سكريبت كامل وحصري لمدونة قصر الروايات

سكريبت كامل وحصري لمدونة قصر الروايات 

سكريبت كامل وحصري لمدونة قصر الروايات 

 = ايوة يا ماما ، انا في القطر اهو يا حبيبتي متقلقيش

_ اوعي تنسي تطمنيني عليكي يا حبيبة ، اول ما توصلي عرفيني

= حاضر يا حبيبتي ، انا هقفل بقى معلش علشان تليفوني قرب يفصل 

_ ماشي يا حبيبتي في رعاية الله 

_________________________________

انا حبيبة ، اتخرجت السنادي من كلية تجارة وزيي زي اي حد قاعدة بدور على شغل ومش لاقية حاجة كويسة ، دة غير اني بعاني من اكتئاب ما بعد التخرج ؛ ودة الي كنت خايفة منه دايما .

قولت لماما النهاردة اني محتاجة اغير جو يومين كدة في اسكندرية علشان نفسيتي مش في احسن حالاتها ، طبعا زي اي ام كانت خايفة عليا بس انا طمنتها اني هكلمها كل شوية .

____________________

_ الكرسي دة فاضي بعد اذنك ؟

 لقيت واحد بيسألني على الكرسي الي قدامي قولتله وانا بشيل شنطتي من عليه:

= ايوة ، اتفضل

كنت قاعدة جنب الشباك بفكر في حياتي الي بلا هدف وجوايا افكار بتقولي اني فاشلة ومش قد المسؤلية ، لقيته بيديلي منديل وبيقولي :

_ انتي كويسة ؟

مكنتش خدت بالي من دموعي الي نزلت 

= ااه ..اه انا كويسة شكرا 

لقيته بيقولي 

_ لو حابة تتكلمي يعني .. اقصد بما ان الطريق طويل ومبنعملش حاجة

بصراحة كنت في اشد الحاجة اني اتكلم مع حد لا يعرفني ولا اعرفه علشان كدة قولتله

= معنديش مشكله انا محتاجة اتكلم فعلا شوية يا ...

_ يوسف ...اسمي يوسف .وانتي ؟

= حبيبة 

_ تعرفي اني بحب الاسم دة جدا بحس انه البنت الي اسمها حبيبة بيبقى عندها صفات الاسم دة 

اتكسفت وابتسمت ابتسامة هادية وانا بقوله

= تشرب عصير ؟

_ عصير ؟؟

= ايوة معايا تحب تشرب 

قالي وهو بيبتسم

_ ماشي مش هكسفك ، تسلمي

= مش هتقول حاجة ؟

_ عايزاني اقول ايه !؟

= يعني .. احكيلي عنك زي ما انا كمان هحكي علشان متبقاش ماسكهالي جميلة 

قال بضحك :

_ جميلة ايه بس واحنا هنشوف بعض فين تاني بس عموما كدة كدة كنت هقول الطريق طويل لسة.

_ انا يوسف عندي ٢٥ سنة ، انا مهندس على فكرة 

= اه هتقولي بقى انا مهندس مش انسان وانا غير باقي البشر والكلام دة 

_ لا لا انا مش كدة انا بعرفك بس

= ماشي اسفه اني قاطعتك ، كمل 

_ عايش مع مامتي واختي في القاهرة 

= امال رايح اسكندرية ليه ؟

_ ما انتي لو سبتيني اكمل هتعرفي 

= احمم ..اسفة كمل

_ في شركة كنت مقدم فيها اتواصلت معايا علشان اعمل الانترفيو بس قالولي ان هيبقى في فرع الشركة الرئيسي في اسكندرية علشان كدة مسافر 

= ان شاء الله تتقبل 

_ ان شاء الله ، احكيلي انتي بقى .

= احكي ايه ؟

_ انتي مش هتقوليلي قصتك ايه؟

= وانا ايش ضمني ان انت شخص كويس

_ نعمممم ... هو انا بعد ما حكيتلك قصتي وشربتيني عصير تقولي كدة 

= خلاص هحكي كنت بهزر 

_ بحسب ، اتفضلي قولي

= انا حبيبة عندي 21 لسة متخرجة وحالي زي اي خريج الدنيا ممرمطاه علشان يلاقي شغل ، عايشة مع بابا وماما واختي ومسافرة اسكندرية علشان مخنوقة 

_ مخنوقة !! دة ليه 

= مفيش حاجة عدلة في حياتي مش لاقية شغل كويس حتى صحابي الي كنا مش بنفارق بعض دلوقتي كل واحدة مشغولة في حياتها وقليل لما بنسأل على بعض 

 تقدر تقول عندي اكتئاب ما بعد التخرج مكانش نفسي اخلص جامعة بسرعة كدة ويبقى عندي مسؤليات 

حسيت اني كبرت فجأة انا اه كبيرة بس حاسة اني لسة صغيرة على المسؤوليات دي .

_ على فكرة الي بتحسي بيه دة نص الشعب حاسس بيه هو بس بيبقى الواحد متلخبط شوية بعد التخرج لحد ما يلاقي نفسه ويتشغل وساعتها هيبطل تفكير 

= يمكن فعلا 

_ وهتعملي ايه في اسكندرية بقى

= ولا حاجة بس بحس براحة نفسية قدام البحر قولت اغير جو يمكن افك شوية 

_ متقلقيش خلي املك في ربنا كبير

= اكيد طبعا 

_ رايحة فين ؟

= هروح التويلت اغسل وشي كدة علشان افوق

كنت ماشية سرحانة بفكر في يوسف وقد ايه كان كويس اني اتكلم مع حد دلوقتي فعلا وبالغلط خبط في واحد 

^ ما تحاسبي يا انسه دة ايه اليوم الي باين من اوله دة

= معلش انا اسفة غصب عني

^ اسفة ايه وزفت ايه الشاي وقع عليا دة انتي عامية 

= انا قولت لحضرتك غصب عني هو فيه ايه 

^ اعمل ايه بأسفك دة يعني القميص بقع هتغسليه ولا تجيبي واحد ولا ..

_ فيه ايه يا باشا ما البنت اعتذرتلك وقالت مكنش قصدها مكبر الموضوع ليه

^ وانت مين يا عم انت كمان غور من وشي

_ لااا بقولك ايه انا غلطان اني بتعامل معاك بأحترام 

= خلاص يا يوسف

^ انت بترسم نفسك بقى بالشويتين دول عارف انا الحركات دي 

_ انا مكنش ينفع اتكلم معاك اصلا من الاول 

وقام مديله بوكس في وشه وقعه على الارض

= خلاص يا يوسف يلا نمشي يلااا

رجعنا تاني لمكانا وانا بقوله : 

= مكنش له لازمة انك تضربه 

_ يعني اسيبه عمال يشتم ويزعق فيكي دة شوية وكان هيمد ايده

= خلاص حصل خير

سكتنا بعدها ويوسف كان بيعمل حجات على اللاب وانا طلعت رواية اقرأها لحد ما نوصل 

______________

_ حبيبة ... حبيبة قومي يلا وصلنا

= ايه دة انا نمت ازاي محستش بنفسي

_ عادي من تعب الطريق 

= مكنتش اقصد ازعق انا اسفة

_ ولا يهمك خلاص

ونزلنا بعدها من القطر 

_ فرصة سعيدة ، مبسوط اني قابلتك واتمنى اشوفك تاني 

= لو فيه نصيب هنتقابل . مع السلامة 

مشينا بقى وكل واحد راح يعمل الي جاي عشانه

انا روحت الفندق الي كنت حاجزة فيه وطلعت شنطتي ونزلت تاني اقعد على اي كافيه على البحر

________________

في الكافيه >

" شط اسكندريه يا شط الهوا روحنا اسكندرية ورمانا الهوا ... يا دنية هنية وليالي رضية .. احملها بعينيا شط اسكندريه "

كانو مشغلين اغاني فيروز وبصراحة اختيار موفق جدا صوت فيروز مع البحر جو مثالي لهدوء الاعصاب

طلبت لاتيه وقعدت اتفرج على البحر وامواجه مع ريحة اليود حسيت نفسي بقيت احسن 

> الجميل قاعد لوحده ليه

= استغفر الله العظيم

> ايه رأيك تيجي معايا دة انا حتى شاب حليوة 

= ما تمشي من هنا هو ايه القرف دة

_ فيه حاجة يا نجم

= يووسف ...

> ايه يا معلم هي تخصك ولا ايه

_ اه تخصني انت مالك ، يلا اتفضل من هنا

_____________

_ انتي بتوقعي نفسك في مشاكل كتير ليه 

= انا مالي شكل مكتوبلي المشاكل تجيلي لحد رجلي 

اه صح ... انت بتعمل ايه هنا

_ خلصت الانترفيو وجيت اقعد في كافيه ومن حظي لقيتك قاعدة وواقعة في مشكلة بردو

= ضحكت ، طب اعمل ايه يعني هو ذنبي 

_ لا يا ستي بس احمدي ربنا اني كنت موجود والكافيه كمان فاضي يعني مكنش حد هيلحقك

=شكرا بجد يا يوسف لتاني مرة مش عارفة اقولك ايه

تسمحلي اعزمك على حاجة ؟

_ يعني دة اسمه كلام بردو لا انا الي عازمك 

= لا طبعا مش ..

_ اعتبريه تعويض عن العصير ...لو سمحت ، عايز قهوة سادة

= شكرا لذوقك

_ ولا اي حاجة المهم ، انتي قاعدة فين ؟

= ايه دة انت هتخطفني ولا ايه 

_ اه هخطفك فعلا واسرقك وابيع اعضائك انا مافيا اصلي ومقولتلكيش ، انتي عبيطة يا بنتي

= عبيطة !! وبنتي ! دة انت خدت عليا اوي 

_ شوفتي بقى المهم ردي عليا ، قاعدة فين ؟

= في فندق قريب من هنا

_ طب حلو هبقى اجي معاكي

= نعم !! انت فاكرني ايه هو علشان اتكلمت معاك شوية تعمل كدة لا انا محترمة و ...

_ شششش ايييه كل دة ، انا بسألك علشان كنت محتاج اوضة ابيت فيها فقولت اشوف انتي في فندق ايه واحجز اوضة هناك مش قصدي حاجة 

= ااه .. ماشي

___________________

 قعدنا نتكلم شوية وبصراحة طلع لطيف اوي وجنتل و مبسوطة اني عرفته 

_ انا همشي بكرا بالليل ارجع القاهرة تاني انتي هتمشي امتى ؟

= بكرا بالليل بردو مش هينفع اقعد اكتر من كدة علشان ماما متقلقش ... ماامااا ينهار ابيض انا مكلمتهاش

_ زمانها قلقانة عليكي كلميها 

= الوو .. ايوة يا ماما معلش والله نسيت اكلمك انا جيت روحت حطيت حاجتي في الفندق ونزلت قعدت في كافيه اهو 

= ايوة هرجع بكرا ان شاء الله ، ماشي يا حبيبتي مع السلامة .

انا ازاي نسيت اكلمها بجد دي كانت هتموت من القلق

_ اهو طمنتيها خلاص 

= انا همشي بقى علشان الحق انام شوية يومي طويل بكرا

_ ليه هتعملي ايه ؟

= عاملة حتت جدول ولا اجدعها مرشدة سياحية 

_ يا سلام عليكي

= تحب تيجي ؟ اقصد لو فاضي يعني ومش وراك حاجة 

ابتسم 

_ انا فاضي بكرا مش مشكلة لما نشوف كدة الجدول دة ايه ظروفه

= مش هتندم صدقني 

_____________________

روحنا الفندق هو حجز اوضة وانا طلعت اوضتي على اتفاق اننا نتقابل الصبح ان شاء الله

= انا ازاي نسيت اخد رقمهههه هيأخرنا كدة ومش عارفة اوصله ياربييي

_ بتكلمي نفسك ليه انا جيت اهو

= كل دة تأخير وبعدين مش معايا رقمك ارن عليك حتى

_ سهلة خدي سجليه 010**^^^**

= تمام هرن عليك وسجل رقمي ، يلا بقى علشان منضيعش اليوم اكتر من كدة 

________________

= ايه رأيك في الفطار بقى ؟

_ انا عمري ما توقعت انك تجيبيني على عربية فول 

= احلى فطار مصري اصيل تاكله بيبقى على عربية فول دة انا كمان جايباك عند اشهر واحد هنا 

ابتسم وهو بيبصلها 

اتوترت من نظراته وقالتله = احمم .. لو خلصت يلا جدولنا لسة طويل 

قامو سوا وحبيبة كانت عاملة جدول فظيع راحو القلعة ومكتبة الاسكندرية وركبو الاتوبيس الي بدورين وراحو قصر المنتزه وكلو ايس كريم وفريسكا وقعدو على البحر شربو شاي وطبعا راحو يتغدو سمك في واحد من اشهر المطاعم هناك 

_ يااااه دة احلى يوم اقضيه في حياتي 

دة انتي طلعتي مرشدة سياحية بجد بقى 

= مش قولتلك عيب عليك ، الي يمشي ورايا ميتوهش

_ فعلا والله بس يلا بقى علشان القطر فاضله ساعة يادوبك نلحق نوصل المحطة 

= ماشي بس قبل ما نروح هنعمل حاجة اخيرة 

_ هو لسة فيه حاجة تاااني 

=ضحكت ، متقلقش تعالى معايا 

راحو عند واحد بتاع تذكارات وجابت ماديليتين وادته واحدة 

= دة تذكار بسيط تفتكر بيه اليوم دة 

_ حلوة اوي تسلم ايدك 

= ناخد صورة ؟

_ ابتسم ، ايوة طبعا يلا 

واتصورو صورة حلوة ذكرى للسفرية دي الي محدش فيهم هينساها

__________________

ركبو القطر وحبيبة نامت طول الطريق من التعب ويوسف فضل يتأملها وهي نايمة ويبتسم كل ما يفتكر رقتها وعفويتها الي شدته

وصلو القاهرة بعد 3 ساعات ويوسف اصر يوصلها البيت علشان الوقت كان اتأخر ، ودعو بعض على وعد انهم يتقابلو تاني 

____________________

بعد اسبوع >

_ حبيبهههههه

= ايوة يا ماما فيه ايه مالك بتصوتي ليه 

_ قومي معايا بسرعة يلا عايزين نروق البيت يلااا

= ما احنا لسة مروقينها محسساني اني جايلي عريس

_جدعة ، فعلا جايلك عريس قومي بقى كدة معايا علشان نخلص وتلحقي تجهزي نفسك قبل ما ييجي

= نعمم ؟؟؟ دة ازاي يعني ومين دة ويعرفني منين

_ هتفضلي تسألي مش هنخلص قومي وهتعرفي بالليل

= قومت معاها وانا مصدومة من عريس الغفلة دي وفي دماغي حاجة واحدة اني هرفضه اكيد

____________________

بالليل في بيت حبيبة >

_ يا اهلا وسهلا نورتو اتفضلو 

= سامعاهم من الاوضة وانا متوترة ونفسي اعرف مين دة 

ماما نادتني علشان اطلع اسلم عليهم ، سلمت على مامته واخته وكان شكلهم طيب اوي وقعدت وانا مكسوفه ابصله 

بابا قال

_ طب نسيبهم لوحدهم شوية يتعرفو على بعض . وقامو

_ انتي ناوية تفضلي باصة للارض كتير

= ايه الصوت دة !!!

 رفعت راسي وانا مصدومة 

انت !!؟

_ مفاجئة صح 

= ازاي ، انا مش مستوعبة مقولتليش ليه انك جاي تتقدم

_ قولت اعملها مفاجئة احسن 

= اشمعنا انا ؟

_ مقدرتش ابطل تفكير فيكي من ساعت ما رجعت شغلتي عقلي وتفكيري وقلبي وقولت هي دي 

= انا كنت من جوايا بطير من الفرحة ما بصراحة الواد حلو ويتحب وانا بردو اعجبت بيه وسبحان من جمعنا تاني .

_ المهم قوليلي ايه رأيك موافقة ؟

= هاااه ، اه .. موافقة 

_ على بركة الله ، سمعينا زغروطة يا ماما

لولولولولييييي

" كان يوم حبك اجمل صدفة ... لما قابلتك مرة صدفه "

 " تمت "