رواية فى حضن جلادى الفصل الثالث وعشرون 23بقلم نرمين حمدى حصريه في مدونة قصر الروايات
رواية فى حضن جلادى الفصل الثالث وعشرون 23بقلم نرمين حمدى حصريه في مدونة قصر الروايات
#في_حضن_جلادي
عاصي استغرب كلام رحيم... دا مش رحيم الي يعرفه كأنه اتغير تماما: رحيم.... أمانه عليك تخلي بالك من سجده، وانا لاول مره انهارده متطمن عليها وهي معاك
رحيم ابتسم وهز راسه بدون ما يتكلم
جاد: زينه تبقي اختي انا مش اخت رحيم.. يعني الي يحدد مصيرها هو انا
رحيم بغضب: هو اية الي اختي واختك واحنا من امتي في بينا الكلام دا
جاد: من انهارده... انت ضحيت بزينه عشان ترضي مراتك واخو مراتك، ومش عارف لو الموضوع دا مع رهف كنت هتتصرف ازاي
رحيم: انا عمري مااجي علي حد عشان ارضي حد... كل الحكايه اني بعرف اقرأ الناس كويس ومفيش واحد يضر*ب بالنار عشان وحده ويفضل مصر عليها كدا
جاد: انا ميهمنيش كل الكلام ده... الي يهمني انك تطلق اخته عشان يطلق زينه ودا الحل الي عندي غير كدا هتعامل بالعن*ف وهيطلقها غصب عنه
عاصي فقد اعصابه: لو طبقت السماء علي الارض مش هطلقها... حتي لو رحيم طلق سجده برضو مش هطلقها
دياب: اختتتتتك عايشه في عذاب هنا مش عايز ترحمها من الي هي فيه
عاصي بص لرحيم: انا سايبها مع راجل وواثق انه هيبقي قد الثقه دي
&&&&&&&&&&&&&&
سجده دخلت لغرفه زينه ولقت رهف معاها بتواسيها
زينه: اية الاخبار ياسجده
سجده: مش راضي بأي حل ولا عايز يطلقك... جاد ودياب معقدين الموضوع اوي
رهف: ورحيم؟
سجده: رحيم وافق ترجعيله بس كلهم معارضينه
زينه بفرحه: يبقي هيقنعهم... ان شاء الله يقدر يقنعهم
سجده: مصممين ان طلاقي يبقي قصاد طلاقك
زينه: ااااااية؟
سجده: متقلقيش عاصي مش راضي يتخلي عنك
رهف: طيب ورحيم وافق بكدا؟
سجده سرحت في كلامه وقتها: لا موافقش
&&&&&&&&&&&&&&&&
عبد الرازق: احنا لدلوقتي موصلناش لحل
دياب: ولا هنوصل يامولانا... انا الي عندي قولته طلاق يعني طلاق
رحيم: مفيش حاجه اسمها كدا هي الي متجوزاه مش انتو وطالما هي موافقه ترجع يبقي اية المشكله
جاد: ومن امتي الكلام ده... كلامك مكنش كدا
رحيم: عشان مكنتش عارف نيته... كنت فاكر انه عمل كل دا عشان اطلق سجده، واهو عرضتوا عليه الموضوع وموافقش يبقي دا مش نيته يأذيها او يساومني انا
عاصي: اقسم بالي خلق الخلق اني مافي في نيتي اي حاجه وحشه.... ياناس افهموا والله بحبها بحبها
رحيم: بس انا عندي شرط
عاصي: اية هو
رحيم: زينه متبقاش زوجه تانيه
عاصي: انا طلقت صفيه من يومين
رحيم: كل الي اقدر اقولهولك انك تستني يومين... موافقتهم هما اهم من موافقتي انا
عاصي: وانا موافق
عبد الرازق: طيب نستأذن احنا بقي واتمني انكم تفكروا في الموضوع كويس
دياب: مع الف سلامه يامولانا
جاد لرحيم: ممكن افهم اية الي قلبك كديه
رحيم: انا شايف الي انتو مش شايفينه... ليه مش عايزين تفهموا ان عاصي بيحب زينه بجد وهي كمان بتحبه
دياب: حب؟... رحيم هيتكلم علي الحب والكلام الفارغ ديه، هي وقعتك في شباكها ولا اية
رحيم: ايوة وقعتني ودي حاجه ترجعلي... وبعدين بقي انتو احرار انا مش هتناقش في الموضوع ده كتير
&&&&&&&&&&&&&&
عدت الايام ودياب وجاد بيفكروا في كلام رحيم
ورحيم في دنيته مع سجده وبيحاول يرضيها باي شكل من الاشكال
في يوم خاصه الساعه 2 بعد نص الليل رحيم كان برا وسجده في الشقه مش عارفه تنام... لحد مصوت مفاتيحه بقت ع الباب
رحيم دخل علي اوضه النوم علطول باس ابنه وهو نايم بعدين خرج لسجده الي اتعودت علي كدا خلاص: احمم صاحيه لدلوقتي ليه
سجده: ماانت عارف اني بخاف انام ومفيش حد في الشقه
رحيم اداها الكيس الي في ايده وكان مليان شوكولاتات: ااا طيب خدي جايبهم لسيف
سجده فهمت انهم ليها بس هو خايف تحرجه: لسيف؟!... هو في طفل رضيع هياكل شوكولاته!
رحيم باحراج يضع يده علي رقبته: بالهنا
سجده وقفت وهي بتبص علي الكيس ثم مسكت ايده وحطتهم علي ايده: شكرا انا مش عايزه حاجه... وياريت كفايه محاولات يارحيم، انا مشاعري ماتت من زمان... ومش هتقدر تحييها تاني
سجده كانت ماشيه بس رحيم مسكها من ايديها ورجعها ليه: اعملك اية تاني عشان اثبتلك اني اتغيرت... ياشيخه دا ربنا بيسامح انتي مش عايزه تسامحيني ليه
سجده بانفعال: عشاااااان انا مش ربنا يارحيم.... انا وحده شافت الذل والاهانه والجبر والخيانه، انت مش متخيل انت عملت فيا اية.. انا مش هنسالك اي حاجه عملتها فيا، ثم بدأت تعيط بحرقه: سرقت طفولتي واحلامي كل دا عشان ترضي غرورك... وبراڤو اديك نجحت ودمرتني، تعرف يارحيم اني عايشه جسد بلا روح... انا عايشه عشان ابني وبس.. طيب انت تعرف انا لما مشيت من هنا كنت عايشه ازاي وحصلي اية، متعرفش صح؟....طلقني بقي لو عايزني اسامحك بجد طلقني
رحيم قرب ايده ناحيه وجهها ومسح دموعها ولا كأنه سمع منها حاجه: عهد عليا اعوضك عن كل الي شوفتيه بس اديني فرصه
سجده: مش عايزه تعويض انا عايزه اطلق
رحيم بحنيه وهو بيجاريها: حاضر هطلقك بس كفايه عياط
سجده حست بضيق بس دارت: امتي
رحيم: امتي بقي دي انتي الي هتحدديها... لو بطلتي عند وبقيتي مطيعه وبتسمعي الكلام طلاقك هيبقي قريب غير كدا لا هتشوفي طلاق ولا غيره
سجده: مطيعه ازاي يعني
رحيم قرب اكتر وجذبها من خصر*ها: مطيعه هي محتاجه شرح
سجده: ابعد عني ومتفكرش تقرب مني تاني
رحيم شالها علي الترابيزه وحاوطها بدرعاته: ومفكرش لية... انتي لسه مراتي ولا انتي ناويه تعندي واكنسل انا الطلاق
سجده: عمرك مهتتغير انت ذي ماانت
رحيم: هو عشان بطلب حقي الشرعي ابقي وحش يعني... خلاص مش عايز حاجه
رحيم سابها ومشي وراح ياخد شاور وسجده فضلت علي الترابيزه مستغربه هو معقول سابها تعمل الي عايزاه معقول مغصبهاش ذي كل مره
رحيم خرج بعد عشر دقايق وسجده كانت بتجيب هدوم من الدولاب بس كانت عاليه شويه ورحيم ورا بيراقبها في صمت وعايز يضحك علي منظرها وهي بتقف علي اطراف صوابعها لحد مراح لحد عندها ووقف وراها مباشره لدرجه هي اتخضت ولفتله.. مكنش بيهم إلا بعض السنتيمترات: انت بتعمل اية
رحيم وهو باصص علي الهدوم: عايزه اية من فوق
سجده: انا هجيبه لنفسي ياريت تبعد بقي
رحيم: تجبيه اية؟... انتي بقالك ساعتين بتحاولي
سجده باحراج: اااا ملكش دعوه برضو
رحيم بصلها وعينه في عينها: بحبك... حتي وانتي عنيده
سجده اتصدمت وابتلعت ريقها ببطئ دي اول مره تسمعها منه
سجده بتوتر: اااا سيف.. سيف هيقع
رحيم: سيف مش هيقع... خليكي معايا انا، ولا سيف هياخد كل حاجه لحسابه
سجده: انت عايز اية دلوقتي
رحيم: قلبك يلين شويه... حرام عليكي، انا عمري متخيلت اني هبقي كدا قدام بنت... بس كل دا فداكي ياست البنات
سجده: وانا قولتلك متتعبش نفسك
رحيم: انا بعشق التحدي وبكره تيجي ياحلو
ثم اقترب من شفتيها ببطئ ولكن سجده ابعدت اتجاه وجهها رافضه قبلته
رحيم: ماااشي ياأقسي خلق الله عليا
رحيم اتجهه للسرير وسجده فكرت في كلمه بحبك وابتسمت تلقائي ثم سرعان ما عادت علي ما كانت عليه
سجده: اتعشيت؟
رحيم: لا
سجده: طيب انا هعملك اكل دلوقتي
رحيم: مش عايز... اطفي النور انا هموت وانام
سجده طفت النور ونامت هي كمانتاني يوم دياب كان مجتمع مع جاد
دياب: انا شايف ان كلام رحيم صوح لو عاصي هدفه يذل رحيم او يمسكنا من يدنا الي بتوجعنا كان وافق علي عرضي ان رحيم يطلق وهو يطلق
جاد: انا فكرت كتير ومش عارف اخد قرار
دياب: قول لرحيم يكلم عاصي... بس يكتب عليها من اول وجديد ويتعملها احسن فرح وسط اهلها وناسها
جاد: انت شايف كديه
دياب: وملهاش حل غير كديه
جاد: ماشي... طيب بالنسبالي انا في موضوع كديه عايزك فيه
دياب: قول
جاد: انا هتجوز
دياب: الف مبروووك ياولدي ومين بقي العروسه
جاد: تبقي رهف بنت عمي
دياب بتفكير : امممم
ياترا هيقبل ولا يرفض
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا