رواية ملاك الحياة الفصل العشرون 20بقلم داليا منصور حصريه في مدونة قصر الروايات

 رواية ملاك الحياة الفصل العشرون 20بقلم داليا منصور حصريه في مدونة قصر الروايات 

رواية ملاك الحياة الفصل العشرون 20بقلم داليا منصور حصريه في مدونة قصر الروايات 

#الفصل العشرون... 

ادهم بعصبية: 

-مفيش رجوع لمصر هتعيشي وتموتي هنا، وأخر كلام عندي...

وسابها ومشي وملاك من القهر قعدت تبكي جامد وقدت على الارض وقلبها بيتقطع ميت حته بسبب الكلام إلي قاله أدهم ومن جواها بتدعي علشان ترجع لأهلها ة، عاوزه تحس بحنان أهلها عليها من تاني تعبت من إلي بيحصلها هي حامل ولو فضلت كده هتتعب وممكن يحصل لولادها حاجه..

قالت بحزن:

- انا مستحيل اسمحله يحبسنس هنا ومش هسامحه فيها انا لازم امشي منوهنا بأي طريقة حتى لو هبلغ عنه او هعمل ايحاجهفيه المهم ارجع لأهلي بأي طريقة...

إلينا شافتها قاعده على الارض جريت قومتها ودخلتها أُوضتها وهي خايفه عليها، متستغربوش سعات الروح الحلوه بتحببك في الناس بسرعة لدرجة بتحس آن اللي قدامك بيحبك بالرغم إنك لسه عارفه قريب، وده اللي حصل مع إلينا، من حبها لـ ملاك وروحها الحلوه، قربت منها ومش كده بس لاء دي بدأت تتعلم لغتها ومقالتش لحد... 

الينا بصعوبة وهي بتنطق لغت ملام : 

- مدام ملاك محتاجة حاجه مني اعملهالك.. 

ملاك بصت عليها بصدمة ووقفت بكاء وهي بتقول: 

- ايه ده الأجانب عرفوا لغتي يولاد بس رغم انك بتقوليها بلهجة غريبة وصاعبة عليكي بس انا هعلمك وهخليكي صحبتي الأنتيخ كمان.. 

وضحكت الينا بصت عليها بصدمة وهي مستغربه تغير ملاك بالسرعة دي للدرجادي مزاجها متغير وملاك كملت كلم وهي بتقول.. 

- تعرفي يا دينا انا حبيتك زي اختي واكتر هحكيلك على علاقتي بـ هولاكو ده، انا كنت غلبانة ومسكينة وحنينة بس هو جه خطفني وعزبني وانا مليش ذنب في ده يرضيكي يا دينا يا صاحبتي..

الينا مش فاهمه عليها حست انها تهز راسها بلاء احسن.. 

ملاك بفرحة: 

- شوفتي بدأتي تفهمي عليا هنعمل شغل جنان مع بعض يا دينا والله... 

الينا مكنتش فاهمة بس طبطبت عليها وخرجت تكمل شغلها ملاك وهي قاعدة تفكر: 

- بفكر اعلمها اسكندراني والا قهراوي والا في ايه يا ملاك انتي أصلاً محلتكيش غير لغة واحدة بس سيبك من كل ده انا لازم اهرب بأي طريقة ممكن... 

-------&

عند أهل ملاك. 

الام فتحت الباب واتفاجأت بـ. 

-إي ده سارة حببتي وحضنتها جامد وهي بتقولها ، وحشيني ياقلب خالتك كل دي غيبه يا سوسو.

ساره بحب :

-هو أنا أقدر يا قلب سوسو، بس أعمل أي الشغل بتاعي مبهدلني وكمان بسبب أنا دكتورة نسا شاطره العياده مش بتفضى أبداً فمش بيكون عندي وقت اسيبها أنا سعات ببات فيها أصلا اتبهدلت في أم الشغلانة دي والله.. 

ام ملاك بحب :

-ربنا يزيدك يابنتي يارب وكمان حاولي توظفي معاكي دكتورة لزوم المساعدة.. 

سارة بتنهيده: 

- فكرك محاولتش يا خالتي بس مفيش دكتورة قابلة تشتغل ليلي خالص الكل عاوزها بالنهار بس.. 

ساره شافت ابو ملاك:

- ايه ده ايه ده ايه الجمال ده، بقي بابا بجلالة قدره، قاعد وقدامي بنفسه.. 

وضحكت وحضنته مدحت بحب :

-حبيبت قلبي وحشتيني كل دي غيبه يا قلب أبوكي ؟.....

سارة بمناغشة: 

-اعمل ايه يعني يـ بابا غصب عني بس أنا كنت بكلمكم لم بفضى بس اخدت اجازه شهر كامل علشان خاطركم وخاطر ملوكه كمان دي زمانها هتفرح جداً لم تشوفني، هي اللي فضلت تزن وتزن علشان تخليني أنزل بس هي فين يـ ماما مش شيفاها خالص استقبلتني تكونش خلصتي عليها يا ماما وانا كدا هقعد من غيرها... 

الام بزعل :

-مش لم نشوفها إحنا الأول يابنتي دانا امنيتي اشوف بنتي قدامي خايفة عليها قوي 

ساره باستغراب وقلق في نفس الوقت :

-مش فاهمه قصدك ايه بـ لما تشوفوها الاول ليه ملاك راحت فين يا ماما . 

الام وهي بتوه الكلام :

-ادخلي يابنتي الاول علشان المشوار كبير عليكي غيري هدومك وناميلك شوية هكون انا جهزت الاكل علشان تاكلي زمانك يا حبت عيني تعبانة..

وربتت على ضهرها وهي بتدخلها وجواها نار عاوزه تبكي من فراق بنتها بس حاولت تتماسك قدام سارة لأنها عارفه إنها بتحبها جدا ومتقدرش لو عرفت بـ غياب ملاك عنهم وجوازها وكل اللي حصل هتزعل إننا مقولنلهاش سارة بعد مدخلت وغيرت هدومها وخرجت قالت بسؤال .

-أمال احمد فين واحشني جداً ابن الأيه مكلمنيش من ساعة مخطب خلاص من لقى احبابه نسى اخواته.. 

أحمد وهو بيدخل من باب الشقة :

- حد بينادي عليا والا ده عفريت بيسأل عليا . 

ساره بفرح قامت جري حضنت أحمد وهي بتقول .

-وحشتني ياكبير بقي ياراجل كل الغيبة دي ومترنش عليا والا المزة خدتك مننا خلاص. 

احمد وهو بيمسك خدودها بين إيديه وبيقولها .

-يابت مأنا بكلمك كل يوم عاوزه إيه تاني سيبي شويه ليها أكلمها بيهم والاوهي حرام عليها..

وضحك ساره بضحك :

-دأنت والعة معاك بقى مش زينا سناجل بائسين أنا والبت ملاك هي فين علشان نقعد على جنب ونحزن زي بعض. 

احمد بضحك ومخدش باله من الكلام :

-هههه سناجل إيه دي ملاك سبقتنا وخلعت انا وانتي اللي نحط ادينا على خدنا وياةقلب لا تحزن.. 

الام بعصبية:

- أحمد حس إنه بهدل الدنيا ساره بصتلهم وهي مش فاهمة وعاوزه تفهم في ايه .

الام بزعل :

-أنا هقولك يابنتي وحكتلها كل حاجة حصلت الفترة الاخيره وسارة بتسمع بصدمة ومش مستوعبه. 

الام :

وبس كل ده اللي حصل ومن يومها مشوفتش بنتي قلبي واكلني عليها، أحمد بيقول جوزها بيعاملها حلو بس أنا كأم عاوزه أطمن عليها، اشوفها قدامي بخير والا لاء.... وبكت بحرقه، ساره وهي لتبكي قامت حضنتها وهي بتقول. 

-متزعليش يـ ماما أكيد هنشوفها، بس اللي مزعلني منكم ملاك غايبه اكتر من اربع شهور ومتقُلوش ليا حتي أنزل والا حتي تعرفوني هو أنا مش بنتكم زي ملاك وأحمد.

أحمد وهو بياخدها في حضنه :

-دأنتي أحسن مننا كمان عندهم بس مقدرناش نقولك كنتي هتسيبي كل حاجة وتنزلي، وأنتي تعبتي علشان توصلي مقدرناش نبهدلك معانا ونضيع حلمك.

ساره ببكاء :

-تغور كل حاجة علشان خاطركم وخاطر ملاك إنتوا أخواتي يـ أحمد .

أحمد وهو بيحاول يخفف الوضع ويهزر :

-ياختي عارف مأنتي كُنتي قرفاني حتي لم كُنا أطفال كُنتي واخده كل البن ومش بتسبيلي حاجه طفسه من يومك وانا مولود بين اتنين مفاجيع والله... 

ساره بعد مكانت بتبكي ضحكت وهي بتقول :

-اي ده حتي في دي باصصلي ياض اعقل مأنت طويل وأهبل كده وكمان ماما راضية انت مالك مش فاهمه.. 

أحمد يصدمة :

-أنا أهبل يـ ساره وحيات أُمي لوريكي...

وجري وراها وهي بتجري من الخوف وبتقول بشجاعه مزيفه .

-مش هتقدر تمسكني بابا ماما ألحقوني. 

الاب وهو بيضحك :

-خلاض بقي يـ أحمد أعقل مش كده. 

أحمد بهزار :

-ولو لازم اعلمها تحترم الاطول منها والأكبر كمان.. 

ساره بهزار :

-ياخي أتلهي دأنا أكبر منك بأسبوع. 

احمد بضحك :

-نرجع للبطاقه مين أكبر أنا يـ حببتي مش كده، وكمان فيه دكتوره محترمه بتسافر بره وبتتكلم بكذا لغه تقول اتلهي. 

ساره بضحك :

-بتفكرني ليه يـ برعي وكمان الغه المصريه هي الاصل والباقي كلوا عناب ياه نفسي اكل كباب... 

كلهم ضحكوا.

- تعالوا بقي أعرفكم على ساره عارفه كلكم بتقرؤ مش فاهمين تعالوا افهمكم الاول عم مدحت ده أسمه مدحت أبراهيم الديب، وساره محمد إبراهيم الديب بتكون بنت أخو مدحت، لم أتولدت بيوم بسبب مشاكل صحيه لوالدتها اتوفت علطول وبسبب حب أبوها لأمها أتوفى بعديها بشهر بسبب حزنه عليها، وفي الفتره دي .... 

« فلاش باك..»

مدحت وهو داخل من باب البيت وشايل طفلة لسه مولودة قال:

-  ام احمد انتي فين...

- انا هنا يا مدحت تعالى لنيم احمد وخارجة..

مدحت دخل عليها بـ سارة وهو بيقول:

- امانة عليكي خالي بالك من سارة بنت اخويا عبال مخلص اجرأت الدفنة...

ام ملاك بصت عليها بشفقة وهي بتقول:

- ياحبت عيني دي صغيره خالص لسه وعاوزة تاكل..

مدحت بحزن :

- رضعيها مع احمد عبال مشوفلها اي حد يرضعها... 

- عيب تقول كدا يا مدحت سارة بنتي زي احمد بالظبط ليه يعني معنديش قلب علشان احس بالطقلة دي كفاية هي بنت اخوك.. 

ساره أكبر من أحمد بأسبوع واتكتب قبليها لان ساره مكنش ابوها في حالة تسمح ليه يكتبها ام احمد بقت ترضعها مع ابنها وبقت اخته في الرضاعة وكمان بنت عمه واتربت معاهم وبعدها باسبوعين اتوفى اخوه وقرر يربيها.... 

«نرجع..» 

سارة بهزار: 

- بقولك ايه يا حمودي متيجي نلعب بالألعا الفديوا ونسيب الحاج والحاجة مع بعضهم.. 

مدحت بحب: 

- انا قولت انك الوحيدة اللي بتنصريني على جوز اللي هادمين الزات ومفرقين الجماعات دول... 

احمد بهزار: 

- انسي مش هسيبهم لوحدهم أبداً... 

----—-——---------

عند ملاك ..

وهي بتفتح عيونها بعد مـ نامت وهي بتبكي بغظ مفتكرت اللي حصل مهاها بعد الينا مخرجت عيونها وارمه جدا وحمره، قامت وهي ماسكه بطنها لان فيها نسبة وجع والولاد بيضربوها في بطنها جامد وهي واقفه بتتكلم مع ولادها كأنهم قدامها. 

-يعني هلقيها منكم والا من أبوكم والله شكلكم هتكونوا معاه وتسبوني لوحدي مأنا من حظي حامل في توأم ولاد مش بنات، يعني ولاد أبوهم صح بس لو تقفو مع ابوكم ضدي هعلمكم الادب.

ادهم سمعها وهي بتتكلم مع الولاد كان داخل بالصدفه وقلبه وجعه عليها بس ده غصب عنه غيرته عليها مخلتهوش شايف قدامه وكلام زهير خلاه اتجنن أكتر لم قاله هاخدها منك، كان نفسه يخلص عليه فخرج عصبيته كلها على ملاك علشان هي اللي كانت واقفه، دخل أدهم الأوضه وملاك كانت لسه بتكلم ولادها اول مشافته بصت النحية التانيه وخدت هدومها ودخلت الحمام.

ادهم: 

- عاملة نفسها زعلانة بس هي قمر في جميع حلاتها كدا كدا.. 

بعد فترة خرجت ملاك من الحمام كانت لابسه بجامه بينك من الستان، ومخلياها كيوته جداً، مع طول شعرها إلي نازل منه ميا ونفخة بطنها البسيطة بسبب الحمل كانت جميله جداً، ادهم بصلها بحب وشوق في نفس الوقت بس أفتكر كلامه معاها وعرف عمرها مهتسامحه، فضل مركز معاها وشافها وهي بتنزل قال في باله. 

-دي هتنزل بالجمال ده تحت حتي لو إلينا هتشوفها وهي بنت زيها بس محدش يشوفها كده غيري وقال بغيرة .

-هو إنتي رايحه فين على كدا يا ستوهانم بالهدوم دي 

ملاك وهي مش بتبصله :

-نازله اكل او اشوف إلينا تعملي حاجه أكلها ولادي جعانين والا استأذن منم قبل ماكل كمان.. 

ادهم بغيرة واضحة :

-اقعدي هنا وانا هجبلك الاكل لغاية عندك بس بلاش تنزلي كدا... 

ملاك بعصبية :

-لاء بقى كده كتير حارمني من أهلي وحارمني من الخروج  وجايبني في بلد غريبه معرفهاش حتي التعامل فيها صعب، مش بتخليني أنزل الجنينة بسبب في حرس تحت حتي النزول في المطبخ مانعني اي إلينا هتاكلني مثلا. 

ادهم جواه :

-انا لو أقدر أخبيكي جوه قلبي ومحدش يشوفك غيري هخبيكي... فاق على صوت ملاك وهي بتنادي عليه بغضب. 

-لاء مش ده الموضوع إنتي حامل ولازم الراحه ليكي خايف عليكي وعلى الولاد.. 

ملاك وهي بتبصله ببرود :

-ومن أمتى الحنية دي بس هحاول اصدقك وادي قعدت اهو.. 

ادهم ببرود :

-ماشي كدا احسن حتى وانتي لتسمعي الكلام كدا افضل...

وخرج علشان يجيبلها أكل وملاك قعدت على السرير وهي مدايقه من اللي بيحصل في حياتها وفجأه جت رسالة على تليفون أدهم، ملاك قامت تشوف في اي لقت تليفون أدهم فرحت إنه سابه علشان ترن على أهلها وتسمع صوتهم ،ملاك وهي ماسكه التليفون ولسه بتفتحه شافت إلي صدمها..... 

استووووب... 

ياترى ملاك شافت ايه؟  وهل ادهم عينكشف والا لاء هنعرف ده بالتفصيل في الحلقات القادمة....

تكملة الرواية من هناااااااا