رواية مذكرات حبيبة البارت الاول والثاني كامله
رواية مذكرات حبيبة البارت الاول والثاني كامله
تبدأ حبيبة مذكرتها وتقول :
أترددت كتير قبل ما اكتب مذكراتي ، لكن احزاني فاقت الوصف و الظلم اللي حسيت به فاق الحدود ومشاكلي بدون حل !!
ولذلك كان لازم امسك الورقة والقلم واكتب واقول كل حكايتي حتي لو كان فيها من الحزن والظلم والألم اللي ممكن يؤلم اللي يقراها !!
انا مش هقول أني مظلومة وأن حياتي عبارة عن مأساة كبيرة لكن كل اللي هعمله أني هتكلم واحكي حكايتي من وقت ما بدأت افتح عينيا علي الدنيا ولحد النهاردة واللي مصصم انه يعرف حكايتي مش كفاية أنه يسمع ويعرف ويسكت لأ لازم يقولي كان ممكن يعمل اي لو كان مكاني .
البداية
اول ما فتحت عينيا علي الدنيا لقيت نفسي في أسرة ريفية بسيطة أب كل شغله في زراعة الأرض وام ريفية بسيطة كل حياتها بين اطعام المواشي وتنظيف مكانهم ومساعدة ابويا في الأرض .
ابويا كان نفسه في ولد لكن النصيب ان ربنا رزقه بخمس بنات انا اكبرهم .
كبرت وسط اخواتي واول ما وصلت لسن ١٤ سنة وأخدت الاعدادية ابويا الله يرحمه ويسامحه بقي قعدني من المدرسة وقالي كفاية عليكي تعليم لحد كده .
كان خايف عليا علشان كنت حلوة اوي وجسمي اكبر من سني !!
في الوقت ده كان بدأ قلبي يدق وأحب هادي ابن خالتي اللي كان اكبر مني بحوالي ٥ سنين وهو كمان كان بيحبني اوي .
هادي بالنسبة لي كان كل حاجة في حياتي ، واتكلمنا وصارحنا بعض بحبنا ووعدني انه يتقدم يخطبني .
وفعلا بعد فترة قليلة هادي خطبني من والدي لكن والدي رفض بسبب ان هادي فقير واهله فقراء .
حسيت وقتها بحزن شديد وان أملي في الحياة كلها انتهي .
اتجرأت وقولت لأمي اني عايزة هادي ابن خالتي رغم أن كان من العيب علي البنات اللي زيي انهم يقولوا حاجة زي كده !!
أمي كمان كانت في صفي لأنها كانت بتحب خالتي واولادها جدا .
حاولت أمي انها تقنع ابويا بالموافقة علي هادي لكنه قالها انه مش رافض هادي لشخصه لكنه عايز يجوز بناته جوازات مرتاحة لعرسان مبسوطين واهلهم اغنياء علشان يعيشوا حياة أحسن .
أمي قالت لخالي الكبير وطلبت منه يتدخل علشان والدي يوافق وبعد محايلات كتير ابويا وافق اخيرا .
كنت هطير من الفرحة وحسيت وقتها ان الدنيا بدأت تضحك لي .
هادي كان بيشتغل عامل في شركة مقاولات في المدينة .
كل يوم الصبح يروح شغله وكل ساعة كان يتصل يطمن عليا .
ولما كان يرجع من الشغل كنت اخرج واقابله في الغيط وكان من كلامه واضح انه بيحبني اوي وكان نفسه يعمل اي حاجة علشان يفرحني ويسعدني .
وبدأنا نرسم ونخطط لحياتنا بعد الجواز ، وكان دايما بيسألني عن أحلامي والحاجات اللي نفسي فيها ويوعدني انه يحققها لي .
لكن للأسف في يوم حصلت حاجة مستحيل كنت اتوقعها .
في يوم اتفاجئت بصوت صراخ عال جدا من اتجاه بيت خالتي ولما جرينا وروحنا نشوف اي اللي حصل عندها كانت الكارثة اننا عرفنا ان هادي أثناء رجوعه من الشغل حصلت له حادثة ومات !!
مش حسيت بنفسي والا وانا في المستشفي وحصلي انهيار عصبي !!
الدنيا اسودت في عينيا وحسيت أن الحياة بالنسبة لي انتهت .
كل حاجة في الدنيا بقيت سودا بلون الحزن اللي ملا قلبي .
هادي مش كان ابن خالتي وخطيبي وبس ، لا ده كان حبيبي و بالنسبة لي هو كل الدنيا واللي فيها !!
كان هو معني السعادة والأمل في بكره .
معني كلمة راجل عندي كانت تتلخص في اتنين ابويا وهادي !!
بعد مرور كام شهر بدأ يتقدم لخطبتي شباب كتير !! كل اسبوع او اسبوعين يتقدم لي عريس ، لكن انا كنت برفض لأن كان لسه حب هادي ساكن في قلبي ومش قادرة انساه !!
امي وابويا كانوا حاسين بيا وبالحزن اللي في قلبي ولذلك مش غصبوا عليا ابدا ، لحد ما في يوم اتقدم لخطبتي جمال !!!
جمال كان من القرية المجاورة لقريتنا ، وكان شاب ميسور الحال هو واهله وعندهم ارض كبيرة ومواشي كتير .
امي وابويا بدأوا يقنعوني بأني اوافق وقالولي اني مهما رفضت عرسان وأجلت فكرة الجواز لكن مسيري في يوم من الايام لازم أتجوز .
ولأول مرة بدأوا يضغطوا عليا اني اوافق !!
وبالفعل اضطريت أني أوافق علي خطوبتي لجمال خصوصا انه شكله مويس وحالته كويسة، وبالفعل تمت الخطوبة .
و رغم ان جمال كان شاب طويل ووسيم ورياضي واي بنت تتمناه لكنه كان قليل الكلام ودايما قاعد ساكت .
وفي فترة الخطوبة اللي كانت مش طويلة حاولت انسي هادي واحب جمال علشان اهيأ نفسي اني اعيش معاه لكن الحقيقة مش قدرت احبه ابدا ، وهو كمان كان واضح عليه انه مش بيحبني !!
انا كنت بالنسبة له مش أكتر من عروسة جميلة هيتجوزها زيها زي اي بنت تانية حلوة !!
مرت الايام بسرعة لحد ما وصلنا ليوم الفرح وكان عمري وقتها ١٦ سنة وكتبوا عقد عرفي لغاية ما اكمل ١٨ سنة .
انا كنت غير أي بنت في اليوم ده !!
أي بنت يوم فرحها بتكون سعيدة وفرحانة وحاسة ان كل الدنيا بتضحك لها ، لكن انا كان احساسي هو العكس تماما !!
كنت حاسة وكأن اليوم ده هو يوم موتي و تنفيذ حكم بالاعدام عليا او بمعني اصح حكم بالاعدام علي قلبي !!
وزي اي بنت روحت الكوافير ولبست فستان الفرح والطرحة وقعدت في الكوشة جنب العريس وكنت بحاول اداري حزني و دموعي ، و كان حولنا كل اهلنا واصحابنا والجيران .
الوحيدة اللي شوفتها حزينة كانت خالتي ام هادي و عينيها شوفتها بتقولي كان نفسها اكون عروسة ابنها الله يرحمه .
يمكن خالتي الوحيدة اللي كانت حاسة بالحزن اللي جوايا واللي باين من عينيا وبحاول اداريه .
كانت كل العيون بتبص عليا وبتحسد العريس علي عروسته الجميلة اللي زي القمر ، حتي اخوه الأصغر منه " دياب " كانت نظراته ليا قوية كالسهام وجريئة اوي زيادة عن اللزوم !!
ورغم أني لسه فاكره نظراته ليا في اليوم ده لحد دلوقتي لكني وقتها قولت يمكن يكون منبهر بجمالي زي اي حد من الموجودين !!
وبعد حوالي ساعتين قام العريس واخدني وروحنا علي البيت مع اهلي واهله بالرغم من ان الفرح كان مازال مستمر طوال الليل .
دخلت الدار معاه ودخلنا اوضتنا وبمجرد ما دخلنا الاوضة جمال قفل الباب وقالي : يلا اقلعي بسرعة !!!!!
انا حسيت بصدمة من طريقته واسلوبه في الكلام !!
انا كنت فاكرة أنه هيتعامل معايا بحب ورومانسية ويقولي كلام حب وغرام زي هادي ما كان بيقولي ايام الخطوبة .
او علي الاقل يقولي اي كلام حلو زي أي بنت ما بتتمني ، لكن اللي انا حسيته من طريقته في الكلام أنه جزار وماسك السكين واستفرد بذبيحته اللي وقعت تحت ايديه !!
جمال : مالك يا بت !! بقولك اقلعي يلا بسرعة خلينا نخلص .
من صدمتي كنت مش قادرة اتكلم ولا عارفة أعمل أي حاجة !!
جمال : انتي لسه هتبصي وتفكري يلا أخلصي !!
ومسكني وكان عايز يقلعني فستان الفرح بالقوة لدرجة ان الفستان اتقطع في ايديه !!
مش قدرت أمنع عصبيتي واضطريت أني ادفعه بعيد عني واقوله : انت اي اللي بتعمله ده يا بني ادم ؟؟ الفستان اتقطع !!
جمال اتجنن ورفع ايده وضربني بالقلم علي وشي !!
ولأول مرة كنت انضرب بالقلم علي وشي !! ولأول مرة في حياتي كنت اشعر بالأهانة !!
ده حتي امي وابويا عمرهم ما حد منهم ضربني علي وشي !!!
: أنت بتضربني يا جمال ؟؟ وفي ليلة فرحي !!
: انتي هتستعبطي يا بت ؟؟!! خلصينا علشان كلهم بره قاعدين مستنيينا .
: ماشي يا جمال ، بتضربني !! طيب وحياة أبويا ما هخليك تلمسني الليلادي .
جمال " بعصبية شديدة " : هو بمزاجك ولا اي ؟!! طيب ما دام مش راضية بالذوق يبقي بالعافية ...مذكرات حبيبة
الحلقة الثانية
جمال " بعصبية شديدة " : هو بمزاجك ولا اي ؟!! طيب ما دام مش راضية بالذوق يبقي بالعافية ....
كانت أسوأ لحظات حياتي !! ده مش اسمه جواز ابدا ، ده كان اغتصاب !!
وبعد دقايق خرج جمال لأهلي واهله بره وسمعت أمي واخواتي البنات بيزغردوا ، وصوت اهلي واهله فرحانين وبيهنوا بعض !!
وفي نفس اللحظة دي كان صوت قلبي بيصرخ من القهر والأهانة لكن للأسف صوته لم يسمعه احد غيري !!!!!
قعدت في الأرض أبكي ودموعي علي خدودي وبندب حظي اللي وقعني في واحد همجي ميعرفش معني الحب ولا الرحمة .
كان نفسي افتح الباب واخرج واصرخ بأعلي صوتي لكن للأسف مش قدرت وخوفت من كلام الناس !!
وفضلت قاعدة ببكي وعدا وقت طويل مش عارفة قد اي لغاية ما رجع جمال وانا لسه قاعدة في مكاني ببكي !!
جمال كان راجع شارب وسكران وعايز يكمل افتراس فريسته !!
وفضلت اترجاه أنه يسيبني لكنه كان مش سامع الا صوت غريزته !!
ولما حاولت أمنعه بالقوة كان رد فعله اسوأ من اول مرة !!!!!
كانت أسود ليلة مرت عليا في حياتي ، اغتصاب وأهانة طول الليل !! والمصيبة ان مفيش حد يقدر يمنعه !!
واخيرا ومن شدة التعب والارهاق نمنا قرابة الصبح !!
وصحيت علي صوت الزغاريد تملأ اركان الدار !!
كان الوقت قرب الظهيرة عندما فتحت عيناي لأتذكر اسوأ وابشع ليلة مرت عليا في حياتي !!
نظرت بجواري وجدت الجزار " قصدي جمال " يرقد بجواري !!
وددت لو أني مددت يدي اليه لأقبض روحه لأتخلص من هذا الكابوس المفزع !!
فتح جمال عيناه ومد يده اليا وقال : صباحية مباركة يا عروسة .
لم أرد عليه ونظرت له باشمئزاز وقومت من مكاني وفتحت الباب وخرجت اليهم .
اخذتني أمي الي احضانها تبارك لي ومظاهر الفرح والسعادة تملأ الدار بينما مظاهر الحزن والألم تنطق من ملامح وجههي لتقص عليهم الألم والمعاناة !!
اخذتني أمي علي انفراد وقالت لي : مالك يا بت يا حبيبة ؟ شكلك زعلانه ليه ؟ ده انتي المفروض تبقي فرحانة وسعيدة !!
أنهرت باكية وعجز لساني أن ينطق بكلمة لأوصف لها معاناتي !!
قالت لي أمي : معلش ، انتي بس علشان لسه مش متعودة علي الجواز بكره تأخدي علي جوزك وتتعودي عليه ، ده حتي جوزك شاب زي القمر وألف واحدة تتمناه .
ولما تاخدي عليه بعد كده هتلاقي نفسك سعيدة ومبسوطة وتضحكي علي اللي بتعمليه دلوقتي !!!!!
قولتلها : انا عايزة اتطلق يامه .
أمي : يا وقعة سودة !!! عايزة تطلقي يوم صباحيتك !!! انتي عايزة تفضحينا و سيرتنا تبقي علي كل لسان !!! واخواتك الاربع بنات يبوروا ومفيش عريس يبص في وشهم !!! اياكي اسمعك تقولي الكلمة دي تاني !!! جمال ده جوزك وهتفضلي عايشة معاه طول عمرك !!!!!
ساعتها فكرت أموت نفسي علشان اخلص من الكابوس ده !!
سبتهم ودخلت اوضتي تاني وقفلت عليا بابي بعد ما كان جمال خرج لهم وقعد معاهم .
أمي كلمت جمال وطلبت منه أنه يعاملني كويس .
بعد انصراف اهلي دخل جمال الأوضة وبدأ يحاول يداعبني ويهزر ويضحك معايا ، لكن بعد ما كانت كل مشاعري ناحيته تحولت لكره واشمئزاز بعد االي حصل منه !!!
جمال نادي علي امه وقالها : هاتي يامه الفطور .
ردت أمه : انا بردو اللي هجببلكم الفطور يا جمال ؟!! ده انت معندكش دم !! ما تخلي عروستك تقوم تجهزلك فطارك .
خرجت وجهزت الأكل لجمال وقدمت له الفطور وكان نفسي لو كنت احط له سم بدل الأكل !!!!!
ومرت الايام الأولي من جوازي و كل ما اتعامل مع جمال بكره واشمئزاز اكتر كان هو يتعامل معايا بقسوة أكبر وبالتالي كانت مشاعر الكره والاشمئزاز من جوايا له تزيد أكتر وأكتر !!
لم تكن القسوة من جمال وحده ولكن أمه كانت أشد منه قسوة !!
لم تكن اعمال الدار بالعمل الصعب فقد اعتدت عليها منذ طفولتي في دار ابويا .
ولكني كنت أشعر في هذه الدار أني خادمة لهم ، ثم بدأت متاعبي تزيد عندما بدأت أشعر بالحمل !!
مر علي زواجي أكثر من شهر و بدات متاعب الحمل تظهر عليا ، ومع قلة الأكل بسبب الحمل و التعب النفسي والعصبي والجسماني ضعف جسمي جدا وبدات أنام كتير واشعر بدوار مستمر مع أقل حركة !!
حماتي كانت بمجرد ما تشوفني نايمة كانت تصحيني وتجبرني اني اقوم واعمل اي شغل في الدار حتي لو كان مش ضروري !!!!!
ومهما كانت تشوفني تعبانة كانت بتصمم أني اقوم بكل شغل الدار وحدي !!
ولما كنت برفض او اعرفها اني تعبانة ومش قادرة كانت تقولي " بطلي دلع وخلصي الشغل اللي وراكي ، انتوا كده يا بنات اليومين دول مش فالحين الا في الاحمر والابيض وقلة الادب " !!!!!
اشتكيت لجوزي كتير وعرفته كتير كل اللي بيحصل من أمه وكان رده الوحيد " ده أمي ومداسها فوق راسك و كل اللي تقولك عليه لازم تعمليه وانتي ساكتة " .
كل ده غير أن جمال كان دايما عايز يشوفني بملابس عريانة ومكشوفة غصب عني ولما كنت بلبس زي ما هو عايز كانت أمه تزعق لي وتجبرني ألبس ملابس مقفولة وتقولي معاكي رجالة في الدار اوعي اشوفك لابسة كده تاني .
كنت مش عارفة ارضي مين فيهم وازعل مين وكأن انا مش ليا اي شخصية او اي رأي !! وكأني جارية اشتراها جمال من سوق العبيد !!
واللي زاد علي افعال جوزي معايا وافتراء أمه عليه نظرات اخوه دياب اللي كنت دايما بلاحظها بتطاردني في كل مكان ومع كل حركة !!
كانت أيام صعبة عليا أوي وكنت حاسة أني عايشة في جحيم .
الوحيد اللي كان حاسس بيا وبأفتراء حماتي عليا هو حمايا ابو جمال .
كان دايما يقول لحماتي " خفي طلبات عن البنت شوية دي حامل وتعبانة " لكن للأسف حماتي كانت صاحبة الكلمة الأعلي في الدار !!!
وكل تعب النهار كان شئ وتعب الليل ده كان شئ تاني خالص !!
رغم كرهي واشمئزازي من جمال واحساسه هو كمان بكده كويس الا أنه كان كل يوم بيطلب حقوقه الشرعية كزوج وكان بياخدها سواء بالرضا او بالغصب !!
لدرجة أن في يوم مش قدرت اتحمل ووقعت مغمي عليا !!
ولما روحنا للدكتور قالهم اني لازم ارتاح راحة تامة وجوزي يبعد عني نهائيا حتي انتهاء تالت شهر من الحمل .
وقعدت يومين في راحة لكن حماتي رجعت تاني تشغلني وتتتعبني في شغل الدار بلا رحمة !!
ولما أمي جات تزوني قولتلها لتاني مرة : انا عايزة اتطلق يامه ، انا بموت كل يوم ومفيش حد حاسس بيا !!
امي :
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا