رواية جحيم الصعيد البارت الثاني والثالث بقلم اميره اسامه

#جحيم الصعيد...

البارت الثاني ..والثالث 

دخل رحيم البيت.. وقفله برجله.. وراح عالسرير حط حور  عليه براحه ورجع قفل الباب بالمفتاح كويس...البيت كان شكل البيوت الريفيه من الخارج شكله مريح للنفسيه طبيعي هادي..لاكن من جوه كان بيت كامل من كل حاجه كان عباره عن دور واحد بس عالي... كان فيه اوضتين وباقي البيت كله مفتوح علي بعضه حتي المطبخ .. كان تصميمه من جوه عصري جدااا ولا ينقصه اي شئ...والتصميم الخارجي تصميم ريفي اصيل....

اليوم ده كان الجو برد جدااااا وده كان باين علي حور المنكمشه في نفسها.....قفل رحيم كل الشبابيك وجري جاب بطانيه بسرعه وقرب منها وغطاها كويس... وفضل باصص شويه علي ملامحها الجميله اللي شوهتها الكدمات...وطبعا مخدش باله منها وهما بره عشان الدنيا كان ضلمه جدااااا .. طلع رحيم موبايله بسرعه.. واتصل علي دكتوره يعرفها او بمعني اصح كان ليه الفضل عليها انها توصل لمكانتها .دي.. ديما كان بيساعد والدها في مصاريف جامعتها لحد ما اتخرجت واشتغلت... ومن يومها شايله جميله هي ووالدها...وعمرها ما بتتاخر عنها...

رحيممم. السلام عليكم

دكتوره .. سماح...عليكم السلام. يارحيم بيه.

رحيم.. بعتذر اني اتصلت فالوجت ده يادكتوره بس ملاجتش غيرك جدامي..واسف لو صحيتك

سماح.... عيب تجول اكده يا رحيم بيه. انت تتصل فاي وجت.. وبعدين اني كنت فالمستشفي ولسه خارجه مروحه لابوي.خير. يارحيم.بيه

رحيم.... كويس.... جدااا انا عايزك تجيلي ضروري من غير ما اي حد يعرف فالبيت اللي فالمزرعه ..

سماح.. بتوتر واستغراب...اجيلك كيف يعني. تجصد ايه..

رحيم...لا مجصدش بس مهينفعش فالموبايل المهم.. معايا بنت هنا كان في ناس بتجري وراها.. وواضح انهم بهدلوها عالاخر. واني مخبرش فيها ايه.. انا انقذتها منيهم بس مرضياش تفوج وحالاتها صعبه جدا..

سماح.. بقلق.. ياساتر يارب..خلاص مسافه السكه واكون عنديك...

قفل معاها رحيم... وخلال نص ساعه سمع رحيم..الباب بيخبط. .جري عالباب بسرعه..

رحيم....اتفضلي يادكتوره...

سماح.... ببعض التوتر..يزيد فضلك.. خير...

رحيم... اتفضلي معايا....متجلجيش.

سماح.. اني مش جلجانه يارحيم بيه.. اني في حياتي مشوفتش راجل زييك بس كنت جايه جلجانه من الطريج مش اكتر..

رحيم...طيب تعالي ورايا.. دخل بيها رحيم عالاوضه اللي فيها حور .. واول ما شافتها الدكتوره..

ياخبر ابيض.. ايه اللي فالبنت ده... 

رحيم.. اكشفي عليها وطمنيني بخير ولا فيها ايه..

سماح... طيب ممكن تخرج لو سمحت..

رحيم.. بتوتر...اه طبعا طبعا خدي راحتك اني بره...

خرج رحيم وكشفت عليها سماح واستغرق الوقت حوالي . ربع ساعه...وفتحت الباب..لقت رحيم واقف في وڜهت...

رحيم... خير يادكتوره سماح.. البت فيها ايه..

سماح.. بص انا من رأيي لازمآ تروح المستشفي حالتها وحشه جوي الكدمات في كل حته فجسمها واللي ظاهر غير اللي متخفي تحت لبسها وواضح كمان ان الكدمات دي مش انهرده لما انقذتها بس الكدمات واثار التعذيب باينه انها من كذا يوم.. يعني دي جضيه كبيره جوي.. باين عليها التعذي_ب بجالها كذا يوم... 

رحيم.. بحرج..

طيب وهي يعني.. انتي كشفتي عليها زين يعني...

سماح .فهمته...تجصد حد اتعرضلها صح..

رحيم ..هز راسه براحه ..

سماح... لا الحمد لله هي بت بنوت والغريب كمان ان التعذيب اللي واضح عليها ما يوحيش باغتصاب ابدا دي كانت بتضرب وتتعذب لسبب تاني خالص مفيش فيها اي علامه من علامات الاغذتصاب او التعدي...

بس نصيحه لازمن تبلغ...

رحيم... هي هتفوج امته.

سماح .. اني ادتها حجنه مهدئه وشكلها هتفضل نايمه كذا ساعه جسمها محتاج يرتاح كتير.. ورجلها كانت بايظه خالص طهرتهالها وكان فيها بواجي ازاز رجلها وارمه خالص طهرتها وغيرت عليها هي وبعض الجروح اللي في وشها..ودي الروشته فيها العلاج اللي هي محتجاه

رحيم... بصوت خشن ونبره مرتفعه بعض الشئ .  اسمعي ياسماح.. مش عايز اي حد يعرف انك جيتي هنه او حتي تعرفي ان في بنت هنه ماعيزش ح

 يعرف واصل.. مفهوم.  لحد ما تفوج ونعرف اللول حكايتها ايه.....ولحد ما ده يوحصول عرفيني كيف اديها علاجها ..ده...

سماح.. فهمته كل حاجه تتاخد ازاي.. بس يارحيم بيه.. لازمآ غذا البت ضعيفه خالص اني علجتاها محلول واضح انها بجالها كذا يوم مهتاكلش  ..

رحيم.. متجلجيش اني ههتم بالجصه كلها..بس لو احتاجتك اي وجت ياريت متتأخريش عني...

سماح... اي وجت هتعوزني هتلاجيني جصادك بس هو اني ينفع اسأل سؤال يارحيم بيه..

رحيم.. طبعا اسألي...

سماح.. هو حضرتك يعني ليه مهتم بيها اكده وليه منتاش عايز تبلغ النجطه...

رحيم... اي حد كان مكانها كنت هتتم بيه اكده ولا انتي نسيتي اني عمده البلد يادكتوره...تاني حاجه لما تشوفي بنت بتجري بكل طاجتها عشان تنقذ نفسها من شويه مدمنين علي تجار مخدرات وهي بحالتها دي مش هتجفي تحميها.. خصوصا ان الكلاب دول اني لو طولت اجت"لهم علي حاله الرعب اللي كانو وصلوها ليها كنت جت"لتهم...وبعدين انا ايه عرفني لو ودتها مستشفي مش هيوصل لها هناك شكلهم كانو عايزين يجتلوها .واني مش هسيبها لبهم ولا ايه يادكتوره..

سماح بابتسامه... عنديك حج يارحيم بيه..هروح اني بجي عشان ابوي ميجلجش عليا واي وجت تعوزني هتلاجيني

جصادك..واني بكره بعد ماخلص هعدي عليك اشوفها..

رحيم... ياريت يادكتوره وحاسبها وبعد رفض منها وتصميم من رحيم..اخيرا سمعت كلامه ومشيت..مع السلامه. يادكتور..

سماح..... مع السلامه....

قفل وراها رحيم...ودخل براحه يشوف حور.. لقاها نايمه وكل مكان في جسمها في الوان من كتر الضرب ورج"ليها مرب"طين ووشها في لزق مكان الدكتوره ما ضمدت كل الجروح المجروحه...

اما علي ملابسها .. فكانت اغلبها مقطعها نتيجه الضرب والبهدله ونتيجه الكشف عليها من الدكتوره.. واثار الد"م علي وشها وايديها ورجليها وجسمها كان واضح انه نشف علي جسمها .. رحيم.. لنفسه...

ياتري ايه اللي حصلك.. ومين اللي قدر يعمل فيكي كده.. مين قدر يشوهك بالمنظر ده.. مين هان عليه الملاك ده.. واضح انك كنتي جميله بس اكيد في سبب عشان اللي عمل فيكي كده يوصلك للحاله دي....رحيم بتعابير غاضبه في وشه وهو بيكلم نفسه... سبب ايه اللي يخلي حد يعمل في حد كده..  وديني لو لمحت كلب من اللي كانو بيجرو وراكي لا اقت"لهم وادفنهم بايدي ادامك عشان ارجعلك جزء من حقك...ومره واحده... حصل حوار داخلي بين رحيم..وقلبه... وعقله...

عقله... انت مالك مهتم كده ليه هي تهمك في حاجه..

رحيم.. انا مش مهتم ولا حاجه.. بس مجرد انها صعبت عليا..

قلبه..وايه يعني اصلا لما تهتم جرب ادي نفسك فرصه مره واحده وايه المشكله..

رحيم.... اجرب🙄 بس انا قافل قلبي من ناحيه الستات خالص...عمري ماحبيت ومش عنديش نيه اني احب..او عالاقل فالوقت الحالي انا كل وقتي لشغلي لاكن الستات لسه ..

عقله... انت عمرك.. ما عرفت بنت عمرك ما عملت علاقه مع بنت.. هتيجي الوقت وتفتح قلبك وتوجع دماغك..

قلبه.. وايه يعني الحب مش عيب ولا حرام..

رحيم... انا صحيح عمري ماحبيت ولا الحب كان ليه مكان عندي.. وعمري ماعملت علاقه من اي نوع مع اي بنت واكيد الحب ولا عيب ولا حرام.. بس لازم قلبي يدق.. الاول للي هتخطفني...

عقله.. مش هتلاقيها عشان هي مش موجوده😡😡

قلبه....لا هيلاقيها عشان هي بقت موجوده 😍😍😍،

رحيم.. نفض راسه براحه يمشي منها الافكار والحديث اللي طال ..وقرر.. يصلح شويه من اللي حاصل فيها..راح رحيم... جاب طبق. وحط فيه مايه دافيه.. وفوطه صغيره...وجه قرب جمبها..

وابتدي يحط الفوطه فالميه. ويعصرها كويس.. ويسمح براحه غلي وشها ويشيل اثار الدم الناشف عن وشها وشفايفها.. واول ما لمس وشها حس برجفه داخليه ...

قرر رحيم كذا مره. براحه وهو ملاحظ تعابير وشها كل ما يلمس جزء وينضفه يحس بانكماش وشها دليل عن احساسها بالالم ورغم ان رحيم كان بيحاول ينضفلها براحه بس الالم اللي كانت حاسه بيه كان فوق ان حد يلمسها اصلا..خلص رحيم علي اد ما قدر ينضف الدم شويه وبمجرد ما حس انها بتتألم قرر يسيب حجات بسيطه عشان ميتعبهاش اكتر من كده وعشان متبردش...

وفجأه اتصدم من لبسها اللي بيكشف جسمها اكتر ما يستره...

رحيم... هلبسها ايه دي...مينفعش اسيبها كده ومفيش لبس حريمي هنا.. طب اروح اخد من ساره...

ساره ايه انت كمان عروسه تروح تخبط عليها السعادي.. ده امجد كان يقتلني ده مصدق..😂وبعدين مش وقته وهدخل في سين وجيم منهم...ومينفعش اسيبها لوحدها هنا...بس لقتها .. مفيش غير دي..

راح رحيم.. عالدولاب وفتحه واعد يلعب فيه شويه.. واخيرا اختار تيشيرت من بتوعه بكم وتقريبا كان واصل لقبل ركبتها بحاجه بسيطه..

راح عليها رحيم... ورفع دماغها براحه..ولبسها وبايده براحه من غير ما يبص شال اجزاء اللبس المقطعه اللي كانت لبساها.. ودخل ايدها.. وشده براحه علي ضهرها.. ولصغر حجمها كانت بتروح وتيجي في ايده كأنها طفلها.. لبسها براحه وبيرجعها بايده براحه لقاها ماسكه بأيدها الصغيره.. في كتفه ومتشبسه بيه كأنه هيهرب او كأنها متطمنه بوجوده زي الطفل اللي بيمسك كف امه وبيفضل متعلق بيه...الحركه خطفت قلب رحيم ولتاني مره يحس برجفه في قلبه لمجرد شعوره بلمستها  لمجرد تمسكها بيه للدرجه دي.مسك كف ايديها براحه وحاول يشيل ايدها بس كانت ماسكه فيه جامد فضل رحيم رافعه وهي مقربه منه كأنها في حضنه. فضل سارح في وشها.. مش عارف يعمل ايه.. وجرب مره كمان واخيرا شال ايدها .وحطها براحه وظبط عليها التيشيرت.. وكلم نفسه...

طبعا انا كفايه اني غيرتلك اللبس بتاعك وكويس اني لاقيت حاجه اقدر البسهالك مع انك محتاجه عشره يدخلو معاكي فالتيشرت..بس ده اللي اقدر عليه.. اما بقي باقي لبس اللي جوه ده مش بتاعي ..بكره لازم اجبلها شويه حجات واكيد اللي هتساعدني في ده دكتوره سماح🤔

مر الوقت وابتدا النهار يبان شويه.. رحيم.. راح عالكنبه اللي فالاوضه ادامها وفضل باصص عليها شويه.. ورااااااااح اخيرا فالنوم....

صباح يوم جديد علي ابطالنا.....

فضلت حور.. تتقلب في السرير... وفتحت عنيها في كسل وهي بتتاوب وبتفتح عينها ببطئ.. وحاسه انها ناسيه ايه اللي حصل امبارح ...شايفه نور فالاوضه المكان احلي السرير بدل نومتها عالارض في المخزن وثواني ابتدت تفتكر كل حاجه تعذيب عمها وابن عمها موت والدتها اللي صدمها هروبها من البيت بمساعده فرحه.. جريها بكل طاقتها رجلها اللي كانت بتفتح وهي حاسه بكل حاجه بتدخل فيها مشيها داخل الزرع رؤيتها لتجار المخد"رات واخر حاجه شافتها وحست بيها الحائط البشري اللي خبطت فيه واللي انقذها... اخر حاجه فكراها انه قرب منها وشالها ومشي بيها وبعد كده مش قاكره حاجه غير انها صخيت الوقت.. وهي شايفه نفسها في مكان جميل.. ونضيف وواسع شكله من التجهيزات اللي فيه ميدلش انهم فالصعيد .  انا فين.. انا سافرت طب سافرت فين.. ايه المكان ده والسرير اللي انا عليه.. مين اللي ربط رجلي بالشاش ده وخدت بالها من الكانولا اللي في ايدها... ايه ده..  اااااه وطلع صوت كله وجع من الصداع اللي حاسه بيه.. واخيرا اكتشفت انها مش لابسه .. لبسها ... وبحركه سريعه مسكت جسمها بايدها في خوف.. وبصت حواليها... لمحت رحيم نايم عالكنبه...

ومن حركتها.. والاصوات..اللي بتعملها عالسرير...

صحي رحيم وشال ايده من علي عنيه .. وقام اعد...

رحيم....صباح.الخير...

حور... مبلمه ومش بتنطق.. وماسكه في هدومها...

رحيم... بجول صباح الخير.. ماعتسمعيش ولا ايه...

حور ...بصوت مرتجف... صبااا حح النوو رر.

رحيم... مالك هتهتهي كده ليه..

حور...هو انت مين.. وازاي انا لابسه كده.

فهم رحيم.. من طريقه مسكها للتيشيرت...وحس بخوفها..

رحيم... المفروض اني اللي اسالك انتي مين..

ازاي لابسه كده..اني لبستك تيشيرت من عندي خلجاتك كانت مجطعه وميصحش كنتي تجعدي بيها ثانيا كانت كلها دم ومبهدله وثالثا كنتي هتبردي..الجو بره واعر علي جتتك..

حور.. مصدومه ومبلمه من اللي بيتكلم بمنتهي الراحه...

انتي.. بتقول ايه.. انت مجنون ايه غيرتلك دي.. هو انا بنت اختك.. انت ازاي تسمح لنفسك اصلا تعمل كده انت مجن"ون..

رحيم.. بعصبيه.. اجفلي خشمك ده واصل..بدل وديني ادفنك مطرحك ولسانك الطويل ده اني هجط"عهولك..اولا اني لو وحش. مكنتش انقذتك..  تاني حاجه ملمستكيش انا يعلم ربنا غيرتلك ازاي خلجاتك...وبعدين.. مالك زعلانه اكده.. مش شايفك يعني انثي حتي جدامي عشان ابصلك...

حور..  نعم.. انت انسان قليل الذ"وق علي فكره.. وانا انثي غصب عنك....لولا البهدله بس اللي انا فيها دي. كنت عرفت انا انثي ولا لا...

رحيم... اولا جولتلك لمسي لسانك اللي عايز جصه ده وتوطي صوتك وانتي بتكلميني.. ثانيا بهدله ايه ده انتي عايزه تزييت وتشحيم وتتردي عالبارد عشان يمكن يظهرلك تجاوي بني ادم.. وحتي لو ظهر.. هيبجي تجاوي طفله ملهاش اي علاجه بالانوثي واصل....

حور....وانت تفهم ايه اصلا عن الانوثه..هو الانت بتشوفهم هنا اصلا ليهم علاقه بالانوثه وبعدين ليك حق ما انت اتعودت علي الستات اللي هنا..

رحيم... يابت لمي لسانك الطويل ده عاد بدل قسما بالله ما اد"فنك صاحيه...

حور... خافت من صوته شويه....

رحيم... ناس. تخاف ماتختشيش صحيح..

حور...انا مش هرد عليك عشان مش فيقالك انا عايزه امشي...

رحيم.. ...صوح مش فيجالي... عموما مفيش مشي من هنه غير لما تخفي واعرف ايه حكايتك.. واعرف الناس. دي كان هتجري وراكي.. ليه.. دول تجار مخد"رات واللهم اعلم يمكن كانو بيج"تلو ج"تيل.. واني هعرف كل حاجه بطرجتي مش يمكن تكوني شغاله معاهم...

حورررر. انا

رحيم.. ايوه انتي...ولو مش عيزاني افكر بالطريجه دي.تجوليلي انتي مين وايه هجابك اهنه...

حور...... هقولك وهتسبني بعدها..

رحيم... اتكلمي اللول..

هنعرف بكره حكايه حور😍

اتفاعلو ب 10 تعليقات

البارت الثالث..

حور... انا هحكيلك مع اني مش مجبره اني احكيلك اصلا انت انقذتني وخلاص مش من حقك تعرف عني حاجه ولا لازم اني احكيلك مقابل..انك انقذتني...

رحيم... لا اني لا عايز مجابل ولا هو حجي عشان انقذتك.. بس اني لازم اعرف عالاجل عشان انا عمده البلد اللي انتي فيها دي.. ومعروف ان رحيم المصري.ماهيسيبش حج مظلوم ولا بيوافج ان بلده يوحصل فيها اي حاجه مهياش مظبوطه..وإلا مينفعش ابجي عمدتها عاد ولا ايه...

حور.........بصاله وتايهه في شكله وهيبته ومظهره اللي ميدلش علي انه صعيدي اصلا حتي لبسه البنطلون والتيشيرت اللي لابسهم.. واللي كل معلوماتها عن الصعيدي انه يلبس جلابيه...

رحيم... ما تحكي عاد هتفضلي مبلمه اكده مين شلفط خلجتك دي.. ومنين انتي باين من لهجتك انك مصراويه.

حور.. انا مش من هنا فعلا انا من القاهره.

رحيم.. وايه اللي حدفك عندينا..

حور.. بنرفزه وصوت عالي نسبيا.ممكن تسكت شويه وتديني فرصه اتكلم..

رحيم.. وطي صوتك وانتي بتتكلمي ..انتي متعرفيش رحيم المصري بس لو تحبي اعرفهولك..

حور.. بخوف بتحاول تداريه بالضحك.. لا ما اهو واضح ياعم جريندايزر...😁

رحيم.. طيب يبجي اتعدلي بدل نا اعرف الحرندايزر ده هيعمل فيكي ايه عاد..

حور... هو انت عارف يعني اني جريندايزر🙄🙄🙄🤔

رحيم... بت انتي انا تعبت من المناهده احكي وخلصيني مش فاهم اني واخده واخده علجه ومتشلفطه بالمنظر ده جادره ازاي تضحك وتهزر ..

حور... انت بتقر عليا🙄🙄

رحيم... قام وقف وقرب منها ...

حور.. بخوف. لا اهدي اوعي تعصب روحك السكر ماشي فالبلد ومش عيله زيي تعصبك بزمتك ينفع تعمل عقلك يعقلي..

ابتسم رحيم غصب عنه علي شقاوتها ودمها الخفيف..

حور... ايه ده انت بتضحك زينا..

رحيم... ليه مش بني ادم اياك اني..

حور... لا طبعا 

رحيم..... بتجولي ايه🤨🤨

حور.. ابدا ياباشا مقصدش وربنا بس لا مواخذه ده مش جسم ولا طول بني ادم طبيعي يعني يلا ما علينا اعد كده واستهدي بالله وهحكيلك....

رحيم... جعدنا.. واعد علي طرف السرير...

حور... انا اسمي حور عادل النمرسي .عندي 19سنه..

والدي.. من البلد دي بس درس فالقاهره واشتغل واتجوز كمان والدتي.. بابا كان بيجي هنا لحد ماانا كان تقريبا سني 17سنه .. كان جدي عايش كان بيحب بابا جدا وكان بيحبني اوي.. حتي والدتي برغم انهامش من بلدهم بس حبها وطبعا انت اكيد عارف ان دي مش من عوايد الصعايده اغلبهم مش هقول كلهم بيتجوزو من بعض بس بابا كان حاله شاذه حب ماما واتجوزو مجابوش غيري انا بس كنا بنيجي هنا كل اجازه..وكانت الدنيا حلوه جدأااا.. وكملت بحزن بابا اتوفي نتيجه حادثه في شغله هو مهندس وكان وقتها فالموقع اللي بيعاين في شغله وهو مع العمال رجله اتخبطت فالخرسانه ووقع علي مواد البنا ومات في لحظتها قبل ما يروح المستفي.. بعدها بحوالي شهر جدي كمان اتوفي دخل في حاله اكتئاب ومقدرش يستحمل صدمه موت بابا ومات  بعدها ماما ابتدت تتعب جدا ولفينا علي مستشفيات كتير لحد ما اغلب الدكاتره قالو انها جلها القلب وطبعا ده كان بعد صدمه موت بابا  طبعا بابا لما اتوفي طلع مبلغ تأمين من شغله كبير والمبلغ ده تقريبا راح كله علي علاج ماما..ابتسمت حور وهي بتحكي انا كنت شاطره اوي في دراستي وكان حلمي انا وبابا اني ادخل طب وكان ديما يشجعني لحد ما جبت مجموع يدخلني طب وانا مرتاحه فرحت جدااا وانا بجيب النتيجه ..وكنت طايره..رحيم منتبه لطريقتها وهي بتحكي شويه تزعل وشويه تضحك...

كملت حور بحزن. وملحقتش افرح وانا راجعه بعد ما جبت  النتيجه عرفت ان بابا اتوفي.. بعدها الدنيا اتقلبت خالص والمصاريف بقت اقل كتير .لدرجه انتي اتخليت عن حلمي فأني اكمل وادخل طب واضطريت ادخل تجاره... بما اني مش هدخل طب فا مله اتساوي عندي فقررت ادخل تجاره عالاقل هتنفعني في شغل كتير..

وطبعا جدي تعب بعدها وحالته اتدهورت واتوفي هو كمان بعدها عمي اتغير معانا ورفض انه يدينا ورثنا ماما قالتلي مش عايزين منه حاجه وربنا هيكرمنا عيشنا بمعاش بابا وكان المفروض في فلوس طلعت بعد وفاه بابا تأمين.ماما قالت مش هنيجي جنبهم وهنسيبهم عشان لو اتجوزت يبقي في فلوس.. طبعا المعاش كان بيخلص بسرعه اضطريت بعد ما اقنعت ماما اني اشتغل... واخيرا والقت اشتغلت كذا شغلانه من وانا عندي 17سنه اشتغلت كاشير في سوبر ماركت واشتغلت في محل ملابس اشتغلت مندوبه واشتغلت ويتر في في مطعم واخيرا اشتغلت سكرتيره في شركه مقاولات لحد من اسبوع تقريبا وخدت اجازه يومين عشان اقدر اجي هنا كنت فاكره اني هرجع بسرعه.. المهم طول الفتره دي .ماما كانت تعبت وجالها القلب وبقت كل يوم حالتها تسوء اكتر...من اليوم اللي قبله لحد ما قررت من اسبوعين اني لازم اجي لعمي واخد منه فلوس حد لو جزء بسيط عشان اعملها العمليه مكنتش عايزه ورثي ولله كنت بس عايزه امي تعيش ..وبقت تعيط وهي بتتكلم...انا مليش غيرها هي كل حاجه ليا مكنش ينفع اسيبها تموت... ماما مكانتش موافقه خالص اني اجي ..لحد ما تعبت قبل ما اجي هنا باربع ايام ودخلت المستشفي والدكتور قال ان حالتها اتدهورت خالص ولازم تدخل العمليا خلال كام يوم...سافرت من وراها وسبتها مع ست جارتنا هي وبنتها دي صاحبت عمري قولتلهم لو فاقت محدش يقولها وسبتها معاهم.. وسافرت...وياريتني ماجيت...

وابتدت تفتكر وتحكيله اللي حصل مع عمها....

فلاش باااااااك...

وصلت حور قصر عمها...

الكل كان موجود.ورحب بيها..

عمران... اهلا يابت اخوي اول ما افتكرتي ان ليكي عم تسألي عنيه..

حور... اسفه يا عمي.. بس كنت فكراك مش عايز تعرف حاجه عننا..

عمران..  ليه بتجولي اكده يابنتي.. مهما كان انتي بنت اخوي وتاجي اي وجت..امك ازيها .

حور. ماهو ده اللي انا جيالك عشانه ياعمي....ماما تعبانه اوي ومحتاجه تعمل عمليه كبيره فالقلب.

عمران.. بخبث لا اله الا الله ليه كده يا بتي سلامتها الف سلامه .

حور... ده اللي حصل ياعمي.. من يوم ما اتوفي بابا وقلبها تعب وحالتها ساءت والوقت محتاجه عمليه كبيره بتتعمل بره زرع قلب...وللاسف المبلغ كبير عشان كده انا جتلك انا مليش غيرك.

عمران... كان علي عيني يابتي بس كل فلوسي في الشغل ..

حور... انا مش جايه طالبه ورثي ياعمي انا جايه طالبه جزء من ورثي عشان انقذ امي ومش عايزه اي فلوس تاني

عمران.. ومين جال ان ليكي ورث عندي يابت اخوي...الفلوس دي حجي اني انتو اللي مش راضيين تجتنعو بكده..

حور... لا ليا ياعمي ورث ابويا وورث جدي ومع ذلك انا بقولك انا مش جايه اطالبك اصلا بيهم انا عايزه بس جزء بسيط.. عشان انقذ امي..

عمران... بغضب... جولت ملكيش عندي مليم الفلوس دي اني اللي عملتها اني اللي كبرت الفلوس ابوكي عايش في مصر من سنين اتعلم وخد شهاده عاليه وبجي مهندس وعمره ما رجله دبت فالارض دي واصل اني اللي كنت شايل كله علي كتافي ..هو اتعلم وبجي حاجه اني لا اني اللي اتبهدلت فالارض والشغل اني اللي كبرت كل حاجه اني اللي كانت يدي بيد جدك مش ابوكي وجايه الوجت تجوليلي ورث. 

حور... بدموع بس ده شرع رينا..

عمران... واني هخالف الشرع ده عشان شايف ان محدش تعب غيري فيه فا مافيش اي حد واصل له الحج ان يورث مليم غيري . 

حور. وانا مش عايزه اورث.. انا عايزه جزء بس بسيط عشان العمليه..حتي لو تعتبرهم دين عليا حتي لو عايزين اكتبلك بيهم وصلات امانه انا تحت امرك بس امي تعيش..

لمعت في راس عمران فكره خبيثه...

انا ممكن اديكي الفلوس دي بس علي شرط..

حور. بفرحه وهي بتمسح دموعها.  اي شرط انا موافقه عليه..

عمران...بضحكه خبيثه  تتجوزي سعيد ابني وكتب الكتاب يبجي الليله..

اختفت فرحه حور..حضرتك بتقول ايه ياعمي..انا مش موافقه طبعا...

سعيد... مش موافجه ليه ان شاء الله..ومن ميتي عندينا بت تجول اه او لا...

حور... انا هقول لا.. ومش هتجوزك لو انطبقت السما عالارض..

عمران... يبجي مفيش فلوس وخلي امك تموت..

حور.. انقبض قلبها.  عمي عشان خاطري انا مش عايزه غير مساعدتك بس اعتبرني زي فرحه..

عمران... اني جولتلك شرطي.. وانتي فكري يا تتجوزي سعيد وتاخدي فلوس العمليه..يا متتجوزيهوش ومافيش فلوس..

حور.قامت وقفت.. انا هتصرف ومش عايزه منك اي حاجه وحقي مش هسيبه ياعمي انا من يوم ما ابويا وجدي ماتو وانت قررت اني مليش ورث سبتهولك عشان حقيقي مش محتجاه ولا كان في بالي اني اعاديك عشان شويه فلوس بس يوم ما احتجت وجيت طلبت منك كان عشان خاطر امي.. متروحش مني مش اكتر..بس وديني ما هسيب حقي وهرفع عليك قضيه وهكسبها وهوقفك قصادي فالمحاكم ادام انت مش راضي تراعي اننا اهل...

سعيد.. توجفي مين فالمحاكم يابت الكل'ب..

حور... انا ابويا مش كلب انت اللي ابن ستين كل'ب ..

عمران..فاللحظه دي قام وجابها من شعرها... وفضل يجر فيها فالقصر عشان يرميها فالمخزن..

اني هوريكي الكلب ده هيعمل فيكي ايه يابت الكل'ب يافا'جره.. اني هسفف'ك التراب...

فرحه.. وامها بيجرو عليه.. 

فرحه... سيبها يا بوي والنبي...

امها.. حسنه.. سيبها يا ابو سعيد البت هتمو'ت في يدك...

عمران.. زقهم.. اخفو من جدامي لا اج'تل اي حد هيجف جصادي... خافت فرحه وامها ووقفو مكانهم.. دخل سعيد ورا ابوه عالمخزن.. وصوت فرحه كان مسمع القصر كله..

حور... سيبني ياظالم سيبني حرام عليك مش عايزه منك حاجه خلاص...

رماها عمها فالارض.. عمران ودلوجت اني هوريكي مين هو ابن ستين كل'ب..ومسك الكرباج وبقي يضرب فيها فكل جسمها...وحور صوتها راح من كتر الصوات والعياط والا،لم اللي حاسه بيه علي جسمها.وبعد دقايق...

سعيد... خلاص يابوي انت ربيتها بما فيه الكفايه متجيبش لروحك مصيبه البت هتم،وت في يدك...

عمران... سيبها تغور في داهيه بت الكلب اللي جايه ترفع صوتها عليا...

حور.. مش قادره ترفع راسها من التعب...

كفايه حرام عليك...

عمران.. اعملي حسابك هتتجوزي سعيد بكيفك او غصب عنك وحتي الفلوس مافيش وملكيش ورث عندي.

حور... مش هتجوزه حتي لو هتموتني...

عمران.. واني مليش غيرك الوجت كل يوم هفضل اضرب فيكي لحد ماتجولي حجي برجبتي ونجولي موافجه..

يلا ياسعيد... سيبوها زي الكل،به اكده.. محدش يديها بوج المايه ..والباب ده ميتفتحش عليها واصل..

سعيد... امرك يا بوي..

بااااااك..

حور.... بدموع مغرقه وشها..وفضل كل يوم يجي عندي يقولي عقلتي ولما يلاقيني مش موافقه يض،رب فيا برجله بكرباج بايده بكل حاجه كانت تيجي ادامه .. لحدامبارح جت فرحه وقالتلي انها هتهربني بليل فالاول فكرتها بتقولي كده وبتضحك عليا ومشيت وبعدها عمي جه وقالي انه بعد بكره كتب كتابي.. وعرفني ان امي ماتت فالاول مكنتش مصدقاه بس بعدها اتصلت بجارتي وعرفت انها فعلا اتوفت فالمستشفي عشان مقدرتش انقذها ماما كانت لازم تعمل العمليه وتسافر خلال يومين انا غبت عنها اسبوع. جت بعدها بليل فرحه هربتني ونفذت فعلا اللي قالتلي عليه..وسألتها عن سبب مساعدتها ليا قالتلي ان هي مش بتحبهم وعارفه ان الوها واخوها ظلمه موتو جوزها ادامهم عشان مرضيش يشتغل معاهم في تجاره المخد،رات وحجات ممنوعه ولما رفض موتوه عشان ميبلغش عنهم وهي معاها اوراق تسجنهم وادتني رقمها عشان لو احتجت الورق ده ضدهم هتساعدني... وخدت الرقم وبقيت اجري.. بكل قوتي عشان ابعد معرفش جريت اد ايه ولا الساعه كانت كام كل اللي اعرفه اني جريت كتير لحد ما دخلت وسط الزرع وشوفت رجاله جوه كان باين عليهم بيعملو حاجه غلط هما فكروني شوفتهم بس انا حقيقي مكنتش مركزه معاهم لما فضلو يجرو ورايه كنت سامعه واحد فيهم بيقولهم اقتلوها بقيت اجري بكل طاقتي لحد ما خبط فيك ولقيتك بتشدني وتكتم نفسي ساعتها قولت خلاص انا موت كنت فكراكم معاهم...وبعدها لما اطمنت ولقيتك قولتلي انك هتساعدني وسبتني وسط الزرع وبقيت تضرب فيهم حسيت اني خلاص استسلمت ومبقتش قادره اني اعافر اكتر من كده وبعدها غمضت عيني ومحستش بحاجه تانيه...

رحيم.. باصصلها وقلبه متقطع عليها وللحظه حس انه محتاج ياخظها في حضنه حس بشعور غريب ناحيتها حس انه من لحظه ما شافها بقي مسؤول عنها بقت تخصه حس انه مش هيسمح لاي حد يأذيها بعد كل اللي شافته ده بعد ما بقت وحيده خلاص ...كملت حور بانهيار وحالتها كانت صعبه جدا...

حور... يارتني سمعت كلام ماما ومجتش هنا ابدا.. بس انا مكنش عندي حل غير ده.. يارتني سمعت كلامها كنت عالاقل فضلت معاها الكام يوم اللي باقيين لها كنت شبعت من حضنها شويه كنت ودعتها انا اتحرمت من اني اودعها واني اشوفها لاخر مره اتحرمت من اني اغسلها بايدي اتحرمت من اني اوصلها لبيتها الجديد اللي هتفضل في ومش هترجع تاني ابداااا....انا حتي اتحرمت من اني اعيط عليها واتحرمت من اني احزن عليها اتحرمت من اني اقول بعلو صوتي. اااااااااااااااه وفاللحظه دي قام رحيم ومسكها من ايدها وشدها لحضنه وبكل قوته طبق ايده عليها كأنه بيطمنها اما حور فا مسكت بايدها في صدره وتشبثت فيه زي الاطفال وانفجرت وطلعت كل حاجه جواها من عياط وصراخ والم ووجع واهات جواها كانت محتاجه تخرجها.. فضلت عالحال ده اكتر من عشر دقايق ورحيم واخدها في حضنه مش راضي يسيبها ماسك بايده شعرها والايد التانيه علي ضهرها.. وقلبه موجوع عليها لدرجه هو مش متخيلها لمست فيه حجات كتير وللحظه حس انها بنته حبيبته حد يخصه اوي.. وقرر من جواه انه هيجبلها حقها..

بعد فتره لما حس ان هي هديت شويه وبقت تعيط في هدوء.... خرجها... رحيم. براحه من حضنه... ومسك وشها بايده ...وهو بيمسح دموعها براحه.....وكلمها بلهجتها واتخلي عن اللهجه الصعيديه..... وابتدا يتكلم وسط زهول حور من تحوله المفاجئ ..

رحيم.... انا سبتك تخرجي كل اللي كان جواكي سبتك تحكي وتعيطي وتصرخي وتقولي كل حاجه عشان بس تحسي انك ارتاحتي..بس انا عايز اقولك حاجه.. .مامتك وباباكي راحو للي خلقهم وده عمرهم..مينفعش نعترض. ومفيش حاجه في ايدك تقدميهالم غير انك تدعيلهم وبس . بس انا اوعدك علي كل حاجه حصلتلك اني هرجعلك حقك من عمك وابنه وورثك كله هيجيلك.. لحد عندك.. وعايزك بس تعرفي ان من لحظت ما شوفتك انتي خلاص مش لوحدك..

حور... من وسط دموعها وخفقان قلبها من لمسته ليها ..وازاي من دقيقه كانت فحضنه.. ولاول مره راجل غير والدها يحضنها كده..ازاي حضنه كان حلو كده ومرح ويطم ويحسس بالامان..

حور....هو ..هو..

رحيم.. بابتسامه ولسه ماسك وشها بايده..هو ايه...

حور.. هو انت بتتكلم زينا..

رحيم.. هو ايه حكايه زينا دي...كل حاجه زينا زينا.. انا بني ادم علي فكره ..

حور... مش قصدي بس انت مش صعيدي ازاي بتتكلم مصري..

رحيم.. برفعه حاجب.. هو الصعيدي مش مصري ولا ايه اسمها بتتكلم بلهجه غير الصعيدي..

حور.. بابتسامه ايوه....اقصد لهجه بس ازاي...

رحيم..انا عشت كل فتره تعليمي فالقاهره يمكن تقريبا اكتر ما عشت هنا ..

حور.. بس انت قولت انك العمده ولا كنت بتحور عليا..

رحيم... 🤨🤨🤨بحور... لا يا ستي مبحورش.. ده حقيقي بس تقدري تقولي ان جدي اللي كان مصمم انه يتنازلي عن العموديه.. وقد كان بقيت العمده وطبعا مقدرش اسيب القاهره لان شغلي كله هناك ..وبره مصر انا بسافر كتير بره مصر دول عربيه واوروبيه.

حور.. هو انت شغال ايه..

رحيم... انا ياستي تقدري تقولي كده اني من اكبر مصدرين الفاكهه فالشرق الاوسط كله مزارعنا بتصدر لكل الدول تقريبا...يعني قصه طويله كده...المهم ان انا عيشتي وحياتي كلها فالقاهره بس طبعا لازم اجي كل اسبوع يوم او بالكتير كل اسبوعين عشان امي واختي وجدي واهلي هنا.. 

حور.  يعني انت جيت عشان تزورهم ..

رحيم... اه وعشان اكتر فرح اختي.. كان امبارح ولما شوفتك كان فرح اختي امبارح وجيت هنا بعد الفرح عالبيت هنا لانه مكانه المفضل اللي بريح بالي فيه مكنتش عارف ان في حاجه اكبر مستنياني وهو اني انقذك...

حور.. اسفه عطلتك وضيعت عليك فرحتك بفرح اختك..وضيعت عليك راح بالك بانك تختلي بنفسك فالبيت هنا..

رحيم.. متتأسفيش ياحور القدر.. لما بيجي للبني ادم محدش يقدر يوقفه...

ابتسمت حور ...انا حقيقي مش عارفه اشكرك ازاي.. بس انا لازم امشي خلاص.. وهو النور طالع كده بس هستأذنك في حاجه انا انا.. وكملت بحرج.. انا لما جيت عند عمي سبت شنطتي هناك.. ولما سبني فالمخزن مكانتش معايا ..انا بس محتاجه منك تجبلي اي حاجه البسها لان مش عندي لبس.. وعايزه منك يعني فلوس بس تنزلني القاهره واول ما اوصل هناك وانت تيجي القاهره هاقبلك اديهملك ولله...

رحيم.. بتمثيل بجد يعني مش هتنصبي عليا..

حور.. مسرعه ..لا ولله ابدا هقابلك واجي اديهملك .

رحيم.. بضحك.. ورجع تاني للهجته.. ولله من اول ما شوفتك وجولت عيله صغيره..اني بضحك وياكي اولا مفيش مشي من هنه غيؤ لما تبجي بخير.. انتي رجليكي كلها مفتحه وكلاتها جروح مينفعش تدوسي عليها اصلا.. تاني حاجه الدنيا تحت الوجت مش امان ..تجار المخد،رات مش هيسبوكي بالسهل اوعاكي تفكري انهم استسلمو انهم ملاجوكيشي. وروحو دول ماهيمشوش بالسهل. غير لما يلاجوكي ..ولو لاجوكي صدجيني مش هيسبوكي غير وانتي مجت،وله.. ثالثا وده الاهم.. فلوس ايه عاد اللي بتتحدتي عليها عبيطه انتي اياك.. اسمعي كل اللي هتحتاجيه هتلاجيه عنديكي وكمان ساعه او اتنين بالكتييير هتلاجي لبس واصلك من القاهره مخصوص وصيتلك عليه امبارح جبل ماانام وانهرده هيوصلك كل حاجه.. ووجت ما تخفي وتبجي زينه هوصلك بنفسي لحد باب بيتك.

حور.. باندهاش.. هو انت اتحولت تاني...بص بعيدا عن تحولك المفاجأ كل شويه ده . انا لازم امشي خصوصا انك بتقول بتيجي يوم وتمشي يعني انا كده معطلاك واكيد مش هتسبني فالبيت وتسافر فاانت كده مضطر تاعد عشاني.. تاني حاجه انا محبش حد يصرف عليا انا قولت تديني لحد ما ارجع وارجعهملك.. واديك كل حاجه صرفتها عليا حتي العلاج..ده

رحيم... اولا انا مش جاعد عشانك نسيتي اني جاي اجازه عشان خاطر فرح اختي ولا ايه..تاني حاجه انتي هنه ضيفه والضيف لازمن ياخد واجبه ولما ترجعي ياستي ابجي اعزميني علي شاي .وكده تبجي رديتي الواجب..اتفجنا.

حور.. وشعرت بالم جوه بطنها وبداخلها بتدعي ميكنش اللي في دماغها هيحصل..

رحيم... مالك انتي تعبانه ولا ايه..

حور.. لا ابدا بطني وجعاني شويه بس...

رحيم... طيب عشان مكلتيش جومي يلا عشان تفطري ..

حور... بالم اكبر.. انا عايزه ادخل الحمام بس ممكن..

رحيم.. طبعا ممكن وراح عليها عشان يشيلها عشان يدخلها..

حور.... انت بتعمل ايه يا اخينا انت استحليتها ولا ايه.انا هروح لوحدي...

رحيم.. رافع حواجبه وباصص للكائن اللي طالعله لسان🤨🤨🤨🤨اللهم اغزيك ياشطان خيرا تعمل شرا تلجي.. اتفضلي ياسنيوره ادخلي عاد...اني غلطان اني بساعدك..

حور.. شكرا مش عايزه مساعده وسع كده وبعدته بايدها..

رحيم بعد وسابلها مساحه وهو من جواه عارف انها مش هتقدر وهتحتاجله...

حور.. قامت وقفت واول نا وقفت صوتت لما حست بالم رجليها واعدت تاني علي حرف السرير

وعنيها دمعت تاني زي الاطفال..

رحيم. راح عليها وهو بيهز دماغه شمال ويمين...ماجولنا عاد مش هتجدري بس لازمن اللسان الطويل...ومن غير ولا كلمه وطي عليها وحط ايد ورا ضهرها وايد تحت مؤخرتها وشالها زي الاطفال ودخلها الحمام من غير ولا كلمه وقفل عليها.....

ودقايق وسمعت جرس الباب بيخبط....ولما سمعت من ورا الباب عرفت ان الحاجه اللي طلبها وصلت ..

راحت عالحمام عشان تتأكد من اللي هي خايفه منه..

وفجأه خبطت بأيدها علي وشها... يانهار اسود.. هتصرف ازاي الوقت.........😉😉😉

يتبع بعد التفاعل ب 10 تعليقات ليصلكم اشعار النشر البارت الجديد