رواية غرام العيسي الفصل السادس 6 بقلم اسماء السيد حصريه في مدونة قصر الروايات
رواية غرام العيسي الفصل السادس 6 بقلم اسماء السيد حصريه في مدونة قصر الروايات
(غرام العيسي) part 6
في غرفه عيسي وغرام
صحيت غرام ولقت عيسي نايم وهوا قاعد علي الكنبه فقامت اخدت بيجامه ودخلت الحمام
.......... بعد مده
طلعت غرام وكانت عملت شعرها كحكتين وكانت شبه الاطفال اوي قربت من عيسي النايم وهوا عاري الصدر
واخدت الاب توب وقفلته ورفعت رجله علي الكنبه بصعوبه وهوا حس واتعدل بنوم وراحت جابت غطا وغطته
وقعدت علي ركبتها قدامه وابتسمت عليه وكانت مستغربه نفسها اوي وقربت باسته من خده بخفه وبعدين مشت ايدها علي شعره بحنان وقامت وهيا حاسه بشعور غريب
اخدت الاب توب وفتحت كرتون عليه وجابت الحاجات الي اشتريتها وفضلت تاكل وكانت مبسوطه جدا
لحد مانامت علي نفسها ....
@@@@@@@@@@@@@@@@@@@@@@
عند نور كانت واقفه في البلكونه
فجأه طلع يوسف من جمبها لان البلكونتين جمب بعض
يوسف:بتعملي ايه
نور بتوهان :عادي واقفه مع نفسي شويه
يوسف:سرحانه في ايه بقا
نور بمرح:وانتا مالك يا يارخم.. وطلعتله لسانها
يوسف بضحك: انا عاوز أعرف انتي سرحانه في ايه
نور:سرحانه في القمر والنجوم اصل شكلهم عاجبني اوي
يوسف بحب وتوهان:قمر وانتي موجوده يانوري دانتي السما كلها يا نور
نور بدهشه وخجل:شكرا ياجو
يوسف بعد ما استوعب:انا مش بجامل انا بقول الحقيقه
نور :وانتا كمان عسول ياجوو
يوسف في نفسه: وانتي قمر في قلب الجو يا نووري
نور :انتا بقا كنت طالع ليه
يوسف بخبث:عادي صحيح عايزك في حوار
نور بإستغراب:قول ياجو
يوسف:هيا نسمه صحبتك مرتبطه
نور بغيره:ودا ليه إنشاء الله
يوسف بخبث:اصل صراحه شفتها من فتره وعجبتني فحبيت اسأل
نور بغيره شديده: لاء هيا هتتجوز الشهر الجاي وكمان هيا مش حلوه يعني وكمان هيا مش صحبتي
يوسف:بجد يا خساره بس شهر لسا ليا فرصه اتجوزها بردو
نور فجأه ضربته بالبوكس في وشه
نور بعصبيه:دا عشان تتلم يا متخلف وتبعد عن بنات الناس
وسابته ودخلت بغضب وهوا كان مبسوط اوي
@@@@@@@@@@@@@@@@@@@@@@@
في الصباح في غرفه عيسي وغرام
صحي عيسي ولقا نفسه متغطي فستغراب وقام اتجه للسرير ولاقا الاب توب شغال علي كرتون وغرام نايمه علي بطنها وعلي بوقها شوكولاته فبتسم علي منظرها الطفولي جدا
ومد ايده قفل الاب توب وعدلها علي السرير وجاب منديل وبدأ يمسحلها بوقها وفجأه غرام فتحت عيونها واتصدمت وعيسي سرح في العيون الي شبه البحر والسما الزرقا
وفجأه عيسي قرب من غرام وباسها بحنيه وفجأه اتحولت لرغبه عنيفه وغرام كانت بتعيط وخايفه وحاولت تبعده وهوا مش قادر يبعد عنها لحد ماعيسي استوعب لما دموعها جت علي ايده
عيسي بحده: معلش مكنش قصدي بس مقدرتش اتحكم في نفسي بس
واخد هدوم ودخل الحمام وغرام منهاره من العياط
......... بعد مده
بيطلع عيسي وهوا لابس بدله رمادي فخمه ولاقا غرام لسا بتعيط واتجه لعندها وحط ايده علي شعرها
عيسي :غرام اهدي انا مش واحد غريب انا جوزك يا غرام لو تاخدي بالك
غرام بصتله بعيون دامعه وفجأه حضنته جامد وهوا حضنها
وقعد عيسي يهدي فيها لحد ما هديت ونامت في حضنه
فحطها علي السرير بلطف وغطاها وباس دماغه وطفي النور
واتجه للتحت........
@@@@@@@@@@@@@@@@@@@@@@
في الصاله علي الفطار
كانت العيله كلها متجمعه علي الفطار
فجأه دخل دياب
دياب بمرح:صباح الخير عليكم
الكل:صباح النور
دياب بإبتسامه:بتفطرو لاء انا حماتي بتحبني بقا
وقعد علي الكرسي جمب يوسف
يوسف بمرح:ايه الي جابك عندنا يا بارد انتا وكمان هتتطفح
دياب :متتطفح انتا وبعدين خليك في نفسك يا زفت
يوسف:انا زفت ماشي يا دياب الكلب اما وريتك
دياب بضحكه مستفزه : اعلي ما فخيلك اركبه يا جوو
تفيده:اسكتو بقا واطفحو انتو الي اتنين
دياب:اهي حبيبه قلبي بتقولك اطفح ههههه
يوسف:لاء وبتقولك انتا كمان اطفح ههههه
عامر:واد يا دياب انتا مش ناوي تتجوز بقا
دياب وهوا باصص علي مريم :عندك عروسه يا جدي
عامر بخبث:الا عندي كتيير
مريم بصتله بصدمه وغيره
دياب بخبث:مين بقا يا جدي يا حبيبي
عامر :عندك بنات البلد اختار انتا بس
دياب :لاء يا جدي انا بحب وعندي الي مكفياني
وبص علي مريم وهيا اتكسفت
روحيه:ومين دي بقا يا ولا
دياب :بعدين يارورو يا حبيبتي
روحيه:والله بعدين اه دا انتا مسلمتش عليا حتي
عيسي :ويسلم عليكي ليه بقا دا كل يوم هنا دا عامل اقامه في القصر اكتر مني
واتجه للكرسي بتاعه وقعد
دياب بغيظ:انا دا انا مبجيش الا كل سنه مره
رحمه:يا كداب دا انتا كل يوم هنا اومال مين الي واكل البشاميل امبارح ها
دياب:اه والله يا رحومه البشاميل كان تحفه
عيسي:مش بقولكم عامل اقامه
حسن:اومال غرام فين يا عيسي
عيسي:لسا نايمه يا عمي
رحمه بحزن:خليها تسامحني ياولدي
عيسي بإبتسامه :هيا مسماحكي ياما بس ياريت الي حصل امبارح ميتكررش تاني
رحمه:والله انا مش عارفه انا قولت كدا ازاي اصلا
عيسي :حصل خير ياما
رحمه:بس انتا عرفت ازاي يا ولدي
دياب بضحك:الرواتر وصله ههههه
عيسي:فعلا الرواتر بتاع القصر قلي
رحمه بتوعد وقامت اتجهت ليوسف
يوسف وقف ورجع بخوف:اي يارحومه اهدي مالك كدا
رحمه مسكته من ودانه وهوا صرخ بألم
رحمه: لحقت توصل يارواتر ها ماشي يا يوسف الكلب اما ربيتك
يوسف:خلاص والله ماشي يا كلاب
والكل ميت من الضحك
دياب:البس يا معلم ههههه
رحمه:هتتعلم الادب ولا لاء
يوسف:هتعلم يا حبيبتي خلاص بس سيبي وداني
ورحمه سابت ودانه وهوا مسكها
يوسف:ماشي يا دياب الكلب اما وريتك
دياب:الله وانا مالي يالمبي ههههه
عيسي بجمود:يالا يا كلب انتا وهوا ورايا
رحمه:هتتأخر يا ولدي
عيسي:الله اعلم اصلي رايح القاهره
رحمه:ربنا يوفقك مع السلامه
وبالفعل خرجو الشباب وركبو العربيات ومشيو
@@@@@@@@@@@@@@@@@@@@@@
عند غرام صحيت وملقتش عيسي اخدت هدوم ودخلت الحمام
......... بعد مده
طلعت غرام وهيا لابسه دريس بينك فاتح وخمار ابيض ونقاب ابيض وفيه ورود صغيره من اللون الوردي
وكانت جميله
واتجهت لتحت
@@@@@@@@@@@@@@@@@@@@@@
في الصاله كان قاعد روحيه ورحمه وتفيده وبسمه وساره ومريم ونور والباقيين في الشغل عامر في مكتبه
نزلت غرام
روحيه:صباح الخير يا حبيبتي
غرام شاورت .بصباح النور .
وراحت قعدت جمب رحمه
رحمه بحزن:غرام انتي زعلانه مني
غرام هزت راسها بلاء
رحمه:انا عارفه اني زعلتك بكلامي سامحيني
غرام باست ايديها وشاورت. انتي امي.
رحمه حضنتها بحب
غرام شاورت. فين جدو وبابا.
نور فهمتها:جدو في مكتبه وعمي في الشركه اصل عملولو مكتب جديد
غرام فرحت
بسمه بخبث:الله صحيح يا غرام اومال فين المنديل
غرام بصت لرحمه بعدم فهم
رحمه بغضب:دي حاجه متخصكش يا بسمه واتحشمي
بسمه بغيظ:لاء تخصني وتخص اسم العيله مش يمكن متكونشي بنت
روحيه:بسمه لمي خشمك
ساره:علي فكره ماما مغلطتش يا تيتا
بسمه:ايوا انا عشان عاوزه اطمن ابقا غلطانه
وغرام بصلها بعدم فهم وبعدين استوعبت وبصتلها بغضب
ووقفت وشاورت. انتي مالك انتي .
بسمه بشماته:لاء اقعدي كدا واهدي اصلي متكلمتش مع ناس خرسه قبل كدا
ساره:فعلا هتقعد تهوهوي كتير احنا دماغنا وجعانا
رحمه بغضب:بسمه اتحشمي انتي وبنتك بدل قسما عظما اخلي ولدي يرميكو برا القصر
بسمه بكره وشر:انتي هتطرديني عشان البت دي يارحمه
ساره:فعلا انا مش عارفه في ايه ومين دي أصلا
نور بغضب:والله دي مش غريبه دي بنت حسن الهواري ومرات الكبير عيسى الهواري انما انتم لازقين بقالكم فتره مش راضين تمشو مع انهم كانو اسبوع لما ندبر مكان مش4سنين
بسمه:انتي بتكلمي خالتك كدا يانور
غرام قامت واتجهت لمكتب جدها بغضب
نور:استني راحا فين
@@@@@@@@@@@@@@@@@@@@@@
في مكان مجهول
كان قاعد سليمان في مكتبه
( سليمان اكبر عدو لعيسي يبلغ من العمر35سنه بيكره عيسي جدا لانه واكل السوق كله)
دخل عليه مدير اعماله وهوا منصور
منصور:الحق يا كبير
سليمان:ايه في ايه
منصور بخوف:خسرنا المناقصه
سليمان :مين الي اخدها
منصور برعب:عيسي الهواري.
سليمان بخوف وغضب :والله ما هسكتلك يا عيسي
منصور:هنعمل ايه يا كبير
سليمان:هنتقم منه
منصور بتوتر:بس.بس.عيسي الهواري مبيرحمش يا كبير دا ممكن يقتلنا دا وحش
سليمان :اي كان هنتقم منه هيعمل ايه يعني
منصور:ربنا يستر يا باشا
@@@@@@@@@@@@@@@@@@@@@@@
في الجامعه
كانت ميرنا خارجه من المحاضره فجأه عاكسها واحد
سمير :متيجي نشرب حاجه يا قمر
ميرنا:متحترم نفسك يا جدع انتا
سمير:صدقيني انا جدع اوي تب نتعرف حتي
ميرنا بغضب:والله لو مالميت نفسك لطلبلك البوليس
سمير بوقاحه:لاء اهدي كدا وتعالي معايا صدقيني هعجبك
ميرنا:تصدق انك حيوان و.....
قاطعها بوكس في وش سمير وهيا اتصدمت وكان مالك
ونزل فيه ضرب
جه العميد جري
العميد:في ايه يا دكتور مالك
مالك قام من علي سمير وقال بغضب:الاستاذ كان بيعاكس زميلته الاصغر منه
سمير بتعب:محصلش دي هيا الي شم... قاطعه مالك بوبكس تاني
وميرنا منهاره من العياط
العميد:كلكم ورايا علي مكتبي
ميرنا بصت لمالك ومالك طمنها بعيونها ومشيت معاه
.............
في مكتب العميد
العميد :في ايه يا دكتور
مالك بغضب:حضرتك هوا كان بيعاكسها وانا اتدخلت لما لقيته تمادي
العميد:الكلام دا حصل يا انسه
ميرنا هزت راسها ب ااه
العميد:الكلام دا حصل ياسمير
سمير بكذب:محصلش حضرتك دي هيا الي بتحاول تقرب مني بأي طريقه
ميرنا:انتا انسان كذاب ووقح وانا معملتش كدا والله
مالك بغضب:حضرتك الحكايه سهله جدا احنا نرجع الكاميرات ونخلص
العميد:عندك حق انا هرجع الكاميرات حالا
سمير بتوتر:لاء خلاص انا. انا الي عاكستها
العميد:يعني انتا عملت كدا
سمير:اه
العميد:انتي ساقط السنادي وهتعيد السنه ومفصول لحد السنه الجايه تحضر
ميرنا اتصدمت
سمير بصدمه:بس كدا حرام لما اعيد السنه
العميد:هوا دا الي عندي
ميرنا بتوتر:ممكن اتكلم حضرتك
العميد:اتفضلي ياميرنا
ميرنا:خلاص حصل خير وهوا غلط بس انا مسمحاه
العميد:انتي شايفه كدا
ميرنا:اه شايفه كدا لانه حرام يعيد السنه بسببي
مالك بضيق:بس يا انسه ميرنا دا
ميرنا:معلش يا دكتور مينفعش نضيع مستقبله حرام
سمير بندم:انا اسف يا انس ميرنا حقك علي راسي
ميرنا:عادي ولا يهمك عن اذنكم... وخرجت ومالك طلع وراها
@@@@@@@@@@@@@@@@@@@@@@@
في القصر
كانت غرام قاعده مع جدها فجأه سمعو صوت عالي وكان لوحده ست والحرس والغفير مش راضيين يدخلوها
عامر:ايه في ايه
الغفير:في واحده ست عاوزه عيسي بيه يا كبير
غرام بصت لجدها وهوا بصلها
عامر :دخلوها
دخلت الست والي كانت لابسه فستان احمر ضيق وقصير وكان شكلها مش من الصعيد وقربت منهم
عامر :عاوزه ايه ياست
الست:عاوزه عيسي
عامر:اسمه عيسي بيه عاوزه ليه انطقي
الست:عاوزه عيسي جوزي .وووووووو......
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا