سكريبت بتبصيلي كدا ليه ي انسه؟؟ كاملة وحصريه لمدونة قصر الروايات
سكريبت بتبصيلي كدا ليه ي انسه؟؟ كاملة وحصريه لمدونة قصر الروايات
=بتبصيلي كدا ليه ي انسه؟؟
-بحاول احدد لون عنيك
الشاب بتعجب: افندم؟!!
البنت: هاا لا ولا حاجه انا اسفه سرحت معلش.... وبعدها الباص وقف وسابته و نزلت
الشاب: هبله دي ولا ايه لا بس انت جاامد فعلاا
وضحك
البنت نزلت راحت لصاحبتها ع الجامعه
فاطمه (صاحبتها): ايه الي اخرك كدا ي ست سلمي
سلمي وهي بتنهج: اسكتي والنبي ي فاطمه دا حصل حته موقف كنت اتمني الارض تنشق وتبلعني والله العظيم
فاطمه: نيلتي ايه
سلمي: كنت ف الاتوبيس وفجاه لقيتلك شاب ايه ايه الحلاوه دي ي جدعاان مقولكيش ع الجمدان فضلت مبحلقه فيه شويه وبعدين لما سالني ببصله ليه قولت بغباء بحاول احدد لون عينيك كنت همووت والله العظيم
فاطمه: يخربيتك ي شيخه لسانك دا هيوديكي ف داهيه
سلمي: هو لسه هيوديني م هو وداني خلااص بس الواد جامد الصراحه عينيه زارقه وخضره و رصاصي مع بعض مزيج الوان جميل اوي ، وشعره جميل اوي لونه بني ونازل ع عنيه زي الممثلين الكوريين كدا ، ولا التيشرت الي كان لابسه ااه ع الحلاوه ي جدعاان لابس تيشرت بيبي بلو هياكل من عنيه حته والله العظيم همووت واعرف اسمه عشان احطه ف قائمه الكراشات والله..... بت فاطمه انتي متنحه كدا
صوت جه من وراها: مراد اسمي مراد
بصت وراها بخضه: احيييه
مراد: ايه شوفتي عفريت دا انا حتر عيني مزيج مختلف م الالوان وشعري ع عيني زي الكوريين والبيبي بلو هياكل من عيني حته وحاجه اخر حلاوه يعني
سلمي باحراج وخلاص هتموت وتعيط: ءءءء انا مقصدش دا انا كنت بتكلم ع بطل مسلسل اسال فاطمه وبصت لفاطمه... انتي ي زفته لسه متنحه
فاطمه فاقت: اه بتتكلم ع البطل صح
مراد: غريبه مواصفاته زيي المهم ماعلينا انا لقيت المفتاح دا واقع مكان م كنتي قاعده ف قولت اكيد بتاعك واهي كمان طلعت صدفه اننا ف نفس الكلية
سلمي باحراج: ش.ش. شكرا عن اذنك وخدت المفتاح منه وشدت فاطمه ومشيت بسرعه
وصلوا المدرج وقعدوا هما الاتنين
سلمي: اووف يخربيته ايه دا دا انا اتخضيت خضه دي تاني مره اتكسف ياني برستيچي باظ
فاطمه: م انا اتصدمت بردو انتي كنتي عماله توصفي وهو واقف وراكي و الي اكدلي ان هو انك قولتي لون التيشرت الي لابسه ف فضلت متنحه اكتر بجد المفروض نستخبي بعد كدا عشان منشوفوش
سلمي: عندك حق والله انا هاجي بكره بنقاب
فاطمه: بصي احنا عايزين نعرف هو ف اي قسم عشان نبعد عن كل حاجه تخص القسم دا ومنشوفوش
سلمي: اشطااا
وبعدين سكتت وقالت بصدمه: نهار اسود دا معانا
فاطمه: احنا ايه الي قعدنا قدام منك لله ي شيخه
سلمي: ياني هموووت طب اعمل ايه استخبي فيين يارب عدي اليوم دا ع خير
مراد دخل ووقف ع المنصه وقال: السلام عليكم ورحمه الله وبركاته انا اسمي مراد ادهم الالفي هكون موجود بدل دكتور محمد انهارده انا بحب النظام والهدوء داخل المحاضره والاحترام بردو ، قبل م هكون دكتور وانت طالب ف احنا هنكون صحاب كل الي مش هيكون فاهم حاجه او عايز حاجه مني هكون موجود دايما معاكوا
فاطمه وسلمي بصوا لبعض وقالوا بصوت عالي: لااا
كل الطلاب الي كانوا ف المحاضره بصوا عليهم باستغراب
مراد باستغراب: ايه في ايه ي استاذه انتي وهي
سلمي بتعلثم: ل لا.. و و لاا حاجه اصل.. اصلل. اااه اصل انا كنت بقولها اننا ناكل برجر وهي قالتلي بيتزا ف قولنا احنا الاتنين لاا
مراد بغضب: بيتزا وبرجر انتو مفكرينا ف كافتيريا هنا لو اتكررت وسمعت حد بيهزر او بيتكلم ف شئ غير المضمون بتاع المحاضره هيخرج بره فاهمين
سلمي بدموع: اسفه ي دكتور وحطط وشها ف الارض
مراد بهدوء: تمم بلاش بقا عياط يلا نركز عشان هبدا
مراد بدا شرح وسلمي كانت عماله تعيط وفاطمه كتبت الحاجه الي الدكتور قالها
بعد المحاضره
فاطمه: خلااص بقا ي سلمي اهدي م احنا فعلا غلطنا وبعدين ايه الحجه الخايبه الي قولتيها دي عصبته اكتر
سلمي بعياط: انا مكنتش لاقيه حجه تانيه دي الي جت ع بالي وفضلت تعيط تاني
فاطمه: خلاص عشان خاطري ي سلمي بطلي عيا..... ومكملتش كلامها وسكتت
صوت من ورا سلمي: بطلي عيااط بقا والا عيوني الزارقه هي كمان هتعيط مش بستحمل المواقف دي وضحك
سلمي بصت وراها بسرعه وفضلت ساكته
مراد: بصي ي .. انتي اسمك ايه
سلمي وهي بتشهق من اثر العياط: اسمي سلمي
مراد: بصي ي سلمي انا كان لازم ازعق كدا عشان الي حصل دا ميتكررش تاني دا اولا ، ثانياا بقا انا مبحبش حد يتكلم اثناء المحاضره ثالثا بقا ودا الاهم انا عارف السبب الاساسي لانكوا تقولوا لاا بصوت عالي كمان
سلمي بتوتر: وهيكون ل.. ليه يعني م قولت لحضرتك السبب
مراد بمكر: يعني مش عشان الي حصل الصبح وكنتي محروجه لما لقيتيني معاكو لا وكمان الدكتور ؟!!
سلمي باحراج وتوتر: بص هي دي الحقيقه بس والله مكنتش اقصد انا اسفه
مراد: اسفك مقبول
وكمل بهزار اصل انا طيب
فاطمه: اه طبعاا يلا ي سلمي عشان المحاضره التانيه
سلمي: ماشي عن اذنك ي دكتور وانا اسفه ع الي حصل
وسابوه و مشيوا
سلمي وفاطمه خلصوا محاضراتهم وكل واحده روحت بيتها
عدى شهرين ع اليوم دا وكان عقل سلمى مشغول بمراد وكانت كل مره تروح الكلية متلاقيهوش تحس ان في حاجه نقصاها
************************************************************
"سبحان الله وبحمده ، سبحان الله العظيم"
[ف بيت سلمي]
ولاء(والده سلمي): ايه ي حبيبتي مالك سرحانه ف ايه
سلمي فاقت من شرودها وقالت: لا ي ماما ولا حاجه اومال فين اسر (اخوها)
اسر من وراها: اسر هنا اهو ي جميل
سلمي بابتسامه: حبيبي مشوفتكش من ساعه م جيت
اسر بغمزة: اخوك مشغول
سلمي بضحك: ايه نقول مبروك
اسر: تقدري تقولي كدا
ولاء: ايه دا انا مش فاهمه حاجه
سلمي حطت ايديها حول رقبه مامتها بطريقه مسرحيه
سلمى بضحك: الموضوع ي لولو ي حبيبتي ان الكتكوت دا الي هو اخويا يعني خلااص هيكمل نص دينه
ولاء بفرحه: بجد ي اسر
اسر: بجد ي حبيبتي انا شوفتها من فتره وسالت عليها وعرفت انها محترمه وكدا وكنت قايل لسلمي عليها من فتره و شافتها ف الصور الي وريتهالها واعجبت بيها واهو جالي تليفون من اخوها دلوقتي انه موافق اننا نروح نتقدم
ولاء حضنته بحب: الف مبروك ي حبيبي ان شاءلله هيوافقوا وعقبال م افرح بيكي ي سوسو ي حبيبتي
سلمي: بعد الشر علياا انا كدا كويسه
ولاء بضحك: ربنا يهديكي ي بنتي هيجيلي شلل رعاش بسببك
يسلمي: بعد الشر عليكي ي حبيبتي انتي هتفرحي اهو ب اسور وان شاءلله عياله
ولاء: ان شاءلله ي حبيبتي هنقابلهم امتي ي اسر
اسر: بكره ان شاءلله بعد صلاه العشاء
سلمي بفرحه: اشطا وكمان بكره الجمعه ومفيش كليه اشطات اوي
اسر ضرب كف ع كف وقال بمزاح: عوضي عليك يارب اختي اتهبلت
سلمي ضربته ف كتفه وقالت: بس ي بارد
وقضوا اليوم ف هزار وضحك
تاني يوم
اسر: يلااا ي ماما هنتاخر
ولاء: انا جاهزه ي ابني لسه سلمي
اسر: م تنجزي ي ست سلمي هنتاخر ع الناس
سلمي: خلصت اهو.... اوباا ايه الحلاوه دي ي اسور لا لا عريس بحق وحقيقي
حضنته بحب : احلي عريس ف الدنياا
عنيها دمعت وقالت لو بابا كان هنا كان زمانه فرحان اوي
اسر خرجها من حضنه ومسح دموعها وقال: كان هيزعل لو شاف دموعك انا مش عايز اشوف دموعك دي تاني ي حبيبتي وباس جبينها وباس ايدين والدته وراحوا عشان يقابلوا العروسه
**********************************************************
"لا إله إلا أنت سبحانك إني طنت من الظالمين"
[ف شقة العروسه]
خبطوا ع الباب والي فتح راجل ف الخمسينات ولكن وسيم
ادهم: اهلا اهلا بيكوا اتفضلوا
كلهم دخلوا وسلمي سالت ادهم وقالتله: انا بشبه ع حضرتك
صوت جه من وراها هي عارفاه كويس:اكيد م هو والدي
سلمي بصت وراها بسرعه وقامت وقفت وقالت: لا كدا كتير كتييير اوي يعني
مراد بضحك: هو ايه الي كتيير
سلمي: مقابله باص واحراج وقلت ماشي ، احراج تاني قدام المدرج كله و قولت ماشي ، بقالك شهرين مختفي واحراجي مش راضي يروح من يومها وقولت ماشي ، لكن انك تبقي اخو العروسه كان لااا كدا مش هستحمل
كلهم ضحكواا عليهااا
اسر:ومين قال ان العروسه تبقي اختي
سلمي بعدم فهم: يعني ايه
مراد: بصي ي ستي انا شايفك من سنه واعجبت بيكي جدا كنت دايما بشوفك ف الجامعه ، اكتر حاجه كانت مفرحاني اساسا هي اننا ف نفس الجامه ولما بنبقي ف اجازه كنت بقعد استناكي تحت البيت بتاعكوا ، اتعرفت ع اخوكي وعرفته اني معجب بيك جداا و عايز اتجوزك وافق واحنا الي عملنا حوار صوره البنت وحوار ان اخوكي ييجي يتقدم وكدا عشان تيجي هنا وااه كمان اخوكي عارف كل الي حصل ف الجامعه و مامتك عارفه اني معجب بيكي وعملت نفسها مش عارفه حاجه لما اسر قالكوا ان اخو العروسه وافق انكوا تروحوا تتقدموا وكمان فاطمه عارفه ودا كان اتفاق بينا واخرجي ي فاطمه هي عرفت كل كل حاجه
فاطمه خرجت م الاوضه الي كانت فيها
سلمي: ي حلاااوه وانا زي الاطرش ف الزفه
وضربت فاطمه ع كتفها وقالت: وانتي ي جزمة تبقي عارفه كل حاجه وتسيبيني كدا ، لا وعملالي نفسك مصدومه لما شوفتيه يومها
فاطمه: م هو الاتفاق كان بيقول كدا اعملك ايه يعني واساسا اساسا يعني انا عروسه اخوكي شوفتي بقا الصدف
سلمي: لاا حرام والله العظيم حرام
فاطمه: م هو دا من ضمن الخطه اساسا دا بيتنا الجديد الي كنت بقولك عليه و بصي كدا وشاورت ع مامتها وباباها الي خرجوا م الاوضه التانيه وقالت: ودي بقيت الخطه و عمو ادهم وبابا صحاب ف جم هنا عشان الاتفاق
سلمي: انا مش فاهمه اي حاجه
مراد: انا هفهمك وركع ع رجليه و ف ايديه علبه قطيفه جواها خاتم
مراد: تقبلي تتجوزيني
سلمي: ....
مراد: ي سلمي تقبلي تتجوزيني
سلمي بصت لمامتها واخوها الي قالولها ايوه
سلمي: مش هتزعقلي تاني
مراد: مقدرش
سلمي: هتجبلي دايما برجر وبيتزا ونتمشي ع الكورنيش بالليل وننزل تحت المطر لما الدنيا تشتي
مراد: موافق
سلمي ابتسمت : وانا موافقه ي دكتور
اخدت الخاتم حطته ف ايديها و ف الوقت دا الماذون وصل و كتب كتاب سلمي ومراد ، واسر وفاطمه
وقيلت الجمله الشهيره (بارك الله لكما وبارك عليكما وجمع بينكما في خير)
كل واحد قام حضن مراته بعد كتب كتباهم
مراد: بحبك
سلمي وهي بتبصله بحب: وانا كمان
مراد: بتبصيلي كدا ليه
سلمي ضحكت : بحاول احدد لون عينيك
مراد حضنها وضحك وقال: زارقه ي سلمي زارقه والله
"ياما عيون شاغلوني.. لكن ولا شغلووني
الا عيونك انت... دول بس الي خدوني"
تعليقات
إرسال تعليق
فضلا اترك تعليق من هنا