رواية المنتقبه وبيت المنشاوى( الجزء الثاني)الفصل التاسع 9 بقلم هويدا زغلول حصريه في مدونة قصر الروايات

رواية المنتقبه وبيت المنشاوى( الجزء الثاني)الفصل التاسع 9 بقلم هويدا زغلول حصريه في مدونة قصر الروايات

رواية المنتقبه وبيت المنشاوى( الجزء الثاني)الفصل التاسع 9 بقلم هويدا زغلول حصريه في مدونة قصر الروايات

المنتقبه الجميله داخل القصر 

الجزء الثاني 

بقلم هويدا زغلول 

الحلقه التاسعه 

وبعديها فاتن مشيت واعتماد مسكت اله حاده وقربت من رنا 

 وقربت الاله من خد رنا علشان تهجم عليها وتكسر بمناخيرها الارض 

اعتماد 

انت يا بت يا اللي عامله نفسك فيها اموره وجميله ده انا هطلع عينك النهارده جرى  ايه يا حبيبتي شايله لي موبايل وعامله لي ستايل ولا ايه 

رنا بخوف 

هو انا عملت لك حاجه لو سمحت سيبيني في حالي بعد اذن حضرتك ما لكيش دعوه بيا 

اعتماد 

انت بتقولي لي حضرتك اه يا قليله الادب يا سافله ليه بتغلطي فيا هو انا غلطت فيك لا لا الحقوني يا ناس البنت بتقول لي حضرتك شفت القذاره والسفاله اه يا بجحه 

رنا 

كلمه حضرتك دي كلمه كويسه مش كلمه قذره هو انت عاوزه مني ايه وايه اللي انت ماسكه في ايديه كده وعايزه تعملي معايا ايه 

اعتماد 

انا هعمل معاك الجلاشه يا حبيبتي ابي يا بنت بالمناكير اللي معاك وبالمكياج اللي معاكي اللي مخليكي حلوه قوي كده 

رنا 

مكياج ايه ومنيكير ايه صدقيني ما معيش حاجه لو سمحتي ابعدي عني يا دكتور يا دكتور تعالى الحقني 

فاتن 

بقول لك ايه هتنادي يا اختي انا رحت اتكلم مع نفسي عشان اقول لها تيجي وتديك الجمعيه طلعت قليله الادب وبتقول لك ما لكيش عندها جمعيه روحي بقى هاتيها من شعرها

اعتماد 

انا غلطانه ان انا دخلت واحده ما اعرفهاش الجمعيه ده انا لما اشوف نفسك دي هقسمها نصين نرجع لمرجوعنا انت يا بت يا رانا هاتي يا بنت المكياج اللي معاكي ازاي معكيش مكياج يعني انت حلوه كده رباني 

رنا بخوف 

ايوه انا حلوه رباني والله حضرتك انا مش معايا حاجه 

اعتماد بزعيق 

يا نهارك اسود انت تاني هتقولي لي حضرتك ده انت ليلتك يودهغ النهارده بنت يا فاتن شمري ايديك يا بنت واندهي نفسك معاكي علشان ننهي على عمرها النهارده دي بتغلط فيا وبتقول لي حضرتك 

فاتن

يا نهارك اسود يا رنا بتقولي حضرتك عيب كده يا بنتي انتوا اهلك ما ربكيش ولا ايه ما حدش علمك ان الكلمه دي عيب 

رنا 

انا غلطانه ان انا قبلت اقعد هنا وما سمعتش كلام اهلي انا لازم امشي من هنا 

فاتن 

وتمشي من هنا ليه بقى يا حبيبتي شايفانا مجانين ولا مجانين يعني لا بقول لك ايه اعتماد بستك عليها دي ليلتها النهارده بنفسجي 

وبعديها رنا خافت جدا من كلامهم وراحت على الباب وقعدت تخبط جامد جامد والدكتور فتح لها وخرجت على طول وقالت 

رنا 

وديني المدير ابوس ايدك يا دكتور 

وبعديها الدكتور خدها وداها عند المدير وقال 

المدير 

خير يا رنا مش انت اللي مش عاوزه تخرجي من هنا واهلك كل يوم يجوا علشان يخرجوكي وانت مش راضيه عاوزه ايه دلوقتي 

رنا 

كلم حد من اهلي ابوس ايدك يا دكتور انا عاوزه اخرج انا فعلا مش مجنونه انا كنت عاوزه ابعد عن الناس لكن لا لا مش عايزه اقعد مع المجانين دول 

