رواية طوق نجاه الفصل الثالث والرابع 3_4بقلم مرام محمد
رواية طوق نجاه الفصل الثالث والرابع 3_4بقلم مرام محمد
3
طوق نجاه
قاسم :-هي كده بقى جابت اخرها وحياه امك يا زباله لعيشك بقيت حياتك عينيك مكسوره ومش هتعرفي ترفعيها في حد تاني.
كانت تختنق بشده من قبضته على عنقها قالت بصعوبه:- ابعد عني..
دفعها بقوه لتقع ارضا بألم.
قالت بصرخه وألم:- اه ه يا متخلف.
نظر اليها بغيظ وعيونه تنط منها الشرار ،
قامت وقفت امامه بعصبيه وقالت بسخوريه واستهزاء:-
جامد انت كده يعني والمفروض اني خاف منك.
استغرب قاسم من ردت فعلها وقال :-لا عجبتني شرستك اوي يا قطه.
قالت مرام وهي تشاور ناحيه الباب اطلع بره اقترب منها خطوات بطيئه ليدب الخوف بها اكثر ولكنها قاومت شعور الخوف ونظرت اليه بملامح جامده وتحدي.
رفع حاجبه باستنكار فهو ظن انها ستخاف او تتراجع وقف امامها .
فقالت:- انت عايز ايه.؟
تنهد وقال وهو يطالعها من الاعلى الى الاسفل بصراحه كنت جايه عشان تعتذري على قله ادبك وما كنتش عايز منك غير انك تعتذري لاني كنت شايفك طفله هبله ودماغها لسعه انما دلوقتي الوضع اتغير وطلعت مزه جامده وكمان قطه شرسه وهو ينظر لها بوقاحه وخبث وقبل ان يكمل كلامه صفعته على وجهه بكل قوتها، نظر اليها بغضب دفين وبرزت عروقه من شده غضبه وهو ممسك وجهه مكان صفعتها بعدم استيعاب .
اكملت انت واحد حيوان وحقير انا لو كنت اعرف انك حقير كده انا كنت سفخت في خلقتك بيض ممشش اخرج....
وقبل ان تكمل كلامها انقض عليها يقبلها بعنف وشق ملابسها من الامام بقوه كانت تصرخ وهي تدافع وتبعده عنها بكل قوتها فدفعها بيده الاثنين لتقع ارضا ثم انحنى اليها جذبها من قدمها الاثنين مقربها منه اكثر وكبل يداها اعلى راسها واخذ يقبلها بعنف حتى ادميت شفتاها كانت ترفص بقدماها وتدفعه بيداها وهي تصرخ:- ااابعد عني..
ولكن لم يؤثر فيه ضربتها فهي بالنسبه له كعصفوره صغيره امام صقر كبير، تركها وقام وقف وابتسم بسخريه وهو ينظر اليها وهي ترتعش وشهاقاتها تزداد اكثر واكثر وهي تنظر اليه بخوف وتضم نفسها.
قاسم :-دي قرصه ودن صغيره تعرفك حجمك وقبل ما تغلطي تاني تفكري في اللي هيحصل لكي كان ممكن ادمرك بس انا سبتك بمزاجي.
كانت تبكي بحرقه:- وانا مش هسيبك ولا هسيب حقي وهعيشك عمرك كله في الحبس.
اخذ يقهقه عالياً وقال بسخريه:' وانا مستني اشوف اخرك قالها وهو ذاهب ناحيه الباب.
قامت وقفت بتعب وهي ما زالت تبكي وقالت بغيظ وتوعد:- وحياه امك يا سردينه الكلب لبيتك في الحجز الليله دي.
فتح الباب بغيظ:- هعتبر نفسي ما سمعتش حاجه عشان المره دي بجد هكمل اللي كنت هعمله وخرج وصفع الباب بقوه.
تفاجئت دنيا التي كانت ذاهبه الى مرام بهذا الشاب يخرج من عندها طرقت عليها الباب:- بت يا مرام ...مرام افتحي.
فتحت لها مرام.
مالك يا مرام هو في ايه ومين الراجل ده؟!!
لم تقدر على الكلام من انهيارها في البكاء ضمتها دنيا سريعا فى احضانها اهدي يا روحي وتعالي اقعدي وفهميني.
عند قاسم دخل مكتبه هو غاضب لاول مره احد يتحداه هكذا مثلها، خلي حد يجيبلي قهوتي.
عاصم :-تحت امرك يا باشا .
و ذهب عاصم فالتقى به خالد :-هو قاسم لسه ما جاش يا عاصم .
اجي يا باشا وعفاريت الدنيا كلها بتتنطط في وشه ربنا يسترها علينا بقى النهارده.
خالد بصوت عالي وسخريه :-جرى ايه يا عسكري اخبار انت مش مكفيك اللي عملوا فيك قبل كده ده انا شايلك من تحت ايده بالعافيه.
عاصم بخوف:- سماح يا باشا خلاص مش هتتكرر تاني تحب اجيب لحضرتك قهوه مع الباشا .
خالد :-ماشي.. روح انت .
دخل عند قاسم .
خالد:-مالك يا عم قاسم عفاريت الدنيا بتتنطط فى وشك ليه مش لسه مخلصين مهمه ومترقين .
قاسم :-رحت عند البت النهارده.
خالد :-بت مين!!!؟ بتاعت البيض قصدك؟
نظر اليه قاسم بغضب .
خالد:- احم... امال مين؟
زفر بضيق:- ايوه هي الزفتة بت لسانها طويل وما شافتش يوم واحد ربايه .
خالد وهو يضحك بقى قاسم باشا اللي راعب رجاله بشنبات حته بنت صغيره زي دي عملت فيه كده.
قاسم وهو يخبط بقوه على مكتبه بيده الاثنين وقال بعصبيه في ايه يا خالد متظبط .
خالد:- ايه يا جدع انت اهدى مش قصدي بهزر احكي بس في ايه جديد.
حكى له قاسم ما حدث بينهم.
خالد بلوم ايه اللي انت عملته ده يا قاسم .
قاسم:- عملت ايه يعني يا خالد مانا سبتها وما رضيتش ااذيها بس هي كانت تستاهل قرصه الودن دي.
-------------------
دنيا:- انا مش قادره استوعب اي حاجه يا مرام يعني الحيوان ده هو هو بتاع السردين واجي يتهجم عليكي بالشكل ده ،مرام انتي ناويه على ايه؟
قامت مرام ووقفت هدخل اغير هدومي ما بقاش انا مرام ان ما بيت السردينه المعفنه دي في الحجز الليله.
دنيا بتأيد.
هو دا الصح فعلا يا مرام وانا هقول لبابا وهاجي معاكي.
مرام:- اوعي يا دنيا تقولي حاجه لباباكي انا هروح لوحدي واكملت بتاكيد دنيا انا مش عايزه حد يعرف حاجه بالموضوع ده تمام؟
.
قامت وقفت دنيا بجوارها ورتبت على كتفها فاهمه يا مرام ما تقلقيش مش هقول لحد بس انا قلقانه عليكي انتي تروحي لوحدك ازاي يا مرام ؟
مرام :-ما تخافيش يا دنيا انا هعرف اتصرف وبعدين انتي فاكراني عيل توتو ولا ايه.
دنيا :-يا خلاصي على صاحبي الفرفوش يا ناس حتى وهو في عز الهموم.
دخلت مرام غرفتها وفتحت دولابها اخرجت بنطلون جينز اسود وجاكيت جلد اسود وتيشرت ابيض وحياتك يا دنيا لبيتهُ في الحجز الليله دي انا ما فيش حد هيكسرني وتعرفي لو حصل كده الليله دي وبات في الحبس هعشكي في فرحي انا وطارق مرتين.
دنيا:- طب بقول لك ايه ما تقولي لطارق و.......
مرام بمقاطعه يا دنيا انتي حوله في ودانك ولا ايه بقولك مش عايزه حد يعرف تقوليلي طارق .
دنيا"- انا بس قلقانه عليكي يا مرام.
عناقاتها مرام ما تقلقيش عليا يا وحياتك عندي لاخليه بعد كده يمشي يتلفت حواليه.
-------------------
هايدي:- اخيراً حنيت ورديت عليا.
كان جالس على مكتبه وهو ممسك الهاتف في يده ويده التانيه ممسك بسلاحه يلهو به .
قال بملل عايزه ايه يا هايدي؟
هايدى:- يعني بعد المده دي كلها يا سومي لا بتسأل ولا بشوفك ويوم ما تيجي تكلمني تكلمني بالاسلوب ده؟
ظفر قاسم بضيق:- هايدي انا مش فاضي ولسه جاي لي قضيه دلوقتي حالا وعايز ادرسها كويس ،ثم تذكر شيء بخصوص هذه القضيه وحاول ان يتكلم معها بشكل الطف حبيبتي عارف اني مقصر معاكي وعشان كده هاجي لكي اسهر معاكي ليله بس بقولك.
هايدى:- قولي يا سومي انت تأمر.
قاسم:- عايزين ناخذ راحتنا يوم كده يكون باباك مش موجود.
قالت سريعا بلهفه ايوه يا سومي بابا هيسافر بكره وهيرجع بعد يومين واكملت بدلع بس يعني الفلوس اللي انت اديتها لي يا روحي خلصت وبابا زي ما انت عارف مش بيهون عليه يديني حاجه .
قال بدهشه خلصتي 100 الف فى تلات اسابيع يا هايدي على العموم هحولك اللي انتي عايزاه وهيجيب لكي هديه حلوه وانا جاي بس مش عايز حد من الحرس يكون موجود او يشوفني يا حبيبتي هتعرفي تعملي ده .؟
قالت سريعا:- اوف كورس ياسومي هتصرف بس خليهم 200 الف علشان خاطر هايدي حبيبتك.
ابتسم بسخريه من زاويه فمه ماشي يا هايدي اقفلي دلوقتي عشان مش فاضي سمع ، طرقات الباب بعدها دخل عاصم:- قاسم باشا في عيله هبله بره بتقول جايه تبلغ عن سردينه معفنه حاولت تعتدي عليها.
عاقد ما بين حاجبيه بدهشه وقال في نفسه هي!!؟
قال عاصم:- اطلب لها مستشفى المجانين يا باشا ولا اعمل ايه؟
ابتسم بسخوريه:- لا ادخلها.
عصام:- يا باشا دي....
قاسم:-ما تخلص يا زفت قلت لك دخلها.
عاصم بخوف وهو يؤدي التحيه تحت امرك يا باشا.
دخلت المكتب رأته يقف ويعطيها ظهره ويضع يده في جيب بنطلونه.
هي في نفسها لا ظابط ظابط هيبه وطول بعرض مز امال لما يلف بقى يبقى شكله ايه.
فاقت من شرودها يخرببيت عقلي ايه اللي انا بقوله ده وطروقه.
مرام:- احم ...حضرتك انا كنت جايه ابلغ عن واحد حيوان اه والله يا حظابط طور ماشي ينطح في خلق الله.
كان يستمع حديثها وهو يعض على شفتيه بالغيظ.
جي هجم عليا وانا عمري في حياته ما كلمته ولا عملت له اي حاجه .
فابتسم بسخريه وهو يتذكر البيض ونعتها الدائم له قال في سره ما عملتيش حاجه فعلا.
مرام :-ما تبصلي يا حظابط ولا رد عليا ثم اكملت في سرها ولا شكلك اخرس ولا اطرش ولا ايه ما تتزفت ترد.
سمع همسها لفه وجوه بعصبيه وغضب انصدمت عندما راته، هو انت!!!؟ وجاي لحد هنا بنفسك يا حيوان والله وفرت على الحكومه المجهود يا سردينه وهي ذاهبه اليه بغضب.
قال بغضب وعصبيه:- أوقفي مكانك يا متخلفه انتى، انتى كنت بترضعي ايه تخلف وغباء؟
مرام بعصبيه اكثر:- اهو انت اللي ستين متخلف وغبي وكنت بترضع قله ادب.
قاسم:- احترمي نفسك يا بت انتي بدل ما ارميكي في الحجز .
دك بت اما تبتك ترمي مين في الحجز فاكر نفسك يا خويا ظابط ده انت حي الله سردينه .
فتح عينيه على وسعهم بعدم استيعاب:- ايه ده بجد هو في غباء كده شكل عاصم كان عنده حق لما قال نطلب مستشفى المجانين.
بلعت ريقها بصعوبه يعني ايه؟! انت!!
قاسم ابتسم بسخوريه اخيراً وصلت حمد لله على السلامه ايوه انا ظابط .
مرام وهي ما زالت على نفس صدمتها:- "احلف".
فاقت من صدمتها على صوته العالي الغاضب"- احلف ايه احنا هنهزر ولا ايه اطلعي غوري بره.
انتفضت من مكانها بخوف من صوته اغمضت عينيها بغضب وحاولت الهدوء ماشي انا همشي بس قبل ما امشي كنت عايزه اسالك سؤال هو انت ازاي ظابط شرطه وبالاخلاق دي وهي تنظر له بقرف واشمئزاز تعرف لما انت بتمسك المجرمين وتحبسهم انت المفروض تحبس نفسك قبل منهم لانك ما تختلفش عنهم في اي حاجه.
جلس على مكتبه وهو يطالعها ببرود ممزوج بسخوريه انا لو حطيتك في دماغي بجد اخلاقي اللي مش عاجباكي دي هتدمرك، خبط بيده على مكتبه بغضب اطلعي بره مش عايز اشوف وشك تاني.
برقت عينيها بشكل يخوف وعضت على شفتيها بغيظ ثم اتجهت ناحيه الباب لتخرج وهي تبرطم في سرها تطلع على نقاله يا بعيد ويجيك شلل في زورك.
قطعها صوته الحد:- استني عندك.
بلعت ريقها وهي تفرك يديها بارتباك ،نهار اسوح هو سمعني ولا ايه؟
لفت لتنظر اليه قال بغضب:- ايه القرف اللي انتي لابساه ده بنطلون ضيق وحاجه اخر قله ادب ما يليقش ابدا بواحده محترمه.
نظرت الى ملابسها بصدمه فهذا هو استيالها المعتاده عليه دائما وهي لا ترتدي شيء عاري اطلاقا ،اكمل بسخريه وشعرك يا ست روبونزل اللي انتي فرحانلي بيه دا وسايباه وراكي كده.
مرام:- ايه ده انت عارف ربانزل بحبها اوي .
قال بغضب بتحبي ايه وزفت ايه انا بكلمك في ايه وانتي بتقولي ايه؟
ضربت على مقدمه رأسها بتذكر ايوه صح نسيت وانت داخلك ايه في لبسي ولا شعري انت مالك انت هو انت اللي لابسهم؟ يا حشري يا مستفز انت قام ليتجه اليها بغضب ركدت هي سريعا لتخرج من الباب قبل ان يلحق بها اصطدمت في الباب بشدة وكادت ان تقع من شده الخبطه ولكن لحقها هو سريعا وامسكها بين يديه فتقابلت اعينهم وهو يتمعن النظر فيهم جيدا فهو لا يعلم لماذا يريد دائما ان ينظر الى عينيها بلونهم الجذاب المتناسق جدا مع ملامحها، رمشت عدت مرات تحاول استيعاب الموقف ثم دفعته بقوه ،تركه وقال اخفي من قدامي علشان قسماً عظماً.....
وقبل ان يكمل كلامه وجدها تنطلق سريعا وتخرج صافعه الباب بشده وراءها.
ابتسم رغما عنه يخربيت جنانك على غبائك.
-------------------
اصطدمت وهي راكده في خالد.
خالد :-ايه ده مش تخلي بالك انتي!! انتي ايه اللي جابك هنا ؟
قالت بضجر:- نعم يا سوكر وانت مالك ولا تعرفني منين اصلا.
خالد:- انا ...
قالت وهي تحاول التذكر ايه دا استنى انت ؟
خالد وهو يظفر بضيق ايه انت دي يعني ايه؟
ضربته فجأه بشنطتها على زراعه فتفزع وقال اه يا بنت المجنونه يا بنتي انتي هبله هو انا عملت لكي حاجه.
مرام بردح :-ايوه انت صاحب السردينه المعفنه اللي فوق دي ضرباته مره اخرى بشنطتها.
خالد بعصبيه ايه الغباوه دي يا بنت انتي.
مرام بانفعال :-توصله بقى يا حلو الضربتين دول ،وخد دي كمان وكانت لسه هتضربه امسك الشنطه سريعا.
خالد:- هو انت يعني مش قادره على الحمار جايه تتشطري على البردعه اوووف ايه اللي انا بقوله ده يا بنتي انتي مش ملاحظه ان انتي في قسم وانا ظابط والسردينه قصدي قاسم ظابط وممكن نوديكي ورا الشمس .
قالت باستهزاء :-بس ياه.
خالد باستنكار:- بس ياه ،على العموم هعدي لكي كل اللي انتي عملتيه ده انا عارف ان قاسم عصبي وما بيتحكمش في اعصابه.
قصدك تقول طور.
يا بنتي لسانك ده هيجيب لكي الكافيه.
مرام"-ل...
قال بصوت عالي اهدي بقى واسمعيني قاسم صحيح صاحبي بس هو مش سهل وانتي زي اختي وانا خايف عليكي ابعدي عن الطور دا، ضرب على مقدمه راسه يخربيتك عدوى منتشره اقصد قاسم .
ثم طلع ورقه وقلم وكتب لها رقم ده رقمي لو احتجتي اي حاجه كوني واثقه ان اخوك وهساعدك في اي حاجه مادت يديها لتاخذ الرقم.
ماشي هبقى اكلمك لما اروح علشان عايزه ابلغ على الطور اقصد السردينه المعفنه.
خالد وقد جاحظت عينيه بصدمه ما ان رأى قاسم واقف وراءها.
خالد:- اسكتي يا شيخه الله يخرب بيتك...
4. طوق نجاه
خالد:-اسكتي يا شيخه الله يخرب بيتك ......
مرام بأنفعال :- يخرب بيت امك انت اتلم احسنلك وبعدين انت محمقلهُ اوي ليه دا واحد ما شافش بربع جنيه تربيه اصلاً.
خالد بحده ممزوجه بقلق:- يا نهار اسود علينا وعلى سنين السوده اللي هنشوفها، رفع يده يشاور ناحيه قاسم، قاسم واقف وراكي يا اغبى حد قابلته في حياتي.
مرام ببلاها:- هو مين ؟
رد عليها من الخلف بصوته الذي يرعبها دائما:- عملك الاسود.
بلعت ريقها بصعوبه وهي تنظر الى خالد يا جدع!! مش تقول.
خالد :-وهو يقلدها يا جدع.. ده انتي اللي زيرو فهم زيرو استعاب اصلاً.
لفت له مرام وهي تتشاهد على نفسها بصوت هامس ويديها ترتجف بل ليس يديها فقط بل جسدها كله مدت له الورقه الذي دون فيها خالد الرقم احم خذ حضرتك كده ،نظر اليها باستغراب ومد يده لياخذ الورقه فتركتها لتقع على الارض فنزل ليلتقطها وعندما شرع لم يلقى لها اثر فأخذ ينظر حوله بدهشه فهذه الصغيره كانت تتعمد تشتت انتباهه لتهرب منه ،فنظر الى خالد بغيظ الذي كان يكتم ضحكته رغماً عنه ذهب قاسم خارج القسم وهو مستشاط غضباً خالد وهو ينادي عليه قاسم..... ياقاسم رايح فين يا جدع ..جدع!! لا ده البنت دي عدوى.
ثاني يوم في الصباح.
ريهام بدموع:- لا يا جمال ابوس ايدك ما تطلعلوش احنا ما صدقنا ان هو جاي هنا تاني .
جمال وهو يمسح دموعها:- طب اهدي خلاص اهدي يا ريهام مش هطلع له.
ريهام:- ولا تكلموا في حاجه ولا تشد عليه علشان خاطري يا جمال انا ما صدقت رجع تاني.
جمال :-هو انا يعني عايز اشد عليه دا ابني يا ريهام بس هو من ساعه ما عرف الحقيقه اللي احنا خبيناها عليه السنين دي كلها علشانه قالها بتأكيد وكنا هنقول له في الوقت المناسب بس سهام اختي بقى منها لله حكت له كل حاجه وبطريقتها اللي تخلينا في نظره زي الشياطين.
ريهام:- اعذروا يا جمال ده ......
قطع حديثهم دخول.
سيدرا:- ازيكم يا جماعه فى ايه مالكم على الصبح صوتكم عالي ليه.
نظر اليها جمال بجمود"-انا خارج علشان البيت ده ما بقاش في حد عدل وتركهم وذهب.
سيدرا بدموع :-هو هيفضل يعملني كده على طول والله يا ماما انا حاولت وذاكرت اني اجيب مجموع كويس علشان خاطره بس ده نصيبي وبعدين كليه تجاره والله كويسه وهي تبكي بحرقه.
احتضنتها ريهام:' يا حبيبتي بابا مش زعلان منك ولا حاجه انتي عملتي اللي عليكي وده نصيب ربنا في الاول والاخر هو بس في حاجات تانيه مضايقاه مش انتي خالص.
بقلم/مرام محمد
تجلس على مائده الطعام وهي شارده
فنظرت لها والدتها باستفهام :-مالك يا مرام؟ من لما جيت امبارح وانتي متغيره كده وسرحانه في ايه يا بت ليكون فى مشاكل بينك وبين طارق عارفه لو طلعتي مزعلاه هعمل فيك ايه ما انتي واحده كل كلامها دبش.
ابتسمت مرام من زاويه فمها بسخريه:- طارق!!! طارق مين يا ماما طارق اللي دخل بيتنا وخطبني من غير اهله وانتي وافقتي كأنك بتبيعيني طارق اللي من يوم ما جاء قرا فتحتي ما جاش تاني ولا حتى رن ولا سأل عليا سالتها مرام بدموع هو انا للدرجه دي عندك لعبه بتمشيها على مزاجك ادخلي كليه كذا يا مرام حاضر وافقي على طارق يا مرام حاضر حاضر دي بقولها مش عشان ضعيفه يا ماما انتي عارفه كويس ان انا بعمل اللي عايزاه وعنديه بزياده بس انتي بالذات مش هقدر ارفضلك لك طلب لأني هفضل شايله جميلك عليا بعد بابا الله يرحمه انا ما ليش حد غيرك يا ماما انهيت كلامها وهي منهاره في البكاء.
ميار :-ياه يا مرام ده انتي طلعت شايله كثير اوي من امك بس انا.....
قطعتها مرام عندما ارتطمت في احضانها تبكي وصوت شهقاتها تعلو انا اسفه يا ماما انا مش عارفه انا كلمتك كده ازاي ، رتبت ميار على كتفها وهي بداخل احضانها ما تعتذريش يا حبيبتي انتي ما غلطتيش انا فعلاً اللي غلطت في موضوع طارق وانتي فوقتيني ،اخرجتها من احضانها وامسكت يداها انا هصلحلك كل حاجة يا مرام واللي انتي عايزاه هو اللي هيحصل.
مسحت دموعها مثل الأطفال طب انا عايزه شيكولاته يا ميرو..
يعدل من موضع ساعته وهو نازل على السلم.
ريهام :-قاسم اسمعني......
فنظر اله قاسم بغضب مقاطعها بقسوه لسه هسمع ايه اكتر من اللي سمعته يا ريهام هانم ولا اقول يا خالتو.
ريهام بدموع "-لا يا قاسم انا امك يا قاسم انا اللي ربيتك وحبيتك وبقيت روحي والهوى اللي بتنفسه.
دفعها قاسم بقوه للخلف مش فاضي لكي ياااا خالتو قالها بسخريه، مش مكفيكي تمثيل طول السنين اللي فاتت وفريه بقى علشان مش هيدخل عليا تاني قال اخر كلامه بصوت حاد عالي وتركها تبكي وخرج بغضب فنادت عليه اخته الصغيره سدراه التي كانت جالسه في حديقه القصر ابيه قاسم...... ياابيه قاسم.
ميار بصوت جامد وحاد:- الو..
طارق بقلق:- ايوه يا طنط عامله ايه .
ميار:-سيبك مني خالص يا طارق وخلينا فيك انت .
طارق:- في ايه بس يا طنط خير...
ميار :-اسمع يا ابني انا مش هلومك انت لوحدك علشان انا غلطانه قبل منك.
طارق:' ايه بس لازمته الكلام ده...
ميار"- لازمته ان انت ازاي عايز تخطب وتتجوز بنتي من غير ما حد من اهلك ما يجي معاك ولا عرفتنا بيهم.
بلع ريقه بصعوبه فهذا ما كان يخاف منه.
فلاش بااااك
طارق وكاد ان يجن يعني ايه يا بابا ابوها هو هو الراجل اللي انت قتلته واتسجنت فيه ،ضرب كف على كف بنفاذ صبر وغضب ودموعه التي ابت بالنزول يعني دون من بنات العالم كله لما احب واحده يطلع ابويا قاتل ابوها حسبي الله ونعم الوكيل فيك بجد كل اما احاول انسى الموضوع يتفتح تاني كأني مكتوب عليا اكون ابن قتال القتله طول حياتي توقف عن الحديث بسبب الصفعه القويه التي تلقاها من منير والده.
فاق من شروده وهى .
طارق "-اولاً يا طنط انا بحب بنتك وشاريها ثانيا السبب اني ما جبتش اهلي علشانه في خلافات كتير بنا وانا ليا شقتي لوحدي بعيد عنهم....
قطاعته ميار بجديه:- اسمع يا طارق انا ما ليش دعوه بخلافاتك هي اصول يا ابني لازم نمشي عليها جبت اهلك وجيت اهلاً وسهلاً غير كده كل شيء قسمه ونصيب مع السلامه .
اول يوم جامعه عند مرام .
احتضنتها صديقتها علياء عامله ايه يا مرام ما تتصوريش انا فرحانه قد ايه ان تنسيقاتنا طلعت زي بعض وانا معاكي.
مرام:- الحمد لله يا لولو بحمد ربنا كل يوم انك معايا في طب بس كان نفسي دنيا تكون معانا اوي.
علياء:- وانا والله يا مرام بس ربنا عاوز كده ربنا يوفقها في كليه الحقوق.
مرام :-يا رب علياء .
علياء:' انا عامله بارتي النهارده بالليل عيد ميلادي واوعي ما تجيش او اسمع منك اعذار زي السنه اللي فاتت يا مرام هزعل منك بجد.
مرام:-ماهو انتي يا اختي اللي قاعده لي في قصر في حته بعيده وميرو ما بترضاش بس هاحاول اقنعها عشان خاطرك يا سكر انتي...
في المساء ارتدت مرام فستان من درجات البيج الستان اللامع المنفوش وصندل كعب عالي وميك اب ملائم من درجات الفستان حتى اصبحت رقيقه وجذابه اكثر وخاصه بشعرها الطويل المائل الى العسلي فاصبحت تشبه الاميرات ذهبت الى حفل عيد ميلاد صديقتها هي ودنيا وبعد ان وصلوا ورحبت بهم علياء وهم في وسط الاحتفال رنت عليها والدتها.
مرام :-علياء عايزه مكان هادي اعرف اكلم ماما فيه.
علياء:' اطلعي البلكونه من هنا وهي تشاور عليها .
اخذت
هاتفها لتحدث ولدتها خلاص يا ميرو والله شويه صغيرين وجايين علشان خاطر علياء هتزعل، بينما هي تتحدث لفت انتباهها الفيله التي امامها في شباك غرفه مفتوح وقاسم وفتاه يقبلان بعضهم بطريقه جعلتها مشمئزة قفلت مع والدتها ووضعت يداها على فمها غير مستوعبه هذا الحد من القذاره،
ثم قام قاسم وهو يخلع قميصه وقفل الشباك.
يتبع......
تكملة الروايه اضغط هناااااااا
تعليقات
إرسال تعليق
فضلا اترك تعليق من هنا