سكريبت كامل وحصري لمدونة قصر الروايات
سكريبت كامل وحصري لمدونة قصر الروايات
-السلام عليكم
-وعليكم السلام
-لو سمحت عندك شاي؟
-ايوا، عايزة نوع آه؟
-آه؟ اومال قارفنا ليه ومخلي شكلك شبه بتوع ايچيبت وآخرها عايزة آه!
-ما تنجزي يا انسة انتِ هتصاحبيني؟
-ماتتكلم عدل
-انتِ اللي اتكلمي عدل وقولي عايزة آه؟
-ماتتكلم عدل يااض
-ماتتكلمي انتِ عدل وتخلصيني علشان مُش فايجلك، عايزة نوع آه؟؟
-انا محدش بيحبني ليه
-يا حزنييييي
-يعني ايه
-يا آنسة انجزيني، عايزة نوع آه؟
-حتي انت مش طايقني
اتعصب:
-ياحلوة لإما تخلصي لإما تفزّي عشان مضربكيش
-خلاص طب هات شاي
-ياولي الصابرين
-في ايه ماتوسع خلقك شوية ولا اقوم امشي؟؟
قال بهمس:
-ياريت
-بتقول ايه؟؟
-بقول علاولة
-يعني ايه
-يا آنسة حنكي وجعني بجالي ساعتين بجولك عايزة نوع آه وانتِ مش فالحة غير في التريجة وفاردة نفسك عليا عشان من القاهرة وانتِ اصلا فلاحة
شهقت:
-نعم؟! فلاحة مين يافلاح يابن الفلاح وربنا دا انا لو قولتلك يعني ايه تكِييف مش هتعرف
-لأ عارف، بنـ*شرب المخـد*رات ط وبنتكييف
-مخـد*رات؟ تكِييف اللي بيطلع هوا مش تكْييف ياشـ*مام يازبالة
اتنهد بقلة حيلة وقال:
-عايزة شاي آه؟
-العروسة
راح جابه من علي الرف ورماهولي
-خدي، والله الوكيل لو شوفتك هنا تاني هطلعلك المطـ*وة
-وعلي ايه ده احنا نمشي جنب الحيط، بكام الشاي؟
-مُش عايز فلوس عايزك تفزّي من جدامي
مشيت بكل هدوء بعد ما هزيت راسي
انا شام، عندي 22 سنة وسافرت مع بابا الشرقية لغاية ما الاجازة تخلص، يعني هقعد حوالي شهرين او تلاتة
جيت من حوالي 4 ساعات واتخانقت مع اختي ونزلت طلعت عصبيتي على واحد معرفهوش
بس مز الصراحة
ابيضاني، شعره كيرلي اسود، وعنده دقن وشنب خفاف
وكان لابس سويت شيرت بسوسته وبنطلون اوسكار وده خلاني افتكره مش من الشرقيه بس طلع فلاح وبيئة
-بابااااااا انا جيييت
-حمد الله علي سلامتك ياحبيبتي
قولتله وانا بصب الشاي في علبته:
-بابا بقولك ايه
-نعم
-يعني ايه ياحزني
-زي يالهوي كده
-طب ويعني ايه فزّي
-امشي من قدامي
-ويعني ايه علاولة؟
-ابدا او مستحيل ياحبيبتي
-اممم
-بتسألي ليه؟
قولتله وانا داخله اوضتي وبخلع الطرحة:
-مافيش اصل سمعت ناس بتقولها فكنت عايزة اعرف
اكيد مش هقوله اني اتهزقت يعني.
-طيب ياحبيبتي، اه صح اعمامك و واولادهم جايين المغرب
-اشطا، ماما فين؟
-راحت تجيب طلبات ياسكر
-اوكي
ــــــــــــــــــــــــــــــــــــــــــ
"استغفر الله العظيم و اتوب اليه"
ماما جت بعد ساعة تقريبا وفضلنا نحضر الغدا وانا بفكر ازاي هنتقم من الشـ*مام اللي هزقني ده
-شاااااااااام
اتفزعت علي صوت ماما وهي بتنادي باسمي:
-في اييييييه
-بقالي ساعة بقولك شام ياشام شام ياشام
-معلش سرحت، عايزة ايه؟
-جيبيلي لمونة ياشماشيمو
قولتلها وانا بفتح التلاجة:
-ياماما بالله بلاش شماشيمو دي، ده دلع شيماء مش شام خالص
-بس حلو، ولا ايه؟
-يقرف ياماما
ضحكت عليا وكملنا نحضر الغدا
بعد فترة كنا خلصنا اخيرا وروحنا نلبس، لبست دريت اسود عليه خمار بيبي بلو، بصيت لنفسي في المرايا وقولت وانا بلف:
-اسم الله عليكِ زي القمر والله يابت ياشوش
بعد نص ساعة اعمامي وعماتي واولادهم بدؤا ييجوا ورا بعض ومعظم كلامهم مش بفهموا
كنت بسلم عليهم كلهم واحد ورا التاني لغاية ما دخل عمي خالد و وراه شاب لابس تيشيرت بيج وبنطلون ابيض، رفعت عيني ابص لوشه...الشـ*مام؟!