المدير 

طيب يا دكتور وديها عنبر لوحدها عشان ما حدش ياذيها وانا هكلم حد من اهلها يجي يستلمها بكره 

وبعديها الدكتور فعلا كلم جميله وجميله فرحه جدا ان رنا قررت انها تخرج ليهم وتعيش معاهم من تاني وكلمك مراد واتفقت معاه انها تشوفوا المستشفى 

وثاني يوم في المستشفى مروان وجميله نزلوا من السفر وراحوا هناك على طول وقبلوا مراد وقالوا للدكتور 

الدكتور 

اهلا بكم هي فعلا مش عاوزه تقعد هنا تاني وعاوزه تخرج معاكم بس متاسف جدا ما فيش خروج غير لما استاذ مروان يتنازل عن المحضر 

مروان 

وانا فعلا متنازل عن المحضر يا دكتور وان شاء الله رنا هتخرج وتعقل وما تعملش اي حاجه ثاني

مراد 

انا مش عارف اقول لك ايه يا مروان بجد كثر الف خيرك واحد غيرك ما كانش طلعها من المستشفى دي ابدا بس انت انسان محترم وانا اوعدك ان انا هحاول اخليها ما تتدخلش في حياتكم تاني 

مروان 

ما فيش مشكله يا مراد حاول بس ان انت تغير من نفسيتها وتبدا معاها حياه جديده عشان اكيد رنا نفسيتها متدمره دلوقتي 

جميله 

انا هفضل جنب اختي لحد ما هخليها بنفسيه كويسه وان شاء الله نشوف حل في العمليه بتاعتها  وتخلف وتجيب نونو جميل زيها

الدكتور 

تمام يعني افهم من كده ان انتم اتفقتوا 

وبعديها خرجت وحضرت جميله وتاسفت لمروان وقالت لمراد 

رنا 

لو سمحت يا مراد طلقني انا مش عاوزاك تحكم على نفسك بالوحده والتعاسه لان انا مش عايزه انكد عليك في حياتك 

مراد 

اوعي اسمعك تقولي الكلمه دي تاني يلا بينا يا حبيبتي نمشي من هنا ونروح على بيتنا ونبدا مع بعض حياه جديده وانا هستحملك وانا اسف لو فعلا اهملت فيك في اي وقت 

رنا 

ربنا يخليك ليا يا مراد ويخليك ليا يا جميل وشكرا جدا يا مروان فين المنشاوي الصغير وحشني قوي خليه يجي في حضن خالته ما تخافش عليه يا مروان 

مروان 

امسكي يا رنا المنشاوي الصغير انا عارف ان انت بتحبيه وهتحافظي عليه 

وبعديها خدوا رنا وخرجوا من المستشفى

وراحوا على بيت مصطفى واول ما فتح الباب وشاف رنا قصاده ما كانش مصدق نفسه واخدها في حضنه وقعد يعيط ويقول 

مصطفى 

يا حبيبتي يا بنتي حمد لله على سلامتك كثر خيرك يا مروان ربنا يخليك ليا يا جميله يا اجمل جميله في الدنيا 

رنا 

خلاص حبيبي ما تعيطش يا بابا انا جيت اهو ومش هعمل اي حاجه وحشه تاني

مصطفى 

برافو عليك يا رنا يا حبيبتي واهم من كل ده ان انت ترضي بنصيبك وتحمدي ربنا على كل حاجه ربنا بيديها لك 

رنا 

عندك حق يا بابا انا لازم اقرب من ربنا وافوق شويه 

جميله 

الله الله ايه الكلام الجميل ده ايوه كده يا رنا ارجعي رنا الجميله الفرفوشه بتاعه زمان ولا يا حبيبتي وغلاوتك عندي ما هسيبك ابدا لحد ما الاقيك فرحانه 

رنا 

انا فرحانه طول ما انتم جنبي وحواليا ربنا يخليكوا ليا ويخليك ليا يا مراد وشكرا يا مروان انا بجد الدنيا اديتني احلى واجمل اخ في الدنيا وهو انت 

مروان 

اهم حاجه يا رنا ان انت تبداي حياه جميله وكلها ايجابيات مع مراد وحاولي تنزلي شغلي من تاني علشان تشغلي وقتك وما تفكريش في اي حاجه سلبيه 

جميله 

ودلوقتي اقدر اقول لك يا بابا ان انا فرحت قلبك اهو وبنتك رنا بقت في حضنك لازم نروح دلوقتي عشان احنا سايبينهم بقى لنا يومين وبصراحه ما وحشوني قوي 

