سكريبت كامل وحصري لمدونة قصر الروايات
سكريبت كامل وحصري لمدونة قصر الروايات
ليله زي اي ليله بس الفرق ان الليلة دي فرحي
هيصه وزغاريط واغاني ماليه البيت وفرحة مالية كل القلوب والوجوه لكن قلبي... خالي من كل دا
تمت التجهيزات ع اكمل وجه وبكل حب ، الميكب ارتست جاتلي البيت بأمر م العريس وجهزت وهو طلع عشان ياخدني وحان وقت الفرست لوك
ماجد: اللهم بارك اي الجمال دا
ماما اخدت البنات وخرجوا
ماجد : انتي ازاي جميلة كدا يا الله الجمال دا كله ليا لوحدي
ابتسمت وقولتله شكرا
قرب مني مسك ايديا وباسني من دماغي
ماجد : ربنا يقدرني واكون زوج صالح واسعدك
ابتسمت بخجل
وقف جنبي ومسك ايديا وخرجنا م الاوضه ونزلنا وكانت بتزفنا زغاريط بنات العيله ركبنا العربيه وبقيت العيله ف عربياتهم والزفة كانت ولا اروع انا وهو بس ف العربية هو سايق وانا جنبه وكل لحظة يبصلي ويضحك كنت ببصله وبفتكر اول مره عرفته فيها
فلاش باك
جميلة : يعني اي هتسيبني دا مش اتفاقنا ي احمد
احمد : م انتي عارفة ي حبيبتي الظروف الي انا فيها
جميلة : ظروف اي الي تخلينا نفشكل الخطوبة ، احمد انت عارف كويس اني مش هقدر اكمل من غيرك احنا اسسنا حياتنا سوا ، يعني اي تيجي ف نص الطريق وتقولي خلاص يعني اي وكتب كتابنا الاسبوع الجاي للدرجادي انا مليش لازمة ف حياتك
احمد : ي حبيبتي مش كدا انا بس بقول هفسخ الخطوبة دلوقتي انا هسافر والله اعلم هقعد اد اي هناك مينفعش اعلقك بيا كدا
جميلة : لا انت كدا بتبيعني مش لانك مش عاوز تعلقني بس زي م انت عاوز ي احمد ربنا يعلم انا عملت اي عشان الخطوبة دي تتم وكنت بعدي اي غلطات بتعملها عشان نكمل بس انت الظاهر ضمنت وجودي زيادة عن اللزوم عشان كدا انا مش همسك فيك تاني واتفضل دبلتك
قومت وخلعت دبلتي وحطيتها قدامه ع الترابيزة وانا بشيل قلبي معاها سيبته ومشيت ودموعي سبقاني فضلت ماشية بعيط وهو ولا حتى نده عليا او حاول يتكلم تاني هو ما صدق ، وقفت ف نص الطريق ع الرصيف صوت عياطي ابتدى يعلى حاسة اني مش قادرة اخد نفسي وفجأة محستش بحاجه بعدها
فتحت عينيا لقيتني مش ف اوضتي
جميلة : انا فين
ماجد : ف المستشفى
انتفضت بخوف : اي الي حصل
ماجد : انتي كنت واقعة ف الشارع وانا شوفتك وجبتك هنا والحمدلله فوقتي ، الدكتور طمني قال انك الحمدلله كويسة بس الي حصلك دا اثر صدمة عصبيه
افتكرت الي حصل دموعي نزلت تاني
ماجد بخوف : انتي كويسة ؟
جميلة بدموع : انا عاوزة اروح
قومت من ع السرير وحاولت امشي لكني وقعت تاني ومقدرتش اقوم
ماجد نده ع الممرضة وجت قومتني
الممرضة : مينفعش تتحركي ي استاذة وبعدين لسه ليك محلول كمان نص ساعه مش هينفع تقومي
فجاة لقيت ماما وبابا واخويا داخلين بقلق وخوف
محمد اخويا حضني وانا حاولت اطمنه اني كويسة
ماما وبابا وقفوا جنبي وفضلوا يسالوني عن الي حصل
ماجد : استاذن انا بق طالما اهلك وصلوا
وائل (بابا): استنى ي ابني عاوز اتكلم معاك بره
ماجد : اكيد طبعا ي عمي اتفضل
وائل اخد ماجد وخرجوا بره
وائل : اي الي حصل ي ابني
ماجد : هي اتخانقت مع خطيبها ف الكافية وانا كنت موجود هناك ع التراببزة الي جنبهم ولما سابتله الدبلة ومشيت انا قومت مشيت وراها بدون م تاخد بالها لان كنت حاسس ان دا هيحصل بحكم اني دكتور نفسي ، لان ف الاوقات الي زي دي العقل مبيقدرش يستوعب الي بيحصل ف ممكن تفقد الوعي ف اي لحظة وحصل الي اتوقعته واول م فقدت وعيها بعد عياط لاكتر من ساعه طول الطريق اخدتها وجينا ع المستشفى وعملوا اللازم بس لسالها محلول كمان نص ساعه
وائل : متشكر جدا ي ابني
ماجد : ممكن اطلب من حضرتك طلب
وائل : اتفضل ي ابني
ماجد : انا طالب ايد بنتك
وائل : ايه
ماجد : بنتك محترمة وبنت ناس وانا عارفها كويس من ايام الكلية هي متعرفنيش بس انا عارفها كويس ونكتب كتابنا الاسبوع الجاي ف نفس معاده
وائل : وانت عرفت ازاي دا احنا حتى متعرفناش لسه
ماجد : اولا انا دكتور ماجد دكتور نفسي زي م قولت لحضرتك قبل كدا ثانيا وهي بتفوق كانت عماله تقول دا احنا كتب كتابنا الاسبوع الجاي ي احمد بق تسيبني وانت عارف ان روحي فيك
وائل : انا مش هقدر اصدم بنتي اكتر من الي هي فيه يعني اي تفوق تلاقي نفسها هتتخطب لحد تاني وتتجوزه وكل دا ف خلال عشر ايام
ماجد : اقبل طلبي لو سمحت ي عمي و سيب الباقي ع ربنا وعليا.
وائل : هاخد رايها الاول هي ومامتها واخوها وابلغك
ماجد : متشكر جدا ي عمي ودا رقمي اهو اتفضل و الف سلامه ع دكتورة جميلة
استاذن ومشي و وائل دخل لجميلة
محمد : كل دا ي بابا خير في اي
وائل : ولا حاجة ي حبيبي انا بس كنت بطمن ع حالة جميلة منه
فضلوا قاعدين لحد م المحلول خلص وبعدها مشيو
جميلة روحت نامت
*******************************************************
"سبحان الله وبحمده ، سبحان الله العظيم"
وائل : ي هانم هاتي محمد وتعالي
هانم ومحمد قعدوا
هانم : خير ي حاج
وائل : دكتور ماجد طالب ايد جميلة
الاتنين : ايه
محمد : ازاي وهي مخطوبة اصلا
وائل حكالهم الي حصل
محمد بعصبيه : الحيوان الي امنته ع اختي يغدر بيها بالشكل دا اما وريته
وقام محمد عشان يروحله وائل شده من ايديه قعده تاني
وائل : احنا لسه منعرفش اي الي حصل اختك متكلمتش لحد دلوقتي يبقى تهدى وتسمع الكلام
محمد : م حضرتك الي بتقول ان التاني دا عاوز يخطبها م هي هيصه بق
وائل : اتادب ف الكلام ي محمد وبعدها بص لهانم وقال : وانتي اي رايك ي هانم
هانم : انا مش فارقلي حاجة غير بنتي اهم حاجة تبقى كويسة ومش هناخد اي قرار غير لما هي توافق
وائل : م احمد كان موافقتها واختيارها
محمد : واهي بتتحمل عقوبة اختيارها يبقى احنا ملناش كلام ي بابا وانا حسابي مع الزفت دا
وائل : اياك تعمل حاجة ي محمد اياك انا بحذرك اهو اي حاجة هتاذي اختك قبل اي حد
محمد بتهكم : حاضر
وائل: المهم دلوقتي نسيبها ترتاح ونتكلم بكرة وكدا كدا بكرة الجمعة وانا اجازة هنقعد ونتفاهم
تاني يوم
جميلة صحت وحاسه بوجع ف جسمها وتقل ف دماغها قعدت شوية وبعدها افتكرت الي حصل دموعها نزلت وزادت اكتر لما بصت لايديها ملقتش الدبلة
لقت الباب بيخطب مسحت دموعها بسرعه
جميلة : ادخل
محمد : ي صباح الخير ع اجمل بنوتة ف الدنيا كدا تخضينا عليكي
جميلة : انا اسفة ي حبيبي حقك عليا انا بقيت كويسة الحمدلله بس بابا فين
محمد : بابا وماما ف الصاله انتي الي اتاخرتي ف الصحيان دا احنا صلينا الجمعة وجينا
جميلة : يالهوي دا انا نمت كتير اوي
محمد اخدها وطلعوا برة
قعدوا يفطروا وبعد الفطار قعدوا سوا
جميلة بحزن حكتلهم الي حصل ودموعها نازلة
جميله : انا بس مش عارفة انا عملتله اي ومش عارفة هو لي خد قرار زي دا اصلا ليه عمل فيا كدا
محمد حضنها : هو الخسران والله ي حبيبتي دا انتي ربنا بيحبك
وائل :الحمدلله ي حبيبتي ع كل حال ومين عالم.مش يمكن دا خير ليك
جميلة: الحمدلله
هانم : بابا كان عاوز يتكلم معاكي ي حبيبتي ف موضوع
جميلة :خير ي بابا
وائل قالها ع طلب ماجد
جميلة : هفكر
كلهم : اي
جمبلة : اه هفكر وانت ي محمد معلش هتعبك معايا انا هلملك كل حاجة كان احمد جابها وبقيت الدهب ووديهوله
محمد : حاضر بس انتي كويسة
جميلة : كويسة جدا يلا هقوم الم الحاجة
جميلة قامت لمت كل حاجة وف كل حاجة تشيلها تفتكر الذكرى بتاعها وتبكي اكتر وبعد م خلصت دخلت غسلت وشها وندهت ع محمد وخدها وكلمه واتقابلوا
احمد : ازيك ي محمد اخبارك اي
محمد : كويس اتفضل دي حاجتك
جاي يمشي احمد وقفه
احمد : هي جميلة كويسة
محمد قال من غير م يبصله : اعتقد دي حاجة متخصكش
وكمل مشي
احمد : احلى حاجة ابيعه بق واروح اجيب شبكة هيام اهي احلى وتستاهل الاحلى
********************************************************
"لا حول ولا قوة إلا بالله العلي العظيم"
[ف البيت]
جميلة حابسة نفسها ف الاوضة وبتتفرج ع الصور بتاعها هي وهو ايام الخطوبة و بتعيط وفضلت تكلم الصور
جميلة بدموع : ينفع كدا تسيبني دا انت كنت روحي ليه كدا ليه تعمل فيا انا كدا عارف انا ممكن اوافق عليه ليه عشان اعرفك انك مش فارقلي بس انا حتى معرفوش ، دا قرار متهور صح!! لو كنت هنا مكنش كل دا حصل انا مش هوافق عليه عشان عارفه ان انت هترجع ، انت هترجعلي تاني صح انا قولتلهم هفكر عشان يسيبولي فرصه استناك بس انا عارفة ان عمرك م هتسببني
فضلت اكلم الصور لحد م نمت
صحيت بفتح الموبايل لقيته منزل انه خطب بنت لحظة.... دي صاحبته الي قالي انه سابها عشاني وانها كانت بتفضل تكلمه وهو الي مكنش مهتم عشان بيحبني هو سابني عشانها!! يعني مسافرش دي كانت حجه ، اه ي قلبي ليه اتعلقت بيه ليه عديتله كل مرة هانك فيها ليه عملت كدا ليه
خرجت من اوضتي
جميله : بابا انا موافقة ع ماجد
طبعا بابا ومحمد وماما كانو عارفين انه خطب م الاكونت بتاعه عشان كدا محدش قالي حاجه
الرؤية الشرعية تمت الخطوبة تمت وانهاردة الفرح وانا بلا روح...
بااك
ماجد : جميلة ي حبيبتي انتي روحتي فين
فوقت من سرحاني وبصيتله من غير م اتكلم
ماجد.: اي ي حبيبتي روحت فين
جميلة : سرحت شوية
ماجد بضحك : شوية اي احنا وصلنا القاعة من عشر دقايق وانتي ولا هنا والناس مستنية
بصيت حواليا لقيت اننا وصلنا القاعة والمفروض ننزل م العربية
ماجد نزل ونزلني ودخلنا والكل فرحان وانا مثبته الابتسامة ع وشي بالعافية
الدي جي : يلا ي عريس خد عروستك ع الستيدج
ماجد مسك ايديا ونزلنا
وقت رقصة السلو
كان بيغني بكل حب مع الاغنية ويبصلي وميل ع ودني وقالي : بحبك
حضني ولف بيا كان مبسوط وفرحان اوي ياريتني اقدر ابادله الشعور دا دلوقتي
خلصنا رقصة السلو وصحابي وصحابه واهلى واهله وكله ع الستيدج بيرقص ويتنطط والفرحة مالية كل القلوب ياريتني ابقى زيهم وانساه ، لحظة... هو اي الي جابه هنا ومعاه خطيبته مسكت ايد ماجد وكأني بستقوي بيه بصلي باستغراب بس ف نفس الوقت كان مبسوط
ميلت عليه وقولتله : يلا نقعد انا تعبت م الوقفة
ماحد : حاضر
اخدني وقعدنا ع الكوشة وصحابنا وقرايبنا بيرقصوا وانا مازلت ماسكة ايديه
ماجد بقلق : انتي كويسة
جميلة بحزن : لا
ماجد قلقه زاد ولسه هيتكلم لقى احمد طالع ومعاه بنوته فهم انها خطيبته وفهم جميلة عاملة كدا ليه
احمد راح يسلم ع جميلة ماجد مد ايديه وسلم عليه وقال : مراتي مبتسلمش ع رجاله وابتسمله
احمد باستفزاز : اه سوري اصل كنت بسلم عليها عادي واحضنها وكدا
جميلة : لا والله ي ماجد عمرها م حصلت
ماحد : مصدقك ي حبيبتي يلا ي بشمهندس مش عملت الواجب الف شكر
هيام : لسه انا
وقامت رايحة لجميلة وحضنتها وقالتلها : سابك عشاني وعمره م حبك
جميلة قعدت مكانها بصدمة وماجد قعد بقلق
ماجد : انتي كويسة
جميلة هزت راسها بنفي وقالت : يلا نروح
ماجد : حاضر حاضر هنمشي
ماجد نده ع محمد ووائل وفهمهم وف خلال نص ساعه كانو روحوا
جميلة : انا مش عاوزة اروح البيت ممكن نتمشي مخنوقة اوي
ماجد : حاضر من عينيا
وصلوا البيت مع الزفة واول م الناس مشيت ركبو العربية تاني وراحوا مكان ع البحر ونزلوا م العربيه وقعدوا يتمشوا
جميلة : ممكن اسالك سؤال
ماجد : اكيد اتفضلي
جميلة : ليه
ماجد :عشان بحبك
جميلة بصتله باستغراب
ماجد : بصي ي ستي الحكاية كلها
فلاش باك
بنوته جميلة ماشية ف سنه ٣ كلية طب المنصورة
جميلة : يوه دي كلية مقرفة كل يوم تاسكات واسيمنتات وكويزات الواحد هيرتاح امتى
ماجد : لما يموت
وضحك وكمل مشي
جميلة : شوفي الرخم
رزان(صاحبتها) : فكك منه تلاقيه هو كمان هيطق م الي بيحصل فيه
ماجد كان وقتها ف اخر سنه اعجب بيها جدا خلص كلية واشتغل واسس بيت خاص بيه ع تخيلات هتعجبها ، الكنبة دي حلوة ورقيقة اكيد هتعجبها ، مش هنعمل نيش شكلها بيدل ع انها مش انسانه معقدة عشان تعمل نيش هعمل وهعمل وهعمل واسس بيت مبني ع خياله وزوقها كان بيروح كل يوم الكلية عشان يشوفها فضل كدا لحد م عرف انها اتخطبت اليوم دا حالته كانت وحشه اوي لانه كان عرف من صحابها انها رافضه الخطوبة قبل م تخلص كليتها عشان كدا متقدمش طول م هي كانت بتدرس
اتفاجئ ان خطيبها اتقدم لها وهي ف سنه ٥ ووافقت فضلت مخطوبة سنتين لحد م خلصت ف خلال السنتين دول ماجد كان بيشتغل بكل قوة عشان يحاول ينساها وميفكرش فيها ، ف يوم وهو قاعد ف كافية لقاها بتتكلم مع حد ودا اليوم الي هي فشكلت فيه عشان كدا استغل الفرصة
باك
حميلة بتعجب : ياه ومستحمل كل دا
ماجد : انا جايبك بقيام الليل خدي بالك ودعوة كل يوم ف رمضان وقت الفطار جبتك بتعب كبير اوي
جميلة : وافرض مكنتش فشكلت
ماجد بضحك : كنت هعنس
جميلة ضحكت
ماجد : يااه اخيرا
جميلة : مش عاوز تسمع حكايتي
ماجد : دا انا اعوز جدا
جميله : احمد مهندس بترول اتعرفت عليه ف الجامعة هو اكبر مني بسنتين كنت ف يوم بتمشي انا ورزان ف الجامعة وفي ناس ابتدوا يرخموا علينا وهو جه وقفلهم وعلمهم الادب ، فضل كل فترة يظهر قدامي ويحاول يعمل حوار بس انا كنت بتجنبه لاني مبحبش اتعامل مع ولاد ومينفعش اصلا ، ف بدأ يبعتلي مسدجات ع كل الابلكيشنز الي تتخيلها ومكنتش برد
بس واحدة واحدة بقيت استنى المسدجات بتاعه انجذبت ليه وواحدة واحدة اعجبت بيه وفجاة لقيتني مش بحس بيومي من غير م اشوفه ف الجامعة بقيت حتى الايام الي مش عندي فيها حاجة انزل عشان بس ألمحه ، بعتلي انه عاوز رقم بابا عشان يتقدم استاذنت بابا وقولتله في واحد عاوز يتقدملي وكدا قالي تمام اديله الرقم دي المسدج الوحيدة الي رديت عليها وهي اني اديتله الرقم ، جه واتقدم بابا شافه انه مش مناسب وكذلك محمد وماما وبالذات محمد لان محمد ف هندسه المنصورة بردو وعارفه مع انه مقضاش معاه غير سنه بس طلع في حوارات كتيرة وراه وانه شخص مش كويس
ماما طبعا مكانتش تعرف كل دا انا كنت بحكي لماما وهي عارفة اني بحبه قعدت ازن عليهم واني بحبه اوي وانه هيخليني سعيده وكلام كتير كدا لحد م وافقوا وقولتلهم انا هتحمل النتيجة اول سنه كان حنين جدا وكويس اوي وبيتمنالي الرضا ارضى ، السنه التانية ابتدى يتغير بق بيعاملني باسلوب مش احسن حاجة ويعتذر بحجة ضغط الشغل وانه بيعمل كدا عشاني وعشان يعيشني حياة مرتاحة وكويسة كنت بعدي بعدي واستحمل لحد م عرفت انه رجع لهيام الي كانت صاحبته دي اتخانقنا خناقة كبيرة اوي وقعدنا اسبوع مبنتكلمش
جه البيت واعتذرلي وجابلي هدايا كتير اوي حرفيا كل حاجة بحبها كانت موجودة قعدنا شهرين كويسين ورجع يتعامل بطريقة مش كويسة تاني زعلنا ف صالحني يوم تخرجي جابلي ورد وشكولاتات وخرجني يومها واتصالحنا ومن يومها واحنا كل يوم بنتخانق لحد م انفصلنا يوم م كنا ف الكافية قالي انه هيسافر ومش عاوز يربطني بيه وكلام كدا والباقي انت حضرته
ماجد : اهو راح لحاله بس انا عاوز اقولك حاجة
جميلة : اتفضل
ماجد : انت الي سمحتي لكل دا يحصل
جميلة : ازاي
ماجد : لو كنت وقفتيه عند حده من اول مشكله مكنش كل دا حصل لو كنت عرفتي مامتك ع الاقل كانت هتقولك تتصرفي ازاي صح ، انما انتي اتصرفتي بعقلك انتي وكمان تزعلي وتعيطي وييجي يصالحك ف بقى يتمادى براحته المهم دلوقتي سيرته معادتش تيجي انا بغير وفضلت متحمل السنين دي كلها ولما تبقي معايا تجيبي سيرته كمان لا انا كدا اموت
جميله : بعد الشر عليك
ماجد بضحك: اي دا خايفة عليا يااه اي الحب دا
جميلة : انت مسكت ف الكلمة
ماحد: بصراحه اه
وضحك
جميلة : ممكن نبقى صحاب
ماجد : اكيد طبعا انا اطول اصاحب القمر دا
جمبلة : شكرا
ماجد : شكرا دي تقولها لصاحبتك انما انا تحضنيني
جميلة : كدا لا شكرا ولا غيره
واما جت تمشي شدها وحضنها
حاولت تبعد ولكنه فضل متبت فيها
ماجد بحب : اوعدك هكون الصديق والاخ والاب والزوج والحبيب وكل حاجة تتمنيها بس خليكي معايا دايما
جميلة بادلته الحضن وابتسمت
وكدا تكون البداية لحياتهم والنهاية للاسكريبت بتاعنا ي حلوين
"كنت ابحث عنك دائما وما ان وجدتك استقر الامان بداخلي"
تعليقات
إرسال تعليق
فضلا اترك تعليق من هنا