سكريبت كامل وحصري لمدونة قصر الروايات
سكريبت كامل وحصري لمدونة قصر الروايات
-لابسة الاسود ليه وانا لسة حي؟
قالها عمير اللي كنت مداله الفلوس بعد ما خدت كيس شبسي
-تي ري ري ريييي
تيييي، تي ري ري ري ريييي
قالها صالح اخوه الكبير
-عشان هتمـ*وت دلوقتي
انما دي؟
انا اللي قولتها قبل ما اخد كيس مكرونه وادبه علي دماغه
طيب
هعرفكوا عن نفسي
انا آلاء، عندي 20 سنة
في كلية فنون جميلة
مين عمير وصالح؟
كائنات بحرية مالهمش اي ستين لازمة
بس للأسف ولاد خالتي
وللأسف للأسف للأسف
بحب عمير
بس البعيد مش بيحس
ولا بيسمع
ولا بيشوف
حسبي الله...
أما صالح؟
شحط متجوز وعنده لينا
عمير وصالح بيشتغلوا في دكانة عمو سمير ابوهم في ايام الأجازة، وباقي الأيام بيروحوا شغلهم العادي، عمير شغال دكتور اطفال وصالح شغال مهندس
هكملكوا المصيبة اللي انا عملتها
بعد ما دبيت في دماغه كيس المكرونة اللي اتفتح من قوة الضربة مسكت كيس تاني ورميته علي صالح بس ماجاش فيه للأسف
وبكل بساطة رميت لعمير الفلوس علي الكاونتر وخدت كيس الشبسي وخرجت وانا سامعة صالح بيشتمني
وعمير زمانه دخل في غيبوبة بعد الضربة دي
بحبه والله بس بيستفزني اوي
-مامااا، انا جيت
-حمد الله علي سلامتك
-الله يسلمك ياسكر، بقولك ياماما هو...
قاطعنا فجأة صوت عمير وهو بيزاعق
-وربنا ما هسيبك يا آلااااااااااء
ماما بصيتلي بصدمة وقالت:
-عملتيله ايه يابت؟
-معملتش
جهزي بقا عشان الجنـ*ازة
بصيتله وهو داخل من باب الشقة وطالعة منه ريحه شياط
اخويا الحراق ياعم
-انتِ اتجننتي ولا ايه!؟
-ايه يعني ياعمور ده كيس مكرونة مش حاجة
-والله؟؟
-ايوا
-ولما اجيب كيس مكرونة وادبه علي دماغك نفس الدبة؟؟
-لأ ياعم استهدي بالله كده
بقولك ايه ثواني وجاية
دخلت المطبخ بكل برود ومليت كوباية ماية وطلعت
وقفت قدامه بكل ثبات ودلقت الماية في وشه
-اصلك كنت بتولع
حطيت الكوباية علي الطربيزة وجريت باقصي سرعتي علي اوضتي وقفلت الباب
سمعت صوت زعيقه من برا:
-الاااااااااااااااااااء!!!
قولت بصوت واطي وانا بضحك:
-بتحبك والله
عدي اليوم بسلام الحمد لله ومامُتش
نزلت قعدت قدام العمارة زي عادتي كل يوم بالليل
-الوقت متأخر انتِ قاعدة كده ليه؟
-كل يوم بقعد هنا في الوقت ده
وانت كل يوم بتيجي تقولي نفس الجملة
متعبتش؟
اتنهد ونزل قعد جنبي
-نفسي تلمي لسانك شوية
-مش بعرف للأسف
-مش انا ارتبطت؟
-الف مبـ...انت قولت ايه؟
-ارتبطت
بصيتله بصدمة حاولت اخبيها
-بجد!
مين تعيسة الحظ؟
-سالي اللي معايا في الشغل
بصيت قدامي وانا قلبي اتكسر ميت حته
كنت متوقعة ايه؟
اكيد مش هيحب واحده زيي
دبش
طول الوقت خناق
بس انا كنت فعلا مدياه اهتمام!
دايما كان بيجي هو وصالح يفطروا معانا ويجهزوا عشان الشغل
كنت بظبطله هدومه واكويها
وبختارله الساعة والبيرفيوم
كنت بصحي بدري عشانه!
-حسيت اني معجب بيها من فترة واول امبارح اعترفتلها
مستني اهلها يرجعوا من السفر عشان اتقدملها
-ربنا يتمملكوا علي خير
-يارب، عقبالك
عقبالي ايه يابن الـ
اليوم اللي بعده جيه
صحيت بدري كالعادة وحضرت مع ماما ونيرة مرات صالح الفطار
خلصنا اكل وكويت لعمير لبسه
-شكرا يا آلاء
خد لبسه وجهز
وقف قدام المرايا يظبط شعره وانا مديتله ايدي بساعة لونها بيج عشان هو لابس بني في بيج
خد الساعة لبسها وانا رشيتله البرفيوم
قولتله وانا قاعده علي الكنبة وشكلي زعلان:
-سلملي عليها
بصلي باستغراب وهو بيربط الكوتشي
-هي مين؟
-سالي..
-ااه، ماتقلقيش هجيبها النهاردة تتعرف عليكوا
-اه...تمام
-اجيبلك حاجة وانا جاي؟
-لأ متجيش خالص
-تنحة
-مانا عارفة، غور
نزل وبعد ساعة انا جهزت عشان الكلية
نزلت وقابلت اعز صديقاتي اللي مافيش غيرها اصلا
غادة
طبعا قعدت اصيحلها عشان عمير وهي سمعاني وساكته
بعد الجامعة رنيت علي ماما عرفتها اني هعمل شوبينج مع غادة (اسرع واحدة بتعمل موڤ اون) وهي وافقت
رجعنا علي المغرب وانا شايلة شنط كتير
دخلت الشقة وحطيت الأكياس
-كنتِ فين؟
-وانت مالك
بعدين بصيت للبنت اللي قاعده علي الكنبة اللي قصاده
كانت لابسة دريس بيج وشال بني، شكلهم شبه ازازة الكوفي شيك بتاع المراعي
اول ما دخلت بصيتلي من فوق لتحت، عملت نفسي من بنها وقولتلها:
-انتِ سالي صح؟
-ايوا، انتِ مين؟
اتقدمت و وقفت قصادها ومديت ايدي عشان اسلم عليها
-الاء، بنت خالة عمير
-مبسلمش
-ليه هو انا ذكر؟
-لأ بس اللي هو يعني eww بجد انتِ لسة جاية من برا اغسلي ايدك
بصيت لعمير وبلمت
-روحي اغسلي ايدك يا آلاء
كتمت غضبي وروحت غسلت ايدي
رجعت وكانت قاعده بتلعب في شعرها وبتهزر مع عمير، اول ما شافتني راحت مديتلي أيدها وهي مبتسمه ابتسامة مستفزة
بصيتلها بقرف وقولت:
-مبسلمش
-ليه؟
-شعرك مزيت وانتِ حطيتي ايدك فيه
عمير قال بصوت حاد وعالي:
-آلاء!!
بصيتله بلا مبالاة قولتله:
-ايه؟
سالي قالت بغضب:
-شعري مزيت ايه!!
انتِ اصلا اتلاقيكِ لابسة طرحة عشان شعرك اكرت!
انتِ مش شايفة الفرق بيني وبينك؟
قربت مني وقالت بغرور:
-بصي فرق الحجم ياحبيبتي
بصي علي لبسي وعلي لبسك
انتِ فاكرة انك ممكن تتحبي بمنظرك ده؟
انتِ مجرد...
وقبل ما تكلم عمير زاعق بصوت مرعب:
-سالي اخرسي!!!
ايدي اتحركت لوحدها وضربتها بالقلم
اكتر حاجة بحبها في نفسي تلقائيتي دي والله عاش ليا
حطت ايدها علي خدها بصدمة وعمير شدني بعدني عنها وقال لسالي:
-يلا ياسالي عشان تروّحي
بعدين بصلي:
-وانتِ حسابك معايا بعدين
خرج هو وسالي وانا دخلت اوضتي
معاها حق...
لأ
انا مش زي البنات اللي هقولك بقا ده انا وحشه وهي معاها حق ومش عارفة ايه
انا حلوة
وشكلي عاجبني جدا لذلك ولا دمعة هتنزل علي واحده زيها
بعد نص ساعة الباب اتفتح فخمنت ان عمير جيه
-آلاء!!
نادي عليا وانا نطقت الشهادة سبعين مره
خرجت وبصيلته ببراءة
-هو ايه اللي انتِ عملتيه ده!؟؟
-كان المفروض اسكتلها يعني؟
صوته علي اكتر:
-انا سكّتها انتِ ضربتيها ليه؟!!
ولا انتِ مش بتعرفي تتكلمي غير بايدك؟؟
-هي اللي كانت محتاجة ضربة تفوقها
-مسك معصمي وضغط عليه جامد اوي وقال بتهديد:
-ايدك دي لو مابطلتيش تمديها علي اي حد هكسرهالك
-آهه يا عمير سيب ايدي
زاعق بصوت عالي اكتر:
-ســــامــعــة؟!!
-سيب ايدي!!
سابها ورجع خطوة لورا وانا عيني دمعت من كتر الوجع
اصله عجل وايده شبه ايد سلطان كوزن
بصيتله وانا ماسكه ايدي وبعيط وزاعقت فيه:
-انت بتعمل كده عشان دي!!!
-انا مش هعمل كده عشان واحده متستاهلش!!
-وطالما هي متستاهلش جاي تزاعقلي ليييه؟!
-عشان تبطلي تمدي ايدك علي اي حد!
مش كله هيستحملك زيي!!
-انت محسسني اني بطفي السجـ*اير تحت باطـ*ك ليه؟؟
-آلاء ادخلي اوضتك عشان كلمة كمان وهضربك والله
دخلت اوضتي وفضلت اعيط
مع اني الغلطانة!
بس هو كده
صحيت تاني يوم في معادي المعتاد
صليت الفجر وفطرت معاهم
مكلمتش عمير ولا كويتله لبسه ولا عملتله اي حاجة
-لبسي فين يا آلاء؟
-معرفش شوف انت حطيته فين
-هو انتِ ماكويتهوش!!
بصيتله وقولت:
-انا مش ملزمة اكويه!
-بس انا مش بعرف
-اتعلم
بصلي وهو مكشر وخرج من الاوضة
وكما توقعت بعد خمس دقايق شميت ريحة شياط
مش عمير اللي بيولع المره دي القميص هو اللي بيولع
خرجت وبصيت علي القميص المحروق وعلي عمير اللي كان حاطط ايده علي بوقه
اتنهدت بقلة حيلة وقولت:
-هات تيشيرت او قميص غيره
بصلي وهو علي نفس الوضعية فكملت:
-هكويهولك
-قولتلك قبل كده اني بحبك؟
-بتـ ايه؟
ارتبك وقال:
-زي اختي يعني
-امم، انجز عشان مغيرش رأيي
-صاروخ
جابلي قميص تاني وكويته واديتهوله
وبعد ربع ساعة جيه سألني:
-البس انهي ساعة واحط انهي برفيوم؟
-معرفش
-طيب...
وبعد عشر دقايق خرجت عشان اشرب مايه لقيته حاطط ازاي البرفان كلها قدامه وقاعد بيشم واحد واحد
دخلت المطبخ وشربت مايه بعدين طلعت وسحبت ازازة برفيوم بكل سهولة واديتهاله
-خد ده حلو
-شكرا
سيبته ودخلت اوضتي تاني
بعد شوية سمعت صوت الباب بيتقفل فعرفت انه خرج
عدي يوم طبيعي جدا بس الفرق حاجة واحده بس
-آلاء!
بصيتله، كان سيد زميلي في الجامعة
-عاملة ايه؟
-الحمدلله
-احمم، يعني انا شوفتك ماشية لوحدك وصاحبتك غايبة وكده
تحبي اوصلك؟
-لأ شكرا
-طريقنا واحد
-عرفت منين!
-بشوفك انتِ وهي ماشيين
-ااه، طيب يلا ليه لأ
ركبت العربية و وصلنا، خرجت انا وهو وفضلنا نتكلم شوية لغاية ما مسيري المهبب وصل
-آلاء!
يادي آلاء وسنين آلاء كرهتوني في اسمي
-شدني ورجعني وراه، طبعا انتوا عارفين هو مين، العجل
بص لسيد بغضب، فسيد اتوتر وقاله:
-انا...سيد زميلها في الكلية
كنت بس بوصلها
-تمام كتر خيرك يا سيد ياريت متتكررش تاني
-انت تعرفها؟
-اه، خطيبها
كان هاين عليا اضربه بالقفا بس مسكت نفسي بالعافية عشان مش هينفع اضربه قدام سيد
-اه...تـ... تمام
بعد اذنكوا
وركب عربيته ومشي
اول ما مشي بصيت لعمير بغضب وضربته بالقفا
-اتلمي يابت!!
-لأ عشان انت مش محترم
-وهو فين الاحترام في انك تقفي مع سيد؟!
-ايه خطيبها دي ياض انت هتخيب ولا ايييه؟!
-آلاء متعصبنيش!!
-انت تنح!
-وانتِ بجحه!
-وانت بارد!
-وانتِ...
قاطعته:
-لولولولولولولولولولولوليييي
ايوا، زغرطت في نص الخناقة، وفي نص الشارع
سيبته في صدمته وطلعت اجري الشقة
-كنتِ بتزغرطي ليه يابت يا آلاء؟
-لأ مافيش كنت بتخانق مع عمير
-هبلة والله
غيري وتعالي ساعديني في الغدا
-حاضر
غيرت وحضرت الغدا معاها، بعدين عمير وصالح وعمو سمير ونيرة جم منغير لينا عشان كانت نايمة، وقعدنا عشان ناكل
صالح:عملت ايه مع سالي ياعمير؟
عمير:سبتها
نيرة:ليه؟ مش انت بتحبها؟
عمير:كنت فاكر اني بحبها، طلع مجرد اعجاب كنت واهم بيه نفسي وانا بحب حد تاني اصلا
عمو سمير:بتحب مين ياولا؟
عمير:الاكل حلو تسلم ايديكوا
عمو سمير:بتحب مين ياااض
عمير:والكفتة تحفة
عمو سمير:ولاااااااا
عمير:نعم يا حبيبي
عمو سمير:بتحب مين؟
عمير:والملخية جناااان
عدت ايام وفي يوم كنت برسم وانا زهقانه ورسمت اول حاجة جت في بالي
عمير
قعدت قدام العمارة في الوقت اللي كله بيبقي نايم فيه ورسمته
كنت برسم كل تفصيلة فيه بحب
(طيب خلينا متفقين ان رسم ذوات الأرواح حرام، ده للرواية فقط لكن طبعا هو حرام)
فضلت حوالي 3 ساعات برسمها وخلصت اخيرا
بصيت الرسمة وانا عيني بتلمع
-اول مرة اعرف اني حلو كده
اتنفضت علي صوته جنبي
حرفيا كان قاعد جنبي وانا مش حاسة بيه
شد الاسكيتش وفضل باصص للرسمة، بعدين بصلي وقال
-تحفة اوي
بس ليه؟
-عـ... عادي يعني اول عشان اول واحد جيت في بالـ...
وهنا أدركت اني جبت العيد
تبا للساني
بصلي بتركيز وقال:
-ليه؟
-احمممم يعني...عشان
بصيتله وزاعقت فيه فجأة:
-بقوولك ايييه
انت فاهم وبتستعبط
-بصراحة اه
-طييييب، تمام
سيبته وطلعت الشقة
نمت وصحيت علي ماما وهي بتقولي ان بابا هينزل من السفر النهاردة
روقنا الشقة وفعلا علي العشاء بابا جيه
وهاتك يا عياط
روحنا وقعدنا كلنا مع بعض وكلنا وهزرنا
لغاية ما عمير قال:
-انا في حاجة مهمة عايز اقولها
بصيناله كلنا بتركيز، فكمل:
-انا هخطب
ولما اضربه بقا بتزعلوا
عمو سمير:مين سعيدة الحظ؟
عمير:آلاء، انا عايز اطلب ايد آلاء منك ياعمو هادي
-وانت مين قالك اني موافقة اصلا!!
احمممم، عدي علي الموقف ده 6 شهور
وانا دلوقتي فين؟
في الدكانة اللي عمير شغال فيها
-هات باكو شاي
-قوليلي هات باكو شاي يازوجي الحبيب وهديكِ
-ولما اديك علي دماغك؟
-ولما اهزقك في نص الشارع؟
-معاك حق
بصيت علي علب المناديل الكتير اللي مرصوصة فوق بعض بشر و وقعتهم
-آلاااااااااااااااااااء!!!
ضحكت وانا بجري وقولت:
-بتحبك والله
-تمت-
تعليقات
إرسال تعليق
فضلا اترك تعليق من هنا