اتقابلت عينينا وقولنا في صوت واحد:
-الشـ*مام ده بيعمل ايه هنا؟؟
-العربجـ*ية دي بتعمل ايه هنا؟؟
بابا قال بعدم فهم:
-شمام؟ عربجية؟ هو في ايه!!
اضطريت احكيله اللي حصل
وطبعا خلانا نتأسف لبعض
-دي شام بنتي، وده مهند ابن عمتك ياشام
-متشرفتش
-شام!!
جزيت علي اسناني وقولت بضحكه مصطنعه:
-بضحك معاه!!
في حين ان مهند بصلي بقرف ومتكلمش
عرفت انه عنده 27 سنة، دكتور اسنان بس واخد اسبوع اجازة وبينزل الدكانة بدال باباه
اتغدينا كلنا وقعدنا مع بعض وانا قومت عملتلهم شاي بالنعناع
-اتفضلوا
كلهم خدوا كوباية، قالت حنين بنت عمي:
-تسلم ايدك ياشام
-تسلمي يا جميلة
قال اياد اخوها اللي كان جنب مهند:
-تسلم الأيادي يابنت عمي
-تسلم
مهند متكلمش وشرب علطول، بعدين؟
تف اللي شربه في وش اياد، ومسك منديل مسح بوقه وقال بعصبية:
-ايه الجرف ده؟!
-قرف اما يقرفك انت تطول!
-بالله متخشيش المطبخ تاني
-وحش للدرجة؟؟
-شينة جوي جوي
-يعني ايه
رد اياد وهو بيمسح وشه:
-يعني يجرف ياشام
بصيتله بضيق وقولتله:
-وربنا ماهعملك حاجة تاني ياشمـ*ام
-هيبجي احسن برضو
-حد قالك قبل كده انك مهزق؟
-اه، كتير
زفرت وبصيت بعيد بضيق
اليوم عدي وكلهم روّحوا
نمت، بس نمت وانا بفكر فيه، اعجبت بشكله مش اكتر!
اصل مستحيل احب شرقاوي ايه القرف ده!!
عدت ايام وكنت بعتمد اشتري كل يوم من الدكانة عشان مش هشوفه تاني
في يوم نزلت وشوفته قاعد علس كرسي ومنزل وشه في الارض
-السلام عليكم
قال بصوت ضعيف:
-وعليكم السلام...
-هات بستكـ...مهند انت بتعيط؟!!
مسح دموعه بسرعة و بص للنحية التانية وقال:
-اخلصي عايزة ايه؟؟
-عايزة ايه؟
هي مش كان اسمها عايزة آه؟
ضحك بخفه ورفع راسه، بعدين مسح وشه بايده وقال:
-انا اصلي من القاهرة، بس كنت بكلمك بالشرقاوي علشان ارخم عليكِ
-طب ما حلو ده طلعت من ايچيبت يا ابن عمي
ضحك وبصلي وعينه وناخيره محمرين وقال وهو مبتسم:
-ها، عايزة ايه؟
-مالك يامهند؟
-مافيش
-تمام، لو مش عايز تقول براحتك
هاتلي بسكوت ساده
جابه من علي الرف وادالهولي
كالعادة مرضاش ياخد فلوس
فخدت البسكوت وجيت امشي...
-شام
لفيت له وقولتله بهدوء:
-نعم
-هتعملي ايه لو اقرب صاحبه ليكِ كانت بتتفق عليكِ من وراكِ؟
فكرت شوية وعجزت اني اعرف:
-مش عارفة...
-وانا برضو مش عارف...
رجعتله وشديت كرسي تاني
-احكيلي
اتنهد بحزن وقال:
-صاحبي أيمن اعرفه من ابتدائي
كبرنا مع بعض وبقينا زي الاخوات
معاه كل اسراري ومعايا كل اسراره
عرفت النهاردة من واحد صاحبي انه كان عايز يعمل حاجة لما ارجع عشان يخليني اتطرد من المستشفى
-وانت ليه مفكرتش ان صاحبك اللي قالك بيكذب؟
بصلي بتركيز وقال:
-تقصدي ايه؟
-انت تعرف ان أيمن ممكن يعمل كده؟
سكت شوية وبعدين قال:
-لأ...
-طب ممكن يفكر يعمل كده؟
-تؤتؤ....
-طب عمره عمل كده قدامك لحد تاني؟
هز راسه يمين وشمال بمعني لأ
فكملت بصوت هادي:
-متصدقش اي حاجة انت مش متأكد منها يا مهند، في ناس مريضة بتبقي عايزة توقع الصحاب القريبين في بعض
سكت شوية وبص الأرض
بعدين رفع راسه وبصلي نظرة مفهمتهاش وقال:
-معاكِ حق
قولتله بمشاكسة:
-بقا انت تعيط يامهند
مهند خالد بذات نفسه يعيط!
بصلي بهدوء شديد، بعدين قال:
-انا عمري ما بينت اني بعيط قدام حد
ولما كنت بعيط كنت بدخل جوا لغاية ما اخلص واطلع
بس انا كنت عارف انك هتعدي عشان كده فضلت قاعد...
ارتبكت شوية من كلامه بس توهت الموضوع وفضلنا نتكلم شوية
ـــــــــــــــــــــــــــــــــــــــــــــــــ
"لا حول ولا قوة إلا بالله"
عدت اسابيع وشهور، وجيه وقت اني ارجع القاهره
وقابلته في يوم في الشارع
-السلام عليكم
-وعليكم السلام
-عامل ايه؟
-الحمدلله كويس، وانتِ؟
-بخير الحمدلله...
بصلي بتمعن بعدين قال:
-مالك؟
-انا؟
-اومال امي؟
اتنهدت وقولتله بحزن:
-انا هرجع القاهرة
-تما...ايه؟!
-زي ما سمعت
وشه مكانش فيه تعابير، اتصدمت من هدوئه واتصدمت اكتر لما قال:
-تمام تروحي بالسلامة
-بجد؟
-اه
-اروح بالسلامة؟
-مش عايزة تروحي بالسلامة؟
خلاص يارب تعملي حادثة
-حد قالك قبل كده انك مهزق؟
-اه، كتير
سيبته ومشيت وانا حابسة دموعي بالعافية
الحقيقة اني في الفترة دي حبيت مهند...ايوا، حبيت شرقاوي
او قهراوي مش عارفة
المهم اني حبيته
بس بسبب شخصيتة وهزاروا وكل حاجة فيه
بس للأسف، المز مش بيبادلني نفس الشعور ابن ال...
-شام بقولك ايه
قالتها ماما وانا بحضر شنطتي، فرديت منغير ما ابصلها عشان معيطش:
-نعم؟
-اجهزي عشان في عريس جاي كمان شوية
بصيتلها بصدمة:
-انتِ هتتجوزي؟!
-انتِ يافلاحه
-انا؟؟
-اه، جايين كمان ساعتين انجزي
وخرجت
تم تدمير احلامي بنجاح
قعدت اعيط شوية، شويتين، تلاته
معقول كل الاماني اللي كنت رسماها مع مهند هتتدمر؟؟
انا ممكن ارفضه عادي ومحدش هيجبرني بس انا بحب اعمل دراما عادي
-ها جهزتي؟
-اه
كنت لابسة دريس بيبي بلو وخمار ابيض، طلعت وانا باصه للأرض وماسكه صنية الشاي بالنعناع، وقعدت بهدوء تام
-الأرض شكلها حلو؟
الصوت ده انا عرفاه كويس!!
اللي في بالي!
يارب اه
-مهند!!
-تخيلي!
-انت...مش فاهمه حاجه!!
-الموضوع ببساطة لما قولتي انك هتسافري وحسيت انك هتوحشيني قررت اسهل الموضوع واتجوزك ونسافر سوا
-وانت واثق منين اني هوافق
-لو موافقتيش هطلعلك المطـ*وة
-وعلي ايه ده احنا نمشي جنب الحيط...
خد كوباية الشاي وشرب منها، متفهاش!
فسألته بلهفه:
-حلوو؟!
بصلي وهو شوية وهيرجع:
-شينة جوي جوي
-تمت-
ـــــــــــــــــــــــــــــــــــــــــــ
تعليقات
إرسال تعليق
فضلا اترك تعليق من هنا