مصطفى 

مع السلامه يا جميل وربنا يهدي سرك يا بنتي ودايما فرحانه انت وجوزك وسعيده يا رب 

وبعديها جميله ومروان روحوا الفيلا واول ما راحوا سمر كانت زعلانه واول ما شافت مروان قالت له 

سمر 

اوعى يا واد يا ابو قلبي جامد يا قاسي اوعى تكلمني انا اكلمك في التليفون وما تردش عليا ماشي ماشي 

مروان 

في ايه يا ست الكل ما تزعليش مني صدقيني انا كنت مش سامع التليفون وفي حاجات كثير حصلت في السفر واولها ان احنا خرجنا رنا من المستشفى عشان كده ما كنتش فاضي 

سمر 

برده زعلانه منك اوعى تكلمني امشي من هنا يا واد 

جميله 

حقك علي انا يا حماتي هو فعلا ما كانش سامع التليفون عشان انا كنت مطلعه عينه في السفر ويستاهل 

سمر 

من حكايه يستاهل هو فعلا يستاهل الضرب على دماغه كمان 

مروان 

انا ما اقدرش على زعلك يا ست الكل قولي لي بقى كنت عاوزاني في ايه ما انت عارفاني انت كل حياتي وما اقدرش اعيش من غير دعواتك 

سمر 

اه يا بكاش دايما كده بتقول كلام وبتعمل عكس على العموم انا خايفه من رد فعلك انا امبارح جالي عريس دكتور عزمي وبصراحه اتخطبني

جميله

بجد يا حماتي فرحتيني قوي قوي الف مبروك يا حبيبتي وليه خايفه من رد فعل مروان من حقك طبعا ان تبداي حياه جديده بس بالنسبه لعم كريم عملت ايه 

سمر 

بصراحه كده جدك المنشاوي خلعني منه انا مش شايفاك فرحان يعني مروان شكلك زعلت صح انا ممكن اقول لعزمي لا وافسخ الخطوبه يا حبيبي وافضل عايشه معاك هنا في الفيلا عادي 

مروان 

لا طبعا يا ست الكل انا فرحان بس خايف من رد فعل بابا انت عارفه ان هو لو عرف عمره ما هيسكت ابدا 

جميله

بس ما تزعلش مني يا مروان باباك مسجون هيعرف منين يعني كل الكلام ده 

مروان 

طبعا هيعرف ان مراته خلعته هو اه مسجون لكن طبعا هيعرف كل حاجه 

سمر 

ما تخوفنيش بقى يا مروان الله يخليك ان شاء الله خير وما فيش حاجه هتحصل وخلاص انا خلعت باباك وخلصت منه انا اصلا ما كنتش ناويه اعيش معاه

مروان خد سمر في حضنه وقال لها 

مروان 

على العموم يا ست الكل انا فرحان جدا ليكي ويا رب تعيشي دايما سعيده ودكتوره عزمي ده شكله انسان محترم 

سمر بفرحه 

بجد يا مروان انت بجد فرحان ربنا يخليك ليا يا حبيبي ويجعلك سعيد دايما يا رب 

جميله 

الف مبروك يا حماتي ولا بلاش كلمه حماتي بقى عشان ما تزعليش مش عاوزه اكبرك في السن عشان عريسك ما يزعلش 

سمر 

انت تقولي اللي انت عايزاه يا جميله يا روح قلبي وحشتوني قوي يا اولاد اوعوا وتسيبوا الفيلا وتمشوا تاني الفيلا كانت من غيركم وحشه قوي 

مروان بزعل 

انت اللي بعد ما تتجوزي وتمشي يا ماما الفيلا هتكون من غيرك اوحش

سمر 

ما تخافش يا حبيبي انا اتفقت مع عزمي ان هو يجيب لي فيلا جنبكم هنا علشان كل يوم اشوفكم واجي اقعد معاكم 

وفي الوقت ده سماح جت وقالت 

سماح 

يادي النيله السوداء هو انت كمان بعد ما تتجوزي وتمشي هاتي كل يوم وتقعدي معانا لا بقى هو انا جوزتك عشان تمشي تجيبيه وتيجي 

سمر 

بصي مهما عملتي برده مش هزعل منك عشان احنا بقينا اصحاب فين بقى يا حبايبي الست كتكوته وام حزمبل وفوزيه القرعه 

 جميله 

يا سلام يا سلام سبحان مغير الاحوال بقى دلوقتي الست كتكوته وام حزمبل وفوزيه القرعه بقوا حبايبك يا حماتي ده انت كنت الاول بتشوفيهم بتتعصبي عليهم وبتزعقي 

سمر 

انا فعلا كنت غلطانه جدا يا جميله دي حقيقه معدن الناس ما بيبانش غير في وقت الحاجه وفعلا الناس دي طلعت ناس اصيله وكويسه جدا ومعدنها اصيل 

سماح 

طبعا يا حبيبتي هو انت فاكراني بعرف اي ناس ولا ايه زيك كده كل الناس اللي عارفاهم ناس نص كم 

سمر 

ما خلاص بقى يا موحه هو احنا مش بقينا اصحاب ولا انت اللي عاوزه تزعليني منك ثاني 

سماح 

يا اختي ولا ازعلك مني ولا تزعليني منك انا رايحه اشوف صبري حبيبي اطمن عليه وبعد كده اروح اشوف مشروعي انا بقيت مراه عامله وبقيت سيده اعمال مشهور والمشروع بتاعي هيكسر الدنيا 

مروان 

لا لا يا جميله احنا كده فاتنا كتير جدا مشروع ايه هي مدام سماح اللي بتتكلمي عليه هو انت هتعملي مشروع هنا في الفيلا 

سماح 

طبعا يا حبيبي ده هيكون احلى مشروع ولا ايه اكلك البيتي مع سماح كل وانت مطمن

جميله 

يا سلام يا سلام لا بقول لك ايه يا مروان يلا انا وانت ننسحب في هدوء وناخد ابننا ونطلع على اوضتنا علشان لو مسكوا في بعض ولا ضربوا بعض احنا ما حدش يزعل مننا 

وبعديها مروان وجميله طلعوا على اوضتهم وجيران سماح جم وقعدوا حطوا بوتاجاز وفرن في الجنينه وجابوا الخضار وبداوا يقعدوا ويجهزوا الاكل وسماح قالت 

سماح 

اهلا بيكم يا جراني ويا حبايبي بقول لكم ايه يلا بسرعه قوروا بتنجان ويا انت يا كتكوته قمعي الباميه عايزه اعمل طواجن النهارده وافرقها على الجيران ببلاش بعمل لنفسي دعايه يعني اكيد فاهميني 

سمر 

برافو عليك يا موحه انت فعلا عقلك يوزن بلد بس يا ترى مين اللي هيوزع على الجيران بقى الاكل البيتي الجميل ده 

سماح 

وانت بتعملي ايه يا سموره انت يا حبيبتي اللي هتركبي العجله وتوزعي يا عين امك وما تخافيش هعمل لك يوميه 75 جنيه بحالها زيك زي جيراني بالضبط 

سمر 

يا نهار ابيض 75 جنيه مش عارفه اقول ايه لكرمك بصراحه انا فعلا كان ناقصني المبلغ ده وما كنتش عارفه اجيبه منين 

سماح 

نعم يا اختي انت بتتريقي عليا لا بقول لك ايه هو انت علشان هتتخطبي للدكتور هتشوفي نفسك عليا ولا ايه هتشتغلي معايا اشتغلي مش هتشتغلي اطلعي على اوضتك وابعدي عننا احنا ناس شقيايه وتعبانه 

سمر 

انا بقول كده برده عن اذنك اروح اكلم خطيبي وانتم بقى اما اقعد باميه براحتكم وقطعوا البصل براحتكم اصل انا عيني بتوجعني من البصل 

ام حزمبل 

سلامتك يا ام حسن من العين ومن الحسد يا سلام يا سلام هو ده الحب يا ناس في الاخر جالها دكتور هيهنيها ويسعدها مش انا جوزي مسعد الاقرع ابو كرش اللي بيقعد طول الليل يشخر 

فوزيه القرعه 

والنبي ما تقلبي عليا المواجع يا ام حازمبل يا اختي انا بقى جوزي المرسي كاك وجع في بطنه

طول الليل قاعد وعمال ياكل الاخضر واليابس ما بيسيبش حاجه ابدا والعيال يا قلب امهم جعانين انا عارفه يا اختي ايه الرجاله دي 

كتكوته 

انا بقى الحمد لله مطلقه ومش عاوزه حاجه من حد ومش عايزه ولا راجل ولا عيل العيشه الحره جميله يا ولاد 

سماح 

في ايه انتوا قلبتوها برنامج الستات ما بيعرفوش يكذبوا ليه ما تهدوا شويه هو في احلى ولا اجمل من شوشو حبيبي هو اللي جه وعوض عليا تعب السنين كله

اما في البيت عند رنا كان مراد قاعد جنبها وعمال يفطرها بايديه ويقول لها 

مراد 

يلا يا حبيبتي كل دي كمان عشان خاطري انت خاسه قوي ولازم تتغذى شويه 

رنا 

صدقني يا مراد تعبانه مش قادره اكل كفايه لحد كده يا حبيبي 

مراد بفرحه 

انا بجد فرحان قوي ان انت بقيتي معايا في البيت انا مش مصدق نفسي ما كنتش متخيل ان انت ممكن ترجعي تاني 

رنا 

انا اسفه جدا يا مروه على كل اللي انت مريت بيه انت وبابا واختي بجد انا متاسفه جدا انا مش عارفه انا ازاي كنت انانيه قوي كده 

مراد 

خلاص بقى يا رنا اللي عدى عدى يا حبيبتي لازم نفكر في اللي جاي ولازم نعدل من نفسيتك شويه علشان ما تتعبيش مني ثاني وليكي عليا ان انا اهتم بيكي ومهملكيش ابدا وانا اسف انا كمان لو زعلتك في يوم من الايام 

اما في اوضه سمر كلمت عزمي في التليفون وقالت له 

سمر 

ازيك يا عزمي عامل ايه 

عزمي 

دي احلى مره اسمع فيها اسمي بالطريقه الحلوه دي قوليها تاني يا ست الكل يا ست البنات يا اجمل الجميلات 

سمر 

لا لا انا مش قد الدلع ده كله بقول لك ايه خف شويه في الدلع ده لك عندي خبر جميل جدا هيفرحك زي ما فرحني بالضبط 

عزمي 

قول يا ست البنات وفرحيني 

سمر 

مروان ابني وجميله مراته رجعوا من السفر وقلت له ان انا اتخطبت اه في الاول زعل شويه لكن بعد كده فرح وقال لي الف مبروك يعني كده خلاص ما بقاش في اي عقبه في جوازنا يا حبيبي 

عزمي 

وفعلا ده احلى خبر سمعته النهارده اهم حاجه ان انت تكوني فرحانه وسعيده يا حبيبتي 

سمر 

انت العوض يا عزمي انت بجد ما تعرفش انا عشت ازاي وكنت عايشه اتعس ايام حياتي الحمد لله على العوض اللي جالي 

عزمي 

ربنا يقدرني يا حبيبتي واسعدك واخليك فرحانه طول حياتك وطول عمرك يا عمري 

اما عند سماح وجيرانها خلصوا الاكل وبيعبوه في الطواجن علشان يوزعوه على الجيران ويعملوا دعايه  سماح قالت 

سماح 

يلا يا فوزيه روحي انت وكتكوته ووزعوا الاكل على الجيران جار جار وانتم بتوزعوه قولوا لهم الجمله دي الاكل البيتي من عند موحه الشاطره حاجه ثانيه خالص 

فوزيه 

من عين الاثنين يا ست الكل ان شاء الله يكون فاتحه خير عليك والكل يسترزق 

ام حازمبل 

والله ده انا فرحانه قوي الحمد لله عملنا مشروع وهنكسب منه زغرتي يا اللي ما انتش غرمانه حاجه 

كتكوته 

لولولولولى 

وفي الوقت ده سمر بصت من البلكونه وقالت 

سمر 

بدل الست كتكوته زغرطت يبقى انتم كده خلصتوا الاوردرات بليز يا مدام سماح سيبي لي طاجن الباميه اذوقه اصل انا بحبها قوي 

سماح 

والنبي ما يحصل هو انت مديتي ايدك في حاجه يا اختي عملت لنا فيها هانم وما رضيتيش تمدي ايدك في حاجه خلي بقى خطيبك ينفعك 

سمر 

كده برده يا موحه متشكره جدا عارفه ان انت جدعه وهصعب عليك وهتسيبي لي برده طاجن الباميه دول اصل انا عارفه ان انت عاملاه وحش وخايفه اذوقه وتتكسفي قصادي 

سماح بتحدي 

هي مين دي اللي عاملاه وحشه طب تعالي يا بنت يا سمر دقي كده وانت هتتهبلي عليه 

سمر بفرحه 

خطتي نجحت 

ايوه طبعا يا ست سماح جايه اهو علشان ادوق واقول لك رايي

والمنشاوي صحي من النوم علشان يروح شركته وسماح اول ما شافته قالت له 

سماح 

ايه يا شوشو يا حبيبي انت رايح الشغل بدري كده طب استنى يا راجل احضر لك لقمه تاكلها هتروح كده على لحم بطنك 

