رواية ملاك الحياة الفصل الثالث وعشرون والرابع وعشرون والخامس وعشرون بقلم داليا منصور حصريه في مدونة قصر الروايات

رواية ملاك الحياة الفصل الثالث وعشرون  والرابع وعشرون والخامس وعشرون بقلم داليا منصور حصريه في مدونة قصر الروايات 

رواية ملاك الحياة الفصل الثالث وعشرون  والرابع وعشرون والخامس وعشرون بقلم داليا منصور حصريه في مدونة قصر الروايات 

#ملاك_الحياة.. 

#الفصل_الثالث_وعشرون.. 

ملاك بصت لقت زهير واخد الطلقة مكان ادهم في كتفه وادهم وكان واقع جنبه من الصدمة اغمى عليها فايز قال بصدمة: 

-زهير إنت جيت هنا إزاي مش أنت كـ...

وبدأ يتأتأ في الكلام. 

زهير بضحك وفي نفس الوقت موجوع من الطلقة بص على أدهم وأدهم بص عليه وضحكوا. 

زهير بضحك :

-اول مرة أعرف أنك غبي  .. 

أدهم بتريقة :

-سيبه ياصحبي مهو ده حاجه فيه مش هتتغير قوم ..

.. ومد إيديه لـ زهير علشان يقومه. 

فايز بغضب :

-أنتوا إزاي مع بعض مش بتكرهوا بعض، ضحك أدهم ورد عليه وهو بيقول. 

-هفهمك أنا يـ فايز، لانك غبي ومفكر كلنا ذيك أغبياء بس أنت متعرفش،المثلث لو فقد ضلع مبيكونش ليه لازمه وكذالك صداقتنا إحنا إخوات وهنفضل كده مهما حاولتوا.. 

كان فايز واقف مصدوم ومخدش باله من س

ياسين اللي كتفه وربطه وزقُه على الارض، وكذالك أسد من صدمته مشافش زهير وهو بيقرب منه، وربطه بعد خناقه بينهُم .

فايز بعصبيه :

-إزاي إنتوا مع بعض إزاي انا مش فاهم انتوا اتخانقتوا قدام عيني انا بنفسي كنت بحرض زهير وبسمعه بيتكلم عنك اسواء الكلام.. 

ادهم بص لزهير وهو كمل :

-هقولك انا يا فوفر إزاي مع بعض .

نرجع للماضي... 

ادهم كان قاعد وجنبه زهير وياسين وهو بيقول.

-هنعمل أيه المهُمه دي صعبة جدا وكمان الاصعب إني هكون معاكم في كلية الهندسه على إني طالب ذيكُم ومحدش يعرف اننا صحاب من أيام الثانوي. 

زهير بضحك :

-ايه يـ سيادة المُقدم بقي خايف المُهمه اول مرة اشوف كده. 

ادهم بزهق وهو بيبص لزهير :

-يالا مش خايف إنت عارف لولا حامد كان زماني دخلت معاكُم هندسه من سنتين بس أعمل أيه هو علشان كان في الشرطة قدملي فيها وقالي عاوز أشوف نفسى فيك كان لازم أقدم ودخلت مُهمات خاصه وكان فرحان بيا جدا لاني عوضته عن مراته، إلي باعته في أول مشكله. 

ياسين بزعل :

-وانا كمان عمي حامد زعلان عليه بس عندي فكره متجوزه شوفله عروسة وجوزه... 

ادهم بضحك :

-واد يـ ياسين مش هتتغير، المُهم دلوقتي إني لازم اجهز كل الاوراق علشان ابان إني طالب معاكم، ولازم اقدم في نفس الفرقه معاكُم. 

ياسين وزهير في نفس الوقت رفعوا ايديهم عند راسهُم وأدوا التحيه بهزار وهُما بيقولوا :

-تمام يافندم وضحكوا .

.....نرجع من الماضي....

زهير بيكمل:

-بس وفضل أدهم معانا على أساس طالب زينا والباقي إنت عارفه، حضرتك بعت حد من المنظمة بتاعتكُم وخلانا معاكم في المافيا وده كان اول طريق لادهم، كان بيخليكُم في الاول مفكرين إنه هو الوحيد إلي يقدر يقوم بالمهام ده لدرجة لقبتوه بـ الطوفان وضحك.

  وياسين وهو بيكمل :

-كان دور بقي زهير في الحظه دي الغيرة من أدهم علشان يعرف نواياكم ونكتشف كل حاجه وفعلا بدأتوا تلعبوا على المكشوف لم بعت البنت لزهير وهو مكنش اهبل علشان يجري وراها وينسى اعز صحابه. 

ادهم وهو بيكمل :

-وبقى انت من هبلك ادتني منوم ساعتها علشان تجيبها وتنيمها جنبي ورنيت على زهير من غبائك وده خلاك مفكر نفسك ذكي وبدأت تظهر اللي معاك وكان من ضمنهُم اسد إلي كان في الشغل ده من زمان وبسبب نجاحي فيه كان نفسه يتخلص مني. 

كمل زهير :

-وكان الحل إننا بدل منكون اعز أصحباب بقينا أعداء وده حصل بمساعدتك من غير اي مجهود مننا بس ومشينا على المخطط ده وادهم كان بيوقع شغلكُم أول بأول وورقكُم وعمايلكُم والثفقات المشبوهه كلها حاليا عندنا في مصر وانتوا حاليا أقدر أقول إنتهيتوا. 

ادهم بتكبر :

-أقدر أقول كش ملك وضحك... 

ودخلوا قوات الشرطه خدته ورحلته على مصر لانه مصري مهما كان فهيكون عقابه فيها، وادهم خد ملاك وهي مغمى عليها وركب الطيارة الخاصه بتاعته هو وزهير وياسن وفي طريقهُم لأم الدنيا مصر. 

——————&&

بعد فترة ملاك فاقت لقت نفسها في حضن ادهم وهُما قاعدين فالطياره، قامت بصدمه وهي بتقول .

-إنت بخير صح محصلش ليك حاجه وحضنته.

-احم احم نحنُ هنا ايها القوم..

ملاك بصت جنبَهم لقت ياسين وزهير قاعدين جنبهم وزهير بيضحك ويقول. 

-أيه ياعم ادهم لاحظ إننا سناجل وكمان واخد طلقة بدالك ياراجل. 

ادهم وهو بيحضن ملاك اكتر وكان ملبسها عباية سوده وطرحة لانه مستحملش حد يشوفها بهدومها وشعرها إلي اتخطفت بيهُم :

-روحوا اتجوزوا زي محدش قلكُم خليكم سناجل. 

ياسين بضحك :

-ده المُقدم ادهم مش هتسلك معاه احنا نخلينا في نفسنا وخلاص.. 

ملاك بصت على أدهم بصدمة وهي بتقول :

-مقدم مين ده آللي مُقدم وبتشاور على أدهم أوعي تقول إنك هو. 

ادهم بضحك :

-اه هو يامجنونة انا المقدم.. 

زهير بضحك :

-إحنا لسه هنقول كل اللي قلناه لاء خلاص انا تعبت كمل انت يـ ياسين واحكي لمرات أخونا. 

ادهم وهو بيبصلهُم وبيقول :

-اسكت انت وهو مفيش منكُم نفع هحكيلك أنا يا حببتي... 

وحكلها كل حاجة قالها لفايز. 

ملاك كملت :

-بس في حاجه ليه دخلتوني في العبة أو بمعني أصح اتجوزتني وانت اصلا في مُهمة. 

أدهم :

-اسد كان معاكي في الكلية وعرفت أنه بيحبك وهيتقدملك ومكنتش أعرف إنك نفس البنت اللي ضربنتيني و كنت بخطط انتقم منك بس لم عرفت، اسرعت في اني اخطفك واتجوزك وبقيتي مراتي علشان أحميكي منهُم لان أسد ده شيطان. 

ملاك وهي بتبصله :

-يعني هترجعني لأهلي تاني يا ادهم.. 

ادهم بحب :

-حاضر هرجعك اول مننزل من الطيارة هنروح ليهم علطول... 

وفعلاً نزلوا من الطيارة وكُلهم اتجهوا لأهل ملاك حتي ياسين وزهير ملاك خليتهم يجوا معاها تعرفهم على أهلها، وبعد فترة كانوا قدام بيت أهلها وبيخبط ادهم علي الباب.

————

في بيت أهل ملاك كان قاهد ابوها ومامتها واحمد وساره إلي مش بيقعدوا ساكتين بالرغم عمرهُم إلا إنهُم بيضربوا بعض. 

ابو ملاك بزهق :

-احمد ساره اسكتوا شويه دماغي وجعتني منكُم خليني أركز مع الماتش شويه. 

الام بضحك :

-دول أطفال يابو أحمد هيفضلوا طول مهما قاعدين جنب بعض يضربوا في بعض وصوتهَم عالي. 

الاب :

-عندي حل تعالى ياحمد جنبي واسكت. 

احمد يضحك :

-بقي كده ياحج بتيجي عليا علشان بنتك مكنش العشم... وفجأه سمعوا صوت جرس الباب بيرن. 

الاب :

-ياتري مين الي جاي يارب يكون خمس شنط مليانين فلوس.. 

سارة بضحك: 

- اصحى يا رجدي من الحلم وروح افتح يابا... 

احمد :

-انا هفتح بس علشان اخلص من شكلك يا رزلة...

.. وراح في أتجاه الباب، وفجأه وهو بيفتح الباب بيتفاجأ من إلي موجود.. وقال بصدمة... 

#استووووب ياترى احمد هيكون ايه رد فعله لم يعرف الحقيقة وهل هيشوفوا ملاك والا ده كلوا كلام؟ انا بجد اسفه بسبب التأخير بس غصب عني باجي من الشغل يادوب انام ادعموني كتييير قربنا نخلص الجزء الاول... 

معلومة: ادهم علشان مهام خاصة فلازم يعيش كشخص طبيعي وانطلب منه بعد مقعد سنتين الشرطة انه يقدم في كلية هندسة لأنه من شطارته اطلب مهام خاصة.... 

#الفصل_الثالث_وعشرون.. 

#داليا_منصور_الفرجاني.. 

#ملاك_الحياة..

#الفصل_الرابع_واعشرون... 

#ملاك_الحياة 

احمد فتح الباب واتصدم وقال: 

- ملاك.. 

كانت ملاك أخته واقفه قدامه وهي حامل هو من فرحته مكنش مفكر يسألها حاجه خدها في حضنه وبقى يقول .

-وحشيني ياقلب أخوكي وحشتيني قوي.. 

ملاك ببكاء :

-وانت كمان يابو حميد والله .

احمد يضحك :

-مش هتعقلي خالص يابت دأنا قولت الخطف هيخليكي تعقلي وتبقي بعقل شبه البطيخة كدا.. 

ملاك بضحك :

-دي صفه فينا ربنا يخلينا وضحكت لقت اللي بيشدها في حضنه.. كان أبوها وهو بيقولها. 

-حضنك وحشني ياملوكه حضنك وحشني. 

ملاك ببكاء والله يا بابا وانتوا كمان وحشوني لدرجة كنت بفضل اعيط طول النهار علشان اخليه يرجعني ليكُم، وخرجت من حضن أبوها حضنت أمها اللي كانت بتبكي جامد وهي بتقولها. 

-قلبي كان بيتقطع عليكي يابنت بطني كنت قلقانة عليكي قوي.. 

ملاك وهي بتهزر علشان تخرجهُم من اللي هما فيه :

-بذمتك ده من قلبك مش كنت بتقولي امتا تمشي واكسر وراكي قوله، الكل ضحك والام كملت. 

-لاء ياختي وانتي الصادقه كنت عاوزه اكسر زير.

ملاك بزعل مصطنع :

بقي كده ياست الكل ماشي انا أرجع في كلامي تاني وارجع مع ادهومي قرة عيني احسن... 

سارة بضحك :

-استني ابت سلمي عليا الاول وبعدين أمشي.. 

ملاك بهزار :

-حازم حازم.. 

سارة بضحك :

-بسيوني بسيوني وحضنوا بعض. 

احمد وهو بيهزر معاهم :

-انا كنت ناقص واحده جالي التانيه أهي كملت. 

ادهم :

-لاء متقلقش خلصتك من مصيبة بس هتجبلك مصيبتين قريب.  

احمد بصدمة :

-بتقول أيه هو مش أحنا اتفقنا جواز على ورق ياسيادة المقدم انت عملت ايه مع اختي يا استاذ.. ملاك بصت على احمد وابوها وامها وساره كلهم اتصدموا من الكلمة ملاك اتكلمت بصدمة. 

-إنت عارف يا أحمد. 

احمد بتوتر بس بيهديهم وهو بيقول. 

-متفهموش غلط انا هفهمكم كل حاجة انا وادهم...

... ولسه هيكمل ادهم وقفه وهو بيقول. 

-انا هقولهم ياحمد انت اسكت. 

انا المقدم ادهم المحمدي كان عندي مهمة من سنين واني اقبض على عصابه كبيرة، مكنش حد عارف يوصلهم المهم لم جاتلي المهمه بدأت ابحث واعرف الاعضاء المشتركين ولم خلوني انضم معاهم انا وصحابي هما فاكرين سبقينا بس إحنا كنا سابقينهم بخطوتين، بس إلي مكنتش اتوقعه ان دكتور اسد كان معاهم، وعرفت كمان أنه بيحب بنت وكانت ملاك اللي ضربتني قلم وعلشان اخف الشبها عني ومحدش يعرف إني بحميها، كان لازم اعمل كل إلي عملته علشان محدش يشك فيا، احمد في مره جالي متعصب وكان متعصب من الخوف على اخته. 

~~نرجع للماضي... 

احمد بعصبيه:

- إنت إزاي  تقول لبابا بوس إيدي ياسيادة المقدم. 

ادهم بصدمه :

-مقدم مين إنت شكلك خرفت بطل هطل ياض فاهم.. 

احمد ببرود :

-انا عرفت من واحد صاحبي هو في المخابرات ذيك المهم انا علشان اعرفك قولت اسمك وانه خطف اختي ومن تسرعه قالي إزاي المقدم ادهم يخطف اختك وايه علاقته بيها، في الحظه دي شكيت وجيتلك تقولي كل حاجه بدل مفضح خططك ومش هتعرف تنفذ اي حاجه .

ادهم كان لازم يقول لأحمد كل حاجه وانه خطف ملاك علشان يحميها.... 

احمد بصدمة: 

- طب اختي ذنبها ايه دي غلبانة جداً تدخلوها في مشاكلكم ليه... 

ادهم: 

- صدقني انا لو متجوزتهاش اسد هيتجوزها غصب عنكم كلهم حتى لو اطر يعمل ايه علشان يوصلها وساعتها قول على اختك يا رحمٰن يا رحيم... 

احمد بخوف: 

- يعني الحل الوحيد انك تتجوزها طب مكنت حكيت لأهلي كانوا هيسعدوك.. 

ادهم: 

- مينفعش انا ظابط مهام خاصة كان لازم اقفل على الموضوع ومحدش يعلم بيه بس اللي اعرفه  اني كان لازم اتجوزها علشان اسد يبعد عنها خالص وميفكرش فيها... 

احمد بخوف: 

- بس اختي ملاك ملهاش ذنب في اي حاجه يا حضرت الظابط... 

ادهم بهدوء: 

- متخافش انا متجوز اختك على ورق وبس وهي بتكرهني فمش هيتطور أبداً... 

نرجع... 

بس ياحمد إلي مكنتش تعرفه كان في جواسيس عندي في القصر وكان لازم ابينلهم اني مش كويس فكان لازم اعمل كدا غصب عني علشان احمي ملاك لأني عرفت اسد بيخطط يخطفها ويخليها مراته وتفكيره الزبالة خلاني اتمم جوازي من ملاك كان حماية ليها من الاول.

الاب بفرحه :

-ربنا يحميك لشبابك يابني مصر لسه بخير طول مافيها شباب بتضحي بحياتها علشان الحق ذيكُم ربنا يحميكم يارب زي محميتوا بنتي. 

الام بدموع فرحه :

-يعني يابت ياملاك خدتي حظابط زي مكونتي بتقوليلي ومصدعاني دايما. 

ساره بهزار :

-دي محدش قدها الصراحة وكمان عملالنا مخطوفة واني زمانك مستمتعة واراهنك بده... 

ملاك بهزار: 

- ايه ده عرفتي منين دانا كنت بقول هو ده الخطف والا بلاش وكنت مخططة مرجعش هنا تاني والا لو شوفتي دينا يلهوي هتفي على نفسك... 

زهير ضحك وهو بيقول: 

- ادهم انت كنت مقعد ملاك مع الينا يابني من طريقة مراتك انها بتعاكس الخدامة المفروض تكون غيرانة وكدا.. 

ملاك بهزار: 

- اغير ايه بس دي البنت تهبل انا كنت بنام على السرير وتف فوق وخالي التفه ترجع على وشي لم كنت بشوفها بس... 

الكل ضحك وام ملاك وابوها حضنوها ملاك واحمد وساره راحوا معاهم وحضنوها كلهم في جو مليان بهجه وفرح.

ادهم كان واقف بيبص عليهم ومن جواه نفسه يحس بالاحساس ده وكان بيقول في نفسه. 

-احساس تلاقي حد يحضنك لم تغيب تلاقي اهل وسند وعزوه عمري مهحس بيها...

.. وهو مش واخد باله لقي حد بيحضنه من ظهره وده كان ياسين ادهم فرح لان صحبه عرف بيفكر في ايه واحساسه في الحظه دي ادهم كان بيشكره من جواه على وقفت ياسين جنب ادهم طول السنين دي بدون مقابل ونعمة الاخ والصاحب السند.. 

وقال في باله: 

- لم تختار  صاحب اختار اللي وقت زعلك يكون جنبك ولو مقولتش هو يكون عارف قبلك، أختار سند للدنيا مش اي صاحب وخلاص الصاحب الجدع اللي تقدر تميل عليه وقت شدتك ومش يسيبك  تقع أبداً..  (ونصيحة من اخت ليكم الوشوش الكذابة كتير لازم تعرف وش صاحبك كويس لانك لو معرفتهوش هتتعب وبدل ميكون سند ليك هيكون سبب تعبك فالدنيا دي..) 

ياسين بضحك :

-ايه ياعم ادهم سايبني انا والواد زهير وانت واقف ناسيتنا. 

ادهم بهزار :

-هو انا مش قولتلكم تعالوا ورايا ليه كل التأخير ده كنتوا بتعملوا أيه. 

ياسين بهزار :

-والا اي حاجه ياسيادة المقدم ده الواد كان عمال يلف علشان يركن تعبني وجوعني. 

-حد جاب سيرة زهير باشا اصل انا سمعت سيرتي في حاجه كدا...

الكل ضحك احمد بضحك:

-مش عارف تركن دانا هشوف لسه والله المفروض انت شغال مع المافيا من سنين ازاي كدا بجد... 

ادهم :

-لاء ده شغل عالي  صحابي وانا عارفه. 

ملاك وهي بتتكلم علشان جاعت ومحدش قلها تعالي نأكلك ومن الفرحه كانت نست جوعها ورجعت افتكرت. 

-ياعااااالم.

الكل بصلها اتخضوا عليها، و كملت ملاك بهزار. 

-إلا محد عزم عليا بسندوتش حتي دانتوا مصدقتوا خلصتو مني است الكل.. 

وضحكت الام وهي بتبص لبنتها :

-عمرك متعقلي قولت اكيد هتعقلي، بس معتش فيه امل خلاص ادهم خد مراتك وارجع يابني الله يعينك.. 

ادهم بهزار: 

- لاء خليهالكم انا برد البضاعة لأهلها.. 

احمد بهزار: 

- والله أبداً يا راجل البضاعة لا ترد وتلا تستبدل وعليك العوض يا ادهم والله... 

ملاك بضحك :

-امل في بيت جوزها ياخفيف ليه نزعجها المهم وكلوني لان الولاد بدؤ يضربوني في بطني شكلهم زي مفجيع... 

وضحكت ضحكتنا كلنا لم بنكون بناقر في حد بنحبه- هقهقهقهق. 

الام بعصبيه :

-والله يابني عزرتك انا السبب اني متوهتكيش وانتي طفلة.. 

ودخلت وهي بتخبط كف على كف وبتضحك. 

ملاك بهزار :

-اضحكي ياست الكل بصوت متكتميهاش، والله ملينا غير بعتشينا...

الكل ضحك على عمايلها ومن جواهم مبسوطين برجوع الروح فالبيت من تاني. 

——————&&

بعد فتره... 

كانت كل العيلة قاعده في وسط  فرح بـ رجوع ملاك وساره واحمد بيضحكوا مع بعض،  وادهم وياسين وزهير مع ابو ملاك، والام كانت قاعده فرحانة برجوع بنتها اللي رجعت الروح للبيت، فجأه سمعوا صوت جرس البيت، قام احمد علشان يفتح الباب شاف نورهان قدامه بصلها بحُب وعيونه بطلع قلوب. 

نورهان كمان كانت بتبصله ومكسوفه فجأه مفرقة الجماعات طبت عليهم وهي بتقول .

-اتنين لمون احج لشجرتين الجوافة دول.. 

نورهان بصت بكسوف ونزلت عيونها للارض من الخجل، وبعدين بصت على ملاك ببكاء وحضنتها جامد ومش عاوزه تسيبها وكمان ملاك حضنتها وهما بيبكوا الاتنين نورها وهي بتشهق من البكاء وبتقول.

-وحشتيني ياكلب البحر وحشتيني يا صاحبي.. 

ملاك بضحك علشان تخليها تضحك :

-وحشتوني وحشتوني وحشتوني ياحج كامل .

نورهان بضحك :

-يابت قولي في مرة كلمه جد علي بعضها مش عارفه هتتغيري امتا خطف واتخطفتي برضوا مفيش فايدة.. 

ادهم من وراهم :

-جد وملاك في كلمة واحده مصدقش دي اول يوم خطفتها بتقولي إنتوا بخله ليه فين الاكل ينفع تخطفوني من غير متعملوا حسابي في الأكل... 

.. كلهُم ضحكوا ملاك بتقول في سرها: 

-ليه الكسفه دي يابن المديقة ليه يا ادهم وربنا لوريك لم نروح يا هولاكو... 

ادهم بخبث :

-بتقولي حاجه ياحببتي. 

ملاك بهزار :

-والا أي حاجه بقول دأنت ميا ميا يا دومي... 

ادهم وهو عارف ملاك بس حب يخلي حسابهُم في البيت بتاعه ادهم بيكلمهم وبيقولهم. 

-سلام إحنا بقى علشان نلحق نوصل لاننا تعبنا بجد من الطيارة.. 

الاب :

-خليكُم هنا يابني صحابك يباتوا مع احمد وانت مع ملاك في أُوضتها. 

ادهم :

-مش هقدر والله لازم اروح بكره للعقيد اللي وكلني بالمُهمة وكمان سايب ابويا لوحده لازم اروحله واطمنه.

الاب:

-ربنا معاك يابني بس خالي بالك من ملاك انا عارف هتحميها من كل حاجه بس إحنا مهما كان اهلها وبنخاف عليها 

روحوا ابطالنا بيتهم وزهير روح هو وياسين واحمد وصل نورهان وكان واقف قدام بيتها وهو بيقول:

- ها مفيش كلمة كدا والا كدا..

نورهان بكسوف:

- احمد بطل بقى...

احمد بضحك:

- يابني انا بتكلم على نياتي مفيش خلي بالك من نفسك ربنا معاك والا انتي كدا دايما تفكيرك شمال علطول بس بيقولوا لو بتفكر في حاجه يبقى ده الصحيح وانتي بتفكري تقوليلي حاجه..

وغمزلها نورهان وهي بتقوله بكسوف:

- احمد انا بشكر ربنا انه جمعني بيك وبحبك قوي..

احمد بحب:

- لولا انه حرام كنت لفيت بيكي دلوقتي وخدتك في حضني بس حرام والله انا عايز اتوز يا سوسو..

نورهان بكسوف:

- باي يا دومي اشوفك بعدين واعقل ها...

احمد بهزار:

- طب متيجي نعلي الجواب ونكتب الكتاب واخطفك زي البت ملاك كدا وغمزلها..

نورهان بكسوف جريت على البيت بتاعها واحمد خد بعضه ورجع بيته.. 

كل ابطالنا ناموا بس كان في منهم فرحان برجوعه لاهله ومنهم فرحان وقلقان في نفس الوقت لان لو فايز هرب مش هيسيب مراته واولاده أبداً، بس حاول يرمي الفكرة وينام لقى اللي بيحضنه ودي كانت ملاك  وكانت نايمه ادهم بصلها وهو بيقول:

- كنت محتاجة بجد شكرا يا اجمل هدية من ربنا..

وبعدين حضنها ونام نوم عميق كأنه أول مرة في حياته ينام براحه كده كأنه نسى العالم كله من حوليه......

ياتري حياتهم هتفضل كده مستقره والا في مشاكل هنعرف ده بالتفصيل في الفصل الجاي اشوفكم يا اجمل متابعين.... 

#بقلمي_داليا_منصور .. 

#الفصل_الرابع_وعشرون 

#ملاك_الحياة

#ملاك_الحياة.. 

#الفصل_الخامس وعشرون 

... بعد مرور اربع شهور كانت ملاك في اول شهرها التاسع وكانت واقفه في المطبخ وهي بتقول. 

-ياربي ادهم نسى يجيبلي فرواولة اعمل ايه انا دلوقتي. 

ادهم من وراها وهو بيحضنها :

-هجيب فراوله ليه وانا عندي واحده اجمل من فراولة العالم. 

ملاك بضحك :

-والله يا حج كامل محد بيثبتني غيرك ههههه. 

ادهم بغمزه :

-اي خدمه المهُم الولاد عاملين أيه.. 

ولمس بطنها وهو بيقول، حبايب بابي عاملين أيه أوعكوا تكونوا مغلبين ماما ابداً اصلي هزعل وهجيب ناس تزعل.. فجأه الولاد ضربوا بطنها ملاك بشتيمه .

-يابن المديقه أنت وهو بقي بتضربوني علشان أبوكم.. وكملت وهي بتمثل انها بتعيط.

- صدق اللي قال الام تحمل وتخلف وتربي وفي الاخر الاب يتنادي على الجاهز.

ادهم بهزار :

-مش ولادي يا اخت إنتي أكيد هيحبوني انا مش أنتي  وفي منهم جينات مني  واحد هدخله شرطه زي والتاني... ولسه مكملش ملاك كملت بهزار. 

-لاء سيبلي انا الطالعه دي لانك اختارت واحد ذيك وانا كما حقي اختار، اما الواد التاني هدخله هندسة زي وزي خاله علشان يكون في مني ومنك ونكون احنا الاتنين حققنا اللي نفسنا فيه.. 

.. وضحكت هي وادهم ادهم بأستغراب :

-ملوكه هو إنتي بتعملي تورته لمين مش حاسه إنك تعبانة وفي شهرك الاخير لازم ترتاحي. 

ملاك :

-البت سارة عيد ميلادها النهارده وكنت بعملها تورته علشان تحتفل بيها فكان لازم اعملها بايدي لاني معرف عني في التورتة معنديش ياما ارحميني . 

ادهم :

-ليه مطلبتيهاش يابنتي اريح. 

ملاك :

-لاء اعملها في البيت افضل بدل مأنا زهقانه كده، وكمان اللي متعرفهوش إني شاطره في عمايل الحلويات. 

ادهم بهزار :

-ربنا يسترها علينا هو إنتي قولتي عيد ميلادها النهارده ياخوفي يكون عيد ميلادها وجنازتها في نفس اليوم انا افضل ماكلش معاكم... وضحك. 

ملاك بعصبية: 

-انت مش هتاكل منها ويالا خد بعضك واطلع من المطبخ مش عايزة حد معايا خالص اخرج لو سمحت... وهي بتزقه بره المطبخ وادهم بيضحك على أخره وهو بيقولولها.

-ايوه كده بحبك ياحمر انت لم تتنرفز.

ملاك بكسوف:

-ادهم بطل بقى ويالا أخرج وسيبني أكمل زمان أحمد جاي هو وماما وبابا وجايبين معاهم ساره.

خرج أدهم وطلع أوضته هو وملاك علشان يلبس ويجهز نفسه للحفلة وساب المجنونة لوحدها في المطبخ بتجهزلهم المفاجأه .

————&&&

عند ساره وأحمد.

-يابني انا زهقت منك ومن ملاك البت دي المفروض تعقل ونسيبها من المشاكل دي، طالما أدهم بيغير عليها بتستفزه ليه وتكلم حد غريب وفي الأخر تقولنا الحقوني أدهم هيعلقني البنت دي هتجنتي هتبقي ام إزاي بأم عقلها ده انا المرة دي هقف مع ادهم واسيب البت دي.. 

احمد كان واقف  وبيبص  لـ ساره ومش قادر يتكلم مين بيقول على مين مش مسؤل ملاك اعقل من ساره .

ساره بضحك:

-ماتبصليش كنت بهزر وبشوف رد فعلك دانا اجن من ملاك نفسها بس ميزعلش اختي وايه يعني كلمت في التليفون بتشوف غيرته عليها يا راجل... 

وضحكت ضحكتها إلي تغيظ أي حد:

- هيهاهاهاها.

احمد وهو بيبص ليها بقرف وبيقول:

-خلصتي يلا بقي نروح للمصيبة التانية الهم طولك يا روح من الأتنين دول بجد هيجننوني مش عارف ليه مفيش حد خطف قلبك وخلصنى منك خالص ليه... 

ساره:

-يالا بينا يا ذمكس وكمان محدش يقدر يخطفني منك يابو احميد يا غالي... 

احمد وهو مستعجب على ساره وبيقولها.

-بزمتك دي ملافظ واحده كانت عايشه بره مصر ايه يابنتي انا كده معتبش على ملاك اختي البريئة اللي مفيش اعقل منها كدا.. 

ساره بٕـ زهق :

-بقولك أيه ياحمودي متفكك مني وكمان مش انا مكتوبه في الطاقه مصرية يبقي لازم اتكلم الغه علي حق مستعرش من لغة المصرين العظماء..

.. ورفعت راسها فوق كده كأنها أحد ملوك والا حاجه وكملت بضحك: 

- ويلا بقي نروح للمصيبة التانية زي مقولت وعلى فكره هقولها انك بتمدح فيها وهي هتشعلقنا لانها مش بتوثق في كلامك خالص... 

احمد بصدمه: 

-فكك ومصرين عظماء دول لو سمعوا الكلمة منك هيشيلوكي من السجل المدني خالص، المهم يلا بقي اتأخرنا وهنكمل كلامنها في الطريق.

سار ضحكت وشبكت أيديها في أيده وهي بتقول:

-اشطات يلا بينا يا حمودي يا جامد... 

خرج احمد وساره وفي طريقهم عند ملاك...

——————&&&

في قصر أدهم...

دخلت ساره وأحمد ولقت البيت فاضي ومفيش

نور الا خفيف خالص .

ساره باستغراب:

-امال البت ملاك فين الا يكون أدهم خلص عليها من

عمايلها السوده.

ملاك من وراها: 

-بقي أنا عمايلي سودة يـ ساره صدقي بالله أنتي متستاهلي المفجأه اللي عملهالك يا دزمة اخص عليكي... 

فـ جأه النور جيه وظهروا كلهُم والبلالين وتورته وأم ملاك ونورهان وأم نورهان خطيبت اخوها، وصحاب ادهم ياسين وزهير، وأحمد كان واقف مش قادر يمسك نفسه من الضحك بسبب كلام ساره ووش ملاك الغضبان، ملاك وهي بتبص ليه بغضب وبتقول:

-اضحك اضحك متكتمهاش اصلي استاهل ضرب الجزمة اني عبرت واحدة شبه البت دي أصلاً.

احمد كأنه مصدق وضحك على اخره وهو بيقول :

-والله ياملوكه البنت دي متساهل،  أحنا عمليلها المفجأه دي وفي الأخر تشتم وعماله تقول عليكي كلام من بدري وانا ساكتلها كمان.. 

ساره بخوف :

-طبعا لو حلفتلك من هنا لبكره مش  هتصدقي.

ملاك بهزار: 

- هصدق من غير متحلفي انتي واحدة بياعة أصلاً.. 

قعدوا فترة عبال مصالحت ملاك وضحكوا واحتفلوا في جو حلو اوي وكلهم كانوا فرحانين،  بس كان في منهم قلبه بيدق أول مـ يشوفها وغيران من هزار أحمد مع ساره جدا بالرغم انه مشفهاش كتير غير مرتين بس جواه حاجه بتقوله لاء متهزرش ... 

احمد وهو بيضرب سارة على راسها ويقول: 

- بت بطلي اكل من التورته هاتيلي حته ابت ايه الطفاسة دي  ... 

عند ملاك فاجأه حست بوجع جامد ومتعرفش سببه بس حاولت تستحمل علشان متخلهُمش يدايقوا أو يخافوا، حاولت تتحمل شويه بس جسمها كان بيعرف جامد وعيونها أحمرت وفجأه حست لحاجه زي ميا كده نزلت منها بكميه فصرخت من الوجع .

أدهم وبقيت العيلة مكنوش مركزين مع ملاك خالص بسبب سارة ومشاغبتها وكلامها الي بيخالي الكل يضحك وغيرة بعضهُم  ومناقرتها مع احمد بس كلهُم سمعوا صوت ملاك وهي بتصرخ وبتقول..

-ااااه 

#استووووب تارى ايه هيحصل مع ملاك؟ وياترى مين المعجب السري مين اللي هيخمن صح؟ اتفاعلوا علشان مبقاش حلقات كتير على الجزء الاول ويخلص... 

#داليا منصور الفرجاني..  @

#الفصل الخامس وعشرون.. 

#ملاك الحياة

تكملة الرواية من هنااااااا