سكريبت كامل رووووعه

سكريبت كامل رووووعه 

سكريبت كامل رووووعه 

- و ياتري بقا بعد ما هربتي من البيت ناوية تقضي بقيت حياتك في الشارع ؟

بصتله بخصْه: يوسف!

= متخافيش.. من امتي وانتي بتخافي مني؟

- انت ايه الى جابك ورايا؟؟ انا مش هرجع!

= مترجعيش.. ومالو خلينا في الشارع حتي طراوه

- انت بتستعبط صح؟ قولت لهم على مكاني؟

= لا مقلتش..

- عرفت اني هنا ازاي؟

= فوقي يا فريده انتي متعرفيش حتة تروحيها اصلا ولو خرجتي بره مربع المنطقه هتوهي

بصتله بعياط: انا مش عايزه ارجع 

- انتي بتعيطي ليه هو حد جه جمبك دلوقتي؟

= انا عارفه انك هترجعني البيت بالعافيه انت طول عمرك قارفني في حياتي عشان بابا مخلفش ولاد مخليك انت دايما الى واصي عليا و مراقبني كأنك البودي جارد بتاعي و كأني انا عيله

ضيق عيني وبصلي: قولي يابنت عمي كمان طلعي الى في قلبك قولي

- كله من تحت راسك انت من كتر ما لازق فيا خليته اول لما جبتله عريس بحبه و بيحبني رفضه ومش مديه فرصه حتي يقابله و بيقولي ماله ابن عمك.!!! 

= ايوه صحيح مالي ده انا مهندس! 

- مهي دي اول مشكلة

= والله العظيم؟ عاوزاني صايع زي العيل الى جيباه

- لو سمحت يا يوسف ، مازن مش صايع

= انتي تعرفي لو حد غيرك بيكلمني بالطريقة دي؟ كنت عجنته مخلتش فيه حتة سليمة.. بس هعمل ايه؟ بخدك على قد عقلك الصغير الى مش ناضج لأنك لسه عيله يا فريده و الا مكنتيش حبيتي واحد مش لاقي ياكل و لسه طالب و سرسجي ومفهوش ميزة واحده توحد ربنا

- كفايه انوه بيحبني! وبعدين احنا في نفس الكلية

= اه هو ساقط مرتين وانتى جايبة امتياز هو في سنه اوله لسه و انتى في سنه تانية!!

بعدين حب ايه؟؟ انتي شايفه ده صح؟ ده حرام وميرضيش ربنا 

- متقعدش تكلمني بالحلال و الحرام

= الله يخربيتك دماغك امال اكلمك بإيه؟ اجبلك قوانين عالم ديزني اكلمك بيها عشان يعجبك؟

" موبايله رن فا رد و عرفهم انوه لقاني "

بصتله بتعجب: فتنت عليا يا يوسف !!

- يلا يا فريده نقوم نروح بلاش هبل 

= هبل ؟ والله؟ 

- فريده مفيش واحده محترمه تهر ب من اهلها 

= انا مهربتش انا سبت البيت شوية وهرجع 

- انتي مصدقه نفسك؟ ولو حد طلع عليكي عمل فيكي حاجه؟؟ عمي احمد لي الجنه انوه مستحملك والله يا فريده !! 

"مردتش عليه فا اتكلم بجديه"

-  انا لحد دلوقتي جمبك و هاروح اهديهم عليكي لأن ابوكي لو مسكك عجنك ده حقه ومحدش يقدر يكلمه لأنك غلطانه كل الى بتعمليه غلط وحرام

" عيطت بحزن شديد ومكنتش عارفه اعمل ايه "

" مكنش قدامي غير اني اسمع الكلام يومها ومشيت معاه "

>>>>>>>>>>>>>>>>>>>>>>>>>>>>>>>>>>

|| بعد مرور تلت سنين ||

" اه فات تلت سنين ابتسمت بسخريه على نفسي لما افتكرت الموقف ده.. و حمدت ربنا ان بابا

 مدبـ ـحنيش يومها.. ولا دبـ حني بعدها لما ضحكت عليهم و محضرتش امتحانات سنه تالته و اضطريت اعيد سنه كامله ؛ ضيعت سنه كامله من عمري 

لكن حاجات كتير اتغيرت في حياتي..! محدش بيتعلم ببلاش لازم يخسر و يقع!! و اهو دي اخر سنه ليا في الكلية.. كان زماني مخلصه و لكن الحمدلله.. "

" كنت اخيرا خارجه من لجنة اخر امتحان في السنه وقفني مازن الى مبطلش يحاول يقرب مني من وقت لما بعدت عنه وسمعت كلام بابا "

- ماشيه كده اخر يوم من غير ما تسلمي عليا؟

= مفيش بيني وبينك كلام اظن انت عارف ده

- انتي اتغيرتي اوي يا فريده

= عشان فهمت ان معندكش مستقبل؟

ضحك بسخريه: بقيتي تبصي للمديات!

= امال عاوزاني اتجوزك ونعيش في عشه؟ ولا انت اصلا كنت ناوي على جواز؟ انت عايز تلعب يا مازن فاكرني لسه عيله هـ ـبله هتضحك عليها؟ 

- انا بحبك يا فريده وانتي عارفه 

= وانا كنت فاكره اني بحبك بس كنت مراهقه وحتي لو بحبك وده مش هيحصل فا كنت هلغي قلبي وافكر بعقلي و العقل بيقول ان ده غلط و حرام انا بقيت واعيه وناضجه ومفيش اي صلة هتجمعنا

في يوم عمري ما هبقي مع واحد ماشي مع بنات الكوكب كلهم

ابتسم بسخريه: حيلك حيلك منتي كنتي زيهم في يوم من الايام 

- اياك تتجرأ وتفكر اني زيهم..!! انا ولا نزلت صور معاك و قليت من نفسي ولا سمحت لك تتلزق فيا او تلمسني مجرد لمسه ولا حتي وافقت اخرج معاك لوحدنا كل كلامنا كان في الكلية فا فوق يحبيبي انت لما لقتني بصدك كنت واخد حكاية الخطوبة وانك تكلم بابا ستارة عشان تخليني اسمح لك تقرب مني واثق فيك ، بني آدم قدْ ر 

" مشيت وسيبته.. بعد لما بلع لسانه ومعرفش يرد عليا و اتفاجئ قد ايه اتغيرت وفهمت!! مبقتش العيله الى عرفها من تلت سنين!!

" رجعت البيت و اتفاجئت بـ يوسف قاعد مع بابا دخلت سلمت عليهم وسألوني عن امتحاني "

- طيب نتكلم في المهم بقا يا فريده بما انك خلصتي

ضحكت: طبعا طالما يوسف هنا يبقوا اتفقتوا عليا

- اه فيه عريس متقدملك وكنت باخد رأي يوسف

" بصتله بصدمه هو ازاي وافق على حاجه زي كده اصلا وقاعد مبتسم اوي !!! "

- ازاي يا بابا يعني عريس مين؟

= واحد ابن حلال.. من طرف الشيخ بلال

- لا طبعا مش موافقة

= ليه ؟ ده حتي يوسف شايفه مناسب و رأيه تقابليه

بصتله بتعجب: والله؟ لا كتر خيرك ابقي اتجوزه انت

" سيبتهم وقومت بغيظ.. و رنيت على أميرة اخته اشتكي لها "

- الو شوفتي الهنا الى انا فيه حضرتك ؟؟!! 

شوفتي اخوكي المهزق الـ

قاطعتني: ممكن تعدي عليا انا محتجاكي!!

" استغربت صوتها "

- حصل ايه يا اميرة مالك؟

= تعالي دلوقتي

" كنت لسه بهدومي فا خرجت

 لقيتهم بيتهامسوا عليا! "

- بقولك ايه انا محتاجه اشوف اميرة دلوقتي قوم وصلني بقا عشان مش قادره اتبهدل في المواصلات تاني 

بابا بصلي: كلمني ابن عمك كويس ده زي اخوكي الكبير

جزيت على سناني: ممكن يا ابيه تيجي توصلني؟ ولا اروح لوحدي لو حضرتك لسه مخلصتش كلام مع بابا على العريس النينجا الى بيطير؟ 

" يوسف كتم ضحكته من غيظ فريده.. "

- طيب تسمحلي يا عمي

= اتفضلوا.. كلميني أجي أخدك و ترجعي قبل الدنيا ما تليل

رد يوسف: انا هوصلها يا عمي متقلقش

" و نزلنا انا و هو وصلت البيت سلمت على عمي و مرات عمي و اميرة كانت في اوضتها استغربت انها مخرجتش تسلم على يوسف "

- انتي مخرجتيش ليه

" كان وشها شكله معيط.. وبتحاول تهدي نفسها "

- فيه ايه يا اميرة قلقتيني !

" فتحت موبايلها وبدأت توريني محادثات بينها وبين شخص كلها حب و غرام و معاكسه! بصتله بعدم فهم "

- هو ده انتي؟  مين عصام ده ؟؟ ده انتي الى بتتكلمي! اكيد لا!! 

دموعها نزلت: انا حبيت.. غصب عني

" فضلت تحكيلي انها اتعرفت عليه في السكشن.. و في الاول دخلها من سكه الملازم و التلخيصات وانوه بيساعدها وعرفها انوه بيحبها بعدين وقالها مستعد يقابل أهلها.. كأني بشوف قصتي بشكل أحدث و أسوء "

- كملي وبعدين؟؟ عمل ايه!

= لاقيته مع بنت تانيه.. كان بيلعب بيا بعد ما علقني بيه لمده سنه! و لما واجهته قعد يقولي اصلي وانا بتكلم معاكي في تفاصيل الجواز قعدتي تقولي اني هجيب و هجيب و هدفع فلوس الشقة لوحدي ومش عارفه ايه وان لو اشتغلتي مش هتديني مرتبك

وانا مش عايز زوجه مش أصيلة و مش مراعيه ظروفي..!! مع ان هو ظروفه كويسه ؛ قعد يقول حاجات غريبة يا فريده !!!! هو مين فينا الى غلط؟

بصتلها بدهشه: انتي مجـ ـنونه ؟؟ هو الى غلط و عايز يحْلع !! وانتي رخصتي نفسك يا اميرة!! 

طبيعي يعمل كده !! 

"فضلت دموعها تنزل وبعدين الباب خبط  فا روحت وقفت وراه و اتكلمت"

- مين؟ 

سمعت صوت يوسف: انا نازل لما تحبي ترجعي رني عليا

- ماشي

" مشي فا رجعتلها "

- طبعا يوسف ميعرفش اي حاجه صح؟

هزت راسها بالنفي: لا.. انا بتجاهل اتكلم معاه عشان هيعرف ان فيا حاجه وانا مش عاوزاه يعرف انا محتاجاه ومحتاجه اتكلم معاه و اتسند عليه بس مش عايزه اخذلة فيا يا فريده هيزعل مني اوي هخيب امله فيا

بصتلها بعصبيه: لما انتي عارفه كده! بتمشي في الغلط ليه؟ بقالك سنه يا اميرة معاه ومفكرتيش تحكي لحد حرام عليكي نفسك!!

- والله ضحك عليا وقالي هيجي يتقدم وكل شوية كان بيقول حجه شكل وانا كنت بحبه ومتعلقه بيه!! كنت عاميه فا صدقته .. و حبيته اوي يا فريده!! 

" فضلت تعيط فا حضنتها بقلة حيلة وانا مش عارفه اعمل ايه طبطبت عليها و حاولت اطمنها على قد ما اقدر.. فضلت اقولها خلاص الى حصل حصل.. بعد ما اطمنت انوه مقربش ليها ولا اذاها بأي شكل.. لكنه كسـ ـر قلبها  و هي برضو على نياتها زي وسهل يضحك عليها وكمان لسه اوله جامعه متعرفش اي حاجه " 

" قعدتها قدامي و رفعت وشها ناحيتي "

- بصيلي هنا.. انا مش هلومك.. بس هقولك كلام.. يوسف اخوكي الى كان قايله ليا

"بصتلي وهي بتمسح عينيها بحزن وندم"

- هو أكيد قالك انك لما هتروحي الجامعه هتروحي بثقة أهلك.. محدش شايفك هناك هما بس واثقين فيكي بتبقي تحت رقابة نفسك يا أميرة..

انا يوم لما هربت من البيت او سيبته يعني ايا كان فا ده لأني برضو حبيت واحد غلطت و سمحت لنفسي اتمادي حدودي

-يوسف فضل يكلمني ويحاول يخليني انساه قالي ان مفيش راجل في الدنيا بيحبك بجد وقصده من ناحيتك خير هيتسلي بيكي طبعا رفضت كلامه قولتله ازاي ده قالي اجي اتقدم وبابا الي رفض و زعقلي قالي لا ده عيل صايع و مرفوض 

لقيت يوسف قالي مكنش هيتقدم و عمل معايا اتفاق قالي كلمي مازن قوليله انك ختي له معاد مع ابوكي ولو جه يبقي ساعتها انتي صح وكلنا غلط

بصتلي بتساؤل: وعمل ايه ساعتها

ضحكت بسخريه: قولتله ان بابا هيقابله فضل يطلع لي ميت حجه و مراحش يقابل بابا فا وقتها فهمت انهم صح واني غلط خت درس عمري ما هنساه!

هو كان بينيمني بموضوع الخطوبة وانوه شاريني

دموعها نزلت: زي ما عصام عمل معايا بس انتي لحقتي نفسك بدري يا فريده لما روحتي قولتي لهم وعرفتي عمي انا الى غبيه وخبيت انا الى عملت كده في نفسي

- بصيلي يا اميرة يوسف قالي جملة وقتها لما قعدت اعيط زيك و كنت ندمانه

قالي لو رخصتي نفسك عمر ما حد هيخليكي غالية..

انا عرفت ان بابا بيغليني .. انك تشركي اهلك في كل تفاصيلك ده شيء يخليكي غالية و عاليه و في أمان تخيلي لو مثلا حد من معرفة بابا ابنه خطبني و بعدها لعب بأي شكل وقتها انا هشتكي لبابا بعين قوية و هيجبلي حقي بالاصول منه و من اهله الى يعرفهم و هننهي الموضوع بأحترام زي ما بدأ بأحترام.. فاهمه؟؟ العيلة قوة يا اميرة!

=  معاكي حق  يا فريده.. كان لازم افهم كده.. محدش منهم عمره قصر معايا في شيء انا الى وحشه ومفيش بنت في الدنيا هبـ ـله زيي

 ابتسمت بحزن: لا بيتهيقالك تعرفي كام بنت بيضحك عليها في العلاقات المستخبيا دي وبيتعمل معاها حاجات بشـ ـعه و بتتعرض للدْل و الاها نه ومفيش حد يساعدها لأنها ببساطه مش موكله حد مسؤل عنها ولا معرفه حد هي بتعمل ايه! فا بيتعرضوا للابترْارْ النفسي و العاطفي!!

ربنا محرمش العلاقات دي من فراغ.. ربنا عارف كويس اننا قلبنا سهل يتعلق ويحب و يتجرح

ربنا رايد يحافظ على قلوبنا عشان كده حرم علينا العلاقات الى زى دي لأنها بتنتهي بكسـ ـرة قلب!

- بس انا مكنتش غلطانه لما اتناقشنا في موضوع الجواز صح! ولا انا فعلا فكرت في الماديات!

- الرجالة اغلبها بيقول زيه الست لازم تشارك و تدفع في مصاريف البيت وكلام كله عبث فا لا يا اميرة ربنا مقالش كده و لا دي رجولة دي نطاعه لازم تفهمي حقوقك و تبقي واعيه و مترضيش ابدا بالقليل مترضيش بأقل مما تستحقي لو شايفه الي قدامك ده كويس بنسبة 80 في الميه و عنده 20 في الميه مشاكل متقبليش بيه!! مترضيش بحد قليل لأنك مش قليلة!

= قليل من ناحيه ايه؟ فلوس؟ مانا كده هبقي ماديه!

- هو انتِ يابت انتي حـ ـماره الموضوع مش بس فلوس ؛ لو من ناحية الفلوس فا دي امرها سهل بتمشي بالاتفاق يكفي انوه يعيشك في نفس المستوي الى اخدك منه عشان متتعبوش لكن الى مفهوش جدال انوه يبقي قليل دينيا او عقليا الى معندوش دين ده مش هيحافظ عليكي ولا يصونك ولا هيبقي راجل معاكي متآمنيش على نفسك معاه

- ولا الراجل الى عقله صْارب مثلا و علاقاته وحشه وسيرته وحشه و علاقته بأهله برضو مش كويسة متفكريش انوه هيجي عندك و يتغير لا ده واحد ملوش عزيز لو علاقته بوالده و والدته وحشه يبقي اساسا ربنا مش هيرضي عن حياته متفكريش تبني معاه مستقبل! 

"هزت راسها وهي بتبتسم وحضنتني"

= شكرا يا فريده لوجودك جمبي انتي اكتر من اختي

رتبت على حضنها: انتي اختي الصغيرة يا ميرا

>>>>>>>>>>>>>>>>>>>>>>>>>>>>>>>>>>

|| في البيت | في اوضتي ||

" يوسف وصلني بعد لما خلصنا كلام سوا دخلت اوضتي اترميت على السرير كنت مبسوطه لما حسيت اني رديت شوية من جمايل يوسف عليا! لكن حزنت اوي لما افتكرت موضوع العريس.. عشان انا حبيت يوسف.. للأسف بعد كل ده اكتشفت اني كنت غبيه لما بضايق وهما بيقعدوا يهزروا واحنا صغيرين ويقولوا يوسف هيتجوز فريده.. و لكن بما اني بقيت ناضجه حطيت املي كله في ربنا و قولت اني هرضي بالي ربنا كاتبه ليا.. أكيد ربنا مش هيختار ليا حاجه وحشه او متناسبنيش! " 

>>>>>>>>>>>>>>>>>>>>>>>>>>>>>>>>>

|| بعد فترة | في بيت عبد القادر ||

" وصلنا بيت عمي لأننا كنا معزومين عندهم " 

- منورة يا فريده

= بنورك يا ابيه

- طالعه من بوقك زي السم ماشاءالله

= متقلش كده مفيش سم بعدك طبعا

- مش ناوية تفكري في موضوع العريس؟ اصلي شايفه مناسب اوي! 

= نفسي مسدوده من الجواز و الكلام ده ياريتك تخليك في حالك

" كنا عمالين نتكلم بصوت واطي ونبين اننا تمام و فالحقيقه عاوزة اقوم او لع في البيت كله " 

" اميرة لاحظت اني بدأت اضايق فا خدتني و دخلنا اوضتها " 

- فيه ايه يا فريده ما تجمدي كده

عيوني دمعت: اخوكي حلو ف اوي يا اميرة !

- لا لا متعيطيش خلاص هقولك

بصتلها بستغراب: تقوليلي ايه مش فاهمه

= بصراحة كده سمعته هو وابوكي بيتفقوا عليكي.. يعملوا موضوع العريس ده عشان يشوفوا ردة فعلك و في الحقيقة بقا يوسف عايز يتقدملك من بدري اوي هو مش حلو ف هو تنح و قاصد يغلس عليكي

فتحت بوقي بصدمه: يوسف عايز يتقدملي انا

بصتلي بتعجب: ده كل الى سمعتيه من كلامي

- يوسف هيتقدملي ؟؟

= وطي صوتك عـ

" قاطعتها وانا عماله اتنطط بفرحه حطت ايدها على بوقي قبل ما اصوت من الفراشات "

- هتفضحينا !!!! مش لازم يعرفوا !!

فضت اضحك وارقص بسعاده: يوسف هيتقدم لي ويويويوي هيتقدم لييييييي 

ضحكت على منظري: انتوا فعلا لايقين على بعض

- الى ميعرفش يعرف... يا اهل المنطقه يوسف عبد القادر هيتقدم ليا

= البت مخها لسع.. وعلقت

" وبعد ما حاولت اللم فرحتي.. قررت انتقم بقا.. و خرجنا نحضر السفرة وبعدين قعدنا.. "

اميرة: احمم مش هتقولي بقا يا فريده

ابتسمت ابتسامه صفرا: اه بفكر يا اميرة

عبدالقادر: خير يا ولاد

اميرة ابتسمت: مش فريده قررت تفرحنا.. اخيرا هلبس فستان في العيله دي

يوسف ساب المعلقه وبصلنا: اشمعنا؟

فريده: اصلي قررت اوافق علي العريس.. بس برضو اخد رأي عمي قولي يا عمي بابا و يوسف موافقين حضرتك رأيك ايه؟

عبدالقادر: انا كمان شايفه شاب ابن حلال

لقيت ماما ردت: وانتي ايه الى غير رأيك بقا؟

فريده: اصلي فكرت بالعقل ليه ارفض؟

يوسف بضيق: والله؟

- ايوه يا ابيه قولت اسمع كلامكم

أحمد: طب خلاص يعني اخليهم يجوا يقابولنا

- ايوه طبعا يا بابا..

" لاحظت كم الضيق الى كان محاوط يوسف وكنت هموت واضحك هو انا قعدت اضحك فعلا انا و اميرة مقدرتش بجد امسك نفسي لحد ما ماما زعقت"

- جرا ايه اتجننوا بتضحكوا على ايه؟

اميرة: اصل فريده فرحانه اوي انهارده مودها رايق

يوسف بغيظ: اخرسي يا اميرة شوية احنا بناكل

رديت بخبث: ايوه يا اميرة مضايقيش ابيه يوسف عاوزاه موده رايق وهو بيحضر خطوبتي.

>>>>>>>>>>>>>>>>>>>>>>>>>>>>>>>>>>

|| بعد مرور يومين | في صالون بيتنا ||

" كنت قاعده انا و اميرة و يوسف و عمي لسه موصلوش المفروض ان ده المعاد الى يجي فيه العريس "

- اميرة.. انا اسفة اني نسيت اسألك انتي كويسة؟

ابتسمت برضا: كويسة اوي يا فيرو شكرا بجد على كل حاجه 

مسكت ايدها و طبطبت عليها: شكرا ليكي عشان اختارتي تتكلمي معايا

" جرس الباب رن و كأنه رن في قلبي كنت هموت واصوت من الفرحه وانا شايفه يوسف داخل هو وعمي قعدنا كلنا وفضلوا يبصوا في الساعه و يصْربوا كف بـ كف "

يوسف:  عمي ده شكله مش بيحترم مواعيده

انا بقول بلاها

احمد: انا كمان شايف كده يا فريده احنا مش قليلين اوعي تزعلي 

" قاطعنا كلامهم انا و اميرة و ضحكنا "

هدي: وبعدين معاكم انتوا بقيتوا مجا نين

عبدالقادر: انا بقول نطلب ايد يوسف لفريده وخلاص بقا بما اننا جينا وكده 

يوسف بتمثيل: خلاص ماشي اكسب فيها ثواب و اتجوزها! امري لله

بصتلهم بجديه: لا شكرا مش عايزه.. أصلها مش عزومة يومين ده جواز عمر كامل يا ابيه... بعدين مش احنا اخوات برضو

ميل جمب ودني: طب لمي الدور و مشي الدنيا

بصيت لبابا: انا مش زعلانه عادي يا بابا هستني نصيبي 

يوسف بنفاذ صبر: ماهو متلقح واقف جمبك اهو من ساعه ما جيتي الدنيا 

" اميرة ضحكت وانا حاولت امسك نفسي" 

- احمم هو فين مش شيفاه! 

= طب تمام اوي عمي انا بطلب ايد فريده لاني بحبها ومش هتجوز غيرها ولا هي هتتجوز غيري وكفاية بقا لحد كده شوفوا هتعملوا ايه يا إما هقوم اعجن البت اميرة

- الله!! وانا مالي يا لمبي !!

عبدالقادر: خلاص يابنتي اكسبي انتي فيه ثواب و وافقي

يوسف: اه ده احنا هنلعب قط و فار !

ضحكت وبصيت لعمي و انا بهز راسي: ومالو عشان خاطرك انت بس يا عمي هوافق.

" صوت الزغاريط علي في المكان.. و الوقت عدا الهوا مكملناش حاجه في فترة الخطوبة وعملنا الفرح علطول.. كان يوم مميز جدا في حياتي فضلت احمد ربنا كتير.. مكنتش استاهل كل ده لكن ربنا كرمه واسع ومغفرته كبيرة.. "

|| بعد تلت سنين ||

- فريده.. عايز اتكلم معاكي

= اتفضل يا سلام

- كنت قاعد مع اميرة بنتكلم عن العريس الي رفضته.. لقيتها بتردد كلام قولته ليكي من يجي ست سنين ولا حاجه.. مش غريبة؟ 

ابتسمت بهدوء شديد و فرحه..: عادي يعني.. اميرة اختي و انا حفظت كلامك و حطيته في دماغي وبعدين قولته ليها عشان تبقي واعيه ومحدش يضحك عليها.. وطالما رفضت العريس تبقي صح انا كمان حساه مش مناسب

= انا حاسس اني كنت مقصر معاها عشان شايفها عاقله بزياده ومش محتاجه نصايح! تفتكري مش بتحبني كفايه؟ 

- لا خالص اميرة بتحبك اوي يا يوسف و متقلقش انا دايما كنت معاها زي ما انت كنت طول الوقت معايا

"ابتسم وحضني وانا حضنته وسرحت "

- اكتر وقت قربنا فيه انا وهي لما حكتلي خطتك انت و بابا مكنتش بنبطل ضحك

" لحظات صمت عدت وانا استوعبت الى قولته.. يخبر! اتكشفت في لحظه صفا "

" خرجني من حضنه وبصلي "

- يعني كنتي عارفه !!! قالتلك ؟؟ عشان كده كنتوا بتضحكوا !! وبتتآمروا علينا

" فكرت بسرعه و بصتله بقلبه وش "

- يعني كنت بتلعب عليا فعلا و بتتفق عليا مع بابا يا يوسف ؟؟ ها ؟ ده انا معرفش حاجه و قولت اوقعك طلع احساسي صح و كنتوا بتضحكوا علينا؟؟

بصلي بتعجب: انتي هتقلبي الترابيزة !! هنرجع نلعب قط وفار ! 

= هقلبها ليه انت اعترفت على نفسك اهو!! 

- تمام ماشي احنا كنا بنهزر!!

= مكنش فيه عريس من اساسه صح؟

بص للأرض وضحك: كلها كانت كدبه اه.. متقلبيش الترابيزة عليا طيب و هخرجك واصالحك خلاص

= خلاص ماشي هعديها عارف ليه

- صعبت عليكي؟

= لا

- عشان بتحبيني؟

= لا؟

- امال؟

= عشان كنت عارفه من وقتها اه وضحكنا عليكم احنا كمان..

- يا ولاد الـ!!! خدي هنا!

= تعيشوا وتخدوا غيرهاااااا محدش يجي علينا احنا ناس قادرة..

#تمت