقفولة ومش بس كدا،، الابواب دي عليها تعو*يذة تمنع دخول هارون هنا
" لوهلة بدأت احس فعلا بالخط*ر،، حسيت اني لوحدي وخلاص اتحبست في البيت دا،،
انا عايزاك بقا تنسى العالم اللي برا دا خالص،، صدقني يا عبدالله العالم هنا هتحبه أوي
= انا مش عايز اكون هنا،، أنا مش شبهكو
وهو مين كان شبهنا في الاول؟،، زي ما قولتلك الموضوع بياخد فترة وبعدها بتتعود
= انا مستحيل اغير عقيدتي،، أنا مؤمن ب ربنا سبحانه وتعالى،، وابليس بتاعك دا مكانه في جهنم بإذن الله وأنتي كمان هتكوني معاه
انت جرئ أوي،، خسارة بجد كان نفسي نقضي الليلة سوا بس انت شكلك مش عايز النهاردة،، هسيبك ترتاح
" بدأت تلبس هدومها و اتجهت ل باب الأوضة وفتحته وقبل ما تخرج قالتلي
نام كويس وحاول تفكر في اللي انا قولتلك،، صدقني معندكش حل غيره
" خرجت من الأوضة وقفلت وراها،، أنا مش فاهم حاجة،، حاسس اني في حلم،، الكلام دا كنت دايما اسمع عنه بس اول مرة اشوفه قدام عيني،، هو دا حقيقي؟،، طب هو أنا المفروض اتصرف ازاي،، تليفوني،، خرجته من جيبي بسرعة ولكن للاسف مكنش فيه اي شبكة،، منعدمة تماما كأني في صحرا،، يعني ايه،، يعني انا هفضل محبوس هنا!!
" كنت قاعدة في الصالة مع شاهر وفجأة لقيت هارون ظهر قدامنا،، وشه كان غضبان جدا،، قرب من شاهر وقاله
شوفت اللي حصل؟
= في ايه؟
عبدالله مخطو*ف!
= يا مصيبتي!!،، يا مصيبتي!!
" اتكلمت انا ساعتها
اتخطف ازاي يا هارون؟،، عبدالله فين؟
= عبدالله حاليا في بيت واحدة اسمها لوسيندا،، دي تبقا من الناس اللي بتعبد ابليس
وانت كنت فين يا هارون،، روحت معاه ليه اصلا لما انت مش هتقدر تحميه؟
= عشان انا مكنتش اعرف ولما عرفت حاولت أدخل بس الأبواب عليها تعويذة لو قربت منها هتحر*ق
وانت مكنتش تعرف من الاول؟
= لا مكنتش اعرف،، وبعدين أنتي ليه بتتكلمي معايا بصيغة اتهام؟
عشان واضح ان مروان كان عنده حق
= عنده حق؟؟،، عنده حق ف ايه بالظبط؟
احنا مكنش ينفع نكرر نفس العام ونمشي وراك تاني
= انا معنديش اي مانع،، بلاش تمشي ورايا بس شوفي هترجعي عبدالله ازاي،، دا اذا عرفتي تدخلي أصلا،، و لو دخلتي جوا يبقا عمرك ما هتطلعي،، عايزة تجربي اتفضلي روحي
" شاهر اتكلم في اللحظة دي وقال
يا جماعة مش وقته الكلام دا،، المهم دلوقتي احنا هنرجعه ازاي؟
" هارون رد عليه وقاله
الابواب لازم تتفتح
= وهنفتحها ازاي؟
لازم حد يروح هناك بحيث يفتحوله الأبواب ونقدر ندخل
= مين اللي هيروح؟
" هارون ساعتها بص ليا وقالي
مروان عند عمه دلوقتي،، اتصلي بيه وخليه ييج
= اكيد مش هيرد،، انت ناسي اللي حصل؟
احنا في مشكلة دلوقتي يعني لازم نسيب كل خلافتنا دي على جنب ونركز في اللي احنا فيه
#بقلم : #عمرو راشد
" وفعلا اتصلت ب مروان لكنه مردش عليا،، حاولت معاه اكتر من مرة لحد ما رد
خير
= مروان تعالى بسرعة
قولي في ايه؟
= عبدالله مخطو*ف واحنا محتاجينك معانا هنا
اتخط*ف!!،، اتخط*ف ازاي؟
= لما تيجي هشرحلك،، ياريت بسرعة متتأخرش
" قفلت معاه وبصيتلهم وقولت
جاي
" شاهر رد عليا وقال
والله الواد مروان دا شكله طيب وانت يا هارون اللي هتطلع شرير القصة في الاخر،، مش مرتاحلك الصراحة
" هارون بص له بغضب وقاله
شاهر لو سمحت اسكت
= يا حبيبي يا دودي،، زمانه دلوقتي بيختار يلبس البيچامة البيضة ولا الحمرا
بيچامة ايه؟
= ماهو اكيد مش هينام بهدومه،، وهي اكيد مش هتسيبه بهدومه
هي مين دي
= لوسيندا،، زمانه دلوقتي بيتدلع اخر دلع
يا شاهر لو سمحت اسكت،، مش وقتك
= زمانه دلوقتي خلص فقرة القميص الأحمر و داخل على القميص الاسود
قميص احمر ايه واسود ايه؟،، ايه الكلام اللي بتقوله دا؟
= ماهي اكيد مش هتفضل قاعدة بهدومها،، ممكن تلبس قميص احمر او اسود
هو احنا دلوقتي في تحديد لون القميص بتاع الست هانم ولا في الواد اللي مخطو*ف دا؟
= معاك حق،، ربنا يرجعك بالسلامة يا دودي انت والبدلة
" فضلنا قاعدين ساكتين لحد ما مروان وصل
اه يعني دلوقتي عبدالله جوا بيت واحد بتعبد الشيطان،، اممم مطلوب مني انا ايه بقا؟
" رديت عليه وقولت
ماهو انت اكيد مش هتسيبنا في موقف زي دا
= وانتي هتحتاجيني ف ايه يا هند؟،، أنتي ما شاء الله معاكي اتنين من الجن يقدرو يعملولك اللي انتي عايزاه
بس هما مش هيقدرو يدخلو جوا،، لازم اللي يدخل يكون بني آدم
= ايه عايزاني اروح عندها يعني؟
انا مقولتش كدا بس نحاول نفكر في طريقة ندخل بيها
ماهو مفيش طريقة يا هند،، على حسب كلامك هي دي الطريقة الوحيدة اللي هنعرف ندخل بيها،، بس وريني بقا احنا هنخرج من هناك ازاي
" هارون رد عليه في اللحظة دي
اكيد احنا مش هنسيبكو جوا يا مروان
= وكنتو فين بقا لما عبدالله اتخط*ف هااا؟،، عرفت تحميه يا هارون؟ سواء كنت انت او اللي انت جايبه معاك دا؟
في حاجات بتكون فوق قدراتنا يا مروان
= بجد،، دا انت جن يعني المفروض مفيش حاجة توقفك
" مروان بص ليا وقالي وهو بيزعق
صدقتيني،، صدقتيني لما قولتلك ربنا هو اللي يقدر يخرجنا من المشكلة دي،، رميتي كلامي في الهوا ومشيتي وراهم ونسيتي ربنا،، ايه رأيك بقا دلوقتي؟،، اهم واقفين مش قادرين يعملو حاجة
" هارون رد عليه
طب احنا يا جماعة محتاجين نسقف ل أستاذ مروان على المحاضرة العظيمة دي بس يورينا هو يقدر يعمل ايه؟
= ربنا هو اللي قادر على كل شئ
ونعم بالله،، أنا من رأيي يا مروان انك تسكت،، السكوت ليك احسن لان كلامك هيوقعك في مشاكل
= عشان كلامي هو الصح،، انت او الجن عموما مخلوقات ضعيفة حتى ابليس ضعيف،، ربنا خلقكو ب قدرات عظيمة بس برضو احنا أقوى على الرغم اننا معندناش ربع القدرات اللي عندكم
" هارون قرب من مروان و مسكه من رقبته،، مروان اترفع ل فوق وبدأ يتخنق و هارون عنيه قلبت للون الأحمر وقال
انا قادر امحيك دلوقتي على اللي انت قولته دا بس انا مش هعمل كدا بس صدقني لو كلمة واحدة غلط خرجت منك تاني مش هتلحق تنطق اللي بعدها
" مروان وقع الارض وبدأ يكح،، جريت عليه وسندته يقوم يقعد على الكنبة بعدها وقفت قدام هارون وقولتله
انت اتجننت،، ايه اللي انت عملته دا؟،، انت فاكر انك كدا هتخوفنا يعني
= اسمعي يا هند،، أنا هنا لمساعدتكم بس،، أنا ممكن امشي حالا واسيبكو لوحدكو قصاد دانوم ولوسيندا وخلي مروان ينفعك
" شاهر اتدخل في اللحظة دي
هارون احنا مينفعش نمشي،، لو مشينا هنبقا بنسلمهم ب ايدنا ل دانوم
" بعدها شاهر قرب من مروان وقعد جنبه وقاله
وانت يا مروان اهدى شوية،، احنا بنعمل كل دا عشانكو،، وعبدالله هيرجع مش هنسيبه بس كفاية بقا الخطب والمحاضرات بتاعتك دي،، احنا فاهمينها كويس على فكرة بس صدقني في الوقت دا لازم نكون كلنا مع بعض حتى لو في خلافات بينا
" شاهر قام وقف وقال ل هارون
عبدالله هيرجع ازاي؟
= في حل بس سيبني افكر فيه كويس
اللي انا بفكر فيه صح؟
= صح
" رديت عليهم وقولت
صح ايه؟،، ما تقولو بتفكرو ف ايه؟
" شاهر رد عليا وقال
انك أنتي و مروان تروحو هناك
= نعم!!،، طب ماهو كدا مش هنعرف نخرج
احنا هنبقا موجودين متقلقيش
= موجودين فين؟
جواكو
" هارون اتكلم ساعتها
بس لازم نخلي بالنا،، لوسيندا عندها قدرات برضو يعني الموضوع مش هيكون سهل
" رديت عليه وقولت
قدرات ازاي يعني؟
= يعني مثلا من ضمن القدرات دي انها بتعرف تحرك اي حاجة من مكانها،، عندها قدرة تخليها تشوف اي حاجة غير مرئية يعني بتقدر تشوف الجن وتتعامل معاهم
وهي جابت كل دا منين؟
= ابليس هو اللي بيمنحها القدرات دي
مقابل ايه؟
= حاجات كتير أهمها تقديم القرا*بين
انا مش فاهمة حاجة
= بعدين هفهمك،، المهم انتي موافقة؟
اكيد موافقة
" هارون مشي ووقف قدام مروان وقاله
وانت؟
" مروان بص في الارض وقعد يفكر لثواني بعدها رفع راسه وقال
للاسف مفيش حل تاني،، أنا موافق
" و دي كانت اخر حاجة فاكراها لاني بعدها محستش بنفسي،، كل اللي كنت حاسة بيه هو اني نايمة نوم عميق جدا..
الصبح طلع عليا وانا لسة قاعد على السرير،، مكنتش عارف حتى اغمض عنيا،، لقيت باب الأوضة اتفتح و لوسيندا دخلت
صباح الخير،، أتمنى نكون نمت كويس
" مردتش عليها،، أما هي قربت مني وقعدت جنبي
انا كمان معرفتش انام عشان بعيدة عن حضنك،، قلبي طول الليل مكنش مريحني حتى بص
" قل*عت التيشرت اللي كانت لابساه
انا عايز امشي
= تاني يا عبدالله،، مش احنا اتكلمنا في الموضوع دا امبارح يا حبيبي
انا مكاني مش هنا،، أنا عايز ارجع ل اهلي
= بس انت يا حبيبي دلوقتي بقيت واحد مننا،، ينفع تسيبنا وتمشي؟،، طب حتى ينفع تسيبني انا وتمشي؟
ولو انا مش عايز،، هتعملي ايه؟
" قربت مني وهي مبتسمة وهمست في ودني وقالت
هقت*لك
= وانا مش خايف منك،، اعملي اللي أنتي عايزاه
صدقني يا عبدالله،، لوسيفر هو الاله الحقيقي،، هو الأقوى والاعظم،، هو اللي تقدر تحقق معاه كل احلامك،، كل اللي نفسك فيه هيتحقق،، تقدر تعيش مليون سنة بالشكل اللي انت عايزه،، كل دا مقابل حاجة بسيطة جدا وهي انك تركع،، اركع وانحني للاعظم
" الد*م غلي في عروقي واتعصبت من كلامها وقومت وقفت وضر*بتها بالقلم لكن على عكس ما توقعت لقيتها ابتسمت وقالت
بمو*ت فيك وانت عن*يف،، ونفسي يبقا العن*ف مش في الضر*ب بس
= اخرسي يا فا*جرة،، أنا عمري ما هكون زيك حتى لو هتعملي فيا ايه،، أنتي فاهمة؟
انا عن نفسي فاهمة،، المهم انت تكون فاهم كلامك دا ممكن يوصلك ل ايه،، تعالى معايا
" شدتني من ايدي ونزلنا تحت وقالتلي
ايه رأيك لو تاخد جولة في المكان؟،، هيعجبك صدقني
" فجأه لقيت باب القصر اتفتح و لقيت الحراس داخلين وماسكين مروان وهند،، لوسيندا شاورت للحراس انهم يخرجو وبعدها قالت
اهم اهلك بقو موجودين معانا عشان متحسش انك لوحدك يا بودي
" بعدها سكتت ل ثواني وحركت رأسها و بصت ل هند ومروان وقالت
كان لازم تقول انك جاي يا هارون عشان نعملك حفلة استقبال تليق بيك
" فجأه لقيت هند ومروان وقعو على الأرض و ظهر من جنبهم هارون وشاهر،، بعدها شاهر اتكلم وقال
دودي انت كويس؟،، الحمدلله البدلة بخير
" لوسيندا اتكلمت وقالت
اعرف انك جرئ يا هارون بس متوقعتش ان الجرأة ممكن توصلك انك تدخل هنا ولا انت متعرفش انت فين؟
= عارف كويس
بس تعرف،، أنا حقيقي معجبة بيك
= خلي اعجابك لنفسك،، انا جاي هاخد عبدالله وهمشي واحسنلك الموضوع يتم في هدوء
طب مش تستنا لحد ما نحتفل بيك الاول وبعدها تمشي،، احنا عندنا هنا حاجات كتير أوي هتحبها
" شاهر رد عليها المرادي وقال
ياريت تشرحيلنا بإختصار العروض اللي عند حضرتك؟
= عندنا كل ما تشتهيه،، كل اللي نفسك فيه هتلاقيه موجود،، وفي كمان حمام سباحة لو حبيت تغير جو
" بعدها لوسيندا زعقت وقالت
عبووود
" شاهر بص ل هارون وقاله
هي نازلة الموقف ولا ايه؟
" فجأه ظهر خادم من اللي موجودين في القصر،، لوسيندا اتكلمت معاه وقالتله
جهز الاوضة للضيوف و كمان جهز المايوهات عشان لو عايزين ينزلو حمام السباحة
" شاهر رد عليها وقال
مايوه قطعتين بقا يا عبود متنساش
" الخادم مشي و لوسيندا قالت ل هارون
تقدرو ترتاحو دلوقتي ونكمل كلامنا بعدين
= مفيش بعدين،، أنا هاخد عبدالله وهمشي
واثق انت من نفسك أوي انك هتقدر تخرج من هنا
" شاهر رد عليها ساعتها وقال
لا يا فندم الحقيقة مش هو اللي واثق من نفسه،، انا اللي واثق ان الهدية اللي جيبتها هتعجبك
= اووف انا بحب الهدايا اوي
يبقا اكيد هتعجبك
" فجأه لقيت حاجة اشبه بكورة النار اترمت علينا،، النار بدأت تحاوطنا من كل ناحية،، وفي وسط النار دي لقيت ايد بتشدني،، لقيت هارون وشاهر بيحاوطونا انا وهند و مروان وهنا عرفت اننا هننتقل ل مكان تاني،، شاهر بص وراه وقالها
يارب الهدية تكون عجبتك،، اووف من هنا للصبح بقا
" غمضت عيني بسبب الدوخة اللي حسيت بيها،، لما فتحتها لقيت نفسي في شقة هند،، حمدت ربنا ولكن مكنتش قادر انسا اخر حاجة شوفتها،، لوسيندا وهي بتخرج من النار بدون ما يحصلها أي حاجة بعدها صرخت بشكل مرعب وقالت
يا ويلك من عقاب ابليس!!
#عمرو_راشد
#انا_وابن_خالتي 3 " الجولة الأخيرة " 3
#يتبع
اكتب في بحث جوحل( مدونة قصر الروايات) تظهر القصص كامله
الرواية كامله الجزءالاول من البدايه من هنااااااا
تابعونا علي قناة التليجرام هنااااااااااا
ليصلكم كل جديد
تعليقات
إرسال تعليق
فضلا اترك تعليق من هنا