العين بالعين 👈⁦✍️⁩قصه كامله ونشوف التفاعل على القصص والروايات الكامله

👈العين بالعين

👈⁦✍️⁩قصه كامله ونشوف التفاعل على القصص والروايات الكامله 

اسمى إنجى 29 سنه . من القاهره ف حى المعادى , من وسط كويس عندى عربيتى عندى شقتى عندى حياتى . عندى ولد وبنت وكنت متزوجه . ومنفصله بقالى حوالي سنتين . الحكايه بإختصار ان انفصالى كان بناءا على طلب منى , لأنى ماكنتش حابه اكمل مع بنى ادم بالشكل ده ! طبعا هو كان غنى جدا , وسيم جدا . نُزهى بطريقه غبيه وكان يصرف علينا ببزخ ومن غير حساب ,مرح وكان يحب يهزر مش هنكر ,,, بصوا ! هو فيه كل حاجه كانت اى بنت تتمناها تكون موجوده ف شريك حياتها . واللى انا بالطبع كنت مخدوعه فيه بشكل كبير . وفضل الخداع ده يكبر ويكبر بعد جوازى وبعد حتى ما خلفت العيلين . لغاية ما اتصدمت ... كان فيه خصله كرهتنى فيه فجاه , وهى خصلة وحشه اوى وهى انه كان بيستلذ بمعاناة الناس . يفضل يتريق على اى حد واى شكل واى تفصيله صغيره .. كان مُتنمر بشكل هيستيرى لدرجه انه لو مالقاش حاجه يتنمر عليها كان بيتنمر عليا انا او حد م العيال . للدرجه اللى كانت بتوصلنى لدرجة اكتئاب حاده . وف الاخر ألاقيه جاى يقولى ماتزعليش انا كده ومش هتغير !! حاولى تتاقلمى معايا .. لغاية يوم من الايام كنت عازمه اتنين من صحباتى . وكانو اقرب اتنين ليا ,,,, حسيت ان فيه حاجه مش مظبوطه . الاتنين كل واحده بتسال اسئله غير منطقيه وف وقت غير توقيت التانيه ... جوزك فين ؟ جوزك جاى امتى ؟ طب هو هيتأخر ؟ وكلام من هذا القبيل ؟ انا عملت مش واخده بالى .. ! او بمعنى أصح محبتش اصدق . دول اكتر صحاب ليا معايا من زمان اوى وطالعين مع بعض وحبنا لبعض اكبر من اى لحظه شك او لحظه قلق من ناحيتهم ... بس بينى وبين نفسي قولت لا . لازم اتطمن وبالى يرتاح مش هفضل عايشه ف القلق ده .. خصوصا انى شخصيه قويه ومابحبش حد يخدعنى او افضل مخدوعه ف حد ....بدات زى اى زوجه مصريه اصيله افتش وراه . هدومه . مفاتيحه اشوف لو مفتاح غريب معاه او حاجه . اى حاجه تدلنى على اى حاجه غريبه بتحصل لكن مع الآسف مالقيتش ساعتها حاجه . قولت دى لحظه شيطان جاتلى ومره واحده لقيت الفكره بتروح عن بالى .... لغاية ف يوم من الايام لقيته نايم وجاتله رساله على تليفونه اللى مقفول ب 100 قفل وتليفونه بالنسباله خط احمر ولو شافنى بس قريبه منه ممكن يبهدلنى ويقولى دى مساحتى الشخصيه وماتقربيش منها وكده .. شئ ما ألهمنى خلانى افزع للتليفون اشوف الرساله دى من بره مكتوب فيها ايه .. لقيت رساله مبعوته من رقم مش متسجل عنده مكتوب فيها " مستنياك " كل الشكوك جوايا اتراكمت وآمنت وصدقت ان فيه حاجه بيعملها . ولازم اعرفها والاهم بالنسبالى هى مين ... الموضوع القديم اتفتح من تانى وبدات اشك ف صحابي ... " زينه وليلى " طبعا فضلت افكر كتير انا هتأكد ازاى وهعرف ازاى ونارى هتبرد ازاى ... لغاية ما جاتلى الفكره ...

يتبع .....

#الجزء الثاني )

طبعا وشوش البنات اتغير 180 درجه ل مجرد انهم حسوا ان جوزى جاى ... وهنا خليتهم يتقابلوا كلهم ف وش بعض وانا قاعده .... وحصل اللى كنت مستنياه يحصل .....جوزى عينه كانت رايحه جايه وقلقانه ... عينه ماكنتش ثابته . زى ما يكون خايف انى اخد بالى من حاجه او من نظرات عينه .... الناحيه التانيه كانو بردو البنات نفس الكلام . ملبوخين ف الكلام مش مجمعين هما بيقولوا ايه .. طب انا ليه ماكنتش باخد بالى قبل كده ..! استحمرت نفسي أوى وفضلت أأنب نفسي انى كنت نايمه على ودانى ... بس قررت المواجهه وقررت اخد حقى .... جوزى بعد 10 دقايق بالظبط استاذن وقال انه رايح يخلص موضوع مع واحد صاحبه وطلب مننا نكمل قعدتنا زى ماحنا واتبسطوا بقي وعيشو حياتكو .... بعدها بنص ساعه انا طلبت من البنات ناخد العيال ونطلع كلنا على شقتى نكمل سهرتنا هناك ... طبعا هما اتحججوا ان الوقت هيتاخر وان كل واحده فيهم ماستأذنتش من جوزها وكده بس مش دى المشكله ... هما يقدروا يستاذنو او بمعنى اصح يقدروا ييجو معايا بمزاجهم .. ماعليهمش رقيب ... وفعلا اقنعتهم وخليتهم ييجو نكمل السهره مع بعض .... ف عز ماحنا قاعدين .. جات رساله على تليفون " زينه " شافتها ووشها إحمًر وسكتت ومارضيتيش تبصلى على طول خوفا ان وشها ممكن يبان عليه حاجه ... بعد 5 دقايق جات رساله ل " ليلى " ونفس اللى حصل أولانى حصل تانى ... عملت حركه هى تبان قليلة الذوق شويه بس كان لازم أعملها .. بعتت صوره ل زينه وقولتلها ايه رايك ف الصوره دى يا زينه دى لما كنا سوا مع بعض ف الجامعه اخر سنه . هى طبعا فرحت انى لسا معايا الصور دى وانى ازاى محتفظه بيها وازاى اصلا على تليفونى لان الصور على ايامنا ماكنش فيه تليفونات اندرويد وصور وكده ... قولتلها ولسا عندى بردو . واستنى يا ليلي عشان هبعتلك صوره مفاجأاه ليكى انتى كمان معايا ... عملت انى بعت صوره بالغلط وبعت فعلا صورة جوزى .... عاوزه اشوف رد فعلها اللى هيكون جزء من الثانيه عامل ازاى ... وبالفعل . بصت ع الصوره واتأخرت انها تبلغنى ان الصوره غلط اكتر من 3 ثوانى . عينيها ماترفعتش من ع التليفون . وبعدها قالتلى وهى بتضحك يابنتى الصوره بتاعة جوزك انتى بعتتيها بالغلط ولا ايه .... قولتلها بتهزرى ؟؟؟ بجد .. قومت من مكانى طبعا وانا بضحك عشان ابص على تليفونها . عاوزه ابص على تليفونها وعلى الواتس بتاعها .........وضغطت بالغلط خرجت من الشات بتاعى . لقيت رقم بيكلمها مش متسجل باى اسم .... مالقطتش غير اخر 3 ارقام ..... وهما بالفعل اخر 3 ارقام من رقم جوزى ..... عملت انى مش واخده بالى وسيبتها .. وروحت ل " زينه " عملت نفس الحركه معاها . بس لقيت اسم واحده اسمها انجى 2 .. بس اخدت بالي ان صورة الواتس هى نفس صورة واتس جوزى ودلوقتى عرفت ماكنش بيحط صورته ليه وكان بيحط صور عامه .... الحكايه اتضحت قدامى ووضحت بشكل نهائي ... جوزى بيخونى مع اعز اصحابي .. والاتنين مايعرفوش علاقه كل واحده بجوزى يعنى بيسرح بيهم كل واحده لوحدها .. ياخساره والف خساره ... لله الامر من قبل ومن بعد ... اتوكلت علي الله وهبدا اخد حقي والعين بالعين ... جاتلي الفكره ودخلت ع الصيدليه بتاعتى اللي ف البيت وطلعت المخدر اللى اشتريته امبارح ودخلت المطبخ ..

يتبع .......

#الجزء الثالث 

 اتوكلت علي الله وهبدا اخد حقي والعين بالعين ... جاتلي الفكره ودخلت ع الصيدليه بتاعتى اللي ف البيت وطلعت المخدر اللى اشتريته امبارح ودخلت المطبخ .. عملتلهم اتنين عصير وشعرت العيار شويه بحيث ان دماغهم تتقل وينامو مش اكتر من ربع ساعه عشان اخد تليفوناتهم واتأكد تمام التمام .... وعملت كده فعلا . واديتهم كل واحده العصير بتاعها . وبدأو ينامو واحده واحده ... ومافيش فرق بين دى وبين دى . او بمعنى اصح كل واحده كانت راسها بدات تتقل ومش شايفه قدامها ولا شايفه ان التانيه بالفعل بتنام هى كمان .... مسكت التليفونات اللى كانت مقفوله طبعا برقم سرى وانا لقطته منهم من غير ما يحسوا لانى تعمدت اخليهم يفتحو تليفوناتهم اكتر من مره قدامى .... فتحت ودخلت ع الرسايل والواتس واتأكدت بنفسي ... رسايل بين جوزى وبين كل واحده لسا امبارح ... بيكلم كل واحده لوحدها على العزومه اللى انا عاملاها وانه قلقان فعلا انى ممكن اكون خدت بالى من حاجه بس كل واحده كانت بتطمنه ان لا استحاله انجى تشك والكلام ده ... ماشاء الله عليه عنده قدره على الاقناع ف اكتر من اتجاه ف لحظه واحده ..... توقيت الرسايل بيقول انه كان بيتكلم مع الاتنين ف نفس التوقيت . ضحكت من الغُلب ومن القهره ... ولما طلعت فوق ف الرسايل اكتر واكتر لقيت بلاوى ... قفلت التليفونات ... وطلعت شريحه جديده جايباها مش مسجلاها باى اسم . وعمل واتس جديد ... وطلعت ارقام اجوازهم وبعتت ل جوز " زينه "وجوز ليلي  رساله  " انزل مصر ضرورى ... مراتك بتدخل حد غريب شقتك وبيفضل هناك طول الليل .. وبكره هقولك على الميعاد اللى بيكون هناك فيه عشان تكون موجود وشايف بنفسك استنى رسالتى بكره الساعه 9 بالليل  "....  .  بعت الرساله ل جوز كل واحده وقفلت التليفون وخرجت الشريحه  ... وروحت عشان أصحيهم بشوية برفيوم على شويه ميه ..... وعملت انى قلقت ومحسستش كل واحده ان فيه حاجه او ان التانيه كانت بتشتكى بردو وفهمتهم ان ممكن من هده الحيل او من اللف بتاعنا طول اليوم ....وبالفعل مشيوا ... اتصلت على جوزى اساله هييجى امتى .... والليله عدت ف آمان لغاية كده .... جينا تانى يوم . اللى هو بالنسبالى يوم الحساب .... اقنعت جوزى انى هخرج انا وزينه وليلى النهارده ... بالفعل خرجنا ع الساعه 8 ونص كده وفضلنا نلف ... ومره واحده قولتلهم تعالو نزور واحده صاحبتنا وكانو بيحبوها جدا بس ماشافوهاش بقالها فتره .... فعلا روحنا ل صاحبتنا دى وقعدنا معاها ف شقتها .... مايعرفوش ان صاحبتنا دى معايا ف الحكايه لانى حكيتلها اللى حصل وهى اللى شجعتنى انى ماسيبش حقى ولازم اعمل علامه كبيره .. اتفقنا انى هستتدرجهم لغاية شقتها .. وبالمناسبه هى مش شقتها ولا حاجه .. دى شقه مشبوهه اخدنا مفتاحها من فتاة ليل ودفعنالها 10 الاف جنيه عشان توافق ع اللى هنعمله .... انا استاذنت منهم وفضلوا قاعدين شويه ... بعتت رساله لجوز زينه وجوز ليلي الساعه 9 بالظبط وقولتلهم مراتك بتقابل عشيقها ف المكان ده .. وبعت لكل واحد فيهم اللوكيشن من ع الواتساب ..... اللى ماصدق كل واحد فيهم ورد عليا بمنتهى السرعه  يا عينى كانهم مستنين الرساله . قالى انت مين ولا انتى مين ؟؟؟ قولتله انا فاعل خير ومايرضنيش اللى بيحصل من ورا ضهرك ...اتصلت على جوزى  ومارضيتش ابعتله رساله  قولتله إلحقنى يا محمد انا مخطوفه ف المكان الفلانى وفيه واحد بيهددنا بس انا مسكت تليفونى وبكلمك بشويش هو مايعرفش ان معايا تليفون  احنا ف المكان الفلانى ف البرج الفلانى الشقه الفلانيه . اعمل حاجه ارجوك  طبعا عامل الوقت وعامل ان التلاته ييجو مع بعض كان لازم منه .... جوز صاحبتى كان مستنى تحت البيت .. وكان دوره ف الموضوع هو و3 من اصحابه انه يطلع جوزى الاول ويأخر الاتنين التانيين يطلعهم بعد جوزى ب 5 دقايق مش اكتر ... بالفعل ولحسن الحظ جوزى هو اللى جه بدرى ... طبعا دخل مالقاش حد غير اوضتين مفتوحين كل واحده فيهم نايمه ف اوضه متخدره وعريانه وبمثابة دخوله الشقه أغمى عليه نتيجة الحقنه اللى حقنهاله جوز صحبتى من تحت وهو طالع البيت ده من غير ما ياخد باله . حقنة عامله زى شكة الدبوس كده ... المفروض ان كان فيه خناقه تحت العماره كان بطلها طبعا وبتمثيل جوز صاحبتى هو والناس اللى معاه . وعملو انهم بيتخانقو ودخلو جوزى ف النص وشكوه الشكه دى ... مفعولها بيبدا بعد دقيقه واحده ..... وبالفعل هو دخل الشقه يدوب دخل اول اوضه لقا زينه نايمه فيها ووقع مغشي عليه ... قلعته هدومه ونيمته جنبها ... وليلى نايمه ف الاوضه التانيه ... طبعا رسايل الواتساب بينهم اكبر دليل على ان فيه علاقه مشبوهه بينهم .... طبعا كل واحد من اجواز البنات جه لوحده والدم بيجرى ف عروقه . ودخل لقا الوضع .... والتانى كذلك لقا الوضع .. مش بس كده ... دنا كمان بلغت الشرطه تيجى تثبت حاله وتاخدهم ..... ومش بس كده انا كمان دخلت معاهم ف اللعبه لما حد بعتلى رساله ع الواتساب ان جوزك بيخونك ... انا طبعا اللى باعتاها ل نفسي عشان احبك الموضوع وفعلا كل اللى خططتله حصل .... والشرطه فعلا لحقت جوزى من القتل بعد ما الاتنين الرجاله كانو نازلين فيه جلد وسلخ وضرب وكان اشبه انه بيطلع ف الروح والبنتين اتجرجرو ع القسم وبمواجهة المتهمين الثلاثه أقر كل منهما بعلاقتهم وأنكرو انهم كانو متفقين يتقابلوا و و و و و وكلام ورغى كتير  كل واحد فيهم خد سجن 3 سنوات بثبوت الواقعه . والمحامين بتوعى انا واجواز البنات عملو الصح وحبكو المساله اللى هى اصلا كانت محبوكه ..... مش انا اللى يتلعب معاها بالديل .. اقطعه على طول .... وكله بالحُب والعين بالعين ..... 

- رأيك ف القصه ....؟

تفاعل بقي عشان هنزل قصه جديده بكره رؤؤرعه علقي (١٠)ملصقات

تحياتي 👈 

💕🌹❤️💖🌷برنس 💔♥️💛💙💛