رواية غدر صديقتي الفصل الثامن والتاسع بقلم نجلاء اسماعيل
رواية غدر صديقتي الفصل الثامن والتاسع8_9
8
ميار: لو سمحت انا عايزه اقدم بلاغ
احمد: اتفضلي
ميار: قضية سرقة
اسر بصدمه: سرقة؟؟؟
Flash back
اسر: وبصراحه ي امي انا عايز اطلب ايد الانسه ميار
والدة ميار: يعني الوقت مش مناسب اوي يبني والله
اسر: عارف انه مش مناسب بس انا معجب ب بنت حضرتك من اول م شوفتها وكلمت اختي الكبيره وحكتلها واتفقنا اننا نستنى وقت مناسب علشان نيجي نطلبها
والدة ميار بإحراج: م هو يبني بصراحه معندناش بيت دلوقتي اديني مهله اسبوع كدا اكون لقيت شقه
اسر: حضرتك شقتك موجوده بكل ال فيها وتمليك مش ايجار كمان
والدة ميار: ازاي بس دا صاحب العماره طردنا النهارده
اسر: بصراحه انا لما روحت لحضرتك البيت وعرفت ال حصل اشتريت الشقه علشان صاحب العماره ميفكرش يعملها تاني
ميار: بس احنا استحاله نقبل ب دا
اسر: يستي ملكيش دعوه اعتبريه مهر اي رأيك ي حماتي نقرأ الفاتحه؟
والدة ميار بضحك: دلوقتي؟
اسر بفرحه: يبقا نقرأها
وقرأوا الفاتحه بينهم واتفقوا ان الخطوبه بعد يومين
ام ميار بقت كويسه ورجعت البيت
مي: دي رجعت الشقه ي ماما الحقي اي دا بقا
والدة مي: اتصليلي بعم محمد بسرعه
والدة مي: ايوا يعم محمد امال اي يخويا ميار وامها رجعوا الشقه يعني مش كنت مشيتهم؟
عم محمد: في واحد جيه امبارح اشترى مني الشقه وكتبها ب اسمهم وبقت بتاعتهم
والدة مي: ب اسمهم؟ والله عال
عم محمد: ام مي انتي متأخر عليكي شهر متنسيش الايجار
والدة مي: طيب طيب سلام
والدة مي: تفتكري مين اشترى الشقه معقول اسر مدير الشركه
مي بغل: دا يلهوي بقا لو طلع هو
في شقه ميار
ميار: الخطوبه بكرا ي ماما
والدة ميار: هننزل النهارده انا وانتي واخت اسر نجيب الفستان وهنظبط الشقه علشان هنعملها ع الضيق
ميار بفرحه: ماشي ي ماما
والدة ميار: ربنا يفرحك كمان وكمان يحبيبتي
دخلت ميار تجهز وخلصت ونزلت هي ومامتها واخت اسر
بعد يوم طويل روحوا وميار قررت انها تعزم سكان العماره وبالاخص مي 😉
خبطت ميار على شقه مي
مي: ميار اهلا الف سلامه على طنط معلش معرفناش نيجي
ميار: لا الله يسلمك كنت جايه اعزمكوا على خطوبتي أصلها بكرا
مي بغل: خطوبتك؟؟؟ على مين؟
ميار: واحد ابن حلال كدا قريب ماما م البلد مستنياكوا بكرا بقا هه
ودخلت شقتها
دخلت مي بحقد: ماما الحقي خطوبة ميار بكرا
والدة مي: على مين
مي: بتقول واحد قريب امها م البلد احنا لازم نروح ونشوف هو مين ومعاه فلوس قد اي اه لازم نعرف ي ماما هنروح صح
والدة مي: طبعا هنروح دا الباب ف الباب
يوم جديد
صحيت ميار بنشاط على غير عادتها وبدأت تظبط ف الشقه وتعلق البلالين وتعمل ديكور حلو بعد ساعات كانت خلصت ودخلت علشان تجهز
لبست ميني دريس بيبي بلو وفردت شعرها ورا وحطت ميكب خفيف
دخلت مامتها واتفاجئت من جمالها وفضلت ترقيها
في شقة مي
كانت مي لابسه فستان عريان قصير وعماله تلف بيه قدام المرايا
مي: اي رأيك ي ماما
والدة مي: جميل العيون كلها هتبقا عليكي
سمعوا صوت العربيات جريت مي علشان تشوف العريس دا جاي ازاي اتفاجئت من كل العربيات ال جت ومن فخامتهم وخرجت هي وامها ل شقه ميار
ميار كانت قاعده ف اوضتها متوتره وخايفه بس من جواها مبسوطه
مي: طنط انا هدخل ل ميار
والدة ميار: ادخلي يختي ادخلي
دخلت مي واول م شافت ميار اتغاظت ودمها اتح.رق: مش حلو الفستان دا ي ميار خالص
ميار: دا جميل دا انا جيباه من ديفاكتو يبنتي انتي زوقك بقا ف النازل كدا لي
مي بحقد: ديفاكتو؟؟؟؟ وجبتي حقه منين
ميار: عريسي ال دافع حقه م الفستان ع العريس والميكب وكله دا حتى بصي
وقامت فتحت الدولاب
ميار: وملالي الدولاب هدوم كمان هبقا اديكي طقم من ال مش بلبسهم
مي: هو للدرجه دي غني؟؟؟؟
ميار: اه غني اللهم احفظنا وبدأت تخمس ف وشها
والدة ميار: ياللا يبنتي العريس جيه
خرجت ميار وهي مبسوطه ومي وراها
قرب اسر منها وبصلها بإبتسامه بس مي اول م شافته عملت ال محدش متوقعه
End flash back
في الوقت الحالي
ميار: واحدة اسمها مي شوفتها وهي داخله تسرق دهبي من الشقه
احمد: وسبتيها تسرقه؟؟
ميار: انا مكنتش ف البيت بس انا من فتره ركبت كاميرات مراقبة ف البيت وبحكم القرابة ال بيني وبينها بتدخل شقتي عادي الكاميرات جابتها وهي بتفتح درجي وخدت دهبي كله ولما سألتها عنه أنكرت وقالت متعرفش
احمد: ممكن اشوف الفيديوهات دي
ميار: هي كانت على موبايلي ف الشنطه مش عارفه هل بقا الخبطه ممكن تكون كسرت الموبايل
ناولها احمد الشنطه
فتحت ميار الشنطه وطلعت موبايلها
ميار: الحمدلله محصلوش حاجه ثواني هوري حضرتك
وفتحت الموبايل وظهر ان فعلا مي سرقت دهب ميار كله ف نفس اليوم ال اكتشفت فيه خيانة اسر ليها؟؟؟؟
اسر: يبنت الحراميه
احمد: هاخد منك الفيديو دا علشان افتح محضر
ميار: تمم اتفضل
خرج احمد ب موبايل ميار
اسر: ميار انتي لازم تسمعيني اقسمبالله ميار كانت بتهددني وانا انا محضنتهاش هي ال قربت مني
ميار: كانت بتهددك ب اي ي اسر؟؟؟
اسر بخوف وتوتر:......
يتبع....
9
Flash back
قرب اسر منها وبصلها بابتسامه بس مي اول م شافته
مي بصوت عالي: مش قولنالكوا يجماعه قولنالكوا فيه بينهم حاجه واهو جاي يخطبها علشان يداري ع الفضيحه
اسر: اعدلي كلامك وانتي بتتكلمي عن خطيبتي ي مي ميار اشرف منك ومن اهلك وعلى فكرا بقا يجماعه انتوا عارفين مي بتلبس كدا لي؟ علشان تاخدني وتخطفني من ميار اول م عرفت اني هخطبها بدأت ب الفضايح ال بتعملها دي وكمان كانت بتحاول تقرب مني وانا مفيش بيني وبينها حاجه
مي بتوتر: متصدقهوش دا كداب دا دا بيعمل كدا علشان محدش يتكلم على ميار
اسر: انا مش عارف انتي بتعملي اي هنا بصراحه ي مي منظرك بقا مقرف اكتر م هو انتي فاكره ان بلبسك وشكلك دا هتلمي الشباب حواليكي؟ انتي هتلميهم فعلا دي حقيقه بس هيتلموا بغرض كلنا عارفينه وبعدين هتترمي رمية الكلاب وال انتي بتعمليه دا كله بس علشان بتغييري من ميار وعايزه كل حاجه ف ايدها
مي لقت نفسها اتحاصرت وان الناس بقت تبصلها ب استحقار
مي بدموع: ميار متصدقيهوش انا صاحبتك عمري م اذيتك انا بحبك انتي عرفاني صح
ميار: بعد اذنكوا عايزين نخلص الخطوبه على خير
اسر بفرحه: يبقا نلبس الشبكه
وسط فرحة الكل وحقد مي وامها كانت مي واقفه بتفكر ازاي هتبوظ عليهم فرحتهم خصوصا انها لقت اسر جايب دهب كتير اوي ل ميار الغل والحقد عماها مبقتش قادره تشوفها مبسوطه وهي واقفه تبصلها كدا قربت منها بغل: ميار انا همشي بقا
ميار بإبتسامه: مع السلامه
خرجت مي ودخلت شقتها وفضلت تكسر ف كل حاجه وتعيط ازاي ازاي هي كل السنين دي بترسم انها تكون مع اسر وف الآخر ميار تاخده ع الجاهز
دخلت امها
والدة مي: اتخطبوا يختي احسن دلوقتي بقا هتعملي اي هتعملي اي وهما خلاص بقوا ل بعض
مي بشر: هاخده منها دا من حقي انا
والدة مي: هتعملي اي يعني
مي: هتشوفي
في شقة ميار
كل الناس مشيت وفضل اسر واخته قاعدين بيتكلموا
اسر: احم ممكن نقعد لوحدنا شويه
والدة ميار: اتفضلوا ف البلكونه يبني
دخل اسر وميار البلكونه
اسر بفرحه: انا مبسوط اوي انك خلاص بقيتي خطيبتي وانشاءالله قريب تبقي مراتي
ميار: انشاءالله بس انت لي قولت كدا عن مي قدام الناس فضحتها
اسر: ال زي مي دول ي ميار ميستاهلوش غير الفضيحه انا بصراحه كدا مش عايزك تعرفيها تاني
ميار: لي علشان ال عملته بس؟
اسر: انتي مستنياها تعمل اي اكتر من كدا ي ميار دا يوم خطوبتك وفرحتك جايه وعايزه تفضحك تاني قدام الناس مستنيه اي تاني علشان تبعدي عنها
ميار بصتله بصمت
اسر: مش بكلمك علشان تسكتي ي ميار مش ملاحظه انها بتأذيكي وان بسببها لقدر الله مامتك كان ممكن يحصلها حاجه ابعدي عنها
ميار: انت هتتحكم فيا من اول يوم خطوبه ي اسر؟؟؟؟؟؟
اسر: اتحكم فيكي؟ لا يبنت الناس انا مش بتحكم فيكي انا خايف عليكي مي بتأذيكي وهتكون السبب ف كل المشاكل الجايه وعلمي على كلامي
ميار: طب اقفل السيره دي ي اسر
اسر: طيب ي ميار طيب انا خارج
خرج اسر: ياللا ي ايه علشان نروح الوقت اتأخر
والدة ميار: م انتوا قاعدين يبني
اسر: معلش ي امي تتعوض ياللا ي ايه
والدة ميار: عملتي اي ي ميار مخليه الواد طالع وشه مقلوب كدا
ميار: معملتش حاجه بس هو عايز يتحكم فيا وبيقولي مكلمش مي تاني
والدة ميار: لي وهو انتي كنتي عايزه تكلميها تاني؟؟؟؟؟؟
ميار: هو انتي كمان ي ماما معاه؟ يعني انتي مش عارفه مي ومش عارفه انها طيبه وبتحبني فعلا
والدة ميار: لحقت ضحكت عليكي بكلمتين خلتك تدافعي عنها بالشكل دا انتي نسيتي يبت هي عملت اي نسيتي اني كان ممكن اموت بسببها هي وامها ولا الفضيحه ال عملتها
ميار: ي ماما بعد الشر بس نديها فرصه اخيره
والدة ميار: فرصه؟ اديها فرصه يختي اديها بكره تيجي تعيطيلي وتقولي انها خدت منك خطيبك
ميار: لا ي ماما مش للدرجه دي يعني
والدة ميار: اعملي ال تعمليه انا داخله انام
قعدت ميار مع نفسها تفكر ف كلام اسر وامها سمعت صوت مي
ميار: ايوا ي مي
مي: اسر مشي؟
ميار: اه من شويه
مي: طب اي هنسهر النهارده؟
ميار: لا معلش تعبانه اوي وعايزه اغير الفستان دا وانام شويه
مي: طيب ماشي نتكلم بكرا
دخلت مي وميار كل واحده شقتهم وناموا
يوم جديد
والدة ميار: اصحي ي مي خطيبك جاي
ميار: جاي يعمل اي من الصبح كدا
والدة ميار: صبح اي احنا العصر عزماهم ع الغدا قومي
قامت ميار وبدأت تفوق بنشاط قلبها بيميل ليه وبدأت تحبه بجد
رتبوا البيت وجهزوا كل حاجه
الباب بيخبط فتحت ميار
مي: بتعملي اي
ميار: بنجهز البيت اسر واخته جايين يتغدوا عندنا
مي: اجي انا وماما كمان؟
ميار: احم هو يعني مش عارفه بس يعني احنا عاملين ع القد
مي: امممم طيب خلاص بعد الغدا نيجي نقعد شويه
ميار: طيب عن اذنك
مي: اه طبعا طبعا اقفلي
قفلت ميار الباب ودخلت تكمل
مي: ان ما خدته منك ميبقاش اسمي مي
جيه اسر وقضوا اليوم مع بعض ومشيوا
يوم جديد في الشركه
كان اسر قاعد ف مكتبه ف وقت متأخر بيخلص شغل متراكم عليه طلب قهوه وجاتله شربها بس حاسس بتقل ف دماغه مش قادر يفتح عينه خلاص النوم جيه مش قادر يكمل حط دماغه ع المكتب وقرر يريح ساعتين
فتح عينه لقى نفسه على كنبة مكتبه وقميصه مش موجود واتصدم م ال شافه
End flash back
في الوقت الحالي
ميار: م تنطق بتهددك ب اي انا زهقت وقرفت منكوا كلكوا اساسا
اسر: هتقدري تستحملي ال هقوله؟؟ لان انا شخصيا مقدرتش استحمله
ميار: هو اي ال حصل بالظبط
يتبع.....
تكملة الروايه من هنااااااا
تعليقات
إرسال تعليق
فضلا اترك تعليق من هنا