المنشاوي 

انا عندي اجتماع النهارده مهم يا سماح وما ينفعش اتاخر لما نيجي هبقى اتغدى معاكي يا حبيبتي خلي بالك من صبري وخلي بالك من نفسك 

سماح 

انت عمري وحياتي يا شوشو والله ابدا عشان الكلمتين الحلوين دول انا هاجي اوصلك لحد عربيتك يا عينيا 

المنشاوي 

خلاص بقى يا موحه كفايه دلع علشان جيرانك بيبصوا علينا واحنا مش صغيرين على الكلام 

سماح 

قصدك ايه بقى ان احنا مش صغيرين قصدك ان انت خلاص عشان شفت يعني شعرايه بيضاء في شعري فكرتني بقيت كبيره وعجوزه لا يا حبيبي انا لسه صبيه وجميله 

المنشاوي 

انت في عيني اجمل واحده في الدنيا ويلا بقى كفايه كلام حب لحد كده علشان متاخرش على الشركه 

والمنشاوي خرج علشان يركب عربيته وسماح خرجت وراه ولسه هيفتح باب العربيه ويركب جات عربيه سوداء ضخمه كبيره وقفت قصاد الفيلا وخطفت المنشاوي الكبير وركبته العربيه ومشيوا على طول وسماح قعدت تصرخ وتقول 

سماح 

يا لهوي يا لهوي الحقوني يا ناس الحقوني ياهو جوز اتخطف 

وطبعا كلهم راحوا لها على صرخها ومروان قال 

مروان 

ايه اللي انت بتقوليه ده يا مدام سماح جدي ايه اللي يتخطف بقول لك ايه كفايه ظل حد كده اكيد دي مقلب من المقالب بتاعتك صح 

سماح 

مقلب ايه يا مروان انا بتكلم بجد يا اخويا جدك اتخطف يا اخويا عربيه سوداء كبيره وقفت قدام صوت الفيلا ونزل منها واحد لابس قناع على وشه وخد جدك ومشي يا اخويا 

جميله 

يا خبر ابيض ايه اللي حصل ده يا مروان وازاي جدي يتخطف دي مصيبه سوداء 

سمر 

ايه يا جماعه في ايه ايه اللمه دي وبتزعقي ليا مدام سماح ايه اللي حصل 

سماح 

اتخرسي انت خالص يخرب بيتك لبيت خطوبتك انت من ساعه ما اتخطبتي والفقر كله جاء علينا جوزي اتخطف يا اختي 

سمر 

ايه ايه اللي انت بتقوليه ده اكيد بتهزره الحاج منشاوي ازاي يتخطف يا جماعه 

سماح بصريخ 

صدقوني هو انا هكذب عليكم يعني انا شفته بنفسي وهو بيتخطف ما كانش يومك يا راجلي يا مهنيني يا ساعدني يا مفرحني يا مدلعني يا اللي عمري ما شفت منك يوم وحش يا منشاوي يا حبيبي 

ام حازمبل 

اندبي يا اختي اندبي الندب حلو برده في الوقت ده يا حبيبي يا حاج منشاوي يا ساترنا يا ماكلنا يا مشربنا يا مدلعنا من غيرك هيفسحنا 

فوزيه 

كفايه عليكم كده اديني الطريحه يا حبيبي يا منشاوي كنت راجل ولا كل الرجاله لا وكنت انسان محترم كمان دايما التفاح الاحمر ما بيسيبش ثلاجتك ابدا

كتكوته 

يا لهوي يا لهوي يا لهوي يا لهوي 

مروان 

بس بس ايه الكلام الفارغ ده انتوا هتندبوا يلا يا جميله نروح حالا على القسم ونبلغ ونعمل محضر على اللي حصل ده نعرف مين اللي عمل كده في جدي 

وبعديها مروان وجميله راحو والقسم علشان يعملوا محضر بخطف المنشاوي الكبير 

اما سماح وسمر وجيرانها كانوا قاعدين عمالين يندبوا ويعيطوا وزعلانين على خطف المنشاوي 

اما في مخزن بعيد في الصحراء كان قاعد المنشاوي ومربوط ايديه ودخل عليه واحد لابس قناع واول ما شافه قلع القناع والمنشاوي قال بصدمه

المنشاوي 

ايه معقوله انت اللي تخطفني 

وبعد كده حصل .......